DOCSLIB.ORG

05022019 YOTE.Pmd

Total Page：16

File Type：pdf, Size：1020Kb

Download full-text PDF Read full-text
05022019 YOTE.Pmd NAKALA MTANDAO(ONLINE DOCUMENT) BUNGE LA TANZANIA ________ MAJADILIANO YA BUNGE _________ MKUTANO WA KUMI NA NNE Kikao cha Saba – Tarehe 5 Februari, 2019 (Bunge lilianza Saa Tatu Asubuhi) D U A Mwenyekiti (Mhe. Najma Murtaza Giga) Alisoma Dua MWENYEKITI: Waheshimiwa Wabunge, tukae. Katibu. NDG. MOSSY LUKUVI – KATIBU MEZANI: HATI ZA KUWASILISHA MEZANI MWENYEKITI: Hati za Kuwasilisha Mezani, tunaanza na Wizara ya Fedha na Mipango, Mheshimiwa Naibu Waziri wa Fedha na Mipango, karibu. NAIBU WAZIRI WA FEDHA NA MIPANGO:- Taarifa ya Serikali kuhusu Tathmini ya Hali ya Uchumi na Utekelezaji wa Bajeti kwa kipindi cha Julai hadi Desemba, 2018 na Mwelekeo hadi Juni, 2019. MHE. DKT. JASMINE T. BUNGA (K.n.y. MWENYEKITI WA KAMATI YA KUDUMU YA BUNGE YA ARDHI, MALIASILI NA UTALII:- Taarifa ya Kamati ya Kudumu ya Bunge ya Ardhi, Maliasili na Utalii kuhusu Shughuli za Kamati kwa Mwaka 2018. 1 NAKALA MTANDAO(ONLINE DOCUMENT) MHE. ENG. EDWIN A. NGONYANI (K.n.y. MWENYEKITI WA KAMATI YA KUDUMU YA BUNGE YA KILIMO, MIFUGO NA MAJI:- Taarifa ya Kamati ya Kudumu ya Bunge ya Kilimo, Mifugo na Maji kuhusu Shughuli za Kamati kwa Mwaka 2018. MWENYEKITI: Ahsante sana, Katibu, tunaendelea. NDG. MOSSY LUKUVI – KATIBU MEZANI: MASWALI NA MAJIBU MWENYEKITI: Waheshimiwa Wabunge, tunaanza na Ofisi ya Waziri Mkuu na swali la Mheshimiwa Maida Hamad Abdallah, Mbunge wa Viti Maalum. Na. 69 Miradi ya MIVARF Kuwawezesha Wananchi Kimtaji MHE. MAIDA HAMAD ABDALLAH aliuliza:- Miradi ya MIVARF ina malengo mapana ya kuwaendeleza wakulima wa vijiji kibiashara na kimtaji; na hatua za awali kama vile ujenzi wa barabara za vijijini umekamilika lakini pia masoko ya kuongeza thamani yapo katika hatua za kukamilika:- Je, ni lini hatua za mwisho za kuwawezesha wananchi kimtaji zitaanza rasmi kwa upande wa Zanzibar? MWENYEKITI: Mheshimiwa Naibu Waziri, majibu. NAIBU WAZIRI, OFISI YA WAZIRI MKUU (KAZI, VIJANA NA AJIRA) alijibu:- Mheshimiwa Mwenyekiti, kwa niaba ya Mheshimiwa Waziri Mkuu, napenda kujibu swali la Mheshimiwa Maida Hamad Abdallah, Mbunge wa Viti Maalum, kama ifuatavyo:- 2 NAKALA MTANDAO(ONLINE DOCUMENT) Mheshimiwa Mwenyekiti, ni azma ya Serikali kuhakikisha inaunga mkono juhudi za wananchi kushiriki katika uchumi wa kilimo kwa kusaidia upatikanaji wa mitaji na kuwapatia mafunzo stahiki. Mpango wa Kuwawezesha Wananchi Kimtaji umezingatia hatua zifuatazo:- Mheshimiwa Mwenyekiti, Serikali kupitia Mradi wa MIVARF, imevijengea uwezo wa kiutawala na kiutendaji Vyama vya Kuweka na Kukopa (SACCOS) na vikundi vingine vya uzalishaji Tanzania Bara na Visiwani ili viweze kuratibu na kusimamia kwa ufanisi matumizi ya mitaji yatakayopatikana kupitia mikopo inayotolewa na taasisi za kifedha. Mheshimiwa Mwenyekiti, tarehe 3 Novemba, 2017, Ofisi ya Waziri Mkuu, Wizara ya Fedha na Mipango na Benki ya Maendelea ya Kilimo Tanzania (TADB) walisaini makubaliano ya uendeshaji wa Mfuko wa Dhamana. Kwa kupitia makubaliano hayo, Serikali tayari imetoa shilingi bilioni 22 kwa Benki ya Maendeleo ya Kilimo Tanzania ili kuanza utekelezaji kwa kushirikisha benki za biashara kufikisha huduma ya mikopo kwa makundi mbalimbali. Mheshimiwa Mwenyekiti, Benki ya Maendeleo ya Kilimo Tanzania walishatangaza utaratibu wa namna benki mbalimbali za biashara zinavyoweza kushiriki katika Mfuko wa Udhamini ambapo Benki za CRDB, NMB, TPB na PBZ zilionesha nia. Benki ya Maendeleo ya Kilimo Tanzania ilishakutana na benki zote zilizoonesha nia ya kushiriki katika Mfuko wa Dhamana na kufafanua jinsi Mfuko wa Udhamini unavyofanya kazi. Benki za NMB na TPB wameshakubaliana na Benki ya Maendeleo ya Kilimo Tanzania kushiriki katika utoaji wa mikopo kwa vikundi vya wakulima kupitia Mfuko wa Dhamana. Mheshimiwa Mwenyekiti, kwa kuwa hatua ya mwisho ya kuwawezesha wananchi kimtaji imeshafikiwa baina ya Benki ya Maendeleo ya Kilimo Tanzania na Benki za NMB na TPB kama ilivyoelezwa hapo juu, napenda kutoa wito kwa Vyama vya Kuweka na Kukopa (SACCOS) na vikundi vingine 3 NAKALA MTANDAO(ONLINE DOCUMENT) vya uwezeshaji Zanzibar kuwasiliana na Benki za NMB na TPB kwa upande wa Zanzibar ili kupata utaratibu wa kukopa fedha kwa ajili ya shughuli za kilimo. MWENYEKITI: Mheshimiwa Maida. MHE. MAIDA HAMAD ABDALLAH: Mheshimiwa Mwenyekiti, ahsante sana. Kwanza kabisa, niipongeze Serikali kwa juhudi zake katika kuwaendeleza wananchi kiuchumi na niwapongeze pia kwa kutoa shilingi bilioni 22 kwa ajili ya kuendeleza SACCOS hizi. Mheshimiwa Mwenyekiti, pamoja na kuipongeza Serikali lakini pia ninayo maswali mawili ya nyongeza, kama ifuatavyo:- Mheshimiwa Mwenyekiti, kwanza kabisa, nimpongeze Mheshimiwa Naibu Waziri lakini niseme kwamba pamoja na Serikali kuingia mikataba na benki na kufikia uamuzi wa kusaini kwa ajili ya kuwaendeleza wakulima hawa kwa kuwapatia mikopo lakini bado benki za Zanzibar zimekuwa zikisuasua kuhusiana na suala la mikopo hiyo. Je, Serikali iko tayari kuzisimamia benki hizi ili kuweza kufikia utekelezaji ili wananchi hawa waweze kupata mikopo hiyo? (Makofi) Mheshimiwa Mwenyekiti, swali la pili, nataka kusisitiza tu Serikali kwamba SACCOS zetu mara nyingi hazina elimu za kuendeleza biashara zao kimitaji na kimasoko. Kwa hiyo, naiomba Serikali kufika Zanzibar kuwapa elimu wananchi wa Zanzibar. Mheshimiwa Mwenyekiti, ahsante. MWENYEKITI: Mheshimiwa Naibu Waziri, majibu ya maswali hayo. NAIBU WAZIRI, OFISI YA WAZIRI MKUU (KAZI, VIJANA NA AJIRA): Mheshimiwa Mwenyekiti, napenda kujibu maswali ya nyongeza ya Mheshimiwa Maida Hamad Abdallah, Mbunge wa Viti Maalum, kama ifuatavyo:- 4 NAKALA MTANDAO(ONLINE DOCUMENT) Mheshimiwa Mwenyekiti, nikianza na swali la kwanza, ni kweli Benki ya Kilimo (TADB) ilikwishaingia makubaliano na benki nilizoziainisha pale awali ikiwemo Benki ya Watu ya Zanzibar. Kwa hiyo, rai yangu ni kuziomba taasisi za fedha kwa upande wa Tanzania Visiwani kwa maana ya Zanzibar kuichangamkia fursa hii ili wakulima wengi zaidi wa Zanzibar waweze kunufaika na mikopo inayotolewa na benki hii kwa sababu ipo kwa ajili yao. Mheshimiwa Mwenyekiti, kwa ufupi tu niseme kwamba kwa upande wa Zanzibar tunaendelea pia na hatua za kuviwezesha vikundi hivi. Hivi sasa tayari vikundi kwa maana ya SACCOS 231 zimeshafikiwa na tayari zaidi ya shilingi bilioni 24 ziko katika mzunguko kwa ajili ya ukopeshaji. Kwa hiyo, nichukue fursa hii kuziomba na kuzitaka benki za Zanzibar kuchangamkia fursa hii ili wananchi wengi zaidi waweze kunufaika. Mheshimiwa Mwenyekiti, kwenye swali la pili kuhusu elimu, katika Programu hii ya MIVARF, kabla ya kuanza utoaji wa fedha na uwezeshaji iko package ambayo inahusisha masuala ya mafunzo hasa nidhamu ya matumizi ya fedha na utunzaji wa fedha. Kwa hiyo, ombi kuhusu suala la elimu ni kwamba ni sehemu ya mradi huu na imekuwa ikifanyika na ninavyozungumza hivi sasa tayari vikundi 57 vya uzalishaji mali kule Zanzibar wameshapewa elimu ya kutosha juu ya matumizi bora ya fedha na namna ya kukopa. MWENYEKITI: Ahsante sana. Mheshimiwa Chief Whip. WAZIRI WA NCHI, OFISI YA WAZIRI MKUU (SERA, BUNGE, KAZI, AJIRA, VIJANA NA WENYE ULEMAVU): Mheshimiwa Mwenyekiti, pamoja na majibu mazuri sana ya Mheshimiwa Naibu Waziri, naomba tu niongeze majibu ya ziada kwenye swali zuri sana la Mheshimiwa Maida na hasa faida ambazo wanaweza wakazipata wenzetu wa upande wa pili wa Muungano yaani kule Zanzibar. Mheshimiwa Mwenyekiti, tulichokifanya mpaka sasa ni kuhakikisha kwamba Mradi huu wa MIVARF unakuwa ni 5 NAKALA MTANDAO(ONLINE DOCUMENT) kielelezo kizuri cha Muungano wetu katika nchi yetu. Kwa sababu inaonekana upande wa pili wa wenzetu bado mikopo hii hawajaifahamu vizuri na bado hawajanufaika nayo, naomba niliahidi Bunge lako Tukufu, tutafanya ushirikiano na mawasiliano ya karibu na Waziri mwenye dhamana ya Vijana na Uwezeshaji kule Zanzibar ajue uwepo wa mikopo hii ili aweze kutusaidia kusimamia na kuhakikisha kwamba wenzetu wa upande wa pili wa Zanzibar na wao wanafaidika na wanajua uwepo wa mikopo hii kupitia benki yao ambayo itawahudumia kupitia Mpango wa MIVARF. Mheshimiwa Mwenyekiti, nakushukuru sana. MWENYEKITI: Ahsante sana Mheshimiwa Waziri wa Nchi, Ofisi ya Waziri Mkuu. Mheshimiwa Khadija Nassir swali la nyongeza. MHE. KHADIJA NASSIR ALI: Mheshimiwa Mwenyekiti, nakushukuru kwa kuniona. Kumekuwa na masharti magumu sana katika kupata mikopo ukizingatia vikundi vya vijana wengi wanakuwa bado hawana zile dhamana ambazo zinahitajika. Serikali inatuambia nini ili na sisi vijana ambao hatukidhi vigezo hivyo tuweze kufaidika na mikopo hiyo? Mheshimiwa Mwenyekiti, ahsante. MWENYEKITI: Mheshimiwa Naibu Waziri, majibu ya swali hilo. NAIBU WAZIRI, OFISI YA WAZIRI MKUU (KAZI, VIJANA NA AJIRA): Mheshimiwa Mwenyekiti, napenda kujibu swali la nyongeza la Mheshimiwa Khadija Nassir Ali, Mbunge wa Viti Maalum, kama ifuatavyo:- Mheshimiwa Mwenyekiti, kwanza nichukue fursa hii kumpongeza sana Mheshimiwa Mbunge kwa namna ambavyo anashughulikia masuala ya vijana na kuwa mstari wa mbele kuwatetea vijana wa Taifa hili la Tanzania. (Makofi) 6 NAKALA MTANDAO(ONLINE DOCUMENT) Mheshimiwa Mwenyekiti, kwa kutambua kwamba ipo changamoto kubwa sana ya upatikanaji wa mikopo katika kundi hili kubwa la vijana, Serikali kupitia Baraza la Uwezeshaji Wananchi Kiuchumi na mifuko mbalimbali ya uwezeshaji wananchi kiuchumi, imedhamiria kidhati kabisa kuwasaidia vijana wa Taifa letu kwa kuwakopesha fedha pasipo masharti magumu kama ambavyo wanayapata kupitia taasisi za kifedha. Tunao Mfuko wa Maendeleo ya Vijana ambao mpaka hivi sasa umeshakopesha zaidi ya shilingi bilioni 4.5 katika vikundi 237 vya vijana nchi nzima. Kwa hiyo, ni fursa ambayo vijana wanayo kupitia mfuko huu ambapo wanaweza kukopa bila masharti mengi ambayo yapo katika taasisi nyingine
Load more

Recommended publications
  • 20 MAY 2019.Pmd
    NAKALA MTANDAO(ONLINE DOCUMENT) BUNGE LA TANZANIA ________ MAJADILIANO YA BUNGE _________ MKUTANO WA KUMI NA TANO Kikao cha Thelathini na Moja – Tarehe 20 Mei, 2019 (Bunge Lilianza saa Tatu Asubuhi) DUA Spika (Mhe. Job Y. Ndugai) Alisoma Dua SPIKA: Waheshimiwa Wabunge, tukae. Waheshimiwa Wabunge, tunaendelea na Mkutano wetu wa 15, leo kikao cha 31. Katibu! NDG. RAMADHAN ISSA ABDALLAH – KATIBU MEZANI: TAARIFA YA SPIKA SPIKA: Waheshimiwa Wabunge, nasikitika kuwatangazia kifo cha mwanasiasa mkongwe na kiongozi aliyepata kuhudumia kwa muda mrefu hasa kule kwenye Serikali ya Mapinduzi ya Zanzibar Marehemu Ally Juma Shamhuna. Waheshimiwa Wabunge, katika uhai wake, marehemu Ally Juma Shamhuma amepata kushika nyadhifa mbalimbali zikiwemo hizi zifuatazo; amepata kuwa Mkurugenzi wa Mifugo, amewahi kuwa Katibu Mkuu Wizara ya Kilimo, amewahi kuwa Katibu Mkuu, Export Processing Zone Zanzibar, amewahi kuwa Waziri wa Mipango, amekuwa Waziri wa Nchi, Afisi ya Waziri Kiongozi, aliwahi kuwa Waziri wa Habari, Utamaduni na Michezo na wakati huo huo akiwa ni 1 NAKALA MTANDAO(ONLINE DOCUMENT) Naibu Waziri Kiongozi, katika uhai wake amekuwa Waziri wa Ardhi, Maji na Nishati na alipata kuwa Waziri wa Elimu na Mafunzo ya Amali. Aidha, Marehemu Mheshimiwa Shamhuna kwa muda mrefu alikuwa ni mjumbe wa Halmashauri Kuu ya Taifa ya Chama cha Mapinduzi kutokea Zanzibar na baadhi yenu humu Wabunge mtamkumbuka marehemu Mheshimiwa Shamhuna kama Mbunge wa Bunge la Katiba na alikuwa Mjumbe wa Kamati namba 8 kwenye Bunge la Katiba, Kamati ambayo nilikuwa Mwenyekiti wake. Kwa niaba yenu Waheshimiwa Wabunge, tunatoa pole kwa Rais wa Zanzibar na Mwenyekiti wa Baraza la Mapinduzi. Tunatoa pole kwa Wazanzibari wote na Watanzania wote kwa ujumla kufuatia kifo hicho na tunamuomba Mwenyezi Mungu aihifadhi roho yake mahali pema peponi, amina.
    [Show full text]
  • MKUTANO WA KUMI NA TANO Kikao Cha Arobaini – Tarehe 31 Mei, 2019
    NAKALA MTANDAO(ONLINE DOCUMENT) BUNGE LA TANZANIA ________ MAJADILIANO YA BUNGE _________ MKUTANO WA KUMI NA TANO Kikao cha Arobaini – Tarehe 31 Mei, 2019 (Bunge Lilianza Saa Tatu Asubuhi) D U A Spika (Mhe. Job Y. Ndugai) Alisoma Dua SPIKA: Waheshimiwa Wabunge, tukae. Waheshimiwa Wabunge, tunaendele na Mkutano wetu wa Kumi na Tano, na leo ni Kikao cha Arobaini. Katibu. NDG. BAKARI KISHOMA – KATIBU MEZANI: HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA ARDHI, NYUMBA NA MAENDELEO YA MAKAZI: Hotuba ya Makadirio ya Mapato na Matumizi ya Wizara ya Ardhi, Nyumba na Maendeleo ya Makazi kwa Mwaka wa Fedha 2019/2020. MHE. KEMILEMBE J. LWOTA – MAKAMU MWENYEKITI WA KAMATI YA KUDUMU YA BUNGE YA ARDHI, MALIASILI NA UTALII: Taarifa ya Kamati ya Kudumu ya Bunge ya Ardhi, Maliasili na Utalii kuhusu utekelezaji wa majukumu ya Wizara 1 NAKALA MTANDAO(ONLINE DOCUMENT) ya Ardhi, Nyumba na Maendeleo ya Makazi kwa Mwaka wa Fedha 2018/2019 pamoja na Maoni ya Kamati hukusu Makadrio ya Mapato na Matumizi ya Wizara hiyo kwa Mwaka wa Fedha 2019/2020. MHE. WILFRED M. LWAKATARE - MSEMAJI MKUU WA KAMBI RASMI YA UPINZANI BUNGENI KWA WIZARA YA ARDHI, NYUMBA NA MAENDELEO YA MAKAZI: Taarifa ya Msemaji Mkuu wa Kambi Rasmi ya Upinzani Bungeni juu ya Makadirio ya Mapato na Matumizi ya Kuhusu Wizara ya Ardhi, Nyumba na Maendeleo ya Makazi kwa Mwaka wa Fedha 2019/2020. SPIKA: Katibu. NDG. RAMADHAN ABDALLAH ISSA – KATIBU MEZANI: Maswali. MASWALI NA MAJIBU SPIKA: Maswali; swali la kwanza linaanza na Mheshimiwa Esther Michael Mmasi, Mbunge wa Viti Maalum. Kwa niaba yake, Mheshimiwa Mariam Ditopile.
    [Show full text]
  • MKUTANO WA SABA Kikao Cha Thelathini Na Saba – Tarehe 30
    NAKALA MTANDAO(ONLINE DOCUMENT) BUNGE LA TANZANIA ____________ MAJADILIANO YA BUNGE ___________ MKUTANO WA SABA Kikao cha Thelathini na Saba – Tarehe 30 Mei, 2017 (Bunge Lilianza Saa Tatu Asubuhi) D U A Mwenyekiti (Mhe. Najma Murtaza Giga) Alisoma Dua MWENYEKITI: Waheshimiwa Wabunge tukae. Katibu. NDG. LAWRENCE MAKIGI – KATIBU MEZANI: HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA MAMBO YA NJE NA USHIRIKIANO WA AFRIKA MASHARIKI: Taarifa ya Mwaka ya Hesabu za Kituo cha Kimataifa cha Mikutano cha Arusha kwa mwaka wa fedha 2015/2016 [The Annual Report and Audited Accounts of Arusha International Conference Centre (AICC) for the Financial Year 2015/2016]. NAIBU WAZIRI WA FEDHA NA MIPANGO: Hotuba ya Makadirio ya Mapato na Matumizi ya Wizara ya Fedha na Mipango kwa mwaka wa fedha 2017/ 2018. 1 NAKALA MTANDAO(ONLINE DOCUMENT) MHE. MARTHA J. UMBULLA (K.n.y. MWENYEKITI WA KAMATI YA KUDUMU YA BUNGE YA BAJETI): Taarifa ya Kamati ya Bajeti kuhusu utekelezaji wa majukumu ya Wizara ya Fedha na Mipango kwa mwaka wa fedha 2016/2017 pamoja na Maoni ya Kamati juu ya Makadirio ya Mapato na Matumizi ya Wizara hiyo kwa mwaka wa fedha 2017/2018. MHE. DAVID E. SILINDE - NAIBU MSEMAJI MKUU WA KAMBI RASMI YA UPINZANI BUNGENI KWA WIZARA YA FEDHA NA MIPANGO: Taarifa ya Msemaji Mkuu wa Kambi ya Upinzani kuhusu Wizara ya Fedha na Mipango juu ya Makadirio ya Mapato na Matumizi ya Wizara hiyo kwa mwaka wa fedha 2017/2018. MWENYEKITI: Ahsante sana. Katibu, tuendelee. NDG. LAWRENCE MAKIGI – KATIBU MEZANI: MASWALI NA MAJIBU MWENYEKITI: Waheshimiwa Wabunge, tunaanza na maswali kama kawaida.
    [Show full text]
  • Majadiliano Ya Bunge ______
    NAKALA MTANDAO(ONLINE DOCUMENT) BUNGE LA TANZANIA __________ MAJADILIANO YA BUNGE __________ MKUTANO WA KUMI NA MBILI Kikao cha Ishirini na Tano – Tarehe 7 Mei, 2021 (Bunge Lilianza Saa Tatu Asubuhi) D U A Spika (Mhe. Job Y. Ndugai) Alisoma Dua SPIKA: Waheshimiwa tukae. Waheshimiwa Wabunge, tunaendelea na Kikao cha Ishirini na Tano cha Mkutano wetu wa Tatu. Katibu. NDG. NEEMA MSANGI – KATIBU MEZANI: MASWALI NA MAJIBU SPIKA: Ofisi ya Waziri Mkuu, swali la kwanza litaulizwa na Mheshimiwa Dkt. Alice Karungi Kaijage, Mbunge wa Viti Maalum, tafadhali. Na. 205 Kukitumia Kikamilifu Kitengo cha Kukuza Tija Kilichopo Ofisi ya Waziri Mkuu MHE. DKT. ALICE K. KAIJAGE aliuliza:- Je, Serikali ina mpango gani wa kukitumia kikamilifu Kitengo cha Kukuza Tija kilichopo Ofisi ya Waziri Mkuu ili 1 NAKALA MTANDAO(ONLINE DOCUMENT) kuhakikisha utekelezaji wa miradi mikubwa nchini unakuwa wa tija na kuwanufaisha Watanzania? SPIKA: Majibu ya swali hilo Mheshimiwa Naibu Waziri, Ofisi ya Waziri Mkuu, tafadhali. NAIBU WAZIRI, OFISI YA WAZIRI MKUU, KAZI, AJIRA NA VIJANA (MHE. PASCHAL P. KATAMBI) alijibu:- Mheshimiwa Spika, kwa niaba ya Mheshimiwa Waziri Mkuu, naomba kujibu swali la Mheshimiwa Dkt. Alice Kapungi Kaijage, Mbunge wa Viti Maalum, CCM kama ifuatavyo:- Mheshimiwa Spika, katika kuhakikisha Kitengo hiki kinatekeleza majukumu yake kikamilifu, Serikali imepanga kutekeleza mipango ifuatayo:- Moja, kuandaa Sera ya Taifa ya Tija na Ubunifu (National Productivity and Innovation Policy) ambayo itaweka mfumo thabiti wa kupima tija na ubunifu katika ngazi ya taasisi, sekta na Taifa ikiwa ni pamoja na miradi mikubwa ya Kitaifa. Pili, kuanzisha kanzidata ya makubaliano, matamko na taarifa za Kitaifa, Kikanda na Kimataifa kuhusu tija, ubunifu na ufanisi wa viwanda.
    [Show full text]
  • Tarehe 2 Mei, 2017
    NAKALA YA MTANDAO(ONLINE DOCUMENT) BUNGE LA TANZANIA ____________ MAJADILIANO YA BUNGE ________ MKUTANO WA SABA Kikao cha Kumi na Tano – Tarehe 2 Mei, 2017 (Bunge Lilianza Saa Tatu Asubuhi) D U A Spika (Mhe. Job Y. Ndugai) Alisoma Dua SPIKA: Waheshimiwa Wabunge, tukae, tunaendelea na Mkutano wetu wa Saba, leo ni Kikao cha Kumi na Tano. Katibu! NDG. NENELWA M. WANKANGA – KATIBU MEZANI: HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA AFYA, MAENDELEO YA JAMII, JINSIA, WAZEE NA WATOTO: Randama za Makadirio ya Mapato na Matumizi ya Wizara ya Afya, Maendeleo ya Jamii, Jinsia, Wazee na Watoto kwa mwaka wa fedha 2017/2018. NDG. ALMAS A. MAIGE - MAKAMU MWENYEKITI WA KAMATI YA HAKI, MAADILI NA MADARAKA YA BUNGE: Taarifa ya Kamati ya Haki, Maadili na Madaraka ya Bunge kuhusu Shauri la Kudharau Mamlaka ya Spika 1 NAKALA YA MTANDAO(ONLINE DOCUMENT) linalowahusu Mheshimiwa Freeman Aikaeli Mbowe na Mheshimiwa Halima James Mdee. Taarifa ya Kamati ya Haki, Maadili na Madaraka ya Bunge kuhusu Shauri la Kuingilia Uhuru na Haki za Bunge linalowahusu Ndugu Paul Christian Makonda na Ndugu Alexander Pastory Mnyeti. Taarifa ya Kamati ya Haki, Maadili na Madaraka ya Bunge kuhusu Shauri la Kudharau Mamlaka ya Spika linalomhusu Mheshimiwa Ester Amos Bulaya. SPIKA: Ahsante sana Mheshimiwa Makamu Mwenyekiti wa Kamati. Naomba Katibu hizo taarifa Waheshimiwa Wabunge wagaiwe mapema. Katibu tuendelee. NDG. NENELWA M. WANKANGA – KATIBU MEZANI: MASWALI NA MAJIBU SPIKA: Swali la kwanza linaulizwa na Mheshimiwa Peter Joseph Serukamba, Mbunge wa Kigoma Kaskazini. Na. 119 Ujenzi wa Barabara ya Mwandiga - Chenkele - Kagunga MHE. PETER J. SERUKAMBA aliuliza:- Mheshimiwa Rais alipokuja kwenye kampeni aliahidi kuanza ujenzi wa barabara ya Mwandiga – Chankele – Kagunga.
    [Show full text]
  • Jamhuri Ya Muungano Wa Tanzania
    JAMHURI YA MUUNGANO WA TANZANIA BUNGE LA TANZANIA MKUTANO WA SABA YATOKANAYO NA KIKAO CHA THELATHINI NA TATU 24 MEI, 2017 MKUTANO WA SABA KIKAO CHA THELATHINI NA TATU TAREHE 24 MEI, 2017 I. DUA: Dua ilisomwa Saa 3.00 Asubuhi na Mwenyekiti (Mhe. Mussa A. Zungu) na alikiongoza Kikao. Makatibu mezani: 1. Ndugu Laurence Makigi 2. Ndugu Zainab A. Issa II. HATI ZA KUWASILISHA MEZANI Naibu Waziri wa Ardhi, Nyumba na Maendeleo ya Makazi, Mhe. Angeline Mabula aliwasilisha Mezani Randama za Makadirio ya Mapato na Matumizi ya Wizara ya Ardhi, Nyumba na Maendeleo ya Makazi kwa Mwaka wa Fedha 2017/2018. III. MASWALI OFISI YA RAIS (TAMISEMI) Swali Na. 264: Mhe. Marwa Ryoba Chacha Nyongeza: Mhe. Marwa Ryoba Chacha Mhe. Faustine Ndugulile Mhe. Shangazi Mhe. Joyce Sokombi Mhe. Frank Mwakajoka Mhe. Ally Kessy Swali Na. 265: Mhe. Maftaha Abdallah Nachuma 1 Nyongeza: Mhe. Maftaha Abdallah Nachuma Mhe. Felister Bura Mhe. Halima Ali Mohamed WIZARA YA ELIMU, SAYANSI NA TEKNOLOJIA Swali Na. 266: Mhe. Deo Ngalawa (Kny. Mhe. Margaret Simwanza Sitta) Nyongeza: Mhe. Deo Ngalawa Mhe. Abdallah Chikota Mhe. Japhet N. Hasunga Swali Na. 267: Mhe. Khadija Nassir Ali Nyongeza: Mhe. Khadija Nassir Ali Mhe. Kiteto Zawadi Koshuma Mhe. Sophia Mwakagenda Mhe. Riziki S. Mngwali Mhe. Almasi A. Maige WIZARA YA AFYA, MAENDELEO YA JAMII, JINSIA, WAZEE NA WATOTO Swali Na. 268: Mhe. Mgeni Jadi Kadika Nyongeza: Mhe. Mgeni Jadi Kadika Mhe. Khatib Said Mhe. Amina Mollel Mhe. Ritta Kabati 2 WIZARA YA UJENZI, UCHUKUZI NA MAWASILIANO Swali Na. 269: Mhe. Jerome Dismas Bwanausi Nyongeza: Mhe. Jerome Dismas Bwanausi Mhe.
    [Show full text]
  • OFISI YA RAIS - TAMISEMI ORODHA YA WANAFUNZI WALIOCHAGULIWA KUJIUNGA NA KIDATO CHA TANO AWAMU YA PILI SEPTEMBA 2018 NAMBA YA S/No
    OFISI YA RAIS - TAMISEMI ORODHA YA WANAFUNZI WALIOCHAGULIWA KUJIUNGA NA KIDATO CHA TANO AWAMU YA PILI SEPTEMBA 2018 NAMBA YA S/No. JINA LA MWANAFUNZI SHULE ATOKAYO TAHASUSI SHULE AENDAYO WILAYA YA SHULE AENDAYO MKOA WA SHULE AENDAYO MTIHANI JINSI 1 S2332/0014 M David J Ntati Aaron Harris ECA Bagamoyo Bagamoyo Pwani 2 S2332/0021 M Jeremia B Tito Aaron Harris ECA Kibasila Temeke Dar Es Salaam 3 S2332/0022 M John E Partson Aaron Harris HGE Ndanda Masasi Mtwara 4 S1659/0003 F Amina Haji Abasi Aboud Jumbe HKL Ndwika Girls Masasi Mtwara 5 S1659/0069 F Rehema Hamisi Lupindo Aboud Jumbe HGK Kiuta Newala Mtwara 6 S1659/0092 F Tunu Haidhuru Filbert Aboud Jumbe EGM Kwemaramba Lushoto Tanga 7 S1659/0094 F Yusra Hamisi Juma Aboud Jumbe HKL Kiuta Newala Mtwara 8 S1659/0148 M Joseph Somi Mathias Aboud Jumbe HGL Mbekenyera Ruangwa Lindi 9 S2778/0021 F Christina Alan John Abuuy Jumaa CBG Mahiwa Lindi (v) Lindi 10 S2778/0073 F Queen Waibe Mganga Abuuy Jumaa HGL Kondoa Girls Kondoa (m) Dodoma 11 S2778/0115 M Adam Athuman Nassoro Abuuy Jumaa HGL Chidya Masasi Mtwara 12 S2778/0132 M Daniel Selestine Mkama Abuuy Jumaa CBG St Paul's Liuli Nyasa Ruvuma 13 S2778/0168 M Kassim Rashid Malenga Abuuy Jumaa HGE Kahororo Bukoba (m) Kagera 14 S2778/0202 M Steven Ewald Urio Abuuy Jumaa CBG Lukole Ngara Kagera 15 S3532/0036 M Fredrick Fredrick Mbaku Acacia HGL Kilwa Kilwa Lindi 16 S4088/0010 F Julitha B Ndiege Actas CBG Mahiwa Lindi (v) Lindi 17 S5026/0015 M Mathew Nikodem Qaday Adonai CBG Loliondo Ngorongoro Arusha 18 S5026/0018 M Obadia Aidan Mponzi Adonai EGM Musoma Musoma (m) Mara 19 S4848/0008 F Beatrice J Kang'ombe African Rainbow HKL Kate Nkasi Rukwa 20 S4848/0010 F Doris E Damiano African Rainbow HGL Kate Nkasi Rukwa 21 S4848/0018 F Flossie Ismail Edmund African Rainbow HGL Mpui Sumbawanga (v) Rukwa 22 S4502/0006 F Gisla Alex Tarimo African Tabata HGE Tambaza Ilala Dar Es Salaam 23 S0184/0048 M Erick Prosper Kwayu Agape Lutheran J Sem.
    [Show full text]
  • 1 Bunge La Tanzania
    NAKALA MTANDAO(ONLINE DOCUMENT) BUNGE LA TANZANIA ____________ MAJADILIANO YA BUNGE _____________ MKUTANO WA KUMI NA MOJA Kikao cha Hamsini na Nane – Tarehe 26 Juni, 2018 (Bunge Lilianza Saa Tatu Asubuhi) D U A Spika (Mhe. Job Y. Ndugai) Alisoma Dua SPIKA: Waheshimiwa Wabunge, tukae. Waheshimiwa Wabunge, tunaendelea na Mkutano wetu wa Kumi na Moja, leo ni Kikao cha Hamsini na Nane. Katibu NDG. RUTH MAKUNGU – KATIBU MEZANI: MASWALI NA MAJIBU SPIKA: Swali la kwanza linaelekezwa Ofisi ya Rais, Tawala za Mikoa na Serikali za Mitaa na litaulizwa na Mheshimiwa Aisharose Matembe Ndogholi. Na. 487 Kuboresha Huduma za Hospitali ya Mtakatifu Gaspar – Itigi MHE. AISHAROSE N. MATEMBE aliuliza:- Hospitali ya Mtakatifu Gaspar imekuwa Hospitali ya Rufaa tangu mwaka 2011 na inahudumia wananchi wa Mikoa ya Tabora, Singida na Mbeya. Wakati wa kampeni 1 NAKALA MTANDAO(ONLINE DOCUMENT) mwaka 2015, Mheshimiwa Rais, Dkt. John Pombe Magufuli aliahidi kuipatia vifaa tiba, dawa na watumishi wa kutosha ili kupunguza changamoto wanazokutana nazo wagonjwa:- Je, ni lini ahadi ya Mheshimiwa Rais itatekelezwa ili kusaidia hospitali hiyo kutoa huduma za afya kwa ufanisi na kuokoa maisha ya wananchi? NAIBU WAZIRI, OFISI YA RAIS, TAWALA ZA MIKOA NA SERIKALI ZA MITAA (MHE. JOSEPHAT S. KANDEGE) alijibu:- Mheshimiwa Spika, kwa niaba ya Waziri wa Nchi, Ofisi ya Rais, TAMISEMI, napenda kujibu swali la Mheshimiwa Aisharose Ndogholi Matembe, Mbunge wa Viti Maalum, kama ifuatavyo:- Mheshimiwa Spika, katika kuboresha ushirikiano kati ya Sekta ya Umma na Sekta Binafsi (PPP) katika utoaji wa huduma za afya, Serikali inatoa ruzuku ya fedha kwa ajili ya kulipia mishahara ya watumishi pamoja na ruzuku ya dawa na vifaa tiba.
    [Show full text]
  • MKUTANO WA KUMI NA SITA Kikao Cha Saba
    Hii ni Nakala ya Mtandao (Online Document) BUNGE LA TANZANIA _____________ MAJADILIANO YA BUNGE _______________ MKUTANO WA KUMI NA SITA Kikao cha Saba – Tarehe 17 Juni, 2009 (Mkutano Ulianza Saa Tatu Asubuhi) D U A Spika (Mhe. Samuel J. Sitta) Alisoma Dua MASWALI NA MAJIBU SPIKA: Waheshimiwa Wabunge, kabla sijamwita mwuliza swali wa kwanza, nataka niwashukuru sana Wenyeviti wa Bunge wote, Mheshimiwa Jenista Mhagama, Mheshimiwa Zubeir Ali Maulid na Mheshimiwa Job Ndugai, kwa muda kama wa siku nzima jana na juzi nusu siku, wamekaa katika kiti hiki kuongoza shughuli na nyote nadhani mnakiri kwamba wameongoza kwa hali ya umadhubuti mkubwa. (Makofi) Waheshimiwa Wabunge, jambo la pili Mheshimiwa Naibu Spika anatuwakilisha katika Mkutano wa Maspika wa Bonde la mto Nile kule Cairo na tunamtarajia kurejea siku ya Jumamosi, ahsanteni sana. (Makofi) Na. 52 Kuigawa Wilaya ya Kondoa katika Wilaya Mbili MHE. GEORGE M. LUBELEJE (K.n.y. MHE. PASCHAL C. DEGERA) aliuliza:- Kwa kuwa, Wilaya ya Kondoa ni kubwa sana na ina wakazi takribani laki tano (500,000); na kwa kuwa Halmashauri ya Wilaya ilitoa mapendekezo ya kugawa Wilaya hiyo katika Wilaya mbili ili kusogeza huduma karibu na wananchi. Je, Serikali imefikia hatua gani katika mchakato wa kuigawa Wilaya hiyo? NAIBU WAZIRI, OFISI YA WAZIRI MKUU, TAWALA ZA MIKOA NA SERIKALI ZA MITAA alijibu:- 1 Mheshimiwa Spika, kabla sijajibu swali la Mheshimiwa Degera kwa niaba ya Mheshimiwa Waziri Mkuu naomba kuchukua nafasi hii kumpa pole sana kwa kufiwa na mama yake mzazi, tunatambua kwamba isingekuwa ni hili tatizo angekuwepo hapa ili aulize swali lake. Sisi sote tunamwombea kwa Mwenyezi Mungu ili aweze kumpitisha katika hali hii ngumu na aweze kumzika mama yake kwa usalama.
    [Show full text]
  • Tarehe 26 Mei, 2021
    NAKALA MTANDAO(ONLINE DOCUMENT) BUNGE LA TANZANIA ________ MAJADILIANO YA BUNGE _________ MKUTANO WA TATU Kikao cha Thelathini na Saba – Tarehe 26 Mei, 2021 (Bunge Lilianza Saa Tatu Asubuhi) D U A Naibu Spika (Mhe. Dkt. Tulia Ackson) Alisoma Dua NAIBU SPIKA: Waheshimiwa Wabunge, tukae. Katibu NDG. MOSSY LUKUVI – KATIBU MEZANI: HATI ZILIZOWASILISHWA MEZANI Hati zifuatazo ziliwasilishwa Mezani na:- NAIBU WAZIRI WA MIFUGO NA UVUVI: Randama ya Makadirio ya Mapato na Matumizi ya Wizara ya Mifugo na Uvuvi kwa mwaka wa fedha 2021/2022. NAIBU WAZIRI WA ARDHI, NYUMBA NA MAENDELEO YA MAKAZI: Hotuba ya Bajeti ya Wizara ya Ardhi, Nyumba na Maendeleo ya Makazi kwa mwaka wa fedha 2021/2022. MHE. ASIA A. HALAMGA K.n.y. MWENYEKITI WA KAMATI YA KUDUMU YA BUNGE YA ARDHI, MALIASILI NA UTALII: Taarifa ya Kamati ya Kudumu ya Bunge ya Ardhi, Maliasili na Utalii kuhusu utekelezaji wa majukumu na Bajeti 1 NAKALA MTANDAO(ONLINE DOCUMENT) ya Wizara ya Ardhi, Nyumba na Maendeleo ya makazi kwa mwaka wa fedha 2020/2021 pamoja na Maoni ya Kamati kuhusu Makadirio, Mapato na Matumizi ya Wizara hiyo kwa mwaka wa fedha 2021/2022. (Makofi) NAIBU SPIKA: Waheshimiwa Wabunge, makofi hayo nadhani anapigiwa msomaji, lakini pia Mwenyekiti kwa kulea vizuri vijana waliopo kwenye Kamati yake. (Makofi) Tunaendelea, Katibu. NDG. MOSSY LUKUVI – KATIBU MEZANI: MASWALI NA MAJIBU NAIBU SPIKA: Waheshimiwa Wabunge, maswali, tunaanza na Ofisi ya Rais, TAMISEMI, Mheshimiwa Jonas William Mbunda, Mbunge wa Mbinga Mjini, sasa aulize swali lake. Na. 305 Kujenga kwa Kiwango cha Changarawe Barabara ya Kijiji cha Uzena Njomlole – Mbinga Mjini MHE. JONAS W.
    [Show full text]
  • TPB Bank PLC
    TPB Bank PLC ANNUAL REPORT 2019 TPB Bank PLC Head Office LAPF Towers, Kijitonyama Bagamoyo Road, P. O. Box 9300 Dar Es Salaam Tanzania Telephone: +255 22 2162940 Fax: +255 22 2114815 E-mail [email protected] Website: www.tpbbank.co.tz ANNUAL REPORT 2019 CREATING AND DELIVERING VALUE Dear Valued Stakeholders, I strongly believe that public institutions need to create value for their stakeholders, in a sustainable way. TPB Bank is at the forefront of embracing this philosophy and has strove to consistently be a proactive entity in building the United Republic of Tanzania. We firmly believe that over and beyond our zeal for financial inclusion, we must also make a positive socio-economic impact on Tanzanian economy through our every-day operations. Our contribution in 2019 was one that we are proud of, and the following are some of our substantial achievements: · TPB paid out a total dividend of TZS 1.2 billion to our shareholders with TZS 1 billion paid to our majority shareholder, the Government of the United Republic of Tanzania. Dr. Edmund Bernard Mndolwa · Corporate tax payments amounting to TZS 7.1 billion remitted to Tanzania Revenue Authority (TRA), up by 38% from the TZS 5.1 billion paid in 2018. · Employment of 925 Tanzanians. · Continued in-roads into the rural and un-banked populations through a combination of brick and mortar technology. This has seen a realization of 37 branches, 40 mini branches, 320,000 mobile banking customers, 75 ATM’s and 1,438 point of sale machines. · A total of TZS 218 billion lent out to 50,000 pensioners, ensuring that they remain in the formal financial system and can engage in various socio-economic activities, promoting their livelihood after retirement.
    [Show full text]
  • MKUTANO WA TATU Kikao Cha Sitini Na Mbili – Tarehe 30 Juni, 2021
    NAKALA MTANDAO(ONLINE DOCUMENT) BUNGE LA TANZANIA ________ MAJADILIANO YA BUNGE _________ MKUTANO WA TATU Kikao cha Sitini na Mbili – Tarehe 30 Juni, 2021 (Bunge Lilianza Saa Tatu Asubuhi) D U A Naibu Spika (Mhe. Dkt. Tulia Ackson) Alisoma Dua NAIBU SPIKA: Waheshimiwa Wabunge, tukae. Katibu NDG. RAMADHAN ISSA ABDALLAH – KATIBU MEZANI: HATI ZA KUWASILISHA MEZANI Hati zifuatazo ziliwasilishwa Mezani na:- MWANASHERIA MKUU WA SERIKALI: Maelezo ya Mwanasheria Mkuu wa Serikali kuhusu Muswada wa Sheria ya Marekebisho ya Sheria Mbalimbali (Na.3) wa Mwaka 2021 [The Written Laws (Miscellaneous Amendments) (No.3) Bill, 2021]. (Makofi) MHE. SUMA I. FYANDOMO K.n.y. MWENYEKITI WA KAMATI YA KUDUMU YA BUNGE YA KATIBA NA SHERIA: Maoni ya Kamati ya Kudumu ya Bunge ya Katiba na Sheria kuhusu Muswada wa Sheria ya Marekebisho ya Sheria Mbalimbali (Na. 3) wa Mwaka 2021 [The Written Laws (Miscellaneous Amendments) (No.3) Bill, 2021]. NAIBU SPIKA: Ahsante sana Mheshimiwa Suma kwa niaba ya Mwenyekiti, Katibu. 1 NAKALA MTANDAO(ONLINE DOCUMENT) NDG. RAMADHAN ISSA ABDALLAH - KATIBU MEZANI: MASWALI NA MAJIBU NAIBU SPIKA: Maswali Waheshimiwa Wabunge, tutaanza na Ofisi ya Rais, TAMISEMI, Mheshimiwa Joseph Kasheku Musukuma, Mbunge wa Geita sasa aulize swali lake. Na. 519 Hitaji la Madarasa ya Kidato cha Tano na Sita – Tarafa ya Bugando na Isulwabutundwe – Geita MHE. JOSEPH K. MUSUKUMA aliuliza:- Je, ni lini Serikali itapeleka fedha kwa ajili ya ujenzi wa madarasa ya Kidato cha Tano na Sita katika Shule ya Sekondari Bugando iliyopo Tarafa ya Bugando na Shule ya Sekondari ya Rubanga iliyopo Tarafa ya Isulwabutundwe? NAIBU SPIKA: Naibu Waziri, Ofisi ya Rais, TAMISEMI, Mheshimiwa David Ernest Silinde, majibu.
    [Show full text]