Zabalik Ditugun Lan Eskaintzak

ZABALIK DITUGUN LAN ESKAINTZAK

Hauexek dira momentu honetan zabalik ditugun lan eskaintzak:

- CAM MEKANIZAZIO-LINEAKO LANGILEA: Profila: Mekanizazioko titulatu berria CAM mekanizazio-linearako. Egin beharreko lanak: Mekanizazio-prozesuak gauzatzea, makina-erremintak prestatuz, programatuz, erabiliz eta lortutako produktua egiaztatuz, betiere kalitateari, segurtasunari eta ingurumen-babesari buruzko zehaztapenak betez. Mendaro.

- INDUSTRIA-ARLOKO MERKATARITZA-TEKNIKARIA: Eginkizunak: Zuzeneko elkarrizketa eta arreta tekniko komertziala, oro har. Bezero-beharrak ezagutzea: Produktu- eta hornidura-beharrak, zehaztapen teknologiko-normatiboaren eskakizuna, erosketa-motibazioak, erabaki-ildoak. Konponbide berritzaileak eta hornidura-formula integratuak sustatzea. Bezeroaren/zorroaren bilakaeraren jarraipena. Negozio-aukerak identifikatzea. Bezeroekin akordioak lortzen eta hornitzaileekin negoziatzen laguntzea. Egin beharreko lanak: Bisitaldi komertzialak bezero-etxean. Eskaintzak egitea. Eskaeren, entregen gorabeheren, epe-desbideratzeen eta abarren bilakaeran arreta jartzea. Kontsulta generikoen euskarri tekniko-komertziala. Barne-elkarrizketa/-koordinazioa, goi-mailako soluzioen eskaintza. Enpresaren soluzioen katalogoa sustatzea. Formakuntza-plana bezeroengana hedatzea. Enpresaren formakuntza-planean parte hartzea. Formakuntza: LHII edo Ingeniaritza (hobe) elektrikoa/elektronikoa. Material elektriko/elektronikoaren batez besteko ezagutza, oro har. Informatika-tresnak/web-tresnak menderatzea.

Lan poltsa 1

Esperientzia: Bai, lan komertzialetan kontrastatua, bezeroekiko tratua. Hizkuntzak: Euskara menderatzea. Ingeles ertain-altua. Gaitasunak: bezeroekiko/hornitzaileekiko harremanetarako gaitasuna, bezeroarentzako zerbitzurako orientazioa, talde-lanerako bokazioa, antolatzeko gaitasuna, egokitzeko gaitasuna eta presioarekiko tolerantzia. Kontratu mota: 6 hilabeteko hasierako kontratua, jarraitzeko aukerarekin. Lanaldia: Lanaldi osoa. Soldata: Tratatu beharrekoa. Formakuntza intentsiboa eta espezializatua eskaintzen da enpresaren kontura. Jarduketa-eremua: Debabarreneko eskualdea eta hari atxikitako eremuak. Gidabaimena: Bai, beharrezkoa. Automobil propioa izatea: Enpresa-autoa. Adina: Ahal dela, 25-45 urte bitartean. Egoitza: Debabarrena, Durangaldea, Azkoitia/Azpeitia. Lanpostuak: 2, Elgoibarren eta Olaberrian. Elgoibar.

- DELINEATZAILE ELEKTRIKOA: Xedea: Proiektu-taldeari bezeroen eskaerekin lotutako eskema elektrikoak garatzen laguntzea. Egin beharreko lanak: Konplexutasun txikiko proiektu teknikoak diseinatzea eta garatzea, ezarritako zehaztapen teknikoak, kalitatekoak eta epekoak oinarri hartuta. Proiektuei lotutako dokumentazio teknikoa egitea eta gainbegiratzea. Produktua aztertzea eta hobetzeko proposamenak egitea. Proiektuei lotutako informazio-oinarriak mantentzea eta eguneratzea. Gainerako talde teknikoarekin eta fabrikaziokoekin lankidetzan aritzea, proiektuak garatzearekin eta prest jartzearekin lotutako zereginetan. Formakuntza: Adar elektriko/elektronikoko goi-mailako heziketa-zikloa. Esperientzia: Bai, eskema elektrikoen diseinuan (gutxienez, urte bat) eta/edo esperientzia makineria industrialaren muntaketa elektrikoan (gutxienez, urte bat). Kontratu mota: 3 urtera arteko aldi baterako kontratazioa. Soldata: 25.000€ - 27.000€ gordin urtean. Dual praktika-programa ere eskaintzen da, aurretik eskatutako esperientzia duen pertsonarentzat. Oñati.

Lan poltsa 2

- MEKANIZAZIOAN EZAGUTZAK DITUZTEN LANGILEAK: Mekanizazioan ezagutzak dituzten langileak bilatzen dira, aurretiko esperientziarekin edo esperientziarik gabe. Kontratu mota: Lanaldi partzialeko kontratua. Esperientzia: Ez da beharrezkoa. Lanaldia: Txandakako lanaldia. Bidaiatzeko prest egotea: Ez da beharrezkoa. Soldata: 18.000€ - 24.000€. Automobil propioa izatea: Bai. Zestoa.

- MEKANIZATUKO MAKINISTA: Egin beharreko lanak: Produktuaren kalitatea bermatzea autokontrol eran ekoiztuta, eta kontrol planean jasotzen diren kontrol eta erregistroak egitea. Ekoizpen maila ezberdinen arabera zehaztutako ekoizpenak egitea. Lineako instalazioen ekoizpen datuak eta zehaztutako jarraibideak betez egindako jarduerak idatziz jasotzea. Mantentze lan autonomoen estandarrak burutzea. Lineetako erreferentzia aldaketak, prestaketak eta prest jartzeak egitea, horretarako dituen baliabideak menperatuta (zenbakizko kontrola, robotak, etab.). Ekoizpenean izandako desbiderapenak identifikatzea eta aztertzea (geldialdiak, ziklo motelak, hasitako lanak, etab.) eta hauei irtenbidea ematea; zailtasunaren arabera, autogestioko koordinatzailearen bitartez bideratzea. Linea mailan zehaztutako prozedura operatiboak betetzea edota betearaztea: Kontrol gamak, piezen enbalajea eta identifikazioa, fitxa teknikoa, piezak bereiztea, etab. Arazoen konponketan parte aktiboa da, hala egin behar denean Scrak irekita eta berauek egiten parte hartuta. Formakuntza: GMZF industriala (ahal dela, mekanizazio-eremua). Hizkuntzak: Euskera. Soldata: 23.000€ gordina. Kontratu mota: Aldi baterako. Jaurdunaldia: Errelebotan. Kontratazio epea: Irailak 30. Inkorporazio data: Berehalakoa. Eskoriatza.

Lan poltsa 3

Gure lan eskaintzaren bat interesatuz gero, bidali zure CV-a [email protected] helbidera eta enpresari bidaliko diogu.

Edozein zalantza baduzu gurekin jar zaitezke harremanetan.

Informazio gehiagorako: Eider Vicente.

943 20 32 44. [email protected]

Lan poltsa 4