A-dryv an Garten bost www.screencornwall.com/behindthepostcard

Preder a-dro dhe’n vorvoren: Hanter Pysk ha Hanter Den.

Yma lies tra a-dro dhe’n ranndir ma may trigav vy, a wrav godhvos, ha ny wre’ ta.

Hanter an le a’n pyth a dybydh ta godhvos

Ha Hanter an le a’n pyth a wonn vy na wre’ ta godhvos

Dres an mor morvoren ha tewes alaboster

Kemmer gik aral orth an tir pell karrek-kales

Gwra difogella dha lagattans rag kavos an imach tamm mes a wel

Mars os ta godhevas.

Mar koslowydh ta.

Hen rowan a hwystro hwedhlow gwyls

Kors mergherel a wrello sia/tythya po hwyrni y’n kesresow a’gan hen daves.

Jynnjiow – tarosvannow a hwel eus passys a ylli dha dhyski a’ga sav a-dro an bys efan, ledan.

Gans plas down gans ynjinieth, kreft ha sleyneth.

Peder mil vloodh a genwerth keswlasek: sten hag owr, sens Keltek, funyow treusatlantek.

Ow sewya an hyns a wi kepar ha gwythi hag yth omjun golyow ha keskerdhow ha goslowes dhe hwarth a’n alkemi a wariva yn unn dhynerghi vysyter ha teythyek war-barth gans hy res unnik ha kriv.

Kernow yw tyller gwreydhys yn istori kewsys yn tanow.

Istori kellys yw keunys tanyow down a’n awen, anserghogeth ha bresel dh evos klewys, gwelys ha remembrys.

Kevren anleverys a’gan kelm ha ni genys omma po tennys omma.

Niwl holan na wra mos dh eves gans treylyansow mordidys.

Agan treghi ygor ha treusvewans yw stampys-ynk dreson ni.

Preder a-dro dhe’n ke kernewek.

Megys dre an kansbledhynnyow.

Gwrys gans densys mes lymmys gans natur.

Keskowethyans an kevothekka.

Omborth teg mes gwann gans res bos sostenys.

Lemmyn preder a-dro dhe gist boos (onan a lies lesrennys dhe deylyow edhommek)

Kennin gwyls, delysk, betys an mor, tavol, ha petalys melyn eythin

Pask diynkleudhys dyworth arvor ha perth

Gwrys gans natur, trevys gans densys.

Yth yw possybyl dhe nagha nown, fardellans plastek ha mildiryow boos dre janjya fordhow koth ha adoptya huni kottha.

Gans kesober kesoberyans kemeneth.

Yth esov vy a’m gorwedh war’n ke ma

My a breder a-dro dhe deow dehen.

My a breder nav ern dhymm pyth yw lesys kynsa.

Ny vern dhymm mar kwre’ ta kavos karetys kubys.

I don’t care if you include diced carrots.

Ny’m beus baner a liw vyth hag yth ov vy lowen na wra ow nes’hevin merwel yn balyow na moy.

My a breeder my dhe gara an Trev ha’n Penn

An Porth ha’n Stras.

My a wayt my dhe vewa omma bys vykken.

My a wayt bos an ke ma salow

Tir a jonsow gans taklow mar dha dhe ri

May hwra estrenyon kouyal gans avi, ‘tyller da dhe driga’ Mes dh’agan yonkers kernewek, an gorthyp yw kler yn trist,

Res yw dhymm Kavos soodh ugh-an-linen rag affordya chi war-woles omma.

Nyns yw parder kethsam gwythi a jiow bili-kotys

Po benyow gwydh treghys kompes, gans jynnow-palas ow herdhys a-berth yn mor splann

Nyns yw an gweres sel a honanieth oll, Mes tyller heb gweres yw tyller heb neb le rag sevel

Pennenys gans personoleth fols

Holan an mor ha barrys treth

Gwirottiow ha block poder.

Kig kanker kro ha korevow kreft.

Arghanttiow boos ha Las bargen.

Yoga war benn an als ha pilates bord-revya

Vitamynnow gorhemmyn ha boghosogneth powek trevow tarosvan gwav a trevow Nessa gwag

Ranndrevow yn unn worlesa a dreveth anaffordyadow yn-tonya rag gasa mes.

Po gans omglewans bos maglennys ha nag yw kerys

Ottomma tir mayth usi an aswa yntra rychyon ha boghosogyon nevra brassa.

Preder a-dro dhe Gernow

Gik a-dryv an garten bost hwilas an gwel gwir

Ty a ylli kavos bos tu aral yn le an onan ty a dybsys ta godhvos

An le ma yw leun a dekter

Pobel a’n gar rag reson

Mes porth kov, bewnans a bes termyn hir wosa seson an hav

Ytho, gwren nig arm rag agan leys el esker-down ha’gan liennow a law

Gwren ni byrla agan dedhyow a niwl-law ha’gan niwlow sedha.

Tack agan taran, salusi pub daslam a geser, merkya agan gell gwav.

Loos Genver agan honan, agan loub Hwevrer, an lommder mis Meurth.

Omgudh er bynn an gewer, kreuni yn savleow kyttrin, kana gras y’gan milyow.

Preder a-dro dhe Gernowl

Hanter garth-gwari degolya Pow Sows

Hanter kenedhel Geltek orth amal ledya a’n gorthyp hin

Yma agan gonisogeth ‘ni a yll’ awenek ow talleth Oos Glas ollvysel

Ytho, gik a-dryv an garten bost hwilas an gwel gwir

Ty a ylli kavos bos tu aral yn le an onan ty a dybsys ta godhvos…

Ha mar kwre’ ta omgavos dre happ y’n le ma

Sav stag, kemmer gik yn dha gerghyth, anella, ha mies arta.

Notennow alabaster alaboster alabauster n.m Williams 2000 gaze lagattans lagatta vb George 2020 mercurial mergherel bewek, brottel adj Williams 2000 hum hwyrni hwyrni vb George 2020 ingenuity ynjinieth ynjinieth n.f George 2020 unique unnik unnik ‘only’ adj AK fashioned lymmys - adj top of my head dulse delysk delysg n.m Welsh nourishment pask pask n.m George 2020 unearthed diynkleudhys dyencledhyas vb adj Williams 2000 shun nagha nagha +4 vb AK coo kouyal cūyal vb Williams 2000 envy avi avi n.m George 2020 off licence gwirotti gwyrotty n.m Williams 2020 liquor gwires gwires n.f George 2020 yoga yoga yoga n.m Williams 2000

Pilates Pilates - n.m personal name sprawl gorlesa gorlesa vb George 2020 housing treveth trevethans n.m top of my head peek gik gik ‘peek’ n.m AK embrace byrla byrla vb AK salute salusi salusi vb George 2020 ricochet daslam daslamm n.m George 2020 huddle kreuni crüny vb Williams 2000 can-do ‘ni a yll’ - adj top of my head