Minuti tal-mitejn u disgħa u tmenin laqgħa tal-Kunsill Lokali Xagħra li saret fl-Uffiċċji Amministrattivi tal-Kunsill nhar it-Tlieta, 18 ta’ Ġunju 2013, fil-5.30 p.m. Din hija wkoll is-sbatgħax il-laqgħa tas-sitt leġislatura ta’ dan il-Kunsill.
Il-laqgħa bdiet b’dawn il-membri preżenti-
Sindku : Is-Sur Joseph Cordina Viċi Sindku : Is-Sur Aaron Aġius Kunsilliera : Dr. Christian Żammit Is-Sur Victor Żammit Dr. Joseph Attard Dr. Kevin Cutajar u Is-Sinjorina Maria Grima
Uffi ċċjali Segretarju Is -Sur Mark Formosa Eżekuttiv
TALBA TAL-BIDU, QARI, KONSIDERAZZJONI U APPROVAZZJONI TAL- MINUTI
Intqalet it-talba tal-bidu u wara il-Kunsill approva unanimament il-minuti tal-Laqgħa Numru 288 li saret it-Tlieta, 21 ta’ Mejju 2013 wara li saru l- korrezzjonijiet meħtieġa.
F’dan il-mument il-laqgħa ġiet sospiza fuq talba tas-Sur John Attard f’isem il-Paroċċa tax-Xagħra u tas-Sur Victor Theuma mill-Xagħra Historical Re- anctment Group li xtaqu jiddiskutu xi punti mall-Kunsill. Il-ħin kien is-5:35 pm. Il-laqgħa tal-Kunsill reġgħet bdiet fis-5:40pm.
Punti mqajma mill-Minuti
Il-Viċi Sindku informa lill-Kunsill li saret l-ewwel laqgħa tas-sotto kumitat tal- Monument li ser isir fid-daħla tax-Xagħra. Waqt il-laqgħa saru it-termini u kondizzjonijiet għal minn ikun irrid jitfa’ l-applikazzjoni. Id-deadline hu sat- 22 ta’ Ġunju 2013.
Il-Kunsillier Dr Kevin Cutajar staqsa dwar il-bozza fi sqaq fi Triq Gajdoru. Is- Sindku qal li wara parir tal-avukat il-Kunsill bagħat ittra lill-konguni Sciberras fejn spjega il-posizzjoni tal-Kunsill.
Il-Kunsillier Dr Kevin Cutajar semma ix-xogħolijiet fi Triq Ġnien Imrik ħdejn ir-residenza ta Gabriella Agius.Is-Sindku qal li dan ix-xogħol għandu isir dal waqt mill-ħaddiema tal-Kunsill.
Il-Kunsillier Dr Kevin Cutajar staqsa dwar l-attivitajiet li ser isiru fil-Pjazza Vittorja. Is-Sindku informa lill-Kunsill li l-laqgħa mas-sidien tal-ħwienet tal- Pjazza ser issir nhar is-Sibt 22 ta’ Ġunju fis-2.30pm fl-uffiċini tal-Kunsill.
Il-Kunsillier Dr Kevin Cutajar staqsa dwar l-ilmenti tal-MUESUM minħabba it-traffiku li qiegħed ikun hemm ħdejn il-bini tal-MUESUM. Is-Sindku informa lill-Kunsill li l-Viċi Sindku ser isemmi din il-problema waqt il-laqgħa ta’ kull xahar.
Il-Kunsillier Dr Kevin Cutajar semma il-bexx tas-sigar tal-Palm. Is-Segretarju informa lill-Kunsill li l-kuntrattur qal li ser immur ibexx is-sigar il-ġimgħa id- dieħla.
Il-Kunsillier Dr Kevin Cutajar staqsa dwar ix-xatba li hemm ħdejn il-grawnd tal-futbol. Is-Sindku qal li għandhom jiġu tad-Dipartiment tax-Xogħolijiet biex jirrangaw ix-xatba.
Il-Kunsillier Dr Kevin Cutajar semma l-email mingħand is-segretarja tal- Malta council for the Voluntary Sector. Huwa qal li tkun idea tajba li jiltaqgħu mal-għaqdiet tax-Xagħra. Il-Kunsill qabel li għandna naraw minn hu interessat. Il-Kunsillier Dr Joseph Attard staqsa dwar id-disinn tal-bokka tax-xelter tal- gwerra. Is-Sindku wieġeb li s-Sur Clive Refalo għandu jamenda ftit id-disinn li kien ipprezenta u jipprezentaħ lill-Kunsill.
Il-Kunsillier Dr Joseph Attard semma it-tabella li hemm fi Vjal 8 ta’ Settembru. Is-Sindku qal li il-ħaddiema tal-Kunsill ser imorru biex jaqilgħu il- mappa fil-ġimgħat li gejjin.
Il-Kunsillier Dr Joseph Attard staqsa dwar it-traffic management plan fi Pjazza Sant Anton. Is-Sindku wieġeb li l-Perit tal-Kunsill iltaqa ma uffiċċjali ta-Transport Malta fuq din il-kwistjoni u li ser jagħmel pjanta ġdida.
Il-Kunsillier Dr Joseph Attard semma l-asfaltar ta’ Vjal 8 ta’ Settembru. Is- Sindku qal li inbagħtet talba lill-Ministeru u li irċevejna l-aknowledgment .
Il-Kunsillier Dr Joseph Attard staqsa dwar it-tabella ta no parking fi Triq il- Knisja. Il-Kunsill qabel li din it-tabella għandha teħel fil-qasma ta bejn id-djar tas-Sinjura Fiteni u il-dar ta’ Dun Mickelanġ.
Il-Kunsilliera is-Sinjorina Maria Grima staqsiet dwar id-dustbin li għandu jitwaħħal fi Triq Gorg Cini. Is-Segretarju wieġeb li ser jibgħat il-ħaddiema tal-Kunsill minn l-aktar fis biex iwaħħluħ.
F’dan il-mument il-laqgħa ġiet sospiza fuq talba tas-Sur Martin Bonnici u tas-Sur Joseph Vella mill-Victory Band Club li xtaqu jiddiskutu xi punti mal- Kunsill. Il-ħin kien is-6:10 pm. Il-laqgħa tal-Kunsill reġgħet bdiet fis-6:20pm.
Komunikazzjonijiet tas-Sindku
1. Is-Sindku informa lill-Kunsill li dwar l-applikazzjoni biex niehdu l-fondi taht l-ERDF ghall-bini tac-Centru Civiku is-sitwazzjoni għada l-istess.
2. Dwar it-tenders ta’ Measure 313 is-Sindku qal li l-bord tal- aggudikazzjoni kien studja l-offerti u ħareġ rapport li jirrakomanda li għal tender 3/13 (siti fi Vjal 8 ta’ Settembru u Pjazza Mitħna ta’ Kola) għandu jintagħzel Gatt Tarmac Ltd u għal tender 4/13 (Gajdoru Upper, Gajdoru Lower, Triq il-Knisja u Triq Marsalforn) għandu jintagħzel Joseph Mercieca. Il-Kunsill qabel mar-rapport u ideċċida li għandna nimxu hekk. Peress li l-ammont kwotat minn Gatt Tarmac Ltd kien jeccedi l-budget, ghandna nghidu lit-technical consultant sabiex jiddiskuti mieghu l-possibilita’ li jnaqqas l-ammont.
3. Is-Sindku semma l-organizzjoni tal-Illjieli Sajfin, il-Kunsill qabel li għandha issir laqgħa mas-sidien tan-neġozji tal-Pjazza nhar is-Sibt 22 ta’ Ġunju 2013 fis-2:30pm fl-uffiċċji tal-Kunsill.
4. Dwar il-festival tat-Tin kien hemm persuna waħda li applikat biex tgħin fl-organizzazjoni tal-festival. Il-Kunsilliera is-Sinjura Maria Grima issugerixxit li għandu jsir kumitat li jfassal il-programm u li jieħu ħsieb dan il-festival. Il-Kunsill qabel ma dan.
5. Is-Sindku informa lill-Kunsill li għandna diversi stedini mil-partners fil- proġetti ta Nemo, Diami, il-youth exchange u Ficusnet. Il-Kunsill qabel li għandhom jmorru is-Sinjura Maria Grima u is-Sur Victor Zammit l- Ungerija bħala parti mill-progett tan-Nemo. Il-Viċi Sindku u il- Kunsillier Dr Kevin Cutajar għandhom imorru l-Italja bħala parti mill- progett tal-Ficusnet u għal-youth exchange f’Mergo l-Italia għandu imur il-Kunsillier Dr Joseph Attard u sitt studenti mix-Xagħra. Dwar il- progett tad-Diami u il-gemellag ta San Michele ser niddeċċidu meta jasal l-invit.
6. Dwar l-asfaltar ta Triq Marsalforn is-Sindku informa lill-Kunsill li huwa talab lis-Sur Salvu Bonello biex jagħmel stima dettaljata tax- xogħolijiet ta’ din it-Triq. Skond is-Sur Bonello din it-Triq ser tiġi tiswa madwar €600,000 u fil-PPP is-stima kienet ta €200,000. Is-Sur Bonello issugerixxa li għandna nibdew minn ħdejn il-residenza tas-Sur Joe Sultana sa ħdejn 50 Triq Marsalforn u flok ma jintuzaw katusi tal- plastik biex jilqgħu l-ilma isir culvert maghmul mill-U sections tal- konkos. Wara diskussjoni il-Kunsill qabel li ix-xogħol għndu isir sewwa mill-ewwel u li għandu jinħareġ it-tender għal-U sections tal-Konkos.
7. Is-Sindku qal li it-tender għal-xogħol ta handyman ingħalaq u kien hemm tlett offerti. Il-Kunsill għazel l-irħas offerta, jigifieri dik tas-Sur Joseph Vella u dan għandu jibda mil-ewwel ta’ Lulju 2013.
8. Is-Sindku ippropona u l-Kunsill qabel li bħal ma isir kull sena ghandna norganizza ħarġa għat-Trade Fair għal-anzjani u għal residenti oħra.
9. Dwar l-attivita tas- 7 ta’ Settembru 2013, is-Sindku propona li għandna ngħidu lix-Xagħra Historical Re-anectment Group u nimxu bħas-sena l-oħra. Il-Kunsill qabel li nimxu b’dan il-mod.
10. Is-Sindku informa lill-Kunsill li dwar l-applikazzjoni għal fondi taħt Measure 413 il-perit għandu jagħmel BOQs detalljati. Il-Kunsill qabel li dan isir.
11. Is-Sindku ippropona u l-Kunsill qabel li ghandu jsir DVD ghall-gheluq tal-festi tat-325 sena paroċċa u dan ghandu jsir b’kollaborazzjoni mal- Kumitat tal-Festi. Il-Kunsill qabel ma dan.
Qari tal-Korrispondenza u lmenti mir-residenti
1. Ċirkulari mill-Assoċjazzjoni tal-Kunsilli Lokali dwar l-għażla ta’ sitt żgħażagħ sabiex jieħdu sehem fi proġett tal-Youth In Action li ser isir fir-Repubblika Ċeka bejn l-14 u l-21 ta’ Lulju 2013. Il-Kunsilli Lokali kellhom ċans sal-Ġimgħa 31 ta’ Mejju sabiex jinnominaw xi żgħażagħ mil-lokalita’ tagħna għal din l-inizjattiva. Il-Kunsill innota il-kontenut.
2. E-mail mingħand is-Sur James Carabott, Hospital Planning Manager tal-Isptar San Vinċenz De Paul, dwar programm speċjali li l-Banda San Vinċenz tellgħet nhar il-Ħamis 23 ta’ Mejju bil-għan li tferraħ lir- residenti t’hemmhekk. Il-Kunsill innota il-kontenut.
3. E-mail mingħand Marica Vella Tabone mill-Ministeru għal Għawdex dwar sessjoni li saret fis-sala tal-Ministeru li kienet tittratta l-e- procurement . Għal din il-laqgħa attendew is-Segretarju Eżekuttiv Mark Formosa u l-Assistant Principal Ivan Attard. Il-Kunsill innota il- kontenut.
4. E-mail mill-Customer Care tal-kumpanija Arriva li fiha nfurmat lill- Kunsill li ħadet nota tat-talbiet li għamilna dwar l-installazzjoni ta’ bus shelter ġdida fi Vjal it-Tmienja ta’ Settembru u r-rilokazzjoni tal-bus stop fi Triq l-Għejun. Il-Kunsill iddeċida li l-bus shelter għandu jsir fi Triq il-Ġnien Xibla.
5. E-mail mill-Island Car Club li fiha nfurmat lill-Kunsill li għadhom kemm investew is-somma ta’ € 6000 fi crash barriers fi Triq tal-Qaċċa biex jagħmlu t-triq aktar sikura għall-pubbliku ġenerali. Il-Kunsill innota il- kontenut.
6. E-mail mingħand l-Onorevoli Joe Mizzi, Ministru għall-Infrastruttura u t-Trasport, li fiha informa lill-Kunsill li ħa nota tat-talba li qed jagħmel il-Kunsill f’isem ir-residenti tat-toroq Ġnien Imrik, Sruġ, Kortoll u Knisja biex issir estensjoni tas-servizz tat-trasport pubbliku f’dawn l- inħawi. Il-Kunsill innota il-kontenut.
7. E-mail mingħand l-Awtorita’ Maltija għall-Ambjent u l-Ippjanar (MEPA) li fiha nfurmat lill-Kunsill li l-proċess ta’ konsultazzjoni mal- pubbliku dwar titjib fl-operat tal-istess Awtorita’ ġie estiż sat-Tnejn 10 ta’ Ġunju. Il-Kunsill innota il-kontenut.
8. E-mail mingħand l-Assoċjazzjoni tal-Kunsilli Lokali dwar konferenza li saret nhar il-Ħadd 26 ta’ Mejju f’lukanda ewlenija f’Malta dwar l- inizjattiva tal-Gvern Ċentrali sabiex l-eta’ ta’ min jista’ jivvota fl- elezzjonijiet tal-Kunsilli Lokali tinzel minn tmintax-il sena għal sittax-il sena. Il-Kunsill innota il-kontenut.
9. E-mail mingħand Mariam Sahakyan dwar skambju ta’ zgħazagħ taħt il-proġett Youth In Action li ser isir fl-Armenia bejn l-10 u l-14 ta’ Ġunju 2014. Fil-proġett jistgħu jipparteċipaw erba’ parteċipanti li għandhom bejn 18 u 25 sena flimkien ma’ project leader . Dawk interessati kellhom ċans sat-28 ta’ Mejju biex japplikaw. Il-Kunsill innota il-kontenut.
10. E-mail mingħand Mariam Sahakyan dwar kors ta’ taħriġ li ser isir fl- Armenia bejn it-8 u l-14 ta’ April 2014 bl-isem ‘Youth with media wings’. Il-kors jittratta metodi ta’ kif wieħed jista’ jiġġieled l-isterjotipi billi jiskopri l-mod kif il-mezzi ta’ komunikazzjoni soċjali huma manipulati f’diversi pajjizi madwar id-dinja. Dawk interessati kellhom ċans sad-29 ta’ Mejju biex japplikaw. Il-Kunsill innota il-kontenut.
11. E-mail mingħand Donatello Pisani, CEO u Master Coach tal-Body Forge, dwar l-attivita’ ‘Gozo Wellness Weekend’ li saret bejn il- Ġimgħa 7 u l-Ħadd 9 ta’ Ġunju 2013 bil-għan li jinġabru fondi għal Puttinu Cares. Il-Kunsill innota il-kontenut.
12. E-mail mingħand Mariella Spiteri, telemarketing executive tal-Yellow Pages Malta Limited, biex tinforma lill-Kunsill dwar servizzi addizjonali li l-kumpanija tagħhom toffri biex il-Kunsill ikollu promozzjoni akbar fuq il-kotba li joħorġu. Il-Kunsill innota il-kontenut.
13. Ċirkulari mill-Assoċjazzjoni tal-Kunsilli Lokali dwar laqgħa ta’ konsultazzjoni li saret nhar l-Erbgħa 5 ta’ Ġunju 2013 fejn kulħadd ġie mistieden jagħti l-proposti u l-ideat tiegħu dwar aktar apprezzament u ħarsien tas-siġar f’pajjizna. Il-Kunsill innota il-kontenut.
14. E-mail mingħand is-Sur Manuel Tabone, Direttur fil-Ministeru għal Għawdex, li fiha informa lill-Kunsill li l-Ministeru aċċetta t-talba li għamilna sabiex bejn il-Ħadd 23 ta’ Ġunju u l-Ħadd 22 ta’ Settembru 2013, il-latrini pubbliċi fil-bajja tar-Ramla jibqgħu miftuħa kuljum sal- 11pm għall-benefiċċju tal-viżitaturi. Il-Kunsill innota il-kontenut.
15. Ċirkulari mill-Assoċjazzjoni tal-Kunsilli Lokali dwar l-event EUSEW (European Union Sustainable Energy Week) li ser issir nhar is-Sibt 22 ta’ Ġunju 2013 f’The Point Shopping Complex, tas-Sliema. Il-Kunsill innota il-kontenut.
16. E-mail mill-Ministeru għat-Trasport u l-Infrastruttura dwar laqgħa li l- Onorevoli Ministru Joe Mizzi kellu mal-Kunsilli Lokali Għawdxin nhar il-Ġimgħa 31 ta’ Mejju u li għaliha attenda s-Sindku Joe Cordina. Il- Kunsill innota il-kontenut.
17. E-mail mingħand Cyrus Engerer, is-Segretarju Privat tal-Viċi Prim Ministru Louis Grech, li fiha nforma lill-Kunsill li għadu kemm inħatar il-project selection committee tal-applikazzjonijiet tal-ERDF li ġew sottomessi f’Ottubru li għadda. Il-Kunsill kien applika biex jiffinanzja l- proġett tal-bini taċ-Ċentru Ċiviku. Il-Kunsill innota il-kontenut.
18. Ċirkulari mingħand Dr. Marvin Formosa, Chairperson tal-Kummissjoni Nazzjonali għall-Anzjanita’ Attiva, dwar seminar pubbliku ta’ konsultazzjoni bit-tema ‘Anzjanita’ Attiva: Illum u Għada’ li sar nhar it-Tnejn 10 ta’ Ġunju 2013. Il-Kunsill innota il-kontenut.
19. E-mail mingħand Lili Vasileva, EU Project Coordinator fi ħdan l- Assoċjazzjoni tal-Kunsilli Lokali, dwar proġett bl-isem ‘Smilegov’ li jittratta l-effiċjenza fl-enerġija. L-Assoċjazzjoni qed tistieden lill- Kunsilli Lokali biex jipparteċipaw bħala partners f’dan il-proġett. Il- Kunsill innota il-kontenut.
20. E-mail mingħand Ian Paul Bajada, Segretarju Eżekuttiv tar-Reġjun Għawdex, dwar laqgħa mas-Segretarju Parlamentari l-Onorevoli Jose Herrera nhar il-Ġimgħa 31 ta’ Mejju 2013. Għal din il-laqgħa attenda s-Sindku Joe Cordina. Il-Kunsill innota il-kontenut.
21. E-mail mingħand l-Uffiċċju tal-Prim Ministru dwar kors ‘CDRT Training: The EU Institutions & Structures’ li ser isir nhar l-Erbgħa 19 u l-Ħamis 20 ta’ Ġunju 2013 fl-Oratorju Don Bosco li għalih qed jiġu mistiedna l-iskrivani li qegħdin fi skali 11-16. Il-Kunsill innota il- kontenut.
22. E-mail mingħand is-Segretarju Permanenti tal-Ministeru għal Għawdex dwar patching bil-cold mix ta’ Triq Għajn Ħosna li twassal sal-bajja tar-Ramla l-Ħamra. Peress li din it-triq taqa’ taħt ir- responsabbilita’ tal-Kunsill Lokali tax-Xagħra, il-Ministeru qed jissuġġerixxi li joffri l-makkinarju u l-ħaddiema biex isir dan ix-xogħol filwaqt li l-Kunsill iħallas il-materjal. Il-Kunsill innota il-kontenut.
23. E-mail mingħand Thomas Amundsen dwar iz-zjara ta’ band Norveġiza fix-Xagħra f’Ġunju 2013. Huma qed jitolbu n-no objection tal-Kunsill sabiex din il-band tagħmel programm muzikali fi Triq Bambina quddiem il-Kazin tal-Banda Victory nhar it-Tnejn 24 ta’ Ġunju u Kunċert ieħor f’Misraħ il-Vitorja nhar il-Ħadd 30 ta’ Ġunju wara nofsinhar. Il-Kunsill qabel li jinħareġ no objection.
24. Ittra mingħand Josette Cremona f’isem il-Kumitat Ċelebrazzjonijiet Nazzjonali u Reġjonali fi ħdan il-Ministeru għal Għawdex dwar prezentazzjoni ta’ ktieb bl-isem ‘Is-Sebgħa ta’ Ġunju 1919’ lit-tfal tal- iskejjel primarji Għawdxin. Il-Kunsill innota il-kontenut.
25. E-mail mingħand il-Kunsill ta’ Domus De Maria fl-Italja dwar l- organizazzjoni tal-festival annwali tat-tin li ser isir nhar is-Sibt 29 u l- Ħadd 30 ta’ Ġunju. Huma qed jistiednu lis-Sindku jew lill-Viċi Sindku flimkien ma’ rapprezentant tal-Kunsill Lokali tax-Xagħra biex jipparteċipaw. Il-Kunsill innota il-kontenut, din ġiet diskussa aktar kmieni fil-laqgħa.
26. E-mail mingħand Josef Grech dwar zewġ kotba bl-isem ‘Il-Prinċipji Fundamentali tal-Partit tal-Ħaddiema’ u ‘Malta Ittraduta’ miktuba mill-ex Prim Ministru ta’ Malta, il-Perit Dom Mintoff. Il-Kunsill qabel li jinxtraw żewġ kotba.
27. E-mail mingħand Nicoletta Mestieri li fiha nfurmat lill-Kunsill li l- meeting li jmiss relatat mal-proġett Diami ser isir f’South Ostrobothnia bejn it-Tnejn 2 u l-Ħamis 5 ta’ Settembru 2013. F’isem il-Kunsill iridu jintbagħtu tliet rappreżentanti. Il-Kunsill iddeċida li għandna naraw minn ser jmur aktar il-quddiem.
28. E-mail mingħand Dr. Louise Farrugia dwar study group li jittratta l- finanzjament tal-marine protected areas . Il-Kunsill innota il-kontenut.
29. E-mail mingħand Daniel Tabone, rapprezentant tal-kumpanija Greenpak , dwar il-ġbir tal-ħġieġ mir-residenzi kull l-ewwel Ħamis tax- xahar mit-8.00am ‘il quddiem. Il-Kunsill innota il-kontenut.
30. Kopja ta’ ittra li intbagħatet lill-Ministeru għal Għawdex mis-Sur Joseph G. Mercieca fil-kapaċita’ tiegħu bħala Segretarju tal-Kumitat Festi Esterni Marija Bambina, Xagħra. F’din l-ittra, il-Kumitat Festi Esterni jirreferi għal xogħol ta’ tisbieħ li l-Ministeru għal Għawdex ser jagħmel fil-Pjazza tax-Xagħra n-naħa t’isfel ħdejn is-salib u l-bokka tax-xelter. Il-Kumitat qed jgħid li ma jsib l-ebda oġġezzjoni għal dan ix-xogħol sakemm it-tisbieħ ma jaffettwax l-armar tal-festa titulari ta’ Marija Bambina. Il-Kunsill iddeċida li għandna nikkuntatjaw lill- Kumitat Festi Esterni biex naraw x informazzjoni għandhom dwar din il-kwistjoni.
31. E-mail mingħand Martin Bonnici li fiha qed jissuġġerixxi li l-Kunsill Lokali tax-Xagħra jorganizza workshops tal-fotografija li jmexxi huwa stess. Huwa lest li joffri tliet livelli differenti ta’ workshops fejn kull parteċipant irid iħallas € 70. Kull lezzjoni ttul erba’ sigħat u l-kors ikun miftuħ għal persuni minn sittax-il sena ‘l fuq. Il-Kunsill innota il- kontenut.
32. Korrispondenza bejn il-Kunsill Lokali tax-Xagħra u s-Sur Albert Delia mill-MEUSAC dwar opportunitajiet ta’ skambji għall-anzjani taħt il- programm Grundtvig iffinanzjat mill-Unjoni Ewropea. Il-programm jinqasam fi tliet azzjonijiet: Grundtvig in-service training, Grundtvig visits & exchanges u Grundtvig Preparatory Visits. Il-Kunsill innota il- kontenut.
33. E-mail mingħand is-Sur Joe Muscat, CEO tal-Gozo Tourism Association, dwar pubblikazzjoni ta’ numru litat ta’ kotba bit-Taljan bl-isem ‘Gozo – Isola di miti e miracoli’. L-Assoċjazzjoni qed toffri dawn il-kotba lill-Kunsilli Lokali għall-prezz sussidjat ta’ € 2 kull kopja. Il-Kunsill qabel li għandhom jinxtraw zewg kopji. Jekk ikunu tajbin jinxtraw aktar.
34. Korrispondenza bejn il-Kunsill Lokali tax-Xagħra u l-Avukat Carmelo Galea dwar l-allegat imblokk tal-passaġġ ta’ Għajn Barrani. L-Avukat Galea qed jistenna mingħand il-Kunsill deċiżjoni dwar kif ser nipproċedu billi jew (a) nagħtu l-isem u l-indirizz tal-persuni li mblokkaw il-passaġġ ħalli nibagħtulhom ittra uffiċjali jew (b) nagħmlu talba għad-devoluzzjoni ta’ dan il-passaġġ mid-Dipartiment tal-Artijiet favur il-Kunsill Lokali għaliex b’hekk il-Kunsill jakkwista d-dritt ġuridiku li jipproċedi ġudizzjarjament sabiex jissalvagwardja d- drittijiet u l-interessi tal-pubbliku fuq dan il-passaġġ. Il-Kunsill qabel li għandna nimxu fuq iz-zewg possibilitajiet u għandna niktbu ittra lill- Pulizija biex ninfurmawhom li qed isiru attivitajiet bla permess fil- bajja ta’ Għajn Barrani.
35. Ittra mingħand l-Arċipriet Mons. Carmelo Refalo li fiha qed jitlob lill- Kunsill Lokali jikkunsidra diversi punti relatati mat-tibdil fl- arranġament tas-sistema tal-ġbir ta’ skart miċ-ċimiterju parrokkjali tax-Xagħra u jsib soluzzjoni għad-diffikulta’ li nħolqot. Il-Kunsill innota illi l-kuntrattur mhux jaccetta li jigbor skart mhux domestiku minhabba li dan mhux inkluz fil-kuntratt. Ghalhekk il-Kunsill qabel li minkejja dan, ghandna navvicinaw lill-kuntrattur biex nippruvaw nikkonvincuh biex jigbor dan l-iskart.
36. E-mail mingħand Julie Pomorski dwar servizz li qed joffru numru ta’ kantanti li l-etajiet tagħhom ivarjaw minn 4 sa 25 sena f’diversi festivals li qed jittellgħu minn numru differenti ta’ entitajiet u Kunsilli Lokali f’Malta u Għawdex. Il-Kunsill innota il-kontenut.
37. Ittra mingħand l-Arċipriet Carmelo Refalo li fiha, għan-nom tal- Parroċċa kollha, irringrazzja lill-Kunsill Lokali tax-Xagħra għas-sehem u l-għajnuna tiegħu fiż-żjara fostna tal-Eminenza tiegħu l-Kardinal Prospero Grech. Il-Kunsill innota il-kontenut.
38. E-mail mingħand il-MEUSAC dwar sessjoni ta’ konsultazzjoni li tittratta l-community trademarks li ser issir nhar il-Ħamis 20 ta’ Ġunju fil-Belt Valletta. Il-Kunsill innota il-kontenut.
39. E-mail mingħand id-Dipartiment tal-Gvern Lokali li fiha nforma lill- Kunsill Lokali li l-Ministeru tat-Turiżmu approva l-ħatra tas-Sur Ivan Attard bħala Deputat Segretarju Eżekuttiv tal-Kunsill b’effett mill-10 ta’ Ġunju 2013. Il-Kunsill innota il-kontenut.
40. Memo 10/2013 mis-Segretarjat Parlamentari għall-Kultura u Gvern Lokali dwar Kuntratti tal-Kunsilli Lokali li huma skaduti u/jew kuntratti li m’għandhomx approvazzjoni għal estensjoni. Il-Kunsill innota il-kontenut.
41. Invit mingħand il-Ministeru għat-Turiżmu għal seminar imsejjaħ ‘Discovering Malta and Gozo through its People and Culture’ li ser isir fil-Belt Valletta nhar il-Ħamis 27 ta’ Ġunju 2013. Il-Kunsill qabel li għandu jattenti l-Kunsillier is-Sur Victor Zammit.
42. E-mail mingħand Sabrina Mulligan, Marketing & Corporate Relations Executive tac-Central Business Centre, li fiha qed tesprimi x-xewqa tal-kumpanija tagħha li tagħmel appuntament ma’ xi rapprezentant tal-Kunsill sabiex jintroduċu l-iskola ICE Malta li hija skola iffukata fuq it-tagħlim tal-ICT. Il-Kunsill qabel li l-Kunsilliera is-Sinjorina Maria Grima għandha tikkuntatja lis-Sinjura Mulligan
43. E-mail mingħand l-Uffiċċju tal-Awditur Ġenerali li fiha nfurmaw lill- Kunsill li rċivew mingħandna r-risposta għall-management letter mibgħuta lilna mill-awdituri. Il-Kunsill innota il-kontenut.
44. E-mail mingħand Maria Mallia mill-Awtorita’ Maltija għall-Ambjent u l-Ippjanar li fiha nfurmat lill-Kunsill li bejn il-15 ta’ Ġunju u t-30 ta’ Settembru ma jistgħux isiru xogħlijiet ta’ kostruzzjoni fit-toroq Ġebla ta’ Sansuna, Ġnien Imrik u Ġużeppi Bajada minħabba li dawn huma ikkunsidrati bħala tourist areas . Il-Kunsill innota il-kontenut.
45. E-mail mingħand Dogs Trust Malta dwar kampanja ta’ awareness bl- isem ‘Dog Training Made Easy’. Huma qed jitolbu li jippubblikaw xi artiklu dwar il-kampanja edukattiva fil-magazine li joħroġ il-Kunsill. Il- Kunsill qabel li nagħtu permess li dan isir.
46. E-mail mingħand Ray Abela, Direttur Maniġerjali tal-kumpanija TCTC, li fiha qed jinforma lill-Kunsill li f’Għawdex, il-kors tal-IKIDS matul ix- xhur tas-sajf ser isir fil-Fondazzjoni Arka, Għajnsielem. Il-Kunsill innota il-kontenut.
47. E-mail mingħand Noel Formosa mid-Dipartiment tal-Kultura fi ħdan il-Ministeru għal Għawdex li fiha qed jitlob informazzjoni dwar attivitajiet kulturali organizzati mill-Kunsill għax-xhur ta’ Lulju u Awwissu 2013. Il-Kunsill innota il-kontenut.
48. E-mail mingħand Loraine Borg mix-Xaghra Scouts Group li fiha irringrazzjat lis-Sindku u lill-Kunsilliera għall-preżenza tagħhom waqt l-ikla li saret biex tfakkar il-ħames anniversarju mit-twaqqif tal-istess grupp u biex tinfurmana li l-headquarters tagħhom ġew uffiċjalment rilokati fil-bidu ta’ Vjal it-Tmienja ta’ Settembru. Il-Kunsill innota il- kontenut.
49. E-mail mingħand Reuben Said minn Trasport Malta li fiha qed jinforma lill-Kunsill li wara diskussjonijiet li kellu mas-Sindku Joe Cordina dwar l-estensjoni tas-servizz tat-trasport pubbliku fl-inħawi tal-Kortoll, Transport Malta qed tibgħat proposta dettaljata tal- estensjoni rikjesta biex tiġi diskussa mill-Kunsill. Il-Kunsill qed jiġi mitlub jinnotifika lill-Awtorita’ tat-Trasport bis-suġġerimenti tiegħu dwar din l-istess estensjoni. Il-Kunsill qabel ma’ din il-proposta u ghalhekk ghandna ninfurmaw lil Transport Malta dwar dan.
50. Memo 11/2013 mid-Dipartiment tal-Gvern Lokali dwar il-ħlas ta’ taxxa u tal-bolla tas-sigurta soċjali. F’dan il-memo , id-Dipartiment jixtieq jagħmel xi kjarifiki dwar ir-rata ta’ tnaqqis tat-taxxa mill- onorarja tas-Sindki u rimbors ghall-ispejjeż tal-Kunsilliera filwaqt li jfakkar li kemm l-onorarja tas-Sindku kif ukoll l-allowance tal- Kunsilliera m’għandhom qatt jitqiesu bħala dħul għall-finijiet tal-Att dwar is-Sigurta’ Soċjali. Il-Kunsill innota il-kontenut.
51. Memo 12/2013 dwar servizz ġdid offrut mid-Dipartiment tal-Gvern Lokali li permezz tiegħu l-istess Dipartiment jgħaddi lill-Kumitati Reġjonali u lill-Kunsilli Lokali konċernati korrispondenza u/jew artikli li jkunu dehru fuq il-gazzetti lokali kif ukoll gazzetti elettroniċi. Id- Dipartiment huwa tal-opinjoni li tali korrispondenza għandha tingħata l-attenzjoni meħtieġa u preferibilment tiġi mwieġba. Il- Kunsill innota il-kontenut.
52. E-mail mingħand il-Fondazzjoni Kumittiva Xagħra sabiex jitolbu lill- Kunsill Lokali tax-Xagħra jgħinhom jorganizzaw l-attivita’ annwali fil- bajja tar-Ramla l-Ħamra. Din is-sena, l-attivita’ tal-BBQ tas-Sajf ser issir nhar is-Sibt 27 ta’ Lulju. Il-Fondazzjoni qed titlob li l-Kunsill iħallas is-servizz tal-muzika live li ser ikun hemm waqt din is-serata – is- servizz jammonta għal ħlas ta’ € 1600. Il-Kunsill qabel li għandna nimxu bħas sena l-oħra u li fil-laqgħa li imiss naraw iċ-ċifri ezatti.
53. E-mail mid-Dipartiment tal-Gvern Lokali li fiha qed jinfurmaw lill- Kunsill li s-Segretarjat Parlamentari għall-Kultura u Gvern Lokali qed jilqa’ applikazzjonijiet biex jintgħazlu persuni sabiex iservu fil-pool tas-Segretarji Ezekuttivi Prospettivi fil-Kunsilli Lokali. L- applikazzjonijiet iridu jiġu sottomessi sa mhux aktar tard mill-Ġimgħa 5 ta’ Lulju. Il-Kunsill innota il-kontenut.
54. E-mail mingħand Elio Vitaro li huwa l-President tal-Kumitat tal- Ġemellaġġ Ewropew ta’ Cerisano (l-Italja). Huwa qed jitlob lill-Kunsill Lokali tax-Xagħra sabiex jikkunsidra ġemelaġġ ma’ din il-belt fl-Italja. Il-Kunsill innota il-kontenut.
55. E-mail mingħand Nicoletta Mestieri dwar proġett Ewropew bl-isem ‘Network on the role of volunteering in local welfare and integration policies’. Dan ikompli jiffoka dwar il-problema tal-immigrazzjoni, l- istess tema tal-proġett Diami li l-Kunsill Lokali tax-Xagħra huwa partner fih. Il-Kunsill qabel li għandna nirrifjutaw għaliex bħalissa għandna ħafna proġetti.
56. E-mail mill-Malta Unesco Youth Association dwar skambju ta’ zgħazagħ fil-Lombardia fl-Italja bejn id-19 u d-29 ta’ Lulju 2013. Jistgħu jipparteċipaw sa ħames parteċipanti u leader wieħed minn kull pajjiz. Il-Kunsill qabel li għandna noħorgu call .
57. Stedina mis-Seminarista Daniel Sultana sabiex is-Sindku u l-Kunsilliera jattendu għall-Konċelebrazzjoni Solenni li fiha huwa ser jiġi ordnat Djaknu. Iċ-ċelebrazzjoni ser issir nhar is-Sibt 22 ta’ Ġunju fis-6pm fil- Knisja Katidrali u tkun immexxija mill-E.T. Mons. Isqof Mario Grech. Is-Sindku appella lill-Kunsilliera biex min jista jattendi.
58. E-mail mingħand Paul Gatt, President tal-Assoċjazzjoni Nazzjonali tas- Segretarji Ezekuttivi tal-Kunsilli Lokali u Reġjuni, dwar kors fuq l- accounts u l-finanzi tal-Kunsill li ser isir kull nhar ta’ Erbgħa matul Lulju u Awwissu fin-Naxxar. Il-Kunsill qabel li għandu jattendi is-Sur Ivan Attard.
59. Ittra mingħand Joseph Bajada ta’ ‘Madonna Ta’ Pinu’, Vjal it-Tmienja ta’ Settembru, b’numru ta’ mistoqsijiet dwar il-pozizzjoni tal-bus stop tal-Arriva li qiegħed fit-tarf ta’ isfel ta’ Triq l-Imqades. Ir-resident qed jistaqsi jekk il-Kunsill irċeviex xi ilment biex dan il-bus stop jitmexxa mill-post fejn qiegħed, jekk sarilkom xi suġġeriment dwar fejn għandu jitpoġġa u dwar x’pozizzjoni għandu l-Kunsill Lokali dwar dan il-kaz. Il- Kunsill qabel li għandna niktbu lis-Sur Bajada fejn ninfurmaħ li la irċevejna ilmenti u ma għandna l-ebda kommunikazzjoni dwar dan is- suġġett.
60. Memo 13/2013 li jittratta l-projbizzjoni tat-tipjip fi playgrounds pubbliċi. Id-Dipartiment tal-Gvern Lokali qed jesiġi li jitwaħħlu t- tabelli li jwissu li ma jistax isir tipjip fiz-zoni fejn hemm xi logħob għall-uzu tat-tfal skont kif indikat f’Memos differenti maħruġa fl-2011 u fl-2012. Il-Kunsill qabel li għandna niċċekkjaw li it-tabelli għadhom f’posthom.
61. E-mail mill-MEUSAC dwar laqgħa ta’ konsultazzjoni bit-tema ‘Tħejjija ta’ pjanijiet ta’ tmexxija u mizuri ta’ komunikazzjoni għal siti terrestri ta’ Natura 2000 fil-Gzejjer Maltin’. Il-laqgħa ser issir nhar it-Tlieta 25 ta’ Ġunju fid-9.30am fis-sala tal-Ministeru għal Għawdex. Il-Kunsill innota il-kontenut.
62. Ittra mingħand Mario Grech ta’ 27, Triq l-Ghejjun, Xagħra fejn jitlob li jingħata no objection biex juża biċċa art fir-Ramla l-Ħamra għal- skopijiet ta’parkeġġ. Il-Kunsill qabel li jingħata no objection.
63. Ittra mingħand Dun Mikiel Borg, Kapillan knisja ta’ Marsalforn, fejn jitlob l-għajnuna tal-Kunsill biex il-banda Victory tkun tista tieħu sehem fil-festa ta Marsalforn. Il-Kunsill qabel li minħabba is- sitwazzjoni finanzjarja għandna ninfurmaw lill-Dun Mikiel li din it- talba ma nistgħux naċċettawha.
Ilmenti
1. Talba mingħand Carmen Buttigieg ta’ 52, Triq Ta’ Ġorf, sabiex isir xoghol ta’ manutenzjoni fuq il-bankina tar-residenza tagħha. Il-Kunsill qabel li ix-xogħol għandu isir.
2. Talba mingħand Victoria Grech ta’ ‘Levince’, Triq Marija Bambina, sabiex titwaħħal tabella kontra l-ħmieġ tal-klieb mar-residenza tagħha. Il-Kunsill qabel li ix-xogħol għandu isir.
3. Talba mingħand is-Sindku Joe Cordina sabiex tiġi installata bozza ġdida madwar erbgħin metru ‘l bogħod mill-bozza w084 li tinsab fi Triq Ġnien Xibla. Il-Kunsill qabel li ix-xogħol għandu isir.
4. Talba mingħand is-Sindku Joe Cordina sabiex isir ċaqliq (shifting) tal- bozza w084 li prezentament tinsab imwaħħla mar-residenza numru 42 fi Triq Ġnien Xibla. Il-Kunsill qabel li ix-xogħol għandu isir.
5. Ilment mingħand diversi residenti fi Triq Karkar dwar xi sitt karozzi bla pjanċi ta’ reġistrazzjoni li jinsabu mitfugħin bl-addoċċ fl-aħħar parti tal-imsemmija triq int u dieħel minn Triq Mannar. Ir-residenti qed jagħmlu talba sabiex dawn il-karozzi jitneħħew malajr kemm jista’ jkun. Il-Kunsill qabel ma’ dan. Wara spezzjoni min-naha tal- Kunsill irrizulta li kien hemm dawn il-karozzi li imbaghad tnehhew.
6. Talba mingħand Saviour Vella ta’ ‘Lurnea House’, Triq Ta’ Bullara, sabiex (a) titranġa bankina zgħira quddiem ir-residenza tiegħu u (b) jingħata ftit siment quddiem id-dar tiegħu fi Triq Bullara minħabba li qed izomm l-ilma hemmhekk. Il-Kunsill qabel li għandna inkellmu lir- resident ghal aktar kjarifikazzjoni.
7. Talba mingħand Mary Micallef ta’ 121, Triq Bullara, sabiex tintbagħat ittra lir-residenti tal-farmhouses li hemm fl-isqaq fejn toqgħod hi jew titwaħħal tabella ‘No Entry for Heavy Vehicles’ fil-bidu tal-isqaq sabiex ma jitilgħux trakkijiet kbar fl-isqaq l-aktar biex jimlew il-pools issa li riesaq is-sajf. Il-Kunsill qabel li għandha isir tabella li ma jidħlux trakkijiet.
8. Talba mingħand Paul Attard ta’ ‘Paulmar’, Triq il-Knisja, sabiex titmewwet il-kurduna tal-bankini li hemm fi Triq il-Knisja ħdejn ix- Xagħra Pharmacy għax qed jinqasmu ħafna tyres magħha. Il-Kunsill iddeċida li x-xogħol għandu isir.
9. Talba mingħand Kevin Refalo ta’ 58, Triq il-Knisja, sabiex jitranġa ħajt imwaqqa’ għat-triq fi Triq Masri. Il-Kunsill qabel li ix-xogħol għandu isir.
10. Talba mingħand Ronnie Mizzi ta’ 61, Triq Marsalforn, sabiex jitranġa ħajt imwaqqa’ għat-triq fl-inħawi ta’ Għajn Damma. Il-Kunsill iddeċida li x-xogħol għandu isir.
11. Talba mingħand Carmel Mercieca ta’ 50, Triq Mikiel Farrugia, sabiex titranġa rampa bil-konkos fl-inħawi tal-Għezien. Il-Kunsill qabel li ix- xogħol għandu isir.
12. Talba mingħand Emmanuel Sultana ta’ 26, Triq San Ġuzepp, sabiex jitranġa ħajt imwaqqa’ għat-triq fl-inħawi ta’ Għajn Wajtar. Ir- resident qed jitlob li jingħata l-materjal u x-xogħol jagħmlu hu. Il- Kunsill qabel li jaccetta din it-talba.
13. Talba minghand Emmanuel Portelli ta’ ‘Sundawn’, Triq Gnien Imrik, sabiex jitranga hajt tas-sejjieh imwaqqa’ ghat-triq fl-inhawi ta’ l-istess triq. Il-Kunsill qabel li ix-xogħol għandu isir.
14. Talba mingħand Emmanuel Said f’isem l-Għaqda tan-Nar VMB 1973 sabiex (a) jinqata’ l-ħaxix mat-triq tan-Nuffara u (b) jinqala’ biċċa ħajt li hemm fit-triq u jerġa’ jittella’ sa zewġ filati. Dan bi preparazzjoni għall-ispettaklu tan-nar li l-Għaqda tan-Nar ser tagħti lejliet il-festa ta’ Marija Bambina, nhar is-Sibt 7 ta’ Settembru. Il-Kunsill iddeċida li x- xogħol għandu isir.
15. Talba mingħand il-Viċi Sindku Aaron Agius sabiex jitranġa ħajt imwaqqa’ fi Triq Sant’Anton. Il-Kunsill qabel li ix-xogħol għandu isir.
16. Talba mingħand Sonia Scerri ta’ ‘Saint Michael’, Flat 3, Triq il-Kortoll, sabiex parti minn Triq il-Kortoll, fil-parti fejn tidjieq it-triq, tiġi one way biex tiġi evitata jew imnaqqsa l-problema ta’ konġestjoni tat- traffiku. Il-Kunsill ma qabilx li din il-parti tat-Triq tiġi one way għaliex jinħolqu problemi akbar f partijiet oħrajn tal-viċinanzi.
17. Talba mingħand Joseph Axiaq ta’ ‘Sunvalley Flats’, Flat 1, Triq l-Għar ta’ Ninu, sabiex (a) jitwalu d-double yellow lines li hemm fi Triq l- Arċipriet Ġuzepp Diacono man-naħa tal-Knisja; (b) isiru double yellow lines fil-kantuniera bejn Triq l-Arċipriet Ġuzepp Diacono u Triq Jannar man-naħa tar-residenza ta’ Mikelina Sultana u (ċ) isiru sinjali li jipprojbixxu l-ipparkjar man-naħa tar-rampa li qiegħda sporġuta ‘l barra ftit ‘l isfel mill-bini tal-Azzjoni Kattolika fi Triq Jannar. Il-Kunsill qabel li din għandna tiġi diskussa aktar fid-dettal.
18. Talba mingħand Anthony Camilleri ta’ 17, Pjazza l-Vittorja, sabiex issir tabella fil-bidu tal-isqaq li hemm maġenb l-Oleander Restaurant sabiex min jinqabad ihammeg f’dan l-isqaq jiġi mmultat. Din it-talba qed issir peress li hemm xi nies li qegħdin juzaw dan l-isqaq bhala toilet . Il-Kunsill qabel li din it-tabella ghandha ssir.
19. Talba mingħand Martin Attard ta’ ‘Merħba’, Triq il-Mitħna, sabiex tiġi installata bozza ġdida mar-residenza ‘Dar il-Ġnejna’ fi Triq Ġnien Xibla. Il-Kunsill iddeċida li x-xogħol għandu isir.
20. Talba mingħand Joseph Mizzi ta’ ‘Mizzi House’, Triq Għonqa, sabiex tiġi installata bozza ġdida mar-residenza tiegħu. Il-Kunsill iddeċida li x-xogħol għandu isir.
21. Talba mingħand is-soċja tal-Muzew Rita Sciberras f’isem il-Fergħa tal- Bniet tas-Soċjeta’ tal-Muzew fix-Xagħra sabiex il-Kunsill jagħmel xi ħadid fil-playground li għandhom fil-bini tal-Muzew għax dak prezenti m’għadux fi stat tajjeb. Il-Kunsill qabel li għandha tintalab stima ghal dan ix-xoghol.
22. Talba mingħand Malvina Hili ta’ ‘Merci’, Triq Għajn Qamar, sabiex titwaħħal mera quddiem ir-residenza tagħha sabiex tkun tista’ toħroġ il-vettura tagħha faċilment mill-garaxx. Il-Kunsill qabel li għandna niċċekkjaw x’hemm ezatt qabel ma titieħed deċizjoni.
23. Talba mingħand Lawrence Theuma ta’ 54A, Triq il-Mitħna, sabiex jingħata ftit torba fis-sqaq li hemm fl-inħawi tal-Pergla fejn hemm il- farmhouses . Il-Kunsill iddeċida li x-xogħol għandu isir.
24. Talba mingħand Lily Camilleri ta’ Triq il-Mitħna sabiex jinzabar il- ħarrub li hemm fejn il-Mitħna u dik li hemm fejn kien hemm il-ġibjun l-antik. Il-Kunsill qabel li dan ix-xoghol ghandu jsir wara li jingabu l- permessi mehtiega mill-MEPA.
25. Ilment mingħand il-Viċi Sindku biex jitrangaw it-tapiti fil-Playing Field. Il-Kunsill qabel li ix-xogħol għandu isir.
26. Iment mingħand il-Viċi Sindku biex tinzabar id-dielja li hemm fi Vjal 8 ta’ Settembru. Il-Kunsill iddeċida li x-xogħol għandu isir.
27. Ilment mingħand il-Kunsillier Dr Joseph Attard biex jitnaddaf l-inħawi tal-Għar ta’Għejzu. Il-iddeċida li għandna ninfurmaw lill-Heritage Malta.
Approvazzjoni tal-Pagementi
Il-Kunsill approva unanimament il-pagamenti annessi mal-minuti.
Data għall-Laqgħa Oħra
Il-laqgħa spiċċat fl-8.40 pm. Il-Kunsill iddeċieda li l-laqgħa li jmiss issir nhar it-Tlieta 23 ta’ Lulju 2013 fis-5.30pm.
Joseph Cordina Mark Formosa Sindku Segretarju Eżekuttiv