Årsmeldinga Til Sogn Og Fjordane Bondelag for 2020

SAAG

Det året der ein til tider har følt seg på djupt vatn, men klarte å gjere det beste ut av det. (Foto: Sivert J. Ommedal) ÅRSMELDING 2020

Sogn og Fjordane Bondelag

Innhald Årsmelding Sogn og Fjordane Bondelag 2020 ...... 2 Styret i Sogn og Fjordane Bondelag ...... 3 Saker det har vore jobba med i styremøta og mellom styremøta 2020 ...... 3 Årsmøtet i Sogn og Fjordane Bondelag...... 4 Årsmøtet i Norges Bondelag ...... 7 Skipingsmøte – Vestland Bondelag ...... 7 Verveutvalet ...... 8 Styving – Landbruksmessa i Vestland ...... 8 Kommunikasjon ...... 8 Ein digital kvardag - #Bondetv og #komhit ...... 8 Open Gard ...... 10 Jordbruksforhandlingane ...... 10 Politikarkontakt ...... 10 Deltaking på årsmøta i lokallaga ...... 11 Beredskap ...... 19 Oppfølging av Naturskadesaker ...... 20 Oppfølging under koronasituasjonen ...... 23 Prosjekt «Framtid i landbruket i Sogn og Fjordane» ...... 23 Arbeid med skiping av Vestland Bondelag ...... 24 Medlemsutvikling ...... 25 Æresmedlemer i fylkeslaget ...... 25 Tilsette ...... 25 Leiarar i lokale Bondelag 31.12.2020 ...... 27

Årsmelding Sogn og Fjordane Bondelag 2020

Dette er den siste årsmeldinga til Sogn og Fjordane Bondelag. Den 12. november 2020 vart det formelt gjort vedtak om å slå saman Sogn og Fjordane Bondelag og Hordaland Bondelag til Vestland Bondelag. Med det vedtaket var Sogn og Fjordane Bondelag historie. Fylkeslaget vart skipa i 1947 og fekk sin slutt som eige fylkeslag i 2020.

Vedtaket vart gjort i annleisåret 2020. Brått vart dagsorden sett av viruset med namn korona. Årsmøtet i Sogn og Fjordane Bondelag vart gjennomført ei veke før landet vart stengt ned. Det var ei spesiell stemning på dette årsmøtet. Mykje grunna at det var det siste årsmøtet i eit velfungerande fylkeslag med stor aktivitet, men nokon hadde også teke alvoret, som synte seg i media frå Nord- Italia inn over seg, og droppa handhelsing. I tillegg var Antibac synleg mange stader på hotellet.

Lite visste vi likevel då om korleis viruset skulle setje sitt preg på landet vårt, på kvardagen vår, på det sosiale livet, på lagsarbeidet, idretten, næringslivet og måten å kommunisere på. Det kom med full tyngde den 12. mars 2020. Dagen då mykje av landet stengde ned. Dagen då vi «fekk ein klump i magen» og kjende uro for framtida. Denne uroa pregar oss framleis, snart eitt år seinare. Framleis heng alvoret og pandemien tungt over verda og oss i vårt vesle land. Dei sosiale møtestadane er framleis få. Avgjerder og dialog vert gjennomført i ei digital verd. Mange står utan jobb, eller kjenner på den uroa som det å vere permittert gjev.

I denne endra verda har matprodusentane kome godt i frå det. Stengde grenser gav betra marknadsmoglegheiter for heile verdikjeda innan norsk matproduksjon. Utryggleiken var likevel stor også for landbruket våren 2020. Særleg gjev pandemien utfordringar for dei arbeidskrevjande produksjonane innan bær og grønsaker, som treng utanlandsk arbeidskraft i sin produksjon. Ei samla grøntnæring har lagt ned mykje arbeid i samarbeid med styresmaktene for å sikre næringa den naudsynte arbeidskrafta.

Nordmenn skulle feriere i Norge. Reisemåla i Sogn og Fjordane var populære. Så populære at det i nokon området kunne bli «for mykje av det gode». Fantastiske bilete på Instagram lokka tusental til ei lita seter i Loen. Før 2020 heitte den Rakssætra – no vert den kalla «Instasætra». Det kan vere utfordrande med den store turisttilstrøyminga på dei mest populære stadane, men likevel svært bra for bygdene våre i sum i eit vanskeleg år. Det at så mange vil kome til oss og oppleve naturen og kulturen vår er flott. Landbruksnæringa sitt kulturlandskap i samspel med den ville naturen skapar verdiar. Grunn til å vere stolt av det. Desse verdiane skapar bønder i heile Vestland, og så må vi framleis vaske hender, halde avstand og bruke Antibac på vegen mot å kunne møtast att

Styret i Sogn og Fjordane Bondelag Leiar: Anders Felde, Breim Bondelag

Nestleiar: Ole Bjarne Hovland, Årdal Bondelag

Styremedlem: Kari Sigrun Lysne, Lærdal Bondelag

Nils Magne Gjengedal, Hyen Bondelag

Gry Ingvild Agjeld, Olden Bondelag

Varamedlem: 1. Ellen Kristin Eiken, Fjaler og Hyllestad Bondelag

2. Olav Høyheim Einan, Hafslo Bondelag

3. Mathilde Dolen Nesje, Oppstryn Bondelag

Frå venstre, Nils Magne Gjengedal, Ellen Kristin Eiken, Anders Felde, Kari Sigrun Lysne, Ole Bjarne Hovland, Gry Ingvild Agjeld og Mathilde Dolen Nesje.

Saker det har vore jobba med i styremøta og mellom styremøta 2020 • Fylkesstyret sitt samarbeid med lokallaga • Nytt næringspolitisk program i Norges Bondelag • Planlegging og gjennomføring av medlemsverving • Jordbruksforhandlingar i litt mindre grad enn før då dei vart forenkla grunna koronapandemien • Landbruksplast og avfallshandtering er ei sak som vedkjem mange og som er vanskeleg å løyse. Den går ikkje over med er med vidare inn i Vestland.

• Førebuing av fylkesårsmøtet • Planlegging og gjennomføring av møte med politikarar på ulike nivå • Søknadar om aktive lokallagsmidlar • Den grøne skulen – rekruttering i landbruket – eige prosjekt • Biogassanlegg • Landbrukets Klimaplan, klimatiltak og diskusjonen kring raudt kjøt og Klimakur 2030. Med på klimadag i regi av Gloppen kommune. • Oppfølging av naturskadesaker frå 2018 og 2019 • Oppfølging rovdyr- jerv i Indre Sogn og ulven i Ytre Sogn • Prioriteringar på heimesida og i sosiale media • Lesarinnlegg i lokale og regionale aviser • Organisasjonsprosessen, vegen til å bli Vestland Bondelag tok mykje tid og krefter frå sommaren og fram mot jul • Deltaking i ressursgruppa for Styving – Landbruksmessa i Vestland • Kartleggingsarbeid – korona og grøntnæringa – møte med bærprodusentane i Sogn og Nordfjord 22 og 23 april • Grøntproduksjonen – infrastruktur og marknadsadgang. Fruktpakkeria si rolle • Samarbeid med Fylkeskommunen og Statsforvaltaren i Partnerskapen der både investeringsverkemidlar, midlane i regionalt Miljøprogram, kompetansemidlar og utviklingsmidlar vert drøfta. • Landbruksråd Vestland • Høyringssaker – forvaltingsplanar Verdsarvområdet • E39 Skei – Byrkjelo • Kvoteleige mjølk • Storfeprosjektet • Robotisering i landbruket og andre FoU prosjekt der fylkeslaget vert invitert med • Valnemndskurs • Vervedag • Beredskap – naturskade, brann • Avlingsskade – snø og kulde i mai gav ein svært dårleg plommesesong. Slike hendingar viser kor viktig risikoavlastande ordningar og tiltak er for landbruket.

Årsmøtet i Sogn og Fjordane Bondelag Årsmøtet vart gjennomført på Thon Hotel Jølster på Skei, 5.-6.mars. Det møtte 53 utsendingar frå lokallaga. Totalt møtte det 61 røysteføre til møtet. Frå Norges Bondelag deltok styremedlem Birthe Usland. Tema for innleiingar dag 1 var landbrukssamvirket si framtidige rolle i distrikts Norge. Her fekk tilhøyrarane høyre innleiingar frå Trine Hasvang Vaag frå Nortura, Cecilie Bjørlo frå Tine, Per Olav Skutle i Gartnerhallen, og Svein Aure frå Felleskjøpet Agri. På dag 2 vart fokuset sett på årsmøtesaker, og innlegg frå Birte Usland frå Norges Bondelag om landbrukspolitikk og sentralisering. Det vart arrangert ein idedugnad for å få opp lokallagsaktiviteten, samt Linda Hovland frå Framtidsfylket heldt ei innleiing om korleis fylka kan gjere seg attraktiv for ungdommen. Sidan dette var siste årsmøtet i Sogn og Fjordane Bondelag var det kulturprogram om kvelden med eigne kulturelle innslag og ein minikonsert med to unge målmedvitne musikarar frå Indre Sogn; Ola Weel Skram og Sindre Steig. Ein fin kveld leia av styremedlemene Nils Magne Gjengedal og Kari Sigrun Lysne.

Årsmøtet i Norges Bondelag Som det meste anna i 2020, vart òg årsmøtet i Norges Bondelag annleis enn det pleier. Årsmøtet vart for første gong i historia arrangert digitalt, 30.september. Årsmøteutsendingane frå Sogn og Fjordane Bondelag samla seg på Thon Hotel Jølster. Desse representerte Sogn og Fjordane på ein aktiv måte i møtet: Anders Felde, Nils Magne Gjengedal, Kari Sigrun Lysne, Gry Ingvild Agjeld, Ole Bjarne Hovland, Olav Høyheim Einan, Mathilde Dolen Nesje og Ellen Karin Eiken. Sigrid Moldestad stod for det kulturelle innslaget i møtet med sin nye song om bonden. Digitalt møte opna også opp for ei helsing frå Statsminister Erna Solberg.

Skipingsmøte – Vestland Bondelag Det vart ikkje arrangert leiarmøte i år, då det i staden for vart arrangert skipingsmøte for Vestland Bondelag. Møtet var arrangert digitalt, med møteleiarar, dei to fylkesleiarane og nestleiarane samla på Scandic Voss Hotel. I samband med dette vart det arrangert eit digitalt ekstraordinært årsmøte i Sogn og Fjordane Bondelag dagen før. Møteleiar Renate Rendedal leia møtet frå Voss, saman med Anders Felde. Dermed var Sogn og Fjordane Bondelag historie, og ein går inn i eit nytt kapittel som Vestland Bondelag.

Verveutvalet Verveutvalet har bestått av Nils Magne Gjengedal (leiar), Gry Ingvild Agjeld og Marita Skeie (sekretær). Då Marita gjekk ut i permisjon tok Hanne Lisbeth Nybø over rolla som sekretær. Arbeidet til verveutvalet har for det meste føregått digitalt og via telefon, då det grunna korona-restriksjonane ikkje vart høve for å stille på stand/messer eller arrangere verve-dagar som planlagt. Verveutvalet deltok på digitalt vervekurs med representantar frå Norges Bondelag sentralt, og arrangerte seinare eit digitalt vervekurs for lokallaga i Indre og Ytre Sogn 12. oktober.

Styving – Landbruksmessa i Vestland Reklameselskapet Rein Design med Tom Farsund og Svein Inge Bjørkedal i hovudsete, byrja hausten 2019 planlegginga av landbruksmessa Styving som skulle vere ei landbruksmesse for heile Vestland. Saman med 16 andre landbruksrelaterte bedrifter, har Sogn og Fjordane Bondelag vore deltakande i ressursgruppa for Styving. Det vart helde 3 møter på vinter/vårparten 2020. Etter planen skulle messa ha blitt arrangert 18.-20.september på Mo Jordbruksskule, men grunna restriksjonane knytt til korona valde Rein Design å utsetje messa til hausten 2021. Arbeidet vart dermed lagt på is på vårparten 2020, men håpet er å kunne gjennomføre messa hausten 2021.

Kommunikasjon Sogn og Fjordane Bondelag har også i 2020 vore synlege på eigne nettsider, i lesarbrev, avisoppslag og sosiale media. Fokuset har lagt på å produsere eige materiell og å ha jamleg oppdatering på både heimeside, Facebook og Instagram. Alle tilsette og tillitsvalde har hatt ansvar i å levere bilete og tekst til heimesida ved deltaking i møte/arrangement på vegne av Bondelaget. Fleire av lokallaga er òg blitt flinke på å bidra aktivt med bilete og skildringar av lokallagsaktivitet og andre hendingar, noko vi håpar endå fleire blir med på. Det er flott å få synleggjort lokallagsaktiviteten og kvardagen til medlemen.

Ein digital kvardag - #Bondetv og #komhit Norges Bondelag har arrangert to bondetv i løpet av året, med fokus på sauebruka og på støylsdrift. Fleire av bøndene i fylket deltok aktivt gjennom å sende direkte frå gardane og støylane sine gjennom sosiale media. Veldig flott at so mange blir med og viser kvardagen på gardsbruka sine.

Sommaren 2020 vart ein sommar der nordmenn måtte feriere i eige land. I forbinding med dette, sette Norges Bondelag i gang kampanjen #komhit for å få eit fokus på rolla den norske bonden spelar for det flotte landskapet vi har i landet vårt. Kampanjen vart rulla ut i lokallaga, som snekra saman rammer og plasserte dei på flotte utsiktspunkt slik at ein kunne ramme inn flott kulturlandskap. Koordinatane for plassering av rammene vart lagt inn i eit kart på Norges Bondelag sine nettsider, og ein oppmoda reisande til å reise på ramme-turné. I Sogn og Fjordane vart det sett opp rammer i

Hellevik i Fjaler, NIBIO Furuneset, Storehaug og Varpet i Vik, Våtedalen, Bergheim, Holigeilane, Hyen, Gjengedalsstøylen, Nesholmen, Agjeldsnausta og i Oppstryn. I tillegg til dette laga fylkeskontoret ei mobil ramme som turnerte langs sørsida av Sognefjorden.

Open Gard Grunna korona-restriksjonane vart det ikkje arrangert open gard som vanleg. Istadenfor vart det arrangert ein digital open gard, liknande #bondetv. Bønder vart oppmoda til å sende direkte frå gardane sine på sosiale media.

Jordbruksforhandlingane Jordbruksforhandlingane 2020 vart annleis forhandlingar då det ikkje var mogeleg for Budsjettnemnda å kome fram til grunnlagsmateriale i ei usikker verd. Det vart gjennomført forenkla forhandlingar innan gjeldande verkemiddel. Fylkeslag og lokallag vart informert via digitale møte.

Politikarkontakt Fylkesstyret har hatt dialog med mange politikarar gjennom året. Særleg fylkesleiaren tek stort ansvar og har mange korte og lengre samtalar med sentrale politikarar frå ulik parti gjennom året. Bileta nedanfor syner møte med Stortingsrepresentant Tore Storehaug heime i stova på Byrkjelo, styremedlem Kari Sigrun Lysne utanfor Stortinget saman med representantar for landbruksnæringa i Vestland før dei skulle møte Stortingsbenkane for Sogn og Fjordane og Hordaland. Møte med Statsekretær Widar Skogan på Hafslo. Nestleiar Ole Bjarne Hovland i dialog med rovviltpolitisk talsperson i Høgre Lene Westgaard-Halle. Etter kvart vart fleire og fleire møte gjennomført digitalt på Teams og liknande plattformar.

Fylkesleiar Anders Felde (t.h.) i møte med Torbjørn Vereide frå Arbeiderpartiet

Deltaking på årsmøta i lokallaga Fylkesstyret har prioritert å delta på årsmøta til lokallaga, der dette lot seg gjere. I førekant av årsmøta vart det sendt ut liste med forslag til dato og representasjon frå fylkesstyret. Dei aller fleste lokallaga fekk arrangert årsmøta sine fysisk, sjølv om nokon av dei måtte gjere om på tradisjonane sine. Somme lokallag ynskte ikkje å ha besøk frå fylkesstyret på grunn av smitterisiko, men dei hadde då ein dialog med fylkesstyret på saker dei hadde spørsmål om. Årsmøta i lokallaga vart synleggjort gjennom eigne reportasjar på nett og deling av bilete i sosiale media. Nedanfor ser vi t.v. ein blid gjeng frå Lærdal og t.h kurs for nye bønder i Årdal kommune.

Per Erik Ulvedal tek over leiarvervet i Nordsida Bondelag

Frå årsmøtet i Hyen Bondelag

Styret i Fjaler og Hyllestad Bondelag

Gløpparar i Gloppen Bondelag

Styret i Eid Bondelag – «Koronastyle»

Årsmøte i Flora Bondelag på Askrova

I Loen var det laurdagsmøte med julemidag

I Gulen og Masfjorden og i I Nordre Gulen møtte vi blide karar

Mange kvinner på årsmøtet i Gaular Bondelag – kjekt

På årsmøtet i Breim Bondelag var situasjonen til avløysarar og beredskap ved sjukdom sett på dagsorden

Mange samla på fellesmøte for tre av laga i Luster

Flott oppstilling på biletet frå Naustdal Bondelag

I Vikane Bondelag tok Eyvind Reme over som leiar. Nedanfor held styret i Jølster avstand.

Balestrand Bondelag samla til årsmøte

I Norddalsfjorden og Eikefjorden var det alvor og smil

Styret i Vik Bondelag

Ein flott gjeng frå Holmedal og Askvoll Bondelag

Styret i Oppstryn Bondelag samla på Matstova

Beredskap I juni hadde nestleiar Ole Bjarne Hovland og organisasjonssjef Merete Støfring møte med Sogn Brann og redning IKS for å oppdatere seg på korleis brannvern fungerer i dagens Norge, og for å drøfte om det vil vere mogleg med tettare samarbeid mellom lokale bønder og brannetaten i kommunane. Kommunane er interesserte i samarbeid og det å kunne skrive avtaler med bønder som kan medverke med sitt utstyr om brann oppstår. Særleg alvorleg vil situasjonen vere i mange av bygdene våre, der folketal og manglane institusjonar gjer at kravet til innsatsstyrke og materiell ikkje er like stor som i kommunesentera. Det kan rett og slett gå for lang tid før brannvesenet når fram og i slike tilfelle vil dei fastbuande med sine ressursar vere nøkkelen.

Ole Bjarne Hovland i samtale med representantar for Sogn Brann og Redning IKS

I styremøte vinteren 2020 orienterte tenesteleiar i Sunnfjord kommune Joar Helgheim om erfaringane frå dei store skreda i Jølster og om problemstillingar knytt til mellom anna skredsonekart.

Oppfølging av Naturskadesaker Det er dessverre slik at vi i Sogn og Fjordane, gjennom store naturhendingar i Luster, Gloppen og Sunnfjord har fått god kunnskap om sakshandsaminga i naturskadesaker etter den nye lova. Dei erfaringane vi har gjort oss danna bakteppet for at Sogn og Fjordane Bondelag invitere Administrerande direktør Jørn Rolfsen og seksjonssjef i seksjon landbruks og naturskadeerstatning Kai Terje Dretvik i Landbruksdirektoratet til fylket. Vi ynskte ei open erfaringsutveksling kring lovverk, sakshandsaming og moglege justeringar som kan skje i sakshandsaminga. Vi fekk også ein god dialog kring dei større meir prinsipielle utfordringane som lovverket ikkje løyser når naturhendingar skjer.

Fylkesleiar Anders Felde ynskjer velkomen til Luster. Nærast sit Aina Bratlie frå Norges Bondelag sentralt, På hjørnet sit Kai Terje Dretvik og Jørn Rolfsen frå Landbruksdirektoratet. Deretter einingsleiar i Sunnfjord kommune Joar Helgheim, ordførar i Luster Ivar Kvalen og sjefsingeniør Siss- May Edvardsen frå NVE.

Vi set stor pris på å ha det tryggleiksnettet som den norske naturskadeordninga er. Samstundes er dette eit nytt lovverk med ein ny forvaltningspraksis. Det er difor viktig å justere kursen noko i til dømes sakshandsaminga for å gjere den betre slik at den vert opplevd som rettvis i dei ulike bygdene som vert råka. Merete Støfring har gått gjennom mange av dei konkrete sakane og vurdert nokon justeringar som kan gjere grunneigarane sitt møte med forvaltninga enklare og meir føreseieleg.

Det var lagt opp til ein lang dag frå klokka 9-16 med innleiingar innandørs og synfaringar ute. Mellom innleiarane var representantar frå NVE, Sunnfjord kommune, Skjolden Grunneigarlag og

Fylkesmannen i tillegg til vi i fylkesbondelaget og Landbruksdirektoratet. Gjentakande tema i innleiingane var:

• Trongen for sterkare koordinering og samhandling mellom dei ulike statlege etatane som ofte

vert involvert når slike hendingar skjer. Trongen for at sakshandsamarane kjem ut der skade har

skjedd, og ikkje slik som no der det er rein digital sakshandsaming. Dette responderte leiinga i

Landbruksdirektoratet positivt på. Dette kan ta vekk noko av den støyen som ein har opplevd

kring sakshandsaminga det siste året. Det er også viktig med god kunnskapsbygging hos

takstpersonar

• Sterkare involvering og dialog med kommunane

• Manglande bruksverdi i vassdrag som gjer det umogleg å få til oppreinsking

• Å sjå skade i samanheng slik at ressursar kan nyttast på ein best mogleg måte som sikrar

oppretting på ein måte som i størst mogleg grad kan hindre ny skade. Motverke stykkevis og

delt oppretting av skade. Det vart sagt at Landbruksdirektoratet bør få noko fleire verkemiddel

som kan nyttast i situasjonar der ein heilt klart ser at det mest fornuftige ikkje let seg løyse med

einskildvis handsaming av den enkelte grunneigar, men der felles tiltak vil vere både

samfunnsøkonomisk betre for å motverke framtidig skade. Dette er særskild viktig i område

med gjentakande skade. Til dømes i verna vassdrag som Mørkridselva.

• Bruksverdiomgrepet må sjåast på meir romsleg i situasjonar der oppretting av skade i eit

område vernar eit større bakanforliggande areal tilhøyrande andre grunneigarar enn den som

har fått skade.

Leiar i Skjolden Grunneigarlag Andreas Wiese orienterer om utfordringane i Mørkridsdalen der grunneigarane endå ikkje har fått svar på klagesaka si. To år etter hendinga. EG forstår at nokon tenkjer, var hans kommentar, men no må vi få eit svar. Frå v: Anders Felde, Siss-May Edvardsen, NVE, Jon Anders Stavang, Fylkesmannen, Odd Ivar Kalland, fylkesmannen, Joar Helgheim, Sunnfjord kommune, Jørn Rolfsen, Landbruksdirektoratet, Knut Vidar Svanheld, plansjef i Luster kommune, Andreas Wiese, Skjolden Grunneigarlag og Aina Bratlie Norges Bondelag

Dialogen kring dei ulike problemstillingane var god, men mange let seg ikkje løyse innan dagens lovverk. Men det er rom for å gjere justeringar i sakshandsaming, responstid på klager og liknande. Samstundes må dei viktige prinsippielle sakene løftast opp på politisk nivå. Det er mange problemstillingar vi må jobbe vidare med, men fylkesleiar Anders Felde var godt nøgd med den opne dialogen vi fekk kring problemstillingane.

Oppfølging under koronasituasjonen Då landet stengte ned i mars 2020 vart dette ei problematisk tid for dei som var avhengig av arbeidskraft frå utlandet. Dette råka spesielt bærprodusentane i fylket vårt, samt andre produsentar innanfor frukt og grønt. Det vart difor gjort ein kartleggingsrunde med dei ulike fruktlagera for å få oversikt over situasjonen, lokale landbrukstenester og NAV. Vi arrangerte digitale møter med bærprodusentar, fruktlager, landbrukstenester, NAV og landbrukskontora i dei kommunane dette gjaldt. Vi hadde òg deltaking på møta frå Norges Bondelag sentralt slik at arbeidet vårt vart kopla på arbeidet som vart gjort sentralt på dette.

Prosjekt «Framtid i landbruket i Sogn og Fjordane» Gardsbesøk: Dette er eit populært tilbod til 8.klasse-elevar i heile fylket. Lokale bondelag gjer ein flott jobb med tilrettelegging og planlegging av dagane, der elevane får eit innsyn i arbeidsoppgåver og drift av garden. I starten av året var ambisjonane høge og måla klar, men det har blitt gjennomført få gardsbesøk. Vi hadde håpt at å utsetje til hausten ville hjelpe, men grunna korona måtte fleire avlyse. Nokon har likevel klart å gjennomføre. I Gloppen fekk 8.klassingane reise på besøk til Fellesfjøs Felde, Arne Einar Reed, Terje og Eirin Ryssdal i september. Besøka var fordelt utover fleire dagar og det var små gruppe som besøkte gardsbruka. På Skei fekk 9. og 10. klasse komme på besøk til Andreas Bolset i oktober. Her fekk elevane òg prøve seg på takkebakst med Anne Grete Førde frå Jølster Bakst, samt ein tur i juletreskogen til Trygve Bolset.

Samvirkebesesøk: Elevar ved Halbrend, Sande, Eikefjorden, Hyen, Vik og Balestrand har i haust fått ei lita innføring i kva samvirke er og utdanning/karrierevegar å gå vidare. Nytt av året var at ved skular med mindre elevtal fekk heile ungdomstrinnet tilbod om å vere med på opplegget. Dette vart positivt tatt i mot og vi ser fram mot nye besøk både til våren og hausten 2021! Besøka vart planlagt og gjennomført saman med Felleskjøpet, Nortura og Tine.

Begge formene for besøk er ein viktig arena for å gjere elevane kjende med naturbruksutdanning, jobbmoglegheiter og ikkje minst landbruksnæringa. Prosjektet er i hovudsak drifta med løyvingar frå Sogn og Fjordane Fylkeskommune sine midlar for rekruttering og kompetanseheving i landbruket.

I fellesskap med skulane i Vestland, fylkeskommunen og fylkesmannen vart det sendt ut ei spørjeundersøking til dei 4 naturbruksskulane i fylket. Undersøkinga viser at ungdomen får kjennskap til skulen mellom anna via hospitering og utdanningsval på skulen, samt at vener og foreldre snakkar om skulen. Av 219 som svarte på undersøkinga, har heile 98 % av dei svart at dei anbefala andre ungdomar å velje naturbruk.

Arbeid med skiping av Vestland Bondelag

Olav Myhr t.v. og Anders Felde gav alt i bli kjend leikar i Sogndal i august.

Det var ikkje fullt så dramatisk som biletet ovanfor syner då styra i Hordaland Bondelag og Sogn og Fjordane Bondelag møttest i Sogndal i august. Begge styra, valnemnd og tilsette var samla til todagars felles møte. På agendaen stod vegen til Vestland Bondelag, med gruppearbeid, felles diskusjon og tur i Sogndalsdalen på kvelden med Per Hilleren og den nye jordbrukssjefen i Sogndal som guide. Seinare på hausten var det fleire møte i felles Arbeidsutval på tema og to digitale felles styremøte.

Nina Selseng fortel om drift med mjølkegeit på Anestølen

Medlemsutvikling 1.januar 2020 var medlemstalet 3682 i Sogn og Fjordane Bondelag. Per 6.november 2020 var medlemstalet 3646. Det vil seie ein nedgang på 36 medlemer. Sjølv om det er ein nedgang i medlemstalet, so blir det lagt ned ein god jobb innan medlemsverving i fleire av lokallaga, og det fortenar dei skryt for! Trass i nedstenging av landet og dermed svært få fysiske verve-arenaer, har fleire stått på og verva nye medlemer via telefon og anna. Fortsett slik!

Æresmedlemer i fylkeslaget Tove Beverli Stavø

Reiel Felde

Alf Støfring

Tilsette Merete Støfring, organisasjonssjef

Birgitte Sunde Bjaanes, rådgjevar

Marita Skei, Rådgjevar (permisjon)

Hanne Lisbeth Nybø, vikar i Marita Skeie sin permisjon

Da vert bra att – Den flott hjartetrenden, som starta på ein byggeplass i Førde, nådde også fjøsa i fylket. Her på fjøsen til Geir Støfring

Kari Sigrun Lysne i møte på Stortinget

Kari Sigrun lysne og leiar i Gartnerhallen Skutle på møte i Loen. Stripetti frå Lærdal nominert til årets Grønne i Det Norske måltid.

Leiarar i lokale Bondelag 31.12.2020 Lokallag Namn E-post Telefon Flora Bondelag Leidulv Beverli Stavø [email protected] 95026925 Norddalsfjord Bondelag Stig Asle Midtbø [email protected] 94791564 Eikefjord Bondelag Asle Magne Ellingsund [email protected] 47634479 Gulen og Masfjorden Bondelag Normann Grimen [email protected] 91636593 Nordre Gulen Bondelag Jarle Nordgulen [email protected] 91726221 Solund Bondelag Anne-Marie G. Færøy [email protected] 99298975 Høyanger bondelag Yngve Fardal [email protected] 95203302 Vik Bondelag Turid Haga Vange [email protected] 91309052 Balestrand Bondelag Renate Rendedal [email protected] 47237714 Fjærland Bondelag Anders K. Mundal [email protected] 99236889 Leikanger Bondelag Laila Njøs Eikeland [email protected] 97542072 Sogndal Bondelag Stig Ove Ølmheim [email protected] 48104840 Aurland Bondelag Olav Grønsberg [email protected] 91324293 Lærdal Bondelag Njål Kaardal Golf [email protected] 41173910 Årdal Bondelag Erik Skogli [email protected] 97589141 Luster Bondelag Andreas Wollnick Wiese [email protected] 99226240 Jostedal Bondelag Kristen Alsmo [email protected] 95003475 Hafslo Bondelag Claus Rumohr Moe [email protected] 90178199 Veitastrond Bondelag Jimmy Hilleren [email protected] 91842987 Indre Hafslo Bondelag Olav Ugulen [email protected] 41323926 Holmedal og Askvoll Bondelag Jostein Kumle [email protected] 95240052 Stongfjorden Bondelag Harald Ålen [email protected] 48201920 Fjaler og Hyllestad Bondelag Camilla Avedal Ulvik [email protected] 98402848 Gaular Bondelag Margun Myrmel Øren [email protected] 48036048 Viksdalen Bondelag Erlend Brede Fossen [email protected] 99226575 Jølster Bondelag Geir S. Støfring [email protected] 97135422 Stardalen Bondelag Nils Kjøsnes [email protected] 47840268 Førde Bondelag Karin A. Øverli Grøneng [email protected] 91382869 Naustdal Bondelag Arild Herstad [email protected] 47611636 Davik/Ålfoten Bondelag Stein Kåre Karstensen [email protected] 90871275 Selje og Stadlandet Bondelag Svein Per Ervik [email protected] 90198182 Eid Bondelag Knut Tore Nes Hjelle [email protected] 97749491 Kjølsdalen Bondelag Bjørn Aardal [email protected] 47661975 Henden Bondelag Ranveig Årskog [email protected] 99160606 Gloppen Bondelag Kristen Grov [email protected] 91583900 Hyen Bondelag Torunn O. Aandstad [email protected] 91809532 Breim Bondelag Arne Frode Øvreseth [email protected] 90834057 Stryn Bondelag Torill Nina Midtkandal [email protected] 90195018 Oppstryn Bondelag Mathilde Dolen Nesje [email protected] 90939890 Loen Bondelag Ingvill Tronrud [email protected] 90534087 Vikane Bondelag Eyvind Reme [email protected] 97165705 Olden Bondelag Silje Åsnes Skarstein [email protected] 97112356 Nordsia Bondelag Per Erik Ulvedal [email protected] 91687574

Førstehjelpskurs i Vik Bondelag Gleda ved å kjenne smaken av norsk sesong

Innsamling av Landbruksplast på Byrkjelo

Høy i firkantball i Davik i Nordfjord – Foto: Karstensen

Siste biletet av fylkesstyret samla til styremøte i september 2020. F.v. Kari Sigrun Lysne, Gry Ingvild Agjeld, Anders Felde, Ole Bjarne Hovland, Olav Høyheim og Nils Magne Gjengedal. Ein humørfylt, engasjert, ærleg, effektiv, uhøgtidleg, kunnskapsrik og dyktig gjeng

Viltseminaret 2020 vart dessverre avlyst då heile landet stengte ned. Arbeidet med viltforvalting er ei viktig oppgåve som vi tek med oss vidare inn i Vestland Bondelag, og vi inviterar til digitalt viltseminar 16. og 17.mars 2021. Sjå lenkja her for meir informasjon og påmelding: https://www.bondelaget.no/vestland/nyhende/bli-med-pa-viltwebinar-16-og-17-mars