COBRA WOMAN (Kobra erregina) ( AEB, 1944 ) BRUTE FORCE ( AEB, 1947 ) CROSSFIRE ( AEB, 1947 ) TO THE VICTOR ( AEB, 1948 ) KEY LARGO ( AEB, 1948 ) CRISIS ( AEB, 1950 ) ( AEB, 1951 ) DEADLINE-U.S.A. ( AEB, 1952 ) BATTLE CIRCUS ( AEB, 1953 ) TAKE THE HIGH GROUND! ( AEB, 1953 ) ( AEB, 1954 ) THE LAST TIME I SAW PARIS (Paris ikusi nuen azken aldia) ( AEB, 1954 ) ( AEB, 1955 ) ( AEB, 1956 ) ( AEB, 1956 ) ( AEB, 1957 ) THE BROTHERS KARAMAZOV (Karamazov anaiak) ( AEB, 1958 ) CAT ON A HOT TIN ROOF (Katemea zinkezko teilatu bero gainean) ( AEB, 1958 ) ELMER GANTRY ( AEB, 1960 ) SWEET BIRD OF YOUTH (Gaztaroko txori eztia) ( AEB, 1962 ) LORD JIM ( AEB, 1965 ) THE PROFESSIONALS (Profesionalak) ( AEB, 1966 ) IN COLD BLOOD (Odol hotzean) ( AEB, 1967 ) (Amaiera zoriontsua) ( AEB, 1969 ) $ (DOLLARS) ($ (Dolarrak)) ( AEB, 1971 ) BITE THE BULLET (Kosk egin balari) ( AEB, 1975 ) LOOKING FOR MR. GOODBAR (Goodbar jaunaren bila) ( AEB, 1977 ) (Okerra zuzen) ( AEB, 1982 ) FEVER PITCH ( AEB, 1985 )

Babesleak: RICHARD BROOKS

COBRA WOMAN (Kobra erregina) Zuzendaria: Robert Siodmak · Gidoia: Gene Lewis, Richard Brooks · Argazkia: George Robinson, W. Howard Greene · Antzezleak: Maria Montez, Jon Hall, Sabu, Edgar Barrier, Mary Nash Iraupena: 70 m. · AEB · 1944

Abentura exotiko hau 40ko hamarkadan ohikoa zen estiloan egina dago, generoan oinarrizkoak ziren zenbait aktorerekin: Sabu eta María Montez esaterako. Ramuk bahitutako bere maitea erreskatatzeko bizitako gorabeherak kontatuko dizkigu. Ramu Pazifikoko irla batera joango da Kado lagunarekin; han, iristen diren kanpotar guztiak akabatu egiten dituzte. Brooksek gidoia idazten lagundu eta zinema beltzeko errealizadore handietako bat bihurtzear zegoen Siodmakek zuzendu zuen.

BRUTE FORCE Zuzendaria: Jules Dassin · Gidoia: Richard Brooks · Argazkia: William Daniels · Antzezleak: Burt Lancaster, Hume Cronyn, Charles Bickford, Yvonne De Carlo, Ann Blyth Iraupena: 96 m. · AEB · 1947

Richard Brooksek bakarrik idatzi zuen 40ko hamarkadako zinema beltzaren lan garrantzitsu honen gidoia. Filma Jules Dassinek zuzendu zuen eta geroago filmak egiteko bere trebezia erakutsi zuen beste film batzuetan ere, esaterako The Naked City lanean (1948). Brute Forcek Joe Collinsen kartzelako bizipenez eta haren alde egiteko saiakeraz hitz egingo digu. Hauxe izan zen Burt Lancasterren bigarren aktore lana.

CROSSFIRE Zuzendaria: Edward Dmytryk · Gidoia: John Paxton · Argazkia: J. Roy Hunt · Antzezleak: Robert Young, Robert Mitchum, Robert Ryan, Gloria Grahame, Paul Kelly Iraupena: 86 m. · AEB · 1947

Brooksek ez zuen bere eleberrian oinarrituriko gidoi honen idazketan parte hartu. Ondorioz, zenbait zati garrantzitsu kendu zizkioten. Dena dela, Crossfire 40ko hamarkadako zinema beltzeko izenburu garrantzitsuetako bat da. Joseph Samuelsen hilketaren ikerketaz hitz egiten digu. Arduraduna Finlay kapitaina da eta zenbait soldaduren gaineko susmoak izango ditu. Nabarmentzekoak dira flashbackaren erabilera eta gerraosteko zenbait alderdi sozialen kritika.

TO THE VICTOR Zuzendaria: Delmer Daves · Gidoia: Richard Brooks · Argazkia: Robert Burks · Antzezleak: Dennis Morgan, Viveca Lindfors, Victor Francen, Bruce Bennett, Dorothy Malone Iraupena: 100 m. · AEB · 1948

Richard Brooksek idatzi zuen film arraro eta ahantzi honen gidoia. Gorkiren Bazter zuloak lanaren interpretazio bitxia dela esan genezake; bertan, bi pertsonaia bizi diren gizartea aldatzen saiatuko dira beren erara. Brooksek bereziki maite zuen gaia. Destination Tokyo (1943) eta Broken Arrow (1950) lanen zuzendariaren lan ezezagunenetako bat.

1 RICHARD BROOKS

KEY LARGO Zuzendaria: John Huston · Gidoia: Richard Brooks · Argazkia: Karl Freund · Antzezleak: Humphrey Bogart, Edward G. Robinson, Lauren Bacall, Lionel Barrymore, Claire Trevor Iraupena: 100 m. · AEB · 1948

Floridako kostako hotel batean ezkutatuta dago Johnny Rocco gangster beldurgarria. Hotelaren jabea, haren aitaginarreba elbarria eta gerrako beterano bat hotelean giltzapetuta eta mehatxupean ditu; azken hau Roccori aurre egiten saiatuko da. Zinema beltz klasikoaren maisulanetako bat da hau. Edward G. Robinson, Lauren Bacall eta Humphrey Bogarten antzezpen bikainekin. Brooksek John Hustonekin batera idatzi zuen Maxwell Andersonen lanean oinarrituriko gidoia.

CRISIS Zuzendaria: Richard Brooks · Gidoia: Richard Brooks · Argazkia: Ray June · Antzezleak: Cary Grant, José Ferrer, Paula Raymond, Signe Hasso, Ramón Novarro Iraupena: 96 m. · AEB · 1950

Ferguson doktorea neurozirujau ospetsua da eta Hego Ameriketako herrialde batean dago oporretan bere emazterekin. Raoul Farrago da bertan agintzen duen diktadorea eta bikotea herrialdean geratzera behartuko du medikuak ebakuntza egin diezaion. Iraultzaileek medikuaren emaztea bahituko dute hura ebakuntzan akats bat egitera behartzeko. Brooksek zuzendari gisa eginiko lehenengo lan honek agerian uzten du AEBen interbentzionismoari buruzko bere interesa.

THE LIGHT TOUCH Zuzendaria: Richard Brooks · Gidoia: Richard Brooks · Argazkia: Robert Surtees · Antzezleak: Stewart Granger, Pier Angeli, George Sanders, Kurt Kasznar, Joseph Calleia Iraupena: 91 m. · AEB · 1951

Samen ogibidea artelanak lapurtzea da, eta oraingoan, Italiako eliza bateko koadroa ostu du; haren kopia bat egin nahi du bere lankideei ziria sartzeko, hala jatorrizkoa saldu eta bi aldiz kobratzeko. Kopia egiteko Anna aukeratuko du, artista eder eta inuzentea. Sam harekin ezkonduko da eta Siziliara joango dira. Exotismoa, intriga kriminala eta maitasun sutsua batzen dira Brooksek MGMrentzat eginiko film ezezagunenetako batean.

DEADLINE-U.S.A. Zuzendaria: Richard Brooks · Gidoia: Richard Brooks · Argazkia: Milton Krasner · Antzezleak: Humphrey Bogart, Ethel Barrymore, Kim Hunter, Ed Begley, Warren Stevens Iraupena: 87 m. · AEB · 1952

New Yorkeko Day kalitatezko egunkariaren jabea hil egin da eta haren oinordekoek lehia egiten dion beste bati saldu nahi diote. Ed Hutcheson, egunkariaren editore gogor eta prentsa askearen defendatzaile amorratuak salmenta hori galarazi nahi du; aldi berean, Rienzi mafiosoa agerian jarriko du. Prentsa askatasunaren defentsa kartsua, eta kazetarien lanari buruz egin den film onenetako bat.

2 RICHARD BROOKS

BATTLE CIRCUS Zuzendaria: Richard Brooks · Gidoia: Richard Brooks · Argazkia: John Alton · Antzezleak: Humphrey Bogart, June Allyson, Keenan Wynn, Robert Keith, William Campbell Iraupena: 90 m. · AEB · 1953

Koreako gerran Ruth McGara tenientea fronteko armadaren ospitale ibiltari batera bidaliko dute lan egitera. Bertan, Jed Webbe komandantea ezagutuko du; gizona zirujauetako bat da, gehiegi edaten du eta harreman hutsalak baino ez ditu gustuko. Ruth harekin maiteminduko da. Brooksek eginiko bi gerra filmetako bat, abentura, komedia eta melodrama ukituekin.

TAKE THE HIGH GROUND! Zuzendaria: Richard Brooks · Gidoia: Millard Kaufman · Argazkia: John Alton · Antzezleak: Richard Widmark, Karl Malden, Elaine Stewart, Carleton Carpenter, Russ Tamblyn Iraupena: 101 m. · AEB · 1953

1953. urteko maiatza da. Thorne Ryan sarjentua, Koreako beteranoa, Bliss forteko errekruten irakaslea da orain. Beste irakaslea, Laverne Holt sarjentua, gizon askoz ere ulerkorragoa da. Ryanek borrokaren baldintza gogorretarako prestatu behar ditu bere gizonak. Oinazez beteriko rola Richard Widmark-entzat eta harekin kontraste bizia egiten Karl Maldenen interpretazioa.

FLAME AND THE FLESH Zuzendaria: Richard Brooks · Gidoia: Helen Deutsch · Argazkia: Christopher Challis · Antzezleak: Lana Turner, Pier Angeli, Carlos Thompson, Bonar Colleano, Charles Goldner Iraupena: 104 m. · AEB · 1954

Madeline emakume amerikarra bota egingo dute Napoleseko bere apartamentutik; Ciccio bihotz oneko konpositoreak bere etxean hartuko du eta Madelinek afera bat hasiko du haren laguna Ninorekin. Nino abeslari ederra da eta Madelinekin alde egingo du Lisa goxoarekin ezkondu baino pixka bat lehenago. Bitxikeria bat, foileto-melodrama hutsa eta Brooksek zuzendu bai baina idatzi ez zuen film gutxietako bat.

THE LAST TIME I SAW PARIS (Paris ikusi nuen azken aldia) Zuzendaria: Richard Brooks · Gidoia: Julius J. Epstein, Philip G. Epstein, Richard Brooks · Argazkia: Joseph Ruttenberg · Antzezleak: , Van Johnson, Walter Pidgeon, Donna Reed, Eva Gabor Iraupena: 116 m. · AEB · 1954

Francis Scott Fitzgeralden Babylon Revisited kontakizuna du oinarri eta Charles Willsen istorioa kontatuko digu. Wills idazle izan nahi duen soldadua da eta Europako garaipenaren egunean Helen Ellswirth ezagutuko du Parisen. Maitemindu, ezkondu eta alaba izango dute, Vicki. Baina Charles ilusioa galduta dabil ez duelako arrakastarik eta Helenen portaera kaskarinaz nekatzen hasia delako. Brooksen egokitzapen literario ezagunen hasiera da hau.

3 RICHARD BROOKS

BLACKBOARD JUNGLE Zuzendaria: Richard Brooks · Gidoia: Richard Brooks · Argazkia: Russell Harlan · Antzezleak: Glenn Ford, Anne Francis, Louis Calhern, Margaret Hayes, John Hoyt, Iraupena: 101 m. · AEB · 1955

Richard Dadier irakasle gisa hasiko da lanean diziplina arazo larriak dituen institutu batean. Ikasle gehienak gaizkile gazteak dira eta Dadier bere autoritatea baliatzen saiatzen denean aurka jarriko zaizkio. Hezkuntzaren gaia zineman lantzen aitzindaria, baita rocka (Bill Haley) soinu bandan sartu eta aktore beltz bat, Sidney Poitier, star-systemera bultzatu zuen lehenengo lanetako bat.

THE LAST HUNT Zuzendaria: Richard Brooks · Gidoia: Richard Brooks · Argazkia: Russell Harlan · Antzezleak: Robert Taylor, Stewart Granger, Lloyd Nolan, Debra Paget, Russ Tamblyn Iraupena: 103 m. · AEB · 1956

Charley Gilsonek bufaloak ehizatzen ditu hiltzeko plazeragatik bakarrik. Sandy McKenzie, ordea, nekatuta dago ehizaz, baina Charleyren lankidea izatea onartuko du bere ganadua ihesaldi batean hiltzen denean. Merezi gabeko porrot komertziala bere garaiari aurreratu zitzaion film batentzat: indiarren aldekoa, ekologista eta animalien sarraskiak salatzen zituena.

THE CATERED AFFAIR Zuzendaria: Richard Brooks · Gidoia: Gore Vidal · Argazkia: John Alton · Antzezleak: Bette Davis, Ernest Borgnine, Debbie Reynolds, Barry Fitzgerald, Rod Taylor Iraupena: 93 m. · AEB · 1956

Jane Hurley-k datorren astean ezkonduko dela jakinarazi dio bere familiari. Senargaia Ralph Halloran da, goragoko gizarte maila bateko gizona. Jane eta Ralphek etxeko kide hurbilekin eginiko ezkontza intimoa nahi dute. Baina egoeraren kontrola galduko dute eta ehunka gonbidatu bilduko dituen ezkontza prestatzen hasiko dira. Gore Vidalen lan batean oinarritua. Brooksen hitzetan bere film onenetako bat.

SOMETHING OF VALUE Zuzendaria: Richard Brooks · Gidoia: Richard Brooks · Argazkia: Russell Harlan · Antzezleak: , Dana Wynter, Sidney Poitier, Wendy Hiller, Juano Hernandez Iraupena: 113 m. · AEB · 1957

Britainia Handiaren mende dagoen Kenyan, kikuiu tribuko kideek bakean lan egiten duten Henry McKenzie kolono britainiarrarentzat. Peter, Henryren semea, eta Kimani beltza lagun minak dira. Baina denborak eta gizarte gatazkek aurrez aurre jarriko dituzte biak. Brooksen lan onenetako bat. Garaiko Afrika beltzaren erretratu errealista eta zintzotasun lezio bat.

THE BROTHERS KARAMAZOV (Karamazov anaiak) Zuzendaria: Richard Brooks · Gidoia: Richard Brooks · Argazkia: John Alton · Antzezleak: Yul Brynner, Maria Schell, Claire Bloom, Lee J. Cobb, Albert Salmi Iraupena: 146 m. · AEB · 1958

Fiodor Karamazov zeken aberats eta sentsuala da. Lau seme ditu: Dimitri, zaharrena, armadako ofiziala da eta Katya neskatila aberats eta ederrarekin ezkontzera doa; Ivan, ilusioa galdu duen intelektuala da; Alexey fede izugarria duen monjea da. Laugarren semea, Smerdyakov, ez da legitimoa. Dimitri bere aitaren maitaleetako batekin maiteminduko da eta tentsioak lehertuko dira. Dostoievskiren eleberriaren egokitzapen sonatua.

4 RICHARD BROOKS

CAT ON A HOT TIN ROOF (Katemea zinkezko teilatu bero gainean) Zuzendaria: Richard Brooks · Gidoia: Richard Brooks · Argazkia: William Daniels · Antzezleak: Elizabeth Taylor, Paul Newman, Burl Ives, Jack Carson, Judith Anderson Iraupena: 108 m. · AEB · 1958

Gooper emaztearekin itzuliko da familiaren New Orleanseko etxera, gaixorik dagoen aitaren urtebetetzea ospatzeko. Gooper eta bere emaztea May herentzia beraientzat izango delakoan daude. Haren anaia Brick eta bere emaztea Maggie, eztabaidan dabiltza beti Bricken alkoholismoagatik eta hark Maggierengatik inolako interes sexualik ez duelako. Elkarrizketa bikainak dituen drama sakona, Tennessee Williamsen lanean oinarritua eta interpretazio bikainekin.

ELMER GANTRY Zuzendaria: Richard Brooks · Gidoia: Richard Brooks · Argazkia: John Alton · Antzezleak: Burt Lancaster, Jean Simmons, Arthur Kennedy, Dean Jagger, Shirley Jones Iraupena: 146 m. · AEB · 1960

Elmer Gantry saltzaile ibiltari, oportunista eta gonazalea, Sharon Falconer predikariaren taldeari batuko zaio; emakumeak benetako fedea dauka. Elkarrekin, hiriz hiri joaten, ezagun egingo dira. Falconerren ahizpa Gantryrekin maiteminduko da, baina predikari baten alabak tranpa jarriko dio. Brooksek Oscarra irabazi zuen Sinclair Lewisen eleberrian oinarrituriko gidoia idazteagatik eta Lancasterrek beste bat bere interpretazio paregabeagatik.

SWEET BIRD OF YOUTH (Gaztaroko txori eztia) Zuzendaria: Richard Brooks · Gidoia: Richard Brooks · Argazkia: Milton Krasner · Antzezleak: Paul Newman, Geraldine Page, Shirley Knight, Ed Begley, Rip Torn Iraupena: 120 m. · AEB · 1962

Paul Newmanen rol bikainenetako bat, berriz ere Tennessee Williamsen lan batean oinarritua. Newman Chance Wayne izango da, zenbait urte noraezean daramatzan gazte erakargarria. Chance bere jaioterrira itzuliko da hainbat urtez Hollywoodeko izarra izaten saiatu ondoren. Bidean Alexandra Del Lago zinema aktore helduarekin elkartuko da. Emakumea alkoholaren eta drogaren munduan murgilduta dago. Oscar saria Ed Begley bigarren mailako aktore bikainarentzat.

LORD JIM Zuzendaria: Richard Brooks · Gidoia: Richard Brooks · Argazkia: Freddie Young · Antzezleak: Peter O’Toole, James Mason, Curt Jurgens, Eli Wallach, Jack Hawkins Iraupena: 154 m. · AEB · 1965

Joseph Conraden abentura eleberri handietako bat; dilema moral eta psikologiko sakon honi esker Peter O'Toolek bere interpretazio onenetako bat eskainiko digu. O'Toolek James Burke Patna itsasontzi kalamastran sartuko den armada britainiarreko lehenengo ofizialaren rola egingo du. Ekaitz gogor batean Jamesek ontzitik alde egin eta bidaiariak itotzen utziko ditu. Etorkizunean erruduntasun sentimendua zama itzela bilakatuko zaio.

5 RICHARD BROOKS

THE PROFESSIONALS (Profesionalak) Zuzendaria: Richard Brooks · Gidoia: Richard Brooks · Argazkia: Conrad Hall · Antzezleak: Burt Lancaster, Lee Marvin, Robert Ryan, Woody Strode, Jack Palance, Claudia Cardinale Iraupena: 117 m. · AEB · 1966

J. W. Grant izeneko texastar aberats batek lau gizon kontratatuko ditu bere emaztea erreskatatzeko. Dirudunaren emaztea, Maria, Raza bandidu mexikarrak bahitu du. Profesional bakoitzak bere espezialitatea dauka: bilaketa, lehergailuak, zaldiak eta estrategia. Brooksen bigarren westerna eta Mexikoko iraultzarekiko erromantizismorik gabeko hurbilketa. Aktoreak ere bikainak.

IN COLD BLOOD (Odol hotzean) Zuzendaria: Richard Brooks · Gidoia: Richard Brooks · Argazkia: Conrad Hall · Antzezleak: Robert Blake, Scott Wilson, John Forsythe, Paul Stewart, Gerald S. O’Loughlin Iraupena: 134 m. · AEB · 1967

Garairako ezohikoa zen indar asaldatzailea duen filma; askoren ustez Brooksen maisulana. Truman Capoteren eleberri baten egokitzapena da, eta erronka bikaina izan zen zuzendariarentzat eleberria eta ikerketako kazetaritza nahasten zituelako. Espetxeko gela berean egondako bi presoren -Perry Smith eta Dick Hickock- istorioa kontatuko digu; espetxetik irtetean Clutter sendiko kideak hilko dituzte ustez baserrian gordeta duten dirua lapurtzeko.

THE HAPPY ENDING (Amaiera zoriontsua) Zuzendaria: Richard Brooks · Gidoia: Richard Brooks · Argazkia: Conrad Hall · Antzezleak: Jean Simmons, John Forsythe, Shirley Jones, Lloyd Bridges, Teresa Wright Iraupena: 112 m. · AEB · 1969

Mary adin ertaineko etxeko andrea da eta ilusioa galdu du, bai Fredekin daraman ezkon-bizitzarekiko bai alaba nerabearekin daukan harremanarekiko. Ondorioz, edaten eta pilulak hartzen hasiko da. Azkenean, Maryk etxetik alde egingo du eta Nassaura joango da. Zorigaiztoko harreman baten ondoren Denverrera itzuliko da, baina etxera bueltatu ordez, lan bat bilatu eta etxe bat alokatuko du. Hollywood klasikoak eskainitako bikotearen eredua zalantzan jartzen duen filma.

$ (DOLLARS) ($ (Dolarrak)) Zuzendaria: Richard Brooks · Gidoia: Richard Brooks · Argazkia: Petrus Schloemp · Antzezleak: Warren Beatty, Goldie Hawn, Gert Frobe, Robert Webber, Scott Brady Iraupena: 120 m. · AEB · 1971

Joe Collins segurtasunean aditua da eta Hanburgon lan egiten du. Egun batean zenbait gaizkilek alokatuta dituzten hiru kutxa gotorretako edukia lapurtzea erabakiko du. Bankukoek segurtasun sistema berri bat instalatzeko kontratatzen dutenean aukera paregabea baliatuko du. Dawn Divine prostituta izango da haren laguntzailea. Brooksek entretenimendu huts eta eraginkorra kapitalismoaren kritika garratzarekin nahastu zituen eta Quincy Jonesen musika erantsi zien.

6 RICHARD BROOKS

BITE THE BULLET (Kosk egin balari) Zuzendaria: Richard Brooks · Gidoia: Richard Brooks · Argazkia: Harry Stradling Jr. · Antzezleak: Gene Hackman, Candice Bergen, James Coburn, Ben Johnson, Ian Bannen Iraupena: 131 m. · AEB · 1975

Brooksen hirugarren eta azken westernak tonu malenkoniatsua baliatuko du amaitzera doan bizimodu bati buruz hitz egiteko. Egunkari batek 1906an antolatu zuen zaldi lasterketaren gorabeherak kontatuko dizkigu. Parte-hartzaileek 700 milia egin beharko dituzte lurralde gogor batean barrena egun gutxi batzutan. Horien artean, emakume bat, mexikar bat, ingeles bat, behizain gazte bat eta zahar bat eta zalditeriako boluntario ohiak izandako bi gizon daude.

LOOKING FOR MR. GOODBAR (Goodbar jaunaren bila) Zuzendaria: Richard Brooks · Gidoia: Richard Brooks · Argazkia: William A. Fraker · Antzezleak: Diane Keaton, Tom Berenger, Tuesday Weld, William Atherton, Richard Kiley, Richard Gere Iraupena: 136 m. · AEB · 1977

Annie Hall egin zuen urte berean Diane Keatonek Theresaren rola egin zuen. Lan honetan, "gizon perfektua" bilatzeko ezkongabeen tabernetara joaten hasiko den haur gormutuen irakaslea izango da. Sexu grinak, lehengo, eta drogazaletasunak, ondoren, egoera arriskutsuak bizitzera eramango dute, haren laneko eta etxeko bizitza seguru eta aspergarriarekin kontraste handia egingo dutenak. Hau izango da Richard Gereren lehenengo protagonista rola.

WRONG IS RIGHT (Okerra zuzen) Zuzendaria: Richard Brooks · Gidoia: Richard Brooks · Argazkia: Fred Koenekamp · Antzezleak: Sean Connery, George Grizzard, Robert Conrad, Katharine Ross, John Saxon Iraupena: 117 m. · AEB · 1982

Patrick Hale kazetaria Afrika iparraldean dago Awad erregeari buruzko erreportaje bat egiten. Awad agintari aberatsak inperio bat sortu du basamortuan. Erregeak erosi behar zituen bi arma nuklearrak lapurtu eta talde terrorista bati saltzen dizkiotenean Halek haien nazioarteko bilaketari ekingo dio. XXI. mendeko politikaren eta terrorismoaren zenbait egoerari buruzko izaera bisionarioagatik harritzen gaituen satira.

FEVER PITCH Zuzendaria: Richard Brooks · Gidoia: Richard Brooks · Argazkia: William A. Fraker · Antzezleak: Ryan O’Neal, Catherine Hicks, Giancarlo Giannini, Bridgette Andersen, Chad Everett Iraupena: 96 m. · AEB · 1985

Steve Taggart kiroletako kazetaria jokoarekiko zaletasunari buruzko artikulu sorta bat idazten ari da. Las Vegasera joango da eta irabazleak eta galtzaileak elkarrizketatuko ditu. Baina, egiaz, Taggart bera jokalari amorratua da eta diru asko zor dio gangster bati. Brooks 80ko hamarkadako korronteei egokitzen saiatu zen eta bere azken filmari bideoklipen estetika eta Thomas Dolbyren musika jarri zion.

7