Written by ADONG Lucy Judith

EPISODE 21- “A Miracle Child”

SCENE I

LOCATION: BUKULU PRIMARY SCHOOL COMPOUND-AFTERNOON

B/G SFX: LOUD MUSIC AND CHEERS OF CHILDREN

CHARACTERS: TEACHER CLAIRE, TITUS, BETTY

MILDRED: (AS NARRATOR)Nibagira ngu amazooba nigagwa nk’enjura, reero otakakimanyire gaba gahingwiire. Noijuka Betty na Titus abamazire emyaka ebiri beine akakooko ka siliimu. Nk’omwaka gumwe oguhingwiire, Betty akatebwamu koilo, ahabwokuba bakaba batari barungi aha kwijuka kukozesa za kondomu, kandi batetekateekire kuba bazaara omwana ondijo.Kwonka bakaba nibenda omwana wakabiri, nyensya…kandi nyensya egi ekaba neirira heihi juba.

SFX: FADE UP SOUNDS OF SCHOOL SPORTS, EXCITEMENT AND CHEERS AS A RACE ENDS. A HUGE CRY GOES UP FOR THE WINNER

CROWD: Oyeeeeeeeeeeeeeeeeee!

CROWD: Oyeeeeeeeeeeeeeeeeeeeeeeeeeeeeeeeeeeeeeeeeeeeeeee!!!

BETTY: (SARCASTIC) Otyo, Titus, tukyerereirwe kandi entebe zeitu ziri kuriya, ahagati yabantu.

TITUS: Abaarugaho abo ni baahi?

SFX: SHUFFLING AND SHOVING

BETTY: Tindikureebayo, Titus.

TITUS: Tuhiguze, tuhiguze. Mutusaasire, mutusaasire. Reka turabeho, reka turabeho.(TO BETTY) Reeba ahu twahika.Ningira titukyerereirwe munonga kuferwa Michele arikworeka abaana aba enkora.

BETTY: Kuri nituferwa omwishiki weitu ari omu mpaka tindikusaasira.

TITUS: Naba ninduga aha murimo Betty. Naba nyine kunaaba.

BETTY: Reka kwekwasa. Kuri waba nomanya ngu notekwa kunaaba waba no… T.CLAIRE: (THROUGH PUBLIC ADDRESS SPEAKER) Owasinga empaka zokwirukira omu kutiya eza P.3.

BETTY: Owasinga empaka zokwirukira omu kutiya eza P.3? Ekyo nikimanyisa ngu twafeerwa…/

TITUS: Ngaaha.Abo nababa nibeiruka hati, turikutahamu. Twabafeerwa…

BETTY: Noreeba? Gwona nomushango gwawe. Twaferwa omuzaano gwa Michele.

T. CLAIRE: (THROUGH SPEAKER) Ekirabo kyowasinga empaka zokwirukira omu kutiya nekya Michele Mpanga.

SFX: CHEERS AND HANDCLAPS

BETTY: (EXCITED)Yasinga, Titus!!! (UPSET) Twaferwa kumureeba!

TITUS: Omushango gwona ningwemera, nobaasa kunvunaana bwanyima. Kwonka reka tutaferwa ekihembo kye…ariyo natunga ekihembo

BETTY: Nowakabi… nareebeka gye munonga, tikwo?

TITUS: Eego, nareebeka gye.

BETTY: Ayi Ruhanga wangye, eki nikyo. Nkwatira enshaho yangye ntere ekishushani aha simu yangye.

T. CLAIRE: (THROUGH SPEAKER) Omurundi ogu Michele Mpanga yayehangurira omusyasya gwenshaho yebitabo. (CHEERS). Eki nekihembo kyakana ekyatwarwa malaika omuto ogu.

BETTY: Ekihembo kyakana? Mbwenu twaferwa bishatu?

T. CLAIRE: Twena tuterere Michele Mpanga engaro zamaani!

SFX: CHEERS AND HANDCLAPS

TITUS: (SHOUTING)Ogwo ni muhara weitu.

BETTY: Manya bikiriyo, Titus. (SHOUTING) Irooko, Michele!

TITUS: Yanyijusya oku nabeire ndi, obwiire obwo.

BETTY: Okaba otari muzaani, Titus.

TITUS: Haza nkaba muri, nambwenu ku turaabe tubaasize kwezaarira omwishiki wetalanta nk’ogu, tindikuroota tuzeireyo n’omwojo? BETTY: Otatandika kandi, Titus.

TITUS: Nitubaasa kugira enju eijwiire etalanta.

BETTY: (WHISPERS) Titus eri neizooba rikuru ryomwishiki weitu. Otarihamba nemboozi yawe yomwana ondiijo. Ebyo nitubaasa kubigambira omuka.

SFX: CLAPPING AND CHEERS FROM THE CROWD

SFX: MUSIC TRANSITION UP AND SLOWLY FADES OUT

SCENE II

LOCATION: TITUS AND BETTY’S HOME-NIGHT

B/G SFX: CRICKETS AND FROGS CROCKING

CHARACTERS: TITUS, BETTY

TITUS: (ON MIC) Agwejegyeire?

BETTY: (APPROACHING MIC) Eego. Amashemererwa gamunozya. Naamubyamisa.

TITUS: Amashemererwa nanye ka gaanozya. Ningira onyambe nanye ombyamise.

BETTY: Ekishengye kiri hariya. Oraare gye.

TITUS: Torikwija?

BETTY: Kukora ki? Waheza kugira ngu onogire. Tindikuza kubyamisa omusheija mukuru nkeiwe.

TITUS: Nogire kwonka amaani agaawe gasigeiremu. Ija aha .

BETTY: (SCOLDING VOICE) Titus....

TITUS: Nahati okinyiniire ekiniga.

BETTY: Nkyaine – kikye.

TITUS: Ori omukazi agumire, nokimanya ekyo, Betty?

BETTY: Na kakye.

TITUS: Eego, ogumire . Ekiniga eki onyiniire nokugira ngu bwanyima yomwaka nokigira ngu torikwenda ondiijo mwana. BETTY: Tikyo naagamba. Nagira ngu ekyo nituza kukigambaho…

TITUS: Kandi reeba turi aha nitukigambaho.

BETTY: (SIGHS, RELUCTANTLY TALKING ABOUT IT) Naba nyine amasiko ngu nobaasa kuba nozaana.

TITUS: Ekirikutuma ndikuzaanira aha kintu nkekyo nenki?

BETTY: Naba ningira ngu namashemererwa kwonka, Titus.

TITUS: Murungi wangye, okuzaara omwana wakabiri kituura omu ntekateeka yeitu.

BETTY: Eego, kwonka kahahwireho omwaka gumwe enteekateeka egyo eyizire. Kandi nabwo…/

TITUS: Kandi nabwo ki?

BETTY: Reeba oku ebintu birikugyenda gye na Michele ari omwe. Omwana ondiijo naza kutugarura omu kurabanamu.

TITUS: Tiheine kurabanamu oku ndikureeba.

BETTY: Nokugira ngu oyebirwe oku bintu bibeire bigumire obu Michele abeire akiri muto

TITUS: Kwonka hati twembi twine amagara marungi. Za ARV nizikora, amagara gari gye, nibwo bwiire burungi.

BETTY: Omu mazima tindikumanya. Ebintu ku byakuhinduka?

TITUS: Nikyo tushemerereire kugira eki twakora hati, bitakahindukire. Betty, ningira ni hati, narishi tikiribaho.

BETTY: Kare, shana.

SFX: MUSIC TRANSITION UP AND FADES

SCENE III

LOCATION: HEALTH CENTRE-MORNING

B/G SFX: DISTANT CRIES OF CHILDREN

CHARACTERS: NURSE MILDRED, TITUS, BETTY MILDRED: (CALLING) Omurweire ondiijo.

TITUS: (OFF MIC) Oreire gye, Nurse Mildred.

MILDRED: Titus, Betty mwangwamu. Obwiire ni bureingwa.

BETTY: (APPROACHING MIC)Ningira titweija aha bwiire bubi.

MILDRED: Tihariho bwiire bubi aha barweire bangye. Mutaahemu.Mushutame.

SFX: DOOR CLOSES; CHAIRS SCRATCHING THE FLOOR AS THEY SIT

MILDRED: Buzima nashemererwa kubareeba imwe babiri. Nimureebeka gye.

TITUS: Webare Nurse Mildred. Tubeire turi gye.

MILDRED: Ningira nikwo, kitari ekyo nkagabirwe mbareebire kare. Reero mbwenu mwija ngu mbakorere ki?

BETTY: Nurse Mildred, N’ebyomwana.

MILDRED: Michele aine oku abeire?

TITUS: Ngaaha, Michele ari gye. Takiri mwana.Nomuzaani wamaani.

MILDRED: Ni kirungi. Ago namakuru marungi.Reero omwana owu turikugamba nooha?

BETTY: Ekintu kiri kiti. Titus atwiire nayenda ngu tuzaare omwana wakabiri, kwonka twembi twine akakooko ka siliimu nkoku orikukimanya. Titurikwenda kweta omu kabi kokuzaara omwana oine akakooko ka siliimu.

MILDRED: Mbwenu Titus niwe arikwenda…kandi shi iwe, Betty?

TITUS: Naakitiina.

MILDRED: Nikwo kiri, Betty?

BETTY: Tinkishemerereirwe munonga kwonka nyetekatekire kugyezaho ku oraabe nogira ngu tikiine kabi- aha magara.

MILDRED: Ku oraabe orikutiinirira amagara nituza kukyebera CD4 count.

BETTY: Nenki ekyo? MILDRED: CD4 Nabaserukare bomubiri gwawe. Abaserukare aba kubarikuba bari bingi nikimanyisa ngu emibiri yanyu ekyaine amaani. Kandi ku kirikuba kiri kityo, torikurahuka kuturiza omwana wawe akakooko, ku orikugira enda.

TITUS: Tihariho kwerarikirira aho. Tubeire twine amagara marungi, turikurya gye kandi turikumira za ARVs zeitu buriijo. Mbwenu abaserukare nibateekwa kuba bari aheiguru, tikwo?

MILDRED: Bashemereire, kwonka nituteekwa kuhamya.

BETTY: Reero nohamya ota?

MILDRED: Nitukyebera eshagama yawe okuhamya ngu CD4 nari abaserukare aba bari aheiguru.

TITUS: Reka tube nikyo twakora. Tikwo, Betty?

BETTY: Tindikureeba ekirikutuzibira.

MILDRED: Ekyobusaasi, titwine byoma byokukyebera CD4 omuri Bukulu. Beitu nikyo kimwe, nimbeihaho eshagama ngyohereze aheirwariro erihango kugikyebera.

TITUS: Eki turikwenda nokumanya CD4 yeitu, tukasharamu ekyokukora.

MILDRED: Kare, nituza kukyebera eshagama.

BETTY: Ebirarugye omu kukyebera nitubimanya ryaari?

MILDRED: Bantu mwe, mwine ekihika kuzaara omwana ogu!

TITUS: Nooshisha oti obwiire nibwo obu.

MILDRED: Nimubaasa kwakiira ebirugire omu kukyebera bwanyima yesabiiti ibiri. Kwonka mugume murikukozesa za kondomu, hatakabaho okwongyera kuturizana akakooko.

SFX: MUSIC TRANSITION UP AND SLOWLY FADES UNDER NARRATION

MILDRED: Kandi kwo nyine bwanyima yesabiiti ibiri, Betty na Titus bakagaruka kwakiira ebyarugire omu kukyeberwa kwabo. SCENE IV

LOCATION: HEALTH CENTRE- AFTERNOON

CHARACTERS: NURSE MILDRED, BETTY, TITUS

SFX: (DOOR OPENS

TITUS: (ON MIC) Kyahwa, Nurse Mildred? Ahonaaho?

MILDRED: (APPROACHING MIC)Ahonaaho,Titus. Kandi koilo nagimwihamu.

TITUS: Ekirikukurataho mbwenu nenki? Nitubaasa ku…kuterana tuterinzire?

MILDRED: Eego Titus, nimubaasa kuterana muterinzire , Betty yaba ari omu biro byokutwara, kandi mureebe ngu…

TITUS: (INTERRUPTING) Ekyo nikishemeza munonga! Reero nitukihamya tuta ngu omwana teine kakooko ka siliimu?

BETTY: (TO MILDRED) Noreeba, nkugambiire ngu naza kuba nagurukyeera.

MILDRED: (ON MIC Mubanze mushutame mwembi. Mutakeirukire kuza kuterana muterinzire, ninyenda kubarabura.

SFX: CHAIR SQUEAKING

TITUS: Buri kimwe kiri gye?

MILDRED: Eego, ninyenda kugira bimwe ebi nabashobororera ngu muteija kutwarwa mukeebwa. Mushemereire kuterana muterinzire Betty yaba ari omu biro byokugira enda kwonka.

TITUS: Kwonka shi otugizire ngu ebirugire omu kukyeberwa kweitu nibyoreka ngu CD4 yeitu ni nungi.

MILDRED: Eego, CD4 yanyu ni nungi, kwonka tikirikumanyisa ngu ni kirungi okuguma nimuterana muterinzire buriijo.

BETTY: Mbwenu nabwo nitubaasa kwongyera kuturirana akakooko?

MILDRED: Ekyo nikibaasa kubaho. Okwihaho hati akabi kokwongyera kuturirana akakooko, nari okuturira omwana akakooko akiri omunda, omu kuzaara, nomukumwonsya nikaba kakyendeire munonga, ahabwokuba CD4 count yanyu eri aheiguru. Za ARV nizikora. TITUS: Mbwenu tukore ki? Enda nitugigira tuta tukahamya ngu omwana teine kakooko?

MILDRED: Ni kirungi wabuuza. Muterane muteina kondomu, Betty yaba ari omu biro byokutwaara kwonka. Oku emirundi eyi murikuterana muteine kondomu oku erikuba mikye, nikwo murikutuubya nari kwerinda kukanyisa akabi kokwongyera kuturirana.

BETTY: Reero ku ndagire enda, nihakurataho enki?

MILDRED: Nimugaruka aha kwerinda omu kuterana, kitari ekyo nimuza omu kabi kokwongyera kuturizana akakooko nokukaturiza omwana ori omunda.

BETTY: Kare.

MILDRED: Kwonka ku oragire enda, narishi watekyereza ngu nobaasa kuba ogigizire, oije ondeebe ahonaaho.

SCENE V

LOCATION: TITUS AND BETTY’S HOME-NIGHT

B/G SFX: FROGS AND CRICKETS CHRAPPING

SFX: DEEP BREATHS

BETTY: (HEAVY BREATHS)Reka tuhumureho. Naruha.

TITUS: (HEAVY BREATHS) Ahonaaho?

BETTY: Nogira ngu ni ahonaaho!

TITUS: Nimbaasa kuhisya edakiika makumi ashatu.

BETTY: Nyowe tindikubaasa, ninyetenga kuhumuraho.

TITUS: Reero tugarukyemu?

BETTY: Titus, ohuriire eki Nurse Mildred agambire. Ti kirungi okuterana munonga tuterinzire. TITUS: Ninkimanya, kwonka tindikubaasa kukyeihaho omutima. Obunuzi ni bwingi nimbaasa kugumizamu.

BETTY: Yetware mushaija we.

TITUS: (SIGHS) Ohikire, titurikubaasa kweta omu kabi kwokweyongyeramu akakooko. Ningira nokugaruka kugyezaho okwezi okurikwija, ori omu biro byokutwara.

BETTY: Nangwa titurikwetenga kurinda munonga tutyo, twaba nitukozesa za kondomu.

TITUS: Nabwo ninkunda ebiro byokutwara !

BOTH LAUGH

MILDRED: (AS NARRATOR) Betty okugira enda kikaguma okukira oku babeire nibatekateeka. Bakahika omu myezi eshatu, okuhisya obu Titus yaresire ekiteiso - okuburaho ebiro bikye …kuza kureeba nyina.

SCENE VI

LOCATION: TITUS’ VILLAGE-EVENING

B/G SFX: SOFT RADIO MUSIC (CRICKETS?)

BETTY: Ekyaaro eki kiine eitaka. Ni kirungi.

TITUS: Ntekyereize ngu nigubaasa omwanya murungi ogu orikubaasa kutwariramu.

BETTY: Ekintu kyo nikimwe, nikirungi ahabwa rukundo.

TITUS: Betty, ningira ekiro nikyo eki.

BETTY: Nobaasa kuba ohikire.

SFX: MUSIC TRANSITION UP AND FADES UNDER NARRATION

MILDRED: (AS NARRATOR) Betty akeija aheirwariro. Bakaba bahikire: ekiro kikaba kiri kyo! SFX: MUSIC TRANSITION UP AND OUT

SCENE VII

LOCATION: HEALTH CENTRE-AFTERNOON

CHARACTERS: NURSE MILDRED, TITUS, BETTY

BETTY: Ku naakuba nteine enda? Ku nakuba ndweire kwonka?

TITUS: Reka kugamba otyo. Oine enda. Obubonero bwona nibworeka ngu ogiine.

BETTY: Ningamba kwonka…

TITUS: Humura, byona tubikozire gye.

SFX: DOOR OPENS

TITUS: Aine enda, Nurse?

BETTY: Ndweire?

MILDRED: Kurika, Betty. Oine enda.

TITUS: (JUMPING UP AND DOWN) Eego, Eego, mbeire ninkimanya.

BETTY: Twaza kuzaara omwana ondiijo, Titus.

MILDRED: Nabashemererwaho imwe babiri.

TITUS: Neitwe twashemererwa munonga.

BETTY: Webare Nurse Mildred. Webare byona.

MILDRED: Otaba wanyebaza omwana atakazeirwe. Hati nimbahabura okugaruka aha kukozesa za kondomu ahonaho.

TITUS: Kwonka omwana naza kuba aine amaani, Nurse Mildred?

MILDRED: Buzima. Ahabwenki atarikugagira?

TITUS: (HESITANTLY) Nokugira ngu abantu bamwe nibeikiriza ngu ameizi gomusheija nigaretera omwana okugira amaani. MILDRED: Ebyo n’ebyabasheija barikupanga ngu babaase kuterana nabakazi baabo beine enda…

TITUS: Mbwenu nokihamya, omwana tarikwetenga ameizi gomusheija?

MILDRED: Ninkihamya. Eki omwana arikwetenga kugira amaani ni nyina kurya kurungi nokukora ebisasayizi kwonka.

TITUS: Ruhanga wangye. Ebishuba ebi abantu barikujanjaaza ebiro ebi.

MILDRED: Haza ni kikuru okureeba ngu ti mwata amagara gomwana omu kabi nkoku nabashobororeire obu mwahereruka kwija aha.

BETTY: Turikuterana tuterinzire.

MILDRED: Okuterana muterinzire nimuta omwana omu kabi kokukwatwa akakooko ka siliimu.

BETTY: Hati nayetegyereza ekirikutuma orikwenda ngu tugarukye aha kukozesa za kondomu.

TITUS: Ekindi eki tushemereire kukora nenki?

MILDRED: Oihireho okurya gye nokukora ebisasayizi, nimutekwa okugumizamu murikumira za ARV zanyu okugira ngu abaserukare banyu bomubiri nari CD4 zigume aheiguru, akakooko omu mibiri yanyu kagume ahansi.

BETTY: Eego.

MILDRED: Kandi oije nokukyebeza enda, hakiri emirundi eshatu nari ena otakahikire aha kuzaara. Noza nokwetenga kubyama omu katimba kensiri akarimu omubazi gukwita ensiri.

TITUS: Ekyo tugabirwe nitukikora.

BETTY: Ekyo nitukibaasa.

MILDRED: Kandi ekyahamuheru kimwe, ekikuru munonga.

TIT/BETTY: Enki?

MILDRED: Notekwa kuzarira aheirwariro, nobu hakubaho ki.

TITUS: Tihariho kwerarikirira aho, Nurse Mildred, okuzaara kwo kwine kuba aheirwariro. MILDRED: (AS NARRATOR) Betty akahikiriza ekigambo kye. Akeija kukyebeza enda omu bwiire kandi yakora byona ebi Nurse Mildred yamuhabwiire. Reero eizooba rimwe yaza aha bisha. Titus akaba amuri heihi n’emotoka ya special nkoku yaraganisize obu bakora entebekanisa yokuzarira omwirwariro.

SFX: FADES INTO THE STRONG HEALTHY CRY OF A NEWBORN, AND FADE UNDER TO…

SCENE VIII

LOCATION: HEALTH CENTRE-EVENING

CHARACTERS: TITUS, BETTY, NURSE MILDRED

TITUS: (BREATHING HEAVILY, OFF MIC) Ari nkahi? Ari nkahi?

BETTY: ON MIC, WHISPERS) Shhhh, ari aha nanye, Titus.

TITUS: (ON MIC) Reka ndeebe, n’omwojo buzima?

BETTY: Yereebere.

TITUS: Nimbaasa kumukiikira?

BETTY: Toora kwonka oyegyendesereze, agwejegyeire.

TITUS: (WHISPERS) Ruhanga wangye, enyindo ka neyangye!.

BETTY: N’ameisho gaawe mahango.

TITUS: Ori gye, murungi wangye? Byagyenda bita?

BETTY: (JOLLY) Byagyenda gye, okuzaara okwakirayo kwanguha..

TITUS: Ni kirungi. Wamuheire eiziina?

BETTY: Ngaaha. Nabagira ngu bakurinde.

TITUS: Brighton norireeba ota? Otuura norikunda.

BETTY: Noshusha oti ni rirungi, kandi ryanguhi, nkoku nazaara. TITUS: Buzima? Nikwo kwayanguha kutyo?

SFX: DOOR OPENS

MILDRED: (APPROACHING MIC) Okumira za ARV ze kuyambire. Aine amagara marungi kandi nomwana nareebeka kurungi.

TITUS: Webare munonga,Nurse Mildred. Webare okureeba ngu nanye nyine omwoojo.

BETTY: Twiine omwoojo.

TITUS: Webare, twine omwoojo.

MILDRED: Mbeire ninkora omurimo gwangye kwonka kandi nikinshemeza okureeba mwembi mushemerirwe muti.

BETTY: Aine amagara marungi, Nurse Mildred?

MILDRED: Buzima, aine amagara marungi.

BETTY: Nimanyisa teine kakooko ka siliimu?

MILDRED: Byona mukabikora kurungi, mbwenu ningira ngu takeine.

TITUS: Ahabwenki otarikumukyebera tumanya ekiri kyo?

MILDRED: Bukiri kare munonga. Naza kunywa akabazi kamaizi aka Nevirapine okugira ngu akakooko ka siliimu katamuzamu. Reero ku arahisye esabiiti mukaaga, nitubaasa kumukyebera okuhamya ngu teine kakooko.

TITUS: Omugisha gwokuba ateine kakooko nigwingana ki?

MILDRED: Nkoku nabagambira ebihikire byona mukabikora, Betty akamira za ARV ze, yarinda gye amagara ge, kandi wamuhisya aheirwariro omu bwiire.

TITUS: Mbwenu omugisha ni muhango?

MILDRED: Buzima. Kwonka okwerinda, naza kunywa akabazi kamaizi aka, kandi Betty ashemereire kumwonsya kwonka okumara emyezi mukaga kandi arikumira za ARV ze omu bwiire,

BETTY: Nomanyisa tiheine ekindi eki ndikubaasa kumuhereza gatari mashereka?

MILDRED: Ngaaha, tikiriho okwihaho amashereka, emyezi mukaaga eyokubanza.

TITUS: Mbwenu hati eki turikubaasa kukora nokushaba kwonka ngu abe ateine kakooko ka siliimu kwonka! MILDRED: Tukozire kyona eki tubeire nitubaasa. Nimubaasa kumureeta kukyeberwa akakookoka siliimu yaheza kuhisya esabiiti mukaaga.

BETTY: Tutegyereize omwaka gwona nimpamya esabiiti mukaaga nazo nituza kuzitegyereza.

MILDRED: Obwa hati, Betty, reka nkworekye oku oramwonsye kwonka, oteine kindi kyona eki orikumuhereza. Omu sabiiti yokubanza…

SCENE IX

LOCATION: TITUS AND BETTY’S HOME-EVENING

B/G SFX: SOFT RADIO MUSIC

CHARACTERS: TITUS, BETTY, MICHELE

MICHELE: Maama nokora ki?

BETTY: Ninyonsya munyanyoko.

MICHELE: Kwonka maama, ninyija kuzaana na Brighton ryaari?

BETTY: Ku arakure, akabaasa kukwirukaho.

MICHELE: Obwo ni ryaari?

BETTY: Ni juba, murungi wangye.

MICHELE: Ahabwenki Brighton orikumuhereza amashereka kwonka? Nimbaasa kumuhereza aha bushera?

BETTY: Ngaaha, munyanyoko nabaasa amashereka gonka okuhisya emyezi mukaaga.

MICHELE: Reero nibwo ndamuhereze obushera.

BETTY: Eego, obwo nimbaaasa kureka kumwonsya reero omuhereze obushera.

MICHELE: Ahabwenki ntarikubaasa kumuhereza obushera hati?

BETTY: Ahabwokuba enda ya Brighton tekagumire nkeyaawe. Nebaasa amasheeka gonka, butari bushera. MICHELE: Tarikubaasa kunywaho na kakye?

BETTY: Ngaaha, ku ndajwangirane ebyokurya ebindi n’amashereka, nibiza kumugwisa kubi omunda kitume akakooko ka siliimu kayanguhirwa kumutahamu.

MICHELE: Nomanyisa ngu narwaara?

BETTY: Eego. Mbwenu ni kirungi ngu tumurekye, abanze ayonkye kwonka, reero aije aze aha byokurya ebindi bwanyima.

SFX: DOOR OPENS

MICHELE: DADDY!

TITUS: Eee, champion. Iwe na maama mwaba nimuganiira ki?

MICHELE: Daddy, maama nagira ngu Brighton narwara ku ndamuhereze obushera.

TITUS: Reero mbwenu otagira obushera obu wamuhereza, murungi wangye.Osiibire gye murungi wangye?

BETTY: Nsiibire gye, twaba nitugamba aha kyokutangaaza kyeitu, Brighton.

TITUS: Nikishesya okugamba otyo.

BETTY: Kita?

TITUS: Brighton nekyokutangaaza nyine. Noijuka eshagama eyi Nurse Mildred akyebeire nyomwebazyo?

BETTY: Nomanyisa…

TITUS: Teine kakooko ka siliimu. Omwerere weitu teine kakooko ka silliimu, murungi wangye.

BETTY: (SCREAMING)Ayi, Ruhanga wangye, eki ka ni kikuru.

SFX: BABY CRYING

BETTY: Ai bambe, naamusimura.

SFX: MUSIC TRANSITION UP AND SLOWLY FADES OUT.

OUTRO…