Formannskapet 15.10.2013

MØTEINNKALLING Tysnes kommune

Utval : FORMANNSKAPET Møtestad : Rådhuset Møtedato : 15.10.2013 Tid : 09:00

SAKLISTE:

Utvalsaknr. Arkivsaknr. Tittel

PS 74/13 13/838 GODKJENNING AV KVAM OG OSTERØY KOMMUNAR SOM NYE DELTAKARKOMMUNAR I BOF

PS 75/13 13/765 FRAMLEGG TIL REGULERINGSPLAN FOR BUSTADFELT KROKJEN - LANDE. DEL AV GNR.94 VÅGE OG GNR.91 LANDE.

PS 76/13 13/736 OPPMODING OM BUSETJING AV FLYKTNINGAR 2012 - 2014

PS 77/13 13/510 BUDSJETT 2014 - ØKONOMIPLAN 2014 - 2017

PS 78/13 13/867 TYSNES NÆRINGSRÅD - SØKNAD OM TILSKOT TIL JULESEMINAR

PS 79/13 13/769 FORMANNSKAPET - YMSE 2012 - 2013

Drøftingssaknummer:

1. STRANDSONEPLAN 2. UTBYGGINGSAVTALER FOR NYE BYGGJEOMRÅDE YMSE

Tysnes ordførarkontor, 10. oktober 2013

Kjetil Hestad

Postadresse: Besøksadresse: Rådhuset Telefon: 53 43 70 00 5685 UGGDAL UGGDAL Telefaks: 53 43 70 11 SAKSFRAMLEGG Tysnes kommune

GODKJENNING AV KVAM OG OSTERØY KOMMUNAR SOM NYE DELTAKARKOMMUNAR I BOF

Sakshandsamar: Vibeke Øxnevad Stoltz

Arkivsak : 13/838 - Arkivkode: 245

SAKSUTGREIING:

Kvam og Osterøy kommunar har etter einstemmige kommunestyrevedtak søkt om å verta nye deltakarkommunar i Bergen og Omland Friluftsråd (BOF).

I vedtekene for BOF § 1 heiter det:

«Tilslutning fra nye deltagerkommuner må godkjennes av årsmøtet og kommunesty- rene i alle deltagerkommunene».

Styret i BOF legg no opp til å få gjennomført handsaming og vedtak i alle medlemskommu- nane før årsskiftet. Deretter vil årsmøtet 2014 kunna gjera eit endeleg vedtak slik at kommunane kan verta deltakare i det interkommunale samarbeidet frå 2014.

INNSTILLING FRÅ RÅDMANNEN:

Tysnes kommune gjev sin tilslutnad til at Kvam og Osterøy kommunar blir nye deltakarkommunar i Bergen og Omland Friluftsråd.

SAKSPROTOKOLL

FRAMLEGG TIL VEDTAK FRÅ FORMANNSKAPET 15.10.2013:

Tysnes kommune gjev sin tilslutnad til at Kvam og Osterøy kommunar blir nye deltakarkommunar i Bergen og Omland Friluftsråd.

SAKSFRAMLEGG Tysnes kommune

FRAMLEGG TIL REGULERINGSPLAN FOR BUSTADFELT KROKJEN - LANDE. DEL AV GNR.94 VÅGE OG GNR.91 LANDE.

Sakshandsamar: Nils Eivind Hansen

Arkivsak : 13/765 - Arkivkode: 504

Vedlegg: 1. Skriv dagsett 21.06.13 frå siv.ing. Vidar Mjøs med planomtale, plankart og reguleringsføresegner 2. Skriv dagsett 13.06.13 frå siv.ing. Vidar Mjøs med merknader og kommentarer til merknadane 3. Illustrasjonsplan, snitt og snittplan, arealoversyn

SAKSUTGREIING:

Opstartsmelding. I sak PS 28/11 vart det gjeve oppstartsløyve for reguleringsplan «Kroken». Tiltakshavar Tys- nes Bolig AS. Reguleringsplanframlegget vart ikkje slutthandsama grunna behov for revurde- ring av tilkomstløysingar.

Tysnes Bolig AS og Fronta Bolig AS har inngått samarbeid om ei vidareføring og utviding av tidlegare planarbeid som Tysnes Bolig AS starta i 2011.

I samband med revidering av arealdelen til kommuneplanen vart planområdet på Lande utvida til også å gjelda arealet langs austsida av Landevegen til fylkesvegen ved krysset til Windsor/Vågsmarka. Planframlegget omfattar no bustadareal på delar av gnr.91 Lande og delar gnr.94 Våge. Som kjent har Fronta Bolig AS overteke gnr.91 bnr.4 på Lande.

Siv.ing. Vidar Mjøs har utarbeida planframlegget. Formell oppstart av planprosessen vart varsla med brev av 11.04.13 og kunngjering i Bladet Tysnes. Grunneigarar, naboar og offentlege instansar er varsla med eige brev.

Oppstart av reguleringsarbeid framgår av § 12-8 i plan- og bygningslova. Ved oppstart av arbeid med reguleringsplanar er det krav om varsling av offentlege organ og andre med inte- resse i saka. Dersom reguleringsplanen avvik frå kommuneplanen skal den alltid vurderast opp mot forskrift om konsekvensutgreiing (KU). Vesentlege avvik frå kommuneplanen vil krevja planprogram og konsekvensutgreiing. Jfr. kapittel 4 i plan- og bygningslova vedk. planprogram, planskildring og konsekvensutgreiing, og ROS-analyse.

Omsøkt planområde er i arealdelen til kommuneplanen avsett til bustadområde med krav om utarbeiding av reguleringsplan før det kan iverksetjast tiltak i området. Løyve til oppstart for utarbeiding av reguleringsplanen er gjeve med utgangspunkt i vedtak i kommunestyret 26.04.12 der arealdelen i kommuneplanen vart godkjent.

Planframlegg

Planframlegget omfattar Tysnes Bolig AS og Fronta Bolig AS sine utbyggingsområde på Lande og Kroken.

I planframlegget er plankartet utforma som ein flateplan, dvs, ein arealplan som ikkje viser bygg og tomtedelingslinjer. Illustrasjon av byggnad og anlegg er vist på eige illustrasjonskart, og på snittplan og snitt. Illustrasjonane er ikkje bindande.

Illustrasjonsplan til planframlegget viser 10 stk. firemannsbustader (40 bueiningar) for utbyg- gingsområdet på Krokjen medan utbyggingsområdet på Lande er vist med 6 stk. firemannsbustader (24 bueiningar). Føresegnene til planen opnar imidlertid for at byggnaden også kan utførast som einebustader, tomannsbustader eller rekkjehus. Uttnyttingsgraden er sett til 40% BYA for alle byggjeområda.

I planprosessen har det vore vurdert 2 alternative tilkomstvegar, ei nedre linje (alt.1) og ei øvre linje (alt.2). Planframlegget viser at vegtilkomsten vil bli frå den øvre linja. Bakgrunn for denne løysinga framgår av planomtalen side 7-10. Veg 1 inn i planområdet er planlagt som offentleg veg. VA-anlegg (vatn og avløp) er planlagt tilkopla Tysnes Vassverk sitt leidningsnett for vatn og Tysnes kommune sitt leidningsnett for avløp.

Merknader til oppstartsvarsel

Det er motteke merknader til oppstart av arbeid med utvida reguleringsplan frå: 1. Per Gunnar Lande, 21.04.2013 2. Erik Dalland, 23.04.2013 3. Ove Kolltveit, 23.04.2013 4. Statens vegvesen, 24.04.2013 5. Fylkesmannen i Hordaland, Kommunal- og samfunnsplanavdelinga, 02.05.2013. 6. Kristine og Joar Epland, Jorunn Dalland og Torbjørn Onarheim, 03.05.2013 7. Inge O. Waage, også for dei andre grunneigarane (Hildegunn Knudsen, Anne Elisabeth Waage, Lars Hendrik Waage), 10.05.2013 8. Ase K. Egeland og Rune Forland, 08.05.2013 9. Hordaland fylkeskommune, 07.05.2013

Planleggjar siv.ing. Vidar Mjøs har i skriv dagsett 13.06.13 kome med kommentarer og si vurdering av merknadane, jfr. vedlegg.

Fagetaten sine kommentarer til merknadane:

1. I forhold til Grønnstruktur vert det vist til kommentarer frå fagetaten nedanfor og innstillinga frå rådmannen. Når det gjeld forhold til takhøgde på bustadane på Kroka- jorda vert det vist til illustrasjonsplan og snittplan dagsett 13.06.13 frå siv.ing. Vidar Mjøs. I møte mellom kommunen og utbyggjar har det frå kommunen si side vore yn- skjeleg å innlemma også dei andre byggjeområda på Lande i planarbeidet, men det har ikkje vore noko krav. Planleggjar har i denne samanheng også påpeika at han er engasjert av Tysnes Bolig AS og Fronta Bolig AS. 2. Eksisterande avkjørsler vert ikkje endra. 3. Eksisterande avkjørsler vert ikkje endra. 4. Krysset mellom Landevegen og fylkesveg 49 ligg innanfor reguleringsplan for tilkomstveg til Vågsmarka. Ei evt. utbetring av krysset bør difor gjerast gjennom ei endring av den planen. 5. Til fylkesmannen sin merknad vert det vist til konsekvensutgreiing og ROS-analyse i samband med revidering av arealdelen til kommuneplanen for område T01 på Lande. Syner forøvrig til det som framgår i pkt.9 nedanfor i kommentar til fylkeskommunen sin merknad. 6. Landevegen vert regulert med ein kjørebane og fortau utan å endra avkjørselen. Tilknyting til planområdet vert vanskeleg då ein må gå over «annan mann» sin eige- dom og det her ligg inne søknad om frådeling av ei bustadtomt. 7. Avkøyrsle til tilkomstveg (veg 3) for bustadområde B6 kan i praksis ikkje flyttast lenger nordover pga bratt terreng og stigningsforhold. 8. Slik tilkomstveg (veg 1) inn i planområdet er planlagt kan gnr.91 bnr.1 få ei framtidig utnytting på begge sider av vegen noko som ikkje treng vera til ulempe for bruket. 9. I forhold til fylkeskommunen si tilråding om at planprogrammet for Våge sentrum óg vert nytta for denne planen, og at dei begge to planområda vert konsekvensutgreidd samla, vert det vist til tidlegare møtebok for oppstartsmelding for Krokjen, jfr. sak PS 28/11. Her framgår i saksutgreiinga at Konsekvensutgreiing av arealet er i kommuneplanprosessen under arbeid, og vil gå parallelt, men i forkant av arbeidet med reguleringsplanen. Heile området for Kroken ligg innafor plangrensene for Våge sentrum. Vidare heiter det at I kva grad det no kunne starta opp arbeid med reguleringsplan for Kroken, midt i kommuneplanprosessen, vart teke opp med fylkesmannen i møte den 15. februar d.å.(2011). Slik situasjonen var gav fylkesmannen eit positivt signal på at arbeidet med ein detaljplan for Kroken kunne starta opp utan krav om planprogram og eigen konsekvensutgreiing. Dette då denne delen vart teke samtidig i kommuneplanprosessen. I vedtaket frå oppstartsmeldinga for Krokjen framgår at formannskapet ikkje vurderer det slik at planen for Krokjen kjem inn under krav om konsekvensutgreiing.

Forhold til naturmangfaldlova

I samband med oppstartsmeldingar skal det m.a. takast stilling til om kunnskapsgrunnlaget for naturmangfaldtema er vurdert til å vera tilstrekkeleg i forhold til planlagd utbygging, eller om det skal gjennomførast meir kartlegging av biologisk mangfald for å styrka kunnskapsgrunnlaget (jfr. § 8 i naturmangfaldlova).

I planomtalen framgår at ein ikkje kjenner til at det innanfor planområdet er registrert naturtypar som berører naturmangfaldet slik dette omgrepet er definert i NML (naturmangfold- lova). Det vert m.a. vist til konsekvensutgreiing i samband med revidering av arealdelen til kommuneplanen for området T01 på Lande der det ikkje er registrert naturmangfald innanfor området avsett til bustad.

Utifrå søk i naturbasen til Direktoratet for naturforvaltning og artskart i artsdatabanken, er det pr. 07.10.13 ikkje registrert naturtypar eller artar innanfor planområdet.

Med bakgrunn i denne kunnskapen er det ikkje vurdert å vera konflikt mellom planen og naturmangfaldet i området.

Konsekvensutgreiing

I utgangspunktet skal det utarbeidast planprogram med konsekvensutgreiing for alt areal som ikkje ligg inne i kommuneplanen sin arealdel.

Omsøkt planframlegg er i samsvar med overordna plan. I samband med revidering av arealdelen til kommuneplanen vart det utført konsekvensutgreiing for området T01 på Lande.

Etter kommunen si vurdering avvik ikkje planframlegget i vesentleg grad frå overordna plan slik at det vil medføra at planen kjem inn under § 5 i forskrift for konsekvensutgreiing.

Planfagleg vurdering

I planframlegget er plankartet utforma som ein flateplan, dvs. ein arealplan som ikkje viser bygg og tomtedelingslinjer. Som det framgår av planomtalen og føresegnene kan det oppfø- rast både einebustader, fleirmannsbustader og rekkjehus. Planframlegget tilrettelegg såleis for ei forholdsvis fleksibel utbygging. Generelt set føresegnene lite krav i forhold til bygging på tomtane.

Etter fagetaten si vurdering burde reguleringsføresegnene i større grad vore tilpassa føreseg- nene i arealdelen til kommuneplanen. Særleg i høve til det som går på landskapstilpassing, utforming av bygg, leikeareal og parkering. Det vert i denne samanheng vist til følgjande punkt i kommuneplanen:

«Pkt.3 Generelle føresegner: pkt. 3.5: I samband med planlegging og gjennomføring av tiltak skal det leggjast til rette for universell utforming. Dette gjeld særskilt bustader, offentlege bygg med uterom, haldeplassar for kollektivtrafikk og publikumsretta verksemd. Heimel: PBL § 11-9 nr. 5.

pkt.3.8: Det skal leggast vekt på god landskapstilpassing og stadeigen byggeskikk ved oppføring av nye bygningar og anlegg. Nybygg skal tilpassast eksisterande tomte- og utbyggingsstruk- tur, og tilgrensande bygg ved plassering, utnyttingsgrad, volum, takform, material- og fargeval. Omsynet til landskap, jordvern, naturmangfald, kulturminne og kulturmiljø skal ivaretakast. Heimel: PBL §§ 11-9 nr. 6 og nr. 7

pkt. 3.12: BYA: For alle einebustadtomter – både i utbyggingsområde og i LNF-spreidd bustadom- råde – gjeld BYA maks 35% for tomtestorleik opp til 1000 kvm. Ved større tomter skal 1 daa tomteareal leggjast til grunn for utrekninga av BYA. Denne føresegna gjeld ved mot- strid framfor alle reguleringsplanar vedtekne 2006 eller tidlegare. Heimel: Pbl § 11-9 nr 5 og § 1-5.

pkt. 3.13: Parkeringsdekning for bustadområde: Det skal leggjast til rette for min. 1,5 parkeringsplass pr bustadeining under 100 kvm BRA og min. 2 parkeringsplassar pr bustadeining over 100 kvm BRA. For einebustader skal det uansett storleik leggjast til rette for min. 2 parkeringsplassar, med tillegg av éin parkeringsplass pr utleigeeining dersom etablering av kjellarhusvære el.l. Ved etablering av garasje/ carport må min. 1 parkeringsplass etablerast utanom. Ved etablering av carport/ garasje skal det vere min. 5 m fri innkjø- ringssone på eiga tomt. Heimel: Pbl § 11-9 nr. 5.

pkt. 3.14: Leikeareal: For utbyggingsområde med 4 bustadeiningar eller meir skal det for kvar eining setjast av min. 50 m2 areal til felles bruk for leik og opphald, 25 m2 i konsentrerte bustadområde. Alle bustader skal ha ein nærleikeplass på min. 150 m2 lokalisert mindre enn 100 meter unna med trafikksikker tilkomst frå bustadene. Leikearealet skal ha ei god utforming og lokalisering med tanke på sol- og vindtilhøve, støy, og trafikksikring. I bu- stadområde med meir enn 25 bustadeiningar skal det i tillegg avsetjast areal til eit større leike- og opphaldsareal. Heimel: Pbl § 11-9 nr. 5.

Pkt. 4 Bygningar og anlegg PBL § 11-7 nr. 1: pkt. 4.1.3 Ved utarbeiding av reguleringsplan skal det leggjast vekt på terrengtilpassing av tiltaka, slik at ein i størst mogleg grad unngår større inngrep. Heimel: PBL § 11-9 nr.6.

pkt. 4.1.4 Ved utarbeiding av reguleringsplan skal eigna areal for barn og unge lokaliserast før bustader og vegar vert plassert. Areal for felles leik skal ha solrik plassering og vere skjerma mot skjenerande vind, ureining, støy, sterke elektromagnetiske felt og trafikkfare. Areala skal ha eit utandørs ekvivalent støynivå under 55 dB(A), og areal brattare enn 1:3 og smalare enn 10 m skal ikkje reknast med. Felles leikeareal skal opparbeidast før bustadane kan takast i bruk. Heimel: PBL §§ 11-9 nr.4, 5 og nr 8.»

Med bakgrunn i ovanståande har fagetaten følgjande kommentarer til reguleringsføresegnene for planområdet Krokjen - Lande: Pkt 1.b. bør endrast til slik det er formulert i føresegnene i arealdelen til kommuneplanen:

« Dersom det i samband med gravearbeid vert avdekka automatisk freda kulturminne, eller det viser seg at tiltaket vil verke inn på eit automatisk freda kulturminne, skal arbeidet straks stansast og fylkeskonservatoren få melding for ei nærare gransking på staden, jfr. Kulturminnelova § 8, 2. ledd.»

Til pkt 2.a.ii kan merkast at det ikkje er noko parkeringsnorm i kommunen utover det som framgår i føresegner til arealdelen til kommuneplanen. Følgjande framgår av pkt.3.13 i føre- segnene til kommuneplanen vedk. parkeringsareal:

« Parkeringsdekning for bustadområde: Det skal leggjast til rette for min. 1,5 parkeringsplass pr bustadeining under 100 kvm BRA og min. 2 parkeringsplassar pr bustadeining over 100 kvm BRA. For einebustader skal det uansett storleik leggjast til rette for min. 2 parkeringsplassar, med tillegg av éin parkeringsplass pr utleigeeining dersom etablering av kjellarhusvære el.l. Ved etablering av garasje/ carport må min. 1 parkeringsplass etablerast utanom. Ved etablering av carport/ garasje skal det vere min. 5 m fri innkjø- ringssone på eiga tomt. Heimel: Pbl § 11-9 nr. 5.»

Med bakgrunn i at det vert lagt opp til ei fleksibel utbygging er det vanskeleg å vita kor mange parkeringsplasser det vert trong for. Det burde i større grad vore vist korleis ein har tenkt å løysa parkeringsbehovet ved full utnytting av bustadområda.

Til pkt.3 om rekkefølgjekrav går det fram at Landevegen skal vera utbetra med fortau eller gangveg før nye bustader kan takast i bruk. Utifrå eit planfagleg synspunkt er dette ein naturleg føresetnad som bør vera med i planframlegget. Dette inneber imidlertid eit «press» ovanfor kommunen i forhold til at fortau/gangveg må vera på plass før nye bustader kan takast i bruk. Det kan evt. vurderast om eit visst antal bueiningar skal vera utbygd før kravet om utbetring og fortau langs Landevegen trer i kraft.

Pkt.3b i føresgnene bør endrast med same føresetnad som pkt.3a:

Gangvegar og areal og anlegg for leik og opphald innafor dei enkelte byggjeområde skal vera ferdigstilt samtidig med anna infrastruktur som vegar, vatn og avløp før nye bustader kan takast i bruk.

I pkt.4.a.ii framgår at veg 1 skal vera ein offentleg veg. Etter det ein kjenner til er det ikkje gjort avtale med kommunen at dette skal vera ein kommunal veg, men meir eit ynskje frå utbyggjar.

Til pkt 5. Grønnstruktur har fagetaten kommentar til korleis leikeareal blir utforma, planert og plassert, dersom ein får ei utbygging med 68 nye bustadeiningar. Det bør gå tydlegare fram korleis ein vil løysa areal for opphald og leik i forhold til det som framgår av pkt.3.14 i føre- segnene i arealdelen til kommuneplanen.

I tidlegare saksutgreiing for Krokjen er det påpeika at det er sett av rikeleg areal for leik og opphald, men det vert stilt spørsmålsteikn til kvaliteten då arealet ligg i bratt terreng. Føl- gjande framgår av pkt. 3.14 i føresegner til arealdelen til kommuneplanen vedk. leikeareal:

« Leikeareal: For utbyggingsområde med 4 bustadeiningar eller meir skal det for kvar eining setjast av min. 50 m2 areal til felles bruk for leik og opphald, 25 m2 i konsentrerte bustadområde. Alle bustader skal ha ein nærleikeplass på min. 150 m2 lokalisert mindre enn 100 meter unna med trafikksikker tilkomst frå bustadene. Leikearealet skal ha ei god utforming og lokalisering med tanke på sol- og vindtilhøve, støy, og trafikksikring. I bu- stadområde med meir enn 25 bustadeiningar skal det i tillegg avsetjast areal til eit større leike- og opphaldsareal. Heimel: Pbl § 11-9 nr. 5.»

Forøvrig kan merkast at det ikkje står noko om universell utforming eller livslaupstandard i reguleringsføresegnene til planframlegget. Vidare bør det som tidlegare nemnd takast med noko om landskapstilpassing og utforming slik som framgår av pkt.3.8 i føresegnene til arealdelen til kommuneplanen. Til dømes at det i samband med byggjesøknad skal sendast inn terrengprofiler som syner planlagd bygg i forhold til eksisterande og nytt terreng.

I forhold til utnyttingsgrad er denne sett til 40 % BYA i planframlegget medan føresegnene i arealdelen til kommuneplanen seier maks 35 % BYA for einebustadtomter. I og med at det i planframlegget er lagt opp til ei forholdsvis fleksibel utbygging, kan det bli vanskeleg å for- halda seg til utnyttingsgraden som framgår av føresegnene i kommuneplanen.

I planframlegget er det ikkje vist areal for renovasjon. Med ei såpass tett utnytting som det er lagt opp til i planen, burde det vore avsett areal til oppstillingsplasser for bossdunkar. Dersom renovatør evt. skal nytta veg 1 for henting av boss, må snuplass i enden av vegen vera dimensjonert for renovasjonskjøretøy.

Utbyggingsavtale

I og med at Landevegen er kommunal, og at evt. veg 1 skal vera offentleg veg, ser planleggjar føre seg at det må framforhandlast ein utbyggingsavtale med kommunen. Dette gjeld spesielt i forhold til ansvaret for prosjektering, finansiering, gjennomføring og drift av dei ulike an- leggselementa som inngår i tilretteleggingsarbeidet for aktuelle byggjeområde, med kostnads- overslag og fordelingsnøklar for anleggsbidrag og evt. forskottering. Etter det ein forstår har ikkje spørsmålet om utbyggingsavtale vore teke opp med kommunen. Planleggjar påpeikar at det kan leggast opp til parallell handsaming av reguleringsplan og utbyggingsavtale.

Tilrettelegging av private felt skjer som oftast i privat regi der utgifter vert fordelt på dei som etablerer seg i felta på same vis som kommunale byggjefelt, der kostnadane for opparbeiding vert fordelt på tomtekjøparane.

Oppsummering

Med bakgrunn i dei tilrådingar som er påpeika ovanfor meiner rådmannen at planframlegget for Krokjen – Lande kan leggast ut til offentleg ettersyn. Endringar og tillegg må rettast opp av planleggjar før planframlegget vert kunngjort og lagt ut til offentleg ettersyn. Regulerings- planarbeidet kan vidareførast uavhengig av ein utbyggingsavtale.

INNSTILLING FRÅ RÅDMANNEN:

Framlegg til reguleringsplan for del av gnr.94 Våge og gnr.91 Lande dagsett 16.05.13 m/tilhøyrande reguleringsføresegner vert lagt til grunn for det vidare planarbeidet med føl- gjande tillegg og endringar

Pkt 1.b. i reguleringsføresegnene vert endra til:

Dersom det i samband med gravearbeid vert avdekka automatisk freda kulturminne, eller det viser seg at tiltaket vil verke inn på eit automatisk freda kulturminne, skal arbeidet straks stansast og fylkeskonservatoren få melding for ei nærare gransking på staden, jfr. Kulturminnelova § 8, 2. ledd. Pkt 2.a.ii i reguleringsføresegene vedk. parkeringsareal må i større grad synleggjerast korleis vert løyst ved full utnytting av bustadområda i forhold til det som framgår av pkt.3.13 i føresegnene til arealdelen til kommuneplanen.

Pkt.3b i reguleringsføresgnene vert endra til: Gangvegar og areal og anlegg for leik og opphald innafor dei enkelte byggjeområde skal vera ferdigstilt samtidig med anna infrastruktur som vegar, vatn og avløp før nye bustader kan takast i bruk.

Pkt.4.a.ii går ut som offentleg veg, evt. vert erstatta med at veg 1 er planlagt som privat veg.

Pkt.5.a i reguleringsføresegene vedk. leikeareal må i større grad synleggjerast korleis vert løyst ved full utnytting av bustadområda i forhold til det som framgår av pkt.3.14 i føresegnene til arealdelen til kommuneplanen.

Det vert lagt inn i føresegnene pkt.6 at - Ved utbygging av bustadområda skal det leggast vekt på god landskapstilpassing - Bygningane si plassering, utforming og møneretning skal fastsetjast nærare i ein detaljert byggesak. - I samband med byggjesøknad skal sendast inn terrengprofiler som syner planlagd bygg i forhold til eksisterande og nytt terreng.

Det vert lagt inn i planen område/areal for felles renovasjon.

Det vert lagt inn i føresegnene pkt.4 at snuplass i ende av veg 1 er dimensjonert for renovasjonskjøretøy.

I samsvar med §§ 12-1, 12-10 og 12-11 i plan- og bygningslova vert oppretta planframlegg lagt ut til offentleg ettersyn og sendt offentlege instansar for uttale.

Etter Tysnes kommune si vurdering kjem ikkje reguleringsplanen inn under § 5 i forskrift om konsekvensutgreiing.

SAKSPROTOKOLL

VEDTAK I FORMANNSKAPET 15.10.2013:

Pkt 1.b. i reguleringsføresegnene vert endra til:

Pkt.4.a.ii går ut som offentleg veg, evt. vert erstatta med at veg 1 er planlagt som privat veg.

Det vert lagt inn i planen område/areal for felles renovasjon.

Det vert lagt inn i føresegnene pkt.4 at snuplass i ende av veg 1 er dimensjonert for renovasjonskjøretøy.

I samsvar med §§ 12-1, 12-10 og 12-11 i plan- og bygningslova vert oppretta planframlegg lagt ut til offentleg ettersyn og sendt offentlege instansar for uttale.

Etter Tysnes kommune si vurdering kjem ikkje reguleringsplanen inn under § 5 i forskrift om konsekvensutgreiing.

SAKSFRAMLEGG Tysnes kommune

OPPMODING OM BUSETJING AV FLYKTNINGAR 2012 - 2014

Sakshandsamar: Lars Trane

Arkivsak : 13/736 - Arkivkode: 391

SAKSUTGREIING:

1 Innleiing

Den første førespurnaden frå IMDI kom 17.08.12 med oppmoding om Tysnes kommune kunne ta imot 10 flyktningar årleg i perioden 2012 – 2014.

I brev til IMDI dagsett den 02.11.2012 vart det vist til at busituasjonen kring svartidspunktet ikkje var av ein slik art at ein kunne sei ja til oppmodinga frå IMDI. Førebels svar var at kommunen vil arbeida med å leggja til rette for eit jamt mottak delt over fleire år.

I skriv dagsett 2. mai d.å retta IMDI ein ny førespurnad til Tysnes kommune om busetjing av flyktningar. I førespurnaden la dei opp til eit årleg mottak av 10 flyktningar 2014 – 2016.

Saka var oppe i formannskapet den 27.08.2013 med fylgjande innstilling frå rådmannen:

«Tysnes kommune imøtekjem IMDI si anmodning om mottak av flyktninger for 2014.

6 bueiniger i hovudbygget på Hovland vert omdisponert til formålet.

Føresetnaden vert innarbeida i arbeid med budsjett for 2014 og det vert lagt frem ei samla sak om busetjing hausten 2013»

Det blei fatta eit prinsippvedtak i formannskapet der det vart slutta at administrasjonen skulle utreda ei sak med bakgrunn i dette brevet.

I dette saksframlegget vil ein gje eit oversyn over saka, samt visa ulike sidar ved ei eventuell busetjing av flykningar i perioden 2014 – 2016. Ein vil særskilt retta merksemnda mot øko- nomien knytt til eit mottak av flyktningar.

I formannskapet sitt vedtak i august i år var det i utgangspunktet stemning for å ta imot inntil 5 flyktningar per år. Ser me berre på folketal med utgangspunkt i IMDI sine forholdstal, til- seier det at Tysnes kommune kan/skal ta imot inntil 6 flyktningar årleg. Eit forhaldstall rekna ut frå IMDI bererkna berre på folketal, vil det sei at Tysnes kommune skal ta imot 6 flyktningar årleg, medan deira anmodning gjeld 10 personer årleg i perioden. Med bakgrunn i desse tala har me greia ut saka med utganspunkt i eit mottak av 5 og 7 flyktningar per år.

1.1. Sentrale omgrep

Flyktning/innvandrar/asylsøkjar: Ein flyktning er en person som har måtta flykta på grunn av fare for liv og helse. Grunnane til dette kan mellom anna vera politiske meiningar, religion eller etnisk opphav.

Asylsøkjarar er personar som kjem til eit anna land uten på førehand å vera «anerkjent» som flyktning. Søknad om asyl vert oftast grunngjeve i politiske, etniske og religiøse årsaker.

Innvandrarar er, etter regjeringena sin definisjon, personar som sjølve har innvandra til No- reg, og der begge foreldra er fødde i utlandet.

Integreringsfasen er dei 5 åra den einskilde kommune mottek tilskot for flyktningar. Til- skota vert trappa ned for kvart år.

2 Økonomiske føresetnader

I dag utgjer ulike tilskot frå staten det sterkaste incentivet til at norske kommunar kan ta imot flyktningar.

Integreringstilskotet frå staten er det viktigste økonomiske middelet i arbeidet med å busetja og integrera personar med flyktningebakgrunn. Me vil nedanfor vise kva ulike tilskot ein mottar i samband med mottak av flykningar. Lista er ikkje uttømmande då det finst særlege tilskot som kan søkjast om for flyktningar med særskilde behov.

2.1 Integreringstilskot

Kommunane får eit 5-årig integreringstilskot ved busetjing av flyktningar og personar med opphald på humanitært grunnlag, samt familieinnvandring med desse. Det samla tilskotet utgjer i dag:

Kr. 668.000 for einslige vaksne

Kr. 616.800 for vaksne

Kr. 596.800 for born

Kr.616.800 for einslige mindreårige

Tilskota er ulikt fordelt gjennomg tilskotsperioden:

År 1 kr.215.000, einsleg vaksen kr.165.000, vaksen kr.145.000, born

År 2 kr. 166.800

År 3 kr.135.000

År 4 kr.80.000

År 5 – kr.70.000

Personar som får vedtak om «familiegjenforening» med ein person som har opphald på hu- manitært grunnlag, utløyser integreringstilskot i 3 år. Ordninga gjeld for personer som har fått opphalds- eller arbeidsløyve eller er busett i ein kommune etter 01.01.2006.

Born fødde inntil 6 mnd etter at mor er busett i ein kommune vert frå 2011 omfatta av mål- gruppa for integreringstilskot. Dette gjeld ikkje for born som får vedtak om familieinnvandring.

Frå og med 01.07.2011 vil personar som ikkje kan returnera til heimlandet på grunn av sosi- ale eller kulturelle forhold, eller fordi dei har vore utsett for tvangsekteskap, ha rett og plikt til introduksjonsprogram og utløysa integreringstilskot.

Integreringstilskotet skal dekkja kommunen sine gjennomsnitteige utgifter i busetjingsåret og dei fire neste åra. Dette gjeld utgifter som introduksjonsstønad, sosialhjelp, barneverntenester, tolketenester, barnehagetenester (friplass i inntil 2 år), helsetenester, flyktningtenester, kvali- fiseringstiltak med vidare.

2.2 Andre tilskot

Tilskot til busetjing av personer med alvorleg kjente funksjonshemmingar eller åtferdsvans- kar er eit busetjingsfremjande stimuleringstilskot, som kommunen kan søkje særskilt om. Ordninga skal dekkja ekstraordinære kommunale utgiftar som fylgje av ei slik busetting. Dette er øyremerkte eingongstilskot på kr. 165.100. Det vert stilt krav til omfattande doku- mentasjon frå medisinsk hald og andre fagkyndige.

Andre tilskotsordningar er som følgjer:

Per capita tilskot (Norskopplæring/samfunnsopplæring): Dette tilskotet er eit årleg tilskot som gjeld personar i fullt program. Per 2013 er dette tilskotet slik:

År 1 31.400,- År 2 53.800,- År 3 33900,- År 4 9500,-

Grunntilskot: Dette er eit eingongstilskot til kommunane. Det blir tildelt årleg for kommunar som tek imot flyktningar. For 2013 er tilskotet som følgjer:

1-3 flyktningar 175000,-

4-150 flyktningar 540000,-

Tysnes kommune mottek slikt grunntilskot i dag, då me driv vaksenopplæring for framand- språklege.

Skuletilskot: Dette utgjer kr. 11.400,- per år, og vert gjeve så lenge barnet er i skuleplikteg alder.

Barnehagetilskot: Kommunane mottek eit barnehagetilskot for barn i aldersgruppa 0-5 år som er omfatta av integreringsordninga. Tilskotet er eit eingongstilskot og utgjer kr. 22.900,- per barn.

Innbyggjartilskot: Me vil også motta ordinært innbyggjartilskot for dei flyktningane som ein busette i kommunen.

2.3 Sentrale kostnader ved mottak av flyktningar

Introduksjonsstønad: Flyktningane mottar introduksjonsstønad i 2 år medan dei går på norskkurs 37,5 t i veka. Stø- naden er på brutto kr. 170490, noko som månadleg blir 14207,50,-(7100P) og betalast direkte ut til den einskilde frå lønningskontoret. Denne skal dekkje straum, husleige, livsopphald og transport.

Etablering: Flyktningane har krav på å motta eit fast beløp frå kommunen til etablering. Dette skal dekkja kostnader til inventar og kler. Me har i dette oppsettet stipulert eit tal på kr. 25.000,-.

Tolk: Tysnes kommune arbeider med å få til ein avtale knytt til kjøp av tolketenester. Me vil i ho- vussak nytta telefontolk då dette er rimelegare og enklare enn frammøtetolk.

Barnehage: Barn i integreringsfasen kan få inntil 2 år gratis barnehageplass eller SFO, det er mogleg å få tilskot til ekstra assistent i barnehage ved mottak av eit visst antal born.

Andre kostnader: I tillegg til ovannemnde utgifter kjem også utgifter til transport for programdeltakar i språk- praksis, eingongsyting til klede, barnehage og SFO.

Introduksjonsprogram: Alle flyktningane skal delta i introduksjonsprogram med 37,5 timar per veke. Dei skal då læra norsk og samfunnskunnskap. I tillegg skal dei ha praktiske oppgåver i høve det å bu i Noreg.

Språk/arbeidspraksis: Deltakarane skal ut i både språk- og arbeidspraksis i løpet av dei to åra dei er i programmet. Dette skal gje ein introduksjon til norsk arbeidsliv og verdfull praksis knytt til språk. Sjuke- heim, barnehage og butikk er vanlege praksisplassar. Det er naudsynt at både private og offentlege verksemder gjev desse høve til å praktisera, då dei etter fullført program skal vidare til arbeid eller skule på line med andre innbyggjarar.

Ved deltaking i introduksjonprogrammet deltar flyktningane gjerne i praksisplass/kurs i regi av Nav. Opphaldskommunen mottek refusjon i samband med desse ytingane.

Startlån/etableringstilskot: Dette er ordningar som Tysnes kommune styrer i regi av Husbanken Det er viktig at me frå starten har fokus på at flyktningane etter kvart skal skaffa seg sin eigen bustad. Gjennom startlån/etableringstilskot kan me leggja til rette for dette. Ein kan også med tilskot frå husbanken på 40 %, byggja bustader til denne gruppa.

2.3 Økonomi ved busetjing av flyktningar I det fylgjande har me valt å sjå på to ulike scenario. Eit scenario med mottak av 5 flyktningar og eit med mottak av 7 flyktningar årleg i perioden 2014 – 2016.

Tilskot og kostnader er rekna med utgangspunkt i einslege vaksne flyktningar.

Utgifter som kan følgja av auka kostnader til sosialhjelp, psykiatri, helsestasjon med vidare let seg vanskeleg fastslå med særskilt stor grad av tryggleik. Me har likevel føresett at det moderate talet på personar det her er snakk om, i hovudssak let seg fanga opp innan eksisterande personellrammer.

Det er føresett direkte lønsutgifter i samband med mottak av flyktningar på rundt kr. 800.000. Dette utgjer noko over 1 stilling. Det er ikkje føresett at eit marginalt høgare inntak av flyktningar fører til auke i personellramma.

Understaånde tabellar viser samla estimerte inntekter og kostnader.

Scenario 1 - mottak av 5 flyktningar per år i perioden 2014 - 2016 År 1 År 2 År 3 År 4 År 5 SUM Inntekt: Intro. stønad kr 1 075 000 kr 1 909 000 kr 2 584 000 kr 1 909 000 kr 1 425 000 kr 8 902 000 Per Capita kr 157 000 kr 426 000 kr 595 500 kr 438 500 kr 169 500 kr 1 786 500 Innbyggjartilskot kr 108 930 kr 108 930 kr 108 930 kr 108 930 kr 108 930 kr 544 650 Husleige kr 300 000 kr 300 000 kr 300 000 kr 300 000 kr 300 000 kr 1 500 000 SUM kr 1 640 930 kr 2 743 930 kr 3 588 430 kr 2 756 430 kr 2 003 430 kr 12 733 150 Utgifter Lønsutgifter kr 800 000 kr 800 000 kr 800 000 kr 800 000 kr 800 000 kr 4 000 000 Intro.stønad kr 852 420 kr 1 704 840 kr 2 557 260 kr 852 420 kr 852 420 kr 6 819 360 Etableringsstønad kr 125 000 kr 125 000 kr 125 000 kr 375 000 Sosialhjelp kr 0 Tolketenester kr 50 000 kr 50 000 kr 50 000 kr 150 000 Overføring til andre: kr 0 Barnehage kr 0 Sosialhjelp år 3-5 kr 0 Skule kr 0 Psykiatri kr 0 Barnevern kr 0 Helsestasjon kr 0 SUM kr 1 827 420 kr 2 679 840 kr 3 532 260 kr 1 652 420 kr 1 652 420 kr 11 344 360 Balanse -kr 186 490 kr 64 090 kr 56 170 kr 1 104 010 kr 351 010 kr 1 388 790

Scenario 2 - mottak av 7 flyktningar per år i perioden 2014 - 2016 År 1 År 2 År 3 År 4 År 5 SUM Inntekt: Intro. stønad kr 1 505 000 kr 2 672 000 kr 3 617 600 kr 2 672 600 kr 1 995 000 kr 12 462 200 Per Capita kr 219 800 kr 596 400 kr 833 700 kr 613 900 kr 237 300 kr 2 501 100 Innbyggjartilskot kr 152 502 kr 152 502 kr 152 502 kr 152 502 kr 152 502 kr 762 510 Husleige kr 420 000 kr 420 000 kr 420 000 kr 420 000 kr 420 000 kr 2 100 000 SUM kr 2 297 302 kr 3 840 902 kr 5 023 802 kr 3 859 002 kr 2 804 802 kr 17 825 810 Utgifter Lønsutgifter kr 800 000 kr 800 000 kr 800 000 kr 800 000 kr 800 000 kr 4 000 000 Intro.stønad kr 1 193 388 kr 2 386 776 kr 3 580 164 kr 1 193 388 kr 1 193 388 kr 9 547 104 Etableringsstønad kr 175 000 kr 175 000 kr 175 000 kr 525 000 Sosialhjelp kr 0 Tolketenester kr 60 000 kr 60 000 kr 60 000 kr 180 000 Overføring til andre: kr 0 Barnehage kr 0 Sosialhjelp år 3-5 kr 0 Skule kr 0 Psykiatri kr 0 Barnevern kr 0 Helsestasjon kr 0 SUM kr 2 228 388 kr 3 421 776 kr 4 615 164 kr 1 993 388 kr 1 993 388 kr 14 252 104

Balanse kr 68 914 kr 419 126 kr 408 638 kr 1 865 614 kr 811 414 kr 3 573 706

Ressurssterke flyktningar som gjennomfører eit kort program, og raskt kjem seg i gang med skule/jobb, gjev låge utgifter, medan ressurssvake flyktningar som går full tid i programmet og har trong for mykje oppfylgjing, kan verta «dyre» for kommunen. Økonomisk vil det tru- leg uansett vera meir gunstig å ha eit litt høgare opptak enn 5 flyktningar.

3.0 Flyktningar – Kva kan dette bety for Tysnes kommune? Me vil i denne delen drøfta korleis Tysnes kommune skal fylgja opp IMDI si oppmoding om mottak av flyktningar i perioden.

Flyktningar som har fått opphald i Noreg skal busetjast i ein kommune. IMDI er ansvarleg for å finna ein eigna kommune for busetjing. Kvart år ber IMDI norske kommunar om å busetja eit visst tal flyktningar som får opphaldsløyve i Noreg. Dette talet vert fastsett av nasjonalt utval for mottak og busetjing. For 2013 er dette talet for Tysnes kommune 6.

For kommunane er busetjing av flyktningar ei frivillig oppgåva, og det er kommunane sjølve som vedtek kor mange dei ynskjer å busettja. Ved å gjera vedtak om busetjing, pliktar kommunen å gje tilbod om introduksjonsprogram i samsvar til introduksjonslova.

Mykje av det førebuande arbeidet skjer ute i mottaka. Dette skal gjera dei sjølvhjelpne i ny kommune så raskt som mogleg. For IMDI er målet at flyktningar skal finna seg godt til rette og verta raskt integrerte i dei ulike lokalsamfunna dei vert busette i. Busetjing av flyktningar er ei permanent kommunal oppgåve, som må baserast på ein langsiktig plan. God planlegging er særs viktig opp mot bustad, arbeid og utdanning.

Slik kommunen er organisert synest det mest naturleg at ei flyktningeteneste i Tysnes bør forankrast under lokalt NAV kontor. NAV har i dag Kvalifisieringsprogrammet som eit av sine tiltak. Dette er mykje likt Introduksjonsprogrammet, og ein kan difor nytta ressursar og kompetanse på tvers innan dette feltet. Ved å vera ein del av NAV vil dette også gje enklare tilgong til det store tiltaksapparet som Nav rår over. Dette gjeld både når dei skal ut i språk- og arbeidspraksis. Det vert særskilt viktig når dei har fullført introduksjonsprogrammet og skal ut i ordinært arbeid. Det er naudsynt i flyktningearbeid at me alt frå fyrste dag er klar på at målet gjennom introduksjonsprogrammet er at dei skal verta sjølvhjelpne.

Ved mottak av mellom 5- 7 flyktningar ser me det som naudsynt med minimum ei nyoppretta stilling som flyktningekonsulent/koordinator for flyktningearbeid. Hovudoppgåver er knytt til etablering, planlegging og gjennomføring av programmet, rapportering i NIR, kontakt med IMDI, samt oppfølgjing knytt til praksis og arbeid.

I dei fyrste åra skal det etablerast nye planar, rutinar og retningslinjer, samt at me skal oppar- beida oss kunnskap om gjeldande lovverk og retningslinjer. Gjennom å vera ein del av NAV der fleire kan gjera ein jobb på dette feltet, prøver me å byggja opp ein trygg flyktningorgani- sasjon som kan stå på eigne bein ved fråvær og anna.

Bustader er for dei fleste busetjingskommunar den største utfordringa. I Tysnes kan me busetja flyktningane på Hovland i allereie etablerte husvære. Me ser føre oss ei husleige på om lag 6500,- kr per månad. Den einskilde flyktning må sjølv syta for straum, tv og data, medan kommunen dekkjer dei kommunale utgiftene. Me vil nytta den noverande vaktmeistertenesta til å syta for turvande vedlikehald og anna.

Me ser i ein del andre kommunar at flyktningane ikkje er nøgde med tildelte bustadar. Her må ein vere klar på at 2. gongs busettjing ikkje vert dekt av kommunen, korkje økonomisk eller praktisk.

Om ein programdeltakar vel å flytta til Stord, Os eller Bergen må vedkommande sjølve skaffa seg husvære i den kommunen dei flytter til. Dei vil der ha krav på å få halda fram i programmet om dei framleis er i Introduksjonsfasen. Når det gjeld Introduksjonstilskotet for inneverande år, vil ny kommune ha krav på ein del av dette, avhengig av kva tid på året dei flyttar.

Me har i dag vaksenopplæring gjennom skulekontoret på skulen på Gjerstad. Mykje av da- gens ordning gjeld arbeidsinnvandrarar og flyktningar som kjem gjennom «familiegjenfor- eining».

Flyktningane skal ha eit fullt program på 37,5 timar kvar veke. Dei skal vidare ha fri to veker i jula, samt tre veker samanhengjande ferie om sommaren. Dette programmet skal i hovudsak innehalda norsk og samfunnskunnskap. Eit eksempel på samfunnskunnskap er korleis ein bruker minibank og korleis ein betalar rekningar.

Flyktningskonsulent/koordinator står for planlegging og gjennomføring av programmet. Når ein deltakar har fullført sitt to-årige introduksjonsprogram, er det frå ein økonomisk stå- stad særleg viktig at desse kjem i gong med arbeid eller utdanning. Om desse som har fullført programmet ikkje kjem igong med aktivitet kan dette verta ei stor utgift for kommunen. Tal frå IMDI viser at rundt om 50 % av flyktningane ikkje har kome seg ut i arbeid eller utdanning etter endt program. Om me held oss til desse tala så kan inntektene me får gjennom introduksjonsfasen verta etne opp gjennom bruk av andre kommunale tenester. Ut frå dette er tett oppfylgjing i introduksjonsfasen særs viktig, både i det daglege programmet, og medan dei er i praksis.

God planleggjing er viktig for at flyktningane skal koma i arbeid og utdanning. For at flyktningane skal verta ein ressurs som kommune og næringsliv har nytte av, trengs det gode opp- legg for kvalifisering og inkludering.

4.0 Avslutning Som ein av dei kommunane som ikkje tek imot flyktnnigar kan det argumenterast med at me har eit moralsk ansvar for å gjera «vår del av jobben». Dette saman med at auke i folketalet, auka skatteinngong og større tilgjenge på arbeidskraft er vektige argument for at også me skal kunna ta imot flyktningar i tida framover.

Som nemnt ovanfor er det gode argument for å ta imot flyktningar i samsvar med oppmodinga frå IMDI. Me må likevel vera merksame på oppgåvene og ansvaret som føl med. Faren for at dei ikkje vert istand til å koma seg inn på arbeidsmarknad eller utdanning er den største utfordringa, både knytt til kommunen sin økonomi og integreringa i kommunen elles. Vidare kan opplevd marginalisering både sosialt, og yrkesmessig vera vanskeleg i eit lite samfunn. «Ghettofisering» knytt til at dei vert busette relativt grisgrendt på Hovland, er også noko me må vera medvitne om.

Busetjing er ei permanent kommunal oppgåve, som må baserast på ein god plan. Mottak av flyktningar er ei omfattende og utfordrande kommunal oppgåve. Me ser føre oss at mottak av flyktningar i Tysnes bør strekkja seg utover den førespurde 3 års perioden som IMDI har oppmoda om.

Ved mottak over tid vil me få røynsle og kompetanse rundt dette arbeidet – dette gjev igjen føresetnader for betre kvalitet som etter kvart kan gjera arbeid med flyktningar til ei positiv og økonomisk berekraftig teneste i Tysnes kommune.

Gjennom møte med nye kulturar og nye menneske utviklar me oss sjølve og det samfunnet me er ein del av. Gjennom å leggja til rette for god integrering og opplæring kan me sjølve forma desse nye innbyggjarane til å verta nyttige bidragsytarar til samfunnet her på øya.

INNSTILLING FRÅ RÅDMANNEN:

Tysnes kommune vil i samsvar med ovanståande utgreiing leggja til rette for å busetja inntil 7 flyktningar i perioden 2014 til 2016.

Det kan vurderast å ta inn inntil 5 flyktningar allereie i 2013.

Tiltaket vert føresett innarbeid i budsjett 2014 og økonomiplan 2014-2017.

SAKSPROTOKOLL

HANDSAMING I FORMANNSKAPET 15.10.2013:

Representanten Arne Skutlaberg stilte spørsmål om rådmannen innstiller på opptak av flyktningar kvar år i perioden, eller om det er totalt opptak.

Rådmannen ser at innstillinga i dette tilfelle er litt uheldig formulert og viser til at det i sakspremissa er lagt opp til eit årleg inntak.

Det vart bede om at administrasjonen gjorde ei nærare avklaring opp mot IMDI i høve til om Hovland er ein tilrådeleg stad å busetja flyktningar.

Det vart elles peika på at saka ikkje i tilstrekkeleg stor grad har vist korleis kommunen vil løysa dei praktiske konsekvensane av mottak av flyktningar på Hovland.

Ordføraren sette fram slikt framlegg til vedtak:

« Tysnes kommune vil i samsvar med ovanståande utgreiing leggja til rette for å busetja inntil 7 flyktningar kvart år i perioden 2014 til 2016.

Det kan vurderast å ta inn inntil 5 flyktningar allereie i 2013.

Tiltaket vert føresett innarbeid i budsjett 2014 og økonomiplan 2014-2017.

Mottak av flyktningar kan ikkje gjennomførast før administrasjonen har lagt fram ein meir detaljert skisse for praktisk gjennomføring. Her må tilhøve som praktisk gjennomføring av transport, undervisning med vidare gå fram.»

Ved avrøysting fekk framlegget frå representanten Arne Skutlaberg 6 røyster ( Ap, Sp, H), 1 representant røysta mot mottak av flyktningar ( Frp).

Etter dette ligg det føre slikt fleirtalsframlegg frå formannskapet:

FRAMLEGG TIL VEDTAK FRÅ FORMANNSKAPET MOT 1 RØYST (J.M.D.) 15.10.2013:

Tysnes kommune vil i samsvar med ovanståande utgreiing leggja til rette for å busetja inntil 7 flyktningar i perioden 2014 til 2016.

Det kan vurderast å ta inn inntil 5 flyktningar allereie i 2013.

Tiltaket vert føresett innarbeid i budsjett 2014 og økonomiplan 2014-2017.

SAKSFRAMLEGG Tysnes kommune

BUDSJETT 2014 - ØKONOMIPLAN 2014 - 2017

Sakshandsamar: Steinar Dalland

Arkivsak : 13/510 - Arkivkode: 102

Vedlegg: 1.

SAKSUTGREIING:

INNSTILLING FRÅ RÅDMANNEN:

SAKSPROTOKOLL

HANDSAMING I FORMANNSKAPET 15.10.2013:

Rådmannen la fram følgjande dokument i møte: - Drøftingsnotat for økonomiplanperioden 2014-2017 - Framlegg til økonomiplan 2014 - Modell for låneopptak - Framlegg til investeringsbudsjett 2013 – 2022 - Skriv frå fylkesmannen om statsbudsjettet 2014, dagsett 14.10.13

Det vart presisert at framlegget til investeringsbudsjett enn så lenge berre er eit underlag for politiske drøftingar og at det i første omgang er viktig å få avklart den økonomiske toleevna.

I møtet gjekk administrasjonen gjennom føresetnader for budsjettframlegget og dei ulike hovudkapitla.

Under drøfting av investering og låneopptak vart administrasjonen beden om å sjå nærare på tiltak for å redusera kostnad ved utbygging av nytt omsorgssenter.

Det vart i møte avtalt eit utvida formannskapsmøte tysdag 22. oktober. Formannskapet får då med seg gruppeleiarane i dei partia som ikkje er representert i formannskapet.

SAKSFRAMLEGG Tysnes kommune

TYSNES NÆRINGSRÅD - SØKNAD OM TILSKOT TIL JULESEMINAR

Sakshandsamar: Steinar Dalland

Arkivsak : 13/867 - Arkivkode: 105

Vedlegg: 1. Søknad om tilskot av 14.10.13

SAKSUTGREIING:

INNSTILLING FRÅ RÅDMANNEN:

SAKSPROTOKOLL

HANDSAMING I FORMANNSKAPET 15.10.2013:

Tidlegare år har Tysnes kommune gjeve tilskot til arrangementet. Ut frå ei vurdering av kommunen sin økonomiske situasjon er det ikkje naturleg at det vert gjeve slikt tilskot i inneverande år.

VEDTAK I FORMANNSKAPET 15.10.2013:

Det vert ikkje gjeve tilskot til Tysnes næringsråd sitt juleseminar.

SAKSFRAMLEGG Tysnes kommune

FORMANNSKAPET - YMSE 2012 - 2013

Sakshandsamar: Steinar Dalland

Arkivsak : 13/769 - Arkivkode: 022

SAKSUTGREIING:

INNSTILLING FRÅ RÅDMANNEN:

SAKSPROTOKOLL

Strandsoneplan Plansjefen orienterte om arbeidet med strandsoneplan og kartlegging av funksjonell strandsone. Det var semje om at det ikkje er naturleg å laga ein eigen kommunedelplan for strandsona no, men venta med dette til den føreståande rulleringa av samfunnsdelen i 2014 og arealdelen i 2015.

Utbyggingsavtaler for nye byggjeområde: Tradisjonelt har ikkje kommunen engasjert seg i utbyggingsavtaler for nye private felt, men har utvikla eigne kommunale byggjefelt. Spørsmålet er om politikken skal vris mot at me i større grad skal støtta opp under private initiativ og ikkje i same grad utvikla kommunale felt. Det vart stilt spørsmål ved om kommunen er attraktiv nok til å «lokka» til oss tilstrekkeleg privat utbyggingskapasitet

Administrasjonen vart beden om å gjera ein kostnadsanalyse av totale kostnader ved opparbeiding av kommunale byggjefelt.

Skriv frå Tysnes næringsråd om deltaking på arrangement i regi Bergens næringsråd: Varaordføraren deltek på kommunen sine vegner.

Ulike problemstillingar knytt til Skyss. E-post frå leiar av Tysnes næringsråd av 7. oktober 2014 vart gjennomgått i møte. I tillegg vart rutetabell for Reksteren- Våge- Os gjennomgått.

Med bakgrunn i ovannemnde vil ordføraren ta initiativ til eit møte med Skyss.

Tom side