Postadresse Besøksadresse Kontakt Postboks 987 Norsk Fjellsenter, Sentralbord: +47 61 26 60 00 2604 LILLEHAMMER Brubakken 2, 2686 Lom Direkte: +47 61 26 62 05 Norsk Tindesenter [email protected] Havnegata 2, 6300 Åndalsnes http://www.nasjonalparkstyre.no/reinheimen

Rauma kommune

Saksbehandlar Mari Melbø Rødstøl Vår ref. 2019/12636-4 432.2 Dykkar ref. Dato 12.10.2020

Trollstigen lvo - dispensasjon - enkle dugnadstiltak på Kløvstien - 2020 - kommune

Delegert vedtak

Med heimel i verneforskrift for Trollstigen landskapsvernområde § 3 punkt 1.2 e) og med heimel i naturmangfaldlova § 48, får Rauma kommune dispensasjon til å utføre enkle dugnadstiltak på nedre Kløvsti fram til hengebrua, og løyve til naudsyn motorferdsel på traktorvegen i samband med arbeidet.

Vi gir kun løyve til tiltak nemd i punkt 3 og 4 i søknaden som ligg innanfor verneområdet.

Dispensasjonen er gjeve med følgjande vilkår:

• Tiltaket må utførast innan utgangen av 2021. • Motorferdselen gjeld framkøyring av grus og materialar med traktor. • Motorferdselen gjeld kun langs eksisterande traktorveg fram til elv (sjå kartutsnitt bilete 1.) • Klopplegginga skal utførast på ein ryddig måte, og materialer og restkapp skal ryddast ut av området etter at dugnaden er ferdig.

Køyringa skal skje med omsyn til natur og friluftsliv og bør gjennomførast i tørre periodar.

Tiltaka må avklarast med kommune og grunneigar.

SNO vil kontrollere at arbeidet blir gjort i samsvar med vilkår.

Bilete 1. Kartutsnitt som syner traktorvegen.

Nasjonalpark Reinheimen Naturreservat Brettingsmoen Landskapsvernområde Tafjorden-Reindalen, Trollstigen, , Lordalen, Finndalen, Ottadalen

Klage Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova § 28. Ei eventuell klage skal rettast til Miljødirektoratet, men sendast til Nasjonalparkstyret for Reinheimen.

Saksopplysningar

Heimelsgrunnlag Delegering I medhald av vedtekter for Reinheimen nasjonalparkstyre punkt 6.2, jf. naturmangfaldlova § 62 andre ledd tredje punktum, har nasjonalparkstyret for Reinheimen i styremøte 14.03.2016, sak 5/16, gjort vedtak om å delegere handsaming av einskilde saker til nasjonalparkforvaltaren, slik som i denne saka. Vedtaket gjev nasjonalparkforvaltarane i Reinheimen myndigheit til å treffe vedtak i saker av kurant karakter. Med saker av kurant karakter meiner ein følgjande: • Saker etter dei spesifiserte dispensasjonsføresegnene i verneforskriftene om ferdsel og motorferdsel. • Saker etter andre spesifiserte dispensasjonsføresegner i verneforskriftene og etter naturmangfaldlova § 48 der: a) Det dreier seg om fornying av dispensasjon gjeve av styret eller arbeidsutvalet, og føresetnadene er tilnærma uendra. b) Det føreligg etablert forvaltningspraksis frå saker handsama av styret/AU i tilsvarande sak. c) Forvaltingsplanen gjev eintydige føringar for utfallet.

Dokument i saka Epost med søknad frå Rauma kommune ved Øystein Valde 28.07.2020.

Søknaden

Søker ber om tillating til enkle dugnadstiltak på nedre Kløvsti frå parkeringsplass ved rv 63 i Isterdalen ved Bøsetra til hengebrua over istra og økonomisk støtte til dette.

Bakgrunn er at deler av stien ikkje er gangbar i flomperiodar. SNO og forvaltar var på befaring 13. juli 2020 med dugnadsleiar Nils Hole. Der gjekk vi igjennom dei tiltaka som er omsøkt. Forvaltar har også hatt fleire samtalar med Nils i ettertid. I samtalane vart vi einige om at dei ikkje trengte å søke om økonomisk støtte, då dei kunne ta frå midlar som allereie var gitt til eit stiprosjekt på Trollstigen.

http://www.nasjonalparkstyre.no/reinheimen Saksbehandlar Mari Melbø Rødstøl Side 2 av 5

Tiltak 1 og 2 ligg utanfor verneområdet og vurderast ikkje her, men må avklarast med kommune og grunneigar. Tiltak 3 inneber å hindre kontinuerleg vassig langs veg og sti ved steinklopp 4. Her skal det gravast grøft manuelt for å leie vatnet vekk frå vegen og gruslegge gangveg frå klopp 4. Tiltak 4 inneber å lage flomsti langs elvebrink ca 10-20 m frå elva, ved å lage plankesti og å gruse opp tørre parti vha trillebåre.

Tiltak 5 vil vi vente med å behandle til vi har fått vurdering frå NVE.

Søknaden er vurdert i samsvar med:

1. Forskrift om verneplan for Reinheimen, forskrift for Trollstigen lvo, 24.11.2006 2. Forvaltningsplan for Reinheimen, mars 2010. 3. Naturmangfaldlova, 19.06.2009.

Verneforskrift – formål § 2.Formål Formålet med opprettinga av Trollstigen landskapsvernområde er å: - ta vare på eit særprega og vakkert natur- og kulturlandskap, der seterhus, setervollar og kulturminne etter fangst og beitebruk utgjer ein vesentleg del av landskapet sin eigenart - ta vare på eit samanhengande område varierande frå høgfjellet med leveområda til villreinen i Ottadalen nord til skogområda øvst i Isterdalen og Meiadalen - ta vare på geologiske førekomstar og landskapsformer.

Ålmenta skal ha tilgang til naturoppleving gjennom utøving av tradisjonelt og enkelt friluftsliv med liten grad av teknisk tilrettelegging.

http://www.nasjonalparkstyre.no/reinheimen Saksbehandlar Mari Melbø Rødstøl Side 3 av 5

§3 Vernereglar 1.1. Inngrep i landskapet

Området er verna mot inngrep som vesentleg kan endre eller verke inn på landskapet sin art eller karakter. Med dei unntaka som følgjer av forskrifta punkt 1.2. og 1.3. er det forbod mot inngrep som oppføring, påbygging og ombygging av bygningar eller anlegg og andre faste eller midlertidige innretningar, vegbygging, vassdragsregulering, oppdemmingar, inngjerding av utmarksareal, oppdyrking og beitekultivering, treslagsskifte, drenering og annan form for tørrlegging, uttak, oppfylling, planering og lagring av masse, framføring av luftleidningar, bergverksdrift og annan form for grave-, sprengings- eller borearbeid, sprøyting med kjemiske middel, plassering av campingvogner og bubilar, riving av seteranlegg, etablering og merking av turstiar, forureining og forsøpling. Kulturminne skal vernast mot skade og øydelegging. Opplistinga er ikkje uttømmande.

Fylkesmannen avgjer i tvilstilfelle om eit tiltak kan endre landskapet sin art eller karakter vesentleg.

1.2. Reglane i 1.1. er ikkje til hinder for: e) Vedlikehald av merka stiar, løyper, bruer og skilt som kan oppretthaldast i medhald i forvaltningsplanen.

Forvaltningsplanen for Reinheimen kap 6 . Trollstigen lvo 6.4.2 Retningsliner Med direkte heimel i verneforskrifta og i samsvar med forvaltningsplanen kan det gjerast vedlikehald av eksisterande stigar med varding, bruer og klopper (Jf kart nr 4 og 5) Etter søknad kan forvaltningsstyresmakta godkjenne oppgradering eller anna endring av standard i forhold til vernetidspunktet og opparbeiding og merking av nye stigar og løyper når det ikkje skadar verneverdiane. Forvaltningsstyresmakta kan gje løyve til enkle tiltak som kan styrke friluftslivet eller ei næringssatsing knytt til verneområdet eller som kan kanalisere ferdsla. Med enkle tiltak er det her tenkt på: Stutte merka ruter evt. med førar (car walks) Naturstigar Småskala reiselivsutvikling i seterområda Tilrettelegging av enkelte kulturminne for formidling av historia knytt til bruken av området.

5.1. Forbod mot motorferdsel

Motorferdsel til lands og på vatn og landing med luftfartøy er forbode.

Forvaltningsplan I Trollstigen landskapsvernområde er motorisert ferdsel i utgangspunktet forbode og særleg konfliktfylt fordi lvo skal være skjerma for unødvendig støy og uro. Transportar skal ha eit klårt nytteformål.

Naturmangfaldlova

http://www.nasjonalparkstyre.no/reinheimen Saksbehandlar Mari Melbø Rødstøl Side 4 av 5

I tillegg til behandling etter verneforskrift og eventuelle retningsliner i forvaltningsplan må søknaden også vurderast etter naturmangfaldlova, herunder dei miljørettslege prinsipp i §§ 8-12 (kunnskapsgrunnlag, føre-var prinsippet, samlet belastning på økosystemet, kostnader ved miljøforringelse bæres av tiltakshaver samt miljøforsvarlige teknikker og driftsmetoder), jf. § 7.

Vurdering

I besøksstrategien for Reinheimen nasjonalpark er Kløvstien utpeika som ein prioritert sti som skal synleggjerast for besøkande. Det er viktig at stien er godt tilrettelagt om denne stien blir marknadsført. Vedlikehald av stiar er og heimla i § 3 punkt 1.2.

Etter synfaringa med Nils Hole ser vi at tiltak bør gjerast for å oppretthalde god tilstand på stien. Vi gir løyve til tiltak 3 og tiltak 4 som ligg innanfor landskapsvernområdet. Tiltak 5 vil vi fyrst få ein avklaring frå NVE, før vi gir nokon løyve der. Tiltak 1 og 2 ligg utanfor verneområdet, så eventuelle løyver der må avklarast med kommune og grunneigar.

Motorisert ferdsel for å gjere vedlikehald av sti er det ikkje heimel i forskriftene for verneområdet, men vi finn heimel i naturmangfaldlova § 48 til å gi løyve. Tiltaket er ikkje i strid med verneføremålet og påverkar ikkje verneverdiane nemndeverdig.

Kunnskapsgrunnlaget – jf. naturmangfaldlova § 8 – er vurdert som tilstrekkeleg, og det er ikkje nødvendig å ta i bruk naturmangfaldlovas § 9, «føre-var-prinsippet». Køyringa skal skje på allereie etablert traktorveg og vil ikkje forringe naturkvalitetane. § 12 Miljøforsvarlege teknikkar og driftsmetode: Bruk av traktor vil være til stor nytte for å køyre fram tung grus til staden. Etter § 10 “Økosystemtilnærming og samlet belastning”, skal eit vedtak vurderast i høve til samla påverknad/forstyrring i verneområdet. Belastninga for verneområdet ved å nytte traktor på traktorvegen er akseptabelt og vil være forbigåande.

Nytta av tiltaka som blir gjort på stien vurderast som større enn ulempa ved å nytte motorisert ferdsel, og vi vil difor gi løyve til både kloppelegging og bruk av traktor.

Med helsing

Mari Melbø Rødstøl nasjonalparkforvaltar

Etter våre rutinar er dette brevet godkjent og sendt utan underskrift

Kopi til: Statens naturoppsyn v/Thomas Rødstøl Statens Naturoppsyn v/Per Olav Haugen Fylkesmannen i Møre og Postboks 2520 6404 Kristine Sørlie Nils Hole Rauma kommune Vollan 8A 6300 ÅNDALSNES Fylkesmannen i Innlandet Postboks 987 2604 LILLEHAMMER

http://www.nasjonalparkstyre.no/reinheimen Saksbehandlar Mari Melbø Rødstøl Side 5 av 5