The Servant of God Edel Quinn
Total Page：16
File Type：pdf, Size：1020Kb
The Servant of God Edel Quinn (Hungarian) e waletele buLegio kuno Africa. Abakalamba baLegio na bantu bambi balefwavs ukuti Papa Paulo amulumbule mutakatifu. Kanshi Nacilinga ukwishiba imyendele yakwe, elyo no kulasalika ili sali lilembelwe panuma. Edel Quinn afyalilwe mu calo ca Ireland. Mvendele yakwe yalengele ukuti ifingi fyaluke. Mu bwaice bwakwe taaishibikwe no kuti akalumbuka; ali uwavemba kabili uwasansamuka, kabili apambene nga bakas¬hana banankcve abengi. Pe fye alekumbwa ukwikala no kulasalika pamo na basisters ba mu lupwa lwa kwa Clara Mutakatifu, abaikalila fye umulimo wa kusalika mukati ka mayanda yabo. Apene engile muli ulu lupwa, nomba bulwele bwa eifuba e bwamuleseshe ukwingilamo. Nelvo mutima wakwe washele kuli bu-sister, lelo Lesa afwaile ukuti aye sanga ulupango lwakwe mu misebo ya ku Africa. Mu 1936 ilyo ali ne myaka 29, elyo aimine pa kuya ku East Africa uko abom¬bele pa maka imvaka cine lubali mu kusalanganpa Legio Mariae. Mu bwafya ubushili bwa kulanda, atampile buLegio mu calo conse ca kwa Shikofu wa mu Zanzibar. Ku mute no mucincisho wakwe, nelyo ali fye no mutende uwacepa¬cepa, abombele kabili mu fyalo ifikalamba: Kenya, Tanganyika, Uganda, Nyasaland, elpo na pa cishi ca Mauritius. Nelvo apatikishiwe ukwikala mu cipatala inshita iikalaamba, talekeleshe mulimo wa kulun¬dulula buLegio mu masali yakwe na mu kulemba makalata. Uwasangilwe ko ilyo Edel aimine ulwendo lwakwe lumo mu mwaka 1943, alembele muli kalata ati: "Talapola, acili nanaka, umutonshi wa mainsa nao ulemu¬cusha, talepema na bwino nakalva; nga aenda fye panono ninshi kalatusaila kweka mpaka fye asuke atushe. Nomba aba fye uwapambana mu kukonka ubwlte." Bonse abamwishibe balimwene ifyo ashintilile kuli Lesa. Talepuswa ku Missa ukufuma na mu bwaice bwake ukufika na ku kufwa kwakwe. Edel atemwishishe Ulukaristia ku mutima wakwe onse. Limbi, nelyo aleba pa lwendo alefunga icakulya nshita ikalamba (nsa 17) pa kuti amone ukupoka Jesu mu Lukaristia."Ulukaristia e lwampela amaka ya kubombe milimo yandi" efyo alembele muli kalata. "Jesu abula kuba mu Lukalistia nga ndi kashiwa." Atemenve Maria apakalamba, alesubila na ku cafwilisho cakwe mu micitile yakwe yonse. Ukumfwa nga bamwipusha, abati: "Bushe limo limo taukana fintu Maria akulomba?" Ena aleyasuka ati: "Ine teti ntane Mayo nelyo cimo ico alefwaya." Ukushipikisha kwakwe ne nsansa shakwe fyapapwishe umupatili uwamumwene ilyo alesumbila ku kufwa, asuka alemba ati: "Ilyo namusangile nelyo alwalishe sana ali ne cimwemwe." Mfwa yali ngo kumupum¬ikisha. Nomba ico acili ne shiwi atile fye: "Cinshi calamfikila? Bushe ni Jesu e wanjishila?" Apo pene afwa no kufwa. Afwile pa 12 May, mu kapepo kanono 1944. Bamushika ku Nairobi, umusumba wa mu calo ca Kenya, mu nshishi iyo bashikamo ba Missionnaries. ISALI Jesu, We mulangishi ne ntulo ya butakatifu, We walangile umusha obe Edel Quinn ukuikanya, ukutemwa umusalaba obe, ukukana isakamana, ukuiposa umwine mu maboko yobe yatakatifu no kucincila nga nshi mu mulimo wa kupususha abantu; ku luse lobe wingaleka ukuti ukuwamya kwakwe kwishibikwe muli Eklesia obe onse, pa kusanikila amano ya bantu bonse abakulumbula Iwe weka, nge Mfumu yabo na Mulubushi wabo, na pa kucincisha bonse aba muli Legio, bengasakamana umulimo wa kupususha abantu mu kukonka bendela wa kwa Maria Mutakatifu, uwatengelwe kwi sambi lya cishinte. Ifintu ifisuma ifyo abantu balepoka ku masali yakwa Edel Quinn fili no kusokololwa ku baikala ku ncende ii:.