TOMO III. Normativa Urbanística

PLAN XERAL DE ORDENACIÓN MUNICIPAL DE SALCEDA DE CASELAS NORMATIVA URBANÍSTICA DOCUMENTO PARA APROBACIÓN INICIAL OUTUBRO 2015

ÍNDICE Pax

TÍTULO I. DISPOSICIÓNS XERAIS ______11

CAPÍTULO I. NATUREZA, ÁMBITO E VIXENCIA ______11 Art. 1. Natureza...... 11 Art. 2. Finalidade ...... 11 Art. 3. Ámbito de aplicación ...... 11 Art. 4. Vixencia ...... 11 Art. 5. Efectos da entrada en Vigor ...... 11 Art. 6. Alteración do Plan Xeral...... 12 Art. 7. Alcance documental e normativo do Plan Xeral...... 12 Art. 8. Regras de Interpretación ...... 13 Art. 9. A lexislación urbanística e sectorial de referencia...... 13

CAPÍTULO II. DESENVOLVEMENTO DO PLAN XERAL ______20 Art. 10. Determinacións de carácter xeral ...... 20 Art. 11. Desenvolvemento e figuras de planeamento ...... 20 Art. 12. Adecuación ao Plan Xeral ...... 20

CAPÍTULO III. XESTIÓN E EXECUCIÓN DO PLAN XERAL ______21 Art. 13. Finalidade ...... 21 Art. 14. Competencia ...... 21 Art. 15. Orzamentos da execución ...... 21 Art. 16. Polígonos de execución e outras modalidades de xestión urbanística ...... 21 Art. 17. Sistemas de actuación ...... 21

CAPÍTULO IV. INTERVENCIÓN NA EDIFICACIÓN E USO DO SOLO______22 Art. 18. Licenzas urbanísticas e comunicacións previas...... 22 Art. 19. Caducidade e suspensión das licenzas ...... 22 Art. 20. Concesión das licenzas e outras solicitudes ...... 23 Art. 21. Parcelamentos urbanísticos...... 24 Art. 22. Licenza de parcelamento ...... 25 Art. 23. División e segregación de predios en solo rústico ...... 25 Art. 24. Licenzas de obra ...... 25 Art. 25. Tipos de obras e actuacións ...... 26 Art. 26. Tipos de obras de edificación...... 26 Art. 27. Licenza de obra maior e menor ...... 30 Art. 28. Solicitude de liña e rasante ...... 30 Art. 29. Sinalización de liña...... 30 Art. 30. Acta de liña e rasante...... 31 Art. 31. Réxime das edificacións existentes a respecto do planeamento vixente...... 31 Art. 32. Edificacións desconformes coa ordenación do presente PXOM...... 31

Plan Xeral de Ordenación Municipal de Salceda de Caselas Normativa Urbanística 1 Documento para Aprobación Inicial

Art. 33. Réxime para edificacións totalmente incompatibles coas determinacións do planeamento...... 31 Art. 34. Réxime das edificacións parcialmente incompatibiles coas determinacións do planeamento...... 32

TÍTULO II. NORMAS DE ORDENACIÓN ______35

CAPÍTULO I. CLASES E RÉXIME XURÍDICO DO SOLO ______35 Art. 35. Réxime urbanístico do solo ...... 35 Art. 36. Clasificación do solo segundo o seu réxime xurídico ...... 35 Art. 37. Sistemas xerais e estrutura xeral e orgánica do territorio...... 35

CAPÍTULO II. NORMAS XERAIS DE USO ______36 Sección 1ª. Determinacións Básicas ...... 36 Art. 38. Concepto e regulación dos usos ...... 36 Sección 2ª. Clasificación dos usos ...... 36 Art. 39. Tipos de uso ...... 36 Art. 40. Usos pormenorizados ...... 37 Art. 41. Usos globais ...... 37 Art. 42. Usos existentes...... 37 Art. 43. Usos propostos...... 37 Art. 44. Usos característicos...... 37 Art. 45. Usos compatibles e complementarios...... 38 Art. 46. Usos asociados...... 38 Art. 47. Usos tolerados ...... 38 Art. 48. Usos permitidos ...... 38 Art. 49. Usos temporais e provisionais ...... 38 Art. 50. Usos prohibidos ...... 39 Art. 51. Usos públicos ...... 39 Art. 52. Usos privados, colectivos ou non...... 39 Art. 53. Usos fóra de ordenación total...... 39 Art. 54. Usos fóra de ordenanza ou fóra de ordenación parcial...... 40 Art. 55. Usos en solo rústico...... 40 Art. 56. Edificios de uso exclusivo ...... 41 Sección 3ª. Estrutura xeral de usos...... 41 Art. 57. Estrutura xeral de usos...... 41 Subsección 1ª. Uso residencial ...... 43 Art. 58. Definición, clases e categorías ...... 43 Art. 59. Consideracións xerais de accesibilidade, habitabilidade e hixiene...... 44 Art. 60. Consideración particulares relativas á aplicación das NHV ...... 44 Art. 61. Condicións de Garaxe-Aparcadoiro...... 46 Subsección 2ª. Uso terciario hoteleiro...... 46 Art. 62. Definición e categorías ...... 46 Art. 63. Condicións de Garaxe-Aparcadoiro...... 46 Subsección 3ª. Uso terciario xeral ...... 47 Art. 64. Definición e categorías ...... 47 Art. 65. Condicións xerais aplicables ...... 48 Art. 66. Condicións de garaxe-aparcadoiro...... 48 Subsección 4ª. Uso dotacional ...... 49 Art. 67. Definición e categorías ...... 49

Plan Xeral de Ordenación Municipal de Salceda de Caselas Normativa Urbanística 2 Documento para Aprobación Inicial

Art. 68. Condicións xerais aplicables ...... 50 Art. 69. Condicións Particulares de habitabilidade e hixiene...... 51 Art. 70. Condicións de garaxe-aparcadoiro...... 52 Subsección 5ª. Uso industrial...... 52 Art. 71. Definición e categorías ...... 52 Art. 72. Condicións particulares da Categoría 1ª...... 53 Art. 73. Condicións particulares da Categoría 2ª...... 53 Art. 74. Condicións particulares da Categoría 5ª...... 53 Art. 75. Condicións particulares da Clase Almacenamento ...... 53 Art. 76. Condicións particulares das actividades enolóxicas...... 54 Art. 77. Límites máximos de potencia admisibles para a clase industria ordinaria e talleres ...... 54 Art. 78. Condicións de garaxe-aparcadoiro...... 55 Subsección 6ª. Uso garaxe-aparcadoiro ...... 55 Art. 79. Definición e categorías ...... 55 Art. 80. Aplicación ...... 56 Art. 81. Mobilidade interna nos garaxes-aparcadoiros...... 56 Art. 82. Condicións de dotación de prazas de aparcadoiro...... 56 Art. 83. Condicións particulares dos aparcadoiros privados ...... 57 Art. 84. Condicións particulares dos aparcadoiros públicos...... 59 Subsección 7ª. Uso espazos libres e zonas verdes...... 59 Art. 85. Definición, clases e categorías ...... 59 Art. 86. Aplicación ...... 60 Art. 87. Condicións xerais...... 60 Art. 88. Condicións particulares...... 61 Subsección 8ª. Uso infraestruturas básicas...... 61 Art. 89. Definición e condicións...... 61 Art. 90. Localización ...... 62 Art. 91. Liñas aéreas de Alta e Media Tensión ...... 62 Subsección 9ª. Uso de transporte e comunicacións...... 62 Art. 92. Definicións, Clases e Categorías...... 62 Art. 93. Aplicación ...... 62 Art. 94. Clase Rede Viaria...... 63 Art. 95. Clase servizos públicos ...... 63 Subsección 10ª. Uso agropecuario ...... 64 Art. 96. Definición e categorías ...... 64 Art. 97. Condicións de habitabilidade e hixiene ...... 64

CAPÍTULO III. NORMAS XERAIS DE EDIFICACIÓN______65 Sección 1ª. Determinacións básicas...... 65 Art. 98. Definición e obxecto ...... 65 Art. 99. Clases de condicións contidas no presente capítulo...... 65 Art. 100. Outras condicións ás que se terá que axustar a edificación...... 65 Art. 101. Definicións de conceptos...... 65 Art. 102. Aplicación das condicións contidas nas NHV para os edificios ...... 67 Sección 2ª. Condicións das parcelas ...... 68 Art. 103. Definición...... 68 Art. 104. Aplicación ...... 68 Art. 105. Definicións básicas da parcela ...... 68

Plan Xeral de Ordenación Municipal de Salceda de Caselas Normativa Urbanística 3 Documento para Aprobación Inicial

Art. 106. Delimitación e identificación das parcelas ...... 68 Art. 107. Lindeiros ...... 68 Art. 108. Aliñación oficial, exterior ou pública ...... 69 Art. 109. Chafráns...... 69 Art. 110. Peches de parcela ...... 69 Art. 111. Soar...... 72 Art. 112. Parcelas inedificables...... 72 Art. 113. Condicións específicas para os movementos de terras nas parcelas...... 74 Sección 3ª. Condicións de posición do edificio na parcela...... 75 Art. 114. Definición...... 75 Art. 115. Aplicación ...... 75 Art. 116. Referencias planimétricas da parcela ...... 75 Art. 117. Referencias altimétricas do terreo ...... 75 Art. 118. Referencias da edificación ...... 76 Art. 119. Posición da edificación ou peche respecto da aliñación oficial, exterior ou pública...... 76 Art. 120. Separación a lindeiros ...... 76 Art. 121. Recuado ...... 76 Art. 122. Separación entre edificios...... 76 Art. 123. Fondo edificable ...... 77 Art. 124. Área de movemento da edificación ...... 77 Art. 125. Acaroado a lindeiros laterais ...... 77 Sección 4ª. Condicións de ocupación da parcela pola edificación...... 77 Art. 126. Definición...... 77 Art. 127. Aplicación ...... 77 Art. 128. Superficie ocupable ...... 78 Art. 129. Superficie ocupada ...... 78 Art. 130. Coeficiente de ocupación...... 78 Art. 131. Superficie libre de parcela ...... 78 Sección 5ª. Condicións de edificabilidade...... 78 Art. 132. Definición...... 78 Art. 133. Aplicación ...... 78 Art. 134. Superficie computable por planta...... 78 Art. 135. Superficie total computable ...... 79 Art. 136. Superficie útil ...... 79 Art. 137. Superficie edificable ou dereito edificatorio...... 79 Art. 138. Coeficiente de edificabilidade ...... 79 Sección 6ª. Condicións de volume e forma dos edificios...... 79 Art. 139. Definición...... 79 Art. 140. Aplicación ...... 79 Art. 141. Sólido capaz...... 80 Art. 142. Altura do edificio ...... 80 Art. 143. Referencias altimétricas dos edificios ...... 80 Art. 144. Altura máxima...... 80 Art. 145. Altura en unidades métricas ...... 81 Art. 146. Altura en número de plantas ...... 81 Art. 147. Construcións permitidas por riba da altura máxima...... 81 Art. 148. Altura libre de piso ...... 81

Plan Xeral de Ordenación Municipal de Salceda de Caselas Normativa Urbanística 4 Documento para Aprobación Inicial

Art. 149. Plantas...... 82 Art. 150. Tipoloxías edificatorias...... 82 Art. 151. Clases de edificios...... 83 Art. 152. Saíntes ou voos sobre a aliñación exterior...... 83 Art. 153. Saíntes ou voos no interior da parcela edificable...... 83 Art. 154. Cornixas e beirados ...... 84 Art. 155. Recuamentos nas fachadas dos edificios ...... 84 Sección 7ª. Condicións de calidade e hixiene dos edificios...... 84 Art. 156. Definición...... 84 Art. 157. Aplicación ...... 84 Subsección 1ª. Condicións de calidade ...... 84 Art. 158. Calidade das construcións...... 84 Subsección 2ª. Condicións hixiénicas nos locais...... 85 Art. 159. Definicións ...... 85 Art. 160. Peza exterior...... 85 Art. 161. Ventilación ...... 85 Subsección 3ª. Condicións hixiénicas nos edificios...... 85 Art. 162. Patio...... 85 Art. 163. Dimensións dos patios de parcela ...... 86 Sección 8ª. Condicións das dotacións de servizo nos edificios ...... 86 Art. 164. Definición e condicións xerais...... 86 Art. 165. Dotación de servizo de aparatos elevadores...... 87 Art. 166. Dotación de servizo de aparcadoiro ...... 88 Sección 9ª. Condicións de acceso e seguridade nos edificios ...... 88 Art. 167. Definición...... 88 Art. 168. Ámbito de aplicación ...... 88 Subsección 1ª. Condicións de acceso ás edificacións...... 88 Art. 169. Accesos ás edificacións...... 88 Subsección 2ª. Condicións de seguridade e contra incendio nos edificios...... 88 Art. 170. Condicións de deseño do contorno dos edificios ...... 88 Sección 10ª. Condicións de protección, integración, estéticas e tipolóxicas ...... 89 Art. 171. Definición...... 89 Art. 172. Aplicación ...... 89 Art. 173. Salvagarda da paisaxe urbana e territorial...... 89 Art. 174. Protección dos ambientes urbanos ...... 89 Art. 175. Condicións estéticas e tipolóxicas das edificacións...... 89 Art. 176. Marquesiñas ...... 92 Art. 177. Portadas, escaparates, reixas e peches ...... 93 Art. 178. Toldos e rótulos...... 93 Art. 179. Medianeiras...... 93 Art. 180. Baixantes e canos nas cubertas ...... 93 Art. 181. Protección do arborado ...... 93 Art. 182. Consideración do contorno ...... 94 Art. 183. Integración ambiental...... 94

CAPÍTULO IV. NORMAS PARTICULARES DE ORDENACIÓN EN SOLO URBANO ______95 Art. 184. Determinacións xerais...... 95 Sección 1ª. Solo urbano consolidado...... 95

Plan Xeral de Ordenación Municipal de Salceda de Caselas Normativa Urbanística 5 Documento para Aprobación Inicial

Art. 185. Subdivisión por tipos...... 95 Subsección 1ª. Solo urbano consolidado de ordenación directa ...... 95 Art. 186. Ámbito de aplicación e condicións ...... 95 Art. 187. División en zonas de ordenanza ...... 95 Art. 188. Cumprimento das NHV ...... 95 Art. 189. Ordenanza 1, de edificación en cuarteirón...... 96 Art. 190. Ordenanza 2, de edificación illada ...... 100 Art. 191. Ordenanza 3, de edificación extensiva ...... 103 Art. 192. Ordenanza de áreas e edificacións dotacionais...... 106 Art. 193. Ordenanza de espazos libres e zonas verdes ...... 107 Art. 194. Areas de ordenación pormenorizada (AOP)...... 108 Sección 2ª. Solo urbano non consolidado ...... 109 Art. 195. Ámbitos de Planeamento Remitido (APR)...... 109 Art. 196. Condicións particulares de cada APR ...... 109 Art. 197. Ordenanzas de referencia ...... 111 Art. 198. Ordenanza 4, de referencia para a ordenación de usos residenciais en bloque aberto ...... 112

CAPÍTULO V. NORMAS PARTICULARES DE ORDENACIÓN EN SOLO DE NÚCLEO RURAL ______114 Sección 1ª. Disposicións xerais ...... 114 Art. 199. Clasificación e delimitación ...... 114 Art. 200. Réxime xeral do solo de núcleo rural...... 114 Sección 2ª. Condicións xerais para o seu desenvolvemento ...... 114 Art. 201. Réxime xeral de actuacións...... 114 Art. 202. Desenvolvemento mediante actuacións edificatorias ...... 115 Art. 203. Desenvolvemento mediante actuacións de planeamento ...... 115 Sección 3ª. Réxime xeral de usos nos núcleos rurais...... 117 Art. 204. Condicións xerais de uso das edificacións ...... 117 Art. 205. Actuacións prohibidas...... 117 Art. 206. Regulación de usos compatibles ...... 117 Sección 4ª. Normas de edificación nos núcleos rurais...... 118 Art. 207. Normas xerais de ordenación e edificación ...... 118 Art. 208. Condicións especiais...... 121 Subsección 1ª. Ordenanzas de edificación en solo de núcleo rural...... 122 Art. 209. Ordenanza de edificación en áreas de núcleo histórico tradicional (T) ...... 122 Art. 210. Ordenanza de edificación en áreas de núcleo común (C)...... 123

CAPÍTULO VI. NORMAS PARTICULARES DE ORDENACIÓN EN SOLO URBANIZABLE ______124 Sección 1ª. Disposicións xerais ...... 124 Art. 211. Definición...... 124 Art. 212. Categorías...... 124 Sección 2ª. Ámbitos de solo urbanizable delimitado ...... 124 Art. 213. Delimitación dos sectores ...... 124 Art. 214. Sectores de planeamento remitido ...... 124 Art. 215. Condicións particulares de cada SUD ...... 124 Art. 216. Ordenanzas de referencia ...... 127 Art. 217. Ordenanza 5, de referencia para a ordenación de usos industriais...... 127 Art. 218. Ordenanza 6, de referencia para a ordenación de usos terciarios...... 129 Art. 219. Alcance das determinacións...... 129

Plan Xeral de Ordenación Municipal de Salceda de Caselas Normativa Urbanística 6 Documento para Aprobación Inicial

Sección 3ª. Ámbitos de solo urbanizable non delimitado ...... 131 Art. 220. Delimitación dos ámbitos...... 131 Art. 221. Plans de sectorización ...... 131 Art. 222. Condicións urbanísticas xerais e determinacións dos plans de sectorización ...... 131 Art. 223. Condicións particulares de cada SUND...... 131

CAPÍTULO VII. NORMAS PARTICULARES DE ORDENACIÓN EN SOLO RÚSTICO ______134 Art. 224. Concepto e aplicación ...... 134 Art. 225. Categorías de solo rústico ...... 134 Art. 226. Condicións xerais de protección...... 134 Art. 227. Desenvolvemento mediante plans especiais ...... 134 Art. 228. Tipoloxías de usos en solo rústico...... 134 Art. 229. Usos e actividades en solo rústico ...... 135 Art. 230. Normas reguladoras de parcelamento ...... 135 Art. 231. Condicións xerais das edificacións ...... 136 Art. 232. Condicións xerais dos usos e das edificacións existentes ...... 136 Art. 233. Condicións particulares do solo rústico de protección ordinaria...... 137 Art. 234. Condicións particulares do solo rústico de protección agropecuaria...... 137 Art. 235. Condicións particulares do solo rústico de protección paisaxística ...... 137 Art. 236. Condicións particulares do solo rústico de protección de augas, canles e ribeiras...... 138 Art. 237. Condicións particulares do solo rústico de protección de espazo natural ...... 138 Art. 238. Condicións particulares do solo rústico de protección forestal...... 139 Art. 239. Condicións particulares do solo rústico de protección de infraestruturas ...... 139 Art. 240. Condicións particulares do solo rústico de protección do patrimonio arqueolóxico...... 139

CAPÍTULO VIII. NORMAS DE PROTECCIÓN______141 Art. 241. Alcance e contido...... 141 Sección 1ª. Condicións de protección ambiental ...... 141 Art. 242. Protección do medio ambiente...... 141 Art. 243. Medidas de protección ambiental nos instrumentos de desenvolvemento...... 141 Art. 244. Verteduras sólidas, residuos e lixo...... 142 Art. 245. Verteduras líquidas convencionais...... 143 Art. 246. Verteduras líquidas industriais...... 143 Art. 247. Verteduras gasosas...... 144 Art. 248. Ordenación de terreos inundables...... 144 Art. 249. Contaminación acústica e vibratoria...... 145 Art. 250. Condicións de deseño medioambiental e aforro de recursos...... 145 Sección 2ª. Protección da paisaxe e dos recursos paisaxísticos...... 149 Art. 251. Aplicación...... 149 Art. 252. Principios e obxectivos xerais...... 150 Art. 253. Normas xerais de aplicación directa en todo o termo municipal...... 151 Art. 254. Medidas especificas nas unidades de paisaxe...... 153 Art. 255. Protección da Paisaxe nos espazos singulares do concello...... 158 Art. 256. Protección paisaxística do solo rústico...... 159 Art. 257. Medidas de harmonización paisaxística nos instrumentos de desenvolvemento...... 161 Art. 258. Condicións xerais de protección e Adaptación ao ambiente nos solos urbanizados...... 164 Art. 259. Elementos e espazos configuradores da paisaxe...... 165 Subsección 1ª. Protección da vexetación e o arboredo ...... 166

Plan Xeral de Ordenación Municipal de Salceda de Caselas Normativa Urbanística 7 Documento para Aprobación Inicial

Art. 260. Normas cautelares...... 166 Art. 261. Normas xerais de protección da vexetación e o arboredo...... 166 Subsección 2ª. Os espazos libres públicos...... 166 Art. 262. Criterios para o deseño e acondicionamento dos espazos libres públicos...... 166 Art. 263. Cualificación paisaxística dos usos do espazo público...... 167 Subsección 3ª. Os espazos libres privados...... 169 Art. 264. Condicións xerais de intervención en espazos libres privados...... 169 Art. 265. Conservación dos espazos...... 170 Art. 266. Regulación das preexistencias nas parcelas...... 170 Art. 267. Construcións auxiliares ou complementarias en espazos libres de parcela...... 170 Art. 268. Peches de parcelas e soares...... 171 Subsección 4ª. Servizos urbanísticos e elementos informativos e publicitarios...... 172 Art. 269. Servizos urbanísticos...... 172 Art. 270. Soportes informativos e publicitarios...... 173 Art. 271. Sinalización de tráfico...... 175 Sección 3ª. Protección do patrimonio cultural catalogado...... 175 Art. 272. Artellamento da protección ...... 175 Subsección 1ª Condicións xerais reguladoras do Catálogo ...... 175 Art. 273. Ámbito e obxecto ...... 175 Art. 274. Estrutura e tipos de protección...... 176 Art. 275. Protección individualizada de elementos, niveis de protección e contorno de protección...... 176 Art. 276. Réxime de usos dos edificios catalogados...... 176 Art. 277. Obrigas dos propietarios dos bens catalogados...... 177 Subsección 2ª. Protección integral...... 177 Art. 278. Contido da protección integral...... 177 Art. 279. Ámbito...... 177 Art. 280. Réxime de obras permitidas ...... 178 Art. 281. Usos e aproveitamentos permitidos na parcela dos bens catalogados baixo protección integral ...... 178 Art. 282. Seguimento municipal das obras...... 179 Art. 283. Protección de vistas e contorno de bens protexidos con carácter integral ...... 179 Art. 284. Criterios de protección e intervención nos camiños históricos ...... 179 Art. 285. Documentación necesaria para a solicitude de licenza...... 180 Subsección 3ª. Protección estrutural...... 180 Art. 286. Contido da protección estrutural...... 180 Art. 287. Ámbito...... 181 Art. 288. Réxime de obras permitidas ...... 181 Art. 289. Usos e aproveitamentos permitidos na mesma parcela dos bens catalogados ...... 181 Art. 290. Seguimento municipal das obras...... 181 Art. 291. Documentación necesaria para a solicitude de licenza...... 182 Subsección 4ª. Protección ambiental...... 182 Art. 292. Contido da protección ambiental...... 182 Art. 293. Ámbito...... 182 Art. 294. Réxime de obras permitidas ...... 183 Art. 295. Aproveitamentos usos permitidos na mesma parcela dos bens catalogados...... 183 Art. 296. Documentación para a solicitude de licenza ...... 183 Subsección 5ª. Actuacións nos ámbitos de protección dos elementos catalogados...... 184 Art. 297. Ámbito...... 184

Plan Xeral de Ordenación Municipal de Salceda de Caselas Normativa Urbanística 8 Documento para Aprobación Inicial

Art. 298. Condicións de harmonización...... 184 Art. 299. Documentación necesaria para a solicitude de licenza...... 184 Subsección 6ª. Condicións específicas reguladoras da protección do patrimonio arqueolóxico...... 184 Art. 300. Definición do Patrimonio Arqueolóxico...... 184 Art. 301. Ámbito de aplicación ...... 185 Art. 302. Mecanismos de altas e baixas no catálogo ...... 185 Art. 303. Niveis de protección...... 185 Art. 304. Nivel I ...... 185 Art. 305. Nivel II ...... 186 Art. 306. Nivel III (Protección Non Integral) ...... 186 Art. 307. Achados non previsibles ...... 187 Art. 308. Clasificación do solo...... 187 Art. 309. Infraccións ...... 187

CAPÍTULO IX. NORMAS DE DE ORDENACIÓN E URBANIZACIÓN DOS SISTEMAS______188 Sección 1ª. Disposicións xerais ...... 188 Art. 310. Definición e Contido...... 188 Art. 311. Aplicación...... 188 Art. 312. Accesibilidade ao espazo público...... 188 Art. 313. Clases de proxectos...... 189 Art. 314. Condicións xerais dos proxectos ...... 189 Art. 315. Alcance e contido mínimo dos proxectos de urbanización ...... 190 Sección 2ª. Condicións da rede viaria ...... 190 Art. 316. Pavimentación...... 190 Art. 317. Arborado e xardinería ...... 191 Art. 318. Mobiliario urbano ...... 191 Art. 319. Sinalización ...... 191 Art. 320. Rede de vías de sistema xeral. Servidumes en solo rústico...... 191 Art. 321. Normativa reguladora en relación á rede estatal de estradas...... 194 Art. 322. Normativa reguladora en relación á rede autonómica de estradas...... 195 Art. 323. Rede ferroviaria...... 199 Art. 324. Sistema Aeroportuario. Servidumes Aeronáuticas do Aeroporto de Vigo...... 200 Sección 3ª. Condicións dos sistemas de equipamentos...... 201 Art. 325. Definicións e regulación xeral dos equipamentos ...... 201 Art. 326. Condicións especificas de ordenación dos equipamentos...... 201 Sección 4ª. Condicións dos sistemas de espazos libres...... 202 Art. 327. Definicións e regulación xeral dos espazos libres ...... 202 Art. 328. Condicións especificas de ordenación dos espazos libres...... 202 Sección 5ª. Condicións do abastecemento de auga ...... 203 Art. 329. Rede de abastecemento de auga potable...... 203 Art. 330. Rede de rega e hidrantes...... 203 Art. 331. Condicións de aforro do recurso...... 203 Sección 6ª. Condicións do saneamento ...... 204 Art. 332. Rede de saneamento ...... 204 Art. 333. Condicións dos vertidos ...... 205 Sección 7ª. Condicións do subministración de enerxía eléctrica...... 205 Art. 334. Redes de distribución ...... 205 Art. 335. Iluminación pública ...... 206

Plan Xeral de Ordenación Municipal de Salceda de Caselas Normativa Urbanística 9 Documento para Aprobación Inicial

Art. 336. Condicións de aforro enerxético...... 206 Sección 8ª. Condicións das redes de telecomunicacións ...... 207 Art. 337. Rede de telecomunicacións...... 207

ANEXO Nº1. ÁREAS DE ORDENACIÓN PORMENORIZADA ______208

ANEXO Nº2: PLANOS DAS SERVIDUMES AERONÁUTICAS QUE AFECTAN AO TERMO MUNICIPAL.209

Plan Xeral de Ordenación Municipal de Salceda de Caselas Normativa Urbanística 10 Documento para Aprobación Inicial

TÍTULO I. DISPOSICIÓNS XERAIS

CAPÍTULO I. NATUREZA, ÁMBITO E VIXENCIA

Art. 1. Natureza

1. Este documento constitúe o Plan Xeral de Ordenación Municipal de Salceda de Caselas, de aquí en adiante referido como Plan Xeral, documento elaborado e tramitado de acordo co disposto na vixente Lei 9/2002, de 30 de decembro, de Ordenación Urbanística e Protección do Medio Rural de Galicia, (no sucesivo LOUG), na súa redacción actual refundida, derivada das modificacións realizadas por diversas leis posteriores a ela. 2. O presente Plan Xeral substitúe ás Normas Subsidiarias de Ordenación Urbana do concello de Salceda de Caselas aprobadas definitivamente o 28/02/1997 e cuxas Normas Urbanísticas foron publicadas no Boletín Oficial da Provincia de Pontevedra o 04/04/1997. 3. Este Plan Xeral ten competencia e ámbito de aplicación sobre a totalidade do termo municipal de Salceda de Caselas.

Art. 2. Finalidade

1. O concello de Salceda de Caselas elaborou este Plan Xeral co adecuado apoio técnico para levar a cabo a súa tramitación, exercitando a competencia urbanística que lle corresponde, co obxectivo de acadar unha axeitada ordenación de usos e actividades sobre o seu territorio, procurando o mellor desenvolvemento sostible entre as necesidades sociais, a conservación do contorno e os dereitos dos cidadáns, e con estrito cumprimento dos mandatos constitucionais establecidos nos arts. 45, 46 e 47; asemade cos fins propios da actividade urbanística establecidos no art. 4 da LOUG. 2. Coa realización do presente Plan Xeral o concello de Salceda de Caselas procede á formulación do planeamento municipal, para que regule a ordenación urbanística integral do seu Municipio con criterios emanados do mesmo e con eficacia normativa.

Art. 3. Ámbito de aplicación

Este Plan Xeral estende o seu ámbito de aplicación sobre a totalidade do termo municipal de Salceda de Caselas.

Art. 4. Vixencia

1. O Plan Xeral non entrará en vigor ata a publicación respectivamente no Diario Oficial de Galicia do texto íntegro do acordo de aprobación definitiva, e no Boletín Oficial da Provincia de Pontevedra do documento que conteña a normativa urbanística e as ordenanzas, tal e como prescribe o artigo 92.4 da LOUG, e transcorra así mesmo o prazo de quince días previsto nos artigos 70.2 e 65.2 da Lei 7/1985 de 2 de abril, Reguladora das Bases do Réxime Local e no artigo 217 da Lei 5/1997 de 22 de xullo, de Administración Local de Galicia. 2. Vixencia do Plan Xeral; será indefinida, sen prexuízo da súa modificación ou revisión que poida aprobarse conforme ao disposto nos artigos 93, 94 e 95 de dita LOUG.

Art. 5. Efectos da entrada en Vigor

1. A Aprobación definitiva do Plan Xeral e a publicación adecuada do mesmo, marcan o punto de partida da vixencia deste instrumento urbanístico fundamental, alumeando deste xeito o nacemento á súa vida xurídica, o que se traduce na plena produción de efectos deste carácter. 2. Os efectos da vixencia do Plan Xeral veñen recollidos nos artigos 97 a 101 da LOUG, e son os seguintes: a. Publicidade: calquera cidadán terá dereito a consultar no Concello toda a documentación do Plan Xeral e os Plans e Proxectos que o desenvolvan, así como a solicitar por escrito información do réxime aplicable a un predio, segundo establece a lexislación urbanística aplicable e nos termos previstos no artigo 37 da Lei

Plan Xeral de Ordenación Municipal de Salceda de Caselas Normativa Urbanística 11 Documento para Aprobación Inicial

30/1992, de 26 de novembro de Réxime Xurídico das Administracións Públicas e do Procedemento Administrativo Común. b. Obrigatoriedade: o Plan Xeral de Ordenación Municipal obriga e vincula por igual a calquera persoa física ou xurídica, pública ou privada, e así mesmo aos Plans e Proxectos que as desenvolvan, ao cumprimento estrito dos seus termos e determinacións. Este cumprimento será esixible por calquera, mediante o exercicio da acción pública. c. Executoriedade: o presente Plan Xeral de Ordenación Municipal será inmediatamente executivo, ou que é o mesmo, de obrigado cumprimento trala súa entrada en vigor segundo o disposto no art. 92 da LOUG. A executoriedade do planeamento implica que, dende a publicación do acordo da súa aprobación definitiva, quedan declaradas de utilidade pública as obras nel previstas, para os fins de expropiación ou imposición de servidumes, e a necesidade de ocupación dos terreos e edificios correspondentes, que sexan destinados polo Plan Xeral ao establecemento de viarios, servizos públicos, docentes, asistenciais ou sanitarios, zonas verdes, parques públicos, zonas deportivas e outras produtivas e análogas, así como todas as superficies necesarias de influencia das obras previstas, para asegurar o pleno valor e rendemento destas.

Art. 6. Alteración do Plan Xeral

1. Enténdese por alteración do Plan Xeral a Revisión ou Modificación dos contidos do mesmo nos termos previstos no artigo 93 da LOUG. 2. Procederase á revisión do Plan Xeral, segundo establece o artigo 93.2 da LOUG, sempre que se propoña a adopción de novos criterios respecto da estrutura xeral e orgánica do territorio ou da clasificación do solo, sendo preceptiva en calquera dos seguintes casos: a. Cando disposicións xerais de rango superior ou as determinacións dunhas directrices de ordenación do territorio alteren os criterios, obxectivos e solucións respecto da estrutura xeral e orgánica do territorio, ou do devir dun modelo territorial distinto. b. Cando se produzan circunstancias sobrevidas, de carácter demográfico ou económico, que incidan substancialmente sobre a ordenación. c. Cando se aprecien indicios do esgotamento da capacidade de asentamento prevista no Plan Xeral. d. Cando a suma ou acumulación de modificacións puntuais sobre a ordenación prevista no Plan Xeral, ameacen o modelo territorial adoptado. 3. Procederase á modificación do Plan Xeral nos termos previstos nos artigos 93, 94 e 95 da LOUG, entendendo que a alteración de determinacións non afectarán a elementos estruturantes do modelo territorial, así como aos criterios xerais de ordenación establecidos. As modificacións acadarán un grao de definición mínimo similar ao establecido no Plan Xeral e conterán un estudo urbanístico que xustifique a inserción da nova ordenación no modelo territorial previsto no Plan Xeral, a viabilidade da proposta, a mellora substancial da ordenación urbanística e o interese público da mesma.

Art. 7. Alcance documental e normativo do Plan Xeral

1. O alcance documental e normativo do Plan Xeral emana dos documentos que o compoñen, e que de conformidade co prescrito polo artigo 61 da LOUG son os seguintes: Documentos de Ordenación: • Memoria de Ordenación. • Normativa Urbanística e Anexos (Fichas de xestión e planeamento). • Estratexia de Actuación e Estudo Económico Financeiro, incluíndo o Informe ou memoria de sustentabilidade económica. • Planos de Ordenación. • Catálogo de elementos suxeitos a protección.

Plan Xeral de Ordenación Municipal de Salceda de Caselas Normativa Urbanística 12 Documento para Aprobación Inicial

• Documentación da Avaliación Ambiental Estratéxica (Anteproxecto de Planeamento, Informe de Sustentabilidade Ambiental e Memoria Ambiental). Documentos de Información: • Memoria Informativa, incluíndo o Estudo de Medio Rural e a Análise do Modelo de Asentamento Poboacional. • Planos de Información.

Art. 8. Regras de Interpretación

1. Tal e como establece o artigo 3 do Código Civil cando fala da interpretación das normas xurídicas, as determinacións do presente Plan Xeral interpretaranse de acordo, co sentido propio das súas palabras e definicións, tendo en conta o seu espírito e finalidade, así como a realidade social do momento en que se deben aplicar. 2. Tendo en conta que o presente Plan Xeral constitúe un corpus documental integrado por diferentes elementos, as posibles contradicións que puideran xurdir entre os mesmos resolveranse do seguinte xeito: a. Se se deran contradicións gráficas entre planos de diferente escala, estarase ao que indiquen os de maior escala (menor divisor). b. Se se desen contradicións entre medicións sobre plano, ou definidas polo Plan Xeral, e sobre a realidade, por levantamentos taquimétricos específicos, prevalecerá a realidade, tanto en determinacións de superficies fixas ou de coeficientes e porcentaxes que se aplicarán estes últimos á realidade concreta. Se as diferenzas que puidesen xurdir fosen que a superficie de aplicación resultase inferior en maior contía do dez (10) por cento, os aproveitamentos axustaranse á superficie de aplicación obtida da realidade, e as superficies de reserva de espazos libres locais ou de equipamentos poderán reducirse só ata o dito dez (10) por cento. c. Se existisen contradicións entre as propostas explícitas contidas nos planos de Ordenación e Normas Urbanísticas (de carácter regulador), e as propostas ou suxestións dos planos de Información e a Memoria (de carácter máis informativo ou xustificativo) considerarase que prevalecen aquelas sobre estas. d. Se se deran contradicións entre as normas urbanísticas e os planos de ordenación, independentemente que debido a súa diferente natureza, as determinacións do Plan Xeral expresaranse con máis precisión nun ou outro documento, e que ámbolos dous tipos de documentos teñen a mesma función ordenadora sen reservarse para cada un deles unhas concretas determinacións, nas posibles contradicións darase preferencia ao establecido na normativa. 3. De calquera xeito, tal e como dispón a LOUG no seu art. 6, as dúbidas na interpretación do planeamento urbanístico producidas por imprecisións ou por contradicións entre documentos de igual rango normativo resolveranse tendo en conta os criterios de menor edificabilidade, de maior dotación para espazos públicos e de maior protección ambiental e aplicando o principio xeral de interpretación integrada das normas.

Art. 9. A lexislación urbanística e sectorial de referencia.

Aos efectos de utilización e cita da principal lexislación con incidencia na regulación urbanística, recollemos no presente apartado unha relación de toda a que se emprega na presente Normativa, cunha indexación codificada (entre tres e catro díxitos alfabéticos representados en cursiva e maiúsculas) a modo de índice para simplificar a súa inserción e o seu recoñecemento inmediato no texto normativo do presente plan, permitindo tamén a súa doada actualización nun eido especialmente cambiante.

Plan Xeral de Ordenación Municipal de Salceda de Caselas Normativa Urbanística 13 Documento para Aprobación Inicial

Temática Código Lexislación

Urbanismo LSE Real Decreto Lexislativo 2/2008, de 20 de xuño, polo que se aproba o TEXTO REFUNDIDO DA LEI DO SOLO. RGU Real Decreto 3288/1978 REGULAMENTO DE XESTIÓN URBANÍSTICA PARA O DESENVOLVEMENTO E APLICACIÓN DA LEI SOBRE RÉXIME DO SOLO E ORDENACIÓN URBANA. RPU Real Decreto 2159/1978, de 23 de xuño, REGULAMENTO DE PLANEAMENTO PARA O DESENVOLVEMENTO E APLICACIÓN DA LEI SOBRE RÉXIME DO SOLO E ORDENACIÓN URBANA. LEF Lei 16/12/1954, DE EXPROPIACIÓN FORZOSA 16/12/1954. LOUG Lei 9/2002, DE ORDENACIÓN URBANÍSTICA E PROTECCIÓN DO MEDIO RURAL EN GALICIA 30/12/2002, coas modificacións da Lei 15/2004, DE 29 DE DECEMBRO, as da Lei 6/2008, do 19 de xuño, de MEDIDAS URXENTES EN MATERIA DE VIVENDA E SOLO, as da Lei 2/2010, do 25 de marzo, DE MEDIDAS URXENTES DE MODIFICACIÓN da Lei 9/2002, as da Lei 15/2010 de 28 de decembro DE MEDIDAS FISCAIS E ADMINISTRATIVAS (DOG 30/12/2010), da Lei 4/2012, de 12 de abril, da Área Metropolitana de Vigo e as da Lei 9/2013, do 19 de decembro, do emprendemento e da competitividade económica de Galicia. ILUG Instrucións 1, 2, 3 e 4/2011, do 12 de abril, para a aplicación da Lei 2/2010, do 25 de marzo, de medidas urxentes de modificación da Lei 9/2002. LMUL Lei 6/2007 DE MEDIDAS URXENTES EN MATERIA DE ORDENACIÓN DO TERRITORIO E DO LITORAL DE GALICIA. RDUG Decreto 28/1999 REGULAMENTO DE DISCIPLINA URBANÍSTICA PARA O DESENVOLVEMENTO E APLICACIÓN DA LEI DO SOLO DE GALICIA 21/01/1999. NSP Orde 14/05/1991 NORMAS COMPLEMENTARIAS E SUBSIDIARIAS DE PLANEAMENTO DA CORUÑA, LUGO, OURENSE E PONTEVEDRA. 14/05/1991. LVG Lei 8/2012, do 29 de xuño, de VIVENDA DE GALICIA. LOTG Lei 10/1995, DE ORDENACIÓN DO TERRITORIO DE GALICIA 23/11/1995. DPSS Decreto 80/2000 PLANS E PROXECTOS SECTORIAIS DE INCIDENCIA SUPRAMUNICIPAL 23/03/2000. DOT Decreto 19/2011, do 10 de febreiro, polo que se aproban definitivamente as directrices de ordenación do territorio. POL Decreto 20/2011, do 10 de febreiro, polo que se aproba definitivamente o Plan de Ordenación do Litoral de Galicia.

Augas LAG Lei 9/2010, do 4 de novembro, de AUGAS DE GALICIA.

LAE Real Decreto 1/2001 TEXTO REFUNDIDO DA LEI DE AUGAS 20/07/2001, coas modificacións do Real Decreto Lei 4/2007.

RDPH Real Decreto 849/1986, de 11 de abril, REGULAMENTO DO DOMINIO PÚBLICO HIDRÁULICO, coas modificacións dos Reais Decretos 606/2003 de 23 de maio e o 9/2008, de 11 de xaneiro.

PHMS Plan Hidrolóxico da parte española da Demarcación Hidrográfica Miño-Sil, aprobado polo Real Decreto 285/2013 do 19 de abril.

Plan Xeral de Ordenación Municipal de Salceda de Caselas Normativa Urbanística 14 Documento para Aprobación Inicial

Temática Código Lexislación

Infraestruturas. LEE Lei 37/2015, de 29 de setembro, de estradas 30/9/2015.

LEG Lei 8/2013, do 28 de xuño, de estradas de Galicia 12/07/2013.

LOTT Lei 16/1987 DE ORDENACIÓN DE TRANSPORTES TERRESTRES.

LSF Lei 38/2015, de 29 de setembro do sector ferroviario 30/9/2015.

RSF Real Decreto 2387/2004 REGULAMENTO DO SECTOR FERROVIARIO.

LNA Lei 48/1960, de 21 de xullo, sobre NAVEGACIÓN AÉREA. Articulo 166 da Lei 13/1996, do 30 de decembro, de Medidas Fiscais, Administrativas e de Orde Social (B.O.E. nº 315, do 31 de decembro), modificado polo artigo 52 da Lei 18/2014, do 15 de outubro, de aprobación de medidas urxentes para o crecemento, a competitividade e a eficiencia (B.O.E. 17 outubro) e D 1844/1975 DE SERVIDUMES AERONÁUTICAS EN HELIPORTOS 05/12/2003.

DSA Decreto 584/1972, do 24 de febreiro (B.O.E. nº 69, do 21 de marzo) de Servidumes Aeronáuticas, modificado por Decreto 2490/74, do 9 de agosto (B.O.E. nº 218, de 11 de setembro), por Real Decreto 1541/2003, do 5 de decembro (B.O.E. nº 303, de 19 de decembro), por Real Decreto 1189/2011, do 19 de agosto (B.O.E. nº 204, de 25 de agosto) e por Real Decreto 29712013, de 26 de abril (B.O.E. nº 118, de 17 de mayo).

LSA Lei 21/2003, do 7 de xullo, de Seguridade Aérea (B.O.E nº 162, do 8 de xullo).

ROAG Real Decreto 2591/1998, do 4 de decembro, de Ordenación dos Aeroportos de Interese Xeral e a súa Zona de Servizo (B.O.E. nº 292, do 7 de decembro) modificado por Real Decreto 1189/2011, do 19 de agosto (B.O.E. nº 204, do 25 de agosto).

SAAV Real Decreto 2278/1986 sobre Servidumes Aeronáuticas do Aeroporto de Vigo (B.O.E. núm. 261, do 31 de outubro de 1986, con corrección de erros en B.O.E. núm. 288, do 2 de decembro de 1986).

PDAV Plan Director do Aeroporto de Vigo (Orde FOM/2385/2010 do Ministerio de Fomento do 30 de xuño de 2010, B.O.E. nº 223, de 14 de setembro de 2010)

LDN Lei 8/1975 ZONAS E INSTALACIÓNS DE INTERESE PARA A DEFENSA NACIONAL.

RLDN Real Decreto 689/1978 REGULAMENTO DE ZONAS E INSTALACIÓNS DE INTERESE PARA A DEFENSA NACIONAL.

Plan Xeral de Ordenación Municipal de Salceda de Caselas Normativa Urbanística 15 Documento para Aprobación Inicial

Temática Código Lexislación

Instalacións LTEL Lei 9/2014, de 9 de maio, Xeral de Telecomunicacións.

RTEL Real Decreto 863/2008 de 23 de maio REGULAMENTO DE DESENVOLVEMENTO DA LEI 32/2003, DE 3 DE NOVEMBRO, XERAL DE TELECOMUNICACIÓNS, NO RELATIVO AO USO DE DOMINIO PÚBLICO RADIOELÉCTRICO.

RICT Real Decreto 346/2011 REGULAMENTO REGULADOR DAS INFRAESTRUTURAS COMÚNS DE TELECOMUNICACIÓNS PARA O ACCESO AOS SERVIZOS DE TELECOMUNICACIÓN NO INTERIOR DOS EDIFICIOS 11/3/2011.

RDPR Real Decreto 1066/2001 REGULAMENTO QUE ESTABLECE CONDICIÓNS DE PROTECCIÓN DE DOMINIO PÚBLICO RADIOELÉCTRICO, RESTRICIÓNS ÁS EMISIÓNS RADIOELÉCTRICAS E MEDIDAS DE PROTECCIÓN SANITARIA FRONTE A EMISIÓNS RADIOELÉCTRICAS 28/09/2001.

LSEL Lei 24/2013, de 26 de diciembre, do SECTOR ELÉCTRICO.

RLAT Real Decreto 223/2008, de 15 de febreiro, Regulamento sobre CONDICIÓNS TÉCNICAS E GARANTÍAS DE SEGURIDADE EN LIÑAS ELÉCTRICAS DE ALTA TENSIÓN e as súas instrucións técnicas complementarias ITC-LAT 01 a 09. B.O.E. 19/3/2008.

RDEE Real Decreto 1955/2000 PARA REGULAR AS ACTIVIDADES DE TRANSPORTE, DISTRIBUCIÓN, COMERCIALIZACIÓN, SUBMINISTRACIÓN E PROCEDEMENTOS DE AUTORIZACIÓN DE INSTALACIÓNS DE ENERXÍA ELÉCTRICA 01/12/2000.

RIEG Decreto 275/2001 CONDICIÓNS TÉCNICAS ESPECIFICAS DE DESEÑO E MANTEMENTO AS QUE SE DEBERAN SOMETER AS INSTALACIÓNS ELÉCTRICAS DE DISTRIBUCIÓN 04/10/2001.

REBT DECRETO 842/2002, de 2 de agosto, do REGULAMENTO ELECTROTÉCNICO PARA BAIXA TENSIÓN.

LHE Lei 34/1998, de 7 de octubre, do sector de hidrocarburos.

DCA Real Decreto 140/2003 de 7 de febreiro ESTABLECE OS CRITERIOS SANITARIOS DA CALIDADE DA AUGA DE CONSUMO HUMANO.

PTAG Orde 28/7/1974 de 28 de xullo PREGO DE PRESCRIPCIÓNS TÉCNICAS XERAIS PARA TUBAXES DE ABASTECEMENTO DE AUGA (MOPU/74).

PTSA Orde de 15 de setembro de 1.986 PREGO DE PRESCRIPCIÓNS TÉCNICAS XERAIS DE TUBAXES PARA SANEAMENTO DE POBOACIÓNS (MOPU/86).

Avaliación e LAA Lei 21/2013, de 9 de decembro, de avaliación ambiental.

impacto DEAG DECRETO 327/1991, DO 4 DE OUTUBRO, DE AVALIACIÓN DE EFECTOS AMBIENTAIS PARA ambiental GALICIA 4/11/1991.

Plan Xeral de Ordenación Municipal de Salceda de Caselas Normativa Urbanística 16 Documento para Aprobación Inicial

Temática Código Lexislación

Medio LPNB Lei 42/2007 de 13 de decembro, DE PATRIMONIO NATURAL E DA BIODIVERSIDADE

ambiente e LRM Lei 26/2007 de 23 de outubro, de RESPONSABILIDADE MEDIOAMBIENTAL.

paisaxe LMO Lei 43/2003 DE MONTES 21/11/2003, coas modificacións da Lei 10/2006.

LMOG Lei 7/2012, de 28 de xuño, de montes de Galicia.

LPPG Lei 7/2008 de 7 de Xulio, de PROTECCIÓN DA PAISAXE DE GALICIA.

LCNG Lei 9/2001 CONSERVACIÓN DA NATUREZA 21/08/2001.

ORN Orde 28 de outubro de 1999, PARA A DECLARACIÓN PROVISIONAL DAS ZONAS PROPOSTAS PARA A SÚA INCLUSIÓN NA REDE EUROPEA NATURA 2000, COMO ESPAZOS NATURAIS EN RÉXIME DE PROTECCIÓN XERAL 28/10/1999

DEVN Decreto 72/2004 DECLARACIÓN DE ESPAZOS COMO ZONAS DE ESPECIAL PROTECCIÓN DOS VALORES NATURAIS 02/04/2004 e a Resolución 30/04/2004 CARTOGRAFÍA ONDE SE RECOLLEN OS LÍMITES DOS ESPAZOS NATURAIS DECLARADOS ZONAS DE ESPECIAL PROTECCIÓN DOS VALORES NATURAIS POLO DECRETO 72/2004, DO 2 DE ABRIL.

LPIF Lei 3/2007 PREVENCIÓN E DEFENSA CONTRA OS INCENDIOS FORESTAIS DE GALICIA.

OREI Orde 18/4/2007 ZONIFICA O TERRITORIO CON BASE NO RISCO ESPACIAL DE INCENDIO FORESTAL.

DPIF Decreto 105/2006 REGULA AS MEDIDAS PREVENTIVAS RELATIVAS Á PREVENCIÓN DE INCENDIOS FORESTAIS, A PROTECCIÓN DOS ASENTAMENTOS NO MEDIO RURAL E A REGULACIÓN DE APROVEITAMENTOS E POBOACIÓNS FORESTAIS.

LPAA Lei 8/2002, DE PROTECCIÓN DO AMBIENTE ATMOSFÉRICO DE GALICIA 18/12/2002.

LPAG Lei 1/1995 PROTECCIÓN AMBIENTAL DE GALICIA 02/01/1995.

Plan Xeral de Ordenación Municipal de Salceda de Caselas Normativa Urbanística 17 Documento para Aprobación Inicial

Temática Código Lexislación

Contaminación LCA Lei 34/2007 de 15 de novembro, CALIDADE DO AIRE E PROTECCIÓN DA ATMOSFERA.

e verteduras. DMAA Decreto 833/1975 DESENVOLVEMENTO DA LEI DE PROTECCIÓN DO MEDIO AMBIENTE ATMOSFÉRICO 06/02/1975.

DGRC REAL DECRETO 105/2008, de 1 de febreiro, polo que se regula a PRODUCIÓN E XESTIÓN DOS RESIDUOS DE CONSTRUCIÓN E DEMOLICIÓN 1/2/2008.

OLER Orde MAM/304/2002 de 8 de febreiro, OPERACIÓNS DE VALORIZACIÓN E ELIMINACIÓN DE RESIDUOS E A LISTAXE EUROPEA DE RESIDUOS 8/2/2002.

LRE Lei 10/1998 NORMAS REGULADORAS DE RESIDUOS 21/04/1998.

LPIC Lei 16/2002 PREVENCIÓN E CONTROL INTEGRADOS DA CONTAMINACIÓN 1/7/2002.

DASC REAL DECRETO 9/2005, de 14 de xaneiro, polo que se establece a RELACIÓN DE ACTIVIDADES POTENCIALMENTE CONTAMINANTES DO SOLO E OS CRITERIOS E ESTÁNDARES PARA A DECLARACIÓN DE SOLOS CONTAMINADOS.

DTAR Real Decreto 2116/1998 MODIFICA AO RD 509/1996, POLO QUE SE ESTABLECEN AS NORMAS APLICABLES AO TRATAMENTO DAS AUGAS RESIDUAIS 02/10/1998.

LRU Lei 37/2003, DO RUIDO 17/11/2003.

RPCA Real Decreto 1367/2007, DESENVOLVE A LEI 37/2003, DO RUÍDO, NO REFERENTE A ZONIFICACIÓN ACÚSTICA, OBXECTIVOS DE CALIDADE Y EMISIÓNS ACÚSTICAS.

LRG Lei 10/2008, de 3 de novembro, de RESIDUOS DE GALICIA 3/11/2008.

DPXR Decreto 174/2005 DO 9 DE XUÑO, POLO QUE SE REGULA O RÉXIME XURÍDICO DA PRODUCIÓN E XESTIÓN DE RESIDUOS E O REXISTRO XERAL DE PRODUTORES E XESTORES DE RESIDUOS DE GALICIA.

PXRC Resolución DO 17 DE XUÑO DE 2005, POLA QUE SE APROBA O PROGRAMA DE XESTIÓN DE RESIDUOS DE CONSTRUCIÓN E DEMOLICIÓN DE GALICIA 2005-2007.

Patrimonio. LPH Lei 13/85 DE PATRIMONIO HISTÓRICO 25/06/1985.

DPH Real Decreto 111/86, DE PATRIMONIO HISTÓRICO ESPAÑOL 28/01/1986, coas modificacións do Real Decreto 162/2002 MODIFICACIÓN DO ART. 58 08/02/2002.

LPCS Lei 3/1996 LEI DE PROTECCIÓN DOS CAMIÑOS DE SANTIAGO DE GALICIA 10/05/1996.

LPCG Lei 8/1995 LEI DE PATRIMONIO CULTURAL DE GALICIA 30/10/1995.

DAAG Decreto 199/1997 REGULACIÓN DA ACTIVIDADE ARQUEOLÓXICA NA COMUNIDADE AUTÓNOMA DE GALICIA 10/07/1997.

Accesibilidade. LIAD Lei 51/2003, de 2 de decembro, de IGUALDADE DE OPORTUNIDADES, NON DISCRIMINACIÓN E ACCESIBILIDADE UNIVERSAL DAS PERSOAS CON DISCAPACIDADE 02/12/2003.

DAEP Real Decreto 505/2007 aproba as CONDICIÓNS BÁSICAS DE ACCESIBILIDADE E NON DISCRIMINACIÓN DAS PERSOAS CON DISCAPACIDADE PARA O ACCESO E UTILIZACIÓN DOS ESPAZOS PÚBLICOS URBANIZADOS E EDIFICACIÓNS.

OAEP Orde VIV/561/2010, de 1 de febreiro, pola que se desenvolve o documento técnico de CONDICIÓNS BÁSICAS DE ACCESIBILIDADE E NON DISCRIMINACIÓN PARA O ACCESO E UTILIZACIÓN DOS ESPAZOS PÚBLICOS URBANIZADOS.

LASB Lei 10/2014, do 3 de decembro, de accesibilidade na comunidade autónoma de Galicia.

RASB Decreto 35/2000 REGULAMENTO DE DESENVOLVEMENTO E EXECUCIÓN DA LEI DE ACCESIBILIDADE E SUPRESIÓN DE BARREIRAS 28/01/2000, coas modificacións do DECRETO 74/2013, de 18 de abril e coa transitoriedade definida pola Lei 10/2014.

Plan Xeral de Ordenación Municipal de Salceda de Caselas Normativa Urbanística 18 Documento para Aprobación Inicial

Temática Código Lexislación

Edificación. LRRU Lei 8/2013, de 26 de xuño, de rehabilitación, rexeneración e renovación urbana.

RITE REAL DECRETO 1027/2007, de 20 de xullo, polo que se aproba o REGULAMENTO DE INSTALACIÓNS TÉRMICAS EN EDIFICIOS, coas modificacións do Real Decreto 238/2013.

NAEE Real Decreto 393/2007 de 23 de marzo, APROBA A NORMA BÁSICA DE AUTOPROTECCIÓN DOS CENTROS, ESTABLECEMENTOS E DEPENDENCIAS DEDICADOS A ACTIVIDADES QUE POIDAN DAR ORIXE A SITUACIÓNS DE EMERXENCIA 23/3/2007.

CTE REAL DECRETO 314/2006, de 17 de marzo, polo que se aproba o CÓDIGO TÉCNICO DA EDIFICACIÓN.

LOE Lei 38/1999, DE ORDENACIÓN DA EDIFICACIÓN 05/11/1999.

RPEP Real Decreto 2816/1982 REGULAMENTO XERAL DE POLICÍA DE ESPECTÁCULOS PÚBLICOS E ACTIVIDADES RECREATIVAS 27/10/1982.

CEPG Decreto 160/2005, de 2 de xuño, polo que se modifica o Decreto 292/2004, polo que se aproba o CATÁLOGO DE ESPECTÁCULOS PÚBLICOS E ACTIVIDADES RECREATIVAS DA COMUNIDADE AUTÓNOMA DE GALICIA.

NHV Decreto 29/2010, do 4 de marzo, polo que se aproban as NORMAS DE HABITABILIDADE DE VIVENDAS DE GALICIA.

DCEE Real Decreto 235/2013 de 5 de abril polo que se aproba o PROCEDEMENTO BÁSICO PARA A CERTIFICACIÓN DA EFICIENCIA ENERXÉTICA DOS EDIFICIOS 5/4/2013.

NTE NORMAS TECNOLÓXICAS DA EDIFICACIÓN, publicadas entre 1973 e 1988, non son de obrigado cumprimento, senón recomendacións.

RSII Real Decreto 2267/2004, de 3 de decembro, polo que se aproba o Regulamento de seguridade contra incendios nos establecementos industriais. BOE 17-12-04.

Varios. LECG Lei 9/2013, do 19 de decembro, do emprendemento e da competitividade económica de Galicia. LCIG Lei 13/2010, do 17 de decembro, do comercio interior de Galicia. LRFL Real Decreto Lexislativo 2/2004, de 5 de marzo, texto refundido da Lei Reguladora das Facendas Locais. LBRL Lei 7/1985 de 2 de abril. Reguladora das Bases de Réxime Local, modificada pola Lei 11/1999 de 21 de abril de MODIFICACIÓN DA LEI BASES DE RÉXIME LOCAL. LPAC Lei 30/1992, de 26 de novembro, de RÉXIME XURÍDICO DAS ADMINISTRACIÓNS PÚBLICAS E DE PROCEDEMENTO ADMINISTRATIVO COMÚN. LPHO Lei 49/1960, de 21 de xullo, sobre PROPIEDADE HORIZONTAL. CCIV Real Decreto 24/07/1889 CÓDIGO CIVIL (SERVIDUMES ART. 580-585) 11/05/1888. DCG Lei 4/1995 DEREITO CIVIL DE GALICIA. DPSM DECRETO 151/2014, de 20 de novembro, de sanidade mortuoria de Galicia. RPSM Decreto 2263/1974 REGULAMENTO DE POLICÍA SANITARIA MORTUORIA. LMI Lei 22/1973, de MINAS, coas modificacións da Lei 54/1980, de 5 de novembro. LMG Lei 3/2008 de 23 de maio ORDENACIÓN DA MINARÍA DE GALICIA 23/5/2008.

Plan Xeral de Ordenación Municipal de Salceda de Caselas Normativa Urbanística 19 Documento para Aprobación Inicial

CAPÍTULO II. DESENVOLVEMENTO DO PLAN XERAL

Art. 10. Determinacións de carácter xeral

1. Corresponde ao Concello de Salceda de Caselas o desenvolvemento do Plan Xeral a través dos instrumentos urbanísticos que procedan en función dos obxectivos que en cada caso se persigan. 2. O Plan Xeral estará vinculado xerarquicamente ás determinacións das Directrices de Ordenación do Territorio e demais instrumentos previstos ao abeiro da lexislación de ordenación territorial. 3. As entidades públicas e os particulares poderán participar no desenvolvemento das previsións do Plan Xeral redactando e elevando á Administración Municipal para a súa tramitación os plans, estudos e proxectos correspondentes.

Art. 11. Desenvolvemento e figuras de planeamento

1. As determinacións do Plan Xeral de aplicación inmediata e directa, desenvolveranse mediante actuacións edificatorias suxeitas á obtención previa das licenzas correspondentes, en aplicación das normas particulares contidas nos capítulos IV e V do Título II. 2. A ordenación do Plan Xeral desenvolverase, segundo a clase de solo de que se trate, mediante os instrumentos seguintes: a. En solo urbano, mediante Estudos de Detalle e Plans Especiais de reforma interior, así como áreas de normalización de predios (artigo 122 da LOUG) e actuacións illadas promovidas polo concello (artigo 124 da LOUG). b. En solo de núcleo rural, mediante plans especiais de ordenación do núcleo rural, que poden conter actuacións de carácter integral. c. En solo urbanizable delimitado, mediante Plans Parciais. d. En solo urbanizable non delimitado, mediante Plans de Sectorización. e. A intervención en solo rústico requirirá da tramitación e aprobación do correspondente Plan Especial. 3. Ademais dos planeamentos sinalados, en desenvolvemento das previsións contidas no Plan Xeral, poderán formularse e aprobarse Plans Especiais coa finalidade de protexer ámbitos singulares, coordinar a execución de dotacións urbanísticas, establecer e ordenar as infraestruturas básicas relativas aos sistemas de comunicación, transportes, espazos libres públicos, equipamento comunitario e instalacións destinadas aos servizos públicos. Os sistemas xerais desenvolveranse mediante Plans Especiais, agás que resulten ordenados detalladamente polo Plan Xeral, ou se atopen incorporados integramente a ámbitos de planeamento de desenvolvemento. 4. Os instrumentos de planeamento contarán obrigatoriamente cun catálogo no que se identificarán os núcleos rurais, inmobles, construcións, instalacións ou outros elementos existentes de carácter tradicional en solo rústico, ou conxunto destes, que merezan ser obxecto de especial protección.

Art. 12. Adecuación ao Plan Xeral

1. O planeamento de desenvolvemento poderá modificar as previsións e determinacións do Plan Xeral, nas condicións establecidas no artigo 62.1 da LOUG. 2. En desenvolvemento, tanto do Plan Xeral como dos Plans Parciais e Especiais, os Estudos de Detalle, tal e como establece o art. 73.2 da LOUG, non poderán alterar o destino urbanístico do solo, incrementar o aproveitamento urbanístico; reducir ou modificar as superficies destinadas a viarios, espazos libres ou dotacións públicas; prever a apertura de novos viarios non previstos no plan que desenvolvan ou completen; aumentar a ocupación do solo, alturas máximas edificables ou a intensidade de uso; parcelar o solo, descoñecer ou infrinxir as demais limitacións que lles impoña o correspondente plan e establecer novos usos e ordenanzas.

Plan Xeral de Ordenación Municipal de Salceda de Caselas Normativa Urbanística 20 Documento para Aprobación Inicial

CAPÍTULO III. XESTIÓN E EXECUCIÓN DO PLAN XERAL

Art. 13. Finalidade

Tal e como se establece na LOUG no seu art.107 as normas que regulan a xestión urbanística teñen como finalidade a garantía da execución das determinacións do planeamento, o reparto equitativo das cargas e dos beneficios derivados do mesmo e o establecemento das canles para garantir a participación da comunidade nas plusvalías que poida xerar a habilitación de solos para usos urbanísticos.

Art. 14. Competencia

En consecuencia co establecido no art. 108 da LOUG, o desenvolvemento e execución do presente Plan Xeral correspóndelle ao Concello, sen prexuízo da participación doutros órganos específicos da administración e particulares en función do establecido na lexislación urbanística vixente e na presente Normativa Urbanística.

Art. 15. Orzamentos da execución

A execución do planeamento require da aprobación do planeamento que conteña a ordenación detallada conforme ao disposto na lexislación urbanística que resulte de aplicación.

Art. 16. Polígonos de execución e outras modalidades de xestión urbanística

1. Segundo o prescrito polo art. 123.1 da LOUG, os polígonos configúranse como os ámbitos territoriais que comportan a execución integral do planeamento e serán delimitados polo plan que conteña a súa ordenación detallada, de forma que permitan o cumprimento conxunto dos deberes de cesión, urbanización e xusta distribución de cargas e beneficios na totalidade da súa superficie. 2. O Concello poderá promover actuacións illadas en solo urbano para facer posible a execución de elementos concretos previstos polo planeamento, cuxa obtención realizarase mediante os mecanismos previstos na lexislación urbanística; tal e como se corresponde co establecido polo art. 124 da LOUG. 3. As entidades locais e demais Administracións públicas, ao abeiro do previsto no art. 125 da LOUG, poderán constituír sociedades mercantís dentro do marco establecido pola lexislación urbanística que resulte de aplicación.

Art. 17. Sistemas de actuación

Segundo o previsto polo art. 126 da LOUG: 1. Os polígonos desenvolveranse polo sistema de actuación que a Administración determine en cada caso, e que se establecen na lexislación urbanística que resulte de aplicación. 2. Os sistemas de actuación son os seguintes: a) Sistemas de actuación directos: Cooperación. Expropiación. b) Sistemas de actuación indirectos: Concerto. Compensación. Concesión de obra urbanizadora. 3. A expropiación forzosa poderá aplicarse, ademais, para a execución dos sistemas xerais da ordenación urbanística do territorio ou dalgún dos seus elementos, ou para realizar actuacións illadas en solo urbano. 4. Os sistemas de actuación mencionados no apartado anterior regularanse segundo o disposto na lexislación urbanística aplicable.

Plan Xeral de Ordenación Municipal de Salceda de Caselas Normativa Urbanística 21 Documento para Aprobación Inicial

CAPÍTULO IV. INTERVENCIÓN NA EDIFICACIÓN E USO DO SOLO

Art. 18. Licenzas urbanísticas e comunicacións previas

1. Tal e como se prescribe nos art. 194 da LOUG e 10 do vixente Regulamento de Disciplina Urbanística para o desenvolvemento da do Solo de Galicia, en adiante RDUG, estarán suxeitos a previa licenza municipal ou comunicación previa, sen prexuízo das autorizacións que fosen procedentes de acordo coa lexislación aplicable, os actos que alí se citan. 2. As licenzas outorgaranse de acordo coas previsións da lexislación xeral e sectorial aplicable e do presente Plan Xeral, previa formulación de solicitude subscrita polo interesado, a que se acompañará do proxecto técnico que se requira (de conformidade co CTE, e no seu caso co previsto no art. 14 do vixente RDUG). O procedemento de outorgamento de licenzas axustarase ao previsto na lexislación de réxime local, urbanística e de réxime xurídico das administracións públicas e do procedemento administrativo común. O Concello poderá redactar unha futura Ordenanza de Tramitación de licenzas (en diante OTL) para precisar, actualizar ou corrixir o procedemento que agora se contempla na presente Normativa, sen necesidade de modificar o PXOM. 3. Os actos de ocupación, construción, edificación e uso do solo e o subsolo que promovan órganos das administracións públicas ou entidades de dereito público estarán igualmente suxeitos a licenza municipal, agás nos supostos exceptuados pola lexislación aplicable, no caso de urxencia ou excepcional interese público estarase ao disposto no art. 198 da LOUG. 4. O outorgamento de licenza para o exercicio das actividades autorizables nos casos previstos no artigo 33 da LOUG en solo rústico, compete ao Concello, trala resolución definitiva da autorización polo órgano autonómico competente, se así se precisa, e coas condicións establecidas no art. 41 da LOUG. 5. Non estarán suxeitos á licenza urbanística municipal as obras promovidas directamente polos órganos da administración pública que cumpran os requisitos establecidos na Disposición Derradeira Primeira da LOUG. 6. Excepcionalmente a lexislación ou a regulación de determinadas actividades pode eximir dunha parte ou da totalidade dalgúns dos trámites de licenza (Directiva de Servizos, Lei de Comercio, etc). En concreto, os procedementos e actos de uso do solo e do subsolo suxeitos ao réxime de comunicación previa regularanse segundo o previsto no artigo 194 da LOUG, e no seu caso segundo o establecido na LECG.

Art. 19. Caducidade e suspensión das licenzas

1. O réxime xurídico de vixencia e caducidade das licenzas urbanísticas será o regulado con carácter xeral pola lexislación urbanística, e principalmente polo establecido na LOUG e no RDUG. 2. As licenzas declararanse caducadas polo incumprimento dos prazos que a continuación se sinalan: a. Se non se comezaran as obra autorizadas no prazo de seis meses a contar dende a data de notificación do seu outorgamento. b. Se, unha vez comezadas, as obras quedaran interrompidas durante un período superior a seis meses. c. Se non se remataran no prazo determinado na notificación de seu outorgamento. O prazo de remate determinarase no acto de concesión de licenza, sendo con carácter xeral de tres anos para obra maior. 3. Por causa xustificada e nas condicións sinaladas pola lexislación aplicable, poderá concederse a prórroga dos prazos anteriormente indicados dunha licenza en vigor, e esta prórroga non poderá ser superior ao prazo inicialmente acordado. 4. O incumprimento do deber de urbanización simultáneo ao de edificación implicará a caducidade da licenza. 5. A declaración de caducidade requirirá da apertura dun previo expediente con audiencia ao interesado. Non obstante, e de acordo co establecido no artigo 197.3 LOUG, transcorridos tres anos dende o outorgamento da licenza sen que se iniciasen as obras entenderase caducada automaticamente por ministerio de lei e non poderán iniciarse as obras sen obter nova licenza axustada á ordenación en vigor.

Plan Xeral de Ordenación Municipal de Salceda de Caselas Normativa Urbanística 22 Documento para Aprobación Inicial

6. Disporase a suspensión de eficacia dunha licenza de obra en curso cando se comprobe o incumprimento das súas condicións de execución ata que os servizos técnicos municipais non comproben a efectiva reparación dos defectos observados. Se a corrección non se levara a cabo nos prazos que para tal efecto se fixen, a administración municipal resolverá nos prazos legais sobre a legalización ou non das obras, e procederá en consecuencia de acordo coas disposicións da LOUG e do RDUG.

Art. 20. Concesión das licenzas e outras solicitudes

1. A competencia para outorgar as licenzas correspóndelle ao Concello, de acordo coa lexislación aplicable de Réxime Local. Para o outorgamento da licenza prevista serán preceptivos os informes técnicos e xurídicos sobre a súa conformidade coa legalidade urbanística (art. 195.2 da LOUG). A denegación de licenza (no seu caso) deberá ser motivada. Respecto ao procedemento e documentación esixible para a súa tramitación estarase tamén ao previsto no RDUG. 2. As solicitudes de licenza irán acompañadas da documentación esixible en cada caso, concretada polas condicións particulares de cada obra establecida neste Plan, a lexislación urbanística xeral e sectorial aplicable e; no seu caso, pola OTL que se aprobe. Nos ámbitos afectados pola protección do patrimonio requirirase a preceptiva autorización da Consellería de Cultura. Nos ámbitos afectados por lexislación sectorial que requirira preceptivas autorizacións ou trámites, deberanse cumprir estes.

Tal e como recolle o CTE no seu artigo 6, para os efectos da súa tramitación administrativa, todo proxecto de edificación poderá desenvolverse en dúas etapas: a fase de proxecto básico e a fase de proxecto de execución. Cada unha destas fases do proxecto debe cumprir as seguintes condicións: a) O proxecto básico definirá as características xerais da obra e as súas prestacións mediante a adopción e xustificación de solucións concretas. O seu contido será suficiente para solicitar a licenza municipal de obras, as concesións ou outras autorizacións administrativas, pero insuficiente para iniciar a construción do edificio. Aínda que o seu contido non permita verificar todas as condicións que esixe o CTE, definirá as prestacións que o edificio proxectado ha de proporcionar para cumprir as esixencias básicas e, en ningún caso, impedirá o seu cumprimento. b) O proxecto de execución desenvolverá o proxecto básico e definirá a obra na súa totalidade sen que nel poidan rebaixarse as prestacións declaradas no básico, nin alterarse os usos e condicións baixo as que, se é o caso, outorgáronse a licenza municipal de obras, as concesións ou outras autorizacións administrativas, agás en aspectos legalizables. O proxecto de execución incluirá os proxectos parciais ou outros documentos técnicos que, se é o caso, deban desenvolvelo ou completalo, os cales se integrarán no proxecto como documentos diferenciados baixo a coordinación do proxectista. No caso de que se conceda a licenza con proxecto básico, o prazo máximo de entrega do proxecto de execución será de tres meses, a computar desde a notificación da concesión da licenza. Ademais do proxecto de execución debe incluírse a presentación do nomeamento do director de obra e do director da execución material. 3. Con independencia da regulación establecida por unha posible OTL que se elabore, todos os proxectos que se presenten para solicitude de licenza urbanística deberán estar firmados por técnico competente, por razón da materia, e visados polo Colexio profesional correspondente (naqueles casos en que sexa esixible). No caso de que a documentación técnica non veña visada por non ser legalmente obrigatorio, nin por propia vontade do promotor, deberá achegarse certificación da titulación do técnico (pode facelo o colexio respectivo), e facer unha comparecencia do técnico para verificar a súa sinatura (se non establece o Concello outro sistema ao efecto).

4. Nos proxectos, aos que se fai referencia no punto anterior, deberán incluír unha Memoria Xustificativa na que se dea resposta e xustificación adecuada a tódolos condicionantes que lles sexan de aplicación por razón das condicións de Uso, Edificación, Protección, a lexislación sectorial aplicable e os da Ordenanza correspondente. O Concello poderá devolver, para subsanación, os proxectos que non cumpran con esta disposición, sen que poidan computarse os prazos da concesión ata que os proxectos teñan completado o seu contido.

Plan Xeral de Ordenación Municipal de Salceda de Caselas Normativa Urbanística 23 Documento para Aprobación Inicial

5. Naqueles supostos nos que se esixa outra autorización ou título administrativo, distinto á licenza urbanística, para a realización de actos de construción, edificación e uso do solo e do subsolo, estarase ao disposto na lexislación urbanística vixente respectiva, tanto xeral como sectorial ou municipal. En concreto, os procedementos e actos de uso do solo e do subsolo suxeitos ao réxime de comunicación previa regularanse segundo o previsto no artigo 194 da LOUG, e no seu caso segundo o establecido na LECG.

6. Respecto ao abastecemento de auga deberase xustificar a dispoñibilidade do recurso segundo os consumos dos diferentes usos que se contemplen. Se o edificio vai a conectarse a unha rede municipal, pública ou veciñal, o Concello ratificará que dispón das concesións administrativas ou autorizacións correspondentes, e se vai a ter un abastecemento independente comprobarase a fonte, e no seu caso a debida autorización do organismo de cunca.

7. Respecto ao saneamento e depuración de residuais, se o edificio vai a conectarse a unha rede municipal, pública ou veciñal, o Concello ratificará que dispón das concesións administrativas ou autorizacións de vertido correspondentes, e se vai a ter unha evacuación independente comprobarase que se conte coa debida autorización de vertido do organismo de cunca.

8. Respecto as Instalacións Comúns de Telecomunicacións (ICT) para a construción ou rehabilitación integral de edificios, se presentará un proxecto técnico de ICT, realizado por un Enxeñeiro competente en materia de telecomunicacións.

9. Naqueles casos en que da licenza se derive a cesión ao concello dalgún tipo de espazo para viario ou para calquera outro uso público sobre a parcela inicial, a propiedade, denantes de iniciar as obras, presentará un compromiso de cesión do devandito terreo ou espazo, e a ser posible unha vez realizada unha acta de aliñacións e rasantes, e xunto ao compromiso de cesión dos terreos correspondentes presentarase un aval polo importe das obras. As obras accesorias de urbanización que se deban acometer para a obtención da licenza deben vir recollidas e valoradas no proxecto de execución (ou nun proxecto de urbanización).

10. As licenzas urbanísticas que afecten a elementos incluídos no Catálogo ou aos seus contornos de protección deberán contar coa preceptiva autorización da Consellería de Cultura. En virtude do sinalado no art. 195 da LOUG, en ningún caso se entenderán como obras ou instalacións menores as intervencións nos elementos declarados BIC ou incluídos no Catálogo do presente PXOM, polo que para calquera intervención que lles afecte será precisa a presentación de proxecto técnico completo redactado por técnico competente.

Art. 21. Parcelamentos urbanísticos.

1. Considerarase parcelamento urbanístico a división de terreos en dous ou máis lotes ou porcións, a fin da súa urbanización ou edificación, xa sexa en forma simultánea ou sucesiva. Todo parcelamento urbanístico deberá acomodarse ao disposto na presente Normativa e na LOUG (artigos 204 a 207).

2. Non se poderá efectuar ningún parcelamento urbanístico sen que previamente fose aprobado o planeamento urbanístico esixible, segundo a clase de solo de que se trate. Queda prohibida, en solo rústico, a realización de parcelamentos urbanísticos e as divisións ou segregacións de parcelas, agás as permitidas no art. 206 da LOUG.

3. Todo parcelamento urbanístico quedará suxeito a licenza ou á aprobación do proxecto de compensación ou reparcelamento que a conteña. Ademais, con carácter xeral, nos ámbitos afectados pola protección do patrimonio requirirase autorización da Consellería de Cultura.

4. En ningún caso se considerarán soares, nin se permitirá edificar neles, os lotes resultantes dun parcelamento efectuado con infracción das disposicións da presente Normativa e/ou da LOUG.

5. Os notarios e rexistradores da propiedade esixirán para autorizar e inscribir, respectivamente, escritura de división de terreos que se acredite previamente ao outorgamento da licenza municipal, que deberá testemuñarse no documento.

Plan Xeral de Ordenación Municipal de Salceda de Caselas Normativa Urbanística 24 Documento para Aprobación Inicial

6. Naqueles casos en que da licenza de parcelamento se derive a cesión ao concello dalgún tipo de espazo para viario ou para calquera outro uso público sobre a parcela inicial, a propiedade, denantes de iniciar o proceso físico de división de parcelas ou (no seu caso) de realizar as obras de peche ou de urbanización que sexan precisas, presentará un compromiso de cesión do devandito terreo ou espazo, e a ser posible unha vez realizada unha acta de aliñacións e rasantes.

7. Cando na ordenanza aplicable se esixa unha dotación mínima de aparcadoiro, deberase demostrar que as parcelas resultantes a poidan cumprir ou teñan a capacidade xeométrica para poder albergar as prazas esixidas, ou ben derivar esta condición ao proxecto de edificación.

Art. 22. Licenza de parcelamento

1. Está suxeito a licenza municipal todo acto de parcelamento urbanístico segundo se establece no artigo 207.2 da LOUG. 2. A licenza e parcelamento urbanístico entenderase concedida cos acordos de aprobación de proxectos de reparcelamento, compensación ou normalización de predios. 3. Require licenza de parcelamento expresa e individualizada todo acto de alteración por subdivisión de parcelas, en núcleo rural, solo urbano ou urbanizable que pretenda realizarse con posterioridade ou con independencia dos instrumentos de planeamento e xestión, aínda que non supoña modificación dos mesmos por atoparse previsto ou autorizado neles.

Art. 23. División e segregación de predios en solo rústico

No solo rústico non poderán nin realizarse nin autorizarse parcelamentos, divisións ou segregacións, agás as permitidas no art. 206 da LOUG.

Art. 24. Licenzas de obra

1. A concesión de licenza de obras, ademais da constatación de que a actuación proxectada cumpre as condicións técnicas, dimensionais e de uso fixadas polo planeamento e demais normativa aplicable, esixe a constancia ou acreditación dos requisitos seguintes: a. Escritura pública de parcelamento ou, se esta non fora esixible, conformidade da parcela co planeamento aplicable. b. Atoparse formalizadas as cargas urbanísticas asignadas polo planeamento ao polígono ao que pertenza a parcela. c. Contar a parcela coas condicións de urbanización esixidas en función da súa clasificación e cualificación de solo, salvo que se asegure e autorice expresamente a execución simultánea da urbanización cando esta excepción sexa admisible conforme á lexislación e a presente Normativa Urbanística. d. Obtención da licenza de actividade para instalación en cumprimento do art. 22 do Regulamento de Servizos das Corporacións Locais, se o require o uso proposto, así como das restantes autorizacións sectoriais ou concesións precisas por razón dos réximes especiais de protección, vinculación ou servidumes legais que afecten ao terreo ou inmoble de que se trate. e. Asunción da dirección facultativa polos técnicos competentes requiridos en razón da natureza das obras. f. Obtención das autorizacións preceptivas que fosen procedentes de acordo coa lexislación aplicable. g. Cantos outros de índole específica fosen esixibles a teor da presente Normativa Urbanística, do planeamento de desenvolvemento e do RDUG. 2. As alteracións substanciais ou significativas que se pretendan introducir durante a execución das obras, requirirán da expresa modificación da licenza de obra.

Plan Xeral de Ordenación Municipal de Salceda de Caselas Normativa Urbanística 25 Documento para Aprobación Inicial

Art. 25. Tipos de obras e actuacións

1. As actuacións sometidas a licenza as imos a clasificar en tres grupos principais: as obras de edificación, as obras de urbanización e o resto de actuacións (outras actuacións urbanísticas). 2. As obras de edificación son aquelas que se refiren a edificacións de calquera caste, obras que se clasifican no Art. 26 seguinte. 3. As obras de urbanización ou as incluídas en Proxectos de Urbanización regúlanse no TÍTULO II.Capítulo IX destas Normas. 4. Para os efectos destas Normas, enténdese por outras actuacións urbanísticas aquelas outras construcións, ocupacións, actos e formas de afectación do solo, do voo ou do subsolo, que non estean incluídas entre as obras definidas nos dous puntos anteriores. Estas actuacións urbanísticas, teñen o carácter de estables por considerar que a súa instalación, ou a actuación que corresponda, vaia a ter carácter permanente ou duración indeterminada. A título enunciativo defínense os seguintes conceptos: a) A tala de árbores e a plantación de masas arbóreas. b) Movementos de terra non afectos a obras de urbanización ou edificación, incluídas a construción de piscinas e a apertura de pozos. c) O acondicionamento de espazos libres de parcela e a execución de vaos de acceso de vehículos. d) Pechamentos exteriores de terreos ou modificación dos existentes. e) Instalacións lixeiras de carácter fixo, propias dos servizos públicos ou actividades mercantís na vía pública, tales como cabinas, quioscos, puntos de parada de transporte, postes, etc. f) Recintos e outras instalacións fixas propias de actividades ao ar libre recreativas, deportivas, de acampada, etc., sen prexuízo dos proxectos complementarios de edificación ou urbanización que, se é o caso, requiran. g) Soportes publicitarios exteriores, incluídos tódolos que non estean en locais pechados. h) Instalacións exteriores, propias das actividades extractivas, industriais ou de servizos, non incorporadas a proxectos de edificación. i) Vertedoiros de residuos ou escombros. j) Instalacións de depósito ou almacenamento ao ar libre, incluídos os depósitos de auga e de combustibles líquidos e gasosos, e os parques de combustibles sólidos, de materiais e de maquinaria. k) Instalacións ou construcións subterráneas de calquera clase non comprendidas en proxectos de urbanización ou de edificación.

l) Usos o instalacións que afecten ao voo das construcións do viario ou dos espazos libres, tales como tendidos aéreos de cables e conducións, antenas, teleféricos, ou outras montaxes e instalacións sobre os edificios alleos ao servizo normal destes e non previstos nos seus proxectos orixinarios.

m) Outras análogas. Considérase a tódolos efectos que as actuacións anteriores son, en todo caso, actos suxeitos a licenza. 5. Os proxectos que amparen as obras definidas nos diversos grupos anteriores ateranse ás especificacións requiridas polas regulamentacións técnicas específicas da actividade de que se trate, aos contidos destas Normas, e ao réxime especial que corresponda para a tramitación de licenzas.

Art. 26. Tipos de obras de edificación

As obras de edificación divídense nos grupos seguintes: A) Obras nos edificios. B) Obras de demolición. C) Obras de nova edificación.

Plan Xeral de Ordenación Municipal de Salceda de Caselas Normativa Urbanística 26 Documento para Aprobación Inicial

A) Obras nos edificios 1. Son aquelas que se efectúan sobre un edificio, sen alteraren a posición das súas fachadas e cubertas que definen o seu volume construído, agás trabas que se indican en cada tipo de obras respecto da súa capacidade para variar algún dos devanditos elementos. Segundo afecten a todo o edificio, terán carácter xeral, parcial ou puntual. 2. Para delimitar o alcance dos diferentes tipos de obra, defínese como morfoloxía dun edificio ou características morfolóxicas, a composición volumétrica xeral do edificio, os accesos e núcleos de comunicación vertical, a disposición da estrutura xeral e a configuración dos seus andares. Así mesmo, entenderase que a envolvente dun edificio estará constituída por todas as súas fachadas e cubertas, agás aquelas que delimitan patios pechados. 3. Inclúense, dentro das obras nos edificios, os seguintes tipos, que poderán presentarse individualmente ou asociados entre si: - Obras de conservación:

Son as que teñen a finalidade de manter ao edificio en acaídas condicións de salubridade, habitabilidade, confort e ornato, sen alteraren as súas características morfolóxicas ou distribución.

Inclúense dentro deste tipo de obras, entre outras, as de reposición de instalacións, o coidado de cornixas, saíntes e voos, a limpeza ou reposicións de canelóns ou baixantes, reparación de cubertas, e a substitución de solados, revocos, enlucidos e pinturas interiores. Non poderán afectar ás características formais do edificio, non pudendo ocasionar alteracións ou substitucións de calquera dos elementos estruturais ou de deseño do mesmo.

- Obras de restauración:

Son aquelas obras encamiñadas a unha conservación en grao máximo nas que se pretende a reparación ou restitución dos elementos, estruturais ou non, do edificio, á vez que reproducir as condicións orixinais do mesmo sen achega de elementos de novo deseño, incluso a restauración do mobiliario orixinal e da decoración ou dos elementos procedentes, polo mesmo, das últimas etapas de utilización. A devandita situación ou condicións orixinais deberán estar suficientemente documentadas. Poderá comprender, así mesmo, as obras complementarias que coadxuven a ese fin.

A reposición ou reprodución das condicións orixinais en relación ás necesidades do uso ao que fora destinado o edificio, poderán incluír, se procede a reparación ou substitución puntual de elementos estruturais e instalacións, a fin de asegurar a estabilidade e funcionalidade de todo ou parte do mesmo, e sempre que as devanditas substitucións non alteren as características morfolóxicas do edificio orixinal.

Inclúense dentro deste tipo de obras, entre outras, as de eliminación de elementos estraños engadidos ás fachadas e cubertas dos edificios; a recuperación de cornixas e beirados suprimidos en intervencións anteriores; a reposición de molduras e ornamentos eliminados en fachadas; así como a recuperación das disposicións e ritmos orixinais de vans.

- Obras de consolidación:

Son aquelas encamiñadas á conservación e mantemento dun edificio que impliquen a substitución total ou parcial dalgún elemento estrutural con achega de elementos de novo deseño, pero respectando integramente a organización espacial do edificio, así como a tipoloxía estrutural e a composición exterior da envolvente do edificio (fachadas e cuberta).

- Obras de rehabilitación:

Consideraranse como rehabilitación todas aquelas intervencións sobre un edificio que melloren as súas condicións de seguridade, salubridade, habitabilidade, confort, e ornato, e modifiquen a súa distribución e/ou alteren as súas características morfolóxicas e distribución interna. Respecto dos inmobles catalogados, as obras de rehabilitación conservarán as características estruturais e de composición exterior da envolvente do edificio (fachadas e cubertas).

Plan Xeral de Ordenación Municipal de Salceda de Caselas Normativa Urbanística 27 Documento para Aprobación Inicial

Inclúense dentro deste tipo de obras as seguintes, podendo acadar -no caso vivendas ou edificios de vivendas existentes- as condicións de Rehabilitación funcional, Reforma e Ampliación contidas no Decreto 29/2010, do 4 de marzo, polo que se aproban as Normas de Habitabilidade de Vivendas de Galicia (en diante NHV) e aos efectos da súa aplicación:

• Obras de acondicionamento: son aquelas que melloran as condicións de habitabilidade dun edificio ou parte do mesmo mediante a introdución de novas instalacións, a modernización das existentes ou a redistribución do seu espazo interior, podendo variar o número de vivendas ou locais existentes sen intervir sobre as características morfolóxicas ou estrutura portante, nin alterar a envolvente do edificio.

Poderá autorizarse a apertura de novos ocos e a modificación dos existentes, sempre que así o contemple a normativa específica de aplicación.

Cando as obras afecten a un local, locais ou vivendas dun edificio, que individualmente ou no seu conxunto non superen o 25% da superficie construída do edificio, a intervención terá o carácter de puntual.

No caso de vivendas ou edificios de vivendas existentes, estas obras poderán acada-las condicións especiais contidas nas NHV no seu capítulo IV.

• Obras de reestruturación: son aquelas que afectan ás súas condicións morfolóxicas, poden variar o número de vivendas ou locais existentes, e poden ser:

Reestruturación puntual: aquelas obras nas que se realicen pequenas modificacións estruturais para posibilitar:

- Cambios na distribución mediante a apertura puntual de ocos de paso en muros.

- Adecuación á normativa que regula as esixencias básicas de calidade que deben cumprir os edificios ao abeiro da LOE.

- A instalación de ascensores e construción de escadas privadas entre pisos.

- Substitución parcial de forxados, chegando a introducir modificacións de nivel en zonas localizadas.

No caso de vivendas ou edificios de vivendas existentes, estas obras poderán acada-las condicións especiais contidas nas NHV no seu capítulo IV.

Reestruturación parcial: aquelas obras que inclúen entre as seguintes:

- Cobertura e forxado de patios pechados de dimensións inferiores ao 50% das establecidas na ordenanza que o autorice.

- Demolición e nova construción de núcleos de comunicación vertical.

- Substitución ou reposición de elementos ou zonas de forxados ou piares illados.

- Apertura de patios ou incremento do espazo libre de parcela, de acordo coas dimensións establecida pola ordenanza para edificios non catalogados.

- Reposición de elementos da cuberta.

- A execución destas obras quedará sempre condicionada ao cumprimento das condicións específicas de catalogación, non podendo exceder a edificabilidade máxima permitida cando se executen as obras que supoñan incremento da superficie construída.

No caso de vivendas ou edificios de vivendas existentes, estas obras poderán acada-las condicións especiais contidas nas NHV no seu capítulo IV.

Plan Xeral de Ordenación Municipal de Salceda de Caselas Normativa Urbanística 28 Documento para Aprobación Inicial

Reestruturación xeral: terán este carácter aquelas obras nos edificios que excedan do anteriormente exposto, sendo consideradas como reestruturación total no caso de baleirado do edificio con mantemento da fachada e/ou muros perimetrais, e desmontado e reconstrución dos mesmos. No caso de vivendas ou edificios de vivendas existentes, estas obras poderán acada-las condicións especiais contidas nas NHV no seu capítulo IV.

Adición de planta en elementos catalogados: Son aquelas obras de restruturación encamiñadas ao aumento do número de andares dun edificio catalogado, mantendo ou non a súa tipoloxía estrutural. As condicións en que pode realizarse esta adecuación, especifícanse no grao de protección correspondente. Só neste caso a cuberta do edificio se considerará non protexida. No caso de vivendas ou edificios de vivendas existentes estas obras poderán acada-las condicións especiais contidas nas NHV no seu capítulo IV.

- Obras exteriores:

Son aquelas que afectan, de forma puntual ou limitada, ás fachadas e cubertas dos edificios, modificando a súa configuración exterior sen afectar á volumetría.

Comprende a modificación de ocos (ritmos de vans), acabados, a substitución dos elementos de pechamento e os seus materiais, a implantación de elementos fixos exteriores con ou sen afectación estrutural, mostras, marquesiñas e escaparates.

- Obras de reconfiguración:

Son aquelas que, sen incrementar ou alterar cuantitativamente o volume dun edificio, modifícano na súa disposición con pequenas intervencións, que terían como finalidade principal a de eliminar impactos negativos existentes. Consideraranse obras de reconfiguración, entre outras, a modificación de trazados desaxeitados de cuberta por reorganización dos seus faldróns, a regularización de áticos, bufardas e rochos de maquinaria, a supresión de limas e compensación das supresión de corpos engadidos en patios mediante a utilización de espazos existentes baixo cuberta.

Non poderán afectar a un volume superior ao 15% do total do inmoble ou edificio.

B) Obras de demolición Son aquelas que se realizan para a destrución dun edificio ou parte do mesmo, polo que se dividen en: - Demolición total: Cando supoña a desaparición completa dun edificio, aínda que na parcela sobre a que estivese implantado permanezan outros edificios, sempre que estes poidan ser utilizados independentemente. - Demolición parcial: Cando só se elimine parte dunha edificación.

C) Obras de nova edificación Comprenden os seguintes tipos de obra: - Obras de substitución Son aquelas nas que se derruba unha edificación existente, construíndose no seu lugar unha nova. - Obras de nova planta Cando se edifica nun soar libre de edificación. - Obra de ampliación Cando se incrementa a ocupación ou o volume construído. - Obras especiais Son aquelas de características peculiares que só se poden realizar en caso de ser esixidas pola normativa aplicable, establécense os grupos seguintes:

Plan Xeral de Ordenación Municipal de Salceda de Caselas Normativa Urbanística 29 Documento para Aprobación Inicial

• Obras de reconstrución: son as que teñen por obxecto a reposición mediante nova construción dun edificio preexistente no mesmo espazo e posición, total ou parcialmente desaparecido, reproducindo fielmente as súas características morfolóxicas. Só se contemplan este tipo de obras en edificios sometidos a algún réxime de protección que as esixa, quedando exentas do cumprimento das condicións de nova planta que as imposibiliten. • Obras de desmontado, traslado e reedificación: os edificios en fábrica pétrea, que aínda que estean protexidos co grao de protección ambiental, poderán ser desmontados e trasladados para a súa posterior reedificación dentro do termo municipal de Salceda de Caselas. • Obras de recuperación tipolóxica: son aquelas obras de nova edificación que deban realizarse de acordo cun modelo tipolóxico preestablecido polo planeamento. Estas obras virán impostas pola normativa correspondente, segundo casos específicos.

Art. 27. Licenza de obra maior e menor

Aos efectos das oportunas licenzas urbanísticas, as obras clasifícanse en: - Obras maiores, que se refiren basicamente ás edificacións e obras definidas no punto 2 do artigo 2 da LOE (que en asimilación ás obras aquí definidas, comprende os conceptos de obra de nova edificación, de restauración estrutural, ampliación ou reestruturación; as de conservación, rehabilitación ou restauración que afecten a elementos estruturais, e as intervencións en edificios protexidos, declarados BIC ou catalogados), as obras de derrubamento ou demolición estrutural destas edificacións, e as actuacións citadas no art. 195.3 da LOUG: os parcelamentos urbanísticos, os muros de contención, e os grandes movementos de terra (entendendo por estes os que precisen de medios de tracción mecánica para a súa execución). − Obras menores, que comprenden o resto das obras non recollidas no apartado anterior, asimilables aos conceptos de obras non estruturais de: ampliación, substitución, conservación ou derrubamento nas edificacións; as obras e instalacións de técnica simple e escasa entidade que se definen no art. 195.3 da LOUG para os edificios e instalacións, e a construción das edificacións auxiliares ou de escasa entidade que cita a LOE (incluso as obras realizadas nelas, mentres non perdan esas condicións de escasa entidade e uso definidas pola LOE).

Art. 28. Solicitude de liña e rasante

1. Con anterioridade á presentación da documentación necesaria para a solicitude dunha licenza de obra nova, rehabilitación, ou calquera outra que poida ter incidencia nas aliñacións ou rasantes, como as previstas para edificacións fóra de aliñación, debera solicitarse unha Acta de Aliñación e Rasante sobre a parcela que proceda. 2. A solicitude de liña e rasante virá acompañada por triplicado dun plano de situación da parcela a escala 1: 2000 e un plano a escala 1: 500 co levantamento topográfico da parcela e da contorna próxima.

Art. 29. Sinalización de liña

1. No acto de sinalización de liña comparecerán o responsable técnico municipal competente, e pola parte interesada o propietario da parcela, apoderado ou técnico facultativo que o represente. 2. Para poder efectuar a sinalización de liña, a parcela non presentará obstáculo algún para tal fin, á vez que o facultativo da propiedade deberá ter deslindada a finca, conservando as referencias invariables que se indican a continuación. 3. O facultativo da propiedade coidará da conservación dos puntos das construcións existentes que sirvan para determinar as superficies de cesión ou incorporación, así como as referencias á nova aliñación que houberan de ser fixadas de modo provisional no seu caso.

Plan Xeral de Ordenación Municipal de Salceda de Caselas Normativa Urbanística 30 Documento para Aprobación Inicial

Art. 30. Acta de liña e rasante

1. Unha vez efectuado o replanteo levantarase acta que deberá vir subscrita polo responsable técnico municipal competente, o propietario ou representante e o seu facultativo. 2. Na acta de liña e rasante acompañarase un plano da parcela coa indicación da aliñación inicial e a resultante, así como da medición da superficie cedida ou incorporada se se dese o caso.

Art. 31. Réxime das edificacións existentes a respecto do planeamento vixente.

1. As edificacións existentes á entrada en vigor do PXOM que sexan conformes coa ordenación urbanística aplicable no seu momento ou respecto das que non proceda, por transcurso dos prazos, as medidas previstas para o restablecemento da legalidade, enténdense consolidadas para os efectos dispostos neste Plan. 2. Sen prexuízo do anterior, ditas edificacións poderán atoparse nalgunha das seguintes situacións a respecto do presente PXOM: a) Fóra de ordenación. Cando son totalmente incompatibles co Plan. (Art. 103.2 da LOUG). b) Fóra de ordenanzas ou fóra de ordenación parcial. Cando só son parcialmente incompatibles co Plan. (Art. 103.3 da LOUG). Nas ordenanzas do presente PXOM poderanse establecer condicións excepcionais a respecto de edificacións existentes legalmente construídas antes da entrada en vigor do PXOM que incumpran algúns parámetros deste, que poderían levar a considerar esas edificacións dentro de ordenación para os estritos casos e parámetros citados e nas condicións que se citan.

c) Conforme á nova ordenación, ou que excepcionalmente se poidan considerar segundo o citado no punto b) anterior como dentro de ordenación.

Art. 32. Edificacións desconformes coa ordenación do presente PXOM.

1. Dado que as casuísticas posibles de desconformidade co planeamento definidas nos apartados a) e b) do punto 2 do artigo anterior son na realidade múltiples e variadas, neste artigo vanse a subdividir estas situacións básicas en graos, aos efectos de regular axeitadamente o réxime aplicable en cada caso. 2. Establecerase a procedencia de aplicación destas situacións e graos en función do nivel de incompatibilidade do edificio a respecto da ordenación establecida no PXOM, e aplicarase o réxime concreto que corresponda en cada caso, segundo se define nos seguintes apartados. Nos casos dos edificios catalogados polo presente PXOM, prevalecerán as condicións particulares establecidas nas súas fichas individualizadas sobre a posible aplicación do establecido no presente artigo.

Art. 33. Réxime para edificacións totalmente incompatibles coas determinacións do planeamento.

1. Enténdense incluídas nesta situación aquelas edificacións que se atopen nalgunha (ou na conxunción de varias) das seguintes circunstancias (a respecto da ordenación prevista no PXOM, ou as que con posterioridade deveñan da aplicación da súa xestión ou do seu planeamento de desenvolvemento): a) Por atoparse situada parcialmente ou na súa totalidade sobre espazos clasificados como viario público e/ou en espazos libres de uso público (en ambos casos tanto se son existentes como propostos). No caso dos espazos libres exclúense desta situación todas aquelas edificacións de uso público que son propias destes espazos, como as que se citan no Art. 87 da presente normativa, e sempre que se adapten ás condicións que se citan nese artigo. b) Por atoparse situada parcialmente ou na súa totalidade sobre espazos clasificados como solo rústico onde non se permitan as edificacións dese tipo (agás que a citada edificación obtivese legalmente no seu momento a preceptiva licenza urbanística e que se executase de conformidade con esta, ou que se trate dunha edificación tradicional por tipoloxía e data de construción, pois nestes casos non se considerará fóra de ordenación nesta situación concreta – aínda que si poderían selo por incompatibilidade parcial, ou por verse afectadas por outras das situacións que se recollen na presente listaxe de casuísticas-).

Plan Xeral de Ordenación Municipal de Salceda de Caselas Normativa Urbanística 31 Documento para Aprobación Inicial c) As edificacións que se localicen en terreos que, en virtude do planeamento, deban ser obxecto de expropiación, ou de cesión obrigatoria e gratuíta, ou ben onde se deba levar a cabo a demolición ou expropiación de ditos edificios. d) Aquelas edificacións situadas en ámbitos de solo urbano non consolidado ou solo urbanizable para os que o PXOM non fixe ordenación detallada, consideraranse nesta situación mentres non se aprobe o planeamento de desenvolvemento que estableza a ordenación detallada, pois será este instrumento quen permita ao Concello determinar ou verificar finalmente se o edificio se encontra en situación de fóra de ordenación, e en que situación e grao. e) Aqueles elementos que, unha vez redactados os instrumentos de desenvolvemento e xestión relativos aos ámbitos citados no parágrafo anterior, non poidan conservarse por resultar necesaria a súa eliminación para realizar as obras de urbanización previstas no PXOM. f) Nos ámbitos pendentes dunha adxudicación de propiedades ou dereitos, aqueles elementos que se atopen situados nunha superficie que non se deba adxudicar integramente ao seu mesmo propietario, de acordo co previsto no apartado 2 do artigo 98 do RGU (neste último caso comprobarase a necesidade da súa aplicación polo Concello). g) No caso de edificacións de propiedade privada situados en espazos clasificados ou cualificados como dotacións equipamentais de carácter público, será o Concello o que determine caso a caso a posible situación e grao de incompatibilidade co planeamento -no seu caso- que poida ser aplicable. 2. No caso dos edificios ou instalacións sinalados nos apartados d), e), f) e g) do punto 1 deste Artigo, considérase que a condición de fóra de ordenación é de carácter temporal ata que non se verifique esa condición. As edificacións ou instalacións en solo rústico que obtivesen legalmente a preceptiva licenza urbanística e que se executasen de conformidade con esta non se entenderán en situación de fóra de ordenación por total incompatibilidade, agás que se sitúen nalgún dos casos citados no punto 1 deste Artigo. 3. A cualificación como fóra de ordenación non é de aplicación para os inmobles incluídos en calquera dos niveis de protección ou nos catálogos do PXOM (ou dos seus plans de desenvolvemento) que establezan medidas especiais de protección. 4. A cualificación como fóra de ordenación, cando o sexan por total incompatibilidade coas determinacións do presente PXOM, é causa de denegación de licenzas de obras, agás as que poidan ser admisibles respectivamente en cada caso, segundo o establecido nos seguintes puntos. 5. Por regra xeral, nos edificios incluídos nesta situación ou cualificación non se poderán realizar obras que supoñan consolidación, aumento de volume, modernización ou incremento do seu valor de expropiación. Si se poderán, con todo, levar a cabo neles as obras que determina o artigo 103.2 da LOUG, así como as que vaian directamente destinadas a elimina-las causas determinantes da situación de fóra de ordenación cando esta sexa remediable. 6. A cualificación como fóra de ordenación nos supostos dos apartados 1.d), f) e g) do presente Artigo, tamén será causa de denegación de licenzas de obras (mentres non se comprobe ou verifique a súa situación final) que excedan das sinaladas no punto 5 anterior, agás as de actividades e instalacións, sempre que o propietario, na solicitude de licenza, renuncie expresamente ao aumento de valor da expropiación derivado das obras e instalacións para as que se solicita licenza e asuma o compromiso de demoler ou trasladar a obra ou instalación, cando así o acordase o Concello de Salceda de Caselas, sen dereito a indemnización, de maneira análoga á regulación das obras provisionais. 7. O contido deste artigo compleméntanse a respecto dos usos co disposto no Art. 53 da Normativa.

Art. 34. Réxime das edificacións parcialmente incompatibiles coas determinacións do planeamento.

1. En abondamento da indefinición casuística do artigo 103.3 da LOUG, enténdense incluídas nesta situación (situación que nalgúns artigos da presente normativa se denomina como “fóra de ordenanzas”) aquelas edificacións que teñan algún tipo de incompatibilidade (a respecto da ordenación prevista no PXOM, ou as que con posterioridade deveñan da aplicación da súa xestión ou do seu planeamento de desenvolvemento), e non se atopen nalgunha das circunstancias que obrigasen a incluílas no réxime indicado no punto anterior de incompatibilidade total. Nas ordenanzas do presente PXOM poderanse

Plan Xeral de Ordenación Municipal de Salceda de Caselas Normativa Urbanística 32 Documento para Aprobación Inicial establecer condicións excepcionais a respecto de edificacións existentes á entrada en vigor do PXOM (sempre que se executasen de conformidade coas licenzas concedidas no seu momento a respecto da ordenación urbanística aplicable con anterioridade a este Plan), que poderían levar a considerar esas edificacións dentro de ordenación (polo menos mentres se conserva esa edificación existente) para os estritos casos e parámetros citados (agás que por razóns distintas das relativas ao/s parámetro/s que na ordenanza se excepcionaliza/n se incumpran outros parámetros dos recollidos no punto 2 seguinte, que nese caso quedaría fóra de ordenación -para eses outros parámetros- no grao correspondente), pero se se procedese á substitución da edificación existente, a nova edificación deberase adaptar integramente ás condicións de ordenación establecidas no presente PXOM. 2. As construcións así cualificadas clasifícanse segundo a gravidade desa incompatibilidade ou o seu afastamento da ordenación prevista no planeamento aplicable en 3 graos: - 1º Grao- Considéranse incluídos neste grao os edificios construídos sen licenza ou con incumprimento da licenza por aumento de volume, e que incumpran as condicións de volume do PXOM. Considéranse tamén, neste grao, aquelas edificacións situadas en solo rústico onde non se permitan as edificacións dese tipo, pero que aínda tendo obtido legalmente, no seu momento, a preceptiva licenza urbanística, non se tivesen executado de conformidade con esta. Nas edificacións incluídas neste grao non se poderán realizar obras que supoñan consolidación, aumento de volume, modernización ou incremento do seu valor de expropiación, mentres non se adapten totalmente ás determinacións do planeamento aplicable. Si se poderán, no entanto, levar a cabo neles as pequenas reparacións que esixa a hixiene, o ornato, e as obras necesarias para a conservación do inmoble ou para o mantemento do uso preexistente, así como as mínimas esenciais para o cumprimento das normativas sectoriais de accesibilidade para a eliminación de barreiras arquitectónicas coa renuncia expresa ao incremento do valor de expropiación.

- 2º Grao- Considéranse incluídos neste grao os edificios que incumpran as condicións de volume do PXOM pero que non afecten a espazos públicos (existentes ou previstos) e en todos aqueles edificios sen licenza ou con incumprimento da mesma (que non estean nalgunha das situacións indicadas no parágrafo anterior que obriguen a consideralos como de 1º Grao), e cando non teñan iniciados expedientes de expropiación ou derrubamento por razón dese incumprimento (nos casos en que si o teñan aplicarase o réxime establecido no 1º grao anterior). Considéranse tamén neste grao aquelas edificacións situadas en solo rústico onde non se permitan as edificacións dese tipo, pero que obtivesen legalmente, no seu momento, a preceptiva licenza urbanística e que se executasen de conformidade con esta. Nas edificacións incluídas neste grao (e mentres non se adapten totalmente ás determinacións do planeamento aplicable) poderanse realizar obras parciais e circunstancias de consolidación nos volumes situados fóra de ordenación, permitíndose as de mellora, as reformas estruturais e todas aquelas obras de menor rango, tanto nos volumes do edificio que se sitúen dentro da ordenación establecida no planeamento aplicable, como no caso citado daquelas edificacións axustadas a licenzas concedidas en solo rústico.

- 3º Grao- Sempre que non se atopen nas circunstancias citadas nalgún dos dous graos anteriores, considéranse incluídos neste grao os edificios en que o incumprimento do planeamento aplicable non afecte ao volume construído e en todos aqueles que aínda incumprindo algunha condición de volume ou de posición da edificación respecto á normativa do planeamento aplicable, se executasen de conformidade con licenzas concedidas con anterioridade ao presente PXOM (sen afectar a espazos que sexan ou deban ser públicos segundo o planeamento). Nas edificacións incluídas neste grao poderanse permitir excepcionalmente (ademais das especificadas no 2º grao anterior, e sempre que sexa posible segundo a ordenanza aplicable) obras de ampliación permitidas polo planeamento aplicable, pero que non superen nun 25 % (agás en solo rústico, en que esa ampliación deberá cumprir todo o disposto na Disposición transitoria cuarta da LOUG) o volume realmente edificado que si cumpra as condicións volumétricas do planeamento aplicable, e non poderán fraccionarse estas ampliacións en varias actuacións illadas que globalmente superen ese 25%. Para poder ampliar volumes permitidos superiores a este 25 % deberase axeitar todo o edificio a todas as condicións estipuladas no planeamento aplicable.

Plan Xeral de Ordenación Municipal de Salceda de Caselas Normativa Urbanística 33 Documento para Aprobación Inicial

3. O contido deste artigo compleméntanse a respecto dos usos co disposto no art. Art. 54 da Normativa.

Plan Xeral de Ordenación Municipal de Salceda de Caselas Normativa Urbanística 34 Documento para Aprobación Inicial

TÍTULO II. NORMAS DE ORDENACIÓN

CAPÍTULO I. CLASES E RÉXIME XURÍDICO DO SOLO

Art. 35. Réxime urbanístico do solo

O réxime urbanístico do solo do termo municipal regúlase de conformidade co Título I da LOUG, a través de: a. A clasificación de solo en tipos, segundo o seu réxime xurídico. b. A determinación e regulación dos elementos da estrutura xeral e orgánica do territorio. c. A división do solo en zonas segundo a súa cualificación urbanística.

Art. 36. Clasificación do solo segundo o seu réxime xurídico

O termo municipal de Salceda de Caselas clasifícase nos seguintes tipos de solo: solo urbano, solo de núcleo rural, solo urbanizable e solo rústico, a teor do disposto nos artigos 10 a 15 da LOUG, segundo se xustifica na Memoria de Ordenación e vén plasmada nos planos de ordenación.

Art. 37. Sistemas xerais e estrutura xeral e orgánica do territorio

2. A efectos da definición da estrutura xeral e orgánica do territorio o presente Plan Xeral asigna certos solos para: a. Sistema xeral de comunicacións e transportes. b. Sistema xeral de espazos libres e zonas verdes. c. Sistema xeral de equipamentos comunitarios. d. Sistema xeral de servizos públicos e infraestruturas básicas. 3. Estes solos ordenados en sistemas presentan un grao especial de interese colectivo derivado do seu carácter determinante para o desenvolvemento urbano dos asentamentos de núcleos de poboación e do territorio municipal, así como para regular as súas transformacións.

Plan Xeral de Ordenación Municipal de Salceda de Caselas Normativa Urbanística 35 Documento para Aprobación Inicial

CAPÍTULO II. NORMAS XERAIS DE USO

Sección 1ª. Determinacións Básicas

Art. 38. Concepto e regulación dos usos

1. O Plan Xeral regula os usos e as diferentes utilizacións dos terreos e das edificacións en función das actividades que poidan desenvolverse neles. 2. Nos terreos ordenados como solo urbano consolidado, a regulación realizarase de forma pormenorizada a través das condicións de uso establecidas para cada ordenanza de aplicación. 3. Para o desenvolvemento dos ámbitos de solo urbano non consolidado e dos sectores de solo urbanizable, nos que o Plan Xeral regula os usos globais, o planeamento que conteña a ordenación detallada desenvolverá os devanditos usos, axustándose á regulación que a continuación se establece no presente capítulo. 4. En solo clasificado como rústico, determínanse os usos permitidos, autorizables e prohibidos para cada categoría. 5. En razón da particularidade dalgúns usos, non asimilables ás condicións propias de regulación particular de ordenanzas, no presente capítulo inclúense condicións específicas de edificación para os mesmos.

Sección 2ª. Clasificación dos usos

Art. 39. Tipos de uso

1. A efectos de aplicación desta Normativa Urbanística e das que se inclúan nos planeamentos que conteñan a ordenación detallada de ámbitos ou sectores, establécense as seguintes clases de usos: a)Segundo grao de pormenorización: Usos pormenorizados. Usos globais. b)Segundo o seu estado: Usos existentes. Usos propostos. c)Segundo réxime de relación: Usos característicos. Usos compatibles ou complementarios. Usos tolerados. Usos permitidos. Usos temporais ou provisionais. Usos prohibidos. d)Segundo titularidade, tenencia ou fruición: Usos públicos. Usos privados, colectivos ou non. e)Segundo correspondencia co planeamento: Usos fóra de ordenación. Usos fóra de ordenanza. f)Segundo condicións en solo rústico: Usos rústicos propios. Usos rústicos autorizables.

Plan Xeral de Ordenación Municipal de Salceda de Caselas Normativa Urbanística 36 Documento para Aprobación Inicial

Art. 40. Usos pormenorizados

1. Están constituídos polo nivel máis desagregado de actividade recollido nesta Normativa urbanística. Correspóndense cos que se recollen como constituíntes das categorías pormenorizadas na Estrutura Xeral de Usos, e constitúen a base de asignación de usos en solo urbano consolidado recollidos nas ordenanzas, así como os que se contemplan nos planeamentos que conteñan a ordenación detallada. 2. Poderán agregarse dous ou máis deles dentro dun mesmo terreo ou edificio, segundo as características de definición e condicións de compatibilidade establecidas. 3. A asignación dun uso pormenorizado a un predio regula: − A que usos pode destinarse a nova edificación, suxeito ao disposto para cada un deles. − O réxime de substitución ou continuidade de usos en edificios existentes ou construídos no futuro.

Art. 41. Usos globais

1. Fórmanse por agregación ou combinación de usos pormenorizados e son os asignados polo Plan Xeral a cada un dos ámbitos e sectores de solo urbano non consolidado e solo urbanizable delimitado. 2. Esta asignación efectúase con carácter excluínte e corresponderá ao planeamento que desenvolve a ordenación detallada a determinación dos usos pormenorizados que deben establecerse, seleccionados entre os que se integran na formación do uso global. 3. Co carácter de uso global considéranse os seguintes: − Residencial − Terciario-Hoteleiro − Terciario-Xeral, que agrupa ao resto de clases e categorías de usos terciarios − Dotacional − Industrial − Garaxe-aparcadoiro − Espazos libres − Infraestruturas básicas − Transporte e comunicación − Agropecuario Recollidos na Estrutura Xeral de Usos, co número de orde do 1 ao 10.

Art. 42. Usos existentes

Os usos ou actividades que existisen en edificios, terreos ou instalacións, con anterioridade á vixencia deste Plan Xeral, teñen a cualificación de uso existente e son aceptados ou recoñecidos segundo a regulación que se establece, a razón da súa concordancia ou discrepancia cos usos propostos.

Art. 43. Usos propostos

Os usos que o Plan Xeral asigna ás distintas zonas territoriais, calquera que sexa a súa clasificación, considéranse como usos propostos, ben sexan pormenorizados ou globais.

Art. 44. Usos característicos

1. Son aqueles usos de implantación prioritaria nunha determinada zona de ordenanza, e con carácter de uso global, en ámbitos de solo urbano non consolidado, sectores ou áreas territoriais. Será o maioritario e servirá de referencia no tocante á intensidade admisible doutros usos como fracción, relación ou porcentaxe del. 2. Cando se refira a un edificio, considerarase como principal e a superficie útil do mesmo representará a maior porcentaxe respecto da superficie útil total do edificio, sen contar a correspondente a garaxe-aparcadoiro implantado por esixencias normativas.

Plan Xeral de Ordenación Municipal de Salceda de Caselas Normativa Urbanística 37 Documento para Aprobación Inicial

Art. 45. Usos compatibles e complementarios

1. Son aqueles que poden coexistir co uso principal ou característico sen perder ningún deles as características e efectos que lle son propios. 2. A súa superficie edificada non será maior do 50% da superficie edificada total do edificio onde se sitúa. Nas zonas de ordenanza ou en ámbitos de desenvolvemento nos que as condicións de edificación veñan regulados por parámetros formais, e as situacións establecidas para a implantación de usos compatibles ou complementarios autoricen a súa instalación nas plantas baixa e primeira, supoñan superar a porcentaxe sinalada, permitirase esgotar a edificabilidade en ámbalas plantas con destino aos devanditos usos. 3. Para a situación destes usos consideraranse como preferentes as localizacións en planta baixa, primeira e inferior á baixa. En calquera dos casos, cando a implantación ou cambio de uso ou actividade veña asociado a obras de nova edificación ou reestruturación xeral, ou a obras nas que polo seu nivel de intervención sexa oportuna a esixencia do seu cumprimento, o seu acceso resolverase con independencia do resto dos usos de distinta natureza situados no edificio.

Art. 46. Usos asociados

1. Dentro dos usos considerados como compatibles e complementarios inclúense os usos asociados: respecto dun determinado uso dotacional público considéranse como asociados aqueles vinculados ao mesmo e que contribúen ao seu desenvolvemento, polo que fican integrados funcional e xuridicamente con aquel. 2. Como os restantes usos complementarios non poderán superar o 50% da superficie total edificada. 3. O seu carácter de uso asociado, que pode encadrarse dentro de usos terciarios, nunca residenciais, poderán ser utilizados en aluguer, concesión administrativa ou calquera outro réxime que non vulnere a titularidade pública do uso dotacional.

Art. 47. Usos tolerados

1. Son usos tolerados os usos existentes que, non coincidindo co uso proposto para esa zona, se corresponda con algún uso pormenorizado dos previstos no Plan Xeral e non se atopen incluídos nalgunha das circunstancias de fóra de ordenación. 2. A condición de uso tolerado permitirá a realización de obras de ampliación ou reforma, dentro dos límites establecidos para o nivel de uso pormenorizado ao que pertenza. Neste caso, as obras deberán incluír, ademais, as necesarias para cumprir as especificacións esixidas ao uso correspondente. En todo caso, os usos tolerados deberán adaptarse ás especificación aplicables co uso básico correspondente, nun prazo máximo de catro anos dende a aprobación do Plan Xeral. Esta condición non será aplicable ao uso de vivenda. 3. A supresión da actividade dun uso tolerado será causa de extinción do mesmo, non podendo implantarse de novo nin ser substituído por outro uso que non sexa dos característicos ou compatibles.

Art. 48. Usos permitidos

Son usos directamente admitidos nalgunha determinada zona de ordenanza ou ámbito de ordenación e que puntualmente poden substituír ao uso principal ou característico en todo un edificio.

Art. 49. Usos temporais e provisionais

1. Son usos que poden ser permitidos, mais suxeitos a limitacións específicas, como os seguintes: − Usos temporais − Usos provisionais 2. Son usos temporais os establecidos por prazo limitado ou por tempo indeterminado, revogables a vontade da Administración, en función dos obxectivos da ordenación urbanística.

Plan Xeral de Ordenación Municipal de Salceda de Caselas Normativa Urbanística 38 Documento para Aprobación Inicial

3. Dentro dos usos temporais defínense os usos esporádicos, que son aqueles que se poden producir para un prazo concreto, en espazos públicos ou dotacionais, públicos ou privados, abertos ou cubertos. 4. Son usos provisionais os que poden autorizarse nos termos dispostos polo artigo 102 da LOUG.

Art. 50. Usos prohibidos

1. Son usos prohibidos aqueles non admitidos pola presente Normativa Urbanística, as ordenanzas particulares do planeamento de desenvolvemento, os catálogos, as ordenanzas municipais ou as restantes disposición normativas que puideran afectar a actividade urbanística. 2. A súa determinación como uso prohibido pode quedar establecida ben pola súa expresa disposición para cada unhas das zonas de ordenanza, ou ben por ausencia na relación de usos característicos, complementarios e compatibles.

Art. 51. Usos públicos

1. Son usos públicos os referentes aos usos e servizos públicos realizados ou prestados pola Administración ou por xestión dos particulares sobre bens de dominio público. Neste último suposto, estarán sometidos ás restricións de usos colectivos regulados no artigo seguinte. 2. Dentro dos usos públicos compréndense os desenvolvidos pola Administración en bens de propiedade privada mediante arrendamento ou calquera outro título de ocupación.

Art. 52. Usos privados, colectivos ou non

1. Son usos privados os desenvolvidos por particulares en bens de propiedade privada e non están comprendidos no artigo anterior. Teñen o carácter de usos privativos. 2. Dentro dos usos privados, consideraranse como usos colectivos aqueles de propiedade privada máis dedicados a uso dotacional, aos que se accede pola pertenza a unha asociación, agrupación, sociedade, club ou organización similar.

Art. 53. Usos fóra de ordenación total

1. Considéranse nesta situación con carácter transitorio ou definitivo os usos existentes con total incompatibilidade co Plan, entendendo por tales os que se atopen nalgunha das circunstancias seguintes. a. Ter declaración expresa de fóra de ordenación polo PXOM, ou polo planeamento que no desenvolvemento do mesmo poida redactarse. b. Estar afectado ben por outro uso proposto de carácter Global ou Pormenorizado que se demostre que sexan incompatibles con ese uso existente. c. Estar afectado polo trazado de viarios, Sistemas Locais ou Xerais, sempre segundo o planeamento aplicable. d. Estar en situación de incompatibilidade dentro do mesmo edificio, de acordo co regulado na presente Normativa Urbanística. e. Cando os efectos de repercusión ambiental de calquera actividade vulneren os niveis máximos regulados na presente Normativa Urbanística, nas Ordenanzas Municipais apropiados ou en calquera disposición legal de aplicación por razóns de seguridade, salubridade, moralidade ou tranquilidade, e non poidan ser corrixidos ou adaptados para o cumprimento das condicións esixibles. f. Cando se atopen ou se desenvolvan ou nun edificio que teña a condición de fóra de ordenación segundo o artigo Art. 33 desta Normativa, ou nos volumes do edificio suxeitos ao réxime de fóra de ordenación do grao 1º definido no artigo Art. 34 desta Normativa. 2. Terá carácter transitorio a situación de fóra de ordenación cando un uso existente, incluído nalgunha circunstancia das previstas nos puntos d) e e) do apartado anterior, poida regularizar a devandita circunstancia mediante o establecemento de restricións ou medidas correctoras sobre a intensidade ou forma de uso, adquirindo, en consecuencia, a consideración de uso permitido ou tolerado, e só nese momento poderá concederse unha nova licenza de actividade para a mesma.

Plan Xeral de Ordenación Municipal de Salceda de Caselas Normativa Urbanística 39 Documento para Aprobación Inicial

3. Terá carácter definitivo a situación de fóra de ordenación cando un uso existente estea afectado por algunha das circunstancias previstas no apartado primeiro do presente artigo e non poida reunir as condicións prescritas no apartado anterior. 4. A consideración de fóra de ordenación transitoria ou definitiva dun uso impide, tanto a consecución dunha nova licenza de actividade como a autorización de obras de consolidación, aumento de volume, ampliación, modificación ou incremento do valor de expropiación da instalación (aínda que a edificación non estivese en fóra de ordenación total ou parcial), pero si admite as pequenas reparacións que esixise a hixiene, ornato e conservación.Os usos fóra de ordenación por razón de que o planeamento aplicable teña asignado un uso proposto de carácter dotacional a parcela ou edificio no que se desenvolven aqueles, ademais do exposto no apartado anterior, afectan e deixan fóra de ordenación aos edificios que os conteñan. Estes usos poderán ser extinguidos polo Concello mediante expropiación dentro dos próximos quince anos, en defecto da aplicación de calquera outro sistema de actuación de acordo coa lexislación aplicable. 5. Uns ou outros usos posibles fóra de ordenación poderán manter a súa actividade, cos condicionantes xa expresados, ata a súa regulación, expropiación ou extinción. 6. Non quedarán fóra de ordenación os usos existentes incluídos en edificios con catalogación integral ou estrutural, agás os que se incluíran nos supostos d) e e) do apartado primeiro deste artigo. 7. Así mesmo, exclúese da consideración de fóra de ordenación a todas as vivendas existentes no intre de aprobarse o Plan Xeral, a menos de manterse incursas nas circunstancias a), b) ou e) do apartado primeiro deste artigo. 8. Así mesmo, exclúese a posibilidade de fóra de ordenación a tódalas vivendas existentes no momento de aprobación do PXOM (sobre todo se é por cambios de categoría no mesmo uso de vivenda), a menos de manterse incursas nas circunstancias a), b), c) ou f) do apartado primeiro deste artigo.

Art. 54. Usos fóra de ordenanza ou fóra de ordenación parcial

1. Atoparanse nesta situación os usos que sexan só parcialmente incompatibles co Plan (por non cumprir todas as condicións aplicables a ese uso que establece o PXOM, pero sen chegar a considerarse totalmente incompatibles segundo o artigo anterior). 2. Terá carácter transitorio esta situación cando un uso existente, incluído nalgunha circunstancia das previstas no punto anterior poida regularizar dita circunstancia mediante a realización de modificacións nas instalacións ou nos locais, ou o establecemento de restricións ou medidas correctoras sobre a intensidade ou forma do uso parcialmente incompatible, para adquirir, en consecuencia, a consideración de uso permitido ou tolerado, e só nese momento poderá concederse unha nova licenza de actividade para a mesma. 3. No caso dos usos comerciais, existentes no momento da aprobación do PXOM, que non se axusten á regulación xeral por razón das categorías que se establecen para ditos usos por circunstancias das condicións de superficie, poderán permanecer coa actividade, mentres non haxa transmisión de propiedade, debendo proceder á adaptación das súas instalacións, se fose preciso para axuste do uso. Nestes supostos poderán autorizarse obras de mellora que inclúan a reordenación de espazos interiores do local, cambiando a relación entre superficies de acceso ao público e de almacén. En instalacións en edificio independente, poderanse autorizar obras que incorporen á súa superficie aqueles espazos que melloren e regularicen as vías de acceso e evacuación existentes ou permitan a xeración doutros novos, sen que se produza un incremento superior ao quince (15) por cento da superficie do local e sala de vendas orixinal.

Art. 55. Usos en solo rústico

1. En solo rústico son usos propios ou permitidos aqueles que, por responder ao carácter e natureza desta clase de solo, son compatibles coa protección de cada zona, segundo o Capítulo VII do Título II da presente Normativa Urbanística. 2. Son usos autorizables, nesta clase de solo, aqueles usos que están suxeitos a autorización da autoridade autonómica, con carácter previo á licenza urbanística municipal.

Plan Xeral de Ordenación Municipal de Salceda de Caselas Normativa Urbanística 40 Documento para Aprobación Inicial

3. Son usos tolerados, nesta clase de solo, todos os usos existentes, con licenza urbanística ou consolidación firme, no momento de aprobación do Plan Xeral.

Art. 56. Edificios de uso exclusivo

1. A efectos das regulacións de usos considérase edificio con uso exclusivo aquel no que todos os seus locais son destinados ao desenvolvemento de actividades comprendidas no mesmo uso. 2. No caso de que o réxime de compatibilidades da Ordenanza, ou da particular do planeamento que conteña a ordenación detallada, admita en edificio exclusivo un uso nunha clase, categoría ou tipo concreto, todos os locais estarán destinados respectivamente ao desenvolvemento das actividades comprendidas en cada un deles. 3. Os usos asociados non desvirtúan o carácter de uso exclusivo. 4. Naquelas ordenanzas nas que se permitan varios usos non residenciais de modo simultáneo en edificio exclusivo, entenderase posible a mestura dos devanditos usos permitidos nun único edificio. Todo isto debe entenderse sen prexuízo de que poidan existiren diversos titulares ou propietarios nos distintos locais do edificio, sen que perda o seu carácter de exclusividade.

Sección 3ª. Estrutura xeral de usos

Art. 57. Estrutura xeral de usos

1. A presente Normativa Urbanística prevé a seguinte estrutura desagregada de usos, e os seus contidos desenvólvense a continuación.

Nº USO CLASE CATEG. DESCRICIÓN 1. RESIDENCIAL VIVENDA 1ª VIVENDA UNIFAMILIAR 2ª VIVENDA MULTIFAMILIAR RESIDENCIA 3ª RESIDENCIA COMUNITARIA (non hostaleira) R. Maiores R. Relixiosos Casas de hóspedes (ata 10 camas) 2. TERCIARIO HOTELEIRO 1ª INSTALACIÓNS ata 15 habitacións e 600 m² (incluído instalacións complementarias) 2ª INSTALACIÓNS ata 50 habitacións e 2.500 m² (incluído instalacións complementarias) 3ª INSTALACIÓNS máis 50 habitacións e máis de 2.500 m² (incluído instalacións complementarias) 4ª INSTALACIÓNS integradas en núcleo rural 5ª CAMPAMENTOS DE TURISMO (cámping ou acampada con instalacións) 3. TERCIARIO XERAL COMERCIO 1ª LOCAIS COMERCIAIS, ata 200 m² (única razón comercial) 2ª LOCAIS COMERCIAIS, ata 500 m² (única razón comercial) 3ª AGRUPACIÓN COMERCIAL (varias razóns comerciais ou unha soa ata 800 m² de alimentario) 4ª SUPERFICIES COMERCIAIS (única ou varias razóns comerciais) 5ª GRANDES SUPERFICIES COMERCIAIS (única ou varias razóns comerciais e superficie inferior a 4.000 m²) OFICINAS 6ª DESPACHOS E CONSULTAS PROFESIONAIS 7ª OFICINAS PRIVADAS SEN ATENCIÓN AO PÚBLICO 8ª OFICINAS PRIVADAS CON ATENCIÓN AO PÚBLICO 9ª OFICINAS DE ADMINSITRACIÓN DE ATENCIÓN AO PÚBLICO RECREATIVO E REUNIÓN 10ª ESTABLECEMENTOS DE BEBIDAS, REUNIÓN, CAFÉS E RESTAURACIÓN (sen espectáculo, música e hospedaxe)

Plan Xeral de Ordenación Municipal de Salceda de Caselas Normativa Urbanística 41 Documento para Aprobación Inicial

Nº USO CLASE CATEG. DESCRICIÓN 11ª ESTABLECEMENTOS DE REUNIÓN ESPECTÁCULOS EN LOCAIS PECHADOS (Pubs, salas de festa, discotecas,... así como academias de música ou baile, salas de xogos...) 12ª ESPECTÁCULOS E ACTIVIDADES RECREATIVAS (cines, teatros, circos, salas de concertos,..., con asentos fixos) 13ª ESTABLECEMENTOS DE REUNIÓN E ESPECTÁCULO AO AR LIBRE 4. DOTACIONAL EDUCACIÓN 1ª EDUCACIÓN INFANTIL (titularidade pública ou privada) 2ª EDUCACIÓN PRIMARIA (titularidade pública ou privada) 3ª EDUCACIÓN SECUNDARIA (titularidade pública ou privada) 4ª INSTITUTOS DE E. SECUNDARIA POSTOBRIGATORIA (IESP) (titularidade pública ou privada) 5ª EDUCACIÓN UNIVERSITARIA / CENTROS DE INVESTIGACIÓN (titularidade pública ou privada) 6ª OUTRAS ENSINANZAS OFICIAIS (conservatorio de música, educación física,...) 7ª ENSINANZA DE ACTIVIDADES NON REGULADAS POLA ADMINISTRACIÓN (servizos de ensinanza en xeral) SOCIOCULTURAL 8ª CENTROS CULTURAIS, MUSEOS E BIBLIOTECAS, AUDITORIOS. 9ª SALAS OU LOCAIS EN BAIXOS CON FINS CULTURAIS (exposicións, conferencias,...) ASISTENCIAL 10ª CENTROS DE SERVIZOS SOCIAIS (sen residencia colectiva) Club de anciáns Gardería 11ª CENTRO DE SERVIZOS SOCIAIS (con residencia colectiva) Residencia de maiores Centros de acollida infantil e adultos Desintoxicación SANITARIO 12ª ESTABLECEMENTO SEN INTERNAMENTO (titularidade pública ou privada) Clínicas Ambulatorio Consultas Laboratorios Enfermería Tratamentos 13ª ESTABLECEMENTOS CON INTERNAMENTO (titularidade pública ou privada) Hospitais Clínicas Sanatorios 14ª ESTABLECEMENTOS VETERINARIOS (titularidade pública ou privada) SERVIZO PÚBLICO 15ª CENTROS DESTINADOS Á PRESTACIÓN DE SERVIZOS PÚBLICOS Abastecemento alimentario Mantemento e limpeza Seguridade Defensa e xustiza Funerarios Outros ADMINISTRACIÓN 16ª CENTROS E INSTALACIÓNS DA ADMINISTRACIÓN PÚBLICA LOCAL, AUTONÓMICA OU ESTATAL

Plan Xeral de Ordenación Municipal de Salceda de Caselas Normativa Urbanística 42 Documento para Aprobación Inicial

Nº USO CLASE CATEG. DESCRICIÓN Servizos públicos con ou sen atención ao público Sedes de organismos públicos RELIXIOSO 17ª CENTROS DE CULTO E REUNIÓN SEN RESIDENCIA COLECTIVA ANEXA 18ª CENTROS DE CULTO E REUNIÓN CON RESIDENCIA COLECTIVA ANEXA DEPORTIVO 19ª LOCAIS 20ª ESPAZOS E LOCAIS PARA A PRÁCTICA DEPORTIVA SEN ESPECTADORES 21ª ESPAZOS E LOCAIS PARA A PRÁCTICA DEPORTIVA CON ESPECTADORES 5. INDUSTRIAL INDUSTRIA ORDINARIA 1ª ACTIVIDADES E TALLERES COMPATIBLES CO USO RESIDENCIAL 2ª ACTIVIDADES TOLERABLES POLO USO RESIDENCIAL 3ª ACTIVIDADES INCOMPATIBLES CON OUTROS USOS QUE NON SEXAN INDUSTRIAIS 4ª ACTIVIDADES ESPECIAIS TRATAMENTO RESIDUOS 5ª RECICLADO DE RESIDUOS NON TÓXICOS NIN PERIGOSOS ALMACENAMENTO 6ª COMPATIBLES CON USOS RESIDENCIAIS E/OU ASOCIADOS A OUTROS USOS 7ª COMPATIBLES SÓ CON USOS INDUSTRIAIS OU USOS NON RESIDENCIAIS 8ª ALMACENAMENTO DE PRODUTOS AGRÍCOLAS 9ª ALMACENAMENTO ESPECIAL/SILOS Depósitos de augas Depósitos de combustibles 10ª ALMACENAMENTO AO AR LIBRE 6. GARAXE-APARCADOIRO 1ª PRIVADO ASOCIADO A OUTROS USOS (Sen explotación comercial) 2ª PÚBLICO DE EXPLOTACIÓN COMERCIAL (Non asociado directamente a outros usos) 7. ESPAZOS LIBRES ESPAZOS LIBRES 1ª ESPAZOS LIBRES PÚBLICOS ZONAS VERDES 2ª ÁREAS AXARDINADAS 3ª ÁREAS DE XOGOS INFANTÍS 4ª PARQUE URBÁN 5ª ESPAZOS LIBRES PRIVADOS PROTECCIÓN 6ª PROTECCIÓN DE VÍAS RODADAS 8. INFRAESTRUTURAS BÁSICAS 9. TRANSPORTE REDE VIARIA 1ª PEONIL E COMUNICACIÓN 2ª RODADA DE COEXISTENCIA 3ª RODADA DE SEPARACIÓN DE TRÁNSITOS 4ª ESTACIONAMENTOS SERVIZOS PÚBLICOS 5ª SERVIZOS DE AUTOMÓBILES E GASOLINEIRAS 10. AGROPECUARIO 1ª CULTIVOS (AUTOCONSUMO) (incluso asociados ao asentamento rural) 2ª INSTALACIÓNS PARA O ALMACENAMENTO DE PRODUTOS OU MAQUINARIA 3ª INSTALACIÓNS PECUARIAS EXTENSIVAS 4ª INSTALACIÓNS PECUARIAS INTENSIVAS 5ª PLANTACIÓNS FORESTAIS (sen edificacións complementarias). 6ª CULTIVOS INTENSIVOS OU EXTENSIVOS

Subsección 1ª. Uso residencial

Art. 58. Definición, clases e categorías

1. Comprende os inmobles, espazos e dependencias dedicados ao aloxamento humano de forma permanente

Plan Xeral de Ordenación Municipal de Salceda de Caselas Normativa Urbanística 43 Documento para Aprobación Inicial

2. Dentro do uso residencial establécense as seguintes clases e categorías: − CLASE VIVENDA: Categoría 1ª: VIVENDA UNIFAMILIAR, é a situada nunha única parcela con acceso independente dende vía ou espazo público. En función da súa relación coas edificacións lindeiras pode ser illada, pareada ou acaroada a outras edificacións. Categoría 2ª: VIVENDA MULTIFAMILIAR OU COLECTIVA, cando sobre unha única parcela se localizan varias vivendas nunha ou varias edificacións, que dispoñen de acceso común e compartido dende espazo público en condicións tales que lles sexa aplicable a Lei de Propiedade horizontal. − CLASE RESIDENCIA: Categoría 3ª: RESIDENCIA COMUNITARIA, ou espazo edificado para residencia permanente, sobre única parcela onde os habitantes non teñen condición de familia, entre os que se atopan as residencias de anciáns, as residencias de relixiosos, colexios maiores, etc. Dentro desta categoría encádranse as casas de hóspedes cun límite de ata dez (10) camas, considerándose por enriba deste límite como uso terciario hoteleiro. 3. Segundo o réxime ao que estea sometida a vivenda e en función dos beneficios outorgados polas distintas administracións, distínguense dous tipos: • Vivendas protexidas: cando se atopan acollidas a algún tipo de protección pública, e están suxeitas aos condicionantes derivados dela. • Vivendas libres: cando carecen de calquera tipo de protección.

Art. 59. Consideracións xerais de accesibilidade, habitabilidade e hixiene

1. Serán de obrigado cumprimento as disposicións da LASB e do Regulamento que a desenvolve (RASB), así como o DAEP, e a OAEP. Tamén a normativa que regula as esixencias básicas de calidade que deben cumprir os edificios ao abeiro da LOE e do CTE que a desenvolve, e as NHV. 2. As anteriores disposicións se complementan e precisan na presente Normativa Urbanística.

Art. 60. Consideración particulares relativas á aplicación das NHV

1. Respecto do cumprimento das concretas determinacións do uso de vivenda nas NHV (ou norma que as substitúa), segundo dispón o seu art. 2, serán de aplicación para as vivendas de nova construción, así como as que se amplíen, renoven ou rehabiliten no ámbito da Comunidade Autónoma de Galicia, sen prexuízo do disposto nos artigos dos capítulos 4, 5 e 6 das NHV respecto das excepcionalidades na súa aplicación. Por tanto, cando na presente normativa se determine que se aplicarán as condicións das NHV, referirase a aplicación respectiva en cada clase ou categoría de parámetro (e no seu caso nas casuísticas particulares ou posibles excepcionalidades), dependendo do caso concreto no que teñan que aplicarse esas condicións das NHV. De calquera xeito, e dada a estrutura organizativa das NHV, que difire da necesaria para un PXOM, trataremos de conxugar ambas para a súa correcta exposición sen contradicións normativas, e para iso recollemos no seguinte cadro o esquema organizativo das NHV, facendo fincapé (sinálanse en negriña no cadro) naqueles aspectos de maior incidencia urbanística no que se refire ao PXOM (que nalgúns casos vai a conter maiores esixencias ou pormenorizacións que as NHV), e que por tanto se van a desenvolver máis ou establecer condicións máis restritivas no PXOM, e no resto dos temas realizarase unha simple remisión ao establecido nas NHV nas súas posibles variantes de aplicación.

Plan Xeral de Ordenación Municipal de Salceda de Caselas Normativa Urbanística 44 Documento para Aprobación Inicial

Grupo de parámetros I.A.1 Condicións de deseño, calidade e sustentabilidade I.A.2 Condicións espaciais A. VIVENDA I.A.3 Condicións dimensionais, funcionais e dotacionais I.A.4 Dotación mínima de instalacións na vivenda I.A.5 Salubridade I.B.1 Condicións do edificio en relación co espazo exterior I.B.2 Patios interiores I.B.3 Espazos comúns B. EDIFICIO I.B.4 Rochos I.B.5 Garaxes colectivos I.B.6 Dotación de instalacións

Nos seguintes apartados iranse desenvolvendo as condicións aplicables agrupadas en función deste esquema básico para o caso da vivenda, e os do edificio recolleranse no Capítulo III.Sección 1ª.Art. 102.

CONDICIÓNS DA VIVENDA EN RELACIÓN AS NHV.

1. Condicións de deseño, calidade e sustentabilidade nas vivendas.

1. O esquema organizativo e as condicións básicas normativas do apartado I.A.1 do anexo das NHV se considerarán de aplicación con carácter xeral na presente normativa, coas matizacións que se engaden nos seguintes puntos do presente artigo. 2. Nas edificacións tradicionais dos núcleos rurais, e nas edificacións catalogadas por este PXOM, os parámetros relativos ás súas dimensións establecidas neste capítulo poderán, xustificadamente, ser adaptados para axustalos ás singularidades das mesmas a fin de manter ou preservar, se é o caso, as súas especiais características tipolóxicas. Non obstante, todo iso farase coa autorización do órgano competente da Consellería de Cultura da Xunta de Galicia, nos casos nos que estean incluídos no Inventario Xeral do Patrimonio Cultural de Galicia.

3. Con independencia do esixible cumprimento das NHV nas súas variantes de aplicación xa comentadas, ou disposicións que a complementen ou substitúan, considéranse condicións xerais, para tódalas Categorías, as seguintes:

A.- Vivenda exterior e seguridade.

Mantéñense as establecidas nas NHV.

B.- Condicións de iluminación, ventilación natural e relación co exterior.

Mantéñense as establecidas nas NHV.

C.- Condicións de posición.

1. Non se permite o uso residencial en posición baixo rasante, sexa a planta soto ou semisoto.

Nestas plantas unicamente se permitirán dependencias de servizo da vivenda, en calquera das categorías, pero en ningún caso estancias nin dormitorios.

2. Para a Clase Vivenda, Categoría 1ª, naquelas ordenanzas que expresamente o autoricen, admitirase en plantas que son inferiores á baixa na aliñación de rúa, pero que por razón da pendente do terreo estean por riba da rasante do mesmo na parte posterior ou lateral do edificio, ou no caso do semisoto só poderá admitirse este uso naquela parte desta planta que poida ser considerada sobre rasante.

2. Condicións espaciais, dimensionais, funcionais e dotacionais.

Mantéñense as establecidas nas NHV.

Plan Xeral de Ordenación Municipal de Salceda de Caselas Normativa Urbanística 45 Documento para Aprobación Inicial

3. Condicións das instalacións e salubridade nas vivendas.

1. As instalacións das vivendas (saneamento, augas pluviais e residuais, auga corrente fría e quente, enerxía eléctrica, calefacción, aire acondicionado, evacuación de fumes e gases, ventilación, gas, teléfono, telecomunicación, antenas, etc) deberán cumprir as condicións establecidas nos regulamentos correspondentes vixentes en cada materia e na regulación xeral da edificación en función dos usos a desenvolver nela.

2. Ademais deberanse cumprir as condicións particulares establecidas en cada materia na presente normativa, principalmente con carácter xeral nos distintos puntos do TÍTULO II.Capítulo III.Sección 8ª.

3. En todo caso deberanse cumprir as condicións das NHV.

Art. 61. Condicións de Garaxe-Aparcadoiro

1. Disporase de dúas prazas de aparcadoiro por unidade de vivenda, agás regulación expresa contida nas normas particulares de ordenación en solo urbano. Cando se acredite a imposibilidade da localización na propia parcela, poderá xustificarse a súa consecución en parcela distinta, situada próxima á vivenda. 2. Os garaxes-aparcadoiros deberán cumprir as condicións establecidas na Subsección que regula o Uso garaxe- aparcadoiro da presente Normativa Urbanística.

Subsección 2ª. Uso terciario hoteleiro

Art. 62. Definición e categorías

1. Comprende os inmobles, espazos e locais dedicados a actividades terciarias hostaleiras para o aloxamento temporal e os seus usos complementarios. 2. Dentro do uso Terciario hoteleiro establécense as seguintes categorías: - Categoría 1ª. Instalacións para o aloxamento temporal de ata 15 habitacións e ata 600 metros cadrados totais construídos sobre rasante, incluídas nesta superficie as instalacións complementarias tales como restaurantes, bares, tendas, pistas deportivas cubertas, etc. - Categoría 2ª: Instalacións para o aloxamento temporal de ata 50 habitacións e ata 2.500 metros cadrados totais construídos sobre rasante, incluídas nesta superficie as instalacións complementarias, tales como restaurantes, bares, tendas, pistas deportivas cubertas, etc. - Categoría 3ª: Instalacións para o aloxamento temporal de máis de 50 habitacións e máis de 2.500 metros cadrados totais construídos sobre rasante, incluídas nesta superficie as instalacións complementarias, tales como restaurantes, bares, tendas, pistas deportivas cubertas, etc. - Categoría 4ª: Instalacións integradas en núcleo rural, considéranse incluídos nesta categoría os establecementos de turismo rural regulados pola normativa sectorial aplicable (na actualidade Decreto 191/2004, de 29 de agosto, de establecementos de turismo rural, modificado polo Decreto 142/2006), pero cunha capacidade non superior a 30 prazas -e unha superficie non maior de 600 m2 construídos sobre rasante-), sempre que na súa aplicación non se altere a estrutura morfolóxica do asentamento e contribúa a revitalizar a vida rural e resulten compatibles co uso residencial. - Categoría 5ª: Campamentos de turismo, cámping ou acampada con instalacións.

Art. 63. Condicións de Garaxe-Aparcadoiro

1. En toda nova edificación con uso Terciario-Hoteleiro, disporase dunha praza de aparcadoiro por cada 100 m² de local dedicado a hospedaxe ou por cada 3 habitacións, se resultase un número maior. 2. Os garaxes-aparcadoiros deberán cumprir as condicións establecidas na Subsección que regula o Uso Garaxe- Aparcadoiro (TÍTULO II.Capítulo II.Sección 3ª.Subsección 6º) da presente Normativa Urbanística.

Plan Xeral de Ordenación Municipal de Salceda de Caselas Normativa Urbanística 46 Documento para Aprobación Inicial

Subsección 3ª. Uso terciario xeral

Art. 64. Definición e categorías

1. Comprende os inmobles, espazos e locais dedicados a actividades terciarias de carácter xeral, incluíndo os de índole comercial de venda de servizos de carácter privado, artesáns, así como os abertos ao uso público dedicado á compravenda de mercadorías polo miúdo (comercio polo miúdo en xeral); a prestar servizos administrativos, técnicos, financeiros, de información ou outros, de carácter público ou privado, así como os despachos profesionais; e ao recreativo, espectáculos e ocio (centros de reunión, salas de xogo, discotecas, bares, restaurantes, cines, teatros, etc.). 2. Dentro do uso Terciario Xeral establécense as seguintes categorías para cada unha das clases:

− CLASE COMERCIO: Categoría 1ª. Locais comerciais de venda de todo tipo de produtos e pequenas actividades artesanais ou outras análogas; en establecemento independente de dimensión non superior a 200 metros cadrados de superficie de zona de venda, constituíndo en todos os casos unha única razón comercial. Non quedan incluídos nesta clase e categoría os talleres de superficie total construída, superior á fixada nin os dedicados á reparación de vehículos automóbiles de todo tipo e superficie, regulándose todos estes dentro do uso industrial. Categoría 2ª. Locais comerciais de venda de todo tipo de produtos en establecemento independente de dimensión non superior a 500 metros cadrados de superficie de venda en comercios alimentarios e 2.500 metros cadrados nos non alimentarios. Categoría 3ª. Agrupación comercial: cando nun mesmo espazo se integran varias firmas comerciais con accesos e instalacións comúns; xa sexan galerías, centros ou complexos comerciais. Considéranse nesta categoría os comercios alimentarios de superficie de venda de 800 metros cadrados nunha ou varias entidades comerciais. Superficie total igual ou inferior a 2.500 metros cadrados construídos. Categoría 4ª. Superficies comerciais: cando a actividade comercial ten lugar en establecementos que operan baixo unha soa firma comercial e acadan dimensións superiores a 800 metros cadrados de superficie de venda alimentaria e 2.500 metros cadrados construídos nos non alimentarios, e superficie total construída inferior a 4.000 metros cadrados. Categoría 5ª: Grandes superficies comerciais: cando por agrupación, ou non, de pequenos e medianos comercios, no seu conxunto se acaden superficies de venda igual ou superior a 4.000 metros cadrados. A efectos das categorías anteriores enténdese por locais independentes aqueles establecementos con acceso directo dende a vía pública ou espazos libres, e locais agrupados, aquel conxunto de locais aos que se accede por espazos edificados comúns.

− CLASE OFICINAS: Categoría 6ª: despachos e consultas profesionais, asociados ao uso residencial ou a outros usos illados. Categoría 7ª: oficinas privadas sen atención ao público, asociadas a outros usos ou illadas. Categoría 8ª: oficinas privadas con atención ao público, asociadas a outros usos ou illadas. Categoría 9ª: oficinas da administracións e atención ao público.

− CLASE RECREATIVO E REUNIÓN: Categoría 10ª: establecementos de bebidas, cafés e restauración en todos os casos sen hospedaxe nin música distinta da de carácter ambiental, fío musical ou outra análoga.

Plan Xeral de Ordenación Municipal de Salceda de Caselas Normativa Urbanística 47 Documento para Aprobación Inicial

Categoría 11ª: establecementos de reunión e espectáculos en locais pechados tales como salas de festa, discotecas, pubs, salóns recreativos, academias de música ou baile, etc. Categoría 12ª: establecementos de reunión e espectáculos en locais pechados específicos, como cines, teatros, circos, ou salas de concertos, con asentos fixos, etc. Categoría 13ª: establecementos de reunión e espectáculo en instalacións ao ar libre.

Art. 65. Condicións xerais aplicables

1. As condicións que se sinalan para o uso Terciario Xeral (Comercial, Oficinas, Recreativo e Reunión) son de aplicación aos locais que resulten de levar a cabo obras de nova edificación ou de reestruturación xeral; nestes casos será esixible a altura mínima do uso. Serán, así mesmo, de aplicación no resto das obras e de implantación destes usos en edificacións existentes doutros usos característicos nas que polo nivel de intervención e características do edificio sexa posible a esixencia do seu cumprimento. 2. As condicións de garaxe-aparcadoiro son, así mesmo, aplicables só cando correspondan a obras de nova edificación ou de reestruturación xeral, sen que sexa, por tanto, aplicable a actividades que se instalen en edificacións existentes non edificadas en conformidade con este PXOM, e no suposto de que o uso terciario a instalar non ocupe máis das dúas terceiras partes da superficie da edificación existente. 3. As alturas mínimas libres interiores entre o chan rematado e o teito, en función das clases e categorías establecidas serán as que establece a lexislación sectorial aplicable, e no seu defecto as mínimas establecidas no Art. 148 para as categorías 1ª, 2ª, 6ª e 7ª, de 2,70 m. para as categorías 3ª, 8ª, 9ª e 10ª, e de 3,00 m. para o resto das categorías. No caso de edificacións existentes á entrada en vigor do presente PXOM nas que se pretenda legalizar un uso existente ou introducir un cambio de uso e a altura do local non acade estes mínimos (tendo en conta os niveis de intervención especificados no punto 1 anterior), permitiranse excepcional e xustificadamente alturas menores (sempre que se cumpra o resto de normativa sectorial aplicable), de xeito que para as categorías 1ª, 2ª, 6ª e 7ª admitiranse as alturas esixibles para o uso residencial, e no resto de categorías existentes en solo urbano admitiranse as alturas mínimas establecidas no Art. 148. 4. As condicións de calidade e hixiene dos locais serán as establecidas no TÍTULO II.Capítulo III.Sección 7ª. 5. Ademais das condicións que se establecen na presente Subsección, serán de aplicación as disposicións xerais sobre edificación (CTE e similares) e as xerais ou sectoriais das Administracións competentes na materia, en particular as referentes ás condicións de traballo ou habitabilidade, as medidas de protección de incendios e as de supresión das barreiras arquitectónicas.

Art. 66. Condicións de garaxe-aparcadoiro

1. Disporase dunha praza de aparcadoiro por cada 100 m² útiles de superficie comercial de atención ao público das categorías 2ª e 3ª, agás que a superficie destinada a comercio alimentario supere os 400 m². Neste caso dotarase dunha praza por cada 50 m². Estas reservas poderán estar resoltas nos edificios nos que se atopen as instalacións do uso comercial. 2. Para os establecementos da categoría 1ª, cando a súa situación sexa un baixo comercial dunha edificación de uso característico diferente, a reserva de prazas de aparcadoiro, deberá estar prevista no proxecto de edificación correspondente no caso de nova edificación e non se esixirá reserva no caso de edificios existentes á entrada en vigor do presente PXOM. 3. Para os comercios das restantes categorías disporase dunha praza de aparcadoiro por cada 50 m² de superficie comercial non alimentaria e unha praza por cada 25 m² que se destinen a comercio alimentario. 4. Os garaxes-aparcadoiros nas edificacións novas deberán cumprir as condicións establecidas na Subsección que regula o Uso garaxe-aparcadoiro da presente Normativa Urbanística. No caso de edificios existentes, cando non se cumpran todas as condicións citadas, garantirase a xustificación dunha funcionalidade mínima para o nivel de uso a que van a estar sometidas.

Plan Xeral de Ordenación Municipal de Salceda de Caselas Normativa Urbanística 48 Documento para Aprobación Inicial

5. No caso de locais existentes que non dispoñen -e non poidan dispor en condicións normais- dalgunhas (ou todas) as prazas de aparcadoiro esixidas, non será obrigada a súa aplicación.

Subsección 4ª. Uso dotacional

Art. 67. Definición e categorías

Corresponde aos inmobles, espazos e locais dedicados a actividades dotacionais ou de equipamento, de dominio, tanto público como privado, tales como, centros dedicados á educación e á cultura, garderías, clubs sociais, centros culturais, centros sanitarios, servizos públicos, relixiosos, etc., situados como uso compatible en diferentes zonas de ordenanza, ou en zona de ordenanza específica. Dentro do uso dotacional establécense as seguintes clases e categorías:

− CLASE EDUCACIÓN: Comprende a formación das persoas a través do ensino, dentro de calquera nivel regrado e o ensino non regrado. Categoría 1ª: centros de educación infantil, de titularidade pública ou privada. Categoría 2ª: centros de educación primaria, de titularidade pública ou privada. Categoría 3ª: centros de educación secundaria obrigatoria, de titularidade pública ou privada. Categoría 4ª: institutos de secundaria postobrigatoria, de titularidade pública ou privada. Categoría 5ª: centros de ensino universitario ou dedicados á investigación, de titularidade pública ou privada. Categoría 6ª: outros ensinos oficiais (conservatorio de música, educación física e deportes, etc.). Categoría 7ª: ensino de actividades non regradas pola administración (servizos de ensino en xeral, agás academias de música e baile).

− CLASE SOCIOCULTURAL: Comprende os inmobles, espazos e locais dedicados á conservación, transmisión e xénese de coñecementos (bibliotecas, arquivos, museos, centros de investigación, etc.). Categoría 8ª: centros culturais, museos, bibliotecas, auditorios. Categoría 9ª: salas ou locais en baixos comerciais, en plantas baixas doutro uso característico ou en edificio exclusivo, no que se desenvolven actividades con fins socioculturais.

− CLASE ASISTENCIAL: Comprende a prestación de asistencia non especificamente sanitaria ás persoas, mediante os servizos sociais. Categoría 10ª: centros de servizos sociais sen residencia colectiva anexa, tales como centros de día, garderías, etc. Categoría 11ª: centros de servizos sociais con residencia colectiva anexa, tales como residencia de maiores, centros de acollida infantil ou adultos, etc.

− CLASE SANITARIO: comprende a prestación de asistencia médica e servizo cirúrxicos, en réxime de ambulatorio ou hospitalización, exclúense os que se presten en despachos profesionais. Categoría 12ª: establecementos sanitarios para a medicina humana sen internamento, de titularidade pública ou privada (ambulatorios, consultas, clínicas odontolóxicas, etc.). Categoría 13ª: establecementos sanitarios para a medicina humana con internamento, de titularidade pública ou privada (hospitais, clínicas, sanatorios, etc.). Categoría 14ª: establecementos veterinarios.

− CLASE SERVIZOS PÚBLICOS: cando a dotación se dedica á prestación de Servizos Públicos, pola administración ou por particulares. Categoría 15ª: centros dedicados á prestación de servizos públicos, entre os que poden distinguirse as seguintes subcategorías:

Plan Xeral de Ordenación Municipal de Salceda de Caselas Normativa Urbanística 49 Documento para Aprobación Inicial

1.- Abastecemento alimentario: Instalacións para a provisión de produtos alimentarios para o abastecemento da poboación como mercados centrais, de distrito, matadoiros ou outros similares. Inclúense nesta subclase os mercados de abastos e os centros de comercio básico xestionados directamente pola administración ou suxeitos a un réxime de concesión administrativa. 2.- Mantemento e limpeza: instalacións dedicadas ao mantemento e limpeza dos espazos públicos, parques e xardíns, así como outros servizos xerais, tales como cartóns de limpeza, centros de protección animal, centros de hixiene e outros servizos esenciais. 3.- Seguridade cidadá: instalacións dedicadas á salvagarda das persoas e os bens en todos os seus aspectos: comisarías, parques de bombeiros, etc. 4.- Defensa e xustiza: instalacións para o acuartelamento de corpos armados e aqueloutros dedicados a centros penais. 5.- Funerarios: Instalacións relacionadas co velorio, tratamento e depósito ou enterramento de cadáveres e restos humanos. 6.- Outros servizos públicos: instalacións públicas ou privadas que presten algún tipo de servizo non incluído nalgún dos anteriores e que non poidan ser incluídos dentro dos usos comerciais (Terciario Xeral Comercio).

− CLASE ADMINISTRACIÓN PÚBLICA: comprende as actividades que prestan as distintas administracións, os seus organismos e entidades de dereito, así como as sedes de organismos públicos: Categoría 16ª: centros e instalacións da administración local, autonómica ou estatal. Inmobles, locais ou recintos nos que as administracións realizan as súas actividades e servizos con acceso directo e público ou en réxime de oficinas administrativas.

− CLASE RELIXIOSO: que comprende a celebración dos diferentes cultos. Categoría 17ª: centros de culto e reunión sen residencia colectiva anexa. Categoría 18ª: centros de culto e reunión con residencia colectiva anexa.

− CLASE DEPORTIVO: cando se dedican á dotación de instalacións para a práctica do deporte. Categoría 19ª: espazos ou locais para a práctica deportiva ao ar libre ou baixo cuberta sen espectadores. Considéranse en edificio ou espazo independente. Categoría 20ª: Espazos ou locais para a práctica deportiva ao ar libre ou baixo cuberta con espectadores. Categoría 21ª: comprende locais dedicadas á práctica e ensino do deporte, así como instalacións complementarias. Considérase como uso compartido e compatible con outros usos.

Art. 68. Condicións xerais aplicables

1. As condicións que se establecen para as dotacións serán de aplicación nas parcelas que o planeamento destina para tal fin, e estean recollidas nos planos de ordenación, ou deban aparecer representadas na documentación dos plans de desenvolvemento. En cada un dos terreos dotacionais delimitados nos Planos de Ordenación sinálase o uso característico principal. Ademais do uso característico principal poderase dispor de calquera outro compatible que coadxuve aos fins dotacionais previstos nas condicións aquí sinaladas.

2. Serán tamén de aplicación nos lugares que, sen estar expresamente representados, se destinen a tal fin como uso compatible en edificacións doutros usos característicos.

3. As condicións de referencia ás características físicas só serán de aplicación en obras ou instalacións de nova edificación e nas de reestruturación xeral; nestes casos será esixible a altura mínima do uso. Serán, así mesmo, de aplicación no resto das obras e de implantación destes usos en edificacións existentes doutros usos característicos, nas que polo nivel de intervención e características do edificio sexa posible a esixencia do seu cumprimento.

Plan Xeral de Ordenación Municipal de Salceda de Caselas Normativa Urbanística 50 Documento para Aprobación Inicial

4. Nas parcelas cualificadas de usos dotacionais, ademais do uso característico principal poderase dispor de calquera outro que coadxuve aos fins dotacionais previstos, con limitación do residencial, clase vivenda, que só poderá disporse para a vivenda familiar de quen custodie a instalación ou clase residencia comunitaria para albergar os axentes de servizo (e mesmo as súas respectivas familias –no caso de certos corpos de seguridade- en vivendas unifamiliares ou colectivas), ou alumnos e profesores das escolas ou centros docentes se procedese. Nos supostos anteriores os usos complementarios deberán estar suxeitos ás condicións específicas do uso determinado.

5. Calquera uso dotacional existente, recoñecido como tal polo PXOM, sexa público ou privado, poderá ser substituído mediante a correspondente licenza de modificación de uso, sempre que estea adecuadamente xustificado que a dotación non responde a necesidades reais ou que estas quedan satisfeitas por outro medio ou localización. A substitución de usos dotacionais, de acordo co Artigo 47.4 da LOUG, deberá facerse polo Pleno do Concello por maioría absoluta legal, sen que dita substitución sexa considerada modificación do PXOM.

6. Ademais dos usos compatibles e tolerados que de maneira expresa se autoricen no réxime xeral de usos, ou nas zonas de ordenanzas, todos os usos dotacionais poderán conter todos os usos complementarios asociados á actividade e finalidade principal, como talleres, rehabilitación, ou outros análogos.

7. No caso de que os equipamentos supoñan a existencia de locais de venta, cafeterías, bares, restaurantes ou establecementos semellantes, amén de serlle aplicable á normativa legal vixente serán de aplicación as condicións expostas para os establecementos comerciais; amais diso deberán someterse ao disposto na LECG.

8. En ningunha das Clases e Categorías se permitirá o uso das plantas en soto para estancias vivideiras ou de reunión, agás cumprimento de condicións análogas ós usos Terciario Xeral. Será admisible nas mesmas o uso de almacén e instalacións do centro.

Art. 69. Condicións Particulares de habitabilidade e hixiene.

1. Cando acollan actividades de reunión e espectáculos cumprirán as condicións que determina o RPEP, así como todas aquelas outras disposicións vixentes na materia propia da actividade que desenvolve e as que lle sexan aplicables por analoxía con estes ou outros usos e entre eles os previstos na presente Normativa.

2. Cando acollan actividades de educación ou sanitarias cumprirán as condicións construtivas, hixiénicas e sanitarias que determinen os órganos competentes da Comunidade Autónoma.

3. Cando acollan actividades de usos públicos cumprirán as condicións de localización, e se é o caso, construtivas, hixiénicas e sanitarias que lles sexan de aplicación en razón das disposicións e regulacións propias do uso específico que desenvolvan.

4. Cando acollan actividades deportivas cumprirán as condicións construtivas, hixiénicas e sanitarias que determinen especificamente as disposicións vixentes sobre materia deportiva, así como as disposicións vixentes sobre espectáculos que lles sexan de aplicación (RPEP).

5. Cando acollan actividades de servizos urbanos e infraestruturas, regularanse pola normativa de ámbito estatal ou autonómico ou municipal que as afecte, polas necesidades propias do uso requirido, polas establecidas nesta normativa, e, se é o caso, pola regulamentación das compañías que as tutelen.

6. Cando acollan actividades residenciais colectivas, estarase ás determinacións que establece esta normativa para este uso e a súa relación co hostaleiro.

7. En tódolos casos, e especialmente naqueles usos non especialmente regulados pola administración, deberanse cumprir as condicións que se correspondan por similitude duns usos con outros que si teñan regulación propia, dotacional ou outra análoga. Este criterio aplicarase tanto para condicións hixiénicas, dimensionado de locais e altura das mesmas, como para as previsións de instalacións ou dotacións de servizos que deberán adecuarse ás previsións de intensidade de persoas ás que deban dar servizos. O Concello poderá regular por Ordenanzas específicas as anteriores condicións.

Plan Xeral de Ordenación Municipal de Salceda de Caselas Normativa Urbanística 51 Documento para Aprobación Inicial

Art. 70. Condicións de garaxe-aparcadoiro

1. A reserva de prazas de aparcadoiro deberá establecerse mediante a aplicación xustificada das necesidades que correspondan por razón do uso, ou persoal ao servizo da dotación e as previsións de afluencia de público. Poderase reducir ou eliminar excepcionalmente a esixencia de prazas aparcamento en caso de imposibilidade material da parcela para elo, ou cando o custe material das obras necesarias para alcanzar a dotación das prazas requiridas resulte desproporcionado e/ou a súa execución poda desvirtuar a correcta funcionalidade do equipamento, ó que en todo caso deberá xustificarse convenientemente nos proxectos técnicos correspondentes. 2. Os garaxes-aparcadoiros deberán cumprir as condicións establecidas na Subsección que regula o Uso Garaxe- Aparcadoiro da presente Normativa Urbanística.

Subsección 5ª. Uso industrial

Art. 71. Definición e categorías

1. Defínese como uso industrial o correspondente aos establecementos dedicados ao conxunto de operacións que se executan para a obtención e transformacións de primeiras materias, así como a súa preparación para posteriores transformacións. 2. Inclúense neste uso os “almacéns”, comprendendo como tales os espazos dedicados a garda, conservación e distribución de produtos naturais, materias primas ou artigos manufacturados con exclusiva subministración ao por maior, polo miúdo, instaladores, fabricantes e distribuidores e, en xeral, os almacéns sen servizo directo ao público. Nestes locais poderanse efectuar operacións secundarias que transformen en parte, os produtos almacenados. Exceptúanse os almacéns anexos a comercios e oficinas. 3. Nas parcelas con actividades enolóxicas estableceranse condicións concretas que permitan compatibilizar coas instalacións industriais todos aqueles usos e actividades vinculados ao enoturismo e a cultura do viño que poidan ser necesarios e admisibles. 4. Dentro do uso industrial establécense as seguintes clases e categorías:

− CLASE INDUSTRIA ORDINARIA E TALLERES: Categoría 1ª: actividades industriais que son totalmente compatibles cos usos residenciais. Comprende os pequenos talleres e industrias que pola súa pequena potencia instalada non desprenden gases, po, nin cheiros, nin orixinen ruídos nin vibracións molestas. Categoría 2ª: actividades industriais tolerables polo uso residencial, unicamente previa adopción das acaídas medidas correctoras que as fagan compatibles co uso residencial. Categoría 3ª: actividades industriais incompatibles con outros usos que non sexan industriais. Comprende á pequena, mediana e grande industria que aínda que eventualmente, poidan ser nocivas ou insalubres, pode compatibilizarse coas industrias anexas. Categoría 4ª: actividades especiais industriais soamente admisibles en edificio exento de uso exclusivo e único, que pola súa singularidade, perigo ou relación co medio en que se deben implantar, requiren da súa instalación illada, afastada ou non das zonas habitadas, e en lugares que faciliten o seu desenvolvemento e servizo.

− CLASE TRATAMENTO DE RESIDUOS: Categoría 5ª: Tratamento de residuos e reciclaxe dos mesmos, ben sexan inertes, escombros ou áridos, por exemplo, ou domésticos, envases, aceites, chatarra ou outros análogos non incluíbles na categoría de tóxicos ou perigosos. Considéranse incompatibles con outros usos e categorías.

− CLASE ALMACENAMENTO Categoría 6ª: Almacéns compatibles con usos residenciais e/ou asociados a outros usos. Superficie máxima construída 500 m².

Plan Xeral de Ordenación Municipal de Salceda de Caselas Normativa Urbanística 52 Documento para Aprobación Inicial

Categoría 7ª: Almacéns compatibles exclusivamente con usos industriais ou outros usos non residenciais. Superficie construída libre. Categoría 8ª: Almacenamento de produtos agrícolas. Categoría 9ª: Almacenamentos especiais (depósitos de auga, silos, depósitos de combustibles, etc.). Categoría 10ª: Almacenamento ao ar libre.

Art. 72. Condicións particulares da Categoría 1ª

1. Comprende as actividades de carácter artesanal, pequena industria e oficios profesionais que poden desenvolverse en edificios residenciais. Comprende igualmente as actividades de oficios compatibles con usos residenciais no mesmo edificio, con carácter de pequena industria familiar ou artesanal (pouco persoal, baixa potencia e ausencia de ruídos, vibracións, fumes, etc.) sen emisión de cheiros e pouca afluencia de público. 2. Con carácter xeral, só se poderán situar en plantas baixas ou en semisotos, ou no seu caso en baixa e primeira, debendo nestes casos ter acceso independente. 3. Estarán, en todo caso, suxeitas ás restricións de intensidade e potencia que se recolle na táboa 1 (Límites máximos de potencia para as instalacións industriais). 4. En edificios de uso residencial exclúense de modo expreso os talleres de carpintería metálica, ou de aluminio, e de madeira, así coma as de caldeirería, ferraxería e os talleres de reparación de automóbiles en chapa e pintura, ou asimilables, que se consideran actividades especialmente molestas. 5. Permitiranse, como excepción en vivendas unifamiliares, cando estea autorizada esta categoría, os talleres artesanais de carpintería metálica e madeira sempre que estea garantido que o uso do mesmo está vinculado á vivenda, e esta sexa de edificación illada.

Art. 73. Condicións particulares da Categoría 2ª

1. Comprende actividades compatibles co uso residencial pero localizadas en edificio independente ou en plantas baixas ou semisoto de edificacións residenciais. 2. Deberán adoptar as medidas correctoras necesarias para evitar a transmisión ou emisión de elementos contaminantes para garantir a compatibilidade co Uso Residencial. Estarán suxeitas, en todo caso, ás restricións de intensidade e potencia que se recolle na Táboa 1 (límites máximos de potencia para as instalacións industriais) do parágrafo seguinte.

Art. 74. Condicións particulares da Categoría 5ª

1. A implantación desta categoría só poderá localizarse en desenvolvementos urbanísticos ou sectoriais (polígonos) de uso exclusivo para esta finalidade. 2. As edificacións necesarias para o desenvolvemento de actividades desta categoría, acaeranse ás condicións específicas do uso, en aplicación das disposicións preceptivas. En todo o que sexa asimilable ás restantes categorías do uso industrial, deberán cumprir o disposto no mesmo.

Art. 75. Condicións particulares da Clase Almacenamento

Aplicaranse as mesmas condicións xerais que para o Uso de Industria Ordinaria e Talleres, coas seguintes excepcións: − Categoría 6ª: a compatibilidade con usos residencias esixe a independencia de accesos, tanto de persoal como de mercadorías que deberá resolverse dentro do local. Poderá autorizarse, nas zonas de ordenanza que así o regulen, a utilización de edificio completo en zonas de uso característico residencial. En caso contrario a superficie máxima será de 500 m². − Categoría 9ª: As particularidades do almacenamento de líquidos que poidan ser perigosos obrigará ao cumprimento das disposicións de seguridade que estableza a lexislación vixente na materia. − Categoría 10ª: O almacenamento en superficie deberá garantir o cumprimento das condicións medio ambientais aplicables, sobre po, contaminación ou outras análogas. A altura dos materiais e elementos

Plan Xeral de Ordenación Municipal de Salceda de Caselas Normativa Urbanística 53 Documento para Aprobación Inicial

almacenados non poderán superar a altura de 12,00 m sobre a rasante dos terreos. Calquera almacenamento desta Categoría deberá garantir a non contaminación do solo e o compromiso da súa descontaminación, tanto se fora de uso permanente como provisional.

Art. 76. Condicións particulares das actividades enolóxicas

1. Considéranse como tales as actividades vinculadas á cultura do viño (neste caso as que se regulan son as de transformación asimilables ao uso industrial), e que en función do seu nivel de intensidade poden pertencer a varias das categorías establecidas, e mesmo asociadas ás actividades agropecuarias que corresponden ás plantacións de viñedo, cando estas se localizan na mesma parcela que as de elaboración do produto. 2. Nas parcelas con actividades enolóxicas permitiranse como complementarios todos aqueles usos e actividades vinculados ao enoturismo que sexan compatibles coas instalacións industriais ou de produción existentes na parcela, establecendo no seu caso as medidas de separación (a respecto dos usos netamente industriais) ou limitación de posibles afeccións que poidan ser necesarias. 3. A estes efectos considéranse como actividades e usos complementarios dos enolóxicos os seguintes: a) Usos compatibles no mesmo edificio (só a respecto das categorías industriais 1ª, 2ª e 6ª): Terciario Hostaleiro: Categoría 1ª. Terciario Comercial: Categoría 1ª. Terciario Recreativo: Categoría 10ª. Dotacional: Sociocultural: Categoría 9ª. b) Usos compatibles en edificio independente (a respecto dos usos do resto das categorías industriais): Os mesmos anteriores. A superficie edificada conxunta destes usos complementarios non será maior do 40% da superficie edificada total dedicada ao resto de actividades enolóxicas existentes na parcela. No caso de que a parcela (ou a parte dela na que se pretendan implantar estas actividades) se atope en solo rústico, estes usos deben ter a posibilidade de ser autorizables na categoría concreta de solo en que se sitúen.

Art. 77. Límites máximos de potencia admisibles para a clase industria ordinaria e talleres

1. Para a determinación da potencia máxima a instalar teranse en conta os seguintes criterios: − Computarase exclusivamente a potencia electromecánica en CV dos motores necesarios para o funcionamento das máquinas e instalacións necesarias para o desenvolvemento da actividade, non computando o resto de consumo eléctrico, resistencias, etc. Así mesmo, non computará a potencia instalada nas instalacións frigoríficas correspondentes ao uso alimentario. − Non está suxeita a limitación de potencia ao alumeado, nin as do resto de instalacións que garantan a seguridade, salubridade e hixiene dos locais, así como a mobilidade das persoas; as instalacións de ventilación, climatización e acondicionamento de aire dos locais; as instalacións de auga quente sanitaria ou de calefacción; os ascensores; os grupos electróxenos de emerxencia, grupos de presión e bombas de instalacións de protección contra incendios; e en xeral, as instalacións para o servizo dos locais. − Non se admiten coeficientes redutores por simultaneidade para determinar a potencia da maquinaria suxeita a limitacións. 2. Os límites máximos admisibles para cadansúa das categorías industriais definidas son as que se expoñen a continuación:

Plan Xeral de Ordenación Municipal de Salceda de Caselas Normativa Urbanística 54 Documento para Aprobación Inicial

Táboa 1. LÍMITES MÁXIMOS PARA AS INSTALACIÓNS INDUSTRIAIS CATEGORÍA FÓRA DE POLÍGONO INDUSTRIAL POLÍGONO Edificio non Exclusivo Edificio INDUSTRIAL exclusivo Calquera planta Planta baixa (*) Unidades 1ª 100 m² 200 m² Libre m² útiles 10 CV 20 CV 50 CV Potencia mecánica máxima 2ª 300 m² Libre Libre m² útiles 30 CV 80 CV 100 CV Potencia mecánica máxima 3ª Libre m² útiles Compatible con outros usos industriais, ilimitado Potencia mecánica máxima 4ª Libre m² útiles En edificio exento de uso exclusivo e único, ilimitado Potencia mecánica máxima (*) Planta baixa, e primeira unida á baixa.

Art. 78. Condicións de garaxe-aparcadoiro

1. A reserva de prazas de aparcadoiro para as instalación pertencentes á clase industria ordinaria e talleres será dunha praza de aparcadoiro por cada 100 m² de superficie, a excepción dos talleres de reparación de automóbiles que disporán dunha praza de aparcadoiro por cada 25 m² de superficie útil de taller. 2. Os garaxes-aparcadoiros deberán cumprir as condicións establecidas na Subsección que regula o Uso Garaxe- Aparcadoiro da presente Normativa Urbanística.

Subsección 6ª. Uso garaxe-aparcadoiro

Art. 79. Definición e categorías

1. Enténdese como aparcadoiro o espazo dedicado á permanencia de vehículos, que non constitúe estacionamento en vía pública. Cando se sitúa en espazo edificado adquire a condición de garaxe. Enténdese por estacionamento o espazo en vía pública destinado á estancia temporal dun vehículo. 2. Considéranse incluídos dentro deste uso, os locais para o servizo de lavado do automóbil e lugares anexos e de pasos de espera. En cada garaxe-aparcadoiro garantirase o acceso directo a cada praza de aparcadoiro sen manobra especial, salvo os de carácter mecánico; en calquera caso xustificarase graficamente a capacidade de manobra dos vehículos no casos que poidan presentar conflito na súa utilización. 3. Dentro do uso garaxe-aparcadoiro, aos efectos da súa clasificación, establécense as seguintes categorías: − Categoría 1ª: aparcadoiro privado ao servizo das vivendas ou doutros usos dos locais do edificio en que estean situados, excluíndose aqueles dedicados á súa explotación económica independente. Poderán situarse nas plantas baixas, sotos ou semisotos, ou cubertas de edificios destinados a outros usos, ou baixo espazos libres de parcela de uso privado ou público e propiedade privada cando a ordenanza particular da cada zona así o autorice. − Categoría 2ª: aparcadoiro público destinado a réxime rotatorio de uso colectivo con carácter de explotación económica para o servizo público, onde a estancia do vehículo se realiza a cambio do pagamento dunha tarifa, dispoñendo dalgún sistema de control de acceso, con carácter de dotación urbana. Poderán situarse en edificio exclusivo, na primeira planta e nos baixos, sotos ou semisotos de edificios dedicados a outros usos ou baixo espazos públicos. Dentro desta categoría inclúense os aparcadoiros de titularidade privada e uso e destino público, co carácter de uso colectivo regulado no art. Art. 52 da presente Normativa Urbanística. 4. Poden coexistir ambas categorías, producíndose un réxime mixto, no que se considera desexable a separación funcional entrambos. Enténdese por separación funcional cando os vehículos que acceden ás prazas de aparcadoiro público non circulan polo espazo que, nas distintas plantas serve de acceso directo ás prazas de aparcadoiro privado. 5. O aparcadoiro público estará dotado de acceso peonil independente dende vía ou espazo libre público, podéndose esixir esta condición aos de réxime mixto nos que non exista ningunha praza vinculada a uso residencial.

Plan Xeral de Ordenación Municipal de Salceda de Caselas Normativa Urbanística 55 Documento para Aprobación Inicial

6. En obras de nova edificación, os aparcadoiros mixtos deberán reunir, no seu conxunto, as condicións propias dos aparcadoiros públicos. Con todo, cando dispoñan de separación funcional, poderán aplicarse parámetros de dimensións conformes á dimensión establecida.

Art. 80. Aplicación

1. As condicións que sinalan para o uso Garaxe-Aparcadoiro serán de aplicación a obras de nova edificación e aos edificios e locais resultantes de obras de reestruturación, nestes casos será esixible a altura mínima do uso. Igualmente deberán cumprirse as determinacións que sexan aplicables do CTE ou as NHV, nas condicións que estas sinalen. 2. Quedarán eximidos do cumprimento da obrigatoriedade da reserva de aparcadoiros aqueles soares ou parcelas que, unha vez cumpridas as súas obrigas de cesións obrigatorias, non se poida inscribir na súa planta un rectángulo de 12x20 m. ou un cadrado de 15x15 m., ou aquelas outras parcelas nas que quede acreditada polos Servizos Técnicos Municipais a imposibilidade física ou técnica da súa materialización. Xustificadamente, o Concello poderá esixir a localización das prazas obrigatorias no contorno inmediato.

Art. 81. Mobilidade interna nos garaxes-aparcadoiros.

Os garaxes aparcadoiros poderán resolver a súa mobilidade interna segundo os seguintes sistemas: − Convencional: cando os vehículos accedan ás súas prazas autonomamente, as súas condicións particulares regúlanse na presente Subsección, segundo sexan públicos ou privados. − Mecánicos: cando os vehículos requiren, en todo ou parte do percorrido, da axuda de medios mecánicos.

Art. 82. Condicións de dotación de prazas de aparcadoiro

A. Definición 1. Son condicións sobre dotacións de prazas de aparcadoiro as que se establecen para regular o número de prazas de aparcadoiro ao servizo dos diferentes usos. 2. O Concello poderá esixir o cumprimento dunha maior dotación de servizo de aparcadoiro naquelas implantacións e cambios de uso ou actividades que sexan susceptibles de xerar unha grande afluencia de vehículos.

B. Estándares de dotación de prazas de aparcadoiro 1. Enténdese por dotación o número de prazas de aparcadoiro que, necesariamente, e en aplicación dos estándares desta Normativa Urbanística, deben realizarse. 2. Os estándares de dotación de aparcadoiro son establecidos para os diferentes usos do presente capítulo.

C. Criterios de cálculo da dotación de servizo de aparcadoiro 1. A dotación de servizo de aparcadoiro dun edificio, local ou actividade determinarase, conforme ao disposto nesta Normativa Urbanística, en función do uso ao que se destinen, da súa superficie, da súa localización e, no seu caso, do número previsto de usuarios. 2. Con carácter xeral, e salvo que as condicións particulares dos usos fixen outros criterios, a base para o cálculo da dotación de servizo de aparcadoiro, cando esta se exprese en unidades por metro cadrado, será a superficie destinada a todos os usos do edificio (agás este propio uso), sen considerarse a estes efectos aqueles espazos que non computen edificabilidade. 3. A dotación de aparcadoiros resultantes entenderase referida a prazas para vehículos automóbiles, agás naqueles casos nos que polas características dos vehículos dos usuarios do edificios ou actividade se estableza xustificadamente outro tipo de vehículo. 4. Todos os edificios garantirán a dotación e as condicións das prazas de aparcadoiro adaptadas para o uso de discapacitados establecidas no presente Capítulo, e nas disposicións legais vixentes en materia de accesibilidade e supresión de barreiras.

Plan Xeral de Ordenación Municipal de Salceda de Caselas Normativa Urbanística 56 Documento para Aprobación Inicial

D. Cómputo da dotación global 1. A dotación total de prazas de aparcadoiro correspondentes a un edificio ou actividade, será a resultante da suma das dotacións establecidas para cada un dos usos ou actividades que se desenvolvan ou poidan desenvolverse no mesmo. 2. O número de prazas cubrirá en primeiro lugar a dotación mínima correspondente aos usos que a esixen. Se o número de prazas supera a dotación mínima esixida para os distintos usos, o exceso terá condicións de prazas de libre disposición.

Art. 83. Condicións particulares dos aparcadoiros privados

A. Solucións de implantación Agás determinación en contra, as condicións particulares dos usos ou das zonas de ordenanza ou as reguladas por planeamentos correspondentes, os aparcadoiros privados poderán implantarse: 1. En espazos non edificados: − Poderá dedicarse a aparcadoiro ata o 40% da superficie non ocupada da parcela, salvo indicación expresa en zonas de ordenanza ou ordenación detallada. Non se admitirán neste caso máis que obras de pavimentación e marquesiñas de estrutura lixeira e carácter diáfano (que non se poidan considerar como edificacións nin consumir ou computar edificabilidade, e que poderán acaroarse a lindeiros, se non acadan unha altura máxima de 3m.). − As Ordenacións Detalladas ou o planeamento de desenvolvemento, poderán definir espazos nos que se autorice a implantación de aparcadoiros privados baixo rasante, con Cesión de Uso de Superficie, para Uso Público. Nestes supostos a cubrición dos devanditos aparcadoiros deberá cumprir as mesmas condicións establecidas para os aparcadoiros públicos baixo espazos de dominio público. − Nos espazos libres das parcelas non se permiten sobre rasante aparcadoiros que impliquen o apilamento de vehículos. 2. En espazos edificados: − En edificios exclusivos, sobre ou baixo rasante. − En plantas baixas ou inferiores dos edificios. − En plantas de pisos das edificacións destinados a usos exclusivos non residenciais. − Nas azoteas das edificación dedicados a usos exclusivos non residenciais. Nas situacións segunda e terceira, o aparcadoiro disporase de modo que os vehículos non sexan visibles dende ningún punto da vía ou espazo libre público. 3. Con carácter provisional e suxeita ás condicións do artigo 102 da LOUG, poderá autorizarse a utilización de soares vacantes como aparcadoiros en superficie, debendo efectuarse unha pavimentación e un peche acaído. O carácter provisional da instalación non elimina a esixencia da edificación nos prazos definidos polo Plan Xeral ou no planeamento que conteña a súa ordenación detallada.

B. Prazas de aparcadoiro 1. Defínese praza de aparcadoiro ao espazo debidamente sinalizado dedicado á estancia de vehículos. 2. Con independencia das dimensións dos aparcadoiros en rúa, as dúas dimensións mínimas serán as seguintes: − Para vehículos de dúas rodas: 250 cm de lonxitude por 150 cm de latitude (anchura) libres de obstáculos. − Para vehículos automóbiles: 470 cm de lonxitude por 240 cm de latitude, e no caso de edificios de vivenda colectiva as establecidas polas NHV no apartado I.B.5.3.1. − Para vehículos de persoas discapacitadas ou con mobilidade reducida: A disposición e dimensións destas prazas de aparcadoiros deberán ter un sobre ancho, e cumpriren as disposicións vixentes en materia de supresión de barreiras arquitectónicas, ou no seu caso, no CTE. − Para vehículos industriais lixeiros: 570 cm de lonxitude por 250 cm de latitude. − Para vehículos industriais pesados e autobuses: 900 cm de lonxitude por 300 cm de latitude. − As anchuras citadas entenderanse como dimensión libre entre eixes de marcas delimitadoras de prazas.

Plan Xeral de Ordenación Municipal de Salceda de Caselas Normativa Urbanística 57 Documento para Aprobación Inicial

4. Nas dimensións anteriores permitiranse estreitamentos puntuais producidos por elementos construtivos cuxa suma de superficies en planta sexa menor de 0,1 m2, sempre que, na praza, se poida inscribir un rectángulo totalmente libre de obstáculos da mesma lonxitude indicada, e unha latitude reducida como máximo en 10 cm. 5. Non se permite a disposición de prazas de aparcadoiro pechadas e independentes nos edificios de vivenda colectiva que se indican nas NHV.

C. Condicións de accesibilidade 1. Vestíbulo ou Área de acceso: − En edificacións en cuarteirón pechado ou que estean situadas en aliñación á rúa: Todos os garaxes- aparcadoiros disporán dun vestíbulo -ou área de acceso- de piso horizontal que cumprirá as seguintes condicións: O ancho mínimo do vestíbulo para o acceso a un edificio ou planta de capacidade menor ou igual a 100 vehículos e con acceso único dende unha vía de sección non menor de 15 m será de 3,00 m; se o acceso se producise dende unha vía de sección inferior a 15 m, o ancho mínimo será de 4,00 m. Para unha capacidade superior a 100 vehículos, o ancho mínimo será de 5,00 m ou presentará dúas áreas de acceso (entrada e saída independentes) cun ancho de 3,00 m. O fondo libre mínimo da área de acceso será de 4,70 m. O gálibo mínimo non será inferior a 230 cm, permitíndose unha altura crítica en elementos illados de 210 cm e sempre que non superen o 15% da superficie útil do vestíbulo ou área de acceso. A pendente máxima permitida no vestíbulo ou área de acceso é do 5%. A porta terá un ancho mínimo non inferior ao 90% do ancho do vestíbulo ou área de acceso. O gálibo do paso será inferior aos 210 cm, e a porta atoparase no plano de fachada da edificación, ou aliñado coa porta do portal se este existise. − En edificacións recuadas, respecto da aliñación exterior. poderá prescindirse da área de acceso se a distinción mínima de separación respecto da devandita aliñación non fose inferior a 4,00 m. − En vivenda unifamiliar ou en garaxes de ata 3 vehículos poderá prescindirse da área de acceso. 2. Vías de circulación e distribución: − As ramplas e vías de circulación cumprirán as seguintes condicións: Garantirase en todo momento o dominio visual (directo ou instrumental) aos condutores, nomeadamente nos tramos onde sexa posible o cruzamento de vehículos. As vías ou ramplas de circulación terán unha pendente máxima do 18% en tramos rectos, e do 14% en tramos curvos, medida sobre o eixo da vía. O ancho mínimo das vías ou ramplas de circulación será de 3,00 m, e para máis de 100 e acceso único será de 5,00m, aumentado en 0,30 m na cara exterior dos xiros. O radio de xiro mínimo será de 5,50 m medidos dende o eixe da mesma ou dende o eixe do seu carril interior no caso dunha rampla, ou dende o eixe da vía de circulación. − As vías de distribución e repartición cumprirán as seguintes condicións: As vías de distribución e repartición permitirán o acceso a todas as prazas nun estado de ocupación máxima. Os sentidos de circulación estarán sinalizados no pavimento. O ancho mínimo das vías de distribución e partición con aparcadoiros en batería será de 4,50 m. Se se tratase de vías con aparcadoiros en liña, ou cun ángulo non superior aos 45º, o ancho mínimo será de 3,30 m. No caso de vías sen acceso a prazas, o ancho mínimo será de 3,00 m. O radio de xiro mínimo medido dende o eixe da vías, será de 5,50 m. A pendente máxima deste tipo de vías será do 5%. 3. Nos garaxes-aparcadoiros de máis de 2.000 m² de superficie construída, a entrada e a saída deberán ser independentes ou en rampla dobre, de ancho mínimo 6,00 m con distintas portas de entrada e saída. 4. En edificación residencial, autorizarase con carácter preferente a mancomunidade de garaxes-aparcadoiro entre os distinto propietarios, con fin de reducir o número de accesos, dentro dos límites establecidos nesta normativa.

Plan Xeral de Ordenación Municipal de Salceda de Caselas Normativa Urbanística 58 Documento para Aprobación Inicial

5. En garaxes-aparcadoiros con capacidade total inferior a 40 prazas, permítese a utilización de aparatos mecánicos e montacoches como sistema único para resolver o acceso e saída do mesmo, debendo disporse un destes aparatos por cada 20 vehículos ou fracción. No caso de que en una garaxe-aparcadoiro se instale un sistema mecánico e montacoches, deberase dispor dunha zona de espera na embocadura de cada un destes aparatos, en todas e cada unha das plantas ás que serve, das mesmas características definidas na meseta de espera dos accesos, pero cunha dimensión mínima de 6,00 m por 6,00 m.

D. Altura libre nos garaxes privados 1. A altura libre de piso non será inferior a 220 cm, que poderá reducirse puntualmente a 2,00 m por descolgue de elementos construtivos ou equipos de ventilación, instalacións, canos, etc., e sempre que non superen un 20% da superficie útil da zona de estacionamento. 2. En zonas de circulación de vehículos: vestíbulos ou áreas de acceso, vías ou ramplas de circulación e vías de distribución ou partición, o gálibo mínimo non será inferior a 230 cm, permitíndose unha altura crítica en elementos illados de 210cm e sempre que non superen o 15% da superficie útil da zona de circulación. 3. En garaxes de vivendas unifamiliares a altura mínima poderá ser 2,00 m, admitíndose a redución puntual en zonas que non dificulten a manobra das prazas e circulación das persoas.

Art. 84. Condicións particulares dos aparcadoiros públicos

A Solucións de implantación 1. Os aparcadoiros públicos poderán implantarse: − Nos espazos expresamente sinalados nos planos do Plan Xeral, ou nos determinados polo planeamento que conteña a ordenación detallada. − Nas parcelas cualificadas como servizos do transporte. − En subterráneos baixo espazos libres e zonas verdes ou viarios públicos nos termos que regulen as correspondentes ordenanzas en solo urbano. 2. Admitiranse aparcadoiros públicos provisionais nas condicións previstas no artigo 102 da LOUG.

B. Praza de aparcadoiro público As prazas de aparcadoiro público terán as mesmas dimensións que as privadas.

C. Accesos a aparcadoiros públicos Os accesos e ramplas dos aparcadoiros públicos terán un ancho de 350 cm por carril, rampla ou vía de circulación, con entrada e saída independentes.

D. Altura dos aparcadoiros públicos A altura dos aparcadoiros públicos superará en 5,00 cm ás establecidas para os privados.

E. Outras regulacións En todo o non regulado de modo expreso para os aparcadoiros públicos será de aplicación as regulacións establecidas para os aparcadoiros privados.

Subsección 7ª. Uso espazos libres e zonas verdes

Art. 85. Definición, clases e categorías

1. Corresponde a todos aqueles espazos non edificados que teñen por obxecto garantir a salubridade, repouso e esparexemento da poboación, a protección e illamento entre zonas que o requiran e a obtención de mellores condicións ambientais. 2. Dentro do Uso Espazos Libres e Zonas Verdes e aos efectos da súa clasificación, establécense as seguintes Clases e Categorías.

Plan Xeral de Ordenación Municipal de Salceda de Caselas Normativa Urbanística 59 Documento para Aprobación Inicial

− CLASE ESPAZOS LIBRES Categoría 1ª: Espazos Libres Públicos. Espazos dedicados ao uso público non axardinados, tales como prazas ou outros espazos análogos.

− CLASE ZONAS VERDES Categoría 2ª: área axardinada que corresponde ás áreas con acondicionamento vexetal dedicadas á defensa ambiental, o repouso e o lecer dos habitantes, e o amoblamento urbano. Inclúense nesta categoría as alamedas históricas. Categoría 3ª: áreas dedicadas especificamente ao xogo e esparexemento infantil, incorporando aparatos de recreo (columbios, tobogáns, ban-bans,...), areeiras, plantación e deseño acaído ao fin descrito. Categoría 4ª: parques urbanos formados por espazos libres nos que existe o predominio de zona verde forestada sobre as zonas verdes urbanizadas, paseos e itinerarios para sendeirismo, ciclismo, etc. Poderán dispor de pequenas edificacións de servizo. Comprende os parques forestais distribuídos polas diversas parroquias.

− CLASE ESPAZOS LIBRES PRIVADOS Categoría 5ª: Espazos Libres Privados correspondentes ás zonas non edificadas de zonas residenciais ou dotacionais privadas que se grafan especificamente nos planos de ordenación.

− CLASE PROTECCIÓN Categoría 6ª: Franxas de protección de vías de comunicación, redes viarias e ferroviarias, constituídas por bandas situadas nas marxes daquelas.

Art. 86. Aplicación

As condicións que se establecen para os Espazos Libres e Zonas Verdes serán de aplicación nas parcelas que o planeamento destina para isto, e estean recollidas nos planos de ordenación, ou deban aparecer representadas na documentación dos plans de desenvolvemento.

Art. 87. Condicións xerais

1. As zonas verdes e espazos libres de uso público deberán estar convenientemente urbanizadas en proporción ao uso demandado ou a súa categoría de clasificación, coas súas correspondentes sendas peonís, camiños, escaleiras e acondicionamento vexetal, así coma dotadas (sobre todo nas situadas nos núcleos de poboación) do alumeado público, rede de sumidoiros e abastecemento de auga ou zonas de aparcadoiro de vehículos necesarios (no seu caso) para o seu funcionamento e conservación. 2. Nestas zonas dedicadas a garantir o lecer, o repouso e o espallamento da poboación, non se permitirá, con carácter xeral, ningún tipo de edificación permanente, agás a necesaria para o mantemento das propias zonas (invernadoiros, almacéns de útiles de xardinería, limpeza, ou servizos de aseo etc.), cun volume máximo para cada uso individual ou integrado de 40 m3, e xustificando previamente a necesidade da súa instalación na propia zona verde ou espazo libre de uso público. Como excepción, previo acordo municipal, poderá autorizarse a instalación permanente de elementos de ornato (templetes, palcos de música, emparrados, pérgolas) ou complementarios ao uso das zonas verdes (escenarios de teatro ao aire libre, pistas de baile descubertas...). En todo caso, a superficie total ocupada con tódolos elementos permanentes cubertos antes citados, dentro das zonas clasificadas como espazos libres, non poderá superar o 5 % da superficie total da zona en que se sitúen. 3. Poderá autorizarse así mesmo a instalación de pequenas construcións con carácter provisional como elementos cubertos e casetas desmontables para fins propios dos usos convencionais destas zonas (quioscos de flores, bebidas ou prensa, cabinas de teléfonos, paradas de autobús, etc.) con superficie máxima para cada uso individual ou integrado de dez (10) metros cadrados e altura de coroación de tres (3) metros (volume máximo de 30 m3). En todo

Plan Xeral de Ordenación Municipal de Salceda de Caselas Normativa Urbanística 60 Documento para Aprobación Inicial caso, a superficie total ocupada con tódolos elementos provisionais cubertos antes citados, dentro das zonas clasificadas como espazos libres, non poderá superar o 5 % da superficie total da zona en que se sitúen. Tamén se permite sen carácter restritivo o amoblamento necesario (bancos, papeleiras, fontes de auga potable, xogos de nenos, etc.). Tamén poderán implantarse construcións efémeras para usos esporádicos, aínda que superen as dimensións aquí especificadas (sempre con licenza ou autorización previa municipal). 4. Será posible a construción de equipamentos que non comporten edificación como campos de deportes ou semellantes, pero neste caso deberán estar contemplados no PXOM como zonas equipamentais, e permítese tamén sen carácter restritivo a implantación de zonas de xogo infantís e pequenos espazos para deportes que non esixan espazos valados, como petanca, tenis de mesa, e outros análogos. 5. Os espazos libres de edificación de uso e dominio privado non admiten ningún tipo de edificación dentro da superficie delimitada como tal, se ben poderán admitir instalacións deportivas en superficie, descubertas e sen espectadores, así como instalacións diáfanas abertas por todos os seus lados (cenadores, pérgolas, etc.), ata un máximo do 10% da superficie do espazo libre privado neste último caso. Poderán instalarse construcións efémeras para usos esporádicos. 6. Nas zonas de categoría 4ª, 5ª e 6ª poderán implantarse usos deportivos valados de dimensións medias, como pistas de baloncesto ou similares, sen as limitacións do punto anterior. 7. Os cerramentos, cando sexan necesarios, non superarán a altura de 0,50 m. con materiais opacos, podendo traspasar este límite con elementos diáfanos esteticamente admisibles ou elementos vexetais. 8. Nos supostos onde as zonas verdes públicas linden con espazos libres privados, será preceptiva a construción de elementos de separación axeitados entre ámbalas dúas zonas. 9. Nas construcións xa existentes nos parques e zonas verdes actuais, permítese a súa reconstrución ou rehabilitación, sempre que acubille usos dotacionais públicos de calquera tipo que sexan compatibles co uso de zona verde.

Art. 88. Condicións particulares

Considéranse determinacións complementarias do uso de Espazos Libres e Zonas Verdes as condicións que se establecen no TÍTULO II.Capítulo IX.Sección 4ª, no que se regula o deseño e tratamento dalgúns destes espazos atendendo a particularidades como a súa ubicación ou o sistema ao que pertencen.

Subsección 8ª. Uso infraestruturas básicas

Art. 89. Definición e condicións

1. Compóñeno infraestruturas tales como abastecemento de auga, evacuación e tratamento de augas residuais, eliminación de residuos sólidos, subministración eléctrica, telefonía e comunicacións, así como as reservas de solo previstas para a ampliación ou novo establecemento deste elementos. 2. Inclúense, así mesmo, aqueles elementos que son precisos para o funcionamento de instalacións do sistema de asentamentos, tales como instalacións de transporte e transformación de enerxía, así como os de almacenamento e distribución de combustible. 3. Os elementos deste sistema poderán ser: − Lineais. Constituídos polas redes e servizos de empresas de carácter público ou privado, tales como a rede de gas, rede de enerxía eléctrica, rede de telefonía ou comunicacións, rede de abastecemento de auga, rede de almacenamento e distribución de combustible. − Non lineais. Que inclúen os encoros, depósitos, depuradoras, botadoiros, reservas para a instalacións de servizos públicos municipais, e as reservas especiais para almacenaxe de produtos enerxéticos e a súa distribución, entre outros. Terán consideracións de elementos non lineais as instalacións necesarias para a distribución de enerxía, as redes de telefonía móbil e demais servizos básicos.

Plan Xeral de Ordenación Municipal de Salceda de Caselas Normativa Urbanística 61 Documento para Aprobación Inicial

Art. 90. Localización

1. Este uso correspóndese co Sistema Xeral de Infraestruturas de Servizos, convenientemente recollido nos planos de ordenación. 2. Coa finalidade de prever a localización de determinadas instalacións especiais, o Plan Xeral cualifica áreas concretas, ben como previsión dentro dos ámbitos de solo urbano non consolidado ou sectores de solo urbanizable, asignándoas a este uso, e definíndoas como Sistema Xeral de Infraestruturas de Servizos nos termos regulados na presente normativa.

Art. 91. Liñas aéreas de Alta e Media Tensión

1. Considéranse liñas de alta e media tensión as que se describen no Art. 334 da presente Normativa Urbanística. 2. As liñas aéreas existentes de ata 20 kV inclusive, haberán de soterrarse ao acometerse a urbanización dos terreos cando percorran por solos urbanos non consolidados incluídos nun ámbito ou en sectores de solo urbanizable, correspondendo a execución aos propietarios que desenvolvan a execución do planeamento. 3. Para o resto das liñas de alta ou media tensión, superior a 20 kV, que percorran por solo urbano ou urbanizable, en función da súa situación, da súa afección medioambiental, das dificultades ou imposibilidades técnicas de acometer parcialmente o seu paso soterrado, de ser máis adecuados á acometida de novos trazados, o Concello poderá obrigar á empresa subministradora que acometa un programa de actuacións a medio prazo, de forma que, no prazo máximo de 10 anos, estea solucionado a problemática que xeran os tendidos aéreos de alta e media tensión.

Subsección 9ª. Uso de transporte e comunicacións

Art. 92. Definicións, Clases e Categorías

1. É o propio da comunicación entre os diversos ámbitos do espazo urbano e sobre os que se desenvolven o movemento das persoas e os vehículos de transporte, así como os que permiten a permanencia e estacionamento destes. 2. Correspóndese co espazo ocupado polo viario existente ou polo de nova creación destinado á circulación rodada ou peonil. 3. Dentro do uso de Transporte e Comunicacións e aos efectos da súa pormenorización establécense as seguintes Clases e Categorías.

− CLASE REDE VIARIA Categoría 1ª. Peonil ou viario que pode admitir ademais do tránsito o paseo de peóns, o tránsito de bicicletas e vehículos similares. Categoría 2ª. De coexistencia ou viario de servizo de acceso a vivendas, con prioridade do paso peonil. Categoría 3ª. Rodadas con separación de tránsitos. Categoría 4ª. Estacionamento en vía pública.

− CLASE SERVIZOS PÚBLICOS Categoría 5ª: Servizos do automóbil. Locais ou espazos para o servizo de lavado de vehículos ou subministración de combustible.

Art. 93. Aplicación

1. As condicións que se sinalan para o transporte e as comunicacións serán de aplicación aos terreos que o Plan Xeral destina a tal fin e aos que en desenvolvemento do mesmo definan os planeamentos correspondentes. 2. Establécense estas condicións co carácter de mínimas para o deseño das vías de nova apertura.

Plan Xeral de Ordenación Municipal de Salceda de Caselas Normativa Urbanística 62 Documento para Aprobación Inicial

Art. 94. Clase Rede Viaria

A. Condicións da rede peonil 1. Corresponde coas sendas públicas para peóns ou viario que pode admitir ademais do tránsito o paseo de peóns, bicicletas e vehículos similares. 2. O ancho mínimo pavimentado para a circulación de peóns será de 180 cm.

B. Condicións das vías de coexistencia 1. Teñen esta consideración as vías nas que coexista o tránsito peonil e o viario no que a pavimentación ou tratamento das superficies é practicamente uniforme, no seu caso con proteccións para os peóns, destinado á circulación de vehículos á vez que o tránsito de peóns, bicicletas e carruaxes. As de nova apertura terán unha anchura mínima de 6,00 m. En todo caso quedará prohibido o estacionamento de vehículos. 2. O seu uso básico é o de acceso a vivendas.

C. Condicións de vías con separación de tránsitos 1. Constitúe o viario propio, tanto no solo urbano como do urbanizable, destinado á circulación, e estacionamento nalgúns casos, de vehículos de motor á vez que o tránsito de peóns, bicicletas e carruaxes, con beirarrúas. 2. O viario de nova apertura presentará as dimensións e características que se deriven das intensidades de circulación previstas e do medio que atravesen. 3. Os estacionamentos que se establezan en vías públicas non interferirán nos tránsitos destas, debendo contar cunha banda de aparcadoiro. 4. As dimensións mínimas serán as que se sinalan a continuación: − Unidireccional (a un ou ámbolos dous lados): Estacionamento en liña, 2,25 metros. Estacionamento en batería, 5,00 metros. Estacionamento en espiña, 4,00 metros. − Bidireccional: Estacionamento en liña, 4,50 metros. Estacionamento en batería, 6,80 metros. Estacionamento en espiña, 5,00 metros. 5. Cada 3 prazas de estacionamento plantarase unha árbore.

D. Condicións comúns a todas as categorías O viario axustarase en solo urbano e urbanizable ás condicións técnicas e dimensionais establecidas no Capítulo IX do Título II da presente Normativa Urbanística.

Art. 95. Clase servizos públicos

A. Condicións dos servizos do automóbil Diferéncianse dúas subcategorías: − Estacións de servizo. − Instalacións de lavado.

B. Estacións de Servizo 1. Nas bandas laterais do viario, nas localizacións previstas no Plan Xeral ou nos planeamentos que conteñan a ordenación detallada, que en función das condicións estéticas, de tráfico, de seguridade do lugar, e da non afección ambiental a zonas residenciais próximas, poderán situarse Estacións de Servizo para a subministración de combustible a vehículos automóbiles. 2. O Uso de estación de servizo contempla a subministración de carburantes e combustibles líquidos a vehículos automóbiles como actividade principal. Esta actividade principal das instalacións admite como complementarias as seguintes actividades: lavado de vehículos, engraxe, pequenos talleres de reparación de vehículos, pequeno

Plan Xeral de Ordenación Municipal de Salceda de Caselas Normativa Urbanística 63 Documento para Aprobación Inicial comercio, oficinas e servizos asociados, restauración e aparcadoiro de vehículos lixeiros ou pesados e aqueloutros usos complementarios. 3. Pola particularidade do Uso, con independencia da regulación que a normativa establece nas Ordenanzas de Solo Urbano, recóllense a continuación as determinacións para a súa aplicación fóra do solo urbano. − A parcela mínima para as estacións de servizo será de 750 m². − As edificacións non superaran un índice de edificabilidade de 0,30 m²c/m²s, cunha altura máxima de 720 cm. e dúas plantas (PB+1). − A separación mínima das construcións aos lindeiros será 4,00 m. − A superficie total cuberta pola edificación e marquesiñas non superará o 50% da parcela. − A distancia mínima dos depósitos de combustible enterrados aos límites da parcela será de 2,00 m.

C. Instalacións de Lavado de Automóbiles 1. O lavado de automóbiles, en túneles de lavado automático, que poderá implantarse en espazos independentes, en baixos comerciais ou en edificacións de uso exclusivo de garaxe-aparcadoiro. 2. Non poderán instalarse en plantas baixas de edificacións nas que a planta inmediata superior sexa de uso residencial.

Subsección 10ª. Uso agropecuario

Art. 96. Definición e categorías

1. Comprende os espazos, dependencias e instalacións destinadas ao cultivo, almacenamento de produtos ou maquinaria agrícolas, ou ao aloxamento de animais de granxa, correspondentes a actividades comprendidas dentro do sector produtivo primario. 2. Dentro do Uso Agropecuario, aos efectos da súa clasificación, establécense as seguintes categorías: − Categoría 1ª: Cultivos exclusivos non extensivos vinculados a finalidade de autoconsumo, sen ningún tipo de edificación complementaria anexa (almacéns, etc.) e sen animais de granxa (aínda que a estes efectos pódense admitir os animais estritos que tradicionalmente se crían para o autoconsumo dunha familia) que conformen unha explotación pecuaria. Tamén poden incluírse nesta categoría as partes das explotacións enolóxicas de grandes parcelas naquelas partes minoritarias que eventualmente poidan quedar dentro dos núcleos de poboación. − Categoría 2ª: Instalacións para o almacenamento de produtos ou maquinarias agrícolas. − Categoría 3ª: Instalacións pecuarias extensivas sen estabulación, que non requiran instalacións especiais. − Categoría 4ª: Instalacións pecuarias intensivas de gandería estabulada con edificacións especiais. − Categoría 5ª: Plantacións forestais sen edificacións complementarias anexas (serradoiros, almacéns, etc.). − Categoría 6ª: Cultivos intensivos ou extensivos vinculados a explotacións agropecuarias (admisibles só en solo rústico). 3. Nas parcelas con actividades enolóxicas permitiranse como complementarios todos aqueles usos e actividades vinculados ao enoturismo que sexan compatibles coas instalacións industriais ou de produción existentes na parcela, nas condicións sinaladas no Art. 76, atendendo no seu caso a posibilidade de que poidan ser permitidas ou autorizables na clase e categoría concreta de solo en que se sitúen.

Art. 97. Condicións de habitabilidade e hixiene

1. Seralle de aplicación a lexislación sectorial, así como as condicións establecidas por estas Normas Urbanísticas relativas ao uso de almacén comercial, industrial, infraestruturas e a LECG, pola que se regula a avaliación de incidencia ambiental ao abeiro da LCA. 2. As instalacións disporán da iluminación e ventilación naturais axeitadas. 3. Prohíbese a evacuación de vertidos sólidos de animais á rede xeral de saneamento. 4. Non se permite este uso en plantas soto ou semisoto.

Plan Xeral de Ordenación Municipal de Salceda de Caselas Normativa Urbanística 64 Documento para Aprobación Inicial

CAPÍTULO III. NORMAS XERAIS DE EDIFICACIÓN

Sección 1ª. Determinacións básicas

Art. 98. Definición e obxecto

1. Estas normas xerais son as condicións ás que se terá que axustar a edificación polas súas propias características e pola relación co contorno. 2. Son de aplicación con independencia da clase de solo na que se asente a edificación, agás que se especifique o contrario na normativa de carácter particular. 3. O seu contido describe e reflicte as esixencias físicas que se establecen e cuantifican posteriormente nas condicións particulares para cada clase de solo, que afecten á parcela para poder considerala edificable, e as esixencias mínimas que en calquera dos casos deberá reunir cada construción en relación co contorno.

Art. 99. Clases de condicións contidas no presente capítulo

A edificación haberá de cumprir as condicións que se detallan nos artigos seguintes, referentes aos seguintes aspectos: − Condicións das parcelas. − Condicións de posición na parcela. − Condicións de ocupación da parcela. − Condicións de edificabilidade. − Condicións de volume e forma. − Condicións de calidade e hixiene. − Condicións das dotacións de servizos dos edificios. − Condicións de acceso e seguridade. − Condicións estéticas.

Art. 100. Outras condicións ás que se terá que axustar a edificación

A edificación deberá satisfacer, ademais, as condicións contidas nas Normas Xerais de Uso, en función do uso ao que se destine o edificio ou os locais, agás indicación en contra na Ordenanza de aplicación na que se atope ou ben na ordenanza particular do planeamento incorporado ou de desenvolvemento que a conteña, de ser o caso, se ben estes últimos poderán establecer condicións particulares máis restritivas sen chegaren a desvirtuar as presentes Normas.

Art. 101. Definicións de conceptos.

Aos efectos do presente PXOM recóllense neste apartado aqueles termos que non se definen noutros artigos, e cantas veces se empreguen estes termos que de seguido se indican, terán o significado que con nitidez se expresa nos apartados seguintes:

ALIÑAMENTO ACTUAL: Son os lindeiros das parcelas cos viarios ou espazos libres públicos existentes.

RECUADO: É o ancho da faixa de terreo comprendida entre a aliñación oficial e a liña de edificación, cando estas non coincidan.

CESIÓNS de VIARIO: É a superficie da parcela orixinal que queda afectada polas aliñacións oficiais dos viarios definidos no planeamento, superficie que os propietarios deberán ceder (ben directamente nas zonas de ordenación directa ou a través do correspondente instrumento no caso de areas de reparto) para que a parcela sexa edificable de acordo coas determinacións do planeamento.

Plan Xeral de Ordenación Municipal de Salceda de Caselas Normativa Urbanística 65 Documento para Aprobación Inicial

RASANTE: É o perfil lonxitudinal dunha vía e, fóra dos núcleos de poboación ou para zonas afastadas das vías tamén pode referirse o perfil do terreo natural en contacto coa edificación.

SUPERFICIE OCUPADA: É a comprendida dentro dos límites definidos pola proxección vertical sobre un plano horizontal das liñas externas de toda construción (excluídos os voos dos aleiros na liña de cornixa).

SUPERFICIE TOTAL EDIFICADA: É a resultante da suma das superficies edificadas de tódalas plantas.

SUPERFICIE ÚTIL: Enténdese por superficie útil dun local a comprendida no interior dos seus paramentos verticais e que é de directa utilización para o uso a que se destine. É superficie útil dunha planta ou do edificio a suma das superficies útiles dos locais que o integran. A medición da superficie útil farase sempre a cara interior de paramentos terminados.

CUARTEIRÓN OU MANZANA: Entenderase por cuarteirón ou manzana a porción de solo que contén unha agrupación de varias parcelas xuntas, unhas coas outras, cando o dito conxunto quede completamente delimitado por espazos de dominio público (vías, prazas, espazos libres, etc.).

VIVENDA: Espazo pechado, destinado a aloxamento habitual de persoas, para o desenvolvemento das funcións humanas elementais, en condicións de funcionalidade, seguridade, e habitabilidade axeitadas. As definicións dos espazos e elementos das vivendas serán as recollidas nas NHV.

VIVENDA EXTERIOR: Será aquela que cumpra coas determinacións establecidas polo presente PXOM relativas ás condicións dos espazos exteriores a que poderán abrirse ocos de ventilación e iluminación das estancias e a cociña da vivenda.

ESPAZO LIBRE EXTERIOR DE CALIDADE: Un espazo libre exterior de calidade, xa sexa público ou privado, será aquel determinado polo planeamento que estará deseñado seguindo criterios de calidade ambiental e sustentabilidade e dotado de servizos e equipamento acordes co uso que se desenvolva nas edificacións as cales sirva.

PORTAL: É o local que se desenrola entre a porta de entrada do edificio e as escaleiras e ascensores, se os houbese.

EDIFICIO EXENTO: É aquel que está illado e separado totalmente doutras construcións por espazos libres de edificación.

EDIFICIO EXCLUSIVO: É o que cumpre coa condición de que en tódolos seus locais se desenvolvan actividades comprendidas no mesmo uso.

PREEXISTENCIAS: Baixo este común denominador agrúpanse todos aqueles elementos ou grupos de elementos do medio físico, tanto naturais como artificios do home, tanto orgánicos como inorgánicos, que son determinantes para a configuración formal, funcional e estrutural do territorio. Veñen ser, no seu conxunto, o que se deu en chamar paisaxe histórica, constituíndo o legado histórico-cultural máis vivo e concreto do que se dispón sobre do pasado e pedra angular do porvir.

ESPAZOS DE DOMINIO PÚBLICO LIBRE DE EDIFICACIÓN: Son aqueles que se coutan -agás excepcións- ao feito edificatorio. Divídense en dous grandes tipos: a) SISTEMA VIARIO. É o que se destina ao tráfico e transporte de persoas e mercadorías, tanto para uso de vehículos automóbiles como para o tránsito de peóns. As vías poden ser de dominio público ou privado (se así o determina o planeamento expresamente). b) ESPAZOS LIBRES E ZONAS VERDES. Son os que se destinan a parques públicos, xardíns, zonas verdes, no seu caso, as áreas peonís, prazas, zonas asoportaladas para o lecer, repouso e/ou espallamento da poboación. Tamén terán esta consideración as plantas baixas libres dos edificios, sempre que se destinen a zona de espallamento de xogo de nenos ou semellante e non se poidan ocupar por vehículos en ningún momento; os espazos poderán ser de dominio público ou de dominio privado. As condicións para as edificacións que se poidan acometer nestes espazos fixaranse na correspondente ordenanza.

Plan Xeral de Ordenación Municipal de Salceda de Caselas Normativa Urbanística 66 Documento para Aprobación Inicial

ACCESIBILIDADE: É o grao de utilización e deleite de maneira autónoma que deben ter as persoas con independencia da súa condición física, psíquica ou sensorial, que determinan as características do deseño dos espazos urbanos, as edificacións dos medios de transporte e sistemas de comunicación. BARREIRAS: Son os impedimentos de calquera caste que contan a accesibilidade, a liberdade de movementos, a estancia, a circulación e a comunicación sensorial das persoas con mobilidade reducida ou calquera outra limitación.

Art. 102. Aplicación das condicións contidas nas NHV para os edificios

Complementariamente a respecto do que se indicaba no Art. 60 a respecto da vivenda, nos seguintes apartados iranse desenvolvendo as condicións aplicables agrupadas en función do esquema básico alí recollido, pero neste caso para o edificio.

CONDICIÓNS DO EDIFICIO EN RELACIÓN AS NHV.

1. Condicións do edificio en relación co espazo exterior.

Mantéñense con carácter xeral as establecidas nas NHV, coas particularidades que se establecen na presente normativa a respecto dos voos e outros elementos exteriores das edificacións.

2. Condicións dos espazos comúns.

1. Mantéñense con carácter xeral as establecidas nas NHV, coas particularidades que se establecen na presente normativa a respecto dalgúns dos elementos dos espazos comúns e as que se citan nos puntos seguintes .

2. As escaleiras de uso público do edificio cumprirán ademais das establecidas nas NHV, as condicións seguintes:

a) En escaleiras de interior dunha vivenda unifamiliar ou dúplex, enténdese por dúplex unha vivenda que dentro dun edificio de vivenda multifamiliar se desenvolve ocupando total ou parcialmente máis de unha planta comunicadas entre si, poderán ter menores anchos, maiores pendentes e mesetas partidas ou compensadas. En tódolos demais casos prohíbense expresamente as mesetas en ángulo partidas ou compensadas, cando sexan de tramos rectos.

b) Cumprirán en todo caso as condicións do CTE e as restantes condicións xerais das escaleiras recollidas no PXOM que non contradigan as específicas deste uso.

3. Os ascensores cumprirán as condicións establecidas nas NHV, e as do Art. 165 que non as contradigan.

4. Cumprirase en todo caso a regulación establecida por razóns de protección de incendios polo CTE.

3. Condicións dos patios interiores e rochos.

Mantéñense as establecidas nas NHV.

4. Condicións dos garaxes colectivos.

1. Toda edificación de nova planta, destinada exclusiva ou parcialmente ao uso residencial, deberá contar polo menos co número mínimo de prazas de aparcadoiro que indiquen as condicións particulares de ordenanza ou ámbito establecidas na presente normativa que sexan de aplicación.

2. Os garaxes-aparcadoiros deberán cumprir as condicións do TÍTULO II.Capítulo II.Sección 3ª.Subsección 6º e no Art. 166 destas Normas que non contradigan o establecido nas NHV.

3. Naqueles supostos nos que nunha parcela ou finca se atopasen restos arqueolóxicos que houbese que conservar, a disposición do garaxe aparcadoiro deberá adaptarse para garantir a súa conservación.

4. Os garaxes colectivos adaptaranse ás condicións establecidas nas NHV, salvo que por razón de conflitos con outras lexislacións ou ámbitos de protección (como o sinalado no punto anterior), ou polo establecido nas condicións particulares de ordenanza ou ámbito, fose imposible acadar esas condicións.

Plan Xeral de Ordenación Municipal de Salceda de Caselas Normativa Urbanística 67 Documento para Aprobación Inicial

5. Condicións de servizos e instalacións dos edificios.

1. As instalacións dos edificios (saneamento, augas pluviais e residuais, auga corrente fría e quente, enerxía eléctrica, calefacción, aire acondicionado, evacuación de fumes e gases, ventilación, gas, teléfono, telecomunicación, rede de interfonía co portal do edificio, instalación de paneis solares -se é o caso, segundo o DB-HE 4 do CTE.-, antenas de comunicacións, etc) deberán cumprir as condicións establecidas nos regulamentos correspondentes vixentes en cada materia e na regulación xeral da edificación, en función dos usos a desenvolver nela.

2. Ademais deberanse cumprir as condicións particulares establecidas en cada materia na presente normativa, principalmente nos distintos puntos do TÍTULO II., Capítulo III., Sección 8ª.

3. En todo caso deberanse cumprir as condicións das NHV.

Sección 2ª. Condicións das parcelas

Art. 103. Definición

Son as condicións que debe cumprir unha parcela para poder ser edificable. Enténdese por parcela a superficie real de terreo deslindada como unidade predial independente.

Art. 104. Aplicación

Son de aplicación nas obras de nova edificación recollidas no Art. 24 da presente Normativa Urbanística, agás nas de reconstrución e regúlanse na Ordenanza zonal de aplicación ou nas figuras de planeamento incorporado ou de desenvolvemento do Plan Xeral.

Art. 105. Definicións básicas da parcela

Superficie bruta da parcela é a dimensión superficial, en proxección sobre plano horizontal, da área comprendida dentro dos lindeiros dunha parcela. Parcela mínima é a superficie que dende a presente Normativa Urbanística (na Ordenanza zonal) ou na particular do planeamento de desenvolvemento se defina como mínima para ser edificable. No caso de que non se indique outra cousa na ordenanza aplicable a esixencia de parcela mínima entenderase referida a parcela bruta. Do mesmo xeito, no caso de que non se indique outra cousa na ordenanza aplicable a esixencia de parcela mínima entenderase referida aos efectos da reparcelación ou subdivisión de parcelas, por tanto poderase admitir a edificación en parcelas iniciais inferiores a esa superficie nas condicións particulares que poida establecer cada ordenanza. Enténdese por parcela edificable a delimitada polas aliñacións oficiais co espazo público ou con outras zonas de ordenación, quedando incluída dentro da delimitación dalgunha das zonas de ordenanza e que cumpre coas condicións urbanísticas fixadas polo planeamento urbanístico que conteña a ordenación detallada desta zona.

Art. 106. Delimitación e identificación das parcelas

As parcelas delimitaranse e identificaranse mediante os seus lindeiros e a súa superficie. Os soares, ademais, mediante o nome da rúa á que dean fronte e o seu número de policía dentro delas, que estarán reflectidos no plano parcelario municipal, ou nos planos dos proxectos de reparcelamento, parcelamento ou compensación que se aproben e, no seu defecto, nos planos catastrais.

Art. 107. Lindeiros

1. Son as liñas perimetrais que delimitan unha parcela e a distinguen das súas lindeiras. A súa dimensión medirase en proxección sobre plano horizontal. 2. É lindeiro frontal o que delimita a parcela coa vía ou espazo público ao que dea fronte, podendo ser a dúas rúas, se se trata dunha parcela de esquina. Este lindeiro correspóndese coa Fronte de parcela que se establece como condición, en diversas zonas de Ordenanza.

Plan Xeral de Ordenación Municipal de Salceda de Caselas Normativa Urbanística 68 Documento para Aprobación Inicial

3. En parcelas cun único lindeiro frontal, entenderase como testeiro, ou lindeiro de fondo, o oposto ao frontal e o resto serán lindeiros laterais. En parcelas con máis dun lindeiro frontal, serán lindeiros laterais os restantes.

Art. 108. Aliñación oficial, exterior ou pública

1. É a liña sinalada polo planeamento para establecer o límite que separa os solos destinados a vía pública ou espazos libres públicos. 2. Nas parcelas xa edificadas e en ausencia doutra definición de aliñación exterior, considerarase como tal a liña marcada pola intersección do peche da parcela ou da fachada do edificio, no seu caso, co terreo, con independencia da regulación de chafráns. 3. As aliñacións adquirirán o carácter de oficiais á aprobación definitiva do Plan Xeral ou dos documentos que os desenvolvan. As sinaladas neste Plan Xeral, poden atoparse, ben nos planos de ordenación, ben no presente documento.

Art. 109. Chafráns

É o truncado da intersección de dúas aliñacións oficiais en fachada. Terá o carácter de aliñación oficial de fachada e virá definido por unha corda cunha lonxitude de ata 3,00 m (perpendicular á bisectriz do ángulo que conforman ámbalas dúas aliñacións de fachada). Será obrigatoria esta disposición sempre que se produza unha intersección de rúas ou aliñacións que formen un ángulo igual ou inferior a 120º, aínda cando non estea expresamente grafitado nos planos de ordenación, agás que afecte a edificacións existentes que se pretendan manter (nestes casos o chafrán adaptarase como máximo a liña de fachada da edificación) ou as sometidas a algún grao de protección patrimonial (nestes casos se o peche ou a parcela están protexidos non se variará a súa configuración, e se non é así, o chafrán adaptarase como máximo a liña de fachada da edificación).

Art. 110. Peches de parcela

Constitúen a materialización construtiva dos estremeiros dunha parcela, ben co espazo público ou ben con propiedades lindeiras, debéndose axustar a súa construción con carácter xeral ás determinacións dos puntos seguintes, e ademais, as que se deriven de cuestións estéticas (Art. 177) ou paisaxísticas (Art. 268), mais todas aquelas condicións especificas que pola clasificación de solo ou pola ordenanza especifica poidan ser de aplicación.

1. Cerramentos a fronte de parcela: 1.1. Deberán recuarse obrigatoriamente das vías públicas, calquera que sexa a súa condición, o que sinala a Ordenanza de aplicación, segundo o PXOM, ou, no seu caso, a lexislación sectorial aplicable. 1.2. A súa altura máxima limítase a 1,80 mts., sobre o terreo en contacto co cerramento ou muro, polo exterior, debendo construírse cunha zona inferior maciza, de altura media 0,90 mts., sen exceder, no punto máis desfavorable a altura de 1,20 mts. Os muros ou peches tradicionais poderán manter a súa dimensión, configuración e disposición construtiva orixinal e permitirase prolongar este tipo de peches coas mesmas condicións tipolóxicas para pechar tramos entre muros xa existentes. Esta zona inferior maciza, estará construída a base de materiais esteticamente dignos, cuxa composición, cor e textura respondan ao carácter da zona (sobre todo nas zonas tradicionais) e ao paisaxe circundante. Sobre este basamento macizo, poderán colocarse elementos diáfanos como peches vexetais, celosías lixeiras, reixas, balaustradas ou similares, ata completar a altura total establecida anteriormente de 1,80 mts. Con carácter excepcional, o Concello poderá establecer a obrigatoriedade de utilización de determinados materiais, naquelas zonas nas que, polo seu carácter histórico, monumental ou paisaxístico, sexa conveniente a utilización de solucións construtivas semellantes. 1.3. Non obstante o anterior, autorizarase a construción de portais nos cerramentos a vía pública para acceso de vehículos, coas seguintes condicións: a) A súa altura máxima limítase a 3,00 mts sobre a rasante oficial.

Plan Xeral de Ordenación Municipal de Salceda de Caselas Normativa Urbanística 69 Documento para Aprobación Inicial

b) A súa lonxitude máxima limítase a 5,00 mts de fronte, sempre que a lonxitude da fronte de parcela sexa igual ou superior a 12 mts., condición indispensable para a construción do portal. c) Utilizarase unha zona inferior maciza en alzado ata unha altura máxima de 2,10 mts. d) En ningún caso autorizarase máis dunha portada destas características por parcela. 1.4. No caso da existencia de desniveis entre a parcela e a rasante oficial, cuxa diferenza non poida ser absorbida pola zona inferior maciza do cerramento, distinguiranse dous supostos: a) Diferenza de cota igual ou menor de 1,50 mts. O cerramento debera resolverse con noiros axardinados, ben no exterior, recuando o devandito cerramento, ben ataudando cara ao interior, dende o cerramento, establecendo en ambos casos o Concello a solución máis conveniente en función do carácter da contorna, debéndose, no primeiro caso, axardinar o espazo de recuado, se así o dispón o Concello. b) Diferenza de cota superior a 1,50 mts. Neste suposto, con concorrencia de circunstancias especiais relativas á topografía orixinal e características xeolóxicas do terreo, poderá solicitarse excepcionalmente o peche de parcela mediante muro de contención, sendo en calquera caso competencia municipal a consideración das devanditas circunstancias xustificativas para a aprobación ou denegación da mesma, así como a fixación da altura máxima en cada caso, sempre que se cumpran ás limitacións recollidas no artigo Art. 113 para o grupo que corresponda en cada caso e as seguintes determinacións: - O terreo orixinal da parcela presentará un desnivel, respecto da rasante oficial, non inferior á altura do muro previsto, sen a existencia de recheos que alteren a cota orixinal. - A parte cega do muro de contención non será superior a 2,00 mts., sobre a rasante, debéndose rematar o muro mediante celosía balaustrada ou elementos semellantes, cunha altura máxima de 0.80 mts. - En calquera caso, a solución terá sempre como obxecto conter as terras existentes, rexeitándose toda solución que implique o aumento de nivel de terras da parcela sobre as cotas primitivas. 1.5. As árbores que poidan alcanzar un porte superior a 2,10 mts. de alto, non poderán plantarse a menos de 2,0 mts. de distancia da aliñación, sen prexuízo da separación que, noutro caso teñan que gardar para o cumprimento doutro tipo de afeccións por estradas ou enclaves protexidos. 1.6. En ningún caso, o cerramento, a vexetación nin os accesos ás propiedades interromperán ou modificarán as enxurradas das cunetas ou marxes dos camiños ou estradas, establecéndose a obrigatoriedade de colocar nos puntos de paso, con lonxitude non superior a 6,00 mts por acceso, a obra de drenaxe das dimensións que correspondan en función da conca vertente, ou a cubrición da cuneta existente cunha reixa de sumidoiro, nunha lonxitude máxima de 8,00 mts.

2. Cerramentos a lindeiros 2.1. En tanto non exista unha construción, o cerramento debera construírse de acordo coas características indicadas no apartado 1 anterior, cunha altura máxima de 1.80 mts. admitíndose, na parte diáfana do cerramento, postes ou aramado de malla metálica plastificada. Excepcionalmente permitiranse cegos cando exista un acordo entre lindeiros. 2.2. No caso de que exista unha diferenza de cota entre parcelas lindeiras, o cerramento correspondente á parcela situada a cota inferior, non poderá remontar con materiais opacos a rasante natural da parcela superior do colindante nunha altura superior a 1.20 mts., podendo completar con elementos diáfanos, ata unha altura total de 1,80 mts. sobre a rasante superior. En ningún caso autorizarase a construción dos cerramentos entre parcelas lindeiras, que tendo rasantes a diferente cota, comporte muros ou cerramentos cuxa superficie opaca, medida dende a rasante inferior supere unha altura de 3,00 mts., debendo en casos de maior desnivel, utilizarse a solución de noiros interiores, para diminuír a altura dos cerramentos resultantes, á altura máxima establecida anteriormente. 2.3. Cando na formación do cerramento co lindeiro sexan plantadas árbores ou arbustos de certo porte, deberán cumprirse as condicións de medianía sinalados no artigo 593 do Código Civil, ou recuarse na forma sinalada no devandito código.

Plan Xeral de Ordenación Municipal de Salceda de Caselas Normativa Urbanística 70 Documento para Aprobación Inicial

3. Condicións especificas dependentes da clasificación de solo 3.1. Nos núcleos urbanos e rurais ou no solo urbanizable xa desenvolvido, cando por aplicación da ordenanza correspondente ou por autorización expresa a fachada da edificación estea recuada ou poida existir cerramento independente, este terá as mesmas características e limitacións que os cerramentos xerais definidos na fronte das parcelas (salvo limitacións concretas na ordenanza aplicable). Nestes casos, cando sobre a parcela exista unha construción, ou ben se teña solicitado e obtido unha licenza de construción sobre dita parcela, os lindeiros poderán delimitarse con cerramentos opacos, correctamente acabados e respectando a contorna, cunha altura máxima, medida dende a rasante interior perimetral da parcela, de 1,80 mts. 3.2. Nos núcleos urbanos ou no solo urbanizable xa desenvolvido, se ao rematarse unha obra, os locais resultantes en planta baixa que se sitúen sobre a propia aliñación da rúa, quedaran sen fachada definitiva, será obrigatorio construír un cerramento provisional de albanelería, co paramento exterior enfuscado e pintado, e totalmente opaco dende unha altura mínima de 2,10 mts., sobre a correspondente rasante, podendo remeterse a partir desa cota con celosía ou elemento similar decorativo. As portas de acceso, serán metálicas e correctamente pintadas. 3.3. No solo rústico, segundo o establecido no art. 42 da LOUG, os cerramentos e valados serán preferentemente vexetais, sen que os realizados con material opaco de fábrica excedan a altura de 1 metro, agás en parcelas edificadas, onde poderán acadar 1,50 metros. En todo caso, deben realizarse con materiais tradicionais do medio rural no que se localicen, e non se permitirá o emprego de bloques de formigón ou outros materiais de fábrica, agás que sexan debidamente revestidos e pintados.

4. Condicións particulares para os peches ou muros tradicionais existentes. 4.1. Tal e como se recolle en diversos apartados da presente normativa estes peches conforman as preexistencias e a paisaxe perceptiva dos espazos nos que están situados (entre outras limitacións como as que sinala o artigo 28 da LOUG), por tanto e con carácter xeral prohíbese o derrubamento, de maneira inxustificada, de muros tradicionais dos rueiros ou corredoiras, pero se regularan con máis detalle neste apartado as actuacións nestes elementos, e ademais deberanse ter en conta as posibles condicións particulares suplementarias que ao respecto se recollan na ordenanza aplicable.

4.2. O Concello establecerá mediante un estudo ou ordenanza cales son as tipoloxías de peches ou muros que se poidan definir como muros tradicionais. En ausencia deste estudo consideraranse como tradicionais aqueles realizados coas técnicas tradicionais recoñecibles na zona nos que non se poida determinar a súa data de construción ou que esta se estime como superior a 50 anos.

4.3. Aos efectos de clasificar as posibles actuacións nestes peches utilizaranse dous parámetros básicos: o carácter do peche e o carácter da actuación a realizar, que en ambos casos poderanse identificar como illados ou conxuntos e que se definen e recollen na seguinte táboa:

Grupo Tipo Definición Peche Illado Cando non existen outros deste tipo nas parcelas contiguas tradicional Conxunto Cando están en continuidade os deste tipo de varias parcelas Actuación Illada Cando afecta ao peche unha soa parcela Conxunta Cando afecta aos peches de varias parcelas ou a un tramo do viario

4.4. Aos efectos de regular as actuacións nestes peches (agás que estean catalogados ou protexidos especificamente ou formando parte dun conxunto, pois nestes casos deberán conservarse), e a tal efecto establécense as seguintes condicións máis pormenorizadas de actuación ante casuísticas determinadas:

Plan Xeral de Ordenación Municipal de Salceda de Caselas Normativa Urbanística 71 Documento para Aprobación Inicial

Tipo de actuación Illada Conxunta Tipo de peche tradicional

Neste caso os técnicos municipais Neste caso o proxecto que defina a decidirán sobre a necesidade ou non de actuación xustificará discrecionalmente conservar o muro ou o seu traslado, en a conservación, eliminación ou función da súa entidade e os posibles desprazamento de cada un dos peches efectos desta decisión no viario ou na tradicionais illados afectados (en contorna. función do seu valor unitario, a súa Illado continuidade cos peches lindeiros e a posible afección a funcionalidade do espazo circundante), analizando os efectos e consecuencias globais destas decisións na funcionalidade do viario ou na contorna. Neste caso a opción básica será a de Neste caso a opción básica será a de conservar o citado conxunto, pero conservar o citado conxunto, pero mediante un estudo xustificado poderase mediante o proxecto que recolla a eliminar ou desprazar o peche afectado, actuación poderase xustificar analizando os efectos e consecuencias discrecionalmente a conservación, desa decisión no viario ou na contorna. eliminación ou desprazamento de cada Conxunto un dos peches afectados (en función do seu valor unitario e a súa afección a funcionalidade do espazo circundante), analizando os efectos e consecuencias destas decisións na funcionalidade do viario ou na contorna.

Art. 111. Soar

1. De acordo co artigo 16 da LOUG, teñen a consideración de soar aquelas parcelas superficies de solo urbano legalmente divididas e aptas para a edificación que en todo caso reúnan os seguintes requisitos: − Que estean dotadas de acceso por vía rodada pública pavimentada e servizos urbanos de abastecemento de auga, evacuación de augas residuais, subministración de enerxía eléctrica, e alumeado público, en condicións de caudal e potencia acaídas adecuadas para os usos permitidos. − Que teñan sinaladas aliñacións e rasantes, e de existir planeamento estar urbanizadas de acordo coas normas técnicas deste. − Nos supostos de que o presente Plan Xeral requira, para a súa execución, da aprobación dun instrumento de planeamento diferido que afecte á parcela, estarase en todo caso con carácter xeral, aos requisitos de urbanización sinalados anteriormente, así como aos que adicionalmente se establezan no devandito instrumento de planeamento. 4. Por outra banda, poderán adquirir a condición de soar aquelas fincas en solo urbano consolidado que dean fronte a un viario que non estea plenamente urbanizado se, de acordo co establecido nos artigos 17 e 19 da LOUG, o propietario completa pola súa conta a urbanización necesaria mediante a correspondente licenza de obras ordinarias.

Art. 112. Parcelas inedificables.

1. Considerarase non edificable a parcela que non reúna as condicións establecidas en cada zona de Ordenanza, ou que no seu interior non se poidan realizar edificacións que poidan cumprir os mínimos de dimensión, dotación de aparcadoiro, agás as excepcións que poidan regularse nalgunha zona de Ordenanza.

Plan Xeral de Ordenación Municipal de Salceda de Caselas Normativa Urbanística 72 Documento para Aprobación Inicial

2. Ademais das indicadas no parágrafo anterior, consideraranse inedificables por condicións obxectivas as porcións excedentes da aliñación oficial, tanto da fachada principal, como, se a houbese, do patio de cuarteirón ou outra aliñación posterior obrigatoria. 3. No caso de ordenanzas intensivas nas que se establecen gráfica ou textualmente fondos obrigados a partir da aliñación da rúa, considéranse parcelas inedificables, pero que poderían cambiar de condición se se producise unha readaptación entre propiedades, as seguintes: o As parcelas que se atopen na súa totalidade dentro dun perímetro definido pola aliñación de fachada e unha paralela á mesma, a unha distancia igual a ou menor de seis (6) metros.

o Aquelas que teñan unha anchura e/ou superficie inferior á mínima admitida pola Ordenanza correspondente.

o As parcelas ou partes de parcelas interiores que non teñan acceso desde o exterior (viario ou espazo público) e que estivesen situadas total ou parcialmente dentro da aliñación interior do fondo máximo edificable definido para as plantas altas polo planeamento.

o Cando en tipoloxías de edificación pechada a parcela a edificar non conta coa propiedade da franxa de dous metros paralela á aliñación do fondo máximo definido para as plantas altas polo planeamento, para non ser considerada como inedificable, deberá cumprir as condicións sinaladas para o fondo mínimo da parcela na ordenanza correspondente, aos efectos de que non resulten novas medianeiras ou fachadas cegas.

o As que, no caso de edificarse, consolidasen a condición de inedificabilidade das parcelas lindeiras interiores descritas no apartado anterior (pero só para aquelas lindeiras que non estivesen xa edificadas). Cando a parcela a edificar non conta coa propiedade da franxa de tres metros paralela á aliñación do fondo máximo definido para as plantas altas polo planeamento, para non ser considerada como inedificable, deberá adquirir cando menos esa franxa, ou ben definir un menor fondo edificable paralelo ao que establecía o planeamento (ou sen estas limitacións mediante un Estudo de Detalle) que non xere novas medianeiras ou fachadas cegas e se sitúe, como mínimo, a tres metros dos lindeiros posteriores en tódolos puntos desa nova aliñación para tratala como fachada en toda a súa lonxitude.

4. No caso de ordenanzas extensivas ou sen fondos edificatorios obrigados, considéranse parcelas inedificables, pero que poderían cambiar de condición se se producise unha readaptación entre propiedades, as seguintes:

− As parcelas que teñan unha anchura e/ou superficie inferior á mínima admitida, ou unhas condicións de forma ou fondo que non permitan a materialización dunha edificación nas condicións que establece a ordenanza correspondente. − As parcelas ou partes de parcelas interiores que non teñan acceso desde o exterior (viario ou espazo público). 5. Nos casos citados nos puntos 3 ou 4 anteriores, os propietarios dunhas ou outras parcelas, ademais das posibles solucións que concretamente se citen, deberán readaptar os seus límites, ou establecer un reparto de aproveitamento coas parcelas lindeiras, ben por acordo entre propietarios ou ben instando ó Concello a que aplique as condicións de adaptación e regularización das parcelas ou a delimitar unha zona de normalización de fincas nos termos recollidos no Artigo 122 da LOUG.

6. O Concello denegará, agás cando as parcelas contiguas estivesen xa edificadas e non fose probable o seu derrubamento a curto prazo, as licenzas de construción que se presenten en parcelas nas que se dean as condicións dos puntos 3 ou 4 anteriores, e ademais:

a) Cando entre os lindes laterais dun soar e unha aliñación se formen ángulos <35º se, previamente, os propietarios limítrofes non procederon á regularización dos seus soares, ou delimitando unha zona de normalización de fincas ó abeiro do Artigo 122 da LOUG.

Plan Xeral de Ordenación Municipal de Salceda de Caselas Normativa Urbanística 73 Documento para Aprobación Inicial

Art. 113. Condicións específicas para os movementos de terras nas parcelas.

O presente artigo será de aplicación en todos os movementos de terra que se realicen no termo municipal coa soa excepción dos casos singulares que se recollen no seguinte parágrafo. Exceptúanse da aplicación das condicións que se establecen no presente artigo aquelas obras que se poidan realizar nalgunha das seguintes situacións excepcionais, nas que se deberán redactar estudos de impacto específicos que xustifiquen a integración das actuacións pretendidas: - Canteiras ou explotacións mineiras que realicen as súas actividades nas condicións de legalidade esixibles.

- As obras que se realicen para a construción de infraestruturas viarias pertencentes ou englobables no sistema xeral de comunicacións do territorio municipal ou obras necesarias para garantir a seguridade no viario xa existente de sistemas xerais.

- As obras hidráulicas que se realicen para garantir a seguridade das canles e cursos de auga, encoros e outras semellantes.

- No solo urbanizable e nas áreas de reparto en solo urbano poderanse realizar sen limitación as obras necesarias para adaptar os terreos e o viario, segundo os proxectos de urbanización correspondentes para enlazar co viario e coa ordenación exterior ao ámbito.

- No caso das zonas do territorio de configuración topográfica natural moi acusada, poderanse tomar medidas excepcionais (que deberán ser ratificadas e aceptadas polo Concello) debidamente xustificadas e adaptadas ao caso concreto en calquera clase de solo, pero tentando achegarse o máis posible ás limitacións aquí establecidas con carácter xeral.

Establécense dous grupos básicos de condicións, en función da cualificación dos terreos, segundo a ordenación que establece o presentes P.X.O.M.

GRUPO 1 As condicións que se establecen no presente apartado serán aplicables nos movementos de terra que se pretendan realizar nas parcelas do solo rústico, no solo de núcleo rural, no solo urbanizable de usos non industriais (unha vez realizadas as obras de urbanización básica e viario) e na ordenanza de tipo extensivo en solo urbano: ordenanza 3 (sempre que non se establezan outras condicións máis limitativas nas ordenanzas correspondentes). As condicións ás que se terán que adaptar os movementos de terra son as seguintes: - Non se poderá alterar a topografía orixinal da parcela nunha franxa de 3 m. de ancho en todo o contorno exterior da mesma, a non ser para a construción de edificacións que se poidan apegar ás propiedades lindeiras, segundo a ordenanza correspondente de aplicación ou as obras necesarias para adaptarse á rasante da aliñación do viario de acceso ou as rasantes de parcelas contiguas que teñan variado o nivel do terreo con anterioridade á aprobación do presente P.X.O.M. No caso de que algunha zona desta franxa da parcela vaia a pasar a ser un espazo libre de uso público poderanse realizar as adaptacións necesarias para acondicionar o espazo público para o seu uso, pero tentando non realizar variacións da rasante do terreo orixinal superiores a 1 m. de altura.

- No resto da parcela non se poderán realizar movementos de terras que supoñan variación superior a 2 m. respecto da rasante orixinal do terreo, e non se poderán construír muros de contención de altura superior a 2 m.

GRUPO 2 As condicións do presente apartado serán aplicables aos movementos de terra que se pretendan realizar no solo dedicado a equipamentos ou espazos libres de uso público, nas ordenanzas de solo urbano non incluídas no grupo 1 anterior e nas parcelas resultantes no solo urbanizable de uso industrial. As condicións ás que terán que adaptar os movementos de terra no presente grupo son os seguintes: - Nunha franxa de 2 m. de ancho en todo o contorno exterior da parcela (a non ser para a construción de edificacións que se poidan apegar ás propiedades limítrofes, segundo a ordenanza correspondente de

Plan Xeral de Ordenación Municipal de Salceda de Caselas Normativa Urbanística 74 Documento para Aprobación Inicial

aplicación ou as obras necesarias para adaptarse á rasante da aliñación do viario de acceso ou ás rasantes de parcelas contiguas que teñan variado o nivel do terreo con anterioridade á aprobación do presente P.X.O.M.), non deberán realizarse movementos de terra con carácter xeral, pero en casos debidamente xustificados poderanse realizar cun límite de altura de 1,5 m. respecto da rasante orixinal do terreo.

- No resto da parcela non se poderán realizar movementos de terras que supoñan variación superior a 3 m. respecto da rasante orixinal do terreo, e non se poderán construír muros de contención de altura superior a 2 m.

Sección 3ª. Condicións de posición do edificio na parcela

Art. 114. Definición

Son as que determinan a situación das construcións dentro da parcela edificable, e defínense nas normas zonais ou nas ordenanzas particulares do planeamento que conteña a ordenación detallada. Poderán ser de carácter imperativo ou dispositivo, segundo correspondan a posicionamentos obrigados dende o Plan Xeral ou os devanditos planeamentos, ou a parámetros que limitan a posición da edificación na parcela.

Art. 115. Aplicación

As condicións que determinan a posición do edificio dentro das parcelas edificables serán esixibles tanto en obras de nova edificación (agás as de reconstrución), como naquelas outras que impliquen modificación dos parámetros de posición.

Art. 116. Referencias planimétricas da parcela

Serven para determinar a posición da proxección en plano horizontal do edificio. Empréganse as seguintes referencias: − Lindeiros: definidos no Art. 107. − Aliñación oficial, exterior ou pública: definida no Art. 108. − Aliñación interior ou privada: é a liña que sinala o planeamento para establecer a separación entre a parte de parcela susceptible de ser ocupada pola edificación e o espazo libre da parcela. − Aliñación virtual en plantas superiores: é a liña que sinala o planeamento para establecer a posición da fachada do edificio, en planta, por enriba da baixa.

Art. 117. Referencias altimétricas do terreo

1. Serven para determinar a cota ou nivel de implantación da edificación: − Rasante: é a liña que sinala o planeamento, como perfil lonxitudinal das vías ou espazos libres públicos, tomado a estes efectos, na aliñación. Nos viarios xa executados e en ausencia doutra determinación considerarase como rasante o perfil existente. − Cota natural do terreo: é a altitude relativa de cada punto do terreo, dunha ou varias parcelas, antes de executar a obra de edificación. − Cota de referencia: é a que se define no planeamento como orixe para a medición da altura do edificio,. Para o seu establecemento estarase ao disposto no presente artigo, nas Ordenanzas zonais ou nas particulares do planeamento diferido que conteña a ordenación detallada. 2. Cando a cota de orixe e referencia deba calcularse en espazos públicos ou terreos en desnivel, a edificación deberá gradarse, e a medición das alturas realizarase de forma independente en cada unha das plataformas que a compoñan, sen que a devandita gradación se traduza nun exceso de altura e, en ningún caso se incrementará o número de plantas ou o sólido capaz que se define no art. Art. 141. 3. En edificacións aliñadas, a altura e número de plantas non poderá superar a altura máxima permitida no punto máis desfavorable (AMP) que se define no art. Art. 144 da presente Normativa Urbanística, e medirase dende a cota de rasante da beirarrúa á que estea aliñada a edificación.

Plan Xeral de Ordenación Municipal de Salceda de Caselas Normativa Urbanística 75 Documento para Aprobación Inicial

4. En edificacións illadas a cota de referencia poderá establecerse dende unha superficie de planimetría teórica, plana ou alabeada, que estará definida: − Por fronte de parcela e lindeiros laterais. − Pola rasante natural. − Cando os lindeiros non permitan unha definición precisa, a superficie teórica poderá estudarse tomando como base viarios perimetrais do cuarteirón, ou os definidos polas rúas e o terreo natural . − En casos complexos, serán os técnicos municipais os que determinen a cota de referencia.

Art. 118. Referencias da edificación

Empregaranse como referencias da edificación as seguintes: − Peche: elemento construtivo situado sobre os lindeiros que delimitan unha parcela. − Fachadas: planos, usualmente verticais, situados por enriba do terreo e que separan o espazo edificado do non edificado, e que conteñen no seu interior todos os elementos construídos dos edificios, agás dos voos, saíntes e autorizados. − Liña de edificación: é o perímetro exterior da proxección sobre plano horizontal de todas as fachadas da edificación sobre rasante, excluídos voos e saíntes.

Art. 119. Posición da edificación ou peche respecto da aliñación oficial, exterior ou pública

1. Respecto da aliñación, a edificación e/ou peche poderá estar nalgunha destas situacións: − Aliñada: cando a liña de edificación da planta baixa e o peche son coincidentes coa aliñación oficial. − Fóra de aliñación: cando a liña de edificación da planta baixa ou o peche son exteriores á aliñación oficial, invadindo parte do viario ou espazo público. − Recuada: cando a liña de edificación da planta baixa ou o peche son paralelos e interiores á aliñación oficial. − Illada: cando a edificación se sitúe dentro da parcela en calquera posición, só regulada por recuados mínimos. 2. Agás os voos ou saíntes de fachada que expresamente se autoricen nesta Normativa Urbanística, ou nas ordenanzas particulares do planeamento que conteña a ordenación detallada, ningunha parte da edificación, sobre ou baixo rasante poderá quedar fóra de aliñación.

Art. 120. Separación a lindeiros

É a distancia entre cada punto da fachada ou do bordo máis exterior dos elementos ocupables da edificación (voos, escaleiras, soportais, etc.) do edificio e o lindeiro de referencia máis próximo, medida perpendicularmente respecto a un plano vertical apoiado sobre o devandito lindeiro. Os recuados mínimos establecidos en cada ordenanza non poderán ser ocupadas por ningún destes elementos citados do edificio.

Art. 121. Recuado

É o ancho da faixa de terreo comprendida entre a liña de edificación e a aliñación oficial ou outro elemento de referencia das vías ou espazos libres de uso público que fixe a norma zonal de aplicación, a ordenanza particular do planeamento correspondente ou o instrumento de desenvolvemento do Plan Xeral. Pode darse como valor obrigado ou como valor mínimo. O recuado medirase da mesma forma que a determinada para a separación a lindeiros.

Art. 122. Separación entre edificios

1. É a distancia que separa as fachadas de dous edificios situados dentro dunha mesma parcela. 2. Enténdese que un edificio cumpre unha distancia determinada a outro, cando a distancia entre calquera par de puntos situado nunha e outra edificación é igual ou superior á devandita dimensión.

Plan Xeral de Ordenación Municipal de Salceda de Caselas Normativa Urbanística 76 Documento para Aprobación Inicial

3. Cando o edificio teña corpos de edificación a distintas alturas, a anterior condición deberá cumprirse para cada un deles; neste caso as liñas de edificación entenderanse referidas ás fachadas dos correspondentes corpos de edificación enfrontados.

Art. 123. Fondo edificable

1. É a distancia entre unha superficie vertical situada na aliñación oficial e outra paralela á mesma situada no interior da parcela que define a máxima distancia admisible do paramento posterior da edificación. 2. Defínese para cada situación mais en calquera caso teranse en conta as seguintes regras: − A altura máxima medida dende a rasante natural do terreo no extremo posterior da planta baixa que rebase o fondo edificable, non será superior a 1,3 veces a altura da dita planta baixa medida no aliñamento. − O paramento posterior da edificación en planta baixa recibirá tratamento de fachada, e outro tanto terá que acontecer co resto da fachada posterior do edificio.

Art. 124. Área de movemento da edificación

É a que resulta de aplicar as condicións de posición do edificio dentro da parcela edificable e determina a zona desta que é susceptible de ser ocupada pola edificación.

Art. 125. Acaroado a lindeiros laterais

1. En Ordenanzas de zona, en ordenanzas particulares das áreas de planeamento de desenvolvemento, correspondentes á tipoloxía edificatoria de cuarteirón pechado, entre medianeiras ou en aliñación á rúa, a edificación pegarase aos lindeiros laterais nas condicións establecidas nas mesmas. 2. Naqueles casos que correspondan a outras tipoloxías edificatorias poderá pegarse aos lindeiros laterais nas condicións seguintes: − Cumprindo as condicións específicas que a tal efecto determine a ordenanza zonal ou a ordenanza particular do planeamento correspondente, ou do instrumento de desenvolvemento do Plan Xeral. − Pegándose aos lenzos medianeiros das edificacións pegadas existentes nas parcelas lindeiras, agás nos caso fóra de ordenación. − Pegándose aos lindeiros na forma que se estableza nun proxecto de edificación conxunto de edificación simultánea subscrito polos propietarios respectivos das parcelas lindeiras nas que se produce o arrimado. − Arrimándose aos lindeiros nas condicións que acorden os propietarios das parcelas lindeiras mediante descrición expresa da forma de arrimado que deberá inscribirse no rexistro da propiedade.

Sección 4ª. Condicións de ocupación da parcela pola edificación

Art. 126. Definición

Son as que definen a superficie de parcela que pode ser ocupada por edificación sobre ou baixo rasante e a que debe ficar libre de construcións.

Art. 127. Aplicación

1. As condicións que se sinalan para determinar a ocupación da parcela pola ocupación, son de aplicación en obras de nova edificación que supoñan novas ocupacións de solo. Son establecidas para cada parcela, segundo a normativa de uso á que se destine, da ordenanza zonal, ou da particular do planeamento incorporado, específico ou de desenvolvemento do Plan Xeral. 2. Para a súa aplicación utilizaranse os parámetros de referencia que se sinalan nos artigos seguintes.

Plan Xeral de Ordenación Municipal de Salceda de Caselas Normativa Urbanística 77 Documento para Aprobación Inicial

Art. 128. Superficie ocupable

1. Enténdese por superficie ocupable a superficie da parcela edificable definida no Art. 105 que é susceptible de ser ocupada pola edificación sobre ou baixo rasante. 2. A súa contía pode sinalarse: − Indirectamente: como conxunción de referencias de posición, sendo entón coincidente coa área de movemento. − Directamente: mediante a asignación dun coeficiente de ocupación. 3. Aos efectos das condicións de ocupación, distínguese a ocupación das plantas sobre rasante e das plantas baixo rasante.

Art. 129. Superficie ocupada

1. Sobre rasante: é a superficie comprendida dentro da liña de edificación. A ocupación será necesariamente inferior ou igual ao valor da superficie ocupable fixado na Ordenanza zonal, ou na ordenanza particular do planeamento incorporado, específico ou de desenvolvemento do Plan Xeral. 2. Baixo rasante: é a superficie en proxección, sobre plano horizontal, das plantas baixo rasantes admitidas pola Ordenanza zonal, ou a particular dos planeamentos que conteñan a ordenación detallada. Estes poderán regular a cesión de uso de superficie baixo rasante.

Art. 130. Coeficiente de ocupación

1. Enténdese por coeficiente de ocupación a relación entre a superficie ocupable e a superficie da parcela edificable. 2. O coeficiente de ocupación establécese como ocupación máxima, mesmo para a ocupación baixo rasante e os voos e corpos voados, agás os permitidos sobre aliñación oficial.

Art. 131. Superficie libre de parcela

É o resto da superficie da parcela edificable non ocupada pola edificación sobre e baixo rasante.

Sección 5ª. Condicións de edificabilidade

Art. 132. Definición

Son as que limitan a dimensión en superficie das edificacións construíbles nunha parcela.

Art. 133. Aplicación

1. As condicións que se sinalan para determinar a edificabilidade, son de aplicación para todas as obras de nova edificación e reestruturación en xeral. Establécense para cada parcela segundo a normativa de uso á que se destine, da ordenanza zonal, ou da particular do planeamento incorporado, específico ou de desenvolvemento do Plan Xeral. 2. Para a súa aplicación utilizaranse os parámetros de referencia que se sinalan a continuación.

Art. 134. Superficie computable por planta

1. Considérase superficie edificada computable en calquera planta, baixo ou sobre rasante, á proxección en plano horizontal da superficie comprendida dentro do perímetro exterior da parte cuberta de cada planta considerada, incluídos todos os corpos voados que cumpran a definición do artigo 46.6 a) da LOUG. As partes cubertas que están sen pechar por un dos seus lados computarán ao 100% da súa superficie total, as que están sen pechar por dous dos seus lados computarán ao 50%, e as que están sen pechar por tres dos seus lados non computarán. 2. Nas zonas que autoricen os espazos baixo cuberta, estes computarán dende unha altura libre de 1,50 m.

Plan Xeral de Ordenación Municipal de Salceda de Caselas Normativa Urbanística 78 Documento para Aprobación Inicial

Art. 135. Superficie total computable

1. É a suma das superficies edificadas de cada unha das plantas que compón o edificio, calculada coas determinacións do artigo anterior. 2. Para a comparación coa superficie edificable ou dereito edificatorio establecida no Art. 137, non se considerará a superficie computable por planta dos sotos.

Art. 136. Superficie útil

1. Enténdese por superficie útil dun local a delimitada polo seus paramentos verticais e que é de directa utilización para o uso ao que se destine. 2. É superficie útil dunha planta ou do edificio, a suma das superficies útiles dos locais que o integran. A medición da superficie útil farase sempre na cara interior dos paramentos terminados.

Art. 137. Superficie edificable ou dereito edificatorio

1. É o valor que sinala o planeamento para limitar a superficie edificada total, ou o dereito edificatorio, que pode construírse nunha parcela ou nunha área determinada e pode ser fixado no planeamento mediante: − A conxunción das determinacións de posición, superficie ocupable e número de plantas. − Un coeficiente de edificabilidade. − Unha cantidade concreta. 2. Se se deran situacións contraditorias entre o dereito edificatorio, establecido segundo calquera parámetro, e as condicións de edificación, será de aplicación a condición que atribúa menor dereito edificatorio ou menor edificabilidade.

Art. 138. Coeficiente de edificabilidade

1. O coeficiente de edificabilidade e a relación entre a superficie total edificable e a superficie en proxección sobre plano horizontal do terreo ou parcela. 2. Distínguense dúas formas de expresar a edificabilidade: − Edificabilidade bruta: Cando o coeficiente de edificabilidade vén expresado como razón entre a superficie total edificable e a superficie total dun terreo ou ámbito de ordenación. De non especificarse no texto, entenderase sempre a edificabilidade como bruta. − Edificabilidade neta: Cando o coeficiente de edificabilidade vén expresado como razón entre a superficie total edificable e a superficie da parcela edificable. 3. A determinación do coeficiente de edificabilidade enténdese como un valor máximo; se da conxunción deste parámetro con outros derivados das condicións de posición, ocupación, forma e volume resultase unha superficie total edificable menor, será este último o valor de aplicación.

Sección 6ª. Condicións de volume e forma dos edificios

Art. 139. Definición

Son as que determinan a organización dos volumes e a forma das construcións.

Art. 140. Aplicación

Son aplicables ás obras de nova edificación e as obras nos edificios que supoñan unha alteración das propias condicións reguladas na presente sección.

Plan Xeral de Ordenación Municipal de Salceda de Caselas Normativa Urbanística 79 Documento para Aprobación Inicial

Art. 141. Sólido capaz

1. É o volume resultante de aplicar a edificabilidade ou dereito edificatorio ás condicións e formas de edificación, definidas no planeamento ou Ordenanza de aplicación, dentro do cal queda inscrito a totalidade da edificación sobre rasante. 2. Teñen, así mesmo, a condición de sólido capaz o existente en edificacións que así estean reguladas nalgunhas zonas de ordenanza ou condicións de protección ou catalogación.

Art. 142. Altura do edificio

1. É a dimensión vertical dun edificio que sobresae dun plano horizontal situado na súa cota de orixe e referencia. 2. Para a súa medición utilizaranse as unidades métricas e o número de plantas do edificio, coa excepción daquelas zonas de ordenanza que de modo expreso prescinda dalgunha delas. 3. A súa medición realizarase a partir da referencia altimétrica do terreo ou parcela nos termos recollidos na sección segunda (cota de orixe e referencia) do presente capítulo.

Art. 143. Referencias altimétricas dos edificios

Son as que serven para determinar as distintas alturas nun edificio, tomadas en relación coa cota de orixe e referencia, segundo se establece na Sección 3ª do presente capítulo, e distínguense as seguintes: − Liña de cornixa: é a intersección da cara inferior do forxado que forma o teito da última planta autorizada (que se puidese incluír dentro da altura máxima) coa fachada do edificio. − Liña de cumieira: é a que fixa a liña de encontro entre os niveis superiores dos faldróns de cuberta e define a altura total do edificio.

Art. 144. Altura máxima

1. En función do concepto de altura de cornixa, fixarase para cada Ordenanza zonal a altura máxima sobre rasante (AMR) e virá expresada en número de plantas e/ou metros. Cando non se defina na ordenanza a referencia para a medición das alturas, será con carácter xeral a seguinte: - No caso de edificación aliñada aos viarios a referencia será a rasante do viario ao que dean fronte (cumprindo para terreos en pendente as condicións establecidas neste mesmo artigo). - No caso de edificación illada separada do viario a referencia será a rasante definitiva do terreo nas diferentes fachadas. 2. Cando os edificios vaian ser construídos en pendente establecerase a altura máxima no punto máis desfavorable, ou altura máxima permitida (AMP), que será a que non se poderá exceder en ningún dos puntos ou arestas da edificación (debendo graduarse a edificación en caso necesario para non superar ese límite), tanto da fachada exterior aliñada ao viario (mesmo para as edificadas en esquina a dous viarios) como nas situadas no interior da parcela (en edificación illada separada do viario aplicarase isto en todas as fachadas), en calquera caso tomaranse as referencias altimétricas definidas no Art. 117 da presente Normativa Urbanística. No caso de rúas de moita pendente ou con escaleiras, o graduado someterase a criterios dos técnicos municipais. 3. No suposto de cuarteiróns abertos ou pechados nun soar formando esquina, descomporase este polo menos en dous volumes (ou máis se se superan os desniveis indicados neste artigo), abarcando un deles, como máximo, o maior fondo edificable dos concorrentes, sen que a altura de cornixa poida superar como máximo en 0,50 m. a AMP (se a supera deberá graduarse ese volume de fondo edificable, segundo o indicado no punto 2).

Plan Xeral de Ordenación Municipal de Salceda de Caselas Normativa Urbanística 80 Documento para Aprobación Inicial

AMR AMP AMR-AMP AMP AMR AMR-AMP

Art. 145. Altura en unidades métricas

É a altura do edificio medida en unidades métricas dende a cota de orixe e referencia ata a referencia altimétrica da liña de cornixa. Así mesmo onde se estableza a altura total ou de cumieira, expresarase en unidades métricas.

Art. 146. Altura en número de plantas

Corresponde ao número de plantas por enriba da cota de orixe e referencia, incluída a planta baixa.

Art. 147. Construcións permitidas por riba da altura máxima

1. O aproveitamento baixo cuberta poderá dedicarse a usos complementarios da edificación como rochos ou a usos dos permitidos na planta inmediata inferior, sempre que a súa utilización estea vinculada á mesma, mediante escaleira interior. Soamente se autorizará unha planta deste tipo por edificio. 2. Agás condicións diferentes reguladas por ordenanzas particulares, as edificacións poderán culminarse con tellado, ático recuado ou azotea, permitíndose as seguintes instalacións: maquinaria de ascensores, calefacción, acondicionamento de aire, caixa de escaleiras, antenas e chemineas. Todas elas, agás antenas e chemineas, estarán inscritas dentro dun plano de 30º dende a cara superior do último forxado en liña de fachada e patios, non podendo exceder en altura máis de 3,60 m. sobre a máxima permitida en vivenda unifamiliar ou 4,00 m. en edificios colectivos ou doutros usos, ou a que se execute realmente se esta é inferior. 3. As cubertas inclinadas deberán inscribirse dentro das pendentes fixadas que serán: máxima de 35º e mínima de 15º sesaxesimais e admitiranse con carácter xeral as cubertas planas (agás que a ordenanza concreta o prohiba ou limite). As vertentes de cuberta serán rectas e continuas. Para a iluminación e aireación da planta baixo cuberta só se admitirán as ventás nos pinchos verticais da cuberta e as ventás practicables cenitais (que poderán combinarse no seu caso con elementos ou ventás verticais, sempre que para as vivendas se poidan cumprir as condicións das NHV nas pezas habitables) no plano do faldrón da cuberta, e no caso do uso residencial terán que cumprir as condicións das NHV. 4. Os áticos recuados (no que se alternarán a sucesión de planos horizontais e verticais) non sobresairán respecto a un plano de inclinación máxima de 45º sesaxesimais trazado dende a liña que forman a beira superior do forxado da última planta cos planos das fachadas, nin superarán a altura establecida no punto 2. 5. No caso de áticos ou azoteas os planos de fachada remataranse con antepeitos ou varandas sen exceder en máis de 1 m. a altura de cornixa.

Art. 148. Altura libre de piso

1. É a distancia vertical entre a cara superior do pavimento terminado dunha planta, e a cara inferior do forxado de teito, ou falso teito se houbese, da mesma planta.

Plan Xeral de Ordenación Municipal de Salceda de Caselas Normativa Urbanística 81 Documento para Aprobación Inicial

2. Como norma xeral, a altura libre de piso cumprira os seguintes limitacións: − A altura libre mínima entre a cara superior do pavimento e a cara inferior do forxado de teito no será menor de 2,70 m. − A altura mínima entre a cara superior do pavimento e o teito acabado non será menor de 2,60 m. 3. No caso de vivendas ou de edificios de vivendas, e polo tanto suxeitos á Clase Vivenda do Uso Residencial, estarase ao disposto nas NHV.

Art. 149. Plantas

É toda superficie acondicionada para desenvolver nela unha actividade. O Plan Xeral considera as seguintes tipos de plantas en funcións da súa posición no edificio: a) Planta soto: é a planta cuxa cara inferior do último forxado se atopa, na súa totalidade (a excepción da posible entrada de vehículos a garaxes, cun ancho non superior a 5 m.), por debaixo da cota da rasante da beirarrúa ou terreo en contacto coa edificación. b) Planta de semisoto: será aquela que teña parte da súa altura libre (cara inferior do forxado superior) por baixo da rasante do terreo en contacto coa edificación e que non exceda esta altura, en ningún punto, a diferenza entre a altura máxima sobre rasante (AMR) e a altura máxima no punto máis desfavorable (AMP) permitida para cada ordenanza. Se na ordenanza aplicable non se determina ese parámetro, o máximo permitido será de 1.50 m. Cando supere este máximo considerarase como planta e/ou edificabilidade computable nesa fronte de fachada. c) Planta Baixa: é a planta habitable inferior do edificio. A cara superior do forxado do chan atoparase con carácter xeral á mesma cota ou por enriba (coma máximo, a 1,50 metros) da rasante da beirarrúa ou terreo en contacto coa edificación. d) Planta de piso: é a que se sitúa entre dous forxados consecutivos, por enriba do que serve de teito á planta baixa e por baixo do último forxado da edificación. e) Planta baixo cuberta: é a parte da edificación existente entre o forxado que serve de teito á última planta de piso permitida dun edificio e a superficie de cuberta. f) Ático recuado: planta que se sitúa encima da cara superior do forxado da última planta permitida dun edificio, cuxa superficie edificada é inferior á mesma por situarse recuada da fachada principal da edificación. A superficie non ocupada pola edificación destinarase á azotea, que en ningún caso poderá ser obxecto de acristalamento. As súas fachadas estarán recuadas das fachadas exteriores do edificio un mínimo de 2,50 m. Se o seu uso é residencial deberá cumprir as condicións establecidas nas NHV.

Art. 150. Tipoloxías edificatorias

1. O Plan Xeral emprega as seguintes definicións de tipoloxías edificatorias: A. Edificación illada ou en bloque aberto: a que está exenta no interior dunha parcela, sen que ningún dos seu planos de fachada estea en contacto coas propiedades lindeiras B. Edificación en cuarteirón pechado ou entre medianeiras: a que ten dúas liñas de edificacións coincidentes cos lindeiros laterais. C. Edificación arrimada ou agrupada en fieira: é a variante de construción entre medianeiras cando a edificación se destina a uso residencial na Categoría 1ª de vivenda unifamiliar. En planeamento de desenvolvemento considérase compatible coa Categoría 2ª de vivenda multifamiliar. D. Edificación pareada: aquela na que as edificacións cumpren a condición de medianeiras nun único lindeiro, estando illada nos restantes. E. Edificación en parque ou polígono industrial: aquela organización urbana que posibilita a implantación de actividades produtivas avanzadas, ou de alta tecnoloxía. Nesta tipoloxía, o uso cualificado é o industrial en coexistencia co terciario de oficinas.

Plan Xeral de Ordenación Municipal de Salceda de Caselas Normativa Urbanística 82 Documento para Aprobación Inicial

F. Edificación en industria tradicional: aquelas actividades produtivas insertas en espazos urbanos cuxo conxunto non reúne as condicións características de parques ou polígonos industriais. O seu uso cualificado é o de industrial. G. En ordenacións que se definan nos planeamentos de desenvolvemento ou mediante estudo de detalle poderán conxugarse tipoloxías mixtas de maneira que nunha ordenación poidan coexistir edificacións que tapen medianeiras e teñan carácter de construción en cuarteirón pechado, con elementos ou corpos de edificación aberta, ou calquera outra conxunción ou “macla” que poida definirse. 2. As tipoloxías edificatorias definidas neste artigo son as que utiliza o Plan Xeral para a determinación das tipoloxías características dos ámbitos remitidos a planeamento de desenvolvemento.

Art. 151. Clases de edificios

Aos efectos da aplicación das regulacións xerais considéranse: − Edificio existente: terán esta consideración os edificios construídos, en construción ou pendentes de construír con licenza outorgada, de acordo a planeamentos anteriores ao presente Plan Xeral. − Edificio de nova edificación: os que xurdan ou se transformen como consecuencia de obras de nova edificación.

Art. 152. Saíntes ou voos sobre a aliñación exterior

1. Con carácter xeral, non se permitirá sobresaír da aliñación exterior definida nos Planos de Ordenación ou no planeamento que conteña a ordenación detallada en desenvolvemento do Plan Xeral. 2. Exceptúase do indicado no punto anterior aqueles elementos construtivos e/ou espaciais lixeiros que sirvan para mellorar a eficiencia enerxética da edificación, xa sexa por aforro enerxético ou como protección solar, debendo contar cun mínimo do 70% de superficie acristalada. Estes corpos voados cumprirán as seguintes condicións: − O saínte máximo dos corpos voados sobre a aliñación exterior será igual ou menor que 1/10 do ancho da vía a que dá fronte, cun voo máximo de 1,00 m. − A altura mínima dos corpos voados sobre a rasante do espazo exterior ou da beirarrúa será de 3,60 m. − Non se permitirán corpos voados sobre rúas de ancho menor que 5,00 m. 3. Admitiranse tamén saíntes puntuais sobre a vía pública tales como impostas, cornixas, recercados, baixantes ou calquera outro elemento ornamental na planta baixa da edificación cun máximo de 15 cm. ata 2,50 ml de altura dende a rasante da vía, e 25 cm. para alturas superiores. 4. Poderanse manter os saíntes ou voos das edificacións existentes, e sobre todo os tradicionais da edificación urbana ou rural, aínda que non cumpran as condicións anteriores.

Art. 153. Saíntes ou voos no interior da parcela edificable

1. Cando a Ordenanza zonal, ou particular do planeamento que incorpore ou desenvolva o Plan Xeral o autorice, poderán deseñarse corpos voados sobre a rasante da parcela edificable. Estes corpos voados cumprirán as seguintes condicións: − Corpos voados pechados: Terán que ser forzosamente de tipo galería ou miradoiro, e a tal fin deberán ter unha superficie acristalada maior do 70% da superficie da fachada voada, tanto no paramento frontal coma no lateral. O saínte máximo dos corpos voados pechados sobre as fachadas da edificación será igual ou menor que 1,00 m. Os corpos pechados disporán dunha cuberta independente da xeral do edificio. Os corpos pechados ficarán separados das fincas lindeiras nunha lonxitude nunca interior a 1,50 m. Nos corpos pechados non se autoriza sobresaír con outros voos abertos en ningún caso.

Plan Xeral de Ordenación Municipal de Salceda de Caselas Normativa Urbanística 83 Documento para Aprobación Inicial

Os corpos voados pechados computaran a efectos de edificabilidade no 100% da súa superficie. − Corpos voados abertos: Inclúense solucións tipo balcón, terraza ou similar. O saínte máximo dos corpos voados abertos sobre as fachadas da edificación será de igual ou menor que 1,00 m. Os corpos voados abertos ficarán separados das fincas lindeiras nunha lonxitude nunca interior a 1,50 m. Os corpos voados abertos computaran a efectos de edificabilidade no 50% da súa superficie. 2. O dimensionado dos corpos voados pechados deberá ter en conta o DB HE 1 do CTE. 3. Segundo o establecido na Sección 5ª do presente capítulo, os corpos voados aquí definidos computarán a efectos de edificabilidade.

Art. 154. Cornixas e beirados

O saínte máximo de cornixas e beirados en fachadas situadas sobre a aliñación exterior non excederá de 0,40 m, agás determinación contraria na Ordenanza zonal, ou particular do planeamento que incorpore ou desenvolva o Plan Xeral.

Art. 155. Recuamentos nas fachadas dos edificios

Cando a Ordenanza zonal, ou particular do planeamento que incorpore ou desenvolva o Plan Xeral, permita o deseño de recuamentos na fachada dos edificios, estes cumprirán as seguintes condicións: − Os recuamentos sobre as fachadas dos edificios deberán cumprir as condicións das NHV. − No caso de límite con outros edificios, os recuamentos ficarán separados unha distancia mínima de 2,00 m medida perpendicularmente dende o edificio lindeiro ata o inicio do recuamento. − O tratamento e acabado do paramentos dos recuamentos deberán ter unha calidade técnica e construtiva similar ao das fachadas dos edificios.

Sección 7ª. Condicións de calidade e hixiene dos edificios

Art. 156. Definición

1. Son as que se establecen para garantir o bo facer construtivo, a salubridade e hixiene na utilización dos locais polas persoas. 2. Considéranse complementarias da normativa que regula as esixencias básicas de calidade que deben cumprir os edificios ao abeiro da LOE e do CTE, e nomeadamente as NHV no caso de vivendas e edificios cuxo uso característico estea encadrado na Clase Vivenda do Uso Residencial.

Art. 157. Aplicación

As condicións de calidade e hixiene dos edificios son de aplicación nas obras de nova edificación, excepto as especiais e as de reestruturación xeral, así como o resto das obras nas que polo nivel de intervención, sexa posible a esixencia do seu cumprimento.

Subsección 1ª. Condicións de calidade

Art. 158. Calidade das construcións

As construcións procurarán solucións de proxecto da mellor estabilidade, durabilidade e resistencia, seguridade e economía de mantemento dos materiais empregados e da súa posta en obra.

Plan Xeral de Ordenación Municipal de Salceda de Caselas Normativa Urbanística 84 Documento para Aprobación Inicial

Subsección 2ª. Condicións hixiénicas nos locais

Art. 159. Definicións

Cómpre facer as seguintes distincións: − Peza ou estancia: defínese así a todo recinto independente situado nun edificio. A estes efectos, considerarase un recinto independente todo espazo delimitado por elementos de compartimentación de solo a teito e comunicado con outros espazos contiguos a través de ocos de paso. − Peza ou estancia habitable: é aquela que se dedica a unha permanencia continuada das persoas e, polo tanto, todas as que non sexan vestíbulos, corredores, aseos, despensas, roupeiros, rochos, depósitos e aparcadoiros. Toda peza ou estancia habitable disporá de luz e ventilación directas por medio de ocos que cumprirán o establecido nas NHV. − Local: enténdese por local ao conxunto de pezas contiguas destinadas ao desenvolvemento e exercicio dunha determinada actividade.

Art. 160. Peza exterior

Considerarase que unha peza é exterior cando dispoña, como mínimo, dun oco nunha fachada a: − Vía pública ou espazo libre público. − Espazo libre privado que cumpra coas condicións mínimas fixadas na presente Normativa Urbanística, que poderá ampliarse na Ordenanza zonal, ou a particular do planeamento que conteña a ordenación detallada. − Patio, de cuarteirón ou parcela, coas dimensións que a tal efecto se regulan na presente Normativa Urbanística.

Art. 161. Ventilación

1. A ventilación de pezas e locais poderá resolverse mediante algunha das seguintes solucións, sen prexuízo das limitacións que se establecen, para os distintos usos, e no seu caso, nas Ordenanzas zonais. − Ventilación natural directa: mediante ocos abertos ou practicables directamente ao exterior. − Ventilación natural conducida: mediante condutos ou elementos similares que, sen interposición de elementos mecánicos, comuniquen o local ou peza co exterior, producíndose a renovación de aire a través da diferenza de presión existente entre o interior e o exterior. − Ventilación forzada: mediante dispositivos mecánicos de impulsión ou extracción de aire. 2. Cumprirán, en todo caso co establecido nas NHV e a normativa que regula as esixencias básicas de calidade que deben cumprir os edificios ao abeiro da LOE e do CTE.

Subsección 3ª. Condicións hixiénicas nos edificios

Art. 162. Patio

1. Entenderase por patio todo espazo non edificado delimitado por fachadas dos edificios; tamén será considerado como tal calquera espazo non edificado, cuxo perímetro estea arrodeado por edificación nunha dimensión superior ás dúas terceiras partes (2/3) da súa lonxitude. 2. Atendendo á súa posición no edificio, defínense as seguintes clases: − Patio de parcela: a. Pechado: é aquel que está situado no interior da edificación, ou o que situado no seu perímetro exterior é susceptible de ser pechado por edificacións limítrofes. b. Aberto: é aquel que está situado nas fachadas exteriores da edificación. No caso de edificios cuxo uso característico sexa o residencial prohíbense expresamente, agás no caso de edificios situados en zonas de ordenanza que así o permitan e lles sexan de aplicación as NHV.

Plan Xeral de Ordenación Municipal de Salceda de Caselas Normativa Urbanística 85 Documento para Aprobación Inicial

− Patio de cuarteirón: É aquel que vén definido graficamente nos planos de ordenación do Plan Xeral ou no planeamento que conteña a ordenación detallada, ou vén definido polo respecto dos fondos máximos fixados polas ordenanzas particulares, para, xunto cos das parcelas limítrofes, formar un espazo libre. − Patio mancomunado: entenderanse como patios mancomunados os que se constitúan entre inmobles limítrofes coas dimensións establecidas nesta Normativa Urbanística, e as condicións seguintes: a. As superficies afectadas someteranse a un réxime de mancomunidade mediante a constitución dun dereito real de servidume entre ámbalas superficies ou unha soa delas, ou mediante a constitución de calquera xénero de comunidade de bens entre as mesmas, acreditándose mediante a súa inscrición previa no Rexistro da Propiedade, mesmo como condición de licenza. b. No momento da inscrición da declaración de obra nova de edificación, en todo caso, consignarase o réxime de mancomunidade aplicado para a súa inscrición no Rexistro, non podéndose cancelar senón mediante título civil suficiente unido á resolución administrativa que o autorice. A subsistencia dalgún dos edificios cuxo patio requiran este complemento para acadar as dimensións mínimas impedirá a referida cancelación. c. Poderán separarse os patios con muros de 2,00 m. de altura máxima, a contar dende o chan do patio máis baixo.

Art. 163. Dimensións dos patios de parcela

1. Os patios de parcela dimensionaranse en función das alturas máximas permitidas das dependencias que abran ocos aos mesmos, de acordo co establecido nas NHV, en calquera dos casos adaptados ao CTE. 2. Os patios respectarán as súas dimensións mínimas en toda a súa altura, sen que poidan reducirse con corpos voados ou saíntes.

Sección 8ª. Condicións das dotacións de servizo nos edificios

Art. 164. Definición e condicións xerais

1. Son dotacións de servizo dun edificio todas aquelas destinadas a prover ao mesmo das condicións acaídas para un bo funcionamento, conforme ao uso previsto. 2. Respecto das dotacións de servizo obrigatorias, estarase ao disposto nos documentos básicos do Código Técnico da Edificación CTE e das restantes esixencias básicas de calidade, que deben cumprir os edificios ao abeiro da LOE. 3. En calquera caso, tódolos edificios e locais disporán das dotacións de servizo obrigatorias pola lexislación aplicable. 4. As dotacións de servizo de evacuación de fumes, gases e pos, comunicacións e aparatos elevadores serán obrigatorias en edificios, usos e actividades nos que se cumpran as condicións sinaladas na lexislación aplicable ao respecto. 5. Ademais toda caste de instalacións que se realicen para servizo do edificio, vivenda ou local de traballo, faranse de xeito que se garantan, tanto para a veciñanza coma para os viandantes, a supresión de molestias, cheiros, fumes, vibracións, ruídos, etc., e ademais deberán construírse nas condicións que poidan permitir o aforro automático de recursos e cumprir coa lexislación vixente, sinalándose en concreto unha serie de condicións para as instalacións a construír nas fachadas ou no interior dos edificios. a) Non poderá saír á fachada nin a patios vivideiros ningún tipo de evacuación de fumes, que terán que conducirse obrigatoriamente por condutos apropiados, convenientemente illados, ata a cuberta do edificio, para ser evacuados a unha altura mínima de 0,80 m. por riba do cumio da cuberta. En caso de diferenza de altura entre edificacións lindeiras dentro da mesma ordenanza, considerarase dita altura por riba do cumio da edificación máis alta, agás que o edificio lindeiro supere a altura máxima permitida. b) En tódolos casos será necesario que as ventilacións e chemineas de garaxes e cuartos de caldeiras e instalacións sexan totalmente independentes das ventilacións forzadas para usos vivideiros.

Plan Xeral de Ordenación Municipal de Salceda de Caselas Normativa Urbanística 86 Documento para Aprobación Inicial

c) Ningunha instalación de refrixeración, acondicionamento de aire, bocas de depósitos de combustibles poderá sobresaír máis de trinta (30) centímetros do plano de fachada exterior, nin prexudicar a estética da mesma. d) As instalacións de aparellos de aire acondicionado, visibles dende a vía pública, requirirá un estudo do alzado do edificio, debéndose instalar obrigatoriamente na posición na que menos prexudiquen á estética da fachada. e) Os equipos de acondicionamento ou extracción de aire situados en aliñación exterior, non poderán ter saída á fachada a menos de tres (3) metros sobre o nivel da beirarrúa, e deberán dispor de canalizacións axeitadas para desaugue dos líquidos residuais cara o interior do edificio, non podéndose efectuar verteduras directas ao espazo público. f) Calquera conduto que se leve polos patios interiores da edificación non suporá unha mingua na superficie ou nas dimensións mínimas que lle correspondan, ou no seu caso sobredimensionarase o patio suficientemente para que isto non se chegue a producir. g) Deberase incorporar obrigatoriamente ao deseño do interior dos edificios a maior cantidade posible de sistemas estáticos básicos que poidan contribuír a reducir as necesidades de auga, tales como: cisternas con dobre botón para augas maiores e menores, instalación de atomizadores en todas as billas, que implican un aumento da presión, diminuíndo o caudal de auga necesario, a construción de depósitos e dispositivos que permitan o aproveitamento de augas pluviais ou grises e calquera outra medida que poida contribuír realmente ao dito aforro sen excesivos custos iniciais nin intervencións futuras dos usuarios. h) Procederase a realizar as revisións periódicas das conducións xerais de auga, aire ou gas dos edificios que sexan necesarias para detectar perdas, e os labores precisos de mantemento que eviten as fugas innecesarias. 6. Aos efectos da reserva de espazos nos edificios para o almacenado e a recollida de residuos, estarase ao disposto no DB-HS 2 “Recollida e evacuación de residuos” do CTE, en función, tanto do tipo de edificación como do tipo de recollida que leve a cabo o concello nas diferentes zonas do territorio. Independentemente do anterior, nas edificacións de vivenda colectiva situadas en solo urbano onde se pretenda xestionar comunitariamente o lixo, dotarase ao edificio dun cuarto que permitirá a colocación ordenada e funcional dos correspondentes contedores para depósito selectivo do lixo. No tratamento da parcela das vivendas unifamiliares illadas, deberá preverse un espazo para a reciclaxe dos residuos e os produtos orgánicos da vivenda, cunha superficie útil mínima de 4,00 m2. 7. Ademais, deberanse ter en conta todas as normas aplicables do CTE, así como o especificado nas NHV. 8. A continuación regúlanse algunhas dotacións de servizo obrigatorias de xeito pormenorizado.

Art. 165. Dotación de servizo de aparatos elevadores

1. Sen prexuízo de maiores restricións que poidan establecerse nas regulación de usos, deberán dispor de ascensor todos os edificios nos que sexa necesario salvar no seu interior unha diferenza de altura superior a 8,80 m entre cotas de piso, incluídas as plantas baixo rasante non dedicadas exclusivamente a instalacións. Da obriga anterior quedan excluídos os edificios destinados a vivenda unifamiliar e aqueles nos que se xustifique a improcedencia de instalar esta dotación de servizo. 2. A instalación de montacargas para o transporte de mercadorías, plataformas elevadoras, escaleiras mecánicas, cintas transportadoras ou tapices rodantes en rampla non cubrirá a necesidade de dispor de ascensor, agás en casos excepcionais de edificios destinados a usos industrial ou terciario, nas súas clases comercial ou oficinas, nos que se xustifique que o servizo de transporte vertical de persoas poderá realizarse mediante escaleiras mecánicas ou solucións similares. Estes sistemas deberán complementarse mediante ascensores ou ramplas móbiles para o desprazamento vertical de persoas con mobilidade reducida. 3. O número de ascensores a instalar e o tamaño dos mesmos determinaranse en función das necesidades do edificio. Todos serán de ascenso e descenso. O ascensor en planta baixa non estará a cota superior de 1,50 m

Plan Xeral de Ordenación Municipal de Salceda de Caselas Normativa Urbanística 87 Documento para Aprobación Inicial respecto da rasante da beirarrúa no ingreso do edificio. Esta distancia vertical salvarase mediante elementos que cumpran os preceptos da LASB e o Regulamento que a desenvolve, así como no seu caso o DAEP e a OAEP. 4. Cada desembarque de ascensor terá comunicación directa ou a través de zonas comúns de circulación coa escaleira. A estes efectos consideraranse zonas comúns de circulación os garaxes e os corredores de servizo a locais comunitarios, de instalacións, rochos ou arquivos.

Art. 166. Dotación de servizo de aparcadoiro

1. As edificacións disporán do espazo necesario para o estacionamento dos vehículos dos seus usuarios. Esta dotación contemplará a correspondente a espazos non edificados, destinados ao desenvolvemento dunha actividade. 2. A dotación de servizo de aparcadoiro determinarase en función do uso ao que se destinen os edificios, da súa superficie, da súa localización e, no seu caso, do número previsible de usuarios, de acordo cos criterios establecidos nesta Normativa Urbanística. Esta dotación contemplará a correspondente a espazos non edificados destinados ao desenvolvemento da actividade. 3. O seu réxime regúlase nas Normas Xerais de Uso (TÍTULO II., Capítulo II., Sección 3ª., Subsección 6º) da presente Normativa Urbanística.

Sección 9ª. Condicións de acceso e seguridade nos edificios

Art. 167. Definición

Son as condicións ás que haberán de someterse as edificacións a efectos de garantir unha acaída accesibilidade aos distintos locais e pezas que os compoñen, así como a previsión de danos persoais e materiais orixinados por incendios descargas atmosféricas ou caídas.

Art. 168. Ámbito de aplicación

1. As condicións que se sinalan no presente capítulo son de aplicación, coas excepcións contempladas na presente normativa urbanística, a todas as obras, agás as de consolidación e conservación ou aquelas que non incidan nas condicións de acceso e seguridade nos edificios. 2. Cumprirán, en todo caso co establecido na normativa que regula as esixencias básicas de calidade que deben cumprir os edificios ao abeiro da LOE.

Subsección 1ª. Condicións de acceso ás edificacións

Art. 169. Accesos ás edificacións

1. Toda edificación deberá estar sinalizada exteriormente para a súa identificación de forma que sexa visible de día e de noite. Os servizos municipais sinalarán os lugares nos que debe exhibirse o nome das rúas e deberán aprobar a forma de exhibir o número do edificio. 2. Os accesos ás edificacións deberán cumprir coa LASB, así como as demais disposicións municipais ou supramunicipais vixentes nesta materia, como no seu caso o DAEP e a OAEP.

Subsección 2ª. Condicións de seguridade e contra incendio nos edificios

Art. 170. Condicións de deseño do contorno dos edificios

Estarase ao disposto no documento básico DB-SI do CTE.

Plan Xeral de Ordenación Municipal de Salceda de Caselas Normativa Urbanística 88 Documento para Aprobación Inicial

Sección 10ª. Condicións de protección, integración, estéticas e tipolóxicas

Art. 171. Definición

Son as que se impoñen á edificación e demais actos de incidencia urbana, co propósito de obter os mellores resultados na imaxe das vilas e núcleos de poboación. Constitúen para as áreas urbanas as condicións de adaptación ao ambiente esixidas polo art. 104 da LOUG.

Art. 172. Aplicación

Son de aplicación a toda actuación suxeita a licenza municipal. O Concello poderá requirir á propiedade dos bens urbanos para que executen as accións necesarias para axustarse ás condicións estéticas que se sinalan nesta Normativa Urbanística. A regulación das condicións estéticas rexerase, aparte das presente condicións xerais, polas que se establecen nas Ordenanzas zonais, así como nas ordenanzas particulares do planeamento que inclúa a ordenación detallada.

Art. 173. Salvagarda da paisaxe urbana e territorial

A defensa da imaxe urbana e o fomento da súa valoración e mellora, tanto no que se refire aos edificios como ás áreas non edificadas, correspóndelle ao Concello, polo que calquera actuación que puidera afectar á percepción da paisaxe urbana e territorial deberá axustarse ao criterio que este manteña ao respecto. O Concello poderá denegar ou condicionar as actuacións que resulten antiestéticas, inconvenientes ou lesivas para a imaxe do territorio, no marco de aplicación das determinacións e da Normativa Urbanística do Plan Xeral. As novas construcións e as modificacións das existentes deberán ter en conta no seu deseño e composición as características dominantes do ambiente no que se sitúan e, no seu caso, poderá esixirse a achega das análises do impacto sobre o medio no que se localicen.

Art. 174. Protección dos ambientes urbanos

Toda actuación que afecte ao ambiente urbano deberá someterse ás condicións estéticas que se determinan na presente Normativa Urbanística, para cada unha das zonas onde se localice.

Art. 175. Condicións estéticas e tipolóxicas das edificacións

Con independencia da regulación doutros parámetros ou elementos construtivos das edificacións noutros artigos da presente normativa ou mesmo desta sección, recóllense no presente artigo as condicións básicas para os principais parámetros ou elementos das edificacións con incidencia estética ou tipolóxica. A regulación do presente apartado será de aplicación só nos núcleos rurais e no solo rústico (a non ser que se citen expresamente nalgúns apartados concretos outras situacións ou clases de solo).

1. Tipoloxías. As características tipolóxicas da edificación nos núcleos rurais e no solo rústico deberán ser congruentes coas tipoloxías rurais tradicionais do seu contorno no que se refire a volume, tratamento de fachadas, morfoloxía e tamaño dos ocos, cubertas, materiais, cores, formas construtivas, peches de parcela, etc., a fin de manter as condicións ambientais e a morfoloxía do contorno. A dimensión da edificación en planta establécese na ordenanza correspondente. Por regra xeral, e de cara a harmonizar coas tipoloxías dominantes en Salceda de Caselas, aconséllanse as plantas regulares, ben cadradas, ben rectangulares.

2. Altura máxima. Establécese para todas as clases de solo na ordenanza correspondente, ou nos planos de ordenación, expresada en número de plantas, sendo a súa conversión en metros a que figura na presente Normativa urbanística.

Plan Xeral de Ordenación Municipal de Salceda de Caselas Normativa Urbanística 89 Documento para Aprobación Inicial

3. Dimensións en planta. Para as edificacións a enclavar en zonas de Edificación Intensiva en solo urbano, reflíctense nas ordenanzas específicas e nos Planos de Ordenación. Para as vivendas unifamiliares en todas as clases de solo recoméndanse as plantas regulares, aconsellándose as formas rectangulares ou cadradas para o corpo principal.

4. Fachadas. Con carácter xeral para as fachadas en todas as clases de solo (ou para os casos concretos que se citen expresamente), serán de aplicación as seguintes condicións: 1. Cando a obra afecte á fachada e se atope contigua ou flanqueada por edificacións obxecto de protección individualizada adecuarase, a súa composición, ás preexistentes, harmonizando e integrando as liñas fixas de referencia da composición (cornixas, beirados, impostas, voos, recercados, ...) entre a nova edificación e as lindeiras. 2. As solucións de ritmos e proporcións entre ocos e macizos na composición das fachadas, deberán adecuarse en función das características tipolóxicas da edificación, do contorno, e as específicas das edificacións catalogadas, se a súa presenza e proximidade o impuxese. 3. As fachadas deben ser tratadas e deseñadas na súa totalidade, dende a rasante de beirarrúa ou espazo público ata a coroación, integrando o espazo destinado a locais comerciais en planta baixa e superiores, no seu caso. 4. As fachadas laterais e posteriores trataranse con condicións de composición e materiais coherentes aos da fachada principal. 5. Os panos definidos entre elementos de fachada en plantas baixas, con destino futuro para locais comerciais, deberán ser pechados en fábrica de ladrillo ou similar, en calquera dos casos cun acabado, como mínimo, enfuscado e pintado. 6. En edificios existentes, non cabe a autorización de instalación de capialzados exteriores para persianas ou toldos, agás que exista acordo do conxunto de propietarios do inmoble, para colocar idéntica solución nos ocos. 7. Todos os paramentos das edificacións (para o caso concreto das medianeiras e outros paramentos construídos sobre as lindes das parcelas establécense condicións concretas no Art. 179 e no presente artigo da normativa) deberán tratarse con acabados propios das fachadas (mesmo no caso de edificios que non vaian a ter un uso inmediato en locais da planta baixa), segundo as condicións que se recollen no presente apartado: - Aconséllase o uso da pedra da zona en calquera das súas fábricas ou o ladrillo enfuscado, enlucido e pintado. Desaconséllase o uso de aplacados en xeral e prohíbense os de granitos pulidos, por atentar contra da textura que, en xeral, presentan os edificios de Salceda de Caselas. - Prohíbese igualmente o emprego de aplacados ou alicatados de calquera outro material, e o emprego de fábricas de materiais cerámicos sen revestir. - Prohíbese totalmente o uso de bloques prefabricados, agás para os usos industriais e agropecuarios, nos que se permitirá se ten a calidade suficiente (tipo split ou semellantes) coma para garantir as esixencias establecidas nas condicións deste uso e polas do ambiente no que se insiren, ou senón, terán que revestirse obrigatoriamente. - A carpintería exterior será obrigatoriamente de madeira pintada nas obras de restauración das vivendas cunha vellez superior aos 50 anos (sobre todo nos núcleos rurais) e cuxos paramentos exteriores en todo ou en parte, sexan de pedra. No resto, recoméndase este material aínda que se permitan outros. Cando sexa doutro material, a carpintería exterior terá que se pintar, lacar ou corear por calquera procedemento. Prohíbese o aluminio na súa cor natural en calquera elemento de fachada. Nos núcleos rurais e no solo rústico aceptarase unicamente o emprego de madeira ou aluminio lacado en cores acordes co medio e as edificacións tradicionais da zona na que se insiren. - Os paramentos de materiais que sexa preciso pintar poden facerse con calquera das cores tradicionalmente usadas polos habitantes de Salceda de Caselas. Outro tanto cabe afirmar da carpintería exterior. Aconséllanse os verdes, ocres, brancos, vermellos e azuis. - Recoméndase que o dimensionado dos ocos exteriores estea presidido por criterios de racionalidade e normalización, para que o seu tratamento e disposición nas fachadas axude a unha equilibrada composición das mesmas.

Plan Xeral de Ordenación Municipal de Salceda de Caselas Normativa Urbanística 90 Documento para Aprobación Inicial

- Con carácter xeral, os ocos das ventás deberán ter forma cadrada ou rectangular. Mais neste caso, nas edificacións tradicionais o lado vertical -xamba- deberá ser sempre máis longo co horizontal -lintel-. Cando se pretenda obter un oco rectangular de maior lonxitude no sentido horizontal (agás no caso dos núcleos rurais tradicionais e no solo rústico, en que non se poderán acadar ocos desta proporción en ningún caso (salvo proxectos puntuais ou singulares de recoñecida valía, que deberán ser validados por unha Comisión especial establecida ao efecto con técnicos municipais e externos especializados, que valorarán a idoneidade de cada un destes proxectos), mais tamén será aplicable esta limitación no caso dos edificios catalogados –a non ser que os ocos desta proporción sexan inherentes a tipoloxía orixinal do edificio-), terá que ser coma resultado de xustapor dous ou máis ocos cadrados ou acusadamente verticais, debendo quedar constancia destas proporcións na división xeral primaria da carpintería. Non se fixan proporcións para os ocos das portas, nin para as ventás nos casos concretos en que a altura de fachada dispoñible é moi limitada (por exemplo nos sotos).

5. Paredes medianeiras. En calquera clase de solo, as paredes medianeiras que queden ou vaian a quedar ao descuberto (no momento de se realizar a construción ou unha vez rematada esta), deberán tratarse con materiais de cerramento, con textura e cor que estean en concordancia cos empregados na fachada (e para edificios en calquera caso deberán cumprir as condicións sinaladas no Art. 179 da presente normativa). Cando menos irán enfuscadas e pintadas.

6. Corpos voados. 1. Con carácter xeral, só se permitirán os corpos voados que se regulan no Art. 152 e no Art. 153 (se non o prohibe ou limita a ordenanza de aplicación), e no caso da parte tradicional dos núcleos rurais e no solo rústico limítanse aínda máis, permitíndose só os seguintes: a) Abertos: balcóns que delimiten un volume aberto ao exterior por algunha das súas caras ou parte das mesmas. b) Acristalados: saíntes pechados nos que os elementos de peche estean constituídos, coma mínimo, por un 70 % de superficie acristalada. Recoméndanse as galerías e miradoiros e prohíbense os muros-cortina. c) Aleiros, cornixas, etc. 2. Non se permitirán os voos compactos. 3. Materiais dos corpos voados: Para o entramado resistente de galerías, miradoiros, etc. recoméndase a madeira mais tamén se autorizan outros materiais, tales coma o ferro, aluminio, formigón prefabricado...; en calquera caso, teñen que ser pintados, lacados ou coreados mercé a calquera produto ou sistema, prohibíndose a madeira vernizada e o aluminio na súa cor natural.

4. Os materiais dos antepeitos para os balcóns, solainas ou corredores poderán ser de pedra, ladrillo revestido e pintado e materiais semellantes. As varandas poderán ser de madeira, ferro ou ferro fundido. No caso de que se empreguen outros materiais terán que ser pintados, tal e coma se dixo no parágrafo anterior para as galerías. 5. En todo caso nas vivendas cumprirase o establecido nas NHV.

7. Entrantes. 1. En planta baixa permítense os seguintes tipos: - Pórticos ou soportais paralelos á liña de fachada. - Pasadizos perpendiculares ou oblicuos (con ángulo superior a 60 ° verbo da liña de fachada). 2. Por riba da planta baixa só se permiten terrazas cubertas. 3. En todo caso nas vivendas cumprirase o establecido nas NHV.

8. Cubertas da edificación.

Con carácter xeral, soamente se autorizarán cubertas a unha, dúas e catro augas para os edificios exentos e a unha, dúas, tres ou catro augas para os acaroados, e as cubertas planas en todas as tipoloxías agás no suposto de que a Ordenanza específica o prohiba ou limite. No caso dos núcleos rurais tradicionais e no solo rústico, non se poderán utilizar cubertas planas (salvo proxectos puntuais ou singulares de recoñecida valía, que deberán ser validados por unha Comisión

Plan Xeral de Ordenación Municipal de Salceda de Caselas Normativa Urbanística 91 Documento para Aprobación Inicial especial establecida ao efecto con técnicos municipais e externos especializados, que valorarán a idoneidade de cada un destes proxectos). As cubertas estarán formadas por planos continuos sen crebas nas súas vertentes.

Os faldróns terán que ser de igual pendente e terán que se atopar, sempre que a aplicación da ordenanza o permita, nunha liña -cumieira- ou nun punto -cumio-.

Recoméndase o emprego de calquera tipo de tella de barro cocido como material de cubrición. Para poder autorizar o emprego doutros materiais de cubrición terase que demostrar a súa necesidade construtiva e/ou o carácter emblemático -individualizado- da edificación.

Autorízase a construción de lucernarios, claraboias ou ventás fixas e practicábeis sobre da cuberta, sempre e cando non troquen a pendente da mesma, aínda que se sitúen en distinto nivel ao do resto da cuberta.

Os voos de cornixas e aleiros autorizaranse sempre que cumpran co fixado nas Ordenanzas Xerais de volume.

As saídas de fumes ou ventilacións forzadas deberán ser tratadas coma acontecía na arquitectura tradicional:

a) a base de volumes potentes, feitos co mesmo material que o das fachadas;

b) a base de elementos metálicos lixeiros e móbiles, tipo cataventos. Sobre os planos das cubertas non poderán destacarse máis elementos que as chemineas ou ventilación e as antenas, así como os elementos ou instalacións relacionados coa arquitectura sostible, como os paneis de captación de enerxía solar, e outros elementos de aproveitamento de enerxía que poidan xurdir ou que, segundo a aplicación do CTE ou segundo a lexislación vixente, deban situarse sobre a cuberta.

Todos os elementos que sobresaian do plano das cubertas deberán ficar inscritos dentro da pendente máxima de 45º e non exceder a altura máxima da cuberta permitida, agás os elementos permitidos.

O volume existente entre a cara superior do último forxado e a liña de cumieira ou punto de cumio poderase aproveitar, en parte, para usos habitables ou os compatibles coa vivenda, sempre que non se prohiba na Ordenanza específica correspondente.

Art. 176. Marquesiñas

1. Entendese por tais as construcións lixeiras que a modo de cuberta protexen unha entrada ou acceso. 2. Prohíbese a construción de marquesiñas, agás nos casos seguintes: − Cando están incluídas no proxecto do edificio en obras de nova planta. − Cando de trate de actuacións conxuntas de proxecto unitario, acordes coa totalidade da fachada dos edificios, de idénticas dimensións, saínte e materiais en todos os locais de planta baixa e exista compromiso de execución simultánea por todos os propietarios dos locais. Excepcionalmente, no caso de edificacións existentes, en locais con uso terciario poderán autorizarse puntualmente e eximirse da necesidade dun proxecto unitario. 3. A altura mínima libre dende a cara inferior da marquesiña ata a rasante da beirarrúa ou terreo, será superior a 4,00 m. O saínte da marquesiña non excederá a anchura da beirarrúa, e non será maior de 60 cm. En casos de marquesiñas formadas por elementos translúcidos ou con espesor menor a 15 cm, unicamente poderá cubrir os vans da planta baixa, cun saínte máximo de 1,00 m. 4. As marquesiñas non poderán verter por goteo a vía pública. O seu canto non excederá o 15% da súa menor altura libre sobre a rasante do terreo ou beirarrúa, e non excederá máis de 10 cm. a cota da cara superior do forxado de solo do primeiro piso. 5. A instalación de marquesiñas non causará lesión ao ambiente urbano do espazo público, por tanto, tampouco ao arborado.

Plan Xeral de Ordenación Municipal de Salceda de Caselas Normativa Urbanística 92 Documento para Aprobación Inicial

Art. 177. Portadas, escaparates, reixas e peches

A aliñación oficial non poderá sobresaír en planta baixa con saíntes superiores a 15 cm, con ningunha clase de decoración ou protección dos locais, portais ou calquera outro elemento. En beirarrúas con anchura menor de 100 cm, non estará permitido saínte algún. A aliñación oficial non poderá rebordarse en planta baixa con saíntes superiores a 15 cm, con ningunha clase de decoración ou protección dos locais, portais ou calquera outro elemento, agás os sinalados no Art. 152. En beirarrúas con anchura menor de 100 cm, non estará permitido saínte algún, agás os sinalados neste mesmo caso concreto no Art. 152. En calquera caso os peches de parcela ateranse as condicións estéticas, tipolóxicas e paisaxísticas establecidas no Art. 268 e/ou nas ordenanzas xerais (Art. 110) ou particulares de aplicación.

Art. 178. Toldos e rótulos

Os toldos móbiles estarán situados a unha altura mínima sobre a rasante da beirarrúa de 2,25 m. O seu saínte, respecto da aliñación oficial, non poderá ser superior á anchura da beirarrúa menos 60 cm, sen exceder os 3,00 m e respectando o arborado existente.

Art. 179. Medianeiras

1. Os panos medianeiros ao descuberto, deberán tratarse de forma que o seu aspecto e calidade sexan tan dignos como as fachadas. 2. Por razóns de ornato o Concello poderá asumir a execución de obras de mellora de medianeiras en determinados espazos públicos de importancia visual e estética. 3. O Concello poderá elaborar criterios estéticos e de deseño que sexan de obrigada observancia nas obras de mantemento e decoro de medianeiras e fachadas en xeral e requirir á propiedade dos inmobles para o seu cumprimento. 4. Para permitir o recuado das construción da aliñación oficial, a través de Estudo de Detalle, esixirase que as medianeiras que puideran aparecer se acondicionen mediante corpos da edificación arrimada, se traten como a fachada ou se decoren cos mesmos materiais e características das fachadas existentes ou outras de suficiente calidade.

Art. 180. Baixantes e canos nas cubertas

Non se autorizarán desaugadoiros nin canos que evacúen directamente á vía pública, debendo conducir as augas pluviais por tubos acaroados ás fachadas ou polo interior das mesmas. No primeiro caso evitarase que sobresaian da aliñación máis de 15 cm. ata a altura do primeiro piso, debendo estar protexidos nos 2,00 m. primeiros dende a beirarrúa. As baixantes acometeranse por medio das arquetas do edificio á condución xeral da rúa á rede de pluviais.

Art. 181. Protección do arborado

1. O arborado existente no espazo público, aínda que non teña a cualificación de zona verde ou espazo libre, deberá ser protexido e conservado. Cando sexa necesario eliminar algúns exemplares por causa de forza maior imponderable, procuraranse afectar aos exemplares de menor porte. En calquera caso, toda perda de arborado na vía pública deberá ser reposta de forma inmediata. 2. Nas franxas de recuado obrigatorio lindeiras con vías públicas, agás condicións específicas reguladas na Ordenanza de zona ou na particular do planeamento correspondente, será preceptiva a plantación de especies vexetais, preferentemente arbóreas, independentemente do uso ao que se destine a edificación, a menos que a totalidade do recuado quede absorbido polo trazado dos espazos para a circulación rodada e accesos ao edificio. 3. Os patios ou espazos libre públicos ou particulares que estean axardinados, deberán conservar e manter en bo estado as súas plantacións, calquera que sexa o seu porte.

Plan Xeral de Ordenación Municipal de Salceda de Caselas Normativa Urbanística 93 Documento para Aprobación Inicial

4. Será necesario obter licenza municipal para efectuar cortas de arborado en solo urbano, que serán denegadas en canto afecten ás especies singulares que non impidan a plasmación da edificabilidade que corresponda á parcela afectada. 5. Cando nunha obra a realizar sobre unha finca ou un espazo haxa árbores (públicos ou privados) que pola súa posición, recuados ou zonas non edificables, poderían verse afectados polas obras e deban conservarse, indicarase na solicitude de licenza correspondente, sinalando a súa situación nos planos topográficos de estado actual que se achegue. Nestes casos, esixirase e garantirase que, durante o transcurso das obras, se dotará as troncos do arboredo ata unha altura mínima de cento oitenta (180) centímetros dun adecuado recubrimento ríxido que impida a súa lesión ou deterioro. Se é o caso, estarase ao disposto nas Ordenanzas Municipais de aplicación. 6. Cando por maltrato, deterioro ou outras causas desaparezan os exemplares existentes nas vías ou espazos públicos, será obrigatoria a súa reposición a cargo do responsable da perda sen prexuízo das sancións que puidera haber lugar.

Art. 182. Consideración do contorno

1. As obras de nova edificación deberán proxectarse tomando en consideración a topografía do terreo, a vexetación existente, a posición da nova edificación respecto a cornixas, fitos ou outros elementos visuais do contorno, o impacto visual da construción proxectada sobre o medio que a rodea e o perfil da zona, a súa incidencia en termos de soleado e ventilación das construcións da fincas lindeiras, a súa relación coa vía pública, a adecuación da solución formal e tipolóxica e materiais da área, e demais parámetros definidores da súa integración nun medio construído. 2. O Concello poderá esixir a documentación coa que se solicite licenza, dun estudo de visualización da paisaxe urbana e rústica no estado actual, e no estado futuro que corresponda á implantación da construción proxectada. 3. O Concello poderá establecer criterios para determinar a disposición e orientación dos edificios, no que respecta á súa percepción visual dende as vías perimetrais, os accesos e os puntos máis frecuentes e importantes de contemplación, e pechamentos e valados, de xeito que non impidan a contemplación da paisaxe. Estarán especialmente obrigadas a ter en conta estas consideracións as fincas con fronte a fondos paisaxísticos protexidos no presente Plan Xeral.

Art. 183. Integración ambiental

Ademais das que estableza a lexislación ambiental e de determinación de impactos, o planeamento que desenvolva o presente Plan Xeral, haberá de cumprir as medidas correctoras sobre os impactos de ocupación e integración ambiental expresamente determinadas no Informe de Sostibilidade Ambiental (ISA).

Plan Xeral de Ordenación Municipal de Salceda de Caselas Normativa Urbanística 94 Documento para Aprobación Inicial

CAPÍTULO IV. NORMAS PARTICULARES DE ORDENACIÓN EN SOLO URBANO

Art. 184. Determinacións xerais

De acordo coas definicións contidas no Capítulo I do Título II desta Normativa Urbanística e en aplicación dos artigos 11 e 12 da LOUG, dentro dos terreos clasificados como solo urbano, distínguense dúas categorías: solo urbano consolidado e solo urbano non consolidado.

Sección 1ª. Solo urbano consolidado

Art. 185. Subdivisión por tipos

Dentro do solo urbano consolidado, a efectos do seu réxime e desenvolvemento, subdivídese nos seguintes tipos: - Solo urbano consolidado de ordenación directa. - Zonas delimitadas para Plan Especiais de Protección.

Subsección 1ª. Solo urbano consolidado de ordenación directa

Art. 186. Ámbito de aplicación e condicións

1. Esta categoría de solo urbano consolidado aplícase aos terreos, que por cumpriren coas determinacións do artigo 12.a da LOUG e coa condición de soar, poden ser edificados a través da obtención da correspondente licenza urbanística.

Art. 187. División en zonas de ordenanza

1. A división do solo urbano consolidado de ordenación en zonas formúlase en conformidade co artigo 54 da LOUG en reposta ao grao de consolidación acadado polo proceso de ocupación urbana, ás características e grao de urbanización e parcelamento dominantes, e en desenvolvemento dos criterios para a ordenación urbanística emanados do Plan Xeral. 2. A efectos da regulamentación detallada do solo urbano consolidado de ordenación directa, o Plan Xeral establece as seguintes áreas de ordenanza: a. Ordenanza 1, de edificación en cuarteirón. b. Ordenanza 2, de edificación illada . c. Ordenanza 3, de edificación extensiva. d. Ordenanza de áreas e edificacións dotacionais. e. Ordenanza de espazos libres e zonas verdes.

Art. 188. Cumprimento das NHV

As condicións da cumprimento das NHV establécense con carácter xeral na presente normativa, pero –no seu caso- se poden incorporar condicións particulares de forma expresa en cada ordenanza zonal.

Plan Xeral de Ordenación Municipal de Salceda de Caselas Normativa Urbanística 95 Documento para Aprobación Inicial

Art. 189. Ordenanza 1, de edificación en cuarteirón.

1. Definición e ámbito. Comprende esta ordenanza aquelas zonas densas que se estruturan mercé a un viario, ás veces preexistente, que foron definindo cuarteiróns pechados e abertos, sobre dos que se foi consolidando edificación perimetral entre medianeiras.

2. Sistema de ordenación. Responde á tipoloxía de vivenda colectiva entre medianeiras formando cuarteiróns abertos ou pechados cuxo uso característico é o residencial colectivo. O sistema de ordenación queda definido polo fondo edificable e pola altura máxima permitida. Será obrigado ocupar toda a fronte da parcela coa edificación e acaroarse aos lindeiros para ocultar as medianeiras existentes. Nas parcelas lindeiras con estradas de titularidade autonómica deberán cumprirse as condicións establecidas para o solo urbano no Art. 321.

3. Parámetros da edificación. As novas edificacións serán mostra de contemporaneidade así coma resultado das técnicas construtivas actuais, prohibíndose toda imitación de estilos arquitectónicos pasados ou descontextualizados. Prevalecerá a sinceridade e claridade construtiva sobre doutros condicionantes estéticos. - Aliñacións e rasantes. As aliñacións e rasantes son as definidas nos planos de ordenación. - Situación da edificación. Respectaranse as aliñacións, os fondos edificables máximos e a altura establecida nos planos de ordenación. A edificación deberá construírse coa liña de fachada sobre da aliñación exterior. Lateralmente a edificación deberá acaroarse ós lindeiros. - Parcela mínima. Enténdese por parcela mínima calquera parcela suficientemente documentada como tal, por calquera medio admitido en dereito, existente ou agrupación de existentes con anterioridade á Aprobación Inicial do Plan Xeral cando cumpra as seguintes condicións: a) Que sexa capaz de acoller unha vivenda que cumpra as condicións mínimas de habitabilidade e a superficie para vivenda mínima establecidas polas NHV, e a de vivenda exterior. b) Que non teña a condición de parcela inedificable en aplicación das condicións do Art. 112 das Normas Xerais. c) Deberá poder resolve-lo acceso e reserva das prazas de garaxe que lle correspondan segundo as condicións xerais de Garaxe-Aparcadoiro por razón do Uso. Poderá resolver dita dotación por compra de prazas de aparcadoiro situadas noutros edificios, situados a menos de douscentos cincuenta (250) metros, que non estean vinculadas ás esixencias mínimas correspondentes a ditos edificios. Deberán figurar como vinculación Rexistral. As condicións de parcela mínima non son de aplicación se se destinan a usos dotacionais e infraestruturais. - Fondo edificable. O fondo máximo edificable en cada mazá establécese nos planos de ordenación correspondentes, e no caso de que este non figure establécese en catorce (14) metros. Con carácter xeral, este fondo edificable só poderá ser superado pola prolongación das plantas baixa, semisoto ou soto cara o interior da parcela. Os sotos e semisotos poderán ocupar o 100% do solar. As plantas baixas poderán ocupar un fondo de dez (10) metros desde a aliñación interior, respectando sempre as servidumes existentes de luces e vistas e coas condicións de altura establecidas nesta ordenanza.

Plan Xeral de Ordenación Municipal de Salceda de Caselas Normativa Urbanística 96 Documento para Aprobación Inicial

- Fronte mínima de parcela. Establécese unha fronte mínima de dez (10) metros, coa excepción daquelas parcelas que se atopen entre outras xa edificadas no momento da aprobación do presente Plan de Ordenación. No caso de incumprimento das condicións mínimas poderá darse a excepcionalidade de agrupación de parcelas, sendo esta medida utilizada para solucionar o problema e nunca para a perda das súas características históricas e ambientais. - Fondo mínimo de parcela. Non se poderán edificar as parcelas (ou as zonas das parcelas) cun fondo inferior ao fondo máximo definido para as plantas altas polo planeamento (respecto da aliñación oficial sinalada no PXOM) mais unha franxa de tres metros paralela á esa aliñación para poder abrir luces, agás que se cumpran as condicións particulares establecidas a estes efectos no Art. 112 para que non teña a condición de parcela inedificable. Noutro caso deberase actuar conxuntamente coa/s parcela/s traseira/s. Tratarase de buscar a regularidade establecendo un fondo mínimo de parcela de 12 m. naquelas parcelas que formen parte dun cuarteirón con espazo interior libre. - Ocupación máxima de parcela. A ocupación máxima da parcela será aquela que permita os límites marcados pola aliñación exterior, os lindeiros laterais e o fondo edificable máximo permitido. - Construción por riba da altura máxima. Por riba da altura máxima permítese o uso habitable na planta baixo cuberta e sempre que se respecte o volume máximo permitido polas normas da edificación. Ós efectos do cálculo da edificabilidade computaranse todas aquelas zonas do espazo baixo cuberta cuxa altura libre interior sexa superior a 1,50 m. Permite esta ordenanza a tipoloxía de ático recuado, formando terrazas interiores e cuberta plana, sempre que fique dentro do volume capaz establecido. As terrazas quedarán ocultas dende a rúa e irán separadas dos lindeiros un mínimo de 1 m. Prohíbese a construción de bufardas. - Edificabilidade. Queda fixada polo resto de parámetros. - Altura máxima sobre rasante (AMR). A regulación das alturas establécese nos planos de ordenación, expresado en número de andares. Na presente ordenanza a altura máxima establecida e de catro plantas (PB + 3 PA), sen que supere unha altura de trece (13) metros medidos segundo as condicións aplicables do Art. 144. Para os casos nos que se constrúa sobre terreos en pendente, a lonxitude das fachadas ou o fondo das edificacións teranse que dividir nas partes necesarias, graduando os volumes edificatorios, de xeito que en ningún punto se exceda a altura máxima máis desfavorable, segundo as condicións aplicables do Art. 144. Para parcelas en esquina con diferentes rasantes de rúa, a altura maior deberá manterse nunha lonxitude máxima de quince (15) metros. - Altura máxima no punto máis desfavorable (AMP). Non superará en máis de 1.50 m a altura máxima sobre rasante. Para evitalo deberá banquearse ou facer un salto na edificación, segundo as condicións aplicables do Art. 144. - Voos. Autorízanse corpos saíntes e voos sobre a aliñación, sempre que sexan os voos lixeiros permitidos pola ordenanza xeral, en rúas con máis de 5,00 m. de ancho. O voo máximo será igual a 1/10 do ancho da rúa, sen superar en ningún caso 1,00 m. Os voos situaranse, como mínimo a 3,50 m. da rasante da rúa e ademais deberán cumprir a condición de ser 30 cm. máis curtos que as beirarrúas que sobrevoan.

4. Usos. - Uso Característico: I. Residencial: Clase Vivenda: Categoría 1ª e 2ª.

Plan Xeral de Ordenación Municipal de Salceda de Caselas Normativa Urbanística 97 Documento para Aprobación Inicial

- Usos compatibles co uso Característico no mesmo edificio: I. Terciario Hoteleiro: Categoría 1ª e 2ª. II. Terciario Xeral: Clase Comercio: Categoría 1ª, 2º, 3º e 4º. Calquera en planta baixa e primeira ou en sotos e semisotos vinculados á planta baixa. Clase Oficinas: Categoría 6ª e 7ª, en calquera planta. Categoría 8ª e 9ª, en planta baixa e primeira, se están asociadas á baixa. Clase Recreativo: Categoría 10ª e 11ª, en planta baixa ou inferiores asociadas á baixa. Categoría 12ª, calquera en planta baixa e en sotos e semisotos vinculados á planta baixa. III. Dotacional, en planta baixa e primeira ou en sotos e semisotos vinculados á planta baixa: Clase Educación: Categoría 1ª, 6ª e 7ª. Clase Sociocultural: Categoría 8ª e 9ª. Clase Asistencial:Categoría 10ª e 11ª. Clase Sanitario: Categoría 12ª e 14ª. Clase Servizo Público: Categoría 15ª, salvo incompatibilidade do uso específico. Clase Relixioso: Categoría 17ª. Clase Administración Pública: Categoría 16ª. Clase Deportivo: Categoría 19ª e 20ª. IV. Industrial, en planta baixa ou inferiores asociadas á baixa: Clase Industria Ordinaria: Categorías 1ª e 2ª. Clase Almacéns: Categoría 6ª. V. Garaxe-aparcadoiro: Categoría 1ª e 2ª en planta baixa ou inferiores. - Usos compatibles en edificio independente: I. Os anteriores. II. Residencial: Clase Residencia: Categoría 3ª. III. Terciario Hosteleiro: Categoría 2ª e 3ª. IV. Dotacional: En todas as súas clases e categorías. V. Garaxe aparcadoiro: Categoría 2ª baixo espazos públicos. - Usos compatibles non edificatorios: I. Espazos Libres: Clase Espazos Libres: Categoría 1ª. Clase Zonas verdes: Categorías 2ª, 3ª e 5ª. II. Agropecuario:Categoría 1ª. - Usos prohibidos: Todos os restantes.

5. Aparcadoiro. 1. Disporase na parcela, como mínimo, de 1,5 prazas de aparcadoiro por vivenda en edificios residenciais ou por cada 80 m² construídos sobre rasante en edificios que se destinen a outros usos. No caso de que a normativa de usos indique maiores dotacións respectaranse as alí indicadas. 2. Permitirase o uso de garaxe-aparcadoiro nas plantas soto dos edificios de obra nova, sempre que o acceso estea situado nunha fronte de parcela superior a 9.50 m., o que posibilitará no mesmo outro tipo de actividade. Tratarase de evitar a agrupación de portas de garaxe na rúa e non se consentirá a agrupación de parcelas para este uso. 3. O número de plantas soto virá dado polo número de prazas de garaxe que lle corresponden a esa edificación, coa posibilidade de aumentar esta porcentaxe nun 20%. 4. Non se permitirá o uso de garaxe-aparcadoiro en edificación catalogada.

Plan Xeral de Ordenación Municipal de Salceda de Caselas Normativa Urbanística 98 Documento para Aprobación Inicial

Estas condicións serán sometidas á aprobación por parte dos servizos técnicos municipais.

6. Cumprimento das NHV Estarase ao disposto nas disposicións que sexan de aplicación das NHV.

Plan Xeral de Ordenación Municipal de Salceda de Caselas Normativa Urbanística 99 Documento para Aprobación Inicial

Art. 190. Ordenanza 2, de edificación illada

1. Definición e ámbito. Comprende esta ordenanza aquelas zonas xa consolidadas que se estruturan mediante bloques illados ou acaroados, en mazás pechadas ou abertas, como ampliación de zonas de edificación pechadas e mercé a un viario, ás veces preexistente.

2. Sistema de ordenación. Responde á tipoloxía de vivenda colectiva en bloques abertos cuxo uso característico é o residencial colectivo. O sistema de ordenación queda definido polos seguintes parámetros da edificación. Nas parcelas lindeiras con estradas de titularidade autonómica deberán cumprirse as condicións establecidas para o solo urbano no Art. 321.

3. Parámetros da edificación. Redactaranse estudos de detalle para solucionar o encontro das novas edificacións con edificios existentes, cubrir medianeiras ou resolver problemas derivados da forma irregular de parcelas.

- Aliñación e rasantes. As aliñacións e rasantes son as definidas nos planos de ordenación.

- Situación da edificación. Os edificios construiranse aliñados coas rúas ou coas aliñacións que se establecen nos planos. Separaranse dos lindeiros laterais e posterior unha dimensión como mínimo igual ao 50 % da altura máxima autorizada, cun mínimo en todo caso de tres (3) metros.

- Parcela mínima. Enténdese por parcela mínima calquera parcela suficientemente documentada como tal, por calquera medio admitido en dereito, existente ou agrupación de existentes con anterioridade á Aprobación Inicial do Plan Xeral cando cumpra as seguintes condicións: a) Que sexa capaz de acoller unha vivenda que cumpra as condicións mínimas de habitabilidade e a superficie para vivenda mínima establecidas polas NHV, e a de vivenda exterior. b) Que non teña a condición de parcela inedificable en aplicación das condicións do Art. 112 das Normas Xerais. c) Deberá poder resolve-lo acceso e reserva das prazas de garaxe que lle correspondan segundo as condicións xerais de Garaxe-Aparcadoiro por razón do Uso. As condicións de parcela mínima non son de aplicación se se destinan a usos dotacionais e infraestruturais. - Fondo edificable. Non se establece fondo edificable. A máxima lonxitude en fachada das edificacións establécese en trinta (30) metros.

- Fronte mínima de parcela. Establécese unha dimensión de (6) metros, salvo que a parcela se sitúe entre edificacións existentes que impidan o cumprimento.

- Fondo mínimo de parcela.

Non se establece fondo mínimo.

- Ocupación máxima de parcela. Establécese unha ocupación máxima sobre rasante do 75 % da parcela.

Os sotos ou semisotos poderán ocupar a mesma superficie que a planta baixa, cun máximo do 50 % do solar.

Plan Xeral de Ordenación Municipal de Salceda de Caselas Normativa Urbanística 100 Documento para Aprobación Inicial

- Construción por riba da altura máxima. Por riba da altura máxima permítese o uso habitable na planta baixo cuberta, sempre que se respecte o volume máximo permitido polas normas da edificación. Aos efectos do cálculo da edificabilidade computaranse todas aquelas zonas do espazo baixo cuberta cuxa altura libre interior sexa superior a 1,50 metros.

- Edificabilidade. Queda fixada polo resto de parámetros. - Altura máxima sobre rasante (AMR). A regulación das alturas establécese nos planos de ordenación, expresado en número de andares.

Na presente ordenanza a altura máxima establecida e de catro plantas (PB + 3 PA), sen que supere unha altura de 13 m. medidos segundo as condicións aplicables do Art. 144.

Para os casos nos que se constrúa sobre terreos en pendente, a lonxitude das fachadas ou o fondo das edificacións teranse que dividir nas partes necesarias, graduando os volumes edificatorios, de xeito que en ningún punto se exceda a altura máxima máis desfavorable, segundo as condicións aplicables do Art. 144.

- Altura máxima no punto máis desfavorable (AMP). Non superará en máis de 1.50 m a altura máxima sobre rasante. Para evitalo deberá banquearse ou facer un salto na edificación, segundo as condicións aplicables do Art. 144. - Voos. Autorízanse corpos saíntes e voos sobre a aliñación, sempre que sexan os voos lixeiros permitidos pola ordenanza xeral, en rúas con máis de 5,00 m. de ancho. O voo máximo será igual a 1/10 do ancho da rúa ou da distancia a outra edificación, sen superar en ningún caso 1,00 m.

Os voos situaranse, como mínimo a 3,50 m. da rasante da rúa e ademais deberán cumprir a condición de ser 30 cm. máis curtos que as beirarrúas que sobrevoan.

4. Usos. - Uso Característico: I. Residencial: Clase Vivenda: Categoría 1ª e 2ª. - Usos compatibles co uso Característico no mesmo edificio: I. Terciario Hoteleiro: Categoría 1ª e 2ª. II. Terciario Xeral: Clase Comercio: Categoría 1ª, 2º, 3º e 4º. Calquera en planta baixa e primeira ou en sotos e semisotos vinculados á planta baixa. Clase Oficinas: Categoría 6ª e 7ª, en calquera planta. Categoría 8ª e 9ª, en planta baixa e primeira, se están asociadas á baixa. Clase Recreativo: Categoría 10ª e 11ª, en planta baixa ou inferiores asociadas á baixa. Categoría 12ª, calquera en planta baixa e en sotos e semisotos vinculados á planta baixa. III. Dotacional, en planta baixa e primeira ou en sotos e semisotos vinculados á planta baixa: Clase Educación: Categoría 1ª, 6ª e 7ª. Clase Sociocultural: Categoría 8ª e 9ª. Clase Asistencial:Categoría 10ª e 11ª. Clase Sanitario: Categoría 12ª e 14ª. Clase Servizo Público: Categoría 15ª, salvo incompatibilidade do uso específico. Clase Relixioso: Categoría 17ª. Clase Administración Pública: Categoría 16ª.

Plan Xeral de Ordenación Municipal de Salceda de Caselas Normativa Urbanística 101 Documento para Aprobación Inicial

Clase Deportivo: Categoría 19ª e 20ª. IV. Industrial, en planta baixa ou inferiores asociadas á baixa: Clase Industria Ordinaria: Categorías 1ª e 2ª. Clase Almacéns: Categoría 6ª. V. Garaxe-aparcadoiro: Categoría 1ª e 2ª en planta baixa ou inferiores. - Usos compatibles en edificio independente: I.Os anteriores. II. Residencial: Clase Residencia: Categoría 3ª. III. Terciario Hosteleiro: Categoría 2ª e 3ª. IV. Dotacional: En todas as súas clases e categorías. V. Garaxe aparcadoiro: Categoría 2ª baixo espazos públicos. - Usos compatibles non edificatorios: I. Espazos Libres: Clase Espazos Libres: Categoría 1ª. Clase Zonas verdes: Categorías 2ª, 3ª e 5ª. II. Agropecuario:Categoría 1ª. - Usos prohibidos: Todos os restantes.

2. Permitirase o uso de garaxe-aparcadoiro nas plantas soto dos edificios de obra nova, sempre que o acceso estea situado nunha fronte de parcela superior a 9.50 m., o que posibilitará no mesmo outro tipo de actividade. Tratarase de evitar a agrupación de portas de garaxe na rúa e non se consentirá a agrupación de parcelas para este uso.

3. O número de plantas soto virá dado polo número de prazas de garaxe que lle corresponden a esa edificación, coa posibilidade de aumentar esta porcentaxe nun 20%.

4. Non se permitirá o uso de garaxe-aparcadoiro en edificación catalogada.

Estas condicións serán sometidas á aprobación por parte dos servizos técnicos municipais.

6. Cumprimento das NHV Estarase ao disposto nas disposicións que sexan de aplicación das NHV.

Plan Xeral de Ordenación Municipal de Salceda de Caselas Normativa Urbanística 102 Documento para Aprobación Inicial

Art. 191. Ordenanza 3, de edificación extensiva

1. Definición e ámbito. Comprende esta ordenanza as zonas de solo urbano, exteriores ás áreas centrais da vila e dos asentamentos orixinariamente rurais, cuxo crecemento e consolidación non foi consecuencia expresa de procesos planificados e onde predominan maioritariamente as vivendas unifamiliares en parcelas organizadas e asentadas sobre o viario público existente ou previsto planeamento para a conformación análoga do medio que rodea ás zonas urbanas máis densificadas.

2. Sistema de ordenación. Establécese un sistema de ordenación conformado esencialmente por edificación unifamiliar exenta articulada ao longo do viario, orixinalmente rural, convenientemente ensanchado e urbanizado. Autorízanse igualmente nesta situación as tipoloxías de edificación apareada, mercé a proxecto conxunto; tamén se permitirá aquela que se poida apoiar en medianeiras ou paredes cegas existentes. Nas parcelas lindeiras con estradas de titularidade autonómica deberán cumprirse as condicións establecidas para o solo urbano no Art. 321.

3. Parámetros da edificación. Con carácter xeral, nas parcelas xa edificadas (con anterioridade a aprobación definitiva do presente PXOM) que incumpran algúns dos parámetros aquí recollidos admitiranse as súas condicións edificatorias nese intre (o da aprobación definitiva do presente PXOM, sempre que se ateñan as licenzas concedidas no seu momento ou se trate de edificacións tradicionais), pero non se permitirán nesas edificacións de aquí en diante aquelas obras ou actuacións que puidesen incidir nun maior incremento ou agravamento dalgún deses parámetros incumpridos. - Aliñacións e rasantes. As aliñacións e rasantes son as definidas nos planos de ordenación. - Situación da edificación. Sobre do aliñamento oficial, grafado nos planos de ordenación, fíxase un recuado mínimo de 4 m. e máximo de 15 m., e na franxa formada entre a edificación e o aliñamento se disporá dunha zona axardinada (con xardín, horta, froiteiras, etc.) ou de aparcadoiro sen edificación. No caso de parcelas que dean fronte a viarios con aliñamentos oficiais de ancho inferior a 5 m. o recuado da edificación será obrigado e nunca inferior a 5 m, medidos ortogonalmente dende o eixe do viario ata a liña de edificación exterior. As edificacións teranse que recuar dos lindeiros un mínimo de 3 m. Os recuados mínimos non poderán ser excedidos por ningún elemento da edificación dos citados no Art. 120. Permitirase o arrimo da edificación só naqueles casos nos que xa exista sobre da parcela lindeira unha construción, dentro de ordenación, con medianeira sobre o linde. - Parcela mínima. Enténdese por parcela mínima calquera parcela suficientemente documentada como tal, por calquera medio admitido en dereito, existente ou agrupación de existentes con anterioridade á Aprobación Inicial do Plan Xeral cando cumpra as seguintes condicións: a) Que sexa capaz de acoller unha vivenda que cumpra as condicións mínimas de habitabilidade e a superficie para vivenda mínima establecidas polas NHV. b) Que non teña a condición de parcela inedificable en aplicación das condicións do Art. 112 das Normas Xerais. c) Deberá poder resolve-lo acceso e reserva das prazas de garaxe que lle correspondan segundo as condicións xerais de Garaxe-Aparcadoiro por razón do Uso. d) Que teña unha fronte mínima de parcela á aliñación de 6 m. e) Que se poida inscribir, dentro dos seus límites, unha circunferencia de radio 6 m.

Plan Xeral de Ordenación Municipal de Salceda de Caselas Normativa Urbanística 103 Documento para Aprobación Inicial

As condicións de parcela mínima non son de aplicación se se destinan a usos dotacionais e infraestruturais. - Ocupación máxima de parcela. Establécese unha ocupación máxima de parcela do 30 %, computando a ocupación das edificacións auxiliares. Se a edificabilidade se resolve unicamente en planta baixa, esta ocupación podería verse incrementada, mais sen superar o 40 % da superficie da parcela. - Construción por riba da altura máxima. Por riba da altura máxima permítese o uso habitable na planta baixo cuberta, e sempre que se respecte o volume máximo permitido polas normas xerais. A efectos do cálculo da edificabilidade computaranse todas aquelas zonas do espazo baixo cuberta cuxa altura libre interior sexa superior a 1,50 m. As cubertas non terán quebras nos faldróns e os lucernarios, fixos ou practicables, quedarán incluídos nos planos de augas. Permítense as cubertas planas. Prohíbese calquera tipo de bufardas. - Edificabilidade. A edificabilidade máxima será de 0,40 m²/m² e ós efectos de edificabilidade computarán tanto a edificación principal como as complementarias que superen os 30 m² en planta ou alturas superiores ós 3 m. En calquera caso estas edificacións complementarias computarán a efectos de ocupación de parcela. No caso de que se procedese á rehabilitación dunha edificación tradicional existente na parcela, poderase conservar a dita edificabilidade aínda que se supere a aquí establecida, sempre e cando non se desvirtúen os valores inherentes á vella edificación. - Altura máxima sobre rasante (AMR). Establécese unha altura máxima nesta Ordenanza de dúas plantas (PB + PA), sen que superen os 7,00 m, medidos nas condicións aplicables do Art. 144. - Altura máxima no punto máis desfavorable (AMP). Non superará en máis de 1.50 m a altura máxima sobre rasante. Para evitalo deberá banquearse ou facer un salto na edificación. - Voos. Permitirase a construción de voos sobre o aliñamento só no caso de que se cumpran todas as premisas seguintes: - Que o ancho de aliñación sexa superior a 10 m. - Que sexan os voos admitidos pola norma xeral. - Que non excedan un fondo de 0,60 m. - Que os voos se sitúen como mínimo a 3,50 m. sobre a rasante da rúa. - Que non excedan nunca o bordo da beirarrúa sobre da que se proxectan. Se permiten voos cara as partes interiores da parcela ou cando esta está recuada. En calquera caso admítense os tradicionais existentes. Os aleiros e cornixas respectarán as normas tipolóxicas xerais.

4. Usos. a) Uso Característico Residencial, Clase Vivenda, Categoría 1ª. b) Usos compatibles co uso Característico no mesmo edificio: I. Terciario Xeral: Clase Comercio: Categoría 1ª. Clase Oficinas: Categoría 6ª e 7ª, en calquera planta. Categoría 8ª, en planta baixa e primeira, se están asociadas á baixa. Clase Recreativo: Categoría 10ª, en planta baixa ou 1ª. II. Dotacional, en planta baixa ou 1ª: Educación: Categoría 1ª e 7ª. Sociocultural: Categoría 8ª e 9ª. Asistencial: Categoría 10ª.

Plan Xeral de Ordenación Municipal de Salceda de Caselas Normativa Urbanística 104 Documento para Aprobación Inicial

Sanitario: Categoría 12ª e 14ª. Servizos públicos: Categoría 15ª, salvo incompatibilidade do uso específico. Deportivo: Categoría 19ª e 20ª só en planta baixa ou inferiores asociadas. III. Industrial: Clase Industria Ordinaria: Categorías 1ª e 2ª en planta baixa ou inferiores asociadas. Clase Almacéns: Categoría 6ª. IV. Garaxe-Aparcadoiro: Categoría 1ª en planta baixa ou inferiores. c) Usos compatibles en edificio independente: I. Os anteriores. II. Residencial Clase Residencia: Categoría 3ª. III. Terciario Hostaleiro: Categoría 1ª e 2ª. IV. Terciario Xeral: Clase Comercio: Categoría 2ª. Clase Oficinas: Todas as súas categorías. Clase Recreativo: Categoría 10ª e 11ª. V. Dotacional: En todas as súas clases e categorías. VI. Garaxe aparcadoiro: Categoría 2ª. d) Usos compatibles non edificatorios: I. Espazos Libres: Clase Espazos Libres: Categoría 1ª. Clase Zonas verdes: Categorías 2ª, 3ª e 5ª. II. Agropecuario: Categoría 1ª e 2ª. e) Usos prohibidos: Todos os restantes.

5. Aparcadoiro. As novas construcións preverán, como mínimo, 2 prazas de aparcadoiro por vivenda unifamiliar. No caso de que a normativa de usos indique maiores dotacións, respectaranse as alí indicadas.

6. Cumprimento das NHV Estarase ao disposto nas disposicións que sexan de aplicación das NHV.

Plan Xeral de Ordenación Municipal de Salceda de Caselas Normativa Urbanística 105 Documento para Aprobación Inicial

Art. 192. Ordenanza de áreas e edificacións dotacionais

1. Definición e ámbito. Pertencen a esta zona de Ordenanza as áreas incluídas en delimitacións definidas nos planos de Solo Urbano Consolidado. O obxectivo desta Ordenanza é recoñecer e manter a vinculación do uso dotacional en edificacións en parcelas de Solo Urbano, así como servir de referencia ás ordenanzas dos planeamentos que conteñan a ordenación detallada no desenvolvemento do Plan Xeral.

2. Sistema de ordenación. Corresponderanse a un sistema mixto de tipoloxías illadas ou acaroadas, con acaroado a outro edificio de categoría análoga ou terciario con actividades non molestas e que non poidan producir perturbacións ao uso dotacional. As construcións deberán axustarse á LASB e o RASB, así como no seu caso o DAEP e a OAEP, ao igual que as reguladas nesta Ordenanza. Prevalecerán as condicións máis restritivas.

3. Parámetros da edificación. - Aliñacións e rasantes. As aliñacións e rasantes son as definidas nos planos de ordenación. - Situación da edificación. De acordo coas características da zona de ordenanza, da parcela de que se trate e das lindeiras, permitirase a edificación acaroada ou apoiada en medianeira. No caso de edificación illada o recuado da edificación a todos os lindeiros será igual ou superior á terceira parte da altura da edificación, cun mínimo de 4 m. - Parcela mínima. Enténdese por parcela mínima aquela suficientemente documentada, que pola súa extensión e forma permita desenvolver unha actividade de uso dotacional, respectando as restantes condicións xerais da Ordenanza e, no seu caso, a regulación que polo seu uso está establecido por normativas ou disposicións municipais, autonómicas ou estatais. Deberá cumprir as seguintes condicións: a) Non poderá ter a condición de parcela inedificable. b) Deberá resolver o acceso e reserva de prazas de garaxe que lle correspondan, segundo as condicións por razóns de uso. Poderase resolver pola compra de prazas noutros edificios próximos. - Ocupación máxima de parcela. A edificación en planta non ocupará máis do 70 % da superficie da parcela. - Construción por riba da altura máxima. Non se contempla a construción por riba da altura máxima. - Edificabilidade. O índice de edificabilidade aplicable será o que lle corresponda, segundo as condicións particulares de cada uso

2 2 dotacional, sen prexuízo do que definan o resto de parámetros. No seu defecto 0.80 m /m . En casos excepcionais e por motivos razoablemente xustificados, o Concello poderá permitir aínda maiores aproveitamentos para os equipamentos públicos ou cambios nas condicións de volume e posición das edificacións derivadas das condicións xerais establecidas, nas condicións sinaladas no Art. 326. - Altura máxima sobre rasante (AMR). A altura máxima será de 10 m., non podendo ser excedida máis que por elementos singulares das instalacións dos edificios. - Altura máxima no punto máis desfavorable (AMP). Non superará en máis de 1.50 m a altura máxima sobre rasante. Para evitalo deberá banquearse ou facer un salto na edificación. - Voos. En edificios illados permitirase a construción de voos e corpos voados, mais sen superar nunca a aliñación oficial.

Plan Xeral de Ordenación Municipal de Salceda de Caselas Normativa Urbanística 106 Documento para Aprobación Inicial

4. Usos. O seu uso Característico é o Dotacional en todas as súas categorías. Ningún uso dotacional público ou privado poderá ser substituído por outro uso non incluído no mesmo Uso Global. Poderán autorizarse modificacións de uso no caso de que xurda un uso asimilable ao dotacional, non recollido polas presentes Normas Urbanísticas.

Art. 193. Ordenanza de espazos libres e zonas verdes

1. Definición e ámbito. Pertencen a esta Ordenanza as áreas delimitadas nos Planos de Ordenación como Espazos Libres e Zonas Verdes.

2. Sistema de ordenación. Non teñen unha tipoloxía propia por tratarse de espazos libres, pero aquelas construcións que se autorizan terán sempre carácter illado.

3. Parámetros da ordenación. En abondamento das condicións xerais ou básicas de ordenación establecidas no TÍTULO II.Capítulo II.Sección 3ª.Subsección 7º recóllense aquí para algúns parámetros unhas condicións particulares mais detalladas para adaptarse as necesidades propias dos espazos en solo urbano. As zonas verdes e espazos libres de uso público deberán estar convenientemente urbanizadas, así coma dotadas do alumeado público, saneamento e abastecemento de auga necesarios para o seu funcionamento e conservación.

- Aliñacións e rasantes. Son as definidas nos planos de ordenación.

- Ocupación máxima de parcela. Permitirase superar nun 80% os volumes e ocupacións máximos establecidos nas condicións xerais para cada uso individual ou integrado dos elementos construtivos cubertos (tanto para os permanentes como para os provisionais), cando se xustifique axeitadamente esa necesidade, e sempre que non se superen as ocupacións porcentuais máximas conxuntas establecidas.

4. Usos. Corresponde aplicar os usos e categorías do Uso Espazos Libres e Zonas Verdes. Considérase uso compatible o Dotacional Deportivo ao aire libre, sen espectadores e sen edificación complementaria. Estes usos non poderán superar o 10 % da superficie da área delimitada.

Plan Xeral de Ordenación Municipal de Salceda de Caselas Normativa Urbanística 107 Documento para Aprobación Inicial

Art. 194. Areas de ordenación pormenorizada (AOP)

1. Definición. Corresponde a áreas de solo urbano consolidado onde os parámetros e/ou a regulación prevista nas ordenanzas anteriores se amosan manifestamente insuficientes ou non ofrecen unha adecuada resposta á complexa realidade destas zonas, que presentan peculiaridades propias en atención a diversas circunstancias:

2. Sistema de ordenación. As particularidades destas áreas obrigan a establecer ordenacións específicas, desta forma, cada área de ordenación pormenorizada (AOP) está regulada, especificamente, pola súa ordenación pormenorizada que se recolle nun anexo a presente normativa . Malia o anterior, as edificacións que se leven a cabo respectarán en todo caso as Normas Xerais de Usos e de Edificación que lles sexan de aplicación.

3. Condicións particulares de cada AOP As condicións particulares de cada Área de Ordenación Pormenorizada son as sinaladas, para cada caso, no complemento desta Ordenanza independente das Normas Urbanísticas, que ten o carácter de continuación destas condicións xerais, no que se recollen tanto as determinacións gráficas, nos planos específicos (G), como nos documentos literarios, Ordenanzas, tamén específicas (L), os aspectos seguintes: 1. Definición • Nome . • Clave: figurará o número 8 recadrado, referente a esta ordenanza 8 acompañado das siglas AOP, de Área de Ordenación Pormenorizada, seguidas de dous díxitos identificadores da correspondente área e ordenación pormenorizada que lle sexa de aplicación segundo o Anexo a esta Ordenanza (G e L). • Distrito. • Delimitación. • Superficie Ámbito. 2. Ámbito, Características e Xustificación. 3. Aliñacións e rasantes. 4. Voos e Saíntes. 5. Dotacións Públicas. 6. Condicións da edificación. • Ocupación. • Aproveitamento. • Altura. • Altura de pisos. 7. Usos. 8. Planos. 9. Se é o caso, Observacións: condicións complementarias non recollidas nos apartados anteriores.

Plan Xeral de Ordenación Municipal de Salceda de Caselas Normativa Urbanística 108 Documento para Aprobación Inicial

Sección 2ª. Solo urbano non consolidado

Art. 195. Ámbitos de Planeamento Remitido (APR)

1. Os ámbitos de solo urbano non consolidado delimitados aos efectos do seu desenvolvemento a través de Plans Especiais de Reforma Interior, recóllense no Plan Xeral como APR nos planos de Clasificación Xeral do Solo, escala 1:5000 e, no seu caso, nos de Ordenación Pormenorizada a escala 1:1000 e 1:2000. 2. Cada Área de Planeamento Remitido conta cunha ficha individualizada, que forma parte do Documento de Xestión.

Art. 196. Condicións particulares de cada APR

As condicións particulares do réxime e condicións de desenvolvemento de cada Área de Planeamento Remitido son as sinaladas no Documento de Xestión, coas fichas específicas de cada unha delas e nas que se regulan os seguintes aspectos: 1. Condicións de identificación: • Clave: APR, de ámbito de planeamento remitido, seguido dun número identificador, de ata dous díxitos. • Nome: coincidente co topónimo, barrio ou zona urbana que a identifique. • Distrito: número do distrito ao que pertencen. 2. Determinacións de superficie: • Superficie Delimitada: a que resulta da delimitación nos planos de ordenación. • Sistemas Locais Existentes: aqueles que teñan esa condición, e que poderán non computar a efectos do cálculo do Aproveitamento Tipo (Art. 113.1 da LOUG). • Sistemas Xerais Incluídos: diferéncianse tanto as superficies de Sistemas Xerais Existentes ou Propostos, para usos de Espazos Libres, Equipamentos Comunitarios ou de Comunicacións e Transportes. • Sistemas Xerais Adscritos: as superficies que, no seu caso, se adscriban á APR aos efectos da obtención da reserva de solo para Espazos Libres, Equipamentos Comunitarios, Comunicacións e Transportes. Son sempre exteriores ao ámbito. • Superficie Computable aos efectos do Aproveitamento Tipo: é a resultante de subtraer á superficie delimitada, as superficies dos Sistemas Xerais e Locais existentes e as que se manteñen. 3. Determinacións de Usos e Intensidades (cumprimento do art. 55.2 da LOUG): • Superficie Total Edificable: exprésase en metros cadrados construíbles (m²c). • Índice de Edificabilidade bruta: é a resultante de dividir a Superficie Total Edificable pola Superficie Delimitada. Exprésase na razón entre os metros cadrados construíbles e a superficie de cada metro cadrado de solo delimitado, (m²c/m²s). • Altura Máxima: Exprésase en número de andares e é unha determinación máxima. • Usos Globais, de entre os establecidos polo Art. 41 da presente Normativa Urbanística. 4. Condicións de equidistribución (cumprimento do art. 113 da LOUG): • Uso Global Característico: de entre os determinados no Art. 41 da presente Normativa Urbanística, expresando as porcentaxes máximas e mínimas de intensidade, segundo conveña. • Outros Usos Globais que poidan estar determinados con expresión das porcentaxes de intensidade. • Coeficientes de Ponderación entre Usos Globais: determinados segundo función do valor de repercusión do Uso Global Característico para os restantes Usos Globais previstos. • Tipoloxías edificatorias: expresarase segundo as tipoloxías definidas no Art. 150 da presente Normativa Urbanística (letras A, B, C, D, E, F e G). • Aproveitamento tipo: é a razón entre o aproveitamento lucrativo total ponderado e a Superficie Computable a estes efectos. Expresarase na razón de unidades de aproveitamento e a superficie computable do ámbito (u.a./m²sc).

Plan Xeral de Ordenación Municipal de Salceda de Caselas Normativa Urbanística 109 Documento para Aprobación Inicial

• Área de Reparto na que está integrado: agás determinación expresa entenderase que cada ámbito constitúe unha única área de reparto xunto cos Sistemas Xerais Adscritos. 5. Desenvolvemento e Xestión: • Iniciativa do planeamento: poderá ser pública ou privada. • Sistema de Actuación: calquera dos previstos no art.126 da LOUG. • Prazos de Desenvolvemento: establécense prazos para a iniciación do planeamento, do proxecto de equidistribución, proxecto de urbanización, da urbanización e da edificación, que formarán parte da Estratexia de Actuación do Estudo Económico Financeiro. 6. Reservas mínimas para Sistemas Locais: • Determinacións das contías mínimas de sistemas locais, en cumprimento do artigo 47.2 da LOUG, ou compensada dentro do Distrito segundo establece o artigo 49.1 da LOUG. Fixaranse metros cadrados de solo para os Espazos Libres/Zonas Verdes e os Equipamentos comunitarios, e número de prazas para a cesión de aparcadoiro de dominio público. 7. Reservas para Sistemas Xerais: • Cuantificación das superficies das reservas para Sistemas Xerais, tanto inscritos como adscritos, delimitadas nos planos de ordenación e diferenciadas segundo o estado da súa xestión. 8. Cargas Urbanísticas Específicas: • Achegas económicas: en casos de convenios, poderán recollerse achegas específicas en euros. 9. Obxectivos da Ordenación: • Obxectivos perseguidos, mesmo en relación á estratexia global de ordenación do Plan Xeral. 10. Criterios da Ordenación: • Directrices vinculantes de deseño ou das condicións de integración do ámbito na urdime urbana. • Condicións de desenvolvemento relativas ás previsión de sistemas locais. • Localización preferente de sistemas. • Outras determinacións. 11. Observacións e recomendacións: • Condicións complementarias non recollidas nos apartados anteriores. • Situación con planeamentos anteriores sobre este ámbito ou parte del. • Calquera outra observación ou recordatorio que poida ter relevancia para o desenvolvemento en relación á protección do medio natural, arquitectónico, arqueolóxico,..., e moitas outras que se determinan noutras partes do documento. • Recomendacións. 12. Esquemas complementarios: As fichas poderán ir acompañadas de esquemas nos que se establezan as condicións estruturantes para o seu desenvolvemento, a localización preferente dos sistemas locais, ou das diferentes tipoloxías admisibles, así como as que poidan ser convenientes a fin de contribuír á mellor disposición das edificacións, propiciando unhas mellores condicións de ordenación, accesibilidade, soleado, e en xeral, de máis axeitadas condicións de calidade de vida. - Condicións da Ordenación: Así pois, para cada área expóñense un conxunto de criterios e determinacións que deben ser consideradas para a ordenación da área. Nelas sinálase cal é o nivel de vinculación das determinacións. O proxecto que se desenvolva nestas áreas deberá xustificar, no seu caso, as modificacións que introduza con respecto ás que se sinalan na ficha con referencia á súa relación co necesario cumprimento dos obxectivos que se sinalan. As determinacións sinaladas en cada ficha para as diferentes APR terá carácter vinculante en todos os aspectos relativos ás determinacións substantivas do ámbito, as que se establezan como criterios de ordenación para asegurar as condicións de Normas de Calidade Urbana (Art. 48 da LOUG) e as que estean formuladas para a adecuada adaptación ao ambiente (Art.104 da LOUG), tendo só carácter de complemento orientativo aquelas outras non comprendidas nas condicións anteriores.

Plan Xeral de Ordenación Municipal de Salceda de Caselas Normativa Urbanística 110 Documento para Aprobación Inicial

Os Plans Especiais que desenvolvan estas áreas terán en conta, no caso de que estiveran afectadas por elas, as recomendacións que figuran no Capítulo XIII das Normas Urbanísticas do Plan. Cando o Sistema Xeral atravesase solos que deben desenvolverse mediante Plan derivados do Plan Xeral, deberán terse en conta os contidos das fichas correspondentes, tanto para respectar as características da súa ordenación coma para dispoñer as accións que estiveran previstas. O trazado do viario do propio sistema xeral e a dimensión e ordenación dos grandes espazos libres ou destinados a equipamentos teñen carácter de determinacións vinculantes. A forma e disposición dos elementos menores, tales como o viario complementario, pequenas edificacións de equipamento u outros elementos urbanos, teñen nas súas determinacións o carácter de recomendacións preferentes. As determinacións sobre superficies construída, edificabilidade e, en caso de fixarse, densidade ou número máximo de vivendas, terán sempre a condición de valores máximos permitidos. Os relativos ás reservas de sistemas locais para equipamentos ou zonas verdes terán a consideración de cifras mínimas. Tamén terán a consideración de cifras mínimas as relativas á definición dos espazos nos que o Concello poida materializar o dez (10) por cento do aproveitamento tipo da área de reparto. As condicións das APR que se redacten en desenvolvemento do Plan Xeral deberán garantir que non introducen determinacións que prexudiquen as condicións urbanísticas das edificacións lindeiras coa delimitación de cada ámbito, tanto sexa de accesibilidade, accesos, etc..., como a condición de vivenda exterior das vivendas existentes. A ordenación dos Ámbitos de Planeamento Remitido (APR), así como de calquera outra figura de planeamento de desenvolvemento, que teñan lugar sobre solos afectados por áreas de Protección Integral de xacementos arqueolóxicos, así como no seu contorno inmediato, recibirán un tratamento axeitado de cara a protexer, conservar e acrecentar os valores propios do patrimonio arqueolóxico. Ademais, en relación ás áreas de cautela destes xacementos, a ordenación detallada quedará pendente da execución dun estudo arqueolóxico previo para a súa definición, sempre que estes estean incluídos no Inventario Xeral de Patrimonio Cultural de Galicia. Así mesmo, as posibles construcións e instalación que se puidesen autorizar, deberán ter en conta as normas de adaptación ao ambiente co obxecto de harmonizar co elemento protexido e non perturbar a súa contemplación. Así mesmo, a ordenación dos Ámbitos de Planeamento Remitido (APR), así como de calquera outra figura de planeamento de desenvolvemento, que teñan lugar sobre solos afectados por Áreas de Protección de elementos de Catálogo de carácter arquitectónico ou etnográfico, recibirán un tratamento axeitado de cara a protexer, conservas e acrecentar os valores propios do ben protexido.

Art. 197. Ordenanzas de referencia

1. Os Plans Especiais de Reforma Interior, ou planeamentos que no seu caso corresponda, que se redacten en desenvolvemento do presente Plan Xeral, deberán cumprir as determinacións de cada APR relativas á Ordenanza de Referencia. 2. A estes efectos, parte do conxunto das Ordenanzas de Referencia vén constituído polas propias ordenanzas establecidas na presente Normativa Urbanística para a ordenación do solo urbano consolidado. No entanto, considerouse a previsión de novas referencias tipolóxicas a introducir no ámbito abranguido polas áreas de reparto. 3. Como Ordenanzas de Referencia consideraranse as seguintes: - Ordenanza 1, de edificación en cuarteirón. - Ordenanza 3, de edificación extensiva. - Ordenanza 4, de referencia para a ordenación de usos residenciais en bloque aberto. 4. Os planeamentos respectarán as Ordenanzas de Referencia nos contidos que se desenvolven nos artigos seguintes, sendo determinacións obrigatorias as seguintes: • Na ordenación residencial en bloque aberto, Ordenanza de referencia nº 4, deberá cumprirse o apartado referente ás Condicións de Posición.

Plan Xeral de Ordenación Municipal de Salceda de Caselas Normativa Urbanística 111 Documento para Aprobación Inicial

• Na ordenación residencial extensiva, Ordenanza de referencia nº 3, deberán cumprirse as condicións de parcelamento e recuados. 5. Dende o marco normativo establecido polo Plan Xeral, non serán esixibles outras determinacións particulares que as establecidas nas Ordenanzas de Referencia, se ben os planeamentos que conteñan a ordenación detallada poderán incorporar aqueloutras determinacións que lles sexa conveniente.

Art. 198. Ordenanza 4, de referencia para a ordenación de usos residenciais en bloque aberto

1. Definición e ámbito. É obxectivo desta ordenanza servir de referencia, no seu caso, para as ordenanzas dos planeamentos que conteñan a ordenación detallada en desenvolvemento do Plan Xeral. O seu uso característico é Residencial, Clase Vivenda, podendo albergar as dúas categorías previstas (Categoría 1ª de vivenda unifamiliar e Categoría 2ª de vivenda multifamiliar ou colectiva). A ordenación definida mediante bloques abertos independentes, rodeados por norma xeral de espazos libres no seu contorno, tenta liberar espazo libre na parcela.

2. Sistema de ordenación. Edificación en bloques abertos separados de todos os lindeiros e amosando todas as súas fachadas, xerando dentro da parcela e o seu redor espazos libres. Defínense dúas condicións dentro desta Ordenanza, en función de se están establecidas nos planos de ordenación as liñas exteriores de edificación (Condición A) ou, se polo contrario, non o están (Condición B): A. Parcela edificable cunha ocupación do 100 %, rodeada de espazos libres de uso e dominio público. B. Parcela edificable cunha ocupación máxima do 50 %, coa liña de edificación recuada de todos os lindeiros e rodeada de espazos libres privados.

3. Parámetros da edificación.

- Aliñación e rasantes. Definiranse nos correspondentes planos de ordenación do planeamento que conteña a ordenación detallada en desenvolvemento do Plan Xeral.

- Situación da edificación. Os planos de ordenación establecerán os límites das novas edificacións gardando as separacións, medidas en proxección horizontal, que se regulan nos seguintes apartados. Definirase unha ordenación de bloques que cumpra coas seguintes condicións de posición: - O ancho máximo do bloque establécese en 14 m. e a súa lonxitude -en desenvolvemento rectilíneo, curvo ou quebrado- nunca superará os 40 m. medidos no seu eixo. - A separación entre bloques será igual ou maior que a AMP do bloque de maior altura. - O recuado a lindeiros e a aliñacións non será inferior a 5 m. en todos os puntos. Nos casos de edificacións de forma irregular, curvos ou de formas que non permitan aplicar directamente os parámetros xerais, as condicións de separación resolveranse polo Concello, aplicando por similitude os criterios xerais, proxeccións ou outros establecidos que se contemplen nesta Ordenanza.

- Parcela mínima. Para a condición A, a que defina a proxección vertical do propio volume edificatorio. Para a condición B, establécese unha parcela mínima de 500 m², cuxa condición de forma de parcela permitirá a inscrición no seu interior dun círculo de diámetro igual ou superior a 20 m.

- Fondo edificable. Por regra xeral virá expresado nos planos, sendo obrigado como límite máximo para todas as plantas, incluída a baixa, o fondo máximo edificable coincide co ancho máximo do bloque, é dicir 14 m. para todas as plantas sobre rasante.

Plan Xeral de Ordenación Municipal de Salceda de Caselas Normativa Urbanística 112 Documento para Aprobación Inicial

- Fronte mínima de parcela. Establécese en 6 m.

- Ocupación máxima de parcela. Condición A: 100 %. Condición B: 50 %.

- Construción por riba da altura máxima. Por riba da altura máxima permítese o uso habitable na planta baixo cuberta sempre que se respecte o volume máximo permitido polas normas da edificación. A efectos do cálculo da edificabilidade computaranse todas aquelas zonas do espazo baixo cuberta cuxa altura libre interior sexa superior a 1,50 m. Autorízase a elevación dos paramentos verticais exteriores sobre da liña de fachada (nunca sobre dos voos) un máximo de 0,80 m. dende a cara superior do último forxado ata a cara inferior do faldrón da cuberta. Este peto tratarase do mesmo xeito que o resto da fachada. Permite esta ordenanza a tipoloxía de ático recuado, formando terrazas interiores e cuberta plana, sempre que fique dentro do volume capaz establecido. As terrazas quedarán ocultas dende a rúa e irán separadas dos lindeiros un mínimo de 1,5 m. Prohíbese expresamente a construción de bufardas.

- Edificabilidade. Queda fixada polo resto de parámetros.

- Altura máxima sobre rasante. A altura máxima establecerase nas fichas individuais de cada Área.

- Voos. Non se contemplan nesta ordenanza ningún tipo de corpo saínte.

Plan Xeral de Ordenación Municipal de Salceda de Caselas Normativa Urbanística 113 Documento para Aprobación Inicial

CAPÍTULO V. NORMAS PARTICULARES DE ORDENACIÓN EN SOLO DE NÚCLEO RURAL

Sección 1ª. Disposicións xerais

Art. 199. Clasificación e delimitación

1. Constitúen o solo de núcleo rural, os terreos que serven de soporte a asentamentos singularizados por responder ás características que determina o Artigo 13º da LOUG, de xeito que a identificación e delimitación dos núcleos rurais vén fundamentada en base ao Estudo do medio rural e análise do modelo de asentamento poboacional inserido na Memoria informativa do presente documento, segundo o esixido no Artigo 61º da devandita Lei. 2. A delimitación dos núcleos rurais que o plan xeral establece vén referida a algún ou algúns dos seguintes tipos básicos: a)Núcleo rural histórico tradicional (T). b)Núcleo rural común (C). c)Núcleo rural complexo, cando concorren nun mesmo asentamento os dous tipos anteriores. Na totalidade dos núcleos rurais do concello é factible a diferenciación entre un ou varios dos tres tipos anteriores. 3. Atópanse delimitados nos Planos de Ordenación co código NR, seguido de dous díxitos e o nome que o identifica e as ordenanzas aplicables grafítanse recadradas coa inicial de cada ordenanza que se indica na listaxe anterior (T ou C, segundo sexa Tradicional ou Común).

Art. 200. Réxime xeral do solo de núcleo rural

O réxime do solo dos núcleos rurais axustarase ao disposto no art. 24 da LOUG, segundo vén recollido no Capítulo I do Titulo II da presente Normativa Urbanística.

Sección 2ª. Condicións xerais para o seu desenvolvemento

Art. 201. Réxime xeral de actuacións

1. As actuacións que se poden desenvolver en solo de núcleo rural dependen da cualificación asignada polo plan: - Nas zonas que teñan asignada directamente unha ordenanza edificatoria poderanse realizar as actuacións directas que permite a propia ordenanza, que se desenvolven no seguinte artigo. - Nas zonas ou áreas nas que por planeamento xeral ou especial se prevexan actuacións de carácter integral nos núcleos rurais (e -no seu caso- delimiten polígonos) deberanse redactar, tramitar e aprobar os instrumentos de planeamento e/ou xestión que se contemplan no presente PXOM. 2. No referente ás actuacións admisibles nos núcleos rurais delimitados, permitiranse logo da licenza municipal, sen necesidade de autorización autonómica previa e axustándose ao disposto no Art. 29º da LOUG e á presente normativa, as seguintes actuacións. a) Obras de conservación e restauración das edificacións existentes, sempre e cando non supoñan variación das características esenciais do edificio, nin alteración do lugar, do volume e da tipoloxía tradicional. b) Obras de rehabilitación e ampliación en planta ou altura das edificacións existentes que non impliquen variación da súa tipoloxía. c) Novas edificacións de acordo coas regras establecidas na presente normativa. d) Obras de conservación, restauración, rehabilitación e reconstrución das edificacións tradicionais ou de especial valor arquitectónico existentes no núcleo rural, sempre que non supoñan variación das características esenciais do edificio nin alteración do lugar, do seu volume nin da tipoloxía orixinaria, sen necesidade de cumprir todas as condicións esixidas polo artigo 29 da LOUG.

Plan Xeral de Ordenación Municipal de Salceda de Caselas Normativa Urbanística 114 Documento para Aprobación Inicial

Art. 202. Desenvolvemento mediante actuacións edificatorias

1. Os propietarios de solo dos núcleos rurais en áreas con ordenanza de aplicación directa establecida nos Planos de Ordenación, teñen dereito ao seu uso e edificación nas condicións establecidas neste Capítulo. 2. Os tipos de construción deberán adaptarse ao ambiente no que estivesen situadas, adecuándose á súa condición propia do medio rural no que se localizan. A estes efectos, considérase que o cumprimento destas determinacións resulta do respecto ás condicións particulares da edificación. 3. Nestas zonas poderanse realizar tamén -no seu caso- as actuacións de execución en núcleo rural que poidan ser necesarias sen necesidade de redacción de planeamento de desenvolvemento (entre as previstas nos artigos 171, 172 e 173 da LOUG).

Art. 203. Desenvolvemento mediante actuacións de planeamento

1. Agás nos casos en que se poidan executar as actuacións directas sinaladas no artigo anterior, será preceptiva a realización de procesos de planeamento e/ou xestión (como no caso dalgunhas das actuacións que se sinalan nos artigos 171, 172 e 173 da LOUG) e as que citaremos de seguido.

2. Poderase proceder (e nalgúns casos será preceptiva) a realización dun Plan Especial de Ordenación do Núcleo Rural (en diante PEONR) nos seguintes casos:

a) Cando se teña que facer fronte á complexidade urbanística sobrevida neles, ou cando se acaden os indicadores que o plan xeral fixase a ese respecto.

b) Naquelas áreas onde o PXOM o sinale (porque se prevexan actuacións de carácter integral, ou por outras razóns que se sinalen).

c) Nos núcleos rurais situados dentro do perímetro dunha zona de concentración parcelaria.

d) Nos núcleos globalmente inventariados polo seu valor patrimonial e cultural –no seu caso-. Nestes casos poderá redactarse alternativamente un Plan Especial de Protección (ou obrigatoriamente se así o indica o PXOM no seu Catálogo).

e) Tamén poderá redactarse un PEONR coa exclusiva finalidade de completar o trazado da rede viaria e a sinalización de aliñacións e rasantes ou para asegurar a existencia de redes de dotación de servizos suficientes nos núcleos rurais.

3. En función do artigo 56 da LOUG fíxanse os indicadores que deban dar lugar á necesidade de redactar un PEONR para lle facer fronte á complexidade urbanística sobrevida.

− Cando o número de licenzas de nova edificación para vivenda concedidas supere a metade (50%) das vivendas totais cuantificadas nas fichas contidas no Estudo do Modelo de Asentamento Poboacional para cada un dos núcleos.

− Cando aínda sen ter atinxido esta porcentaxe, pero superado o 20% sobre o número de vivendas cuantificadas nas fichas do núcleos, o número de licenzas de nova edificación destinadas a usos diferentes ao de vivenda supoñan máis do 50% das licenzas de nova edificación para vivenda concedidas.

− Cando a densidade de vivendas sobre a superficie delimitada do núcleo supere o índice de 6 vivendas por hectárea no caso de núcleos que presenten unha densidade inferior na entrada do Plan Xeral.

− Cando se detecten problemas sanitarios de risco de contaminación de augas superficiais mananciais e acuíferos.

4. Ademais dos indicadores xenéricos anteriores, poderanse establecer outros específicos para cada núcleo rural e que (no seu caso) veñen definidos nas fichas correspondentes.

5. Nos núcleos sometidos con carácter xeral a redacción de PEONR coas finalidades fundamentais sinaladas nos puntos a), c), d) e e) do apartado 2 anterior (que implican actuacións globais ou xeneralizadas sobre a totalidade ou a maior parte do núcleo), cando sexa o PXOM o que prevé a delimitación do PEONR, establecerá na súa ficha correspondente a limitación ou prohibición das actuacións que poidan impedir ou limitar o

Plan Xeral de Ordenación Municipal de Salceda de Caselas Normativa Urbanística 115 Documento para Aprobación Inicial

desenvolvemento dos obxectivos previstos, e no seu caso (principalmente no caso d) do apartado 2 anterior, por razóns de protección dos valores do núcleo) poderase establecer unha norma de aplicación transitoria mentres non se aproba o PEONR. Cando o PEONR se estableza e delimite sen estar contemplado no PXOM ou no planeamento xeral vixente, deberá conter todas as determinacións transitorias necesarias para non impedir ou limitar o desenvolvemento dos obxectivos previstos.

6. Nas áreas sometidas a redacción de PEONR coa finalidade fundamental de desenvolver actuacións de carácter integral (as do punto b) do apartado 2 anterior), impediranse as actuacións que poidan interromper o desenvolvemento desas actuacións previstas, tal e como se especifica na presente normativa, e, no seu caso, nas observacións correspondentes na ficha de cada núcleo. Nestes casos, o PXOM establece en cada ámbito que deba ser sometido a PEONR as limitacións necesarias para impedir que a edificación poida dificultar a aprobación do futuro PEONR. A tal efecto, as únicas actuacións construtivas (as non construtivas permítense coa única limitación que estableza o réxime dos núcleos rurais) xenéricas que se poden desenvolver nos ámbitos sometidos a PEONR mentres non se redacten estes serán as seguintes:

- Peches de parcelas.

- Obras de mellora ou ampliación dos viarios existentes.

- Execución (ou mellora) de servizos urbanísticos precisos para a totalidade do núcleo, ou que excedan o ámbito estrito do PEONR.

Ademais das actuacións ou limitacións xenéricas anteriores, poderanse establecer outras específicas para cada ámbito de PEONR e que (no seu caso) veñen definidos nas fichas correspondentes.

Unha vez aprobado o devandito plan especial, poderá obterse licenza municipal con suxeición ás condicións establecidas polo plan e sen necesidade de previa autorización autonómica.

7. Nos PEONR coa finalidade fundamental de desenvolver actuacións de carácter integral sobre partes do núcleo, de conformidade co disposto no artigo 56.1.e) da LOUG, aplicarase o réxime previsto no seu artigo 24.3, e deberase garantir a integración da actuación coa morfoloxía, os servizos e as características do tipo básico ao que pertenza o núcleo no que se insira. Neste caso delimitaranse os correspondentes polígonos, cunha densidade máxima de 25 vivendas por Ha, e determinaranse as reservas de solo para dotacións públicas e para aparcadoiros, na proporción mínima establecida no artigo 47.2 da LOUG. O Plan que defina estas actuacións integrais deberá prever nelas as reservas de solo para dotacións públicas e para aparcadoiros, na proporción mínima establecida polo artigo 47.2 da LOUG, así como as cesións obrigatorias, gratuítas e libres de cargas á administración municipal do solo correspondente ao 10 % do aproveitamento urbanístico da dita área. A administración actuante non terá que contribuír aos custos de urbanización dos terreos nos que se localice o dito aproveitamento, que deberán ser asumidos polos propietarios. Non poderá permitirse nos núcleos histórico- tradicionais a execución de actuacións integrais que determinen a desfiguración da tipoloxía do núcleo e a destrución dos valores que xustificaron a súa clasificación como tal.

8. O ámbito de cada PEONR estará previamente definido no PXOM, pero tamén poderán delimitarse a posteriori novos ámbitos que abarcarán a totalidade ou parte dos terreos comprendidos na delimitación do núcleo rural respectivo.

9. Os obxectivos a perseguir coa realización do PEONR serán os sinalados no artigo 72 da LOUG.

10. O PEONR deberá explicitar:

a) A conveniencia e procedencia da súa formulación, de acordo cos obxectivos previstos concretos do plan, e con carácter xeral co que, a respecto dos núcleos rurais, se contén na presente Normativa.

b) A sinalización das áreas de actuación integral, no seu caso.

c) A sinalización das dotacións urbanísticas e infraestruturas de todo tipo acaídas ás necesidades da poboación.

d) As medidas conducentes á conservación e mellora do medio ambiente e das características singulares ou valores a conservar do núcleo e das edificacións tradicionais que –no seu caso- o compoñan.

Plan Xeral de Ordenación Municipal de Salceda de Caselas Normativa Urbanística 116 Documento para Aprobación Inicial

e) As condicións que se consideran mínimas a respecto da urbanización.

f) Se procede, a programación das actuacións concertadas cos particulares e das comprometidas coas administracións públicas.

Se procede, incluirá un Anexo de Habitabilidade (segundo se indica nas NHV), que xustificará que se cumpren as condicións mínimas de habitabilidade necesarias nas vivendas do seu ámbito, e incluirá unha definición das condicións de habitabilidade dos espazos exteriores comunitarios para garantir que se preserven eses espazos singulares dos núcleos.

Sección 3ª. Réxime xeral de usos nos núcleos rurais

Art. 204. Condicións xerais de uso das edificacións

1. O réxime xeral de usos en solo de núcleo rural é o que determinan os artigos 25 e 28 da LOUG. Complementariamente o presente PXOM engade as condicións particulares ou os usos concretos admitidos, todo iso recollido nos seguintes puntos ou artigos. 2. No referente ás actuacións admisibles nos núcleos rurais delimitados, permitiranse logo da licenza municipal, sen necesidade de autorización autonómica previa e axustándose con carácter xeral ao disposto no Art. 29º da LOUG (salvo as excepcións que se citan) e á presente normativa, as seguintes actuacións. a) Obras de conservación, restauración, rehabilitación e ampliación en planta ou altura das edificacións existentes, sempre que non supoñan alteración das características esenciais ou da tipoloxía do edificio. b) Novas edificacións de acordo coas regras establecidas na presente normativa e na LOUG. c) Obras de conservación, restauración, rehabilitación e reconstrución das edificacións tradicionais ou de especial valor arquitectónico existentes no núcleo rural, sempre que non supoñan variación das características esenciais do edificio nin alteración do lugar, do seu volume nin da tipoloxía orixinaria, sen necesidade de cumprir todas as condicións esixidas polo artigo 29 da LOUG. d) Queda prohibido o derrubamento ou demolición das construcións existentes, agás nos supostos establecidos no Artigo 26 da LOUG.

Art. 205. Actuacións prohibidas

Prohíbese levar a cabo nos núcleos rurais calquera das actuacións que se recollen no art. 28 da LOUG,, así como as obras de demolición, agás nos termos regulados no art. 26 da LOUG.

Art. 206. Regulación de usos compatibles a) Uso Característico: I. Residencial: Clase vivenda: Categoría 1ª. b) Usos Compatibles no mesmo edificio: I. Residencial: Clase Residencia: Categoría 3ª. II. Terciario hostaleiro: Categoría 1ª. III. Terciario xeral: Clase comercio: Categoría 1ª. Clase oficinas: Categoría 6ª, 7ª e 8ª. Clase recreativo e reunión: Categoría 10ª. IV. Dotacional: Educación: Categoría 1ª, 2ª, 6ª e 7ª. Sociocultural: Categoría 8ª e 9ª. Asistencial: Categoría 10ª. Sanitario: Categoría 12ª e 14ª.

Plan Xeral de Ordenación Municipal de Salceda de Caselas Normativa Urbanística 117 Documento para Aprobación Inicial

Servizos públicos: Categoría 15ª, salvo incompatibilidade do uso específico. Deportivo: Categoría 19ª e 20ª. V. Industria: Clase Industria Ordinaria: Categoría 1ª. Clase almacéns: Categoría 6ª. I. Garaxe-Aparcadoiro: Categoría 1ª en planta baixa ou inferiores. c) Usos Compatibles en edificio exclusivo: I. Os anteriores. II. Terciario hostaleiro: Categoría 2ª, 4ª e 5ª. III. Terciario xeral: Clase Comercio: Categoría 2ª. Clase Oficinas: Categoría 9ª. Clase recreativo e reunión: Categoría 11ª e 12ª. IV. Dotacional: Funerarios: só cemiterios existentes, a ampliación requirirá das autorizacións sanitarias pertinentes e do informe favorable de patrimonio, se está catalogado. Clase Asistencial: Categoría 11ª. Clase Administración Pública: Categoría 16ª. Clase deportivo: Categoría 21ª. V. Industria: Clase Industria Ordinaria: Categoría 2ª. VI. Garaxe-aparcadoiro: Categoría 2ª. VII. Agropecuario: Categoría 2ª. d) Usos compatibles non edificatorios: I. Espazos Libres: Clase Espazos Libres: Categoría 1ª. Clase Zonas verdes: Categorías 2ª, 3ª e 5ª. II. Agropecuario: Categoría 1ª. e) Todos os usos compatibles están limitados a non alterar a estrutura morfolóxica do asentamento, ou a desvalorizalo, ou non contribúan a revitalizar a vida rural e o nivel de vida dos moradores. f) Usos prohibidos: Sen prexuízo das actuacións prohibidas no artigo anterior, considéranse usos prohibidos nos núcleos rurais os establecidos no art. 28 da LOUG.

Sección 4ª. Normas de edificación nos núcleos rurais

Art. 207. Normas xerais de ordenación e edificación

Serán de aplicación as Normas Xerais de Edificación da presente Normativa urbanística, e para os parámetros que non se regulan especificamente en cada unha das ordenanzas, establécense unhas condicións xerais nos termos particulares que a continuación se establecen: Nas parcelas lindeiras con estradas de titularidade autonómica deberán cumprirse as condicións establecidas para o solo de núcleo rural no Art. 321.

1. Sistema de ordenación A edificación será exenta, apareada ou acaroada (nos dous últimos casos, mercé a proxecto conxunto – se é que se permiten estas tipoloxías na ordenanza aplicable, e nas condicións que alí se sinalen-) segundo o grao de ordenación permitido (que se establece nos planos para cada zona como segundo díxito da clave grafada, despois do código de

Plan Xeral de Ordenación Municipal de Salceda de Caselas Normativa Urbanística 118 Documento para Aprobación Inicial ordenanza –T para as zonas tradicionais e C para as comúns-); e tamén se permitirá aquela que se poida apoiar en medianeiras ou paredes cegas existentes, se a ordenanza aplicable o permite (nas condicións que alí se sinalen).

Establécense os seguintes graos ou intensidades de ordenación en función das tipoloxías a implantar:

Carácter Tipoloxía característica Tipoloxías admitidas Grao 1: Extradenso Acaroada Exenta ou apareada Grao 2: Denso Apareada Exenta Grao 3: Normal Exenta Grao 4: Extenso Exenta Grao 5: Extraextenso Exenta

2. Parámetros básicos dependentes do grao (parcela, edificabilidade, ocupación, fronte): Establécense varios tipos de parámetros segundo o grao ou intensidade establecida, dependendo da súa situación nos distintos tipos de núcleos e do tipo de edificación que se poida construír nela (sempre que se permitan estas tipoloxías na ordenanza ou tipo de núcleo aplicable, e nas condicións que alí se sinalen).

Tipoloxía Parcela neta mínima a efectos Edificabilidade Ocupación Fronte mínima característica de reparcelación (m2) máxima (m2/m2) máxima (%) (m2) Grao 1: Acaroada 500 0,4 40 71 Grao 2: Apareada 600 0,35 35 9 Grao 3: Exenta 800 0,25 25 12 Grao 4: Exenta 1.000 0,2 20 15 Grao 5: Extraextenso 2.000 0,1 10 18

As superficies de parcela do cadro anterior, tal e como se indica no mesmo son mínimas a efectos de reparcelación, por tanto para adecuarse as condicións particulares de cada núcleo ou de determinadas parcelas en situacións limite, poderase admitir a edificación en parcelas inferiores a esa superficie (pero co límite de que debe permitir a construción dunha vivenda mínima segundo as NHV e cumprir o resto de condicións que se recollen nos seguintes apartados para estes casos limite a respecto de Edificabilidade máxima, Ocupación máxima e Fronte mínima). Non se esixe parcela mínima naquelas que xa estean edificadas vivendas tradicionais, sempre que se manteña a dita edificación. Poderase admitir a edificación con ocupación superior a máxima (pero cunha diferenza á alza non superior a un cuarto da ocupación máxima aplicable, segundo o cadro anterior), para as parcelas inferiores á mínima que cumpran as condicións excepcionais de parcela do parágrafo anterior. A ocupación nas parcelas xa edificadas con vivendas tradicionais poderá ser como máximo a da edificación existente, se excede dos parámetros citados, sempre que se manteña a dita edificación, e sen posibilidades de ampliación de volume. Aos efectos da ocupación computarán, ademais da edificación principal, as edificacións auxiliares e complementarias (cubertos, alpendres, cortes, etc.). Excepcionalmente permitiranse ocupacións maiores cando se trate da rehabilitación ou renovación de edificios existentes; neste caso a ocupación máxima non poderá superar a da edificación anterior obxecto da rehabilitación ou renovación, ou cando se trate de edificacións novas en parcelas situadas entre edificacións existentes e que non podendo cumprir tal condición, deberán respectar o resto dos parámetros definidos. No caso de que se procedese á rehabilitación ou reestruturación dunha edificación tradicional ou de especial valor arquitectónico existente na parcela, poderase conservar a dita edificabilidade, aínda que se supere a aquí establecida (ou aínda que a edificación ou a parcela non cumpran todas as condicións da ordenanza aplicable), sempre e cando non se desvirtúen os valores inherentes á vella edificación. Tamén nestes casos, cando este xustificado para cumprir as condicións de uso ou habitabilidade, poderá permitirse a súa ampliación (sen invadir novos espazos non ocupables

1 Nas parcelas extremas de cada grupo aplicaranse a estes efectos as condicións de tipoloxía apareada.

Plan Xeral de Ordenación Municipal de Salceda de Caselas Normativa Urbanística 119 Documento para Aprobación Inicial segundo as condicións de edificación aplicables para aliñacións, recuados, etc), e sen superar o 20 % do volume orixinario da edificación. A efectos de edificabilidade, computará tanto a edificación principal como as auxiliares que superen os 30 m² en planta ou de menor superficie que acaden alturas superiores aos 3 metros. En calquera caso, estas edificacións auxiliares computarán a efectos de ocupación da parcela. Ás parcelas resultantes dos parcelamentos urbanísticos aprobados polo Concello con anterioridade á aprobación inicial do PXOM non lles será de aplicación a edificabilidade establecida de modo xeral, sempre que a edificación bruta xeral aplicada ao conxunto da parcela matriz non exceda da aquí fixada en cada caso. En calquera caso, a edificabilidade aplicada ás unidades reparceladas terá que ser inferior a 0,8 m²/m². A respecto da fronte de parcela poderá autorizarse a edificación naquelas parcelas cunha fronte menor aos establecidos no cadro anterior, sempre que non procedan de segregacións posteriores á aprobación do presente PXOM, se atopen entre parcelas xa edificadas e se respecte o resto dos parámetros aquí establecidos. A aplicación das posibilidades particulares e excepcionais recollidas nos puntos anteriores a respecto da parcela, a ocupación, a edificabilidade e a fronte deberán permitir en calquera caso que a edificación resultante cumpra todas as condicións mínimas establecidas no CTE, ou nas NHV no caso das vivendas. As edificacións existentes nos núcleos rurais, á entrada en vigor do PXOM (sempre que se executasen de conformidade coas licenzas concedidas no seu momento a respecto da ordenación urbanística aplicable con anterioridade ao presente PXOM, e as edificacións tradicionais en calquera caso) en que o incumprimento do PXOM (a respecto do aquí regulado, ou no Art. 33 ou no Art. 34) sexa só polas condicións establecidas no presente apartado (ou conxuntamente con algunha outra excepción similar que se contemple nas presentes condicións xerais ou na ordenanza aplicable), non se entenderán fóra de ordenación por estas circunstancias.

3. Outros parámetros de edificación:

Aliñacións: As aliñacións son as definidas nos planos de ordenación.

Rasantes: Coma regra xeral serán as actuais das vías ás que dea fronte a parcela. A este respecto, calquera alteración do terreo para acomodar a edificación terá de axustarse ás seguintes condicións: - As támaras producidas despois de modificar a pendente natural do terreo non excederán do 50 % da dita pendente. - Os movementos de terras e os muros de contención que sexan necesarios coma consecuencia das alteracións topográficas para acomodar a edificación á rasante das vías ou para ordenar internamente a parcela, axustaranse ás limitacións recollidas no artigo Art. 113 para o grupo 1 e as aplicables do Art. 110.

Recuados: 1. Serán como mínimo de 3,00 a todos os lindeiros. No caso de existir xa unha ou dúas medianeiras nos laterais, permitirase acaroar a elas. 2. Permitirase igualmente arrimar dúas novas edificacións en parcelas contiguas, sempre que se amparen nun proxecto conxunto, con obriga de tapar as medianeiras existentes e non crear outras novas, de xeito que non queden medianeiras á vista e manténdose os recuados previstos ao resto dos lindeiros e fronte. 3. Nos contornos de protección de elementos catalogados será preciso axustar as condicións de posición e situación da nova edificación (fondos, recuados a vías e laterais ou fondos) á das edificacións tradicionais existentes (sobre todo se conforman liñas homoxéneas xa consolidadas).

Altura máxima sobre rasante (AMR): A altura máxima será de 7 m, equivalente á planta baixa e primeira, medidos nas condicións aplicables do Art. 144.

Plan Xeral de Ordenación Municipal de Salceda de Caselas Normativa Urbanística 120 Documento para Aprobación Inicial

Nos contornos de protección de elementos catalogados será preciso axustar a altura da nova edificación á das edificacións tradicionais existentes (aínda que como mínimo deberán acadarse as alturas esixidas por habitabilidade nas NHV), sobre todo se as novas edificacións van a acaroarse a elas.

Altura máxima no punto máis desfavorable (AMP). Non superará en máis de 1.00 m a altura máxima sobre rasante.

Cubertas da edificación. Con carácter xeral aplicaranse as condicións do Art. 175, coas limitacións concretas que alí se recollen para os núcleos rurais mais as seguintes condicións: - A cuberta terá unha pendente inferior a 30º, unha altura máxima de cumio de 3,60 m. e estará formada por planos continuos sen crebas nas súas vertentes. - Quedan prohibidas as mansardas e bufardas. - Nos contornos de protección de elementos catalogados será preciso axustar as condicións de forma e tipoloxía das cubertas da nova edificación (augas, pendentes, tipos de aleiros e beirís, materiais de cobertura) á das edificacións tradicionais existentes (sobre todo se estas forman aliñacións homoxéneas xa consolidadas que conforman unha unidade de cuberta que se deberá manter).

Edificacións auxiliares : As edificacións auxiliares computarán a efectos de ocupación e edificabilidade, terán unha altura máxima de 3 m. e unha lonxitude frontal máxima de 5 m. Poderán acaroarse á edificación principal e aos lindes da parcela por detrás da liña de fachada, sen prexuízo de terceiros.

Voos: As edificacións poderán voar elementos permitidos sobre da aliñación, cun fondo máximo de 0,60 m, sempre que o ancho da vía á que dean fronte sexa maior ou igual de 8,00 m. No resto de condicións estarase ao disposto no Art. 153 e no Art. 175 da presente Normativa Urbanística.

Beirados: Con carácter xeral aplicaranse as seguintes condicións: - O saínte máximo dos beirados será de 40 cm. - A fronte dos beirados non terá un espesor superior a 20 cm.

Escaleiras: Non poderán realizarse escaleiras para acceso ao baixo cuberta polo exterior da edificación.

Materiais e condicións estéticas: As características estéticas e construtivas dos materiais, cores e acabados serán acordes coa paisaxe rural e coas construcións tradicionais do asentamento. En tal sentido, para o acabado das edificacións utilizaranse os materiais tradicionais e propios da zona. En casos xustificados pola calidade arquitectónica da edificación, poderán empregarse outros materiais que harmonicen cos valores naturais, a paisaxe rural e as edificacións tradicionais do contorno.

Peches: Regúlanse polo establecido nas ordenanzas xerais (Art. 110).

Art. 208. Condicións especiais

1. Os elementos recollidos no Catálogo como integrantes do patrimonio a protexer, así como as actuacións a desenvolver no contorno do elemento catalogado estarán sometidos ao réxime de protección establecido no mesmo.

Plan Xeral de Ordenación Municipal de Salceda de Caselas Normativa Urbanística 121 Documento para Aprobación Inicial

2. Poderán autorizarse edificacións novas destinadas a vivendas de vacacións (conxunto de vilas, chalés ou bungalows) nun grao de utilización análogo ao previsto pola lexislación sectorial para os establecementos de turismo rural en vivendas preexistentes. Nestes casos para a obtención da licenza presentarase un estudo xustificativo da solución achegada que haberá de axustarse na medida do posible ao carácter rural das edificacións existentes na súa forma, volume e tipoloxía, todo isto segundo o disposto no art. 29.c LOUG. 3. Con carácter excepcional, poderán autorizarse edificacións destinadas a equipamentos comunitarios que, dando resposta aos parámetros formais actuais e ás condicións medioambientais do espazo no que se atopan, non cumpran as condicións reguladas nas ordenanzas de núcleo rural. Nestes casos para a obtención da licenza presentarase un estudo xustificativo da solución achegada que haberá de axustarse na medida do posible ao carácter rural das edificacións existentes na súa forma, volume e tipoloxía, todo isto segundo o disposto no art. 29.c LOUG.

Subsección 1ª. Ordenanzas de edificación en solo de núcleo rural

Art. 209. Ordenanza de edificación en áreas de núcleo histórico tradicional (T)

1. Definición e ámbito Comprende esta Ordenanza a totalidade ou parte dos ámbitos das aldeas e lugares que conforman os asentamentos rurais preindustriais con edificacións maioritariamente tradicionais que dispoñen xa de servizos urbanísticos e/ou se localizan en áreas consolidadas pola edificación en proporción superior a un 50%. O ámbito desta ordenanza gráfase nos planos con etiquetas recadradas coa súa inicial (T).

2. Sistema de ordenación Establécese o sistema de ordenación segundo o parcelario e as condicións das tipoloxías edificatorias existentes na zona, asignando un grao de ordenanza de entre os establecidos na parte xeral das ordenanzas de núcleo rural. A edificación será exenta ou acaroada; neste último caso, sempre que se ampare con proxecto conxunto. Excepcionalmente poderase permitir a edificación acaroada a medianeira(s) xa existente(s). Co mesmo carácter excepcional permitirase a edificación entre medianeiras (ou en fieira) para completar tramos xa consolidados con esta tipoloxía. Esta excepción será aplicable exclusivamente na marxe da vía que reúna as condicións de consolidación esixidas. A estes efectos consideraranse na tipoloxía de edificación entre medianeiras en fieira, aqueles tramos de vías comprendidos entre dúas interseccións viarias que aparezan edificados, como mínimo, en 2/3 da súa lonxitude. As condicións básicas de edificación non superarán (salvo as excepcións que se indican no presente apartado) os parámetros establecidos para cada grao definido a partir da parcela mínima aplicable.

3. Condicións básicas da edificación non especificadas nas xerais:

Graos admisibles: Admítense todos os graos definidos, que se establecen pormiudadamente por zonas homoxéneas nos planos de ordenación.

Acaroados: No caso de existir xa unha ou dúas medianeiras nos laterais, permitirase acaroar a elas. Permitirase igualmente arrimar dúas novas edificacións en parcelas contiguas, sempre que se amparen nun proxecto conxunto, de xeito que non queden medianeiras á vista e manténdose os recuamentos previstos ao resto dos lindeiros e fronte, e sen superar o número de tres cun mesmo proxecto.

Parcelacións: Permitiranse as parcelacións de propiedades aínda que se deberán observar e cumprir as limitacións recollidas tanto no artigo 28.2 d) da LOUG como no Art. 21 da presente normativa.

Plan Xeral de Ordenación Municipal de Salceda de Caselas Normativa Urbanística 122 Documento para Aprobación Inicial

Art. 210. Ordenanza de edificación en áreas de núcleo común (C).

1. Definición e ámbito Comprende esta Ordenanza os terreos da totalidade ou parte dos ámbitos dos núcleos, aldeas e lugares que conforman asentamentos rurais que dispoñen xa de servizos urbanísticos e/ou se localizan en áreas consolidadas pola edificación en proporción superior a un terzo (1/3), e que sen chegaren a acadar as condicións que a LOUG establece para os núcleos rurais tradicionais, son susceptibles de ser clasificados como núcleos rurais, conforme aos criterios de ordenación establecidos na LOUG. O ámbito desta ordenanza gráfase nos planos con etiquetas recadradas coa súa inicial (C).

3. Condicións básicas da edificación non especificadas nas xerais:

Graos admisibles: Admítense todos os graos definidos, que se establecen pormiudadamente por zonas homoxéneas nos planos de ordenación.

Acaroados: No caso de existir xa unha ou dúas medianeiras nos laterais, permitirase acaroar a elas. Permitirase excepcionalmente o acaroado (cada 2) de vivendas (se non se dá a circunstancia citada anterior) cando se ampare a solicitude de licenza cun proxecto conxunto, e sempre que non queden medianeiras á vista e manténdose os recuamentos previstos ao resto dos lindeiros e fronte.

Parcelacións: Permitiranse as parcelacións de propiedades aínda que se deberán observar e cumprir as limitacións recollidas no Art. 21 da presente normativa, así como aquelas que poida fixar a LOUG sobre esta cuestión.

Plan Xeral de Ordenación Municipal de Salceda de Caselas Normativa Urbanística 123 Documento para Aprobación Inicial

CAPÍTULO VI. NORMAS PARTICULARES DE ORDENACIÓN EN SOLO URBANIZABLE

Sección 1ª. Disposicións xerais

Art. 211. Definición

De acordo coas definicións contidas no Título II, Capítulo I da presente Normativa Urbanística e en aplicación do art. 14 da LOUG, o Plan Xeral clasifica como solo urbanizable os terreos que non tendo a condición de solo urbano ou rústico, considera que poden ser obxecto de transformación urbanística nos termos previstos na LOUG.

Art. 212. Categorías

Diferéncianse dúas categorías: 1. Solo Urbanizable Delimitado (SUD), ou inmediato, que é o comprendido en sectores delimitados e teñen establecidos os prazos de execución e as condicións da súa transformación, fixas no Plan Xeral. 2. Solo Urbanizable Non Delimitado (SUND), ou diferido, que sería o integrado polos demais terreos do solo urbanizable así clasificado.

Sección 2ª. Ámbitos de solo urbanizable delimitado

Art. 213. Delimitación dos sectores

A delimitación dos sectores realízase sobre límites físicos existentes, ben sexan límites de propiedade ou compoñentes físicos do territorio.

Art. 214. Sectores de planeamento remitido

1. Os sectores de solo urbanizable delimitado desenvolveranse mediante Plans Parciais, cuxos ámbitos veñen recollidos como SUD nos Planos de Ordenación (escala 1: 5000). 2. Cada sector de planeamento remitido conta cunha ficha individualizada, que forma parte do Documento de Xestión. 3. Nos sectores o desenvolvemento edificatorio deberá axustarse ás Normas Xerais de Uso e de Edificación e á regulación que sobre a superficie edificable se establece no art. 46.6.a LOUG. 4. Nas parcelas lindeiras con estradas de titularidade autonómica deberán cumprirse as condicións establecidas para o solo urbanizable no Art. 321.

Art. 215. Condicións particulares de cada SUD

As condicións particulares do réxime e condicións de desenvolvemento de cada Sector de Planeamento Remitido son as sinaladas no Documento de Xestión, coa súa ficha específica nas que se regulan os seguintes aspectos. 1. Condicións de identificación: • Clave: SUD, seguido dun número de ata dous díxitos. • Nome: coincidente co topónimo, barrio ou zona urbana que a identifique. • Distrito: número do distrito ao que pertencen. 2. Determinacións de superficie: • Superficie Delimitada: a que resulta da delimitación nos planos de ordenación. • Sistemas Locais Existentes: aqueles que teñan esa condición, e que poderán non computar a efectos do cálculo do Aproveitamento Tipo (Art. 113.1 da LOUG). • Sistemas Xerais Incluídos: diferéncianse tanto as superficies de Sistemas Xerais Existentes ou Propostos, para usos de Espazos Libres, Equipamentos Comunitarios ou de Comunicacións e Transportes.

Plan Xeral de Ordenación Municipal de Salceda de Caselas Normativa Urbanística 124 Documento para Aprobación Inicial

• Sistemas Xerais Adscritos: as superficies que, no seu caso, se adscriban ao SUD aos efectos da obtención da reserva de solo para Espazos Libres, Equipamentos Comunitarios, Comunicacións e Transportes. Son sempre exteriores ao ámbito. • Solos Rústicos de Protección de Augas e Canles, adscritos ao sector. • Superficie Bruta: a resultante de subtraer o Solo Rústico de Protección de Augas e Canles á Superficie Delimitada. • Superficie Computable aos efectos do Aproveitamento Tipo: é a resultante de subtraer á Superficie Delimitada, as superficies dos Sistemas Xerais e Locais existentes e que se manteñan. 3. Determinacións de Usos e Intensidades: • Superficie Total Edificable: exprésase en metros cadrados construíbles (m²c). • Índice de Edificabilidade bruta: é a resultante de dividir a Superficie Total Edificable pola Superficie Bruta. Exprésase na razón entre os metros cadrados construíbles e a superficie de cada metro cadrado de solo delimitado, (m²c/m²s). • Altura Máxima: Exprésase en número de andares e é unha determinación máxima. • Usos Globais, de entre os establecidos polo Art. 41 da presente Normativa Urbanística. 4. Condicións de equidistribución: • Uso Global Característico: de entre os determinados no Art. 41 da presente Normativa Urbanística, expresando as porcentaxes máximas e mínimas de intensidade, segundo conveña. • Outros Usos Globais que poidan estar determinados con expresión das porcentaxes de intensidade. • Coeficientes de Ponderación entre Usos Globais: determinados segundo función do valor de repercusión do Uso Global Característico para os restantes Usos Globais previstos. • Tipoloxías edificatorias: expresarase segundo as tipoloxías definidas no Art. 150 da presente Normativa Urbanística (letras A, B, C, D, E, F e G). • Aproveitamento tipo: é a razón entre o aproveitamento lucrativo total ponderado e a Superficie Computable a estes efectos. Expresarase na razón de unidades de aproveitamento e a superficie computable do ámbito (u.a./m²sc) • Área de Reparto na que está integrado: agás determinación expresa entenderase que cada ámbito constitúe unha única área de reparto xunto cos Sistemas Xerais Adscritos. 5. Desenvolvemento e Xestión: • Iniciativa do planeamento: poderá ser pública ou privada. • Sistema de Actuación: calquera dos previstos no art.126 da LOUG. • Prazos de Desenvolvemento: establécense prazos para a iniciación do planeamento, do proxecto de equidistribución, proxecto de urbanización, da urbanización e da edificación, que formarán parte da Estratexia de Actuación do Estudo Económico Financeiro. 6. Reservas mínimas para Sistemas Locais: • Determinacións das contías mínimas de sistemas locais, en cumprimento do artigo 47.2 LOUG, ou compensada dentro do Distrito segundo establece o artigo 49.1 da LOUG. Fixaranse metros cadrados de solo para os Espazos Libres/Zonas Verdes e os Equipamentos comunitarios, e en número de prazas para a cesión de aparcadoiro de dominio público. 7. Reservas para Sistemas Xerais: • Cuantificación das superficies das reservas para Sistemas Xerais, tanto inscritos coma adscritos, delimitadas nos planos de ordenación e diferenciadas segundo o estado da súa xestión. 8. Cargas Urbanísticas Específicas: • Achegas económicas: en casos de convenios, poderán recollerse achegas específicas en euros. 9. Obxectivos da Ordenación: • Obxectivos perseguidos, incluso en relación á estratexia global de ordenación do Plan Xeral. 10. Criterios da Ordenación:

Plan Xeral de Ordenación Municipal de Salceda de Caselas Normativa Urbanística 125 Documento para Aprobación Inicial

• Directrices vinculantes de deseño ou das condicións de integración do ámbito na urdime urbana. • Condicións de desenvolvemento relativas ás previsións de sistemas locais. • Localización preferente de sistemas. • Outras determinacións. 11. Observacións e Recomendacións: • Condicións complementarias non recollidas nos apartados anteriores. • Situación con planeamentos anteriores sobre este ámbito ou parte del. • Calquera outra ou observación ou recordatorio que poida ter relevancia para o desenvolvemento en relación á protección do medio natural, arquitectónico, arqueolóxico,..., e moitas outras que se determinan noutras partes do documento. • Recomendacións. 12. Esquemas complementarios As fichas poderán ir acompañadas de esquemas nos que se establezan condicións estruturantes para o seu desenvolvemento, a localización preferente dos sistemas locais, ou das diferentes tipoloxías admisibles, así como as que poidan ser convenientes a fin de contribuír á mellor disposicións das edificacións para a propiciar unhas mellores condicións de ordenacións, accesibilidade, soleado, e en xeral, das máis acaídas condicións de calidade de vida.

- Condicións da Ordenación Así pois, para cada área expóñense un conxunto de criterios e determinacións que deben ser consideradas para a ordenación da área. Nelas sinálase cal é o nivel de vinculación das determinacións. O proxecto que se desenvolva nestas áreas deberá xustificar, no seu caso, as modificacións que introduza con respecto ás que se sinalan na ficha con referencia á súa relación co necesario cumprimento dos obxectivos que se sinalan. As determinacións sinaladas en cada ficha para os diferentes SUD terá carácter vinculante en todos os aspectos relativos ás determinacións substantivas do ámbito, as que se establezan como criterios de ordenación para asegurar as condicións de Normas de Calidade Urbana (Art. 48 da LOUG) e as que estean formuladas para a adecuada adaptación ao ambiente (Art.104 da LOUG), tendo só carácter de complemento orientativo aquelas outras non comprendidas nas condicións anteriores. Os Plans Especiais que desenvolvan estes solos terán en conta, no caso de que estiveran afectadas por elas, as Recomendacións que figuran no Capítulo XIII das Normas Urbanísticas do Plan. Cando o Sistema Xeral atravesase solos que deben desenvolverse mediante Plan derivados do Plan Xeral, deberán terse en conta os contidos das fichas correspondentes, tanto para respectar as características da súa ordenación coma para dispoñer as accións que estiveran previstas. O trazado do viario do propio sistema xeral e a dimensión e ordenación dos grandes espazos libres ou destinados a equipamentos teñen carácter de determinacións vinculantes. A forma e disposición dos elementos menores, tales como o viario complementario, pequenas edificacións de equipamento u outros elementos urbanos, teñen nas súas determinacións o carácter de recomendacións preferentes. As determinacións sobre superficies construída, edificabilidade e, en caso de fixarse, densidade ou número máximo de vivendas, terán sempre a condición de valores máximos permitidos. Os relativos ás reservas de sistemas locais para equipamentos ou zonas verdes terán a consideración de cifras mínimas. Tamén terán a consideración de cifras mínimas as relativas á definición dos espazos nos que o Concello poida materializar o dez (10) por cento do aproveitamento tipo da área de reparto. As condicións dos SUD que se redacten en desenvolvemento do Plan Xeral deberán garantir que non introducen determinacións que prexudiquen as condicións urbanísticas das edificacións lindeiras coa delimitación de cada ámbito, tanto sexa de accesibilidade, accesos, etc..., como a condición de vivenda exterior das vivendas existentes. A ordenación dos Solos Urbanizables Delimitados (SUD), así como de calquera outra figura de planeamento de desenvolvemento, que teñan lugar sobre solos afectados por áreas de Protección Integral de xacementos arqueolóxicos, así como no seu contorno inmediato, recibirán un tratamento axeitado de cara a protexer, conservar e acrecentar os valores propios do patrimonio arqueolóxico. Ademais, en relación ás áreas de cautela destes

Plan Xeral de Ordenación Municipal de Salceda de Caselas Normativa Urbanística 126 Documento para Aprobación Inicial xacementos, a ordenación detallada quedará pendente da execución dun estudo arqueolóxico previo para a súa definición, sempre que estes estean incluídos no Inventario Xeral de Patrimonio Cultural de Galicia. Así mesmo, as posibles construcións e instalación que se puidesen autorizar, deberán ter en conta as normas de adaptación ao ambiente co obxecto de harmonizar co elemento protexido e non perturbar a súa contemplación. Así mesmo, a ordenación dos Solos Urbanizables Delimitados (SUD), así como de calquera outra figura de planeamento de desenvolvemento, que teñan lugar sobre solos afectados por Áreas de Protección de elementos de Catálogo de carácter arquitectónico ou etnográfico, recibirán un tratamento axeitado de cara a protexer, conservas e acrecentar os valores propios do ben protexido.

Art. 216. Ordenanzas de referencia

1. Os Plans Parciais que se redacten en desenvolvemento do presente Plan Xeral, deberán cumprir as determinacións de cada SUD relativas á Ordenanza de Referencia. 2. A estes efectos, parte do conxunto das Ordenanzas de Referencia vén constituído polas propias ordenanzas establecidas na presente Normativa Urbanística para a ordenación do solo urbano consolidado (Art. 187) mais algunhas das que se estableceron para as APR (Art. 197). No entanto, considerouse a previsión de novas referencias tipolóxicas a introducir no ámbito abranguido polos sectores, que se recollen nos artigos seguintes. 3. Como Ordenanzas de Referencia consideraranse as seguintes: - Ordenanza 1, de edificación en cuarteirón. - Ordenanza 4, de referencia para a ordenación de usos residenciais en bloque aberto. - Ordenanza 5, de referencia para a ordenación de usos industriais. - Ordenanza 6, de referencia para a ordenación de usos terciarios. 4. Os planeamentos respectarán as Ordenanzas de Referencia nos contidos que se desenvolven nos artigos seguintes, sendo determinacións obrigatorias as seguintes: • Na ordenación residencial en bloque aberto, Ordenanza de referencia nº 4, deberá cumprirse o apartado referente ás Condicións de Posición. • Nas edificacións correspondentes a usos terciarios, Ordenanza de referencia nº 6, non se establecen condicións, podendo cada planeamento que conteña ordenación detallada establecer as condicións que determine, aínda que deberá cumprir a posición das edificacións en relación á altura da edificación e aos lindeiros ou eixes das rúas segundo a Ordenanza nº 4 de referencia. 5. Dende o marco normativo establecido polo Plan Xeral, non serán esixibles outras determinacións particulares que as establecidas nas Ordenanzas de Referencia, se ben os planeamentos que conteñan a ordenación detallada poderán incorporar aqueloutras determinacións que lles sexa conveniente.

Art. 217. Ordenanza 5, de referencia para a ordenación de usos industriais

2. Sistema de ordenación. Establécese un sistema de ordenación en parcela illada ou acaroada dous a dous como máximo.

3. Parámetros da edificación. - Aliñacións e rasantes. As aliñacións e rasantes serán as definidas nos planos de ordenación do planeamento que conteña a ordenación detallada en desenvolvemento do Plan Xeral.

Plan Xeral de Ordenación Municipal de Salceda de Caselas Normativa Urbanística 127 Documento para Aprobación Inicial

- Condicións de parcelamento: A efectos da parcelamento que xurda tras a proceso de desenvolvemento urbanístico, as condicións da parcela, deberán respectar como mínimo as seguintes condicións. Parcela mínima Fronte de parcela Tipoloxía 800 m² 15 m Illada ou acaroada cada dous

- Condicións de ocupación e edificabilidade: As condicións de ocupación e o índice de edificabilidade son os seguintes: Ocupación Índice de edificabilidade 70% 0,70 m²/m²

- Situación da edificación. a) Verbo das aliñacións oficiais: -Para parcelas de superficie ≤ 500 m² non se esixirá recuado. -Para parcelas > 500 e ≤ 2.500 m², a separación mínima á aliñación será de 5,00 m. -Para parcelas > 2.500 m² a separación mínima á aliñación será de 10,00 m. b) Verbo dos lindeiros. -Será de 4,00 m, en todos os casos a excepción das edificacións acaroadas. c) Verbo da liña de fondo. -Será de 3,00 m en todos os casos.

- Condicións para o acaroado. a)Permitirase o acaroado de edificacións aos lindeiros laterais entre dúas parcelas contiguas se entrámbolos dous propietarios hai acordo de arrimo, que se documentará publicamente mercé á inscrición no Rexistro da Propiedade das dúas fincas, sendo preceptiva a presentación do proxecto dos dous edificios no Concello. b)Non se permite o acaroado á linde do fondo de parcela, gardando a separación que se sinala no anterior apartado. c)En calquera das edificacións acaroadas, a diferenza das liñas de edificación exterior de cada edificio non poderá pasar dos 4,00 m; a diferenza de altura de ambos tampouco excederá os 4,00 m. Pola aliñación de fondo non se establecen diferenzas mínimas entre liñas de edificación traseira dos edificios contiguos. d)En todos os casos deberanse tratar os paramentos medianeiros vistos en condición de fachada.

- Condicións de seguridade cara o lume. Con independencia do cumprimento doutras normativas de aplicación, a edificación ou conxunto de edificacións (no caso de acaroado), deixarán no seu perímetro libre unha banda pavimentada de tres metros para o acceso de vehículos contraincendios, permitindo as manobras que este precise. Este espazo deberá conectar coa vía pública a través dunha embocadura de 3,50 m. de anchura mínima que será de fácil apertura en caso de contar con elementos de peche. Poderán situarse escaleiras de incendio con acceso dende o espazo libre, mais sen ocupar o paso establecido no punto anterior.

- Altura máxima sobre rasante (AMR). a) A altura máxima permitida da edificación sitúase nos 8,00 m. Non se poderá acadar esta altura se a separación entre dúas liñas de edificación é menor de 16 m. Nese caso a altura máxima será a metade da distancia entre as liñas opostas de edificación. b) Por riba da altura máxima só se poderán inzar as construcións tecnicamente especiais, sen que se poidan superar os 20 m. c) O número máximo de plantas será de 2 (PB + PA). A altura libre mínima de cada planta fíxase en: - Planta baixa: 4 m. - Planta alta: 3 m.

Plan Xeral de Ordenación Municipal de Salceda de Caselas Normativa Urbanística 128 Documento para Aprobación Inicial

- Altura máxima no punto máis desfavorable (AMP). Non superará en máis de 1.50 m a altura máxima sobre rasante. Para evitalo deberá banquearse ou facer un salto na edificación. - Voos. En edificios illados permitirase a construción de voos e corpos voados mais sen superar nunca a aliñación oficial. Os aleiros e cornixas respectarán as normas xerais.

Art. 218. Ordenanza 6, de referencia para a ordenación de usos terciarios

1. Definición e uso característico É obxectivo desta ordenanza servir de referencia, no seu caso, para as ordenanzas dos planeamentos que conteñan a ordenación detallada en desenvolvemento do Plan Xeral. O seu uso característico e o Uso Terciario.

2. Sistema de ordenación Edificación illada en bloque aberto, con ou sen patios de parcela pechados ou abertos.

3. Parámetros da edificación

Aliñacións e rasantes: As aliñacións e rasantes serán as definidas nos planos de ordenación do planeamento que conteña a ordenación detallada en desenvolvemento do Plan Xeral.

Condicións de parcelamento: A efectos da parcelamento que xurda tras a proceso de desenvolvemento urbanístico, as condicións da parcela, deberán respectar como mínimo as seguintes condicións. Parcela mínima Fronte de parcela Tipoloxía 2.000 m² 25 m Illada

Condicións de ocupación e edificabilidade: As condicións de ocupación e o índice de edificabilidade son os seguintes: Ocupación Índice de edificabilidade 70% 1,20 m²/m²

Recuados: O recuado será como mínimo a metade da altura máxima no punto máis desfavorable (AMP) da fachada máis próxima a cada un dos lindeiros, e nunca inferior a 6 m. A fachada máis próxima a un lindeiro será a que garde a menor distancia medida en proxección horizontal dende calquera dos puntos contidos no plano de fachada e o plano vertical definido polo lindeiro, no caso de que dúas ou máis fachadas acadasen esta condición tomarase a AMP máis alta.

Altura máxima no punto máis desfavorable: A altura máxima no punto máis desfavorable (AMP) en número de plantas, non poderá superar en metros os valores seguintes, debendo respectar en todo momento a altura máxima establecida na ficha de características do ámbito: Tres plantas (PB + 2 PA), sen que supere unha altura de 10 m. Catro plantas (PB + 3 PA), sen que supere unha altura de 13 m. En calquera dos casos a altura da edificación (AMP) non será maior do ancho das rúas ás que dea fronte.

Art. 219. Alcance das determinacións

1. As determinacións sinaladas en cada ficha para as diferentes APR, terán carácter vinculante en todos os aspectos relativos ás determinacións substantivas do ámbito, así como as que se establezan como criterios de ordenación para asegurar as condicións de calidade urbana (art. 48 da LOUG), terán carácter de complemento orientativo aquelas outras non comprendidas nas condicións anteriores.

Plan Xeral de Ordenación Municipal de Salceda de Caselas Normativa Urbanística 129 Documento para Aprobación Inicial

2. O planeamento de desenvolvemento, Plan Especial de Reforma Interior, deberá en todo caso, xustificar a variación daquelas determinacións que teñan só o carácter orientativo.

Plan Xeral de Ordenación Municipal de Salceda de Caselas Normativa Urbanística 130 Documento para Aprobación Inicial

Sección 3ª. Ámbitos de solo urbanizable non delimitado

Art. 220. Delimitación dos ámbitos

O Plan Xeral clasifica un ámbito como solo urbanizable na categoría de non delimitado. A delimitación detallada para redacción e desenvolvemento dos plans de sectorización poderá axustar os límites sinalados graficamente nos planos de Clasificación Xeral do Solo para facer coincidir o grafismo do Plan Xeral cos límites físicos ou de propiedade reais.

Art. 221. Plans de sectorización

1. Os ámbitos de solo urbanizable non delimitado desenvolveranse mediante Plans de Sectorización, cuxos ámbitos veñen recollidos como SUND nos Planos de Ordenación (escala 1:5000). 2. Cada ámbito de solo urbanizable non delimitado conta cunha ficha individualizada que forma parte do Documento de Xestión.

Art. 222. Condicións urbanísticas xerais e determinacións dos plans de sectorización

1. O contido dos Plans de Sectorización axustarase ao establecido nos artigos 66 e 67 LOUG. 2. Todo Plan de Sectorización deberá cumprir as seguintes condicións: a) A proposta de Sectorización deberá xustificar as condicións do sector que se delimita e a súa relación ou condicións resultantes, ou efectos sobre o solo non incluído no sector se así fose. b) A estes efectos, nas sucesivas sectorizacións, cada Plan de Sectorización deberá incorporar un esquema estruturante do conxunto do ámbito que garanta a viabilidade dos futuros desenvolvementos e a coherencia final da ordenación completa do ámbito definido como SUND nos planos de Ordenación. c) O devandito esquema estruturante deberá incluír as condicións de localización das reservas de Sistemas Xerais que correspondan, con criterios de integración ben de agrupación para un resultado final coherente ou ben como contribución da mellora das condicións de equipamento de asentamentos urbanos e rurais próximos se os houbese. d) Resolverá as condicións de conectividade do sector que se pretenda, así como as dos futuros Plans de Sectorización. e) Tódalas xustificacións relativas á viabilidade da execución dos servizos e redes de infraestruturas. 3. Nos sectores resultantes o desenvolvemento edificatorio deberá axustarse ás Normas Xerais de Uso e de Edificación contidas na presente Normativa Urbanística, igualmente estarase ao disposto no artigo 46.6 LOUG Arelativo á determinación das superficie edificable total. 4. Nas parcelas lindeiras con estradas de titularidade autonómica deberán cumprirse as condicións establecidas para o solo urbanizable no Art. 321.

Art. 223. Condicións particulares de cada SUND

As condicións particulares do réxime e condicións de desenvolvemento do ámbito de solo urbanizable non delimitado son as recollidas na ficha correspondente do Documento de Xestión en desenvolvemento do artigo 58 da LOUG. A ficha consta deste contido: 1. Condicións de identificación: • Clave: SUND, seguido dun número de ata dous díxitos. • Nome: coincidente co topónimo, barrio ou zona urbana que a identifique. • Distrito: número do distrito ao que pertencen. 2. Determinacións de superficie: • Superficie Delimitada: a que resulta da delimitación nos planos de ordenación. 3. Determinacións de Usos e Intensidades:

Plan Xeral de Ordenación Municipal de Salceda de Caselas Normativa Urbanística 131 Documento para Aprobación Inicial

• Superficie Total Edificable: exprésase en metros cadrados construíbles (m²c). • Índice de Edificabilidade bruta: é a resultante de dividir a Superficie Total Edificable pola Superficie Bruta. Exprésase na razón entre os metros cadrados construíbles e a superficie de cada metro cadrado de solo delimitado, (m²c/m²s). • Uso Global, de entre os establecidos polo artigo da presente Normativa Urbanística. • Altura Máxima: exprésase en número de andares e é unha determinación máxima. 4. Reservas mínimas para sistemas locais: • Remítese ao cumprimento do artigo 47.2 LOUG, agás regulación expresa. 5. Reservas mínimas para sistemas xerais: • Remítese ao cumprimento do artigo 47.1 LOUG, agás regulación expresa. 6. Obxectivos da ordenación: • Obxectivos perseguidos, incluso en relación á estratexia global de ordenación do Plan Xeral. 7. Criterios da ordenación: • Directrices vinculantes de deseño ou das condicións de integración do sector ou sectores na ordenación xeral. • Condicións de desenvolvemento relativas ás previsións de sistemas locais. • Localización preferente de sistemas. • Outras determinacións. 8. Condicións específicas de sectorización e conectividade: • Establecemento de criterios específicos para a delimitación dos correspondentes sectores, así como das obrigas necesarias para a garantir o desenvolvemento coordenado da ordenación respecto do medio urbano ou rural circundante. 9. Elementos incluídos no catálogo: - Relación de elementos catalogados incluídos no ámbito delimitado. 10. Esquemas complementarios (no seu caso): As fichas poderán ir acompañadas de esquemas nos que se establezan condicións estruturantes para o seu desenvolvemento, a localización preferente dos sistemas locais, ou das diferentes tipoloxías admisibles, así como as que poidan ser convenientes a fin de contribuír á mellor disposicións das edificacións para propiciar unhas mellores condicións de ordenacións, accesibilidade, soleado, e en xeral, de máis acaídas condicións de calidade de vida.

Plan Xeral de Ordenación Municipal de Salceda de Caselas Normativa Urbanística 132 Documento para Aprobación Inicial como o viario complementario, pequenas edificacións de equipamento u outros elementos urbanos, teñen nas súas determinacións o carácter de recomendacións preferentes. As determinacións sobre superficies construída, edificabilidade e, en caso de fixarse, densidade ou número máximo de vivendas, terán sempre a condición de valores máximos permitidos. Os relativos ás reservas de sistemas locais para equipamentos ou zonas verdes terán a consideración de cifras mínimas. Tamén terán a consideración de cifras mínimas as relativas á definición dos espazos nos que o Concello poida materializar o dez (10) por cento do aproveitamento tipo da área de reparto. As condicións dos SUND que se redacten en desenvolvemento do Plan Xeral deberán garantir que non introducen determinacións que prexudiquen as condicións urbanísticas das edificacións lindeiras coa delimitación de cada ámbito, tanto sexa de accesibilidade, accesos, etc..., como a condición de vivenda exterior das vivendas existentes. A ordenación dos SUND, así como de calquera outra figura de planeamento de desenvolvemento, que teñan lugar sobre solos afectados por áreas de Protección Integral de xacementos arqueolóxicos, así como no seu entorno inmediato, recibirán un tratamento axeitado de cara a protexer, conservar e acrecentar os valores propios do patrimonio arqueolóxico. Ademais, en relación ás áreas de cautela destes xacementos, a ordenación detallada quedará pendente da execución dun estudo arqueolóxico previo para a súa definición, sempre que estes estean incluídos no Inventario Xeral de Patrimonio Cultural de Galicia. Así mesmo, as posibles construcións e instalación que se puidesen autorizar, deberán ter en conta as normas de adaptación ao ambiente co obxecto de harmonizar co elemento protexido e non pertubar a súa contemplación. Así mesmo, a ordenación dos SUND, así como de calquera outra figura de planeamento de desenvolvemento, que teñan lugar sobre solos afectados por Áreas de Protección de elementos de Catálogo de carácter arquitectónico ou etnográfico, recibirán un tratamento axeitado de cara a protexer, conservas e acrecentar os valores propios do ben protexido.

Plan Xeral de Ordenación Municipal de Salceda de Caselas Normativa Urbanística 133 Documento para Aprobación Inicial

CAPÍTULO VII. NORMAS PARTICULARES DE ORDENACIÓN EN SOLO RÚSTICO

Art. 224. Concepto e aplicación

Constitúe o solo rústico o conxunto de áreas do territorio municipal que o Plan Xeral clasifica por considerar que deben ser preservadas dos procesos de desenvolvemento urbano, xa que as súas condicións naturais, ambientais, paisaxísticas, ecolóxicas, valores produtivos agropecuarios, forestais, deben ser protexidas a fin da súa conservación e facilitar as actuacións necesarias de recuperación dos seus valores. Así mesmo, inclúense nesta clase de solo as zonas que presenten riscos naturais ou tecnolóxicos incompatibles coa súa urbanización.

Art. 225. Categorías de solo rústico

O solo rústico subdivídese nas seguintes categorías: a) Solo rústico de protección ordinaria: RPOR b) Solo rústico especialmente protexido: - De protección agropecuaria RPAG - De protección paisaxística RPPX - De protección de augas e canles RPAC - De protección de espazos naturais RPEN - De protección forestal RPFO - De protección de infraestruturas PPIN - De protección arqueolóxica (tramado)

Art. 226. Condicións xerais de protección

O Plan Xeral establece para cada unha das categorías relacionadas no artigo anterior diversas condicións de protección, atendendo á propia natureza ou características que as define. Nos casos nos que sobre unha mesma zona de solo rústico coincidan dúas ou máis categorías, aplicaránselle todas as condicións de protección de modo simultáneo.

Art. 227. Desenvolvemento mediante plans especiais

1. Para o desenvolvemento das previsións da presente Normativa Urbanística en solo rústico poderán redactarse plans especiais. A súa finalidade será calquera das previstas na legalidade vixente que sexa compatible coa regulación establecida en solo rústico. 2. Os principais obxectivos destes plans poderán ser a preservación do medio ambiente, as augas continentais, así como a protección e potenciación da paisaxe, os valores naturais e culturais, a conservación e mellora do medio, a protección das vías de comunicación e infraestruturas básicas do territorio e a execución directa destas últimas e dos sistemas xerais. 3. Dentro do solo rústico o Plan Xeral delimita expresamente zonas para a redacción de Plans Especiais de Protección para a consecución dos obxectivos anteriormente indicados, no Documento de Xestión recolleranse as condicións que haberán de rexer os Plans Especias de Protección previstos polo Plan Xeral. 4. Redactaranse plans especiais cando se trate de ordenar áreas de concentración de actividades desta clase de solo, así como cando se trate de implantar instalacións agrarias ou de interese social, cuxa dimensión, servizos e complexidade requiran deste instrumento. 5. Os devanditos plans especiais deberán cumprir as determinacións da presente Normativa Urbanística, ou as que xurdan dalgún instrumento de ordenación territorial que afecte ao termo municipal.

Art. 228. Tipoloxías de usos en solo rústico

Os usos en solo rústico regúlanse nos tipos seguintes:

Plan Xeral de Ordenación Municipal de Salceda de Caselas Normativa Urbanística 134 Documento para Aprobación Inicial

− Usos Propios: son os correspondentes á explotación natural do seu carácter rústico, limitados polas características e proteccións que lles atribúe cada categoría. − Usos Permitidos: son os compatibles coas proteccións previstas para cada categoría de solo rústico. Son susceptibles de licenza municipal directa, sen prexuízo das demais autorizacións administrativas e sectoriais que procedan. − Usos Autorizables: son os usos que en razón da súa compatibilidade coa protección prevista para cada categoría de solo rústico, poden ser autorizados, coas limitacións recollidas na presente Normativa Urbanística e polos procedementos para obter a autorización autonómica prevista no art. 41 da LOUG. − Usos Prohibidos: son aqueles incompatibles coa protección prevista en cada categoría de solo rústico. A súa implantación suporá, ademais dun risco relevante de deterioro do valores protexidos, a transformación do carácter rústico do solo.

Art. 229. Usos e actividades en solo rústico

1. Os usos en solo rústico relacionados no art. 33 da LOUG determínanse para cada categoría de solo e clasifícanse a respecto da súa posibilidade e procedemento nos tipos seguintes:

a) Usos permitidos: os compatibles coa protección de cada categoría de solo rústico, sen prexuízo da esixencia de licenza urbanística municipal e das demais autorizacións autonómicas.

b) Usos autorizables: son os usos que en razón da súa compatibilidade coa protección prevista para categoría de solo rústico, poden ser autorizados coas limitacións recollidas nesta normativa mediante o procedemento para o outorgamento da autorización autonómica en solo rústico previsto no Art. 41º da LOUG previamente á licenza urbanística municipal.

c) Usos prohibidos: os incompatibles coa protección de cada categoría de solo ou que impliquen un risco relevante de deterioro dos valores protexidos.

2. O réxime xeral de usos en solo rústico é o que determinan os artigos 34 e 35 da LOUG. Complementariamente, o presente PXOM engade as seguintes condicións particulares:

- As obras de derrubamento e demolicións no contorno de elementos catalogados precisarán de autorización da Consellería de Cultura.

- Con carácter xeral, agás no solo rústico de protección forestal (no que se establecen outras condicións máis polo miúdo), nos terreos limítrofes con plantacións de viñedos non poderán plantarse especies forestais agresivas (como eucaliptos ou semellantes) a menos de 200 m. de ditas plantacións, e non poderán realizarse plantacións masivas (máis de 50 exemplares) doutro tipo de arborado a menos de 50 m. das ditas plantacións.

- Os usos e a súa forma de materialización atenderá aos condicionantes de todo tipo que se establecen complementariamente en cada zona de protección regulada no presente título, e no seu caso aos condicionantes de tipo sectorial ou paisaxístico que se regulan no TÍTULO II. Capítulo VIII da presente normativa.

Art. 230. Normas reguladoras de parcelamento

Nas transferencias de propiedade, división e segregación de predios, non poderán efectuarse fraccionamentos en contra do disposto na lexislación agraria vixente, agás nas excepcións contempladas no art. 206.1 da LOUG. As parcelamentos urbanísticos quedan expresamente prohibidas. Nas parcelas lindeiras con estradas de titularidade autonómica deberán cumprirse as condicións establecidas para o solo rústico no Art. 321.

Plan Xeral de Ordenación Municipal de Salceda de Caselas Normativa Urbanística 135 Documento para Aprobación Inicial

Art. 231. Condicións xerais das edificacións

1. As condicións xerais das edificacións no solo rústico determínanse no artigo 42 da LOUG, coas seguintes limitacións complementarias:

- As condicións específicas dos peches e valados nesta clase de solo establécense no punto 3.3 do Art. 110 da presente normativa, atendendo especialmente nesta clase de solo as condicións tipolóxicas e paisaxísticas do Art. 268 que incidan na súa formalización e construción.

- A respecto da posibilidade de realizar cerramentos e valados con material opaco de fábrica ata unha altura de 1,50 metros en parcelas edificadas, recórdase que non se considerarán a estes efectos como “edificadas” aquelas parcelas que conten só con pequenas construcións complementarias de apoio as actividades propias do medio onde se sitúen: casetas, alboios, alpendres, etc, sendo nestes casos de aplicación a limitación xeral de altura dos peches opacos: 1 m.

- Con carácter xeral para as cubertas aplicaranse as condicións do Art. 175, coas limitacións concretas que alí se recollen para o solo rústico.

- Segundo a determinación 4.8.8 das DOT, as actividades que se desenvolvan en solo rústico abasteceranse por medios propios, sempre que se obteña a autorización administrativa para a extracción da auga en condicións de sustentabilidade. Alí onde xa existen redes de abastecemento de auga, poderanse servir delas, tras autorización, cando non comprometan o abastecemento ás vivendas actuais.

2. As condicións adicionais que deben cumprir as edificacións destinadas a usos residenciais vinculados ás explotacións agrícolas ou gandeiras determínanse no artigo 43 da LOUG, coas seguintes condicións ou limitacións complementarias:

- Que o planeamento urbanístico teña previsto expresamente este uso no tipo de solo no que se pretenda construír.

- Aos efectos das condicións esixibles para poder edificar (ademais das do artigo 43 da LOUG), se se xuntan na mesma parcela a edificación residencial e as agropecuarias, deberanse cumprir os máximos parámetros establecidos para ambos usos na LOUG.

3. As condicións adicionais que deben cumprir outras actividades construtivas non residenciais determínanse no artigo 44 da LOUG, coas seguintes condicións ou limitacións complementarias:

- As pequenas construcións situadas ao abeiro das condicións excepcionais citadas no punto 2 dese artigo, deberán cumprir as condicións complementarias que se establecen no artigo Art. 267 desta normativa.

- Segundo a determinación 3.1.13 das DOT, as actividades de turismo rural admisibles en solo rústico especialmente protexido desenvolveranse en edificacións preexistentes de interese patrimonial ou etnográfico, sempre que sexa posible ou, en todo caso, rehabilitando as edificacións tradicionais existentes.

4. As condicións específicas para as edificacións existentes de carácter tradicional ou de singular valor arquitectónico determínanse no artigo 40 da LOUG.

5. As obras de derrubamento e demolición das edificacións existentes nesta clase de solo seranlle de aplicación as condicións específicas determinadas no artigo 26 da LOUG.

6. Nas parcelas lindeiras con estradas de titularidade autonómica deberán cumprirse as condicións establecidas para o solo rústico no Art. 321.

Art. 232. Condicións xerais dos usos e das edificacións existentes

Todos os usos e edificacións existentes no momento de aprobación do Plan Xeral, no caso de non coincidir cos usos permitidos ou autorizables, na categoría de solo rústico na que estean localizados, atoparanse na situación de fóra de ordenación parcial, situación regulada nas Normas Xerais de Uso da presente Normativa Urbanística.

Plan Xeral de Ordenación Municipal de Salceda de Caselas Normativa Urbanística 136 Documento para Aprobación Inicial

Art. 233. Condicións particulares do solo rústico de protección ordinaria

Características O solo rústico de protección ordinaria, é o constituído polos terreos que o Plan Xeral considera desaxeitado para o seu desenvolvemento urbanístico, en razón ás súas características xeotécnicas ou morfolóxicas, ao alto impacto territorial que suporía a súa urbanización, aos riscos naturais ou tecnolóxicos ou en consideración aos principios de utilización racional dos recursos naturais ou do desenvolvemento sostible. O seu ámbito está indicado nos planos de ordenación e identificados coa clave RPOR.

Réxime de usos 1. O réxime particular de usos para esta categoría de solo rústico, ten a finalidade de garantir a utilización racional dos recursos naturais e o desenvolvemento urbanístico sostible. 2. Os usos son os seguintes: a) Usos propios: Os agropecuarios, forestais. b) Usos permitidos: Os regulados no art. 36.1 da LOUG. c) Usos autorizables: Os regulados no art. 36.2 da LOUG. d) Usos prohibidos: Todos os restantes.

Art. 234. Condicións particulares do solo rústico de protección agropecuaria

Características O solo rústico de protección agropecuaria está constituído polos terreos, en xeral libres de edificacións, de alta produtividade agrícola ou gandeira, posta de manifesto pola existencia de explotacións que a avalen ou polas propias características ou potencialidades dos terreos ou das zonas onde se enclavan. Pola súa disposición ordénanse co criterio do mantemento do seu alto valor produtivo, ambiental, paisaxístico e ecolóxico. O seu ámbito está indicado nos planos de ordenación e identificados coa clave RPAG.

Réxime de usos 1. O réxime particular de usos para esta categoría de solo rústico, ten a finalidade da garantir a utilización racional dos recursos naturais e o desenvolvemento urbanístico sostible. 2. Os usos son os seguintes: a) Usos propios: Os agropecuarios. b) Usos permitidos: Os regulados no art. 37.1 da LOUG. c) Usos autorizables: Os regulados no art. 37.2 da LOUG. d) Usos prohibidos: Todos os restantes. No caso de que esta ordenanza se superpoña na ordenación con zona de costas, os usos axustaranse ao disposto nos artigos 24 a 28 do Título II da Lei 22/88, de Costas

Art. 235. Condicións particulares do solo rústico de protección paisaxística

Características: Esta protección comprende dende a conservación do medio natural no seu estado actual, ata a protección visual da paisaxe, compatibilizándoa coa explotación racional e limitada dos recursos e coa integración da edificación no ambiente. O seu ámbito está indicado nos planos de ordenación e identificados coa clave RPPX.

Réxime de usos: 1. O réxime particular de usos para esta categoría de solo rústico, ten a finalidade da garantir a preservación dos espazos de interese paisaxístico. 2. Os usos son os seguintes: a) Usos propios: Os forestais e agropecuarios.

Plan Xeral de Ordenación Municipal de Salceda de Caselas Normativa Urbanística 137 Documento para Aprobación Inicial

b) Usos permitidos: Os regulados no art. 38.1 da LOUG. c) Usos autorizables: Os regulados no art. 38.2 da LOUG. d) Usos prohibidos: Todos os restantes. No caso de que esta ordenanza se superpoña na ordenación con zona de costas, os usos axustaranse ao disposto nos artigos 24 a 28 do Título II da Lei 22/88, de Costas

Art. 236. Condicións particulares do solo rústico de protección de augas, canles e ribeiras

Características: 1. Comprenden esta Categoría todas as canles naturais que percorren polo territorio municipal, as súas ribeiras, zonas húmidas, e terreos inundables, aínda que non estivesen grafados nos Planos de Clasificación Xeral do Solo e Categorías do Solo Rústico, coa Clave RPAC, abranguendo unha primeira franxa a cada lado de cinco (5) m en correntes continuas e descontinuas. Esta franxa ten ademais o carácter de protección paisaxística. 2. Nos ríos ou regatos, de nome coñecido no lugar, como todos os ríos principais, inclúense dúas franxas complementarias de vinte (20) metros. 3. Esta protección total de vinte e cinco (25) metros a cada lado do río, arroio ou regato, e, por tanto, a condición de Solo Rústico de Protección Especial de Augas, Canles e Ribeiras, estea ou non grafada nos planos, afecta a todos os terreos Clasificados como solo Rústico, e nunca ós que percorran por Solo Urbano ou Solo de Núcleo Rural, tal como establece o Artigo 32.2.d) da LOUG. 4. O Plan Xeral establece as seguintes regulacións específicas: - Cando os outros ríos ou regatos percorran por Solo Urbano Non Consolidado, procurarase que a dotación local de sistema de espazos libres públicos se sitúe na proximidade das canles. - Con carácter xeral, calquera obra que se pretenda executar sobre dominio público hidráulico e a súa zona de policía precisará autorización previa e expresa do Organismo Autónomo competente en materia de augas, tal como establece a normativa reguladora o art. 78 do Regulamento do Dominio Público Hidráulico. 5. O obxectivo de protección destes terreos é asegurar o paso das augas cara á súa conca hidrográfica natural, a preservación dos ecosistemas vexetais e faunísticos adaptados ás canles e zonas húmidas, a conservación da calidade ambiental do medio hídrico no seu conxunto, e a limitación dos impactos paisaxísticos que puidesen producirse nestas zonas como consecuencia de actuacións antrópicas. 6. Os ámbitos desta categoría de Solo Rústico que se atopan no interior de Sectores de Solo Urbanizable poderán tratarse de maneira análoga ás zonas verdes que estableza o seu planeamento de desenvolvemento, sempre que non se modifique ou dificulte a capacidade do curso das súas augas nos momentos de avenidas previsibles.

Réxime de usos: 1. O réxime particular de usos para esta Categoría de Solo Rústico, por estar regulado pola Lei de Augas, establece unhas limitacións de usos concordantes coa súa especial natureza, irreversibilidade das actuacións nun medio de alta fraxilidade. Todos os usos nesta Categoría de Solo estarán suxeitos, en todo caso, ás determinacións que establezan as disposicións sectoriais da Auga. 2. Os usos son os seguintes: a) Usos Propios: Os agrarios ou agropecuarios tradicionais. b) Usos Permitidos:Os regulados no art. 38.1 da LOUG. c) Usos Autorizables: Os regulados no art. 38.2 da LOUG. d) Usos Prohibidos: Todos os restantes.

Art. 237. Condicións particulares do solo rústico de protección de espazo natural

Características: Englóbanse as áreas obxecto de preservación polos seu valores naturais, ecolóxicos, ambientais, paisaxísticos, científicos ou recreativos que representan os espazos de maior valoración ambiental do territorio municipal. O seu ámbito está indicado nos planos de ordenación e identificados coa clave RPEN.

Plan Xeral de Ordenación Municipal de Salceda de Caselas Normativa Urbanística 138 Documento para Aprobación Inicial

Réxime de usos: 1. O réxime particular de usos para esta categoría de solo rústico, por estar constituídos polos espazos de maior singularidade, calidade ecolóxica e sensibilidade ante as actuacións antrópicas, debe estar dirixido ao mantemento dos seus valores. 2. Os usos son os seguintes: a) Usos propios: Os que conveña manter dos existentes. b) Usos permitidos: Os regulados no art. 39.1 da LOUG. c) Usos autorizables: Os regulados no art. 39.2 da LOUG. d) Usos prohibidos: Todos os restantes.

Art. 238. Condicións particulares do solo rústico de protección forestal

Características: O solo rústico de protección forestal comprende os espazos forestais, o monte e as zonas de elevada pendente destinados a constituír reservas naturais e produtivas, elementos de separación entre núcleos habitados ou referencias de paisaxes libre de edificación. O seu ámbito está indicado nos planos de ordenación e identificados coa clave RPFO.

Art. 239. Condicións particulares do solo rústico de protección de infraestruturas

Características Este solo rústico de protección comprende os terreos destinados á localización e asentamento das infraestruturas e das súas zonas de afección ou servidume, así coma os que sexan precisos para a implantación doutras novas que se prevexan no planeamento urbanístico ou nos instrumentos de ordenación do territorio, de acordo co réxime de usos que lles corresponde. O seu ámbito está indicado nos planos de ordenación e identificados coa clave RPIN.

Art. 240. Condicións particulares do solo rústico de protección do patrimonio arqueolóxico

Condicións de protección do patrimonio arqueolóxico O Plan Xeral clasifica como solo rústico de protección arqueolóxica, a área de protección integral dos restos arqueolóxicos coñecidos. O seu ámbito está indicado nos planos de ordenación cun tramado de círculos.

Plan Xeral de Ordenación Municipal de Salceda de Caselas Normativa Urbanística 139 Documento para Aprobación Inicial

Réxime de usos 1. O réxime particular de usos para esta categoría de solo rústico - sen prexuízo do establecido na lexislación sectorial de protección do patrimonio e das Condicións específicas reguladoras da protección do patrimonio arqueolóxico contidas no Capítulo VIII da presente Normativa Urbanística-, ten por obxecto a preservación dos elementos seleccionados do patrimonio arqueolóxico e o seu contorno, quedando suxeito ao seguinte réxime: a) Usos permitidos: Os regulados no art. 38.1 da LOUG. b) Usos autorizables: Os regulados no art. 38.2 da LOUG. c) Usos prohibidos: Todos os restantes.

Plan Xeral de Ordenación Municipal de Salceda de Caselas Normativa Urbanística 140 Documento para Aprobación Inicial

CAPÍTULO VIII. NORMAS DE PROTECCIÓN

Art. 241. Alcance e contido

1. O presente capítulo regula de forma xeral, e para a totalidade do termo municipal, as condicións de protección da paisaxe e o patrimonio social, cultural e económico da comunidade, dentro do cal se atopa o arquitectónico e o arqueolóxico. 2. Se ben toda Normativa Urbanística establecida polo Plan Xeral se dirixe a estes fins de protección, no presente capítulo desenvólvense especificamente as condicións xerais referentes aos seguintes extremos: - Protección ambiental. - Protección da paisaxe, da imaxe e da escena urbana. - Protección do patrimonio cultural.

Sección 1ª. Condicións de protección ambiental

Art. 242. Protección do medio ambiente.

1. Estas Normas Urbanísticas regulan de forma xeral e para a totalidade do termo municipal as condicións de protección do medio natural e dos niveis de confort e seguridade para as persoas e a natureza. Son complementarias das disposicións específicas da Comunidade Autónoma sobre esta materia. 2. Para o solo clasificado como Rústico tamén se estará de forma xeral ao disposto no resto de lexislación específica sobre protección de recursos e do dominio público, sen prexuízo das condicións que se establecen a continuación. 3. Os sistemas de control ambiental para os plans, proxectos, obras ou actividades que ou ben por razón da actividade e/ou instalación que vai desenvolver ou ben porque as accións previstas se leven a cabo en áreas ambientalmente sensibles desenvolverase por medio dun estudo de impacto ambiental ou outra figura de avaliación ambiental establecida na normativa que resulte de aplicación. 4. No referente á avaliación ambiental estratéxica da LAA, o planeamento secundario que desenvolva planeamento xeral que fose sometido a esta avaliación (como neste caso) non precisará outra avaliación ambiental estratéxica independente, segundo se estipula no artigo 5d) da LMUL.

Art. 243. Medidas de protección ambiental nos instrumentos de desenvolvemento.

1. Como xa se ten comentado, o planeamento secundario que desenvolva planeamento xeral que fose sometido a avaliación ambiental estratéxica (como neste caso) non precisará outra avaliación ambiental estratéxica independente. 2. O planeamento de desenvolvemento e os proxectos de urbanización ou execución de actuacións, a través dos que se materializarán as propostas contidas no Plan, deberán incorporar as seguintes medidas de protección ambiental: a) Deberase detallar o sistema de saneamento, abastecemento e recollida de residuos sólidos urbanos, os cales han de ampliarse para a totalidade dos terreos a urbanizar, así como a súa conexión ás redes municipais de saneamento e abastecemento e a inclusión no sistema de xestión dos residuos sólidos urbanos a nivel municipal.

b) Respecto ao abastecemento de auga deberase xustificar a dispoñibilidade do recurso para a posta en carga dos novos solos, especificando os consumos segundo os diferentes usos que se contemplen.

c) En relación á recollida de residuos sólidos urbanos deberase contemplar a recollida selectiva dos mesmos.

d) Deberase garantir antes da ocupación dos novos solos ou do funcionamento das actividades a desenvolver a execución e bo estado dos distintos sistemas de abastecemento e saneamento, así como o resto das distintas infraestruturas de urbanización.

Plan Xeral de Ordenación Municipal de Salceda de Caselas Normativa Urbanística 141 Documento para Aprobación Inicial

e) Para os novos solos urbanos e urbanizables con uso industrial deberase detallar a natureza das actividades a implantar, así como os indicadores e valores mínimos das verteduras, que se deberán determinar en función das características mínimas previstas para as instalacións de depuración, e das emisións á atmosfera, consonte ao establecido na lexislación vixente.

f) Nos distintos solos industriais previstos deberase ter en conta a implantación ou non de actividades que xeren ruídos, cheiros, ou outros contaminantes atmosféricos, en función dos ventos predominantes e das características climatolóxicas da zona, que deberán quedar detalladas tanto no planeamento de desenvolvemento dos novos solos industriais como nos proxectos respectivos, sen menoscabo da aplicación da lexislación de protección ambiental aplicable para o desenvolvemento das actividades a desenvolver.

g) Para todos os solos industriais deberase garantir a suficiente separación física doutras actividades ou usos (residenciais, recreativas, equipamento, etc.), para o cal se resolverán os límites de lindeiros envorcando cara eses ámbitos a maior proporción posible dos espazos libres locais correspondentes, a modo de franxa arborada interposta, coa fin de que impidan molestias ás poboacións próximas ou ao desenvolvemento doutras actividades. Así mesmo, establecerase unha zonificación interna nestes solos acorde coa diferente capacidade de acollida de actividades en función da súa incidencia ambiental, de xeito que en localizacións lindeiras a solo residencial se establezan as actividades compatibles coa proximidade das vivendas.

h) Para os sectores de uso dominante industrial nos que polas características das instalacións que poidan localizarse neles, se xeren residuos perigosos, deberase garantir a infraestrutura mínima dun punto limpo para a recepción, clasificación e transferencia de residuos perigosos, con capacidade suficiente para atender as necesidades das instalacións que poidan localizarse no mesmo.

3. Os proxectos de urbanización en desenvolvemento dos instrumentos de planeamento contemplados no Plan Xeral deberán, no posible, prever a utilización de materiais de terras e refugallos na execución da rede viaria. A estes efectos, poderase formular en desenvolvemento do Plan Xeral un Plan Especial de Reutilización de Terras e refugallos. 4. Fomentarase, mediante a súa inclusión nos proxectos de urbanización, a creación e extensión da rede de auga procedentes de recursos non potables, previa autorización do organismo de cunca, destinada ao rego de zonas verdes, bocas contra incendios ou limpeza pública, independente da rede local de abastecemento/subministración.

Art. 244. Verteduras sólidas, residuos e lixo.

1. O obxecto do presente capítulo é contribuír á recollida, xestión e reutilización dos residuos, no marco das competencias do PXOM, procurando os mecanismos que permitan unha axeitada recollida e tratamento dos residuos xerados no termo municipal e quedarán regulados pola lexislación medioambiental, a específica de residuos, os plans nacionais de residuos urbanos e de residuos da construción, as lexislacións de Minas e Augas, e demais normas sectoriais aplicables á materia. Así mesmo, serán de aplicación as disposicións ao respecto contidas na lexislación vixente e no Plan de Xestión de Residuos Urbanos de Galicia, así como, no seu caso, nas Ordenanzas Municipais. En calquera caso (e mentres non se elabore unha Ordenanza Municipal reguladora sobre os aspectos que de seguido se citan) deberán cumprirse as condicións dos puntos seguintes.

2. No referente aos Residuos de construción e demolición, a súa xestión farase en conformidade co disposto na lexislación vixente. Os distintos proxectos de edificación e de urbanización deberán incluír as medidas necesarias para garantir o control de refugallos e residuos xerados durante a fase de construción e funcionamento, dando prioridade o destino destes en instalacións de valorización fronte a instalacións de eliminación. Para isto adoptaranse as seguintes medidas:

a. As terras, refugallos, residuos sólidos e demais material sobrante convencional que non se poida reutilizar na obra, xerados durante o desenvolvemento das actuacións urbanísticas proxectadas e os que se deriven do seu uso futuro, serán conducidos a instalacións de xestión controladas e legalizadas.

b. Os proxectos de obras nos que a súa execución poida xerar residuos non convencionais deberán determinar a tipoloxía dos mesmos, a forma en que se van a xestionar, as operacións de separación e

Plan Xeral de Ordenación Municipal de Salceda de Caselas Normativa Urbanística 142 Documento para Aprobación Inicial

recollida selectiva proxectadas, así como o destino final deles, en vertedoiros controlados, plantas de recuperación ou entrega a xestor autorizado.

c. Calquera residuo perigoso que poida xerarse nalgunha das fases de desenvolvemento da actuación deberá xestionarse de acordo coa lexislación vixente sobre este tipo de residuos.

3. O Concello incluirá entre as condicións das oportunas e preceptivas licenzas urbanísticas as determinacións oportunas para a xestión dos residuos perigosos que poidan xerarse, entendendo por tales aqueles que figuran na listaxe de residuos perigosos aprobada no OLER, así como os recipientes e envases que os contivesen, os que teñan sido cualificados como perigosos pola normativa comunitaria e os que poida aprobar o goberno, de conformidade co establecido na normativa europea ou en convenios internacionais dos que España sexa parte.

4. En todos os Proxectos de Urbanización estableceranse as previsións oportunas para a localización dos colectores de recollidas de residuos, e a tal efecto reservarán en recintos adecuados xunto ao viario, espazos para a localización de recipientes de recollida de residuos, adecuadamente repartidos e cunha superficie total equivalente a 0,01 m² por habitante.

Art. 245. Verteduras líquidas convencionais.

1. As augas residuais non poderán verter a leitos ou canles naturais públicas sen acadar os parámetros admitidos para o seu vertido final a eses espazos, e nestes casos deberán contar coa autorización do organismo da cunca hidrográfica, segundo dispón a lexislación vixente.

2. Todas as redes de saneamento (as municipais ou públicas, mais tamén as particulares, veciñais ou comunais) deberán contar cunha depuración axeitada e adaptada ao volume e características do efluente, antes do seu vertido final ás citadas canles públicas, e serán de aplicación as disposicións ao respecto contidas na normativa xeral e a sectorial de cunca, autonómica e nas Ordenanzas Municipais aplicables sobre estes aspectos, debéndose respectar escrupulosamente os parámetros de vertedura fixados nas devanditas Leis, Ordenanzas e Normas concorrentes.

3. En calquera zona do termo municipal onde exista unha rede de saneamento municipal ou pública, será obrigada a conexión de toda fonte de vertedura de augas residuais de orixe convencional a esas redes (coas salvedades que se poidan recoller no seguinte artigo a respecto das verteduras industriais). No caso de que a rede sexa particular, veciñal ou comunal a conexión será preferente (de común acordo cos titulares da rede) pero non obrigada. As actividades a instalar na fase de explotación que superen os parámetros de vertido establecidos pola entidade xestora do saneamento (municipal ou doutro tipo) haberán de someter os seus efluentes a depuración previa, regulándose polo establecido no artigo seguinte.

4. En ausencia de rede de saneamento (ou cando non sexa obrigada ou posible a conexión), en calquera edificio ou actividade que produza verteduras, será precisa a instalación de sistemas autónomos para o seu control: depuradoras, fosas sépticas ou similares, que deberán realizar o mantemento e/ou baleirado periódico, ou control de vertidos finais que precisen segundo as súas características e as do punto de vertido, non permitíndose instalar o vertido directo de residuais a ningunha canle natural.

Art. 246. Verteduras líquidas industriais.

1. As verteduras de augas residuais de orixe industrial ou perigosas deberán contar cunha depuración especializada e adaptada ao tipo concreto de vertedura ata acadar os parámetros admitidos (os establecidos polo xestor da rede) para o seu vertido final ás redes de saneamento ou a canles públicas (neste caso deberán contar coa autorización do organismo da cunca hidrográfica, segundo dispón a lexislación vixente), e serán de aplicación as disposicións ao respecto contidas na normativa xeral e a sectorial de cunca, autonómica e nas Ordenanzas Municipais aplicables sobre estes aspectos, debéndose respectar escrupulosamente os parámetros de verteduras fixados nas devanditas Leis, Ordenanzas e Normas concorrentes.

Plan Xeral de Ordenación Municipal de Salceda de Caselas Normativa Urbanística 143 Documento para Aprobación Inicial

2. As verteduras de augas residuais con elementos ou substancias consideradas perigosas nas que incluso cunha depuración especializada non poidan acadar os parámetros admitidos para o seu vertido a outras redes ou canles deberán ser tratados integramente por xestores especializados e debidamente autorizados.

3. Durante as fases construtivas de obras calquera caste, terase especial coidado en garantir a non afección á calidade das augas superficiais e subterráneas, evitando verteduras incontroladas ou accidentais de aceites, graxas e combustibles, polo que o mantemento e entretemento da maquinaria haberá de realizarse en instalacións autorizadas a tal efecto, a fin de garantir a súa correcta xestión, tal como establece o Real Decreto 679/2006, de 2 de junio, por el que se regula la gestión de los aceites industriales usados. En caso de vertido accidental de substancias contaminantes, procederase á súa rápida limpeza, mediante a retirada do terreo afectado e o seu traslado a vertedoiro autorizado. Así mesmo, deberá evitarse o vertido de produtos químicos auxiliares procedentes de obras de fábrica, cuxos residuos terán que ser adecuadamente recollidos, almacenados e tratados polo xestor autorizado.

Art. 247. Verteduras gasosas.

1. Quedarán reguladas pola lexislación vixente, e no seu caso os seus Regulamentos ou as Ordenanzas Municipais.

2. Corresponde á D.X. de Calidade e Avaliación Ambiental da Consellería de Medio Ambiente, a vixilancia, control potestade sancionadora e o establecemento de medidas cautelares, dos niveles de emisión e inmisión de contaminantes á atmosfera, naqueles casos especificados nas citadas leis; correspondendo ao Concello as competencias que igualmente se lle asignan.

3. As emisións de contaminantes á atmosfera, calquera que sexa a súa natureza, non poderán exceder os niveis próximos de emisión establecidos na normativa vixente.

4. As actividades potencialmente contaminantes da atmosfera seguirán a tramitación e obrigas establecidas na lexislación vixente.

Art. 248. Ordenación de terreos inundables.

1. Sen prexuízo do establecido nos Plans Hidrolóxicos de cunca e das limitacións de uso que estableza a Administración que teña a competencia atribuída polo artigo 11 da LAE ou pola LAG, as normas e sistemas de actuación en caso de emerxencia contempladas nos Plans Municipais de emerxencias ou de Protección Civil, ou as novas condicións que se poidan derivar de plans ou obras de canalización que se realicen con posterioridade á aprobación do presente PXOM, a ordenación dos terreos inundables estará suxeita ás limitacións xerais que se recollen no presente artigo, e estarán condicionadas á previa execución das medidas específicas de defensa contra as inundacións que correspondesen en cada caso.

2. Se hai estudos hidrolóxicos realizados, atenderase as limitacións que se poidan derivar deses estudos (sobre todo nos ámbitos de desenvolvemento aínda non urbanizados que establece o presente PXOM), e se non aplicarase directamente a lexislación sobre augas ou o Plan Hidrolóxico de cunca.

3. Prohibiranse as actividades e usos construtivos nos que non quede garantido o cumprimento do disposto no artigo 9 do RDPH, respecto da zona de fluxo preferente, e nas zonas que sexan susceptibles de risco de inundación deberanse redactar e executar os correspondentes plans e obras de canalización (que deberán ser aprobados polo Concello e a Administración Hidrográfica) que poidan garantir a seguridade necesaria en caso de avenidas.

Plan Xeral de Ordenación Municipal de Salceda de Caselas Normativa Urbanística 144 Documento para Aprobación Inicial

Art. 249. Contaminación acústica e vibratoria.

1. Quedará regulada pola lexislación vixente e polas Ordenanzas Municipais no seu caso. En calquera caso (e mentres non se elabore unha Ordenanza Municipal reguladora sobre os aspectos que de seguido se citan) deberán cumprirse as condicións dos puntos seguintes.

2. As perturbacións por ruídos e vibracións non excederán dos límites que establecen as normas citadas anteriormente, sen prexuízo da aplicación de límites máis restritivos que se establezan nestas Normas para determinados usos. A tal efecto, e para completar o regulado no Anexo II da RPCA, recóllense no cadro seguinte os obxectivos de calidade acústica para ruído aplicables a todas as áreas do territorio (que se identifican no correspondente plano do ISA):

Índices de ruído Tipo de área acústica Ld Le Ln G Espazos naturais que requiran protección especial. Non hai áreas deste tipo H Resto do territorio (zonas tranquilas e espazos abertos rústicos) con protección xeral. 55 55 45 E Sectores do territorio con predominio de solo de uso sanitario, docente e cultural que requira unha especial protección contra a contaminación acústica. 60 60 50 A Sectores do territorio con predominio de solo de uso residencial. 65 65 55 D Sectores do territorio con predominio de solo de uso terciario distinto do contemplado en C). 70 70 65 C Sectores do territorio con predominio de solo de uso recreativo e de espectáculos. 73 73 63 B Sectores do territorio con predominio de solo de uso industrial. 75 75 65 F Sectores do territorio afectados a sistemas xerais de infraestruturas de transporte, e Os que determine a outros equipamentos públicos que os reclamen. correspondente administración

3. Estableceranse medidas concretas para a redución da contaminación acústica, sobre todo nas zonas de maior sensibilidade:

- Prohibir o tránsito innecesario dos camións polo centro da vila ou dos núcleos de poboación.

- Establecemento de horarios de carga e descarga para vehículos pesados nos núcleos de poboación.

- Mellorar o mantemento das vías públicas, substituíndo progresivamente os revestimentos de calzada por novos aglomerados que limitan os ruídos de rodamento.

- Prever medidas para reducir o impacto acústico preexistente e do producido pola execución das actividades extraordinarias xeradoras de maior ruído.

- Previr os impactos acústicos na regulación da edificación e na concesión das licenzas urbanísticas de usos xeradores de ruído ou especialmente conflitivos.

- Localizar arredor das fontes importantes de contaminación acústica (infraestruturas de transporte, etc.) usos e actividades pouco sensibles ao ruído.

- Concienciación social da cidadanía de que o confort acústico e o control da contaminación acústica é un factor importante para a saúde sobre todo psíquica das persoas e para o seu benestar.

- Actualización, revisión ou mellora da ordenanza municipal de control da contaminación acústica.

Art. 250. Condicións de deseño medioambiental e aforro de recursos.

1) Co fin de garantir a seguridade e o benestar das persoas e a protección do medio ambiente, as edificacións deberanse proxectar, executar, manter e conservar de tal forma que se satisfagan os requisitos básicos establecidos na lexislación vixente. Ademais dos requisitos referidos anteriormente, todo proceso da edificación deberá tender a unha redución de impactos ambientais producidos polo funcionamento do edificio e a súa construción, atendendo a principios de protección medioambiental e desenvolvemento sostible, tales como:

Plan Xeral de Ordenación Municipal de Salceda de Caselas Normativa Urbanística 145 Documento para Aprobación Inicial

a. A optimización na utilización dos recursos dispoñibles, mediante a adecuada reutilización, reciclaxe e uso eficiente dos mesmos, así como o emprego de recursos renovables.

b. A conservación do medio ambiente, mediante o axeitado uso do terreo, a xestión dos residuos xerados nas obras e a prevención de emisións e contaminación.

c. A obtención e o mantemento de ambientes saudables no interior dos edificios, mediante a prevención de emisións nocivas e a contaminación do aire, así como unha adecuada ventilación

d. A aplicación de técnicas construtivas tendentes a evitar o uso de materiais contaminantes.

e. A consecución dun maior aforro no consumo enerxético e de auga.

f. A adecuación do deseño ás condicións bioclimáticas.

g. A accesibilidade a todos os espazos das persoas con mobilidade e comunicación reducida.

2) Aos efectos previstos no presente Capítulo e na medida das posibilidades físicas concretas para cada edificio ou local, dos condicionantes do contorno, do uso a que se destine e da ordenanza de aplicación, establécense as seguintes condicións de deseño arquitectónico:

a. Iluminación natural: no deseño de todo edificio ou construción, a iluminación diúrna será preferente e basicamente natural (solar) nas dependencias destinadas á estancia ou ao traballo prolongado de persoas, de maneira que a iluminación artificial só sexa considerada como solución excepcional ou de emerxencia para as horas diúrnas, sen prexuízo de determinadas actividades que requiran especiais condicións de illamento luminoso ou acústico.

b. Alumeado eléctrico: a instalación de alumeado eléctrico deseñarase incorporando lámpadas e luminarias de máxima eficiencia luminosa, minimizando, no posible, a potencia eléctrica instalada para este destino.

c. Outras enerxías alternativas: Con independencia do establecido no CTE, recoméndase que toda edificación de nova planta poida incorporar, no posible, instalacións produtoras doutras fontes de enerxía das denominadas alternativas, con capacidade suficiente ou razoable para as necesidades propias do edificio.

d. Enerxías domésticas: para os usos de calefacción, quecemento de auga ou cociñado de alimentos procurarase a utilización de combustibles líquidos ou gasosos con preferencia á enerxía eléctrica. Prohíbese o uso de Fuel-oil.

e. Todo edificio ou actividade, contará cun local, ou espazo habilitado para colectores de lixo que deberá ter ventilación e instalación de auga e desaugadoiro, situándose de forma que o seu acceso, dende a vía pública, sexa o máis directo posible, preferentemente nos vestíbulos de acceso a garaxes.

3) As instalacións urbanísticas deberán deseñarse co obxectivo principal de garantir a posibilidade de minimizar o consumo de recursos e maximizar a eficiencia, e a tal efecto cumpriranse as seguintes condicións:

a. Alumeado público: as novas instalacións desta infraestrutura regularanse segundo as condicións establecidas nas condicións de aforro enerxético, contempladas no Art. 336 da presente normativa, e as instalacións existentes iranse adaptando a esas condicións, paulatinamente, para garantir a eficiencia das instalacións.

b. Abastecemento de auga: as novas instalacións desta infraestrutura regularanse segundo as condicións establecidas nas condicións de aforro do recurso auga, contempladas no Art. 331 da presente normativa, e as instalacións existentes iranse adaptando a esas condicións, paulatinamente, para garantir a súa eficiencia.

c. Xestión sostible e aforro de auga: estableceranse medidas complementarias para o aforro deste recurso, co obxectivo de acadar a xestión sostible dos recursos hídricos, mellorando o abastecemento, promovendo a

Plan Xeral de Ordenación Municipal de Salceda de Caselas Normativa Urbanística 146 Documento para Aprobación Inicial

diminución progresiva das verteduras, e aumentando a calidade da auga, así como o seu uso e consumo racional por parte da cidadanía, mediante a aplicación das seguintes condicións:

- Primar aquelas tipoloxías urbanísticas que comporten un menor consumo de auga.

- Facilitar a retención de auga de choiva, para diminuír as necesidades de rega e permitir a mellor recarga do sistema, evitando correntes excesivas ou avenidas puntuais.

- Plantación nos xardíns e zonas verdes de céspede ou flora autóctonas, con baixo consumo en auga, en lugar de especies foráneas de maior consumo ou demanda de mantemento, contemplando os custos totais a longo prazo, e non só os da plantación.

- Implantación de tarifa por tramos, como sistema de cobro do consumo de auga, primando o aforro e gravando o estrago deste recurso.

- Fomentar a reutilización das augas pluviais, depuradas, grises, etc. en función dos niveis de calidade esixibles aos diversos usos.

- Establecemento das melloras necesarias nos sistemas de depuración na Estación Depuradora de Augas Residuais (EDAR), para reutilización da auga tratada na limpeza e rego de xardíns.

- Separación e recollida selectiva e controlada de augas pluviais en puntos estratéxicos de consumo e aproveitamento das recollidas nos tanques de tormenta para limpeza e rego.

- Concienciar, dar a coñecer e fomentar entre os usuarios os comportamentos de uso racional do recurso e a utilización de dispositivos aforradores de auga (obrigando a súa disposición nas novas edificacións, segundo se recolle no Art. 164).

- Establecemento de beneficios fiscais ou subvencións aos promotores, propietarios de inmobles ou titulares de actividades que poñan en marcha as medidas de aforro de auga non obrigatorias, contidas nesta normativa, a regular nas correspondentes ordenanzas fiscais.

- Procederase a realizar as revisións periódicas das conducións xerais de auga que sexan necesarias para detectar perdas, e os labores precisos de mantemento que eviten as fugas innecesarias.

- Previsión, se é o caso, dunha ordenanza de aforro de auga.

- Elaboración dun Plan de Xestión de Recursos Hídricos a nivel municipal.

4) Deberase establecer unha estratexia de aforro enerxético xeral, no ámbito das competencias municipais e do planeamento, iniciando procesos de cambio no consumo e na produción enerxética cara á sostibilidade, entre as que podemos sinalar algunhas actuacións prioritarias ou liñas de acción:

- Promover a posta en marcha de Plans de Aforro Enerxético adaptados aos diferentes sectores, tanto a nivel particular como no ámbito empresarial, ou de actividade e da administración pública local e supramunicipal.

- Elaboración dunha auditoría enerxética municipal para a avaliación do consumo nas dependencias, nas dotacións e nos servizos municipais, así como a optimización e redución do consumo, mediante a implantación de medidas de eficiencia e aforro enerxético.

- Promover e favorecer entre a poboación o aforro enerxético doméstico e no traballo, motivando e facilitando os coñecementos e ferramentas necesarias para actuar correctamente neste eido na actividade diaria (entre outras medidas pódense sinalar o uso de lámpadas de baixo consumo, mellorar o illamento das edificacións, controlar o apagado total dos electrodomésticos e da iluminación, cando non se usen, axustar ou reducir a temperatura da calefacción, favorecer a regulación luminosa e térmica natural nos edificios, optimizar e reducir o uso da auga quente, mercar electrodomésticos de

Plan Xeral de Ordenación Municipal de Salceda de Caselas Normativa Urbanística 147 Documento para Aprobación Inicial

clases enerxéticas altamente eficientes, optimizar o uso, a correcta programación e o enchido dos electrodomésticos, a utilización da tarifa nocturna, etc).

- Realizar campañas divulgativas sobre a produción de enerxías alternativas no eido doméstico e empresarial (biomasa, biocombustibles, coxeración, enerxía minieólica, solar térmica e fotovoltaica, xeotérmica, etc) co fin de promover, tanto o aforro económico en enerxía convencional e xeralmente contaminante, como a xeración e o uso de enerxías limpas e renovables, e de diminuír as emisións

globais de CO2.

- Potenciar novos parques de enerxías renovables (hortas solares, entre outras posibles, como as eólicas e minieólicas) nas zonas rurais ou forestais non aproveitables e con baixo interese natural e paisaxístico, a inserir no planeamento sobre propostas concretas, e como alternativa laboral ou económica complementaria no medio rural.

- Divulgar e fomentar a construción bioclimática, que comporta uns espazos máis saudables e menos consumidores de enerxía, con aforros económicos de mantemento moi importantes a medio prazo.

5) Deberase establecer unha estratexia de mobilidade sostible no ámbito das competencias municipais e do planeamento, iniciando procesos de cambio cara á sostibilidade, como a redución no consumo de combustibles fósiles non renovables, a redución da contaminación atmosférica e da contribución ao cambio climático, entre as que podemos sinalar algunhas actuacións prioritarias ou liñas de acción:

- Análise das posibilidades de implantación de servizos municipais de transporte, aos núcleos rurais aproveitando o transporte escolar ou mediante convenios con empresas do sector, que presten servizos intermunicipais para reducir o uso individual do automóbil.

- Fomento do transporte público mediante campañas de concienciación da poboación e de política de prezos ou mellora de servizos e frecuencias coas compañías de transporte que prestan servizos na zona.

- Fomento do transporte individual non motorizado (peonil, bicicleta) para percorridos curtos e medios intranúcleos ou internúcleos próximos.

- Establecemento de campañas de concienciación para o uso compartido do automóbil para usuarios que compartan destinos e horarios de desprazamentos, de medio e longo percorrido.

- Fomento do uso de biocombustibles, do uso de vehículos con enerxías motrices alternativas, eléctricas ou combinadas, etc.

6) Deberase establecer unha estratexia de utilización sostible de materiais, no ámbito das competencias municipais e do planeamento, continuando e intensificando os procesos de cambio, xa iniciados, de cara á sostibilidade, como a redución xeral no consumo de materiais, e sobre todo a reutilización e a reciclaxe de materiais, podendo sinalar algunhas actuacións prioritarias ou liñas de acción:

a. Reducir a xeración de residuos, fomentar a reciclaxe e a reutilización dos residuos urbanos e facilitar a dispoñibilidade e doado acceso, tanto aos colectores de recollida como ás instalacións adecuadas para o seu tratamento e/ou depósito, cumpríndose en todo caso as medidas que a este respecto xa se contemplan na presente normativa, sinalando en concreto as seguintes:

- A curto-medio prazo o impacto da recollida de residuos debe minimizarse, e mesmo desaparecer, do espazo público, polo tanto é necesario habilitar na propia edificación (habitación, vivenda e edificio) os espazos e infraestruturas que o fagan posible. Por outra parte, co fin de minimizar o impacto que sobre o espazo público (friccións no tráfico, intrusión visual dos colectores, etc.) e os cidadáns (ruídos nocturnos, horarios, etc.) ten a recollida, parece razoable tratar de reducir estes impactos no deseño urbanístico.

Plan Xeral de Ordenación Municipal de Salceda de Caselas Normativa Urbanística 148 Documento para Aprobación Inicial

- Mentres tanto, nas novas áreas a urbanizar ou nos procesos de reurbanización e transformación, a planificación e o proxecto urbanístico deben prever e incorporar os mecanismos e infraestruturas necesarias na edificación, no subsolo ou no espazo público que permitan una xestión de residuos baseada nas 3R (reducir, reutilizar e reciclar).

- Neses mesmos casos deberanse aplicar con rigorosidade as condicións reguladas principalmente no Art. 244 da normativa do PXOM, para acadar en conxunto un importante aforro económico e ambiental, e en condicións atmosféricas saudables.

b. O uso racional e sustentable dos materiais (vinculado directamente á súa reutilización despois do reciclado) empregados na urbanización debe estar xa inducido dende a planificación e a proxectación urbanística, condicionando tanto o tipo de materiais a usar, minimizando o seu uso e a súa toxicidade, como a porcentaxe de materiais reciclados e de reutilización (tamén no espazo público en forma de mobiliario) que deberían incluír os novos desenvolvementos urbanos e as áreas en rehabilitación. Os proxectos de rehabilitación e as áreas de renovación urbana (integrais ou non), deberían demostrar que unha porcentaxe mínima de materiais de demolición son recuperados e reciclados.

c. Os materiais empregados na urbanización deberán ser tamén preferentemente de orixe local (sempre que se trate dunha zona produtora ou transformadora de calquera tipo de material que se poida utilizar na construción e urbanización do espazo e no seu mobiliario), para potenciar a economía e a produción local e para evitar transportes innecesarios e contaminantes.

7) Na licenza de primeira ocupación dos edificios comprobarase especialmente que as medidas de aforro de recursos (principalmente enerxéticos, de consumo de auga e de xestión de materiais e residuos) esixidas pola presente normativa e a lexislación aplicable están realmente executadas e son operativas e funcionais.

Sección 2ª. Protección da paisaxe e dos recursos paisaxísticos.

Art. 251. Aplicación.

1. As presentes normas para a protección e o tratamento dos recursos paisaxísticos do Concello de Salceda de Caselas, desenvolvido no contexto do presente PXOM, establécense como marco de referencia en materia de ordenación e xestión da paisaxe municipal e especialmente nas materias relacionadas coas actuacións sometidas a licenza urbanística, sendo de aplicación directa as contidas dende o Art. 253 ao Art. 271, segundo a estrutura que se expón no punto seguinte.

2. A estrutura xerárquica de aplicación das condicións paisaxísticas será a seguinte: a) Aplicaranse as directrices xerais da lexislación vixente en materia de paisaxe.

b) Aplicaranse as directrices xerais e detalladas -no seu caso- dos Plans Sectoriais ou Territoriais de aplicación que conteñan regulación en materia de paisaxe. A este respecto, a Consellería de Medio Ambiente xa ten incluído a Salceda de Caselas a efectos paisaxísticos na Área denominada “6. Costa Sur-Baixo Miño, subárea Baixo Miño Interior” do Mapa das Grandes Áreas Paisaxísticas de Galicia, sobre as que se desenvolverán os Catálogos da Paisaxe nos próximos anos.

c) A respecto da regulación específica do PXOM, establécense unhas condicións que se irán acumulando en función da situación ou clasificación aplicada aos terreos, comezando xerarquicamente por unhas condicións xerais aplicables en todo o territorio, unhas condicións especiais para elementos estratéxicos (que deberanse delimitar expresamente polo PXOM, no seu caso), unhas condicións especificas segundo a clase de solo, e unhas condicións particulares recollidas –no seu caso- na ordenanza específica de aplicación en cada caso, e finalmente do Estudo da Paisaxe que se conteña no ISA poderanse derivar condicións

Plan Xeral de Ordenación Municipal de Salceda de Caselas Normativa Urbanística 149 Documento para Aprobación Inicial

normativas por zonas ou unidades da paisaxe, que –no seu caso- se sumarán segundo esa zonificación paisaxística as xa citadas, integrándose na presente normativa.

Art. 252. Principios e obxectivos xerais.

1. Como réxime xurídico básico en materia de ordenación e xestión da paisaxe, establécense os seguintes principios xerais:

a) Recoñécese o dereito dos cidadáns do concello de Salceda de Caselas a deleitarse da paisaxe herdada, así como a gozar duns niveis de calidade paisaxística adecuados nos espazos onde desenvolven as súas actividades persoais, profesionais e sociais.

b) En relación con este dereito colectivo á paisaxe, tanto as institucións públicas como as diferentes persoas físicas e xurídicas que vivan ou desenvolvan a súa actividade no concello de Salceda de Caselas teñen o deber de manter e mellorar a calidade paisaxística dos espazos de dominio público, especialmente aqueles que favorezan a convivencia cidadá ou que permiten o esparexemento e o ocio da poboación, así como das construcións e espazos libres da súa propiedade ou de cuxo uso gocen temporalmente.

c) O dereito colectivo dos cidadáns a gozar dunha paisaxe harmónica, así como o dereito individual a utilizalo no seu interese estará limitado a que esa utilización non rompa a harmonía ou desfigure as perspectivas dos conxuntos urbanos e naturais que integran Salceda de Caselas, sobre todo os seus aspectos singulares e diferenciais.

d) O concello de Salceda de Caselas, a través do órgano ou órganos que se determinen, constitúese no garante último do citado dereito á paisaxe, debendo exercer as funcións de información, fomento, asesoramento, regulación, vixilancia e sanción, en relación coa implantación ou o desenvolvemento dos usos e intervencións con maior incidencia paisaxística.

2. As presentes normas de protección teñen por obxectivos específicos os seguintes:

a) A protección, o mantemento e a mellora dos valores fundamentais da paisaxe, como instrumentos fundamentais para conservar o atractivo das singularidades deste territorio e fundamentar a mellora noutros eidos (sobre todo o social, cultural, económico e turístico) do concello de Salceda de Caselas.

b) A protección, a conservación, a valoración, a restauración, o crecemento, a difusión e o fomento e defensa dos valores singulares e diferenciais deste concello: artísticos, históricos, arqueolóxicos, etnográficos ou tradicionais do patrimonio do concello, e os dos seus elementos naturais, paisaxísticos e urbanos de interese, que en conxunto conforman a paisaxe específica de Salceda de Caselas.

c) Valorar a paisaxe rural tradicional no seu contexto socioeconómico, desenvolvendo políticas que integren a mellora da calidade de vida dos habitantes cun modelo de aproveitamento do espazo respectuoso co equilibrio ambiental.

d) Realizar unha xestión activa dos espazos rurais, creando incentivos para a conservación e mellora dos seus recursos, mantendo as actividades agrarias na medida en que resulte factible, como obxectivos de actuación inaprazables e decisivos para a conservación destes espazos. Son imprescindibles proxectos, programas e iniciativas concretas, que definan o novo papel duns espazos que, en moitos casos, non van seguir sendo o que foron e que necesitan accións de adecuación para cumprir as novas funcións que demanda a sociedade galega de cara ao futuro.

e) O desenvolvemento de accións de mellora ambiental e paisaxística nos terreos abandonados pola agricultura, permitindo a súa utilización para novos usos cando diso se deriven oportunidades para a conservación de trazos singulares, a mellora da percepción do territorio, a introdución de usos ou

Plan Xeral de Ordenación Municipal de Salceda de Caselas Normativa Urbanística 150 Documento para Aprobación Inicial

actividades innovadoras e a evolución ordenada dos espazos ata agora dedicados a funcións de produción primaria.

f) A consideración dos núcleos de poboación como elementos fundamentais da estrutura territorial cuxo desenvolvemento debe producirse con criterios de calidade e atractivo, evitando a deterioración do seu ámbito e a ocupación desordenada do solo rústico pola urbanización difusa ou pola aparición de novos núcleos e espazos urbanizados illados.

g) A protección específica dos elementos fundamentais que caracterizan a paisaxe e a regulación das actuacións que a condicionan ou deturpan nas diversas clases de solo.

h) O apoio e o impulso do uso ordenado e racional da paisaxe urbana, como instrumento decisivo para a conservación da contorna. Fomentar actuacións encamiñadas a manteren ou melloraren o valor ambiental e paisaxístico das zonas de conexión entre grandes espazos abertos e zonas conformadoras da trama urbana.

i) A coordinación e control de todas as actuacións e accións (ou omisións) que interveñen na conformación, modelado ou modificación da paisaxe.

j) As medidas de integración paisaxística deberían orientarse a dar a máxima coherencia á escenografía do territorio, coidar os pequenos detalles, ocultar os elementos que restan calidade visual e realzar as vistas e elementos máis atractivos.

3. Para a aplicación e desenvolvemento dos anteriores obxectivos e principios xerais o Concello de Salceda de Caselas poderá elaborar, en desenvolvemento do Plan Xeral, unha Ordenanza da Paisaxe (Urbana e/ou Rural) en base aos criterios que se recollen nos artigos do presente capítulo.

4. Aos efectos da aplicación da protección paisaxística faremos unha distinción básica entre o solo rústico e o resto do territorio pertencente aos núcleos de todo tipo existentes (que denominaremos como solo urbanizado, que se refire aos núcleos de poboación ou zonas de actividade urbanizadas, que comprenden os solos urbanos, os núcleos rurais e o solo urbanizable despois do seu desenvolvemento), pois as regras de xénese e uso, e por tanto de protección deben ser distintas en ambos casos. Finalmente estableceranse tamén condicións específicas para os ámbitos que se teñen que ordenar detalladamente mediante instrumentos de desenvolvemento e logo transformarse e urbanizarse para considerarse como solo urbanizado.

5. Cando se pretenda executar unha actuación sometida a determinacións e/ou condicionantes paisaxísticos regulados (na presente normativa ou na lexislación aplicable), estas deberanse aplicar mediante a documentación ou instrumento correspondente que se cite en cada caso (segundo esas normas aplicables). Cando non se sinale a obriga destes instrumentos, as determinacións aplicaranse directamente no proxecto da actuación.

Art. 253. Normas xerais de aplicación directa en todo o termo municipal.

1. A respecto das preexistencias de todo tipo existentes en calquera zona do territorio, e como condicionante previo á calquera intervención, deberán terse en conta todos aqueles elementos existentes no territorio que conforma o seu substrato que poidan ter valor (natural, ambiental, paisaxístico, patrimonial, topográfico, etc), valorándoos axeitadamente e tratando de integrar na proposta ou actuación pretendida (sobre todo nos espazos libres públicos ou privados, mais tamén, de ser posible, no viario ou nas parcelas dotacionais) todos aqueles que pola súa singularidade como elementos independentes ou como conxunto poidan axudar a configurar o espazo de que se trate, preservando no posible a súa memoria colectiva anterior e as preexistencias notables, debendo terse en conta os seguintes criterios de actuación:

Plan Xeral de Ordenación Municipal de Salceda de Caselas Normativa Urbanística 151 Documento para Aprobación Inicial

- Eríxese en tarefa principal neste eido preservar o medio natural e rural, os sinais de identidade dunha cultura e dun territorio e, en xeral, todos os elementos que configuran os mellores valores, tanto naturais como os resultantes das intervencións antrópicas racionais (as realizadas ata mediados do S XX deixaron unha pegada salientable a preservar) sobre o territorio. Neste senso, tratarase de manter o espazo e as actividades agrarias cos seus elementos antrópicos históricos, atendendo á tripla dimensión económica, cultural e paisaxística destas actividades.

- Atenderase especialmente á conservación de todos aqueles elementos arquitectónicos, arqueolóxicos ou etnográficos que poidan integrarse na proposta, prohibíndose expresamente a súa eliminación. Só se permitirá con carácter excepcional o traslado dalgúns elementos menores non catalogados (que non sexan xacementos nin achados arqueolóxicos, que deberán ser controlados e autorizados polo organismo competente), e sempre que interfiran inescusablemente na ordenación do espazo, debéndose xustificar esta circunstancia, caso a caso.

- Atenderase tamén á conservación de todos aqueles elementos vexetais que poidan integrarse na proposta, prohibíndose expresamente a eliminación de arborado autóctono ou de gran porte (sempre que non interfira inescusablemente na ordenación do espazo, debéndose xustificar esta circunstancia caso a caso, intentando conservar a meirande parte de exemplares posible e priorizando na conservación os máis antigos ou de maior porte). Deberanse cumprir, en todo caso, as condicións establecidas na Subsección 1ª da presente Sección e no Art. 181 da presente normativa.

- Preservaranse os elementos topográficos preexistentes evitándose a eliminación de abas e resaltes do relevo, agás de forma puntual e coas accións de integración necesarias para non deteriorar a calidade paisaxística. Preservaranse especialmente os fitos e elevacións singulares, mantendo a súa visibilidade e reforzando a súa presenza como referencias visuais do territorio.

- De xeito análogo, e a unha menor escala, tentarase conservar a topografía orixinal do terreo, fuxindo dos grandes movementos de terras que alteren a configuración topográfica dos terreos de xeito significativo (por regra xeral só deberán adaptarse ás condicións topográficas do contorno do espazo para axustarse ao novo viario que estea xa trazado ou proxectado e aquelas que sexan precisas para contención de terras ou supresión de barreiras arquitectónicas), que de ser necesarias, deberán xustificarse axeitada e detalladamente. Deberanse cumprir, en todo caso, as condicións establecidas no artigo Capítulo III.Sección 2ª.Art. 113.

2. As construcións haberán de adaptarse ao ambiente en que se sitúen, e para tal efecto deberanse cumprir as condicións sinaladas no art. 104 da LOUG e na regulación da edificación recollida no Capítulo III.Sección 10ª da presente normativa, e sobre todo na regulación e protección tipolóxica.

3. Os elementos construtivos, infraestruturas ou instalacións a realizar en lugares de paisaxe aberta ou natural, ou nas perspectivas que ofrezan os elementos singulares naturais, territoriais ou antrópicos de recoñecido valor, non poderán limitar o campo visual para a súa contemplación, e para tal efecto deberanse cumprir as condicións sinaladas no punto b) do art. 104 da LOUG.

4. A publicidade estática deberá cumprir tamén as condicións do apartado anterior, e ademais as do punto d) do art. 104 da LOUG, así como as sinaladas no Art. 270, sobre todo aquelas que regulan as afeccións á contorna e a percepción da paisaxe.

5. Analizaranse e valoraranse os impactos que sobre a paisaxe poidan comportar as novas actuacións infraestruturais e dotacionais sobre o territorio (sobre todo no solo rústico), e no seu caso se proporán medidas correctoras acaídas para que sexan da menor entidade posible.

Plan Xeral de Ordenación Municipal de Salceda de Caselas Normativa Urbanística 152 Documento para Aprobación Inicial

6. Nos contornos de elementos de especial valor patrimonial (e tamén nos de valor natural, se as actuacións non deturpan ese valor), promoveranse as actuacións necesarias para protexer e valorizar eses espazos, e a ser posible, sendo incorporados ao sistema municipal de espazos libres.

7. Deberá de respectarse a zona de protección viaria das estradas e do resto de infraestruturas a ambos os dous lados das mesmas, coas limitacións de carácter xeral establecidas polas Leis que as regulan nas súas zonas de Dominio público, de protección e de reserva, aos efectos de preservar non só a súa utilización en condicións de seguridade, senón tamén a percepción paisaxística do territorio dende elas.

8. As redes de instalacións de servizos urbanísticos deberán executarse preferentemente soterradas, para poder reducir a posible incidencia sobre a paisaxe do seu contorno, e regularanse subsidiariamente polas condicións que a este respecto se conteñen no Art. 91 e entre a Sección 3ª e a Sección 8ª do Capítulo IX da presente normativa.

9. O deseño da iluminación pública axustarase ás condicións establecidas legalmente e as definidas no seu caso nas Ordenanzas municipais e as do Plan Xeral, así como as sinaladas no Art. 269 para regular as afeccións á contorna e a percepción da paisaxe.

10. As actuacións que se proxecten adecuaranse á pendente natural do terreo, de modo que esta poida verse alterada no menor grao posible e propiciar así a adecuación, tanto do perfil edificado como do parcelario, á propia topografía natural, a das redes viarias e a das infraestruturas lineais.

11. Os que consideramos como elementos ou espazos configuradores da paisaxe definidos no Art. 259 (basicamente os espazos libres públicos ou privados, os servizos urbanísticos e os soportes informativos e publicitarios), que son algunhas das actuacións antrópicas que máis afectan a percepción paisaxística de calquera espazo, deberán aterse ao regulado nas Subseccións 1ª a 4ª da presente Sección.

12. Prohíbense, con carácter xeral, os crecementos urbanísticos e as construcións sobre elementos dominantes ou na crista de relevos montañosos, cúspides do terreo e bordos de cantil, salvo cando forme parte do crecemento natural dos núcleos históricos ou tradicionais, e sempre que non se modifique, substancialmente, a relación do núcleo coa paisaxe global no que se insira; e salvo que se trate de obras de infraestruturas e equipamentos de utilidade pública que deban ocupar ditas localizacións (deberá xustificarse tecnicamente que se trata do único lugar posible para localizar a instalación, fronte a outras posibles localizacións alternativas que supoñan un menor impacto paisaxístico).

Art. 254. Medidas especificas nas unidades de paisaxe.

1. No Estudo da Paisaxe contido no ISA establécense para este concello nove tipos ou unidades da paisaxe, que teñen condicións territoriais ben diferentes, e necesidades diferenciadas, respecto da protección da súa paisaxe característica, por tanto establécense condicións normativas diferentes que se sumarán ás que se definen no resto deste capítulo.

UNIDADES 1. LIC das Gándaras de Budiño 2. O solo industrial en Budiño. 3. A bacía do río da Becerreira 4. O espazo forestal. 5. Os solos intersticiais agrarios. 6. O solo urbano. 7. A bacía media do Caselas 8. A bacía baixa do Caselas.

Plan Xeral de Ordenación Municipal de Salceda de Caselas Normativa Urbanística 153 Documento para Aprobación Inicial

UNIDADES 9. Os rebordos montañosos.

2. A aplicación das condicións establecidas neste artigo serán de obrigado cumprimento en solo rústico, e serán recomendacións no resto das clases de solo (agás que nalgún caso concreto se sinalen outras condicións de aplicación), pero prestando especial atención nas zonas de bordo dos ámbitos de planeamento que requiran de ordenación detallada e urbanización co solo rústico. A zonificación das distintas unidades será a definida nos correspondentes planos do ISA.

3. As condicións aplicables en cada un dos tipos de Unidades Paisaxísticas establecidos son as seguintes: a) LIC das Gándaras de Budiño.

- Preservarase o ámbito das actividades humanas que xeren impactos negativos, especialmente daquelas que supoñan un risco para o mantemento das especies ameazadas das que se ten coñecemento ou doutras que puidesen selo no futuro.

- Limitarase o tránsito de persoas e sobre todo de vehículos a aquelas zonas que a administración sinale como permitidas.

- Evitarase en todo o posible a construcións de instalacións de calquera tipo ou o tendido de redes de servizos, agás que estean directamente vencelladas coa preservación do ámbito e dos seus valores.

- Limitaranse as edificacións permitidas ás mínimas imprescindibles, tratando de que se sitúen, agás fins específicos, nas zonas onde supoñan un menor impacto.

- Prohíbese a plantación ou a solta de especies alóctonas de vexetais ou animais que podan facer perigar o equilibrio do ecosistema. b) O Solo industrial en Budiño.

- Procurarase unha ordenación urbanística acaída que permita ofrecer unha imaxe de conxunto equilibrada e integrada co contorno sobre o espazo que se localiza, tratando de conseguir unha acaída transición entre as zonas de maior ocupación no contorno da N-550 e o solo rústico da contorna.

- Dentro do sistema de zonas verdes procurarase o mantemento ou emprego de especies vexetais e arbóreas autóctonas, en especial daquelas que non sexan especialmente propagadoras de incendio ou produtoras de elevado volume de polen.

- Evitaranse os grandes movementos de terra e a destrución inxustificada da estrutura parcelaria e viario actual. Tampouco se permitirá a modificación do curso de canles de auga nin o seu soterramento sen a autorización expresa do organismo de bacía.

- Fomentarase a creación de itinerarios peonís e sendas fluviais que dean continuidade perceptiva e paisaxística ás beirarrúas interiores do espazo industrial cara o espazo rural lindeiro.

- Procurarase o acaído mantemento e limpeza do espazo agropecuario e forestal que arrodea á zona industrial.

- Prestarase especial atención á limpeza e posta en valor das marxes das canles de auga, a calidade das augas correntes en superficie e soterradas e ao coidado da vexetación de ribeira existente, xa que se trata de verdadeiros corredores verdes da fauna e da flora que interconectan o territorio.

- Na medida do posible procurarase o apantallamento vexetal das actividades tanto a nivel individual como no contorno da área industrial, co obxectivo de facer o conxunto menos perceptible e máis integrado na contorna.

Plan Xeral de Ordenación Municipal de Salceda de Caselas Normativa Urbanística 154 Documento para Aprobación Inicial c) A bacía do río da Becerreira.

- Preservaranse e poranse en valor os valores naturais e patrimoniais presentes.

- Deberán ser preservados da colonización difusa os solos agropecuarios inmediatos aos núcleos, formulando crecementos estritamente en función das necesidades previstas.

- Nesta mesma liña procurarase que o desenvolvemento dos distintos asentamentos non comporte un risco de deterioro da imaxe de conxunto deste espazo, procurarase polo tanto a creación de volumetrías, o emprego de materiais construtivos e cores que permitan unha acaída integración no conxunto paisaxístico.

- Evitaranse os grandes movementos de terra e a destrución inxustificada da estrutura parcelaria e viario actual.

- Limitarase en xeral a plantación intensiva de masas arboradas nas parcelas agropecuarias, en especial daquelas que se poidan realizar con especies alóctonas e con alto risco de incendio.

- Realizarase un mantemento acaído das masas forestais que rodean ao ámbito para diminuír no posible os riscos de incendio e mellorar o fondo escénico natural, primando sempre que sexa posible o emprego de especies arbóreas propias da zona.

- Nos distintos fitos paisaxísticos, en especial naqueles que permiten contemplar vistas panorámicas sobre o territorio procurarase preservar da plantación de árbores o contorno daqueles puntos máis significativos, para que os eventuais observadores poidan contar con campo visual despexado para a súa observación e deleite. Procederase ao sinalización destes puntos e dos distintos accesos aos mesmos.

- Nas zonas de val e na inmediacións dos cursos de auga promoverase a plantación de especies arboradas de ribeira fronte a outras menos acaídas dende o punto de vista natural ou paisaxístico.

- Preservaranse e poranse en valor os valores naturais e patrimoniais presentes.

- Preservaranse as zonas onde sexa significativa a presenza de arborado autóctono fomentando a súa limpeza e tratando de evitar a eliminación daqueles exemplares máis singulares ou de maior porte.

- No acondicionamento de espazos para o lecer da poboación, terase en conta a fraxilidade paisaxística e natural de cada lugar, os acesos e os contornos daqueles puntos dende onde existen vistas panorámicas singulares tanto do concello como da comarca.

- Procurarase que o uso non forestal do solo non diminúa as características paisaxísticas nin naturais dos espazos. No caso de eventuais labores extractivos autorizados, realizarase un seguimento do impacto que comportan e da incidencia que teñen sobre o medio, esixindo a recuperación ambiental en caso de cesamento das actividades. e) Os solos intersticiais agrarios.

- No ámbito dos distintos núcleos fomentarase a compactación do tecido existente sobre a extensión sobre terreo en estado natural.

Plan Xeral de Ordenación Municipal de Salceda de Caselas Normativa Urbanística 155 Documento para Aprobación Inicial

- Promoverase a recuperación das construcións tradicionais de todo tipo seguindo o máis fielmente posible as súas características tipolóxicas e construtivas (cando menos cara ao exterior).

- Evitaranse os grandes movementos de terra e a destrución inxustificada da estrutura parcelaria e viario actual.

- Preservaranse as zonas onde a presenza do arborado autóctono sexa significativa, fomentando a súa limpeza e tratando de evitar a eliminación daqueles exemplares máis singulares ou de maior porte.

- Procurarase que o eventual uso non forestal das zonas de borde destes ámbitos do non diminúa as características paisaxísticas nin naturais dos espazos.

- Salvagardaranse as sebes arboradas naqueles casos que delimiten propiedades dentro da zona de mosaico de cultivos.

- Buscarase a recuperación dos solos agrícolas de maior produción para poder acadar posibilidades de diversificación económica ao tempo que se loita contra os riscos de incendios forestais e o avance de vexetación de substitución.

- Procurarase unha ordenación urbanística acaída que permita ofrecer unha imaxe de conxunto equilibrada e integrada co contorno sobre o espazo que se localiza, tratando de conseguir unha acaída transición entre as zonas centrais da capital máis densas e os asentamentos adxacentes así como o solo rústico.

- Evitaranse os grandes movementos de terra e a destrución inxustificada da estrutura parcelaria e viario actual.

- Fomentarase a creación de itinerarios peonís e sendas fluviais que dean continuidade perceptiva e paisaxística ás beirarrúas interiores da vila cara o espazo rural lindeiro.

- Nos novos ámbitos de urbanización, nomeadamente nas áreas de reparto, favorecerase o emprego de tipoloxías edificatorias densas pero que permitan o esponxamento do tecido construído.

- Levarase a cabo a revisión do patrimonio edificado e promoverase a recuperación daquelas edificacións que puideran atoparse en mal estado ou cuxa aparencia reste valor ao lugar no que se localizan.

- Procurarase o acaído mantemento e limpeza do espazo agropecuario e forestal que rodea a a capital.

- No ámbito dos distintos núcleos fomentarase a compactación do tecido existente sobre a extensión sobre terreo en estado natural.

Plan Xeral de Ordenación Municipal de Salceda de Caselas Normativa Urbanística 156 Documento para Aprobación Inicial