Synod Information & Publicity Department, Synod Office (Third Floor), Mission Veng, Aizawl Synfocity = 678 th mail us at : [email protected]; [email protected] - Phone - 2314648 30 March, 2018  Good Friday leh Easter Programme March 30, 2018 (Zirtawpni) hi Good Friday a ni a, April 1, 2018 hi Easter Sunday a ni bawk a. March 29, 2018 (Maundy Thursday) atangin Good Friday Programme hi hman tan a ni. Presbyterian Kohhran chuan Good Friday leh Easter Sunday thupui in ang tlang an zirho a, vawiin Easter Sunday chawhma, chawhnu leh zanah pawh hetiang hian thupui an zir ang. March 29, 2018 (Ningani Zan/ Maundy Thursday) Thupui : Isua lungngaihna vawrtawp - Gethsemani huanah Chhiar tur : Mt. 26 : 36 - 46 March 30, 2018 (Zirtawpni) Good Friday Chawhma Inkhawm Thupui : En teh u, mihringa hi Chhiar tur : Jn. 19 : 1 - 5 Chawhnu Inkhawm Thupui : Midang tidam thin, mahni intidam thei si lo Chhiar tur : Mk. 15 : 22 - 32 Zan Inkhawm Thupui : A ruang Josefa hnenah a pe Chhiar tur : Mk. 15 : 42 - 47, Jn. 19 : 38 - 42 Good Friday leh Easter Sunday hi Krismas te anga a Ni ngai hman a ni lo va, a chhan chu Lal Isua thih hun lai hi Judate Kalhlen Kut hman lai vel Nisan ni 14 vel a ni a, chu chu March thla chawhnu lam, March 20 hnu, April ni 25 hma lam si, thla fang bial lai a ni a. Chuvangin tun thleng hian Good Friday hun hi March ni 20 leh April ni 25 inkara thla fang bial lai, Zirtawpni hi a ni ta zel a. Good Friday hma Pathianni hi Tumkau ni -ah hman a ni a, Good Friday zawh Pathianni hmasa ber chu Isua Thawhlehni, Easter Sunday a ni ta zel a, Easter Sunday atanga chhuta ni 50- na chu Pentikos ni a lo ni ve leh bawk a ni. Thla fang bial lai chhuta a hun leh ni ruat thin a nih avangin heng ni pawimawh te hi a hun leh ni a danglam deuh hret hret thin a ni.  Administrative Training neih a ni Chhim Bial Working Committee buatsaih, Presbyterian Kohhran kalphung zirna Administrative Training chu Zawlpui Pastor Bial-a Kohhran Hruaitute tan March 23, 2018 (Zirtawpni) khan Zawlpui-ah neih a ni a, Bial chhung kohhran hrang hrang Belthei, Putlungasih, Kauchhuah, Zawlpui, Zawlpui ‘S’ leh ‘N’ bakah Bolia atangin mi 155 kal-in Chhim Working Comt. Chairman Rev. R.C.Lalnghakliana A/S leh Rev. C.Lalduhawma Chhim Working Committee member leh Pu Lalhmingmawia, Assistant Area Promoter, Synod Office, Lunglei te an kal a. Chawhmaah Presbyterian Kohhran kalphung Rev. C.Lalnghakliana"n a zirtir a, Chawhnu lamah Rev. C.Lalduhawma"n Kohhran Comt. peng hrang hrang mawhphurhna leh rawngbawlna tih chu a zirtir bawk a. Pu Lalhmingmawia"n Chanchintha puangdarh tura koh kan nih thu te leh Kohhrana ngheh a tulzia a sawi bawk. Zan lamah Bial huap inkhawmah Rev. R.C. Lalnghakliana"n “Pathian leh Kohhran tana Rinawmna” thupuia hmangin thuchah a sawi bawk.  Thawktu thar  Synod Service Board chuan PRESCOM Deptt.- a PRESCOM Assistant III hna (Contrat) a thawk turin a hnuaia mi te hi a la thar a, April 3, 2018 atangin a hna a zawm tan ang. 1. Lalchhuanmawia S/o Rev. R. Lalchangliana, Dawrpui 2. R. Vanlalfela S/o Hrangchhuma, Saron Veng, Serchhip 3. T. Vanlalfela S/o Lalmuankima, Khatla East.  Synod Service Board chuan SMTC-a Beauty Culture Instructress (Contract) a thawk turin Lalpekmawii d/o P.C Zahmingliana, Sihphir Arpu Veng a la thar a, April 3, 2018 atangin a hna a zawm tan ang.  Synod Service Board chuan SMTC-a Mobile Repairing (Contract) a thawk turin Lalhmangaihsanga s/o Ralkapsanga, Electric Hebron Veng, Aizawl a la thar a, April 3, 2018 atangin a hna a zawm tan ang.  Mission Board March 26 - 28, 2018 chhung khan PCI Peace & Justice Meeting, Shillong-ah neih a ni a, hemi hunah hian Dr. Robert S. Halliday, Coordinator Synod Mission Board a kal.  Presbyterian English School Teachers' Training neih a ni March 27, 2018 (Thawhlehni) khan Pi Zaii Hall, Synod Conference Centre-ah PES Teachers’ Training neih a ni. Training-ah hian Resourse person pathum - Pu Lalvena Hnamte, Upa Lalthianghlima leh Upa Zochungnunga te hnen atangin thupui pawimawh tak tak - Effective Teaching : A Multi-Method Project, Scheme of Examination & Question Design, Co-Operation tih te zirho a ni a, tun tumah hian District pali - Serchhip, Mamit, Lunglei leh Saiha a tangin PES Teacher 299 an kal khawm a ni. Tun dinhmunah hian Presbyterian English School 136 a awm mek a, heng school-a zirtirtute hi PES Sub-Commit- tee chuan a theih ang angin Training (One Day Training) a pe thin a. Nikum 2017 khan hmun hrang hrangah PES zirtitute ko khawmin vawi 5 training neihpui an ni.  KTP March 27, 2018 (Thawhlehni) tlai dar 3 khan Central Kristian Thalai Pawl hruaitu hlui leh tharte chuan charge an inhlan a, charge inhlan zawh hian hruaitu tharte an committee zui nghal. Charge inhlanna hi Central KTP hruaitu kalchhuak Rev. Zothansanga'n a kaihruai a, KTP General Conference, West Phailenga neih zawh tak thlirlet a ni a, hemi hnu hian kum 2016-18 hruaituten kum 2018 - 2020 hruaitu thar turte hnenah charge an hlan. Zan dar 7:00 atangin kum 2018 - 2020 hruaitu tharte hi committee zui nghalin, leader thar, Rev. Dr. K. Lallawmzuala'n a kaihruai a. Committee-ah hian KTP General Conference West Phailenga thurel bawhzui ngaite relin bawhzui dan tur ruahmanna siam nghal a ni. Contd,.. www.mizoramsynod.org

Synod Information & Publicity Department, Synod Office (Third Floor), Mission Veng, Aizawl  Social Front March 23, 2018 (Zirtawpni) khan District huap Political Education Seminar chu Champhai Vengthlang Kohhran Hall-ah buatsaih a ni a, hemi hunah hian Social Front atangin mi pathum - Rev. R. Vanlalnghaka, Synod Rescue Home, Revd Chuauthuama, Ramhlun Vengchhak leh Rev. Zoramsanga, Synod Office te an kal a. Seminar-ah hian huam chhunga Presbytery hrang hrang - Champhai North, Champhai South, Hmarchhak, Tuichang, Tuichangral North, Tuipuiral leh Tuivawlral atangin Kohhran aiawh mi 128 an kal a ni. Revd Chuauthuama’n chawhma leh chawhnuah paper a present a, chawhma lam hun chu Rev. R.Vanlalnghaka’n a kaihruai a, chawhnu chu Rev. R. Vanlalruata, Champhai Vengthlang Bialtu Pastor-in a kaihruai a. Chawhma leh Chawhnuah sawihona hun tha tak hman a ni. Rev. Zoramsanga’n lawmthu sawiin Rev. Malsawmtluanga, Venglai Bialtu Pastor-in malsawmnain a tin a ni. Thlengtu kohhran hian anmahni insengsovin seminar-a telte tan zanriah an buatsaih sak a. Zanah Champhai Vengthlang Pastor Bial chhunga kohhran pathumah inkhawmna hun hman a ni bawk.  Prison Ministry Prison Ministry chuan kumin Good Friday leh Easter Sunday programme chu Central Jail leh District Jail, Armed Vengah te hetiang hian hun an hmanpui ang. 1. Good Friday Central Jail Chawhma Chawhnu Mipa Ward Rev. B. Sangthanga, Exe. Secretary Rev. R. Lalnuntluanga, Statistician Hmeichhe Ward Rev. R. Lalnuntluanga, Statistician Upa C. Lalthianghlima, Comt. Mem. District Jail Chawhma Chawhnu Rev. R. Lalvulluaia, i/c Prison Ministry Rev. R. Lalvulluaia, i/c Prison Ministry 2. Easter Sunday Central Jail Chawhma Chawhnu Mipa Rev. Lalsangmuana, Comt. Mem. Rev. B. Sangthanga, Exe. Secretary Hmeichhia Rev. C. Lalramchhana, Comt. Mem. Upa Vanengmawia, Comt. Mem. District Jail Chawhma Chawhnu Rev. R. Lalvulluaia, i/c Prison Ministry Rev. Lalsangmuana, Comt. Mem.  Campus Ministry  March 22, 2018 (Ningani) khan Presbyterian Kohhran, Falkland Veng leh Shalom buatsaih tleirawl pual Camp- ing, Berawtlang a neihah 'Motivational Speech' sawiin hun an hmang a. March 23, 2018 (Zirtawpni) khan Zotlang Kohhran Social Front buatsaihin 'Career Guidance & Awareness Campaign' hun Sunday School zirlaite pualin an hmang leh a. Tin, March 27, 2018(Thawhlehni) khan Govt. Aizawl College, Sikulpuikawn, Mission Vengah hun an hmang leh a ni.  Synod-in chhawmdawlna pe Tun hnaia harsatna hrang hrang neite hnenah Synod Relief Fund atangin chhawmdawlna hetiang hian pek an ni. S.No Khua Pek chhan Chhungkaw zat Chhawmdawlna pek zat 1. Mualpui, Chhingchhip Damlo 1 Rs. 8,000/- 2. Zote, Champhai Damlo 1 Rs. 8,000/- 3. Bairabi Rail Station Kangmei tuar 1 Rs. 10,000/- TOTAL Rs. 26,000/-  Zin March 31, 2018(Inrinni) hian Reiekah Pastor Quarters thar Pathian hnena hlanna nei turin Rev. Lalramliana Pachuau, Senior Executive Secretary a kal ang.  Hruaina Eng FM Radio  MARCH 30, 2018 (FM Zoawi Aizawl & FM Lunglei @ 7:30 p.m.): Solo : Zorinsanga Sailo - Min hual reng thin, Zaipawl : Zemabawk Pavalai Pawl - Zan a lo thleng mek e, Thusawi : Upa D.P Biakkhuma - siamthat nan zirna, Trio : Arini, Cindy, Mapuii - An fak ning lo’ng, Zaipawl : Mizoram Synod Choir - Isua Chhinchhiahna  Moderator Programme March 29, 2018 Ningani Zan Dungtlang Kohhran Vanzau Bial March 30, 2018 Zirtawpni Chawhma Kohhran Vanzau Bial March 30, 2018 Zirtawpni Chawhnu Kohhran Vanzau Bial March 30, 2018 Zirtawpni Zan Vanzau Kohhran Vanzau Bial March 31, 2018 Inrinni Chhun Kohhran Bial March 31, 2018 Inrinni Zan Kohhran Khuangleng Bial April 1, 2018 Pathianni Chawhma Khuangleng Kohhran Khuangleng Bial April 1, 2018 Pathianni Chawhnu Khuangleng South KH Khuangleng Bial April 1, 2018 Pathianni Zan Kohhran Vanzau Bial SUPERINTENDENT, SYNOD OFFICE HRIATTIRNA 1. Synod Bu 2017 a chhuak tawh a, Synod Office-ah Office hun chhungin lam theih a ni. 2. Tunlaiin Synod Office leh Synod Hmun pawimawh hrang hrangte tlawh kan awm nual a, Office tlawh tura kal ten Reception Counter-ah member kal zat nen in report zel tur a ni a, building floor tinah hruaitu tur in ruat a ni a, inthlahrung hauh lova, office rawn tlawh zel turin kan insawm a ni.

Sd/- Superintendent Synod Office, Mizoram Synod

Synod Social Front Helpline: 9089777129; Tuai & PatilMail Helpline us at : [email protected], : 8729800130; Synod Information & Publicity Students’ Helpline :[email protected] 9856883377 Phone - 2314648 Synfo