LEHIAREN DEFENTSARAKO EUSKAL AUZITEGIAREN ALEGAZIOAK, BIDAIARI-GARRAIO ERREGULAR ETA ERABILERA OROKORREKO ZERBITZU PUBLIKOAREN EMAKIDA EZARTZEKO AURREPROIEKTUEI BURUZKOAK (BIZKAIKO FORU ALDUNDIKO HERRI LAN ETA GARRAIO SAILAREN ESKUMENA DA AIPATU EMAKIDA). Aurkibidea I.- XEDEA. 1. Herri Lan eta Garraioen foru-diputatuaren 2400/2012 Foru Aginduaren bidez, Enkarterri, Ezkerraldea-Meatzaldea, Txorierri- Mungialdea, Nerbioi-Arratia-Durangaldea eta Busturialdea-Lea- Artibai emakidetako erabilera orokorreko errepideko bidaiari-garraio erregular eta iraunkor zerbitzu publikoetarako aurreproiektuak onartu ziren. 2. Aipatu foru-aginduaren bidez, Herri Lan eta Garraioko diputatuak jendaurreko informaziorako hilabeteko epea ireki zuen, zegokion iragarkia Bizkaiko Aldizkari Ofizialean argitaratu eta biharamunetik aurrera, interesdunek alegazioak aurkez zitzaten. 3. Orobat, hamabost eguneko entzunaldi-izapidea ireki zuen, zerbitzu berriek zuzen edo zeharka ukitu zitzaketen zerbitzu- emakiden titularrentzat. 4. Aipatu foru-agindua 2012ko maiatzaren 4ko Bizkaiko Aldizkari Ofizialean argitaratu zen, 85. zk.koan. Donostia - San Sebastián, 1 – 01010 VITORIA-GASTEIZ 1 Tef. 945 01 90 00 – Fax 945 01 89 65 E-mail: [email protected] 5. Agiri honen bidez, Lehiaren Defentsarako Euskal Auzitegiak alegazioak egiten ditu, Enkarterri, Ezkerraldea-Meatzaldea, Txorierri-Mungialdea, Nerbioi-Arratia-Durangaldea eta Busturialdea- Lea-Artibai emakidetako zerbitzu publikoak direla-eta, jendaurreko informaziorako aldiaren barruan. Aipatu zerbitzu publikoak errepideko bidaiari-garraio erregular eta iraunkorrekoak eta erabilera orokorrekoak dira. II- AURREKARIAK. 6. Bizkaiko Foru Aldundiak errepideko bidaiari-garraio erregular eta iraunkorreko zerbitzua ematen du, erabilera orokorrekoa dena, zenbait linearen emakidaren bidez. Bizkaibus du izena aipatutako zerbitzuak. 7. 2012a eta 2013a bitartean amaituko dira Bizkaiko Foru Aldundiak eta sei garraio-operadoreek sinatutako kontratu-programen indarraldia (operadoreek kontratu bana sinatu zuten): a) Transportes Colectivos, S.A. enpresarekin sinatutako kontratua, Bilboko itsasadarraren eskualdearen eta ezkerraldearen artean garraio kolektiboko zerbitzu publikoa eskaintzeari buruzkoa. Amaiera-data: 2012ko uztailaren 31. b) Compañía Autobuses Vascongados, S. A. enpresarekin sinatutako kontratua, Itxas-Aldea eta Lea-Artibai eskualdetarako garraio kolektiboa emateko zerbitzua, prezio global bat eta kudeaketako hobaria edo penalizazioa ezarrita, kudeatzekoa. Amaiera-data: 2012ko abenduaren 31. c) Encartaciones, S.A. enpresarekin sinatutako programa-kontratua, Nerbioi itsasadarraren ezkerraldeko eta mehatzealdeko bidaiari-garraio zerbitzu publiko erregular iraunkorra, prezio global bat eta kudeaketako hobaria edo penalizazioa ezarrita, kudeatzekoa. Amaiera-data: 2012ko abenduaren 31. d) Pesa Bizkaia, S.A enpresarekin sinatutako kontratua, zerbitzu publikoak kudeatzekoa, prezio global bat eta kudeaketako hobaria edo penalizazioa ezarrita. Amaiera-data: 2012ko abenduaren 31. e) Autobuses de Lujua, S.L. enpresarekin sinatutako kontratua, A2151 (Larrabetzu-Parke Teknologikoa- Areatza) eta A2153 (Bilbao-Loiu-Lauroeta) lineetarako errepideko bidaiari-garraio zerbitzu publiko erregularra handitzeko eta trinkotzeko zerbitzu publikoa kudeatzekoa. Amaiera-data: 2013ko maiatzaren 21a. Donostia - San Sebastián, 1 – 01010 VITORIA-GASTEIZ 2 Tef. 945 01 90 00 – Fax 945 01 89 65 E-mail: [email protected] f) Autocares Discrecionales del Norte, S.L. enpresarekin sinatutako kudeaketa- kontratua, Bilbao-Balmaseda-Zalla-Lanestosa VAC 065 lineako errepideko bidaiari-garraio zerbitzu publikoa handitzeko eta trinkotzeko zerbitzu publikoa kudeatzekoa. Amaiera-data: 2013ko abenduaren 7a. Zortzi urteko indarraldia dauka, berriz, Uribe-Kostako (A3400) eta Ezkerraldea-EHU (a2300) errepideko bidaiari-garraio erregular eta iraunkorreko zerbitzua, erabilera orokorrekoa, kudeatzeko, Eusko Tren enpresarekin batera 2010eko urriaren 29an sinatutako kontratuak. 8. Ezkerraldea-Meatzaldea, Txorierri-Mungialdea, Busturialdea- Lea Artibai, Nerbioi-Arratia- Durangaldea, Enkarterri izeneko emakida berri guztien nondik norako guztiak definitzea da aurreproiektuen xedea. Emakida berri bakoitzaren barruan ondoren azaltzen diren emakidadunek ustiatutako emakida zaharren lineak sartzen dira: a) Ezkerraldea-Meatzaldea : TCSA eta ENCARTACIONES. b) Txorierri- Mungialdea : TCSA, CAVSA eta AUTOBUSES DE LUJUA. c) Busturialdea- Lea Artibai : CAVSA eta PESA BIZKAIA. d) Nerbioi-Arratia- Durangaldea : TCSA eta PESA BIZKAIA. e) Enkarterri : ENCARTACIONES eta ADNOR. Orobat, Ezkerraldea-Meatzaldea aurreproiektuan sartzen dira Bilbo eta Leioako EHUren campusaren arteko trafiko guztiak, alegia, Transportes Colectivos, S.A. (A 2300) enpresak ustiatutako emakida zahar guztiak. 9. Aurreproiektu bakoitzean sartzen diren zerbitzuak etorkizuneko emakidadunentzat zerbitzu publikoa emateko betebeharrak dira. Donostia - San Sebastián, 1 – 01010 VITORIA-GASTEIZ 3 Tef. 945 01 90 00 – Fax 945 01 89 65 E-mail: [email protected] 10. Etorkizunean, Bizkaiko Foru Aldundiak aurreproiektuetan definitzen diren eskualdeen araberako emakidak lizitatuko ditu, eta ez lineen araberakoak, orain arte egin duen bezala. III.- LEHIAREN DEFENTSARAKO EUSKAL AUZITEGIAREN ESKUMENA 11. Oro har aipatu beharra dago Lehiaren Defentsari buruzko uztailaren 3ko 15/2007 Legearen 25. artikuluak Lehiaren Batzorde Nazionalari (LBN) esleitzen dizkiola aholku emateko eskumenak, honakoa baitio: Lehiaren Batzorde Nazionala organo aholku- emailea izango da lehia defendatzearekin zerikusia duten arloetan. Zehazki esanda, ondorengo erakundeek eskatu ahal izango diote aholkua lehiaren arloan: ganbara legegileek, gobernuak, ministerioetako departamenduek, autonomia-erkidegoek, toki- korporazioek, elkargo profesionalek, merkataritza-ganbarek, eta enpresari, kontsumitzaile nahiz erabiltzaileen elkarteek. 12. Bestalde, Lehiaren Defentsarako Euskal Auzitegia sortu eta Lehiaren Defentsarako Zerbitzuak izango dituen eginkizunak ezarri zituen apirilaren 12ko 81/2005 Dekretuak 1 LDEAren Osoko Bilkurari esleitzen dizkio galderei erantzuteko eskumenak 6. artikuluan. Bertan azaldutakoaren arabera, Auzitegiaren Osoko Bilkurari dagokio, xedapen horretan azaldutako beste eginkizun batzuez gain, “ Lehiaren defentsa dela-eta Eusko Legebiltzarrak, Eusko Jaurlaritzako sailek, foru-aldundiek, Euskal Autonomia Erkidegoko toki korporazioek, beste herri administrazio batzuek, eta Euskal Autonomia Erkidegoko merkataritzako ganberek, enpresa elkarteek, sindikatuek edo kontsumitzaile eta erabiltzaile elkarteek egiten dizkioten galderei erantzutea ” (6.h artikulua). IV. ERREPIDEKO BIDAIARI- GARRAIOAREN SEKTOREA ETA ESKUMENA. 13. Interes ekonomiko orokorreko zerbitzuak funtsezko balioa dira Europar Batasuneko balioen artean, eta zeregin nagusia dute 1 Martxoaren 4ko 36/2008 Dekretuaren bidez aldatua (EHAA-zk.: 54, 2008ko martxoaren 17koa). Donostia - San Sebastián, 1 – 01010 VITORIA-GASTEIZ 4 Tef. 945 01 90 00 – Fax 945 01 89 65 E-mail: [email protected] gizarte- eta lurralde-kohesioan. Horrexegatik, Europar Batasunak eta estatu kideek, zerbitzu horiek duten zeregina bete ahal izateko printzipio eta baldintzei jarraituz —bereziki ekonomia eta finantza alorretakoak— ematen diela zaindu behar dute. 14. 1370/2007 (EE) Erregelamenduak dionez, errepideko bidaiari- garraioaren sektorea interes ekonomiko orokorreko zerbitzua da. Interes ekonomiko orokorreko zerbitzuak kudeatzeaz arduratzen diren enpresek itunak bete behar dituzte, eta bereziki lehiari buruzko arauak, betiere arau horiek ez badute eragozten agindutako berariazko eginkizuna betetzea. 15. Europar Batasuneko Oinarrizko Eskubideen Gutunak, elkartasunaren eremuan, interes ekonomiko orokorreko zerbitzuak aitortu eta errespetatu egiten ditu, Batasunaren gizarte- eta lurralde- kohesioa lortzearren. Europar Batasunaren Funtzionamenduari buruzko Itunaren 6.1 artikuluak Europar Batasuneko Oinarrizko Eskubideen Gutunean adierazitako eskubide, askatasun eta printzipioak aitortzen ditu, itunen balio juridiko bera izango dutela. V.- ESKUMENEN BANAKETA ERREPIDEKO BIDAIARI- GARRAIOAREN ALORREAN 16. Errepideko bidaiari-garraioa arauketa ugariko sektore ekonomikoa da, Erkidegoko araudiak eta Europar Batasuna osatzen duten herrialdeetako legeria nazionalak bete behar baititu. Garraioen gaiari buruzko eskumena Europar Batasunak eta estatu kideek dute partekatuta (Europar Batasunaren Funtzionamenduari buruzko Itunaren 4.2 artikulua). Gogoan izan errepideko bidaiari- garraioaren sektorea funtsezko elementua dela erkidegoko askatasunak lortzeko. Donostia - San Sebastián, 1 – 01010 VITORIA-GASTEIZ 5 Tef. 945 01 90 00 – Fax 945 01 89 65 E-mail: [email protected] 17. Era berean, Estatuaren barruan, Estatuaren beraren eta autonomia-erkidegoen artean dago partekatuta eskumen hori. Bereziki, Euskal Autonomia Erkidegoan, Euskal Herriaren Autonomia Estatutuaren 3/1979 Lege Organikoaren 10.32 artikuluak garraioen alorreko bakarreko eskumena ematen dio autonomia-erkidego horri, eta Konstituzio Auzitegiaren ekainaren 27ko 118/1996 epaiaren arabera interpretatu behar da eskumen hori. Era berean, Euskal Autonomia Erkidegoaren barruko eremuan, eta Autonomia Elkarte Osorako Erakundeen eta bertako Kondaira Lurraldeetako Foruzko Ihardutze Erakundeen Arteko Harremanei buruzko azaroaren 25eko 27/1983 Legetik eratorritako eskumenen banaketa kontuan izanda (Errepideko Bidaiari-Garraioaren 4/2004 Legearen 4. artikulua), foru-aldundiek ere parte hartzen dute eskumen hori gauzatzen. 18. Azkenik, udalek ere gaiari buruzko eskumenak dituzte, Toki Araubidearen Oinarriak arautzen