Pou Piblikasyon Imedya: 19/07/2017 GOUVÈNÈ ANDREW M. CUOMO GOUVÈNÈ CUOMO ANONSE TRANSFÒMASYON ISTORIK 5.6 MILYA DOLA K AP FÈT NAN LONG ISLAND RAIL ROAD LA Apre 70 zan Imobilite, tout Pwojè pou Konstwi Nouvo LIRR la yo ap Vanse - sa gen ladan Twazyèm Ray Liy Prensipal la, Ray Doub Vwa a ak Rekonstriksyon Jamaica Station a Rekonstriksyon Ray, egiyaj, Siyalizasyon ak Sikisal Elektrik yo k ap fèt Toupatou nan Sistèm lan yo pral Ogmante Kapasite pa plis pase 80 pousan Transfòmasyon yo te Posib Gras a Patenarya MTA, Eta, ak Fonksyonè Lokal yo te fè ak Kominote Long Island yo; Pwojè Twazyèm Ray la pap Itilize Okenn Pwopriyete Rezidansyèl epi l ap gen ladan Mezi Atenyasyon Global yo Jodi a, Gouvènè Andrew M. Cuomo te anonse yon transfòmasyon istorik 5.6 milya dola k ap fèt nan Long Island Rail Road la pou ranfòse enfrastrikti transpò rejyon an epi ouvri pòt pou yon nouvo peryòd kwasans ekonomik. Apre 70 zan imobilite, toule 100 pwojè envestisman transfòmatif LIRR yo ap vanse vè lavan, ki gen ladan Twazyèm Ray Liy Prensipal la (Main Line Third Track), Ray Doub Vwa la (Double Track) ak Rekonstriksyon Jamaica Station a, y ap renove 39 estasyon Long Island Rail Road yo ak pasaj anivo y ap elimine yo -- sa k ap modènize sistèm transpò a toupatou atravè rejyon an pou ofri yon sistèm modèn depwent pou Long Island. Transfòmasyon 5.6 milya dola sa a fè pati pwogram enfrastrikti 100 milya dola New York la, ki se pi gran pwogram nan peyi a. Yon eleman santral nan plan sa a se pou konstwi yon nouvo Tinèl Hudson ant New York ak New Jersey epi reyabilite tib ki la deja yo. Pwojè Gateway a (Pòtay la) pral konekte vwayajè yo k ap soti nan zòn koridò Nòdès yo epi pote pasaje yo vini nan kè sistèm nou an. Nouvo konplèks Penn-Farley Complex a ap konplemante pwojè enpòtan anpil sa a, l ap gen ladan nouvo bilding Moynihan Train Hall la, ki se yon etablisman ki mezire 255,000 pye kare k ap koute 1.6 milya dola yo atann k ap ouvri pòt li an 2020. Penn-Farley Complex a ap gen ladan tou Konkous West End yo fenk ouvri a, ki pèmèt pasaje LIRR ki pral nan travay yo monte tren yo san yo pa bezwen antre nan Penn Station lan. Anplis de sa a, pwojè transfòmatif East Side Access (pou bay aksè a Zòn Lès la) pral kreye premye sèvis LIRR dirèk pou ale zòn lès la epi l ap ogmante kapasite pou ale retou nan Manhattan. “Avèk transfòmasyon konplè sa k ap fèt nan Long Island Railroad la, New York ap rekaptire anbisyon kouraje ki te rann rès peyi a jalou de enfrastrikti nou an epi l ap konstwi pou sèvi alavni diran. LIRR se kolòn vètebral ekonomi rejyon an, epi kouraj ak rezistans Long Island lan mande pou gen envestisman anbisye, transfòmatif ki fèt pou ranfòse rezo transpò nou an”, Gouvènè Cuomo te deklare. “Soti nan Pwojè pou enstale Twazyèm Ray ak Dezyèm Ray yo rive nan amelyorasyon pou vin gen teknoloji ak siyal modèn depwent yo, nou ap oze imajine sa ki pi bon ankò, epi satisfè bezwen pèp New York la yon lòt fwa ankò.” Eleman ki espesifik pou Long Island Rail Road yo gen ladan: Twazyèm Ray Liy Prensipal la Pwojè 2 milya dola pou Agrandisman LIRR la (LIRR Expansion Project) pral ajoute yon twazyèm ray sou yon distans 16 kilomèt ki sou zòn ki konn gen blokis sou Liy Prensipal LIRR la ki ant Floral Park ak Hicksville la, epi elimine toulesèt pasaj a nivo sou lari ki anndan koridò pwojè a yo. Avèk 40 pousan nan pasaje LIRR yo k ap itilize Liy Prensipal la, epi akoz pozisyon santral ki enpòtan anpil kote koridò a ye a nan sistèm LIRR la, reta nan pwojè a te gen enfliyans negatif toupatou nan LIRR la nèt epi reta te gen enpak sou anpil milye pasaje ki pral nan travay yo. Sou lòd Gouvènè a epi apre 70 zan imobilite, eta, MTA, fonksyonè lokal yo ak kominote Long Island lan yo ap vanse pwojè 2 milya dola sa a vè lavan. Nouvo plan transfòmatif sa a diferan anpil de pwopozisyon yo te fè nan tan pase yo. Plan an pap itilize okenn pwopriyete rezidansyèl, l ap elimine sèt pasaj anivo ki sou lari yo, epi l ap elaji oswa ogmante wotè sèt pon ki sou wout liy lan yo pou evite machin ki wo yo frape pon yo. Anplis de sa, gen senk nouvo espas pakin ki itilize enèji nan fason efikas ki gen yon kapasite ki ka kenbe 3,500 machin y ap konstwi an kowòdinasyon ak Vilaj Mineola a ak Westbury ak Vil Oyster Bay a. Etablisman an pral gen ladan biwo jesyon sou plas onivo lokal yo. Nan kad pwojè transfòmatif twazyèm ray sa a, eta a ap antreprann yon pwogram global pou redwi bwi - y ap ranplase tout ray yo epi konstwi yon nouvo Twazyèm Ray ki itilize teknoloji rediksyon bwi avanse. Pwojè a gen ladan mi ki ka redwi bwi sou tout longè prèske 10 kilomèt katye rezidansyèl ki sou wout liy prensipal la, epi l ap gen tretman achitekti pou konplemante anviwonnman ozalantou yo. Eta pral ranplase tou enfrastrikti elektrik yo atravè tout sistèm lan avèk sèt nouvo sikisal traksyon elektrik pou amelyore fyabilite ak ogmante kapasite yo ase pou yo ka alimante twa tren LIRR k ap vwayaje an menm tan. Anplis de sa, pou ogmante sekirite, sistèm lan pral ajoute yon kòmand entegre nan tren yo (positive train control) pou evite erè operatè yo konn fè yo. Pou asire kominote a bay opinyon yo sou pwojè a pandan tout dire li, eta a ap antre nan pwotokòl akò avèk kominote k ap viv sou zòn Twazyèm Ray Liy Prensipal la yo. Pwotokòl akò yo (Memorandum of Understanding, MOU) pral envite kominote yo bay opinyon yo sou konsepsyon pwojè a, ki gen ladan konsepsyon estetik kèk eleman nan pwojè a yo tankou mi yo, konsiderasyon pou sikilasyon ak pakin, itilite, drenaj, kontwòl ensèk nwizib yo ak pousyè, devlopman k ap oryante anvè transpò komen, pwogramasyon ak dire konstriksyon an, sekirite kominote a ak kalite lavi moun nan kominote yo. Ray Doub Vwa a Pwojè 20 kilomèt Ray Doub Vwa a k ap koute 387.2 milyon dola ap pèmèt LIRR bay sèvis ki vini pi souvan nan lè ki konn gen mwens anbouteyaj yo pou ale nan Branch Ronkonkama a nan toulede direksyon yo, ak sèvis nan lè ki gen mwens anbouteyaj yo soti nan yon tren ki te konn pase chak inèdtan a yon tren k ap pase chak 30 minit nan toulede direksyon yo. Kantite moun ki vwayaje nan Branch Ronkonkoma LIRR la chak jou nan semèn nan plis pase 48,000. Avèk yon sèl ray tren sou prèske tout longè wout ant Farmingdale ak Ronkonkoma a, LIRR ka fè yon kantite tren limite fonksyone sèlman epi li manke fleksibilite operasyonèl nan ka ta gen yon deranjman. Pwojè a ap redwi delè ki asosye ak entèripsyon sèvis yo, lè l bay chemennfè a fleksiblite pou kontoune obstak ke li pa ka kontoune aktyèlan ak tinèl vwa inik la. Pwojè Ray Doub Vwa a pral fini nan ete pwochen an- sa vle di 16 mwa avan dèle MTA te planifye a. Lakou Triyaj Tren Mid-Suffolk la Akoz de espas estokaj ki pa genyen nan east end lan (zòn lès la), eta ap konstwi Lakou Triyaj Tren Mid-Suffolk la k ap koute 128 milyon dola nan Ronkonkoma. Lakou triyaj la pral founi espas adisyonèl pou antretyen, enspeksyon ak fè reparasyon nan wagon tren yo pou flòt elektrik la epi nan konsa pèmèt LIRR ogmante sèvis li yo pandan anbouteyaj lèmaten yo pa omwen 50 pousan, sa k ap ajoute uit tren anvè lwès nan pwogramasyon lematen aktyèl la. Eta ap konstwi tou 11 ray adisyonèl atravè 5.2 ekta nan Lakou Triyaj Tren Mid-Suffolk la, chak ap gen kapasite pou yo kenbe 12 seri wagon tren. Pou sipòte fonksyonman Lakou Triyaj Tren an, eta ak konstwi tou yon nouvo Etablisman Kòmand pou LIRR (LIRR Command Facility), k ap mezire 28,000 pye kare. Reprezantasyon grafik nouvo lakou triyaj la disponib isit la. Siyal, Ray, Enfrastrikti Jamaica Station a yo Yo pat janm modènize konfigirasyon ray nan Jamaica Station depi lè yo te ouvri estasyon an, an 1913 la. Nan kad pwojè 375 milyon dola sa a, eta ap rekonstwi Jamaica Station a, ki pral kenbe prèske tout tren LIRR yo, ki gen ladan egiyaj ak siyal ki gen plis vitès, ak yon nouvo platfòm pou rasyonalize fonksyonnman yo ak ogmante kapasite sèvis li yo anvè Atlantic, Penn ak Grand Central. Pwojè a gen ladan konstriksyon yon ray yo devwe a Tèminal Atlantic la pou tren yo pa bezwen itilize ray ki konekte lòt ray adjasan yo pou yo gen aksè a Brooklyn lan, jan konfigirasyon aktyèl la oblije yo fè a. Ray sa a pral ofri pasaje ki prale anvè Brooklyn yo yon tren “rapid” ak yon nouvo platfòm ki pral gen ladan tou miray ki fèt an glas epi ki rechofe espas datant lan, ansanm ak estasyon Wi-Fi ak espas pou chaje aparèy ak USB ki pèmèt kliyan yo rete konekte epi chaje telefòn yo pandan y ap tann tren an. Pwojè a pral alonje tou senk nan platfòm ki la deja yo pou akomode tren long ki gen 12 wagon yo pou redwi anbouteyaj ki ka lakoz reta yo. Amelyorasyon nan Sistèm LIRR la Eta pral ranfòse tou 12 pon adisyonèl epi y ap ranplase ak modènize 13 sikisal enèji elektrik yo.