Montre De L'evesché De Cornouailles En 1481
Antiquités de la Bretagne : Finistère, Chevalier de Fréminville, Librairie Lefournier et Deperiers, Brest, 1852, p. 316-378. [p. 316] Montre de l’Evesché de Cornouailles en 1481 (copiée sur le ms. original) [annoté par Norbert BERNARD] Le présent livre est le mémoire et rapport de la monstre générale des gens d’armes, de traicts et autres gens de guerre, nobles et ennoblis, et autres tenans fiefs et heritaiges nobles et subjects aux armes de l’evesché de Cornouailles, tenûe et faicte à Carhaix par noble et puissant le sire du Pont et de Rostrenen et nobles escuyers Bertrand de Lanros et Yvon de Tréanna sieur de Monros, et chascun commis à ce, du duc nostre souverain seigneur. Présent maistre Jehan Lodic procureur de Cornouailles commis du duc pour rapporter et faire enregistrer par escript la dicte monstre, en faisant laquelle, faicte par nous dicts seigneurs les commissaires, pris et eûs le serment des nommés ci-après et chacun de servir [p. 317] bien et loyaulment le duc nostre souverain seigneur contre tous ceux qui peuvent vivre et mourir. Faict à Carhaix le quatriesme et cinquiesme jour de septembre, mil quatre cent quatre vingt-ung. Et premier Le sire du Pont et de Rostrenen 1 commissaire, Bertrand de Lanros 2, commissaire, qui est homme d’armes et dict qu’il fournira en sa compagnie les archer en habillement qui ensuivent avec croustilleur *, 1o Philibert de la Pallue, archer en brigandine. 2o Thomas Guillaume, idem. Yvon de Tréanna, sieur de Monros 3, commissaire, homme d’armes de l’ordonnance du duc, et en la compaignie desdicts commissaires estaient les officiers de justice qui suivent ; Savoir : Maistre Henry de Goüarnelen 4, séneschal de Cornouailles, bien armé en brigandine et monté à deux bons chevaux.
[Show full text]