Wasifu Mfupi Wa Imam Muhammad BIN Hasan (A.S.)
Total Page：16
File Type：pdf, Size：1020Kb
WASIFU MFUPI WA Imam muhammad BIN hasaN (a.s.) Mwandishi: MOHAMED RAZA DUNGERSI, Ph.D. Mtarjuma: MUHAMMAD S. KANGU Kimetolewa na : Bilal Muslim Mission of Tanzania S.L.P. 20033 Dar es Salaam - Tanzania Toleo la Kwanza: Sha‘ban 1434 / Juni 2013 Idadi: Nakala 1000 Fedha kwa ajili ya uchapishaji ilitafutwa na : BILAL COMREHENSIVE SCHOOL Kimetolewa na : BILAL MUSLIM MISSION OF TANZANIA S.L.P 20033 DAR ES SALAAM - TANZANIA YALIYOMO Dibaji . 1 Utangulizi . 4 Sura 1: Imam Muhammad bin Hasan (a.s.) Al-Mahdi: Kuzaliwa Kwake na Maisha ya Utoto. 6 Sura 2: Imam Mahdi (a.s.): Ghaibat Fupi na Ndefu (Ghaibat Al-Sughra na Ghaibat Al-Kubra) . 18 Sura 3: Filosfia ya Ghaibat . 31 Sura 4: Yako Wapi Makazi ya Imam Mahdi (a.s.) . 40 Sura 5: Majukumu na Wajibat za Wafuasi wa Imam (a.s.) Wakati wa Kipindi cha Ghaibat . 42 Sura 6: Kujitokeza Tena kwa Imam Mahdi (a.s.) . 48 Sura 7: Raj’at (Marejeo) . 56 Sura 8: Miujiza ya Imam Mahdi (a.s.) . 60 Sura 9: Semi za Imam Mahdi (a.s.) . 63 Maswali . 66 DIBAJI Hivi ndivyo ilivyoanza. Nilipokea barua kutoka kwa Mhubiri Mkuu wa Bilal Muslim Mission of Tanzania, Allama Sayyid Saeed Akhtar Rizvi, akiniomba niandike masomo ya kufundisha kwa ajili ya Masomo ya Kimataifa kwa njia ya Posta juu ya Historia ya Uislamu ambayo Taasisi hii imekusudia kuyafanya. Kuwa muwazi zaidi, jukumu langu lilikuwa ni kuandika Vitengo (Units) tofauti 13, katika muundo wa vijitabu, vikiwa na maelezo mafupi ya wasifu wa maisha ya Hadhrat Fatima (s.a.) na Maimam Masoom 12. Madhumuni yalikuwa: Vijitabu hivi viwe rahisi kusomwa, vikikusudiwa kwa ajili ya Mashia/Waislamu wapya na vijana wa jumuiya ya Waislamu, wanaotafuta elimu kuhusu Maimam Masoom. Allama Rizvi kwa makhususi alisema kwamba vijitabu hivi havikukusudiwa kwa ajili ya wanachuoni bali wasomaji wa kawaida na kwa hivyo lazima viepuke mitego ya kiusomi. Kwangu mimi, ina maana ya heshima ya pekee na utambuzi. Kwamba Allama Rizvi, mmoja wa waandishi na mwanachuo mashuhuri katika ulimwengu wa Shia, lazima ameniona mimi kuwa na uwezo wa kuelewa majukumu haya, ni kitu ambacho kamwe sijawahi kukiwazia katika ndoto zangu za kawaida! Sasa kwa vile fursa hii ilikuwepo pale, nilikubali changamoto hii kwa sababu mbili. Kwanza, hii itanipa mimi fursa adimu ya kufanyakazi chini ya usimamizi wa karibu wa Allama Rizvi, ambaye mwongozo wake utafungua maeneo makubwa ya ujuzi kwa ajili yangu katika nyanja muhimu za Historia ya Uislamu. Pili, nitakuwa ninafanya kazi ambayo inaweza kuwa sababu kwangu mimi kupata ‘SAWAB-E- JARI’ mara tu nitakapoondoka ulimwenuni hapa kwenda Akhera. Nilikubali tume hii. Matokeo ya mara moja yalikuwa ni kitengo cha kwanza katika muundo wa kijitabu: IMAM ALI (a.s.) kilichotoka mwaka wa 1992. Kijitabu hiki kilitoka baada ya 1 kupitiwa na kutathminiwa na Allama Rizvi mwenyewe. Kwa baraka za Allah, kilipokelewa vizuri sana na jumuiya. Nilitiwa moyo na mwanachuoni mwinginc mashuhuri, Malim Ali Mohamed Jaffer wa Bilal Muslim Mission of Kenya. Alinisifia kwa kuweza kutoa kijitabu rahisi lakini chenye taarifa muhimu, ambacho kinafaa kwa wale wenye haja ya kupata ujuzi kuhusu Maimam kutoka Familia ya Mtume (s.a.w.w.). Aidha, Malim Ali Mohamed Jaffer alisisitiza kwamba lazima niendelee mbele na kutoa vijitabu kwa ajili ya Maimam 11 waliobakia. Na nilifanya hivyo, kitengo kwa kitengo, katika miaka iliyofuatia. Nilipokuja kufikiria, niliona kwamba ukamilishaji wa mradi huu haikuwa safari nyepesi kwangu. Jukumu hili lilihusisha utafiti mkubwa na mpana, ukitumia muda mkubwa na nguvu. Hii ni kwa sababu kuandika kwa ajili ya maisha ya watu hawa mashuhuri kuna hitaji hadhari ya hali ya juu katika kutumia taarifa sahihi na uteuzi wa maneno yanayofaa. Ukiongeza juu ya hili, mradi huu ulikuwa katika mfumo wa hiyari na ulikuwa ufanywe wakati ambao nilikuwa na kazi ya kila siku kwa ajili ya kunipatia kipato cha kujikimu.Vipengele vyote hivi huelezea ni kwa nini imechukuwa muda mrefu kiasi hiki kwa mimi kukamilisha mradi huu; kitabu moja kwa wakati kuanzia 1992-2010. Kijitabu cha mwisho kutolewa kilikuwa juu ya maisha ya lmemu wetu wa 11 Hadhrat Hasan Askari (a.s.) na kilichapishwa katika mwaka wa 2001. Baada ya kupita miaka mingi, kitabu cha mwisho juu ya maisha ya Imam Mahdi (a.s.), Allah amuweke salama na aharakishe kujitokeza kwake tena, sasa kiko mikononi mwako. Inasikitisha kwamba Allama Rizvi hayuko tena nasi leo kushuhudia ukamilishaji wa mradi huu. Malim Ali Mohamed Jaffer, pia ameondoka kwenye ulimwengu huu wa mpito kuelekea ulimwengu wa mwisho - Akhera. Allah awalipe wanachuoni hawa wawili maisha ya milele ya furaha kwajuuhdi zao kwa ajili ya Kumtumikia Yeye. 2 Nitakuwa sitendi haki kama sitashukuru juhudi za Al-Haj Fidahusein Hameer, mmoja wa wazee waasisi wa Bilal Muslim Mission of Tanzania. Fidahusein bhai ameonesha kiwango kisicho na mafano cha subira na uvumilivu katika kushughulika na ukawiaji wangu kuhusu ukamilishaji wa mradi huu. Hakuna ambaye angeweza kuvumilia ucheleweshai huu kwa muda mrefu kiasi hiki na zamani sana angekwisha achana na mimi. Lakini sio Fidahusein bhai. Kukumbusha kwake kwa mara kwa mara lakini kwa upole kumeleta faida. Allah amlipe malipo mema na ampe maisha marefu yenye siha ili aendelee kuhudumia katika njia Yake. Yote yamesemwa na kufanywa, nimefanya hadhari kubwa kuondoa makosa ya aina yoyote, kiukweli au vinginevyo, kutoka kwenye kazi hii. Hata hivyo, kama kuna kosa la aina yoyote ile, zito au jepesi, Naomba msamaha wa Allah. Mohamed Raza Mohamed Husein Dungersi, Ph.D. New York, Marekanu 6 Juni 2010 22 Jamdiul-Thani 1431 NYONGEZA Kabla ya kuchapishwa kwa kijitabu hiki, Haji Fidahusein bhai Hameer alifariki dunia mwezi Februari 6 2011. Faraja yangu pekee ni kwamba niliweza kumkabidhi muswada wa kijitabu hiki wakati wa uhai wake na aliondoka ulimwenguni hapa akijua kwamba kazi hii imekamilika. Allah aipumzishe roho ya Marhum katika ujirani wa Masoomeen wetu 14. Februari 1, 2012 1 Rabiul Awwal 1433 New York, Marekani 3 IMAM MUHAMMAD BIN HASAN AL-MAHDI (A.S.) UTANGULIZI “Na usiwadhanie kabisa wale waliouawa katika njia ya Mwenyezi Mungu kuwa wamekufa, bali wako hai mbele ya Mola wao wanaruzukiwa.” (3:169) Maimam wote wateule kutoka kizazi cha Mtukufu Mtume (s.a.w.w.) (ambao kuhusu maisha yao tayari tumekwisha yajadili kwenye vijitabu vilivyotangulia) waliuliwa katika huduma ya njia ya Allah. Imam Ali (a.s.) aliuliwa wakati akiwa anasali swala ya alFajr katika msikiti wa Kufa. Kichwa cha Imam Husayn (a.s.) kilikatwa akiwa kwenye sajda katika uwanja wa mapambano wa Karbala. Maimam (a.s.) wengine tisa waliobakia wote waliuliwa kwa sumu, hivyo, maisha yao ya kimwili yaliishia katika njia isiyo ya kawaida. Kwa hiyo wote walikuwa mashahidi. Kwa mujibu wa aya ya Qur’an iliyonukuliwa mwanzoni, Maimam wote, katika hali ambayo sisi hatuitambui, wako hai na wanapokea riziki yao kutoka kwenye neema za Allah. Imam wa 12 na wa mwisho, Hadhrat Muhammad bin Hasan Askari (a.s.), anayejulikana kama Imam Mahdi, bado hajafariki kimwili. Yeye ni Imam wa zama - Al-Hujjah (Dhihirisho/Thibitisho), Al-Qaim (Mwazilishi) - hivi sasa kwa amri ya Allah, yuko katika “Ghaiba” (Ghaibu) na hafikiwi na waumini ingawa yeye anatambua hali ya kila mfuasi, kwa uwezo aliojaaliwa na Allah. Kwa amri ya Allah atajitokeza tena na kusimamisha utawala wa Allah katika ardhi hii kabla ya kuja kwa Qiyamat (Siku ya Hukumu). Kwa Waislamu kwa ujumla, na hususan kwa Mashia, ni muhimu kwamba wote wanapata taarifa za msingi kuhusu Hadhrat Mahdi, Allah amlinde katika kipindi hiki cha Ghaibu, na aharakishe kujitokeza kwake tena. Hii ni kwa sababu Mtukufu Mtume (s.a.w.w.) alisema: “Yule ambaye atakufa na hamjui Imam wake wa zama zake, anakufa kifo cha mjinga (JAHIL).” Wanachuoni 4 wanatafsri ‘ujinga’ kuwa na maana kutokuwa na ujuzi kuhusu mizizi na msingi ya Uislamu. Kwa maneno mengine, maana ya hadithi ni ‘yule anayekufa bila kupata taarifa ya msingi kuhusu Imam mteule wa zama zake, anakufa kifo cha asiye Mwislamu.’ Kwa mukhtasari, taarifa kuhusu Imam wetu wa zama, Hadhrat Mahdi (a.s.), zinaweza kuwekwa katika vigawanyo viwili: taarifa ya awali na ya pili. Taarifa ya awali hujumuisha ujuzi kuhusu hai- ba yake, kuwepo, matendo na kujitokeza kwa mara ya mwisho kwa Imam (a.s.). Kutokana na mwanga huu, tunahitaji kutambua majukumu yetu na wajibu wetu kwa Imam wakati yuko ghaibat yake. Kwa upande mwingine, taarifa ifuatiayo - ya pili inahusisha masuala kama makazi ya sasa ya Imam, alipo, dalili ambazo zitajitokeza kabla ya kujitokeza tena nk. Taarifa hii ni muhimu kuijua, lakini sio ya muhimu sana kama taarifa zilizopo chini ya kigawanyo cha awali. Katika kitengo hiki, mkazo itakuwa juu ya vigawanyo vyote - cha awali na kifutacho - cha pili kuhusu ujuzi wa kumuelewa Imam wa 12, Hadhrat Mahdi, Allah amlinde katika kipindi hiki cha ghaibu, na aharakishe kujitokeza kwake tena. Msisitizo utakuwa pia juu ya jukumu la “Marjah” (wale ambao wako katika kipindi cha Ghaiba ya Imam (a.s.)). 5 SURA YA KWANZA IMAM MUHAMMAD BIN HASAN (A.S.) AL-MAHDI: KUZALIWA KWAKE NA MAISHA YA UTOTO UTANGULIZI Dhana ya “Umahidi” (Umasihi), au ujio wa mkombozi katika siku za mwisho za kuwepo kwa uhai katika ardhi hii kama tuijuavyo, sio uzushi wa baadae uliobuniwa na Mashia waliposwagwa mpaka kufikia kiwango cha hofu ya kutisha katika sura ya ukandamizaji kutoka kwa maadui zao. Kwani Mtume (s.a.w.w.) aliwaambia Waislamu katika mzunguko wake katika nyakati mbalimbali kuhusu kuja kwa Mahdi. Wanachuoni mashuhuri wa Sunni na Shia, wakati wote wamethibitisha hili katika vyanzo vyao maarufu. Kwa mfano, Shaykhul Islam, Shaykh Suleiman bin Ibrahim Al-Qunduzi Al-Hanafi anaandika katika kitabu chake Yanabi ul Mawaddah kwamba Mtume (s.a.w.w.) alipokuwa anajadiliana na Myahudi akiitwa Naathaal, alimtangaza Ali bin Abi Talib (a.s.) kama mrithi wake, ambaye baadae atarithiwa na mwanawe Hasan (a.s.) na kisha Husayn (a.s.). Kisha Mtume (s.a.w.w.) alimuambia yule Myahudi kwamba mlolongo wa kurithi utaendelezwa kupitia Maimam tisa, wote wakiwa ni kizazi cha Imam Husayn (a.s.).