Di Pinatawad Sa Holdap

WEDNESDAY MAY 20, 2009 PHILIPPINES “If a person made you smile and laugh for how many times already… for sure, that person can make you cry real tears, too.”

Landslide --- Kalunus-lunos ang sinapit ng lalaking ito na isinakay sa motorsiklo mula sa pinangyarihan ng landslide sa Pantukan, Compostela Valley. Nasa 26-katao na ang naiulat na nasawi habang 19 pa ang pinaghahanap ng mga awtoridad. Nagpapahinga ang mga biktima sa bunkhouses sa isa sa tunnel ng minahan nang mangyari ang landslide. SANGGOL `DI PINATAWAD SA HOLDAP Walang patawad ang isang holdaper at ang kasabwat nitong tricycle driver dahil tinakot at sinaktan pa ang isang taong gulang na sanggol para lamang ibigay ng ina nito ang dala na malaking halaga ng perang kawi- withdraw lang sa isang bangko sa bayan ng Sigma, Capiz kamakalawa. Sa salaysay ni Christine Ureta, 23-anyos, sa pulisya, kasama niya ang kanyang anak na si Ke Andrew at kagagaling lamang sa isang bangko para mag-withdraw ng pera at sumakay sa isang tricyle pauwi sa kanilang bahay sa Barangay Pari-an. Isang lalaki ang umangkas sa likod ng driver at sila’y umusad tungo sa destinasyon ng mag-ina. Habang nasa daan ay biglang huminto ang tricycle at lumipat ang nakiangkas na lalaki sa kinauupuan ng mag-ina at biglang tinutukan nito ng balisong ang tagiliran ng bata. Kasabay nito, pinipilit ng driver na ibigay na ni Ureta sa kanyang kasama ang dalang bag ng ginang na naglalaman ng P23,000 cash, cellular phone, ATM at ilan pang mahahalagang personal na gamit. Nakiusap pa umano si Ureta na huwag saktan ang kanyang anak at huwag kunin ang dala nitong pera dahil may mahalaga silang pagkakagastusan. Ngunit mas lalong nanlisik ang mata ng lalaking tumutok sa tagiliran ng sanggol at idiniin pa nito ang dulo ng balisong sa tagiliran hanggang sa umiyak na si Ke Andrew dahil sa nararamdamang sakit at may lumalabas ng dugo. Dito na nanlambot si Ureta at hinimatay habang yakap-yakap ang kanyang anak. Pagkatapos limasin ang dalang pera at kagamitan ng mag-ina ay iniwan ng mga suspek si Ureta na walang malay sa tabi ng kalsada. Sinaklolohan naman ang mag-ina ng mga residente sa lugar na nakakita sa kanila at dinala sa ospital. Bumalik na lang ang malay ni Ureta sa loob ng Roxas Memorial Provincial Hospital kasama ang kanyang anak na nalapatan na ng lunas. Kasalukuyan pang pinaghahanap ng pulisya ang dalawang suspek batay na rin sa cartographic sketch na ibinigay sa kanila ni Ureta. SC lang ang makakapigil kay Erap Nina Bernard Taguinod at Rey Marfil 1

Tanging ang Supreme Court (SC) ang makakapagpapigil kay dating Pangulong Joseph Estrada na tumakbo sa 2010 presidential election. Ito ang pahayag ni Shariff Kabunsuan Rep. Didagen Dilangalen na dating spokesman ni Estrada matapos paandarin ng dating Pangulo ang kanyang JEEP o Joseph Ejercito Estrada for President bilang preparasyon sa 2010 election. “Nobody can stop him from running but Supreme Court,” ani Dilangalen dahil tiyak na may kukuwestyon sa legalidad ng pagtakbo nito, partikular na sa hanay ng mga kontra kay Estrada na maging pangulo noon pa man. Sinabi naman ni Quezon Rep. Erin Tañada ay mahihirapan si Estrada na lumusot sa Korte Suprema dahil may nilagdaan itong kasunduan na hindi na siya maaaring tumakbo o tumanggap ng anumang posisyon sa gobyerno pagkatapos siyang pagkalooban ng absolute pardon. “What I remember, kasama ‘yan (kasunduan) when he was given an absolute pardon,” pahayag ni Tañada. Para naman kay Nueva Ecija Rep. Edno Joson, kolorum na ang JEEP ni Erap kaya siguradong ipahuhuli ito ng kanyang mga kalaban sa pulitika. “Kolorum na ‘yung jeep ni Erap at ipapahuli lang ‘yan sa LTO,” ani Joson na tutol na tumakbo muli si Estrada dahil sigurado aniyang hindi ito tatantanan ng kanyang mga kalaban sa pulitika. “Babangga lang ‘yan sa Supreme Court at siguradong masasagasaan ang mga kawawang Pinoy na tumatawid sa Edsa (1 at 2),” pahayag pa ni Joson. Ayon naman kay CIBAC party-list Rep. Joel Villanueva, ang deklarasyon ni Estrada na tumakbo sa susunod na halalan ay indikasyon na hindi na kayang pag-isahin pa ang oposisyon. “Isa lang ang ibig sabihin niyan. Hindi na magkakaisa ang oposisyon,” ani Villanueva dahil una ng sinabi ni Estrada na siya ang tatakbo kapag hindi nagkaisa ang oposisyon. Samantala, sinabi naman ni Sen. Francis ‘Chiz’ Escudero III na tsismis lamang ang nabalitang pagtakbo niya bilang vice president o running mate ni Estrada. Ayon kay Escudero, miyembro ng Nacionalist People’s Coalition (NPC), maituturing na tsismis ang pakikipag-tandem kay Estrada lalo pa’t hindi sila nagkakausap sa planong pagsasama sa isang ticket. “Hindi pa kami nag-uusap kaugnay nu’n. Tsismis pa lang ‘yan sa ngayon,” ani Escudero. Pag-atras sa ChaCha pakagat lang (Rey Marfil/Bernard Taguinod)

Bagama’t kaalyado ng Malacañang, pinagdudahan ni Sen. Richard ‘Dick’ Gordon ang pag- atras ng numero unong proponent sa charter change (ChaCha), kalakip ang pagdududang pakagat lamang ito. Ayon kay Gordon, chairman ng blue ribbon committee, napakaimposible ang gustong mangyari ng mga kongresista at makatwiran lamang aniyang iatras ni Camarines Cong. Luis Villafuerte ang proposed measures nito. Tanging pangamba ni Gordon, posibleng pain o pakagat lamang ang pag-atras ni Villafuerte lalo pa’t nagbabago ang headlines ng mga peryodiko kada araw at maaaring pinagpahinga lamang ang panukalang palawigin ang termino ni Pangulong Gloria Macapagal-Arroyo. “Ang daming pumuputok na balita. May gusto tapos biglang ayaw, ‘yung ayaw tapos biglang gusto. There are so many things that are floating in the political atmosphere, so lalo ako nag- aalala kung ano talaga ang mensaheng pinapaabot d’yan. There’s a lot of acoustics going

2 on, and until it’s over, it ain’t over,” pagdududa ni Gordon. Kaugnay nito, mismong mga alipores ni Pangulong Arroyo sa Kamara ang nagbasura sa mosyon na iratsada ang Constituent Assembly (Con-Ass) resolution. Sa botong 6-5, hindi nagtagumpay si Nueva Ecija Rep. Rodolfo Antonino sa mosyon na pagtibayin ang House Resolution 1109 kung saan pawang mga administration solons ang nagbotohan matapos magwalk-out ang mga miyembro ng oposisyon. Gayunpaman, itinuloy ng komite ang botohan kung saan nanaig ang No vote sa mosyon ni Antonino kaya hindi nairatsada ang Con-Ass resolution na gagamiting paraan sa pag- amiyenda sa Saligang Batas. Ebidensya vs Villar hinihimay (Rey Marfil)

Sa inaabangang paghahatol kay Sen. Manuel Villar Jr., kung itutuloy ang ethics probe o ibabasura ang reklamo, matinding pagsusunog ng kilay ang ginagawa ng mga kasamahan sa Senado para basahin ang nilalaman ng sealed envelope na naglalaman ng preliminary inquiry report. Kinumpirma nina Sens. Francis “Chiz” Escudero III, Benigno “Noynoy” Aquino III at Panfilo “Ping” Lacson ang matinding pagbusisi sa preliminary inquiry report. Ayon kay Escudero, hindi maaaring ihayag sa media ang nilalaman ng envelope lalo pa’t selyado at ipinagbabawal ni Senate President Juan Ponce Enrile ito. Wala ring nakikitang masama si Escudero sa gagawing ocular inspection ni Villar sa C-5 road project ngayong alas-otso ng umaga subalit importante aniyang harapin ng dating Senate President ang ethics probe. “Sa taong bayan marahil, sa Senado at sa institusyon na kanyang kinabibilangan maliban na lamang kung ipiprisinta n’ya ‘yon sa pamamagitan ng kanyang abogado sa mga darating na araw. Tulad ng ibang korte, tulad ng ibang komite, maliban na lang kung prinisinta mismo sa komite hindi siya pwedeng ikonsidera ng mga miyembro nito. Dapat i-present talaga,” ani Escudero. Oil price hike pa (Aries Cano)

Sunud-sunod na nagtaas sa presyo ng produktong petrolyo ang tatlong malalaking kumpanya ng langis at isang small player na nagsimula hatinggabi kahapon, Mayo 19. Nagpatupad ang tinaguriang big 3 ng pagtataas sa gasolina sa halagang P1.50 at P.50 sa diesel na sinundan din ng small player na Total sa kapareho ring halaga. Unang nagtaas bandang alas-12:00 ng hatinggabi kahapon ang Shell Philippines. Sumunod dito ang Chevron at Total na nagpatupad ng pagtataas sa katulad na halaga bandang alas-sais ng umaga kahapon, Mayo 19. Alas-12:00 naman ng tanghali ay sumunod sa pagtataas ang Petron Corporation. Ang pagtataas ng presyo ng gasolina at diesel ng Petron ayon kay Rafael Ledesma, public affairs officer ng Petron ay bunsod ng paglobo ng presyo ng produktong petrolyo sa pandaigdigang pamilihan. Samantala, magtataas din ng presyo ng produktong petrolyo ang independent player na Seaoil Philippines ngayong Miyerkules (Mayo 20). Alas-12:01 ng hatinggabi ngayong Miyerkules ay may karagdagang singil na P1.50 kada litro ang Seaoil habang P0.50 kada litro naman sa diesel at kerosene.

3 5-year moratorium sa martikula inilarga (Boyet Jadulco)

Nais ni Sen. Antonio Trillanes 1V na bigyan ng limang taong moratorium ang pagtaas ng matrikula sa pampubliko at pribadong paaralan sa bansa. Sa kanyang Senate Bill No. 3248, pinaliwanag ni Trillanes na dapat ipagbawal ang pagtaas ng tuition sa lahat ng paaralan bunga na rin ng krisis na kinakaharap ng ating bansa. Upang maisakatuparan ito, hiniling nito na amiyendahan ang Section 32 ng Batas Pambansa 232 na lalong kilala bilang “Education Act of 1982”, na naamiyendahan din ng Republic Act 7798. Nakasaad din sa kanyang panukalang batas na magkaroon ng isang regulating body na siyang mag-aaral kung nararapat bang aprubahan ng Department of Education (DepEd), Commission on Higher Education (CHED) at Technical Education and Skills Development Authority (TESDA) ang kahilingang pagtataas ng tuition fee. Nakarating sa impormasyon ng senador na mahigit sa 130 paaralan sa kolehiyo ang may mga nakabinbin na aplikasyon upang makapagtaas ng tuition fee sa pasukan. Kapag naitakda ng panukalang batas ni Trillanes, pagmumultahin at ikukulong ng hanggang anim na taon ang sinumang may-ari ng paaralan na magtataas ng tuition fee sa loob ng limang taon. Bangungot ng OFW sa UAE natuldukan (Aries Cano)

Nailigtas mula sa bangungot at tuluyan nang napawi ang mga naranasang kalupitan ng isang Pinay worker na sinaktan na ng kanyang amo ay walang awa pang ikinulong ng kanyang ahensya sa Dubai. Si Maria Caridad “Maricar” Evangelista-Laganzo, 35-anyos, may-asawa at 4 na anak ay dumating sa Maynila nitong Lunes (Mayo 18) buhat sa United Arab Emirates (UAE) sakay ng Gulf Air. Dumating si Laganzo sa Dubai noong Oktubre 2007 bilang domestic helper, pero minaltrato ito ng kanyang amo, hindi binayaran ng sweldo at tinakot pang ipakukulong. Setyembre 2008 ay isinoli si Laganzo sa ahensya nito dahil nakatanggap ng maraming tawag mula sa media ang kanyang amo. Sa halip na tulungan, ikinulong pa ng kanyang ahensya si Laganzo sa loob ng isang buwan sa isang masikip na kusina na halos walang hangin at pinagdamutan ng pagkain. Hindi rin nila ipinakausap si Laganzo kahit kanino at madalas umano itong sinasaktan. Nakatakas si Laganzo mula sa ahensya noong Oktubre 5, 2008 at nagtungo sa OWWA center sa Dubai kung saan dumagsa ang tulong mula sa Filipino Community sa UAE. Upang matapos na ang paghihirap ni Laganzo, hiningi ng Anakpawis at Migrante ang tulong ni Sen. Manny Villar na agad namang pumayag na sagutin ang pamasahe nito. Pagdating sa paliparan ay sinalubong si Laganzo ng kanyang pamilya gayundin ng senador na siyang bumalikat sa pagbabayad ng ticket nito sa eroplano. Dating kongresista inip na sa reklamo sa Senado (Bernard Taguinod)

Sa halip na ubusin ang panahon sa pagdinig sa kontrobersyal na C-5 road extension project laban kay Sen. Manuel Villar, hiniling kahapon ni dating Quezon City Rep. Dante Liban sa mga senador na bigyan din ng pansin ang kanyang ethics complaint laban kay Sen. Richard Gordon. “Ano na ba ang nangyari sa reklamo ko? Bigyan rin naman nila ng panahon ang sa akin,” giit ni Liban. Inireklamo ni Liban si Gordon dahil sa paglabag umano sa Section 13 ng Article 6 ng Saligang Batas kung saan hindi maaaring humawak ng iba pang posisyon sa Ehekutibo ang sinumang kongresista at senador. Inirereklamo ni Liban ang posisyong hawak ni Gordon bilang pinuno ng Philippine National Red Cross (PNRC) na maituturing aniyang ehekutibo kasabay ng trabaho nito bilang isang mambabatas. Kaugnay nito, naniniwala si Liban na konektado sa 2010 elections ang pagbibigay prayoridad ng Senado sa kaso ni Villar na isa sa malalakas na kandidato sa 2010 presidential elections. “It’s all about politics. Nakikita nila si Villar na talagang malakas na kandidato at kalaban ng ilang presidentiables na nagpa-participate sa imbestigasyon.” Aniya, mas magiging katanggap-tanggap ang partisipasyon ng mga presidentiables sa imbestigasyon laban kay Villar kung idedeklara ng mga ito na hindi sila tatakbo sa 2010 elections. “If they claim that they are not running, dapat talaga silang mag-participate dahil trabaho nila iyun. Pero ang palusot nila hindi pa sila nagpa-file ng certificate of candidacy.”

Mistress ng pulitiko, tulo-laway maging mayor (Rey Marfil) Kung nakakasugat lamang ang mga katagang lumalabas sa bibig ng isang dating lady solon, malamang naka-confine pa hanggang ngayon sa hospital ang mistress ng maimpluwensyang pulitiko dahil gusto pang palitan bilang lehitimong asawa, katulad ng hangaring makapasok sa pulitika. Sa report na nakalap ng TONITE Spy, sukdulan hanggang Zambales ang pagka-bad trip ng ex-lady solon sa mistress ng maimpluwensyang pulitiko matapos paboran bilang official candidate sa mayorality race ngayong 2010 national election, patunay ang pagbitaw ng katagang ‘hindi ipinagbabawal sa gobyerno, kahit prostitute’ patungkol sa kabit ng mister nito. Ang ikinakasama ng loob ng ex-lady solon, lumalabas pang ipinangangalandakan ng kanyang mistress ang ginawang kataksilan, as in proud sa pakikipagrelasyon sa maimpluwensyang pulitiko, animo’y pelikulang ‘Ako Legal Wife’ ng Regal Films dahil umaastang lehitimong misis ito. Dati-rati’y nasa sideline lamang ang mistress ng maimpluwensyang pulitiko subalit ngayong mapapaso ang termino ng isang kapamilya bilang alkalde, ito’y naglalaway bilang kapalit at nakikipagbalyahan sa legal wife. Nagsisilbing miron lamang sa tabi ng entablado at tagaayos ng mga gusot ang mistress ng maimpluwensyang pulitiko sa panahong namayagpag ang political career nito at ngayo’y gusto pang makipagkumpetensya sa legal wife, hindi lamang sa araw ng dalaw

5 kundi hanggang sa political arena. Unang ikinunsiderang mayorality candidate ang misis ng lehitimong anak ng maimpluwensyang pulitiko subalit pumalag ang kanyang mistress at ipinagpilitan ang sarili bilang kapalit ng graduating mayor. Takot mawala sa poder ang mistress lalo pa’t isa lamang sa maraming babaing naasembolan ng maimpluwensyang pulitiko kung kaya’t gustong ‘manahin’ ang posisyong babakantehin ng isang kapamilya nito. Clue: Hindi matatawaran ang ‘magic’ ng maimpluwensyang pulitiko, mapa-masa o bebot at nakarelasyon ang mistress sa panahong magkasama sa industriyang nagpasikat sa mga ito. Kung senadora o congresswoman ang ex-lady solon, ito’y nagretiro noong 2007 kahit naka-first term lamang sa Kongreso. (www.mgakurimaw.blogspot.com)

Tatakas sa pagpatay, kinatay (Nonnie Ferriol)

Dumanak ang dugo mula sa katawan ng isang garbage collector makaraang tadtarin ito ng saksak ng balisong hanggang sa mapatay ng isang dayo sa kanilang lugar na kanyang nakaaway, subalit hindi rin nakatakas ng buhay ang suspek matapos barilin at tagain sa ulo ng galit na galit na mga taumbayan kamakalawang gabi sa Pasig City. Kinilala ni Chief Inspector Cipriano Galanida, hepe ng Pasig Police-Criminal Investigation Branch, ang biktima na idineklarang dead on arrival sa Pasig City Ge- neral Hospital sanhi ng mga saksak sa iba’t ibang parte ng katawan na si Robert Lujo y Pineda, 42, may-asawa, garbage collector at taga-Rodrigo Compound, Nagpayong 1, Bgy. Pinagbuhatan ng nasabing lungsod. Hindi naman nagawang makatakas ng suspek na si Edmond Flordelis, taga- Mandaluyong City, matapos itong barilin at tagain sa ulo ng mga nakatira sa naturang lugar. Idineklara rin umano si Flordelis na dead on arrival sa nasabing ospital. Nabatid na nakikipag-inuman sa isang grupo ng kalalakihan si Flordelis at biglang nilapitan saka pinagmumura si Lujo sa hindi pa mabatid na dahilan. Isang biktima ni Hayden menor de edad? (Rey Marfil)

6 Umabot na sa Senado ang mga sex video scandal na kinasasangkutan ni Dr. Hayden Kho at posibleng matulad umano kay dating Zamboanga del Norte Rep. Romeo Jalosjos ang boyfriend ni Dra. Vicky Belo dahil sa lumutang na impormasyong menor de edad ang isa sa nabiktima nito. Ito’y makaraang magsalita si Sen. Ramon ‘Bong’ Revilla Jr. sa pamamagitan ng isang privilege speech sa Senado kahapon kung saan ay kinondena nito si Kho. Sa dalawang pahinang privilege speech ni Revilla, matatalas ang binitawang pag- atake at paglalarawan nito kay Kho. “Sa video mismo makikita ang masamang intensyon nito na patagong isini-set up ang camera at pinuwesto ang babae para siguradong makunan. Ang tinutukoy ko po ay si Dr. Hayden Kho who is a pervert of the highest kind, a predator who has no conscience nor respect for women,” ani Revilla. Ibinunyag ni Revilla ang umano’y hiwalay pang sex video ng dalawang personalidad kung saan nasa pangangalaga ni Kho at isa dito’y promising young actress. Hindi nagbigay ng pangalan si Revilla kung sino ang dalawa pang personalidad maliban sa pagkumpirmang natatakot ang mga ito na madamay sa eskandalong kinasasangkutan ni Katrina Halili. Hindi nagbigay ng detalye si Revilla ngunit lumutang ang senaryong menor de edad ang isa sa ka-partner ni Kho sa sex video, sa katauhan umano ng isang magandang modelo. Isang insider sa kampo ni Revilla ang nagkumpirmang pina-block sa internet ng advertising agency na may hawak sa young model ang pagkalat ng sex video dahil masisira ang kanilang produkto. “Ang report, menor de edad iyong isang naka-partner dun. Pinapa-verify pa nga baka naman mukha lang bata. Dun siya (Kho) mayayari,” anang insider. 4 ‘tourist’ workers hinarang Pinigil ng mga tauhan ng Bureau of Immigration (BI) sa paliparan sa Clark Field, Pampanga na umalis ng bansa ang apat na babaing pasahero matapos mapag- alaman na sila’y undocumented overseas Filipino workers (OFWs). Sa ulat kay Commissioner Marcelino Libanan, sinabi ni Immigration Officer Heranio Manalo na pinigil ang pag-alis ng apat sa Diosdado Macapagal International Airport (DMIA) noong April 26 bago pa makasakay sa kanilang flights patungong Malaysia at Brunei . Ang apat ay kinilala bilang sina Cristina Turing, Rachel Tolentino, Marilyn Abanes at Janet Rima Buenafrancisca. Agad na inilagay ni Libanan ang apat na ‘tourist’ workers sa immigration blacklist upang hindi na sila magtangka pang umalis ng bansa nang walang tamang papeles. Ayon kay Manalo, ang operations chief ng ahensiya sa DMIA, ay pinigilang umalis sina Turing at Tolentino, na magkasama sanang bibiyahe, matapos umaming magtatrabaho sa Malaysia. Nagpakita rin sila ng invitation letters mula sa kanilang employer, ang Green Apple Foot and Reflexology Sdn. Bhd., kaya nadagdagan pa ang pagdududa na sila’y “tourist” workers o OFWs na nagpapanggap bilang turista. Ban sa importasyon ng karne hinirit

7 Nasa 46 malalaking organisasyon sa pangunguna ng Agricultural Sector Alliance of the Philippines (AGAP) at ABONO partylist ang umapela kahapon kay Pangulong Gloria Macapagal-Arroyo at kay Department of Agriculture Secretary Arthur Yap upang ipahinto ang importasyon ng karne ng baboy at iba pang live animals na mula sa mga bansang infected ng sakit na Influenza A/H1N1 virus. Sa isang media forum sa Maynila, sinabi ni AGAP Rep. Nicanor Briones na kung magpapatuloy ang pag-aangkat ay posibleng may makalusot na karne ng baboy na may taglay na A/H1N1 virus bukod pa ang pagkalugi ng mga magbababoy, hog farmers at hog raiser sa bansa. Anang mambabatas, hindi dapat na isugal ang buhay at kinabukasan ng mga Pinoy kaya ngayon pa lamang ay dapat nang kumilos ang pamahalaan para ipatigil ang importasyon ng “pork at live animals.” Sinabi ni Rep. Briones na maging ang Switzerland, kung saan nakabase ang World Health Organization (WHO), ay nagpatupad ng ban sa pag-angkat ng karne ng baboy para proteksyunan ang kanilang mga mamamayan laban sa naturang nakamamatay na sakit, kaya’t dapat lamang na isagawa din ito sa Pilipinas. Inihayag pa ng mambabatas na kapag hindi sila pinakinggan sa kanilang apela ay posibleng maglunsad sila ng sunud-sunod at malalaking kilos-protesta sa harapan ng tanggapan ng DA at apat na araw na “pig holiday”. Philpost employees nagsampa ng graft vs. legal counsel

Nagsampa ng reklamo ang mga empleyado ng Philippine Postal Corporation (Philpost) kahapon sa Office of the Ombudsman laban sa kanilang legal counsel dahilan sa paglabag umano nito sa Anti-Graft and Corrupt Practices (Republic Act. No. 3019) at iba pang mga batas. Sa apat na pahinang reklamo kay Ombudsman Merceditas Gutierrez, sinabi ng mga empleyado na ang kanilang abogado na si Sim Oresca Mata ay nagpa-private practice umano samantalang full-time ang trabaho nito bilang chief ng Prosecution Service ng Philpost Legal Department. Tumatanggap pa umano ng kliyente si Mata na hindi taga-Philpost. Ayon sa kanila, si Mata ay umaktong legal consultant umano sa National Printing Office (NPO). Nakasaad pa sa reklamo na nagre-report umano ito ng maaga sa Philpost upang mag-log in at babalik sa hapon upang mag-log out. Nai-record umano sa NPO ang ilang log-in at log-out. Nakasaad din sa kanilang reklamo ang pagkakaroon umano ng legal counsel ng bagong mga ari-arian na hindi umano angkop sa taunang sahod na P338,616 lamang. Kaugnay nito, hiniling nila sa Ombudsman na magsagawa ng agarang imbestigasyon kay Mata sa paglabag umano nito ng R.A. 3019, Code of Conduct and Ethical Standards for Public Officials and Employees (R.A. 6731), ang batas na lumikha sa Philpost (R. A. 1379), at sa Civil Service Law. Contractor nagsampa ng motion for reconsideration sa Comelec

8 Nagsampa ng motion for reconsideration sa Commission on Elections (Comelec) ang F.F. Cruz & Co./Gilat Satellite Networks Ltd./Filipinas Systems Inc. sa bid nito para sa automation project ng komisyon. Ang lead firm sa consortium na F.F. Cruz ay tumanggap ng triple A rating para sa kumpletong range of services nito mula sa Philippine Contractors Accreditation Board. Ang kumpanya na nag-umpisa noong 1949 ay naging isang matatag na pangalan sa surveying, design, construction at maintenance at naabot na ang reputasyon bilang isa sa Top 400 companies sa Pilipinas. Bukod sa pagiging lider sa construction industry, ang F.F. Cruz ay local pioneer sa maintenance ng satellite stations at mula 1958 hanggang 1970s ay nakipag- trabaho na sa United States Defense Mapping Agency sa pag-maintain ng satellites sa equatorial belt. Ayon sa kumpanya, kailangan ng Comelec ng ganitong uri ng technical capability para ma-secure ang communications para sa poll automation. Ayon kay Philip Cruz, presidente ng Filsystems, bagama’t ang local telecommunications companies ay makakapagbigay ng 20 percent requirements ng Comelec, ang technical expertise at track record ng kanilang foreign partner at logistical support ng F.F. Cruz and Filsystems ay makapagbibigay ng required coverage para sa buong proyekto.

Peligro sa kalusugan Editorial Nagbabala sa publiko ang pollution watchdog na Ecological Waste Coalition o Ecowaste kaugnay sa pagbili ng mga school supplies na kontaminado ng nakalalasong kemikal. Ang panawagang ito ng Ecowaste ay isinagawa kaalinsabay ng pagbubukas ng klase sa susunod na buwan. Kagyat namang kumilos ang Department of Trade and Industry (DTI) sa babalang ito ng Ecowaste na nakikipag-ugnayan na sa Department of Health (DOH) upang ipasuri kung anu-anong mga school supplies ang nagtataglay ng toxic substance. Napapanahon ang babalang ito ng Ecowaste dahil magpapasukan na at milyun- milyong mag-aaral ang apektado sakaling may mga kagamitan sa eskuwelahan ang mapapatunayang nagtataglay ng nakalalasong kemikal. Matinding peligro ang hatid ng toxic substance na ito sa kalusugan ng mga estudyante, kaya’t hindi dapat maging kampante ang gobyerno sa isyung ito bagkus ay magsilbing panggising upang higit pang maging alerto sa pagsuri para matiyak ang kaligtasan ng publiko. Unang-una, obligasyon talaga ng gobyerno sa pamamagitan ng DTI na tiyaking ligtas at maayos ang kalidad ng lahat ng produkto dahil isa ito sa kanilang tungkulin ang proteksyunan ang mamimili. Hindi rin dapat sa non-government organizations dumepende ang DTI o ang gobyerno sa pagsusuri sa mga paninda dahil suporta lamang ang mga papel ng mga ito.

9 Kung hindi kayang gampanan ng DTI ang kanilang tungkuling proteksyunan ang publiko laban sa mga tiwaling negosyante na nagbebenta ng mga kontaminadong produkto, mas mabuti sigurong ang NGOs na lamang ang pondohan dahil nakikita nating nagtatrabaho hindi kagaya ng DTI na lagi na lamang umaasa sa babala ng ibang sektor bago kumilos!

Sabaw ng katiwalian Anthony Taberna Pahirap nang pahirap ang mahirap habang payaman nang payaman ang iilang mayayaman. Ito ang binitawang pahayag ni Chief Justice Reynato Puno sa paglulunsad niya ng Moral Force Movement. Pinatatakbo lang daw ng iilang mayayaman ang yaman ng bansa at hawak din nila ang gobyerno. Pero bumuwelta ang Palasyo at sinabihan si Puno na ayusin muna ang sarili niyang bakuran bago pakialaman ang pamamahala sa bansa. Depensa naman ni Puno, matagal nang nasimulan ang paglilinis sa hudikatura. Magturuan ba? *** In fairness kay Pangulong Gloria Macapgal-Arroyo, hindi po sa panahon lamang niya nangyari na ang kakaunting mayayaman ang silang mistulang nagpapatakbo ng gobyerno. Matagal na po itong problema bago pa maging Pangulo ang Tatay niya. Mula noon, hanggang ngayon -- ang social strata ng ating bansa ay naghuhumiyaw ng napakalaking agwat ng kakarampot na mayayaman at sangdamakmak na mamamayang kakarampot ang yaman. Mula noon hanggang ngayon -- hindi nagbabago ang pyramid shape na sitwasyon ng ating lipunan -- ang kayamanan at oportunidad ay andun lamang sa ituktok samantalang ang nasa ibaba ay ang mga mamamayang isang kahig isang tuka! Ang problemang malaki, nanganganak ng katiwalian at lalo pang kahirapan ang pagkontrol ng mayayaman sa taong gobyerno -- hindi na ginagawa ng mga pinuno ang nararapat gawin dahil hawak sila sa leeg ng mga taong gobyerno. Kahit pa ang resulta nito ay matatapakan ang mga maliliit. Sampal kay Pangulong Arroyo ang mga patutsada ni Reynato Puno na wari baga’y wala nang pag-asang tumino ang gobyerno sa ilalim ng kasalukuyang pinuno. Kaya’t napakahalaga ng eleksyong darating -- dapat tayong maging matalino upang mga impostor, huwag tayong maloko. Sigurado, makakarinig na naman tayo ng mga pangako -- pangakong iaahon tayo sa pagdarahop...pero sa katotohanan, karamihan sa kanila ay may interes ng mayaman at puppet ng makapangyarihan -- at sa huli, tayo’y maiiwang luhaan. Kawawa naman tayong mga dagang-dingding!

10 *** Tumanggap tayo ng isang liham mula sa isang kabayan natin sa Saudi Arabia tungkol sa eskandalo ng noodles sa Dept. of Education (DepEd). Sa wakas tunying, uminit na ang sabaw sa isyung ito dahil napanood ko sa TV Patrol ang ginawang imbestigasyon sa Senado ni Sen. Mar Roxas. Muntik na akong mahulog sa kinauupuan ko ng tanungin ni Sen. Roxas ang isang taga-DepEd kung magkano ang Malunggay. Sa ganang akin tunying, bilang isang purchaser sa isang malaking kumpanya rito sa Gitnang Silangan tungkulin ko na pangalagahan at tulungan ang kumpanya na makakuha ng magandang presyo na hindi naisasakripisyo ang kalidad ng produkto na aming binibili. At kailangan mong himayin lahat ng anggulo kung saan tayo makakakuha ng mababang presyo...sa madaling salita maayos at malinis na transaksyon...walang “TONGPATS” ika nga.. Kaya dapat mariin nating tutukan ang isyung ito at `wag naman sana na matabunan ang usaping ito ng iba pang malalaking isyu. Sa panahon ng pandaigdigang krisis kailangan nating maging madiskarte sa pamimili. Hanggang sa muli Milo B. Armenta Procurement Department Pepsi Cola Abha - KSA

Internal problem ng Senado Jun Bautista

Malalaman natin bukas kung maayos ito o hindi, ang isang malaking internal problem ng Senado...dapat bang ituloy ang imbestigasyon kay Manny Villar? Malalaman natin kung makabubuo ng quorum (8), o paninindigan ang hindi pagsipot ng buong minorya, at mga “play safe” sa mayorya. Si Villar mismo ay ayaw kilalanin ang komite, na tinawag niyang “kangaroo court”. Bukas dapat pagbotohan ‘yong preliminary report ng Senate committee of the whole bilang Ethics committee, kung may “probable cause” at dapat ituloy ang pormal na imbestigasyon kay Villar. Ito’y tungkol sa umano’y “double insertion” ng budget para sa 2 project ni Manny Villar. Matindi ang kulay-pulitika ng kasong ito dahil feeling ni Villar ay pakana ito ng mga karibal niyang presidentiables sa Senado. *** May dalawang paraan para magkaalam-alam kung puwede pa talagang tumakbo si Erap bilang Pangulo -- 1) may pormal na magtanong sa Supreme court o , 2) hintayin kung anong sasabihin ng korte kapag nag-file na siya ng certificate of candidacy sa 2010. Naisip ko tuloy kung isasali si Erap sa mga iniimbitahan sa “Leadership Forum” ng ANC. Maganda ‘yong programa, maski medyo limitado ang mga manonood sa nasabing channel, dahil ang karamihang nanonood dito ay ‘yong tinatawag na nasa class A, B, at C. Cable TV kasi at

11 may bayad, pwera na lang kung “nakakabit” ka. Sayang at 5 lang ang nakasipot o may lakas-loob na sumipot sa naimbitang presidentiables. Sila’y sina “Among” Ed Panlileo, Chiz Escudero, Mar Roxas, Dick Gordon, at Gilbert “Gibo” Teodoro. Kita agad na 4 sa kanilang 5, ay “kritiko” ng administrasyon. Ayon nga kay Chiz Escudero, naaninag ng taumbayan ayon sa kanilang mga sagot sa tanong, kung sino ang talagang nasa “genuine opposition”. Nu’ng tanungin ang bawat isa kung pabor silang imbestigahan si GMA sa mga umano’y katiwalian sa kanyang administrasyon... siyempre, papabor silang lahat, pero may kanya-kanyang kondisyon. Ang tumbok na kasagutan ay ‘yong buhat kay Chiz Escudero. Nasa oposisyon na siya mula pa nu’ng maupo si GMA nu’ng 2001, at dalawang beses na siyang kasama sa nakibaka sa House, du’n sa tangkang impeachment ni GMA. Ayon kay Chiz, dalawang beses binara ng “Malacanang-controlled” House ang oposisyon, na maipakita sa taumbayan ang mga ebidensya ng umano’y katiwalian at pandaraya sa eleksyon, laban kay GMA. Sa inaasahang part II ng “Forum”, sana’y pumayag na umapir sina Noli de Castro, Manny Villar, Loren Legarda, Ping Lacson, Jojo Binay at Bayani Fernando. At si Erap? Bakit hindi? Ang puna ko sa mga speaker sa ganu’ng forum, na ang talagang intensyon ay ibenta ang sarili sa taumbayan, ay “turn-off” ang mga tinatawag na “coming on too strong” o ‘yong masyadong “hard sell”. Ang dating nila’y walang pinagkaiba sa mga palusot nilang commercial sa TV. Iba na siyempre mga sagot na matalino, personal, original, simple, at may konting patawa, para hindi inaantok ang mga nakikinig. Sampol ‘yong sagot ni Chiz sa posibleng alyansya kay Manny Pacquiao...”All the time, basta’t hindi niya kasama ‘yong taga- Malacañang (si GMA)”.

Ano ang magagawa ng bata? Gov. Grace Padaca

12 Email: [email protected] text: 0919-3533-222 Taong 2001 noong una akong kumandidato at lumaban sa Dy-nasty sa Isabela. *** Nasa grade 2 pa lang ang pamangkin kong si Jobo noon pero siya na ang nagpapamudmod ng flyers ko na siya ring tumulong magtupi. Tagadikit din siya ng mga posters ko sa mga pader. ‘Pag napapadaan ako noon sa mga barangay, alam na alam ko kung alin sa mga ito ang dinikit ni Jobo. Kasi ‘iyong iba ang taas-taas ng pagkakalagay, marami, makulay, glossy. Iyong sa kanya, doon sa ibaba, kung saan lang ang abot ng kanyang maliit pang katawan. Isa lang, mimeographing paper o naka-xerox na bond paper, nakalagay roon: Grace Padaca para sa kalayaan ng Isabela. *** Lagi kong sinasabi sa mga kabataan: Huwag niyong maliitin ang inyong magagawa kahit bata pa kayo, kahit wala pa kayong trabaho o pera. *** Ang mga kasama ko noon sa kampanya mga anak ng kapitbahay namin, nasa high school pa lang o grade school. Sila kasi ang kaya kong kumbinsihin. Iyong ibang college students, ayaw nila kung walang bayad. Hindi naman ako katulad ng Dy-nastiya na maraming pera. Samantalang iyong mga batang kasama ko, tuwang-tuwa nang maka-joy ride sa trak na sasakyan namin. *** Napanood ko kamakailan ang concert na artists revolution at ang ganda ng sinabi ng batang singer na si Yeng Constantino: Hindi lang pera ang nakakabili ng boto. Katamaran din at kawalan ng pakialam. *** Ang lalim. Akalain mong galing ito sa isang kabataang first time pa lang boboto sa 2010. *** Sa mga bagets, mag-ingat kayo kasi hindi lang pera ang ipambibili ng boto niyo. Sisilawin din kayo, halimbawa, sa pamamagitan ng mga libreng text load o kaya ng mga concert ng mga sikat o kaya ay ipapasyal kayo sa mga resort o swimming pool o kunwari ay lakbay-aral. *** Huwag kayong padadala kasi kailangan ang napakalaking bilang niyong mga kabataan para kontrahin ang boto ng napakalaki ring bilang ng ating mga naghihirap na kababayan, iyong mga nagbebenta ng kanilang mga boto. Hindi na nila iniisip pa kung babaero, corrupt o kriminal ang taong ipinaboboto sa kanila. Wala na silang pakialam kung ano man ang good governance o ethical leadership. Kailangan nilang unahin ang kanilang mga kumakalam na sikmura. *** Hindi dapat ganyan ang pag-iisip niyo. Nakapag-aral kayo. Nakakarinig kayo ng turo sa mga paaralan kung ano ang dapat o hindi, ang tama o mali. Hindi puwedeng pareho kayo kung mag-desisyon o pumili sa mga taong walang pagkakataong matuto at walang kakayahang tumanggi. ***

13 Kaya paulit-ulit kong sinasabi, hindi lang pag-asa ng bayan ang mga kabataan. Kayo mismo ang tagapag-ligtas ng bayan mula sa mga pahamak na kalagayan na sinasakyan naman ng mga trapo. *** Sa dami ng mga kabataan sa bansa, kaya niyong tapatan ang dami ng mga kababayan nating inuuto lamang ng iba. *** Sumama kayo sa mga nagtatawag ng tulong para ayusin ang eleksyon sa 2010. I-google niyo sila at makiisa. Kayang-kaya niyo, mag-i-enjoy pa kayo.

Tiket tungo sa NBA Finals sisimulan: LAKERS KONTRA NUGGETS; CAVS LABAN SA MAGIC

Isang araw lang nakapagpahinga mula sa pahirapang semifinals series kontra Houston na umabot sa pitong laro, sasalang na agad ang Los Angeles sa Western Conference finals ngayon kontra second-seeded Denver Nuggets. Ilang araw ding nakapahinga sina Chauncey Billups, Carmelo Anthony at ang buong Nuggets matapos dispatsahin ang Dallas noong Huwebes.

Uumpisahan ng Lakers sa Staples Center ang tangkang pagbalik sa NBA finals sa ikalawang sunod na taon. Kung sakali ay unang pagkakataon naman ito para sa Denver. “Honestly, when we played them in Denver, the second-to-last time we played them, I told Melo, ‘I’ll see you in the Western Conference finals,’ because I just felt like they had all the pieces there,” ani Kobe Bryant. Handa na rin ang Nuggets matapos biktimahin ang New Orleans at Mavericks sa parehong limang laro at sa unang pagkakataon sapul noong 1985 ay nakarating sa conference finals. Sana lang ay hindi kinalawang sa paghihintay ang Denver, tulad ng Cleveland Cavaliers na matagal-tagal na ring natengga sa East bago naiguhit ang pakikipagtuos sa conference finals sa Orlando Magic. Game 1 ng kanilang best-of-seven series ay sa Huwebes sa Cleveland. Gigil na rin si LeBron James na makaharap ang Superman ng Orlando na si 6- foot-11 Dwight Howard, at lahat ng mata ay nakatuon sa kanila. Nang patalsikin sa trono ang defending champion Boston Celtics sa Game 7 noong Lunes, naging unang team ang Magic sa 33 sumubok na makaahon mula sa 3-2 pagkakalubog sa serye. Nagpasabog doon si Howard ng 12 points, 16 rebounds at five blocks, isang araw matapos punahin ang estilo ng kanyang coach na si Stan Van Gundy.

14 Si King James? Wala pa siyang nakakaharap na matikas sa postseason. Winalis ng Cavaliers ang first at second rounds ng playoffs. Tigresses, Lady Stags buwenamano

Magkaiba man ang pinagdaanan, kapwa pa rin nakabuena-manong tagumpay ang top teams na University of Sto. Tomas Tigresses at San Sebastian Lady Stags sa pagsisimula ng quarterfinal round ng Shakey’s V- League Season 6 first conference sa The Arena sa San Juan kahapon. Parehong tumuntong sa kanilang ikapitong panalo sa nag-iisang talo mula elims, bumalikwas ang Tigresses mula sa first set setback tungo sa 19-25, 25-18, 25-7, 25-19, pananakmal sa Far Eastern U Lady Tams habang pinagpraktisan lamang ng Lady Stags ang University of San Jose-Recoletos Lady Jaguars ng Cebu, 25-8, 25-9, 25-15. Nagtulong sina guest players Mary Jean Balse at Michelle Carolino ng kabuuang 35 hits habang si skipper Aiza Maizo ay may pitong blocks sa ipinosteng 13 points para sa Tigresses, na hanap ang kanilang ikaapat na korona sa ligang inisponsoran ng Shakey’s Pizza. Humatak ang Lady Tams, na rookie sa quarters, ng 15 points mula kina Mayette Carolino, may 10 si Irish Morada habang sina Rachel Anne Daquis, Cherry Vivas at Shaira Gonzalez ay may pinagsamang 25 points. Sa unang laro, kinailangan lamang ng SSC ng 56 minuto para kawawain ang Lady Jaguars. Nagdeliber si Laurence Ann Latigay ng 16 kills sa kabuuang 17-point output, may 15 markers si Thai import Jaroensri Bualee habang si Rysabelle Devanadera ay naglatag ng 13 points para sa Lady Stags. Bigo ang six-time Cesafi champion Lady Jaguars na pigilan ang lakas at net defense ng Lady Stags kasabay pa ang pang-aalat sa pagkuha ng puntos. Tanging si guest player Erika Verano lamang ang nakapasok sa double-digit output sa itinalang 10 points. Kings lalapit sa outright semis (Ramil Cruz)

TEAM STANDINGS GROUP A W L Burger King 8 6 Rain or Shine 8 6 Sta. Lucia 7 7 Coca-cola 5 7 Alaska 4 8 GROUP B San Miguel 11 2

15 Brgy. Ginebra 7 5 Talk ‘N Text 7 6 Purefoods 7 7 Barako Bull 2 12 Mga laro ngayon: (Big Dome) 5:00 p.m. - Barangay Ginebra San Miguel vs Coca-cola 7:30 p.m. - Talk ‘N Text vs Alaska Milk Lalapit pa sa puntiryang outright semifinals berth ang patok sa madlang Barangay Ginebra San Miguel, habang magbabakasali ng playoff spot para roon ang Talk ‘N Text sa dalawang krusyal na laro sa second round classification phase-eliminations ng Motolite Philippine Basketball Association Fiesta Conference sa Big Dome sa Quezon City ngayon. Dapat mawalis nang pumapang-apat sa katayuang Ginebra (may barahang 7-5 panalo-talo) ang huling dalawang sabak kabilang ang sa ala-singko ng hapon sa araw na ito kontra pumapangwalong Coca-cola (5-7) upang agad na makaabante sa Final Four o mabuntutan ang kapatid na lider sa liga na San Miguel Beer (11-2). Kapag nagposte lang ng 1-1 win-loss ang Kings sa last two games, maaring makaribal nila sa knockout game para sa 2nd semis slot ang alinman sa Rain or Shine (8-6), Burger King (8-6) at TNT (7-6) kung mananalo ang huli laban sa pumapangsiyam na Alaska Milk (4-8) sa ala-7:30 ng gabi naman. Liyamadung-liyamado ang hukbo ni coach Jong Uichico sa Coke dahil sa pagwalis sa huling anim na laro bukod pa sa pagkatay sa Tigers sa unang pagtutuos nuong Marso 4 via 110-103 win. Paborito rin ang Tropang Texters sa Aces ‘di lang sa pinanis ng una ang huli nu’ng Mar. 27, 124-122, kundi nalaktawan pa ng ‘Talk ..’ ang nakalipas na dalawang oposisyon kumpara sa AM na magkasunod ang bulagta. Base sa tourney format na inter-intra classification round, ang top two teams makaraan ang 14 games ay awtomatikong a-advance sa semis. Ang Nos. 3- 4 ay may twice-to-beat advantage kontra sa Nos. 10 at 9 sa wildcard phase. GMs Antonio at So itinayo ang bandila

SUBIC – Itinayo nina GMs Rogelio Antonio Jr. at Wesley So ang bandera ng Pilipinas nang gapiin ang mga foreign rivals sa halfway mark ng 2009 Asian Continental individual chess championship sa Subic Exhibition and Convention Center. Nalusutan ni Antonio si GM Abhijit Gupte ng India sa 42 moves ng Queen’s Indian, samantalang ipinagpag ni So ang back-to-back draws para payukuin si Rui Gao ng China sa 32 moves ng Sicilian Najdorf. Lumakas ang tsansa ng dalawa na maupuan ang isa sa 10 puwesto sa World Cup na naka-iskedyul sa Nov. 20-Dec. 15 sa Khanty-Mansysk, Russia.

16 Naipanalo ang 10 sa 11 torneo na sinalihan sa US noong nakaraang taon, tatlo na ang W sa huling apat na laro ng 28th-seeded na si Antonio. Tanging draw niya ay kontra sa kababayang si GM Jayson Gonzales sa fourth round. Nakapuwersa si Antonio ng four-way tie sa third-sixth places sa hinamig na 4.5 points, kalahating puntos sa likod nina GMs Chanda Sandipan ng India at Le Quang Liem ng Vietnam. Katabla ni So (4pts) ang 13 pang foreign players at si IM Richard Bitoon. Nanatili rin sa kontensiyon ang mga Filipino campaigners na sina GMs Mark Paragua (3.5pts) at Eugene Torre (3pts) na kapwa nagsipanalo sa 6th round matches nila. Minalas naman sina GM John Paul Gomez, IM Rolando Nolte, GM Darwin Laylo, IM Julio Catalino Sadorra at GM Jayson Gonzales. May anomalya rin sa football?

Ilang stakeholders ng football sa bansa ang nagpahayag na hindi umano tama ang pamamalakad ni president Mari Martinez sa Philippine Football Federation kaya hindi maganda ang resulta ng national teams sa international tournaments. Sa weekly PSA Forum sa Shakey’s UN Avenue kahapon, sinabi nina NCR FA president Pocholo Borromeo, Laguna FA chief Jun Pacificador at dating PFF techninal director Juan Cutillas na si Martinez ang dapat sisihin kaya tumatamlay ang football sa bansa. “Football’s slogan is fair play. Unfortunately it’s not happening in Philippine football,” giit ni Pacificador. Hindi tinugon ni Martinez ang imbitasyon na dumalo sa Forum para harapin ang mga kritiko. Naniniwala naman si Onie Patulin, dating miyembro ng PFF Board of Governors na nas session din inisponsoran ng Shakey’s, Accel, Pagcor at Outlast Battery na naging stagnant o hindi umuusad ang football program dahil sa kawalan ng tournaments at coaches development program. “The last tournament was an absolute flop,” ani Cutillas, huling nag-coach sa men’s national team sa ASEAN Suzuki Cup noong nakaraang buwan, hinggil sa performance ng bansa sa AFC Challenge Cup qualifiers sa Maldives. Bagama’t may walong foreign-based reinforcements, iisang match lang ang naipanalo ng Pilipinas at yumuko sa dalawa kasama ang 5-0 pagkabokya sa Turkmenistan. “The national team is not just a reflection, but a caricature of the current state of football and the policies of Martinez. It’s pathetic,” dagdag ni Cutillas.

17 300-M sports center sa Taytay

Tuloy na ang planong pagtatayo ng world-class sports center sa bayang ito matapos magpahayag ang tatlong nangungunang development banks na handa silang magbigay ng loan package sa lokal na pamahalaan para magawa ang pasilidad na magiging tahanan ng international sports summits kasama ang Southeast Asian Games. Maliban sa loan, nag-commit na rin ang provincial government ng P100 milion iba pa ang ipinangakong high-end sports facilities. Kapag nakumpleto ang proyekto, sinabi ni Mayor Joric Gacula na ang Taytay na ang magiging bagong host ng regional sports meets tulad ng Palarong Pambansa at Southern Tagalog Calabarzon Athletic Association. Itatayo ang sports center sa 13-hectare na lupain sa Barangay Muzon na dating dumpsite kasama ang dalawang public school campuses (elementary at high school), materials recovery facility, transfer station at memorial park. Mistulang nagi-ski ang mga players Zaldy Perez

Nitong nakaraang Sabado hindi natuloy ang nakatakdang laro ng Ginebra Kings at Alaska Aces sa Albay Astrodome sa hindi maipaliwanag na dahilan. Sa harap nang hindi magkamayaw na manonood sa loob ng Albay Astrodome, hindi laro ng basketball ang kanilang nakita kundi mistulang mga skier ang kanilang namalas. Dulas doon, dulas dito ang inabot ng mga players particular si Jeffrey Cariaso na sinasabing pinakamaraming dupilas ang naranasan. Noong una’y pinipilit sana ng organizers na alisin ang hindi maipaliwanag na pampadulas na tila sinadyang ilagay sa parquet floors ng basketball court. Kahit na anong punas umano sa flooring talagang naroon pa rin ang dulas na naging dahilan upang kanselahin ang laro. Sabi nga ng isa, mukha daw may multo o buhay ang sahig ng basketball court dahil pinapawisan ito na siya umanong dahilan kung bakit nadudulas ang mga players. Pero bago sana idaos ang laban ng Kings at Aces, eh, wala namang problema ang court. Katunayan nag-scrimmage pa nga at nag-shooting practice ang dalawang team doon at wala man lang nadudulas isa man

18 sa kanila. Pero nang araw na naka-schedule na sagupaan, aba’y biglang madulas na ang parquet floor. Sapantaha ng iba, maaring sa dami nang tao, kaya nagmo-moisture ang parquet floor. Ayon kay Willie Marcial, PBA Media Bureau chief na naroon sa Albay Astrodome nang araw na kanselahin ang laro, hindi naman daw umangal o nagalit ang mga taong naroon sa loob ng Astrodome ng ihayag ang kanselasyon ng laro. Mukhang naawa pa nga umano ang mga tao sa mga players kapag nadudulas. Ilang laro na rin ng PBA na idaraos sa Albay ang nakansela pero dahil iyon sa pagputok ng bulkang Mayon. Pero noong Sabado kinansela ang game hindi dahil sa putok ng bulkan, kundi ang sumisibol na animo’y pawis sa court. Siguro ayaw ng kahoy na sahig ng court ang mainit. Baka gusto malamig dahil noong practice lang at walang mga manonood wala namang nadudulas. Marahil dapat na ipa-aircon na ang Albay Astrodome mayor Noel Rosal para hindi naman bitin ang iyong mga constituents sa panonood. Sayang Ginebra at Alaska pa naman ang laban.

KATRINA, NAAWA SA BINABOY NI HAYDEN Sharon, mataas ang grades sa UP

Abu Tilamzik

MAKIKIPAGKITA si Katrina Halili ngayong Miyerkules kasama ang kanyang ama at abugado sa isang kilalang NGO para mapag-usapan kung may maitutulong sila sa reklamo ng seksing aktres laban kay Dr. Hayden Kho. Ayaw munang sabihin ni Katrina kung anong grupo ito at kung ano ang balak niyang gawin pero mukhang aabot na ito sa demandahan. Kalat na ang mga sex video ni Dr. Hayden kasama si Katrina at iba pang babaeng nakaulayaw ng celebrity doctor. Hindi lang ang Careless Whisper video ang kumakalat ngayon kundi marami na. Inilabas na ang mga pambababoy ni Dr. Hayden sa iba’t ibang babae, na halatang hindi alam na naka-video ang ginagawa nila. Hindi lang sa YouTube nakikita itong mga sex video kundi sa iba’t ibang

19 website at ipinasa-pasa sa email hanggang sa nakarating ang mga ito kay Katrina. Ayon sa mga nakapanood ng Dr. Hayden Sex Video Festival, medyo madilim ang kay Katrina kaya hindi ito gaanong aninag. Lampshade lang daw ang ilaw. Meron ding kuha sa isang Brazilian model. Mas grabe ay ‘yung kuha sa isang commercial model na nagsisimula pa lang mag-artista. Kilala namin ang babaeng ito, pero itinago na namin ang pangalan dahil mukhang minor pa ito at nag-aaral pa raw ito sa Ateneo. Kasali ang girl na ito sa Betty La Fea at nakaeksena pa raw ito ni Dra. Vicki Belo nang mag-guest ito sa naturang teleserye. Kasama rin ang girl na ito sa Precious Hearts Romances presents Bud Brothers. Sobrang kababuyan raw ang ginawa ni Dr. Hayden sa babaeng ito kaya lalong nagalit si Katrina. Naawa si Katrina sa babaeng ito at marami na raw silang nabiktima nitong doktor. Pagkatapos magpa-interview ni Katrina sa Startalk, nakatanggap ito ng mensahe mula kay Dr. Hayden na ipinadala sa isang kaibigan. May isina-suggest daw ito na pari na harapin ni Katrina para magpa- counseling dahil kailangan daw nito ng spiritual guidance. “During this time, God is our only refuge,” bahagi pa raw ng text ni Dr. Hayden. Lumalala na ang isyung ito dahil mukhang umabot na ito sa Senado. Binanatan ni Sen. Bong Revilla kahapon si Dr. Hayden Kho sa kanyang privilege speech. Maaaring ipatatawag daw ito sa Senado. Isina-suggest na iparating na ito sa Philippine Medical Association (PMA) para tanggalan daw si Dr. Hayden ng lisensya bilang doktor. Hanggang ngayon ay hindi pa rin nagsasalita si Dr. Hayden. Tanging si Dra. Vicki Belo ang nagtatanggol para sa kanya. *** Excited si Sharon Cuneta sa bagong album niya sa Sony-BMG na Children’s Rhymes and Lullabies na ini-launch sa entertainment writers kamakalawa. Malapit sa puso niya ang album na ito dahil mas naa-appreciate ito ng mga anak niyang sina Frankie at Miel. Sa tulong ni Sen. Kiko Pangilinan, nabuo ang album na ito at pinagha- handaan na rin daw nila ang kasunod nito. Marami pang mga awiting pambata na hindi naisali sa bagong album na ito. Binubuo ng limang bahagi ang album na kung saan nakapaloob ang

20 mga awiting pambata na pang-School/Learning Time, Play Time, Nap Time, Activity Time at Sleep Time. Ngayong araw ay aalis siya patungong Amerika kasama ang buong pamilya para sa series of shows niya roon. Isa rin ito sa mga dahilan kaya hindi niya matapus-tapos ang pag-aaral niya sa UP, pero nandiyan pa rin ang pagnanais na maka-graduate kapag maluwag na ang schedule niya. Nakiusap ang Megastar na huwag nang pag-usapan kung ano ang grades niya sa UP pero proud siya na mataas ito at in fairness, pinaghirapan daw niya ito. Binanggit ni Sharon kung ano ang GPS niya pero pagbibigyan na namin ang pakiusap niyang huwag nang isulat dahil marami pa siyang dapat na pag-usapan na pwede niyang maipagmalaki. Mataas nga ito, sa kabila ng kalagayan niya bilang artista na napaka- hectic ng schedule. Vic, pinagkaguluhan ng mga Cebuana Allan Diones

SINAMANTALA ng magkapatid na Tito at Vic Sotto ang pagkakataon para makapag-golf nang magpunta sila ng Cebu nu’ng weekend para sa Eat Bulaga Summer Caravan. Ka-join nina Tito Sen at Bossing na nag-golf sa Alta Vista sa Cebu ang kapatid nilang si Maru Sotto (na nasa sales department ng EB) at si Anjo Yllana. Dahil sa kanilang golf game ay medyo na-late nang dating sina Tito Sen, Bossing at Anjo sa EB Caravan show sa Lapu-Lapu Auditorium. ‘Balagoong’ tuloy ang komedyanteng si Kim Dinosaur dahil halos dalawang oras siyang nag-host at nagpakuwela mag-isa habang hinihintay ang EB hosts. In fairness ay kilalang-kilala ng mga taga-Cebu si Kim at na-touch ang bading dahil ang dami niyang fans doon. Sina Anjo at Allan K ang nag-host ng raffle portion na ikinatuwa ng mga Cebuano. Klik na klik sa crowd si Allan K dahil magaling siyang mag-Bisaya at kuhang-kuha niya ang kiliti ng mga taga-Cebu. Grabe ang hiyawan at tilian nang lumabas na sa stage sina Bossing at Tito Sen. Ang Sotto brothers ang nag-host ng ‘Kaserola ng Kabayanan’ segment na namigay ng libu-libong kadatungan sa mga Cebuano na dumagsa sa Lapu-Lapu Auditorium. Kilig na kilig ang mga babae kay Bossing at parang mas type pa nilang makahalik o magpapiktyur dito kesa manalo ng datung. Sa Linggo (Mayo 24) ay sa Dagupan City naman dadayo ang EB

21 Summer Caravan. Break muna sa Mayo 30 (Sabado) dahil may live remote show ang Eat Bulaga sa araw na ‘yon sa Dipolog City. Tuloy ulit ang EB Summer Caravan sa Hunyo 7 (Bicol), Hunyo 14 (Iloilo) at Hunyo 21 (Davao). *** Kahapon nang 8:15 PM (oras sa France) ang world premiere ng pelikulang Manila sa 62nd Cannes Film Festival (Mayo 13-24). Out of competition at nasa ‘Special Screenings’ section ng Cannes ang Manila na ipinalabas sa Salle Beñuel Theatre. Siguradong very proud ang bida ng pelikula na si Piolo Pascual sa unang pelikulang pinrodyus niya dahil naipalabas ito sa Cannes. Bukod kay Piolo, nasa cast ng Manila sina Alessandra de Rossi, Rosanna Roces at Jay Manalo. May special appearance sina Iza Calzado, Baron Geisler, Angelica Panganiban, Jiro Manio, William Martinez, Anita Linda, Marissa Delgado, John Lapus, Katherine Luna, Aleck Bovick at Jon Avila. Sina Adolfo Alix Jr. at Raya Martin ang nagdirehe ng 90-minute indie film. Twinbill ang pelikula na nahahati sa dalawang istorya -- ang ‘Day’ na loosely based sa classic 1980 film ni Direk Ishmael Bernal na Manila by Night, at ‘Night’ na inspired sa 1979 classic ni Direk Lino Brocka na Jaguar. Drug addict ang role ni Piolo sa ‘Day’ at bodyguard ang papel niya sa ‘Night’. Ang obra ni Brocka na Jaguar ang unang Filipino film na nakapasok sa main competition ng Cannes Film Festival. Bukod sa Manila ay may isa pang Cannes entry ang co-director ni Direk Adolf na si Raya Martin. Nasa ‘Un Certain Regard’ section ang 77- minute indie film ni Raya na Independencia (co-produced ng Pilipinas with France, Germany at Netherlands). Makakatunggali ng period film ni Raya Martin sa nasabing kategorya ang 19 entries mula sa iba’t ibang bansa. Bale dalawa ang pelikula ni Alessandra de Rossi sa Cannes dahil nasa cast din siya ng Independencia kasama sina Tetchie Agbayani, Sid Lucero at Mika Aguilos. *** Mga bigating pelikula ang kalaban ng Kinatay ni Direk Brillante Mendoza sa ‘In Competition’ section ng 2009 Cannes filmfest. Kabilang sa 19 films na katunggali ng Kinatay (The Execution of P ang international title) para sa prestihiyosong Palme d’Or (o Golden Palm) award ang Broken Embraces ni Pedro Almodovar, Antichrist ni Lars Von Trier, Taking Woodstock ni Ang Lee, White Star ni Jane Campion at Inglorious Bastards ni Quentin Tarantino. May 100-minute running time ang Philippine-French production na Kinatay. Tampok sa madugong pelikulang ito ni Direk Dante Mendoza

22 sina Coco Martin, Mercedes Cabral, Julio Diaz, Maria Isabel Lopez, Jhong Hilario, Lauren Novero at John Regala. Ayon sa resident critic ng Variety magazine na si Todd McCarthy, “Kinatay, a Filipino low-budgeter with a centerpiece scene devoted to the butchery of a woman, may have enthused some of director Brillante Mendoza’s hardcore fans but appalled most others; surely Un Certain Regard would have provided a more appropriate home for this than did the competition.” Ang pamosong film critic na si Roger Ebert ay hindi kinaya ang Kinatay at inalipusta ito sa kanyang ‘Duh!’ movie review. Aminado si Ebert na may ibang kritiko na magkakagusto sa pelikula, pero ang mataray na komento niya, “I declare that there may not be ten people in the world who will buy a ticket to this movie and feel the mo- ney was well spent.” Ang Serbis ni Direk Dante na nag-compete sa Cannes last year ay umani rin ng kaliwa’t kanang batikos mula sa international critics, pero tumanggap ito ng mga papuri nang ipalabas sa mga sinehan sa Amerika. Iwa, feel na feel ang pagka-madrasta Lolit, naaliw sa consul (ABU TILAMZIK at JDO)

23 MARAMI ang natuwa kay Iwa Moto nang mapanood siya sa Dear Friend nu’ng Linggo dahil ang ganda ng pagpayat niya. Bukod sa diet, sunud-sunod ang trabaho niya kaya isa rin ito sa mga dahilan kaya siya pumayat. Pagkatapos ng indie movie niyang Rock and Roll, sumunod agad ang taping niya sa Dear Friend at ngayon ay nagsisimula na siya sa Adik Sa ‘Yo. Sey ng ilan sa mga taong malapit kay Iwa, palibhasa walang problema ito sa lovelife at going stronger daw ang relasyon nila ng kanyang boyfriend na si Mickey Ablan. Mukhang seryoso na raw ang relasyon ng dalawa dahil dito lang daw kay Mickey nagtagal si Iwa. Lalo pang naging close si Iwa sa pamilya ng boyfriend lalo na sa anak nito. Kahit daw ang ina ng anak ni Mickey ay boto kay Iwa na maging madrasta ng bata. Feel na feel ni Iwa ang role niya na madrasta sa episode niya sa Dear Friend. *** Happy birthday kay Nay Lolit na magdiriwang ng kanyang 62nd birthday ngayong araw. Ang daming nag-aalok sa kanya na magpa-birthday party para sa kanya, pero hindi niya type. Tinatamad na raw siya at tila hindi na raw nababagay sa edad niya. Pero naaaliw siya kapag naalala niya nu’ng in-interview siya sa US Embassy kamakailan para i-renew ang kanyang US visa. Nalaman ng consul na host siya ng showbiz-oriented talk show. Tanong daw sa kanya ng consul, “You’re 62 years old and still gossiping?” *** Nanguna sa takilya ng North America last weekend (Mayo 15-17) ang bagong bukas na Angels & Demons ($46.2M). Pangalawa ang Star Trek ($43M), na naka-$147.6M sa dalawang weekend. Pangatlo ang X-Men Origins: Wolverine ($14.7M), na naka-$151M sa tatlong weekend. Pang-apat ang Ghosts of Girlfriends Past ($6.7M), na naka-$39.9M sa tatlong weekend. Panlima ang Obsessed ($4.6M), na naka-$62.6M sa apat na weekend. Pang-anim ang 17 Again ($3.4M), na naka-$58.4M sa limang weekend. Pampito ang Monsters vs Aliens ($3.2M), na naka-$190.7M sa walong

24 linggo. Heavenly’ extended!

EXTENDED ang pagpapalabas ng Heavenly Touch sa Robinsons Galleria, Remar, Isetann Cinerama at Ultra Vista Rama-Cebu. Palabas na rin ito sa Gotesco Commonwealth. Tinalakay ng Heavenly Touch ang mundo ng mga masahista sa isang spa. Magkaibigang matalik sina Rodel (Paolo Serrano) at Jonard (Joash Balejado), na naging magkaibigang nagtatalik. Tampok din sa pelikula sina Marco Morales (bilang Biboy, masahistang nagbebenta ng droga) at Gwen Garci (bilang Shiela, kabit ng pulitiko na nasarapan kina Rodel at Jonard). Sabi ng direktor na si Joel Lamangan, “I had a great time working with my actors of Heavenly Touch. They fully trusted me and all the delicate scenes were done without any problem. I always tell them to do it right at the first take para ‘di paulit-ulit. And they did!” Pahayag naman ng producer na si Manny Valera ng DMV Entertainment, “We are touched by the strong support given by the moviegoers. We get feedback as far as Cebu that they were fully satisfied with our movie. That’s why they want to watch it again and again.” Kasama rin sa cast ng Heavenly Touch sina Jeffrey Santos, Paolo Rivero, Jim Pebanco at Irma Adlawan. Ang Heavenly Touch ay strictly for adults only. National Ratings

MULA sa TNS, narito ang National Ratings ng mga programa ng ABS-CBN 2 at GMA 7 noong LUNES (Mayo 18): Umagang Kay Ganda 5.5% vs. Unang Hirit 3.8%; Kapitan Boom 9.6% vs. Pokemon Master Quest 6.9%; Reborn 11.2% vs. Gadget Boy 6.8%; Naruto 10.4% vs. One Piece 7.9%; Mr. Bean Live 9.2% vs. Slamdunk 10%; Ruffa and Ai 8% vs. SiS 5.7%; Game Ka Na Ba 11.9% vs. Lalola 7.6%; Wowowee 22.4% vs. Eat Bulaga 15.5% at Daisy Siete 17%; Kambal Sa Uma 20.6% vs. Paano Ba Ang Mangarap? 20%; Precious Heart Romances Presents Bud Brothers 23.2% vs. Dapat Ka Bang Mahalin? 21.4%; Mr. Bean 18.8% at Naruto Shipuuden 14.3% vs. Chil Princesses

25 8.9%; Hot Shot 19.6% vs. Nodame Cantabele 7.3%; Boys Over Flowers 28% vs. Hole in the Wall 18.2%; TV Patrol World 33.6% vs. 24 Oras 23.7%; May Bukas Pa 39% vs. Zorro 26%; Only You 38.9% vs. Totoy Bato 26.3%; Tayong Dalawa 35.6% vs. All About Eve 22.9%; Pinoy Bingo Night 21.2% vs. Fated To Love You 19.4%; SNN 12.1% vs. Ripley’s Believe It or Not 11.5%; Bandila 6.9% vs. Saksi 6.4%; Kalye 4.4% at Games Uplate 1.4% vs I Witness: The GMA Documentaries 4.6%. Mossimo Bikini Summit, tuloy na sa Sabado (JDO)

BUKAS nang 8:00 PM na po ang finals ng 20th G. Filipinas sa Metro Bar, West Av., Quezon City. Ang mga kandidato ay rarampa suot ang tribal wear, barong Tagalog at swimwear. Ang limang magpe-perform para sa special award na G. Talento ay sina Kirstey Viray, Richard Joseph Guantero, Benson Hill, Zander Dave Bautista at Jaypee Garcia. Ang iba pang mga kalahok ay sina Jerome Gunday, Ryan Mendoza, Jeffrey San Pedro, Angelo Capistrano, Lester Allen Manansala, Christian Vero, Karl Rusdan Clamonte, John Marvic Adrenida, Leo Patrick Ibañez, Jeff Rome Anenias, Alvin Macatunao, Jordan Jordico, Jefferson Gabriel, Armand Mansanillo, John Darren Lugue, Mark Joseph Carlos, Mark Dennis Estrada, Bryan Soriano, Cris Joseph Santos, John Willy Faustino, Florenz Almazan, Mark Anthony Beltran, Alvin Orencia, Jimmy Dionisio, Jayjay Legaspi, Julian Binarao, Rafael Evangelista, Richard John Guantero at Joel John Hizon. Major sponsors ng timpalak ang Aficionado at Joel Cruz Signatures. Ang director/choreographer ay si Edmund de Javing. Ang official photographer ay si Edwin Tan. Ang scriptwriter ay si Dr. Buboy Marcelo. Ang production managers ay sina Dr. Francis Ignacio at Rommel Balicao. Ang executive producer ay si Dr. Lito V. de la Merced. Ang tiket ay P400. Para sa mga detalye, makipag-alam sa cell# 0920-296-5084. ***

26 Na-postpone ang finals ng Mossimo Bikini Summit ’09 noong Sabado sa Boracay. Dahil sa ulan at hangin, nasira ang set at technical facilities. Itutuloy ang finals ng Mossimo Bikini Summit ’09 sa Sabado (Mayo 23) nang 8:00 PM sa Skydome ng SM North EDSA. Ang 11 female candidates ay sina Shihan Go, Pia Noelle Burgos, Cheryl Oliveros, Rachelle Anne Bustamante, Sharla O’Hara, Darlene Anderson, Joanna Marie Tepales, Mary Jane Lopez, Gidget del Rosario, Teri Bivins at Vanessa Dime. Ang 10 male candidates ay sina Andre Endique, Jiro Shirakawa, Kevin John Zaldarriaga, Geronimo Lontoc Jr., Lemuelle Pelayo, Dexter Quindoza, Angelo Catcciatore, Harold Oide, Mark Manicad at JR Terone. Libre ang admission dito. First come, first serve ang basis. Limitado ang tiket kaya agapan ninyo!

Mali at tamang pagtingin sa sarili Kuya Rom

Dear Kuya Rom, Ang tingin ko sa aking sarili ay walang halaga. Noong bata ako ay lagi akong pinapalo ng aking nanay. Minsan ay hindi napigilan ng aking tatay ang kanyang galit at sinaktan niya ako. Noong nasa high school ako, laging ako ang inaapi ng aking mga classmates. Pagkatapos ng high school, nang ako’y mag-try na maghanap ng trabaho, nagkaroon ako ng isang kaibigan. Isang araw ay ipinakilala niya ako sa isang mayaman, at huli na ng malaman kong may balak na masama sa akin. Siya pala ay isang bakla, at ako ay kanyang pinagsamantalahan. Lahat ng karanasang ito ay parang may masamang epekto sa akin. Madali akong magalit. Madaling mainis. Madali akong magtampo. Hindi ako nagtatagal sa trabaho ko. Lahat ng ginagawa ko ay parang mali, parang papunta sa wala. Ang nadarama ko’y walang nagmamahal sa akin, walang nagtitiwala. Hindi ko maunawaan ang aking sarili.

27 Ngayon ay naghahanap ako ng trabaho. Ngunit parang ayaw ko nang magtrabaho. Baka magkamali ako sa trabaho at ako’y matanggal. Sana po, Kuya Rom, mabigyan mo ako ng payo. Maraming salamat! - - Reggie Dear Reggie, Kailangang kalimutan mo ang nakaraan upang mapanatag ka sa kasalukuyan. Patawarin mo ang iyong mga magulang sa kanilang ginawa sa iyo. Unawain mong makasalanan din sila na tulad mo. Reggie, may tamang pagtingin sa iyong sarili: Tingnan mo ang iyong sarili sa pamamagitan ng pagtingin ng Diyos sa iyo (Roma 12:3). Wika ng Salita ng Diyos, “Gayon na lamang ang pag-ibig ng Diyos sa sanlibutan, kaya ibinigay Niya ang Kanyang bugtong na Anak, upang ang sumampalataya sa Kanya ay hindi mapahamak...” (Juan 3:16). Reggie, nakita mo ba? Mahal ka ng Diyos, kahit pa sa tingin mo’y hindi ka pinahahalagahan ng iba. Wika pa rin ng Salita ng Diyos, walang bagay ang makapaghihiwalay sa iyo sa pag-ibig ng Diyos (Roma 8:39). Gawin mong para sa iyo ang salitang sinabi ng anghel kay Daniel, “Ikaw na kinalulugdan ng Diyos, huwag kang matakot, ipanatag mo ang iyong loob” (Daniel 10:19). Ang talatang ito ay nagpapakita na iniibig at kinalulugdan ka ng Diyos. Hayaan mong pumasok sa kaibuturan ng iyong puso at buong pagkatao ang katotohanang ito. Sa bawat sandali ikaw ay nasa pag-iingat ng Kanyang mapagpalang kamay kahit sa tingin mo ay galit sa iyo ang mundo. “Siya ang Diyos na sa mula’t mula pa’y iyong kanlungan” (Deuteronomio 33:27). Magtiwala kang mahal ka ng Diyos kahit na sa tingin mo ay walang taong nagmamahal sa iyo. Wika ni Apostol Pablo, “Hinirang ka ng Diyos bago pa nilikha ang sanlibutan. Dahil sa Kanyang pag-ibig...” (Efeso 1:4-5). Ikaw ay mahalaga sa Diyos -- sa pamamagitan ng pag- ibig ng Panginoong Jesus ikaw ay ginawang “higit sa lahat ng Kanyang mga nilalang” (Santiago 1:18). Gaano ka kahalaga sa Diyos? Ikaw ay higit sa lahat ng mga nilalang ng Diyos! Ang iyong pagkatao ay hindi ayon sa iyong masamang nakaraan kundi ayon sa Diyos. Kung kikilalanin mo ang Diyos bilang nag-iisang tunay na Diyos at pananaligan mo ang Kanyang bugtong na Anak na si Jesus-Cristo bilang iyong Tagapagligtas at Panginoon, lahat ng katotohanang ito ay magiging katotohanan sa iyong buhay. Ang Kanyang pangako ay ito: “Ang sinumang tumanggap at manalig sa Kanya ay binigyan Niya ng kapangyarihang maging anak ng Diyos” (Juan 1:12) upang magkaroon ng “buhay na ganap at kasiya-siya” (Juan 10:10).

28 Kaya’t magalak ka, magkaroon ka ng tiwala sa iyong sarili, maghanap ka ng trabaho, pagbutihin mo ang iyong paggawa, pakitunguhan mo ng maayos ang iba, at ikaw ay magtatagumpay. God bless you! Payong kapatid, Kuya Rom Nakamamatay ang gutom

By: Jojo Acuin

CRIME & MYSTERY

HINDI ito kuwento ng mga mahihirap o patay-gutom na walang pagkain. Ito’y kuwento ng magka-live-in na parehong may trabaho at hindi nagkakaunawaan. Kaya ang gutom sa kanila ay hindi palaging bahagi ng kanilang kuwento kundi bihira at nagkataon lang. Pero tulad ng karaniwang gutom ito’y nakamamatay rin. Tunghayan ninyo kung papaano.

Sa Las Piñas nagsasama sina Lily at Remy dahil doon nagtatrabaho ang una. Sa Makati naman nagtatrabaho si Remy. Baliktad ang working schedule nila: Panggabi ang trabaho ni Lily sa isang factory at pang-araw naman si Remy.

Minsan, nag-text si Remy kay Lily na mag-iwan ng pera o pagkain sa bahay nila bago siya umalis. Hindi sumagot si Lily at lihim na nainis si Remy. Ilang beses pa niyang ipina-forward ang parehong message kay Lily pero wala pa ring sagot.

Pag-uwi niya, walang nakitang pera o pagkain si Remy. E, kasusuweldo lang noong nakaraang linggo at ibinigay ni Remy kay Lily ang suweldo niya. Nag-init ang ulo ni Remy at pinuntahan si Lily sa trabaho nito. Nadatnan ni Remy na kausap ni Lily ang kanilang guard. Lalong nagalit si Remy at kinausap nito si Lily.

Dahil malakas at nagtaas ng boses si Remy kaya nagtalo ang dalawa. Bago pa man nakakilos ay itinulak ni Remy si Lily at bumagsak ito sa semento. Hindi sinasadyang nabagok ang ulo nito at nawalan ito ng malay.

Hindi nakakilos ang guard upang matulungan at ipagtanggol si Lily. Dahil sa bilis ng pangyayari, nagkagulo sa gate at isinugod si Lily sa ospital. Sinusuri ng mga doktor at nurse si Lily nang ito’y malagutan ng hininga. Internal hemorrhage ang nangyari. Sising-sisi si Remy sa sarili at hindi na niya naramdaman ang gutom na siyang naging dahilan sa pagdilim ng kanyang paningin.

Kinabukasan at nasa presinto na si Remy ay wala pa rin siyang ganang kumain. Gutum na gutom na siya pero hindi niya magalaw ang pagkain sa harapan niya. Pakiramdam niya ay susuka siya kapag siya’y sumubo ng pagkain.

Hindi sa loob ng bilangguan nagtapos ang kuwento nina Remy at Lily. Maliban pala sa gutom ay may basehan din ang biglaang pagseselos ni Remy nang maabutan niyang nag-uusap sa factory sina Lily at ang guard. Itong huli kasi ang naging masigasig, kasama ang pamilya ni Lily, na ihabla at ipakulong si Remy. Lingid sa kanyang kaalaman ay may namumuo palang relasyon sa dalawa. At matagal-tagal na rin ito diumano, ayon sa ilang katrabaho ni Lily sa factory na kakilala rin ni Remy.

Sa kanyang depensa sa korte ginamit ni Remy na isa sa mga dahilan kung bakit nagdilim ang kanyang paningin at naitulak si Lily ang nasaksihan niyang pag-uusap ng guard at ng kalive-in niya. Ipinalabas ni Remy na matagal na niyang alam ang relasyon nina Lily at ng guard kaya madaling maubos at kinukulang lagi ang pera nila. Ang naturang rebelasyon ay nakatulong upang mapagaan ang parusa ni Remy.

* * *