Innspel Til Vesentlege Spørsmål Om Vassforvaltning
Total Page：16
File Type：pdf, Size：1020Kb
Innspel til Vesentlege spørsmål om vassforvaltning Frå Vassområde Nordfjord Versjon nr. 4 / 15.10.2012 Breimsvatnet. Vassførekomst ID 087-1800-L. Foto: Siv Kvalsvik Haugen Innspel til Vesentlege spørsmål om vassforvaltning Frå Vassområde Nordfjord Innhald 1. Innleiing ........................................................................................................................................... 3 Vatn er viktig for alle ........................................................................................................................... 3 Mål for vassforvaltninga ...................................................................................................................... 3 Dokumentet sin funksjon .................................................................................................................... 3 Stryn kommune omfatta av forvaltningsplan for perioden 2010 – 2015 ........................................... 4 2. Vassområdet og vassførekomstane ................................................................................................ 4 3. Påverknader – årsak, omfang og effekt .......................................................................................... 6 Påverknadar som førekjem ofte – i uprioritert rekkefølgje – elv, innsjø og kyst (tabell) ................... 6 Miljøtilstand og risiko .......................................................................................................................... 7 Påverknader som dekker dei største områda og dei belastningane som er mest viktig å utbetre i vassområdet (tabell).......................................................................................................................... 12 Kort omtale av igangsette miljøtiltak ................................................................................................ 14 4. Vesentlege brukarinteresser ......................................................................................................... 15 Avløp .................................................................................................................................................. 15 Regulering for vasskraft og flaumsikring ........................................................................................... 15 Infrastrukturtiltak .............................................................................................................................. 16 Akvakultur ......................................................................................................................................... 16 Anna vern .......................................................................................................................................... 17 Taretråling ......................................................................................................................................... 17 5. Når vi miljømåla i 2021? ................................................................................................................ 17 Vassførekomstar og område ein bør sjå spesielt på i det vidare arbeidet........................................ 17 Hovudutfordringane og kven er dei viktigaste problemeigarane. .................................................... 18 Utviklingstrendar som påverkar vassmiljøet. .................................................................................... 18 Manglande verkemiddel ................................................................................................................... 19 Kunnskapsgrunnlaget ........................................................................................................................ 19 Vedlegg 1. Vassførekomstar med risiko for ikkje å nå miljømåla. Utdrag frå vann-nett.no. ............ 20 Vedlegg 2. Tiltak etter forvaltningsplan for Vassområde Stryn 2010 - 2015 .................................... 39 2 Innspel til Vesentlege spørsmål om vassforvaltning Frå Vassområde Nordfjord 1. Innleiing Vatn er viktig for alle Dette dokumentet for Vassområde Nordfjord har som mål å vise kva viktige utfordringar ein står framfor når ein no skal utarbeide forvaltningsplan for Vassregion Sogn og Fjordane i medhald av Vassforskrifta (Forskrift om rammer for vassforvaltning). Forvaltningsplanen skal tre i kraft frå 2015. Det er viktig med eit felles grep for å vidareføre arbeidet med å betre tilstanden i vassdrag og fjordar, og for å unngå at nye miljøproblem oppstår. Medverknad er eit stikkord for arbeidet med vassforvaltninga. Brukarar av vassressursane og andre interesserte, skal kunne delta og påverke arbeidet gjennom informasjon og dialog kring miljøtilstand, miljømål, tiltaksprogram og overvåking. Målgruppa for dette dokumentet er derfor rettigheitshavarar, private og almenne brukarar av vassførekomstane, interesseorganisasjonar og andre interesserte. God vasskvalitet gir trivelege og varierte opplevingar i og langs vassdraga, som igjen kan bidra til auka trivsel og livskvalitet. Ei anna målgruppe er skuleklassar, som gjennom undervisningsopplegg kan adoptere eventuelle vassførekomstar / elvestrekningar og slik bli involvert i den nye vassdragsforvaltninga. Mål for vassforvaltninga Målet med forvaltningsplanarbeidet og Vassforskrifta er å oppnå god økologisk status eller godt økologisk potensiale i alle vassførekomstar innan 2021. Dokumentet sin funksjon Dette dokumentet er eit supplement til høyringsdokumentet «Vesentlege vassforvaltningsspørsmål – midtvegshøyring i arbeidet med forvaltningsplanen for vatn», som er utarbeidd for Vassregion Sogn & Fjordane av Fylkeskommunen og lagt ut på høyring 01.07.2012. (http://www.vannportalen.no/hoved.aspx?m=60403&amid=3594335) Dokumentet som her ligg føre gir meir detaljkunnskap om påverknadar og utfordringar i vassområde Nordfjord, og vil bli nytta som bakgrunnsmateriale for tiltaksanalysar og overvåkingsprogram som skal lagast for vassområdet. Det er høve til å kome med merknader til dette dokumentet, og innspel til arbeidet med forvaltning av våre vassressursar, ved å kontakte vertskommunen for prosjektet, Gloppen kommune: [email protected] – tlf 57 88 38 00. Sjå også heimesida til Vassområde Nordfjord på http://www.vannportalen.no/hoved.aspx?m=47223 Arbeidet med dette dokumentet vart sett i gang av administrasjonen i Gloppen kommune, som er vertskommune for Vassområde Nordfjord. Prosjektleiaren for vassområde Nordfjord overtok arbeidet når han tok til i stilling i august 2012. I september var prosjektleiaren på ein besøksrunde til kommunane Stryn, Selje, Bremanger, Jølster, Eid og Vågsøy kommunar ved administrasjonen og politisk valde medlemar i Vassområdeutvalet. Det kom fram mykje nyttig lokal informasjon, som er teke med i dokumentet. 3 Innspel til Vesentlege spørsmål om vassforvaltning Frå Vassområde Nordfjord Stryn kommune omfatta av forvaltningsplan for perioden 2010 – 2015 Største delen av Stryn kommune var skilt ut som eige vassområde innanfor Vassregion Vestlandet i eit pilotprosjekt med vassforvaltning for planperioden 2010 – 2015. Dette gjeld Nordfjorden innanfor Hildenes – Steindøla og vassdrag som renn ut i denne delen av fjorden, deriblant Stryne-, Olden- og Loenvassdraga. Dette området inngår no i Vassområde Nordfjord, og vert omfatta av forvaltningsplanen for perioden 2015 - 2021. 2. Vassområdet og vassførekomstane Nordfjord vassområde er eitt av 4 vassområde i Vassregion Sogn og Fjordane. Dei andre er Sunnfjord, Indre Sogn og Ytre Sogn. Lokaliseringa av Nordfjord vassområdet er vist på kartet nedanfor. Grensa til vassområdet føl vasskiljet og samanfell difor ikkje heilt med kommunegrensene. Kart over Vassområde Nordfjord Kommunar i Vassområde Nordfjord: Bremanger, Eid, Gloppen, Hornindal, Jølster, Selje, Stryn og Vågsøy. I tillegg har følgjande kommunar mindre delar innanfor området: Luster, Skjåk, Stranda, Vanylven, Volda og Ørsta. 4 Innspel til Vesentlege spørsmål om vassforvaltning Frå Vassområde Nordfjord Vassområdet strekker seg frå innlandet med høgfjell og bre til havgapet i vest, med Stad og Kråkenes som værharde utpostar. Mykje vatn flyt gjennom området, mellom anna i store lakseelvar, som Hornindalvassdraget og elvane i Stryn og Gloppen. Hornindalsvatnet med største djupn på 514 m er den djupaste innsjøen i Nordeuropa. Der er høvesvis mykje jordbruk innanfor området, med avrenning som medfør utfordringar for vasskvaliteten. Det er eit betydeleg uttak av vasskraft i området. Fjorden og kysten kan by på fisk og skaldyr, og det førekjem hausting av tare til industrielt bruk. Fiskeoppdrett finner også gode vilkår her, men dei innerste delane av fjorden er nasjonal laksefjord og verna mot oppdrett. Fylkesmannen har hatt i oppgåve å definere vassførekomstane, og klassifisere dei i høve miljøtilstand, ut frå eksisterande data og kunnskap. Resultatet av dette er allment tilgjengeleg på nettsida vann-nett.no. Det er 4 kategoriar av vassførekomstar i vassområdet: grunnvatn, elvar, innsjøar og kystvatn (inklusiv fjordvatn). Dei tre sist nemnde går også under namnet overflatevatn. Ein vassførekomst er fysisk avgrensa og relativt einsarta med omsyn til naturlege tilhøve og menneskeskapt påverknad. Storleiken varierer, alt frå ein enkelt innsjø, ei elv, fleire elvar innafor eit avgrensa område (så kalt bekkefelt), eller eit avgrensa grunnvassområde eller kystområde. Tabellen nedanfor viser kor mange førekomstar det er i Nordfjord av kvar kategori. Elvar og bekkefelt dominerer i tal førekomsar, men ikkje nødvendigvis i storleik, då mange av elvane er små, og storleiken er oppgjeve i anna eining (km) enn resten av kategoriane