SERONDA I

ORQUESTA SINFÓNICA DEL PRINCIPÁU D’ASTURIES

17 Y 18 DE SETIEMBRE DEL 2020 GIJÓN/XIXÓN, 17 DE setiembre OVIEDO/UVIÉU, 18 DE setiembre

Seronda I

GIJÓN/XIXÓN, OVIEDO/UVIÉU, 17 DE SETIEMBRE 18 DE SETIEMBRE Teatro Jovellanos – 20.00 h Auditorio Príncipe Felipe – 20.00 h

Marzena Diakun, directora Bohuslav Martinů (1890 – 1959) Sinfonía n.u 3, H.299 Concertin invitau: I. Allegro poco moderato II. Largo Mirabai Weismehl III. Allegro – Andante Mieczyslaw Weinberg (1919 – 1996) Rapsodia sobre temes moldavos, op. 47 n.u 1

2 | OSPA GIJÓN/XIXÓN, 17 DE setiembre OVIEDO/UVIÉU, 18 DE setiembre

Bohuslav Martinů (1890 – 1959) Sinfonía n.u 3, H. 299

El nome de Bohuslav Martinů, nacíu en Policka (Bohemia, angua- ño República Checa), tien que ser consideráu como’l cuartu gran representante de la música checa depués de Smetana, Dvořák y Janáček. Con un catálogu que supera les cuatrocientes obres y una vida partida ente Praga, París —onde afitó la residencia a partir de 1923—, Estaos Uníos —ente 1941 y 1953—, Niza, Roma o Suíza, resulta difícil adscribir la producción de Martinů a un únicu estilu o tendencia. El musicólogu Marc Vignal señala, polo menos, cuatro influencies decisives nel compositor: per un llau, el folclore del so país natal y l’ambiente impresionista francés (Martinů estudió con Albert Roussel y enantes, como segundu violín de la Orquesta Filarmónica Checa, conoció la música de Ravel, Dukas y Debussy); y, per otra parte, l’interés por xéneros del pasáu como’l madrigal inglés renacentista o’l concerto grosso italianu. Más p’alantre, nes décades de 1940 y 1950, la polifonía medieval de Notre Dame y la música de Monteverdi diben dexar buelga na so producción seronda. Dacuando atopamos cómo estes influencies garren la forma d’un pastiche, rastrexable en títulos continuadores de la tradición barroca como’l Doble Concerto (1938); o les referencies a costafecha a Monteverdi na so ópera Ariadna (1961). Martinů escribió un total de seis sinfoníes, toes elles pertene- cientes al so periodu americanu. La que güei sentimos compúnxola namás en seis selmanes, ente mayu y xunu de 1944. Esti detalle yá

OSPA | 3 GIJÓN/XIXÓN, 17 DE setiembre OVIEDO/UVIÉU, 18 DE setiembre

fala en por sí de la facilidá innata del autor pa la composición. La Sinfonía n.u 3 (númberu de catálogu H 299) tuvo la estrena’l 12 d’ochobre de 1945 en Boston, de la mano de Serge Koussevitzky. Inspirada polos años finales de la Segunda Guerra Mundial, la obra evoluciona globalmente d’una tonalidá solombriega como ye’l Mi bemol menor (al principiu) a la claridá simbolizada pol Mi mayor (nel Andante final). Ta estremada en trés tiempos, una característica que comparte coles Sinfoníes n.u 5 y 6, y incluye’l pianu na plantiya orquestal. El primer movimientu, Allegro poco moderato, amuesa una escritura escarnada onde llama l’atención la superposición de ritmos sincopaos y desplazaos ente les distintes voces: primero na cuerda y depués nel vientu madera. La sección central d’esti primer movimientu ye d’una violencia bramente escepcional nel llinguaxe de Martinů. El segundu tiempu, Largo, presenta una modulación de Do menor a Do mayor. Nesta parte atopamos un dominiu escepcional de les testures instrumentales: de la trupa trama polifónica de la cuerda, al principiu, pasamos a la tresparencia del solu de flauta acompañándose de grupos curtios de notes repetíes n’ecu nos diversos instrumentos. Frecuentemente, Martinů trata la orquesta como la unión de dellos grupos de cá- mara que se contestaren unos a otros. Llegamos al tercer y últimu tiempu, Allegro-Andante, onde se produz una modulación nueva de menor a mayor que supón el cambéu de calter más evidente de tola obra. L’Allegro inicial, entre llóbregu y violentu, ta escritu na tonalidá de Fa menor; un episodiu de transición llévanos al Andante en Mi mayor. Esti epílogu supón el trunfu de la claridá depués del clima escuru qu’apodera gran parte de la Sinfonía, mar- cada pol clima bélicu de los años en que s’escribió.

4 | OSPA GIJÓN/XIXÓN, 17 DE setiembre OVIEDO/UVIÉU, 18 DE setiembre

Mieczyslaw Weinberg (1919 – 1996) Rapsodia sobre temes moldavos, op. 47 n.u 1

Pola mor de la interpretación de la so Sinfonía de cámara n.u 4 en Bilbao nel mes de payares del 2019, el críticu d’El País Pablo L. Rodríguez reivindicaba la recuperación necesaria d’ún de los músicos más inxustamente desconocíos del sieglu XX: el com- positor rusu d’ascendencia xudeo-polaca Mieczysław Weinberg. Amigu personal de Dmitri Shostakóvich, Weinberg foi conside- ráu xunto a esti y Sergei Prokófiev como’l tercer gran nome de la música soviética. La rellación con Shostakóvich remóntase a los primeros años de la Segunda Guerra Mundial y traducióse nuna almiración mutua. Precisamente, Shostakóvich calificó la ópera de Weinberg La pasaxera (1968) —una historia respigante sobre Auschwitz— de “obra maestra absoluta”. Pela so parte, l’impactu del gran representante del sinfonismu rusu sobre Weinberg foi cu- riosu, si reparamos nes sos propies palabres: “Foi como si volviere nacer… Anque nun tomé llecciones con él, Dmitri Shostakóvich foi la primer persona a quien-y diba amosar caún de los mios tra- bayos nuevos”. Formáu de primeres nel Conservatoriu de Varsovia, el princi- piu de la Guerra tarazó una posible carrera de pianista nos Estaos Uníos. Foi entós cuando Weinberg asitió definitivamente na Unión Soviética. El so llinguaxe modernista topetaba frontalmente col dirixismu cultural del PCUS, baxo’l que cualquier músicu podía ser acusáu de formalismu y convertise automáticamente n’enemigu del pueblu rusu. Cola promulgación del decretu Zhadnov en 1948, qu’oficializaba esta condena artística, el Weinberg mozu quedó im- plícitamente incluyíu nes llistes de compositores formalistes baxo’l puntu de mira del Partíu. Los ataques de contino que recibió de la prensa llevaron al so encarcelamientu unos meses en 1953. La influencia de Shostakóvich nesti asuntu tamién foi providencial,

OSPA | 5 GIJÓN/XIXÓN, 17 DE setiembre OVIEDO/UVIÉU, 18 DE setiembre

porque una carta escrita en defensa del so amigu salvólu d’una condena a muerte segura. El catálogu tan estensu de Weinberg —26 sinfoníes, 10 obres concertantes, 17 cuartetos, 28 sonates pa dellos instrumentos y música incidental pa 65 filmes, ente otres— bebe de la influencia de los autores rusos mentaos enantes y tamién de nomes como Bartók o Mahler. Munches veces trátase d’una música basada nun programa de naturaleza autobiográfica, que fai referencia a temátiques como l’Holocaustu (casu de la so ópera mentada La pasaxera). N’otros casos, Weinberg busca la inspiración nel folclore d’Europa del Leste, pero calteniendo una cualidá astracta que se rellaciona más col neoclasicismu que con un folclorismu románticu tresnocháu. Ye lo qu’asocede cola Rapsodia sobre temes moldavos (1949), escrita cuando un episodiu de la vida de Weinberg tensu sobre manera: en xineru de 1948 el so suegru, l’actor Solomon Mijoels —director de la compañía de Teatru estatal xudíu de Moscú—, foi asesináu por órdenes de Stalin polos sos llazos cola intelectualidá occidental. Nesti clima de sospeches, Weinberg decide escribir una obra de mano bien alloñada de la vanguardia formalista, recurriendo a melodíes populares de Moldavia (llugar de nacencia de los sos pa- dres). Los materiales usaos tienen muncha influencia de la llamada música klezmer, xéneru instrumental de la tradición askenazí que valía nos sos oríxenes p’acompañar bodes y celebraciones aseme- yaes. Ello vese sobre manera nes dos secciones rápides qu’articulen la Rapsodia, onde Weinberg recurre a un pulsu rítmicu constante y masivu inspiráu nuna danza klezmer. Anque la sucesión de los distintos tempi de la obra tresmite della sensación d’improvisación, en tou momentu caltiénse una unidá motívica sólida. Weinberg ye quién a ello recurriendo con frecuencia a un ritmu bonu d’iden- tificar yá dende’l principiu na cuerda grave: semicorchea-corchea con puntín, retomáu y ampliáu polos violinos pa la presentación del primer tema de tastu ensin dulda folclórico.

Daniel Moro Vallina

6 | OSPA GIJÓN/XIXÓN, 17 DE setiembre OVIEDO/UVIÉU, 18 DE setiembre

Marzena Diakun directora

Foto: Lukasz Rajchert

OSPA | 7 GIJÓN/XIXÓN, 17 DE setiembre OVIEDO/UVIÉU, 18 DE setiembre

Nacida en Polonia en 1981, Marzena Diakun forxó’l nome n’Eu- ropa, sobre manera en Francia, depués d’una permanencia exito- sa como directora asistente cola Orquesta Filarmónica de Radio Francia dende setiembre del 2015 a avientu del 2016. Dende entós recibió invitaciones pa dirixir la Orquesta de Cámara Nórdica en Suecia, la Ópera de Göteborg, la Orquesta Sinfónica del Principáu d’Asturies, la Orquesta de Cámara de Lausanne, la Orquesta Sinfónica Nacional de México, la Orquestra Sinfónica del Estáu de São Paulo, la Orquesta Sinfónica Kitchener- Waterloo en Canada y, en Francia, la Orquesta de Poitou- Charentes, la Orquesta de Picardie, la Orquesta de Cámara de París, la Nacional de Lyon (nos festivales Berlioz & La Chaise- Dieu) y la Orquesta Filarmónica de Radio Francia, onde dirixó los conciertos d’abonu en marzu del 2018. Tamién trabayó cola Orquesta Sinfónica de la Radio de Praga, la Orquesta Filarmónica Báltica, la Filarmónica de Jena, la Sinfónica de la Radio Nacional Eslovena y la Orquesta Sinfónica Presidencial n’Ankara. Marzena ye mui activa nel so país natal: foi contratada pa dirixir la Orquesta Sinfónica de la Radio Nacional Polaca en Katowice, la Orquesta Filarmónica Nacional en Varsovia, la Filarmónica Wroclaw NFM, la Orquesta Filarmónica de Cracovia y les orques- tes filarmóniques de Lodz, Kielce, Silesian y Báltica. Anguaño dirixe música contemporanea y estrenó munches obres col Smash Ensemble (España) y Berg Orchestra (República Checa). Nel 2016, estrenó la ópera polaca d’Olga Neuwirth, Lost Highway, como parte del festival New Horizons en Wroclaw.

8 | OSPA GIJÓN/XIXÓN, 17 DE setiembre OVIEDO/UVIÉU, 18 DE setiembre

Va debutar col ensemble Amsterdam-based, Asko-Schönberg, n’abrildel 2019. Ente los solistes colos que trabayó destaquen Andreas Staier, Ewa Kupiec, los chelistes Truls Mørk y Daniel Müller-Schott, los cantantes Camiya Nylund, Klaus Florian Vogt, Catherine Wyn- Rogers, Nathalie Stutzmann, Sabine Devieilhe, Jodie Devos y Jean-François Lapointe. Marzena Diakun recibió’l 2.u Premiu nel Concursu de Primavera de Praga pa directores nel 2007 y nel Concursu Internacional Fitelberg pa directores nel 2012, amás de la más alta distinción polaca: el premiu Nacional Paszport Polityki na categoría de música clásica. Marzena Diakun estudió pianu primero de graduase en di- rección en Wroclaw nel 2010. Completó los estudios na Universidá de Música y Arte Dramáticu de Viena na clas d’Uros Lajovic y asistió a munches clases maxistrales colos directores Jerzy Salwarwoski y Marek Tracz, amás de con Gabriel Chmura, Howard Griffiths, Colin Metters, Kurt Masur y Pierre Boulez; con ésti últimu, como parte de l’Academia del Festival de Lucerna. Primeramente, Marzena foi directora-asistente de Jerzy Maksymiuk na Orquesta Filarmónica Koszalin y d’Andrey Boreyko na Orquesta Sinfónica de Berna. N’Estaos Uníos, re- cibió una beca en dirección orquestal nel Festival de Música de Tanglewood, y ganó la beca Taki Concordia de Marin Alsop nel 2015. Anguaño ye profesora titular na Academia Wroclaw, llevan- do la so propia clas de dirección dende’l 2013.

OSPA | 9 Semeya: Kike Llamas

Orquesta Sinfónica del Principáu D’asturies

La OSPA naz en 1991 baxo l’auspiciu del Unión Europea, Rusia, Estaos Uníos y Gobiernu del Principáu d’Asturies y col Llatinoamérica. La so actividá principal oxetivu prioritariu d’arriquecer musical y articúlase alredor de les temporaes de culturalmente la rexón. La So Maxestá’l conciertos qu’ufierta cada añu n’Uviéu Rei Felipe VI ye’l so Presidente d’Ho- y Xixón. Per elles pasaron dalgunos de nor. Ye un Organismu Autónomu de la los solistes y directores más relevantes Conseyería d’Educación y Cultura, y del panorama internacional, amás de miembru de l’Asociación Española d’Or- los sos directores titulares, Jesse Levine, questes Sinfóniques, AEOS. Maximiano Valdés y Rossen Milanov, Heredera de la que fore Orquesta qu’asume nel 2012 la so titularidá, has- Sinfónica Provincial, con oríxenes que ta’l 2019. lleguen a 1939, y de la posterior Orquesta Amás de nos conciertos de tempo- Sinfónica d’Asturies, la OSPA ye un re- rada, la OSPA ye yá parte obligada y ferente dientro y fuera d’Asturies pola so aguardada nel conciertu previu a la en- versatilidá, la so capacidá interpretativa y trega de los Premios Princesa d’Asturies la so calidá indiscutible. o nel Concierto de Navidá yá tradicio- La OSPA ta compuesta por sesenta nal, estos postreros en collaboración es- y nueve profesores de dellos países de la trecha col Coru de la Fundación Princesa

10 | OSPA d’Asturies, ensin escaecer tamién la so la Fundación María Cristina Masaveu participación tan importante na tempo- Peterson. Con esti conciertu estraordi- rada d’ópera de l’Asociación Asturiana nariu, la OSPA convirtióse na primer d’Amigos de la Ópera. sinfónica española de titularidá pública La Orquesta desenvuelve amás n’As- qu’actuó hasta’l momentu nesa sala. En turies un llabor pedagóxicu y social in- xunu del 2014 realizó una xira exitosa per tensu que va enanchando horizontes añu Bulgaria, onde tuvo crítiques escelentes, a añu y que ta recibiendo una gran acoyida tanto en Sofía como en Varna. en tolos llugares onde se presenta. Ente La trayectoria discográfica de la OSPA les sos actividaes más destacaes hai que principió con obres de temática y d’auto- señalar la so collaboración col Carnegie res asturianos como Benito Lauret, Julián Hall nel programa LinkUp, que convierte Orbón o Ramón Prada. Grabó tamién pa la Orquesta na primer institución europea sellos como Artek o Naxos; con esti pos- y de fala hispana n’implementar esi pro- treru recibió crítiques perbones poles sos grama educativu en toa Asturies. grabaciones de música de Manuel de Falla Fuera del Principáu, la Orquesta ac- y Joaquín Rodrigo. Na temporada 2012- tuó nos auditorios y sales más importantes 13 grabó, pa Classic Concert Records, de la xeografía española, collaboró cola Petrouchka de Stravinsky y El sombrero Asociación Bilbaína d’Amigos de la Ópera de trés picos de Falla (primer CD de la serie y en convocatories de branu tan relevan- Diaghilev y Los Ballets Rusos). En xunetu tes como los festivales de Santander, de del 2015 salió a la lluz la grabación reali- Música y Danza de Granada o de Música zada col violinista Ning Feng de la obra Contemporánea d’Alicante, amás de na Apasionado de Pablo Sarasate baxo’l sellu Selmana de Música Relixosa de Cuenca discográficu Channel Classics. Con esta o’l Festival Musika-Música de Bilbao, al mesma discográfica, y tamién con Ning que la conviden a menudo. Feng, en septiembre del 2019 publícase De les sos xires internacionales hai Virtuosismo. que destacar la realizada nel añu 1996 La OSPA llevó alantre la recuperación per México y Chile, onde diba volver dos de títulos del nuestru patrimoniu musical años más tarde. En 1998 participó ta- como Los amantes de Teruel o Covadonga, mién nel Festival Intercélticu de Lorient, de Tomás Bretón; la zarzuela barroca de en Francia. La OSPA volvió a México nel Sebastián Durón Imposible mayor en 2007 con gran éxitu de crítica y a últi- amor, le vence amor, y reestrenó obres mos d’esi añu viaxó a China, dientro de les del sinfonismu español del sieglu XIX actividaes del Añu de España nesti país. d’autores como Pedro Miguel Marqués, En payares del 2011 ufiertó un conciertu ente otros. énte la So Santidá Benedicto XVI na Sala Nervi del Vaticanu, baxo’l patrociniu de

OSPA | 11 ORQUESTA SINFÓNICA DEL PRINCIPÁU D’ASTURIES

Concertín Violes Clarinetes Ver información de cada Vicente Alamá** Andreas Weisgerber* concierto María Espín Daniel Sánchez* clarinete bajo Sandrine Ferrand Ayuda de Concertín Iván Kratochvila Fagós Eva Meliskova Ana Montoro Vicente Mascarell* Steven Wright John Falcone* contrafagot Violinos 1º Adrián Arechavala Dalibor Belovsky Trompas Masten Brich Violonchelos Javier Molina * Pablo de la Carrera Maximilian von Pfeil* José Luis Morató * Gustavo Fernández Vladimir Atapin Jesús López** Marcos Fernández Yves-Nicolás Cernea David Rosado** Suren Khachatryan Galina Fedorova Sabine Lohez Marta Martínez Trompetas Marta L. Menghini María Rascón Maarten van Weverwijk* María Ovín Ingrid Vlachynska Vicente Vallet** Claudio Vasquez Fernando Zorita Contrabaxos Trombones Daniel Jaime Francisco Mestre* Christian Brandhofer* Joshua Kuhl** Enrique Rodilla** Violinos 2º Andrey Feygin Héctor Corpus* Philippe Giresse Trombón baxu Pedro L. Ordieres** Fernando González Sylvain Orsettig* Elena Albericio J. Francisco Barahona Flautes Tuba Irina Bessedova Myra Pearse* David M. Moen* Pablo Castro Peter Pearse* flautín Jantien Kassies Patricia Ruiz ** Arpa Javier Muñiz Mirian del Río* Adolfo Rascón Oboes María Rodríguez Juan A. Ferriol* Timbales Cristina Castillo J. Pedro Romero* corno inglés Jeffery Prentice* Elisa Martínez Jesús Ventura ** Percusión Rafael Casanova* Francisco Revert**

*Principal/**Coprincipal

12 | OSPA EQUIPU TÉCNICU ORQUESTA SINFÓNICA DEL PRINCIPÁU D’ASTURIES

Gerente Edificiu Auditoriu Príncipe Felipe, 2.ª planta Plaza del Fresno 1, 33007 UVIÉU Ana Mateo T. 985 963 322 F. 985 245 873 Administradora E. [email protected] Pilar Colunga W. www.ospa.es

Coordinadora d’actividaes La OSPA ye miembru de l’Asociación Española Virginia Suárez d’Orquestes Sinfóniques

Xestora de personal Ana Belén González

Archivu musical @OSPAorquesta Diego Dueñas @OSPAcom Inspector/Rexidor ospasinfonica Flavio García @ospa_orquesta Ayudante de Rexidor Pablo Fernández

Auxiliar intérprete Marta Riaño

Auxiliares Alministratives Consuelo del Campo Olga Torre

Ordenanza Vanessa Fernández

Prensa y comunicación Marta Barbón T. 616 720 697 [email protected]

Diseñu: Marco Recuero

OSPA | 13 @OSPAorquesta @OSPAcom ospasinfonica ospa_orquesta