2 IOANES 1 1 2 IOANES 7

Apongua Panbuk si Ioanes Buk , mang sikei ainoinoai i vap lomlomon kata salik ia taun a mangsikei a aina ve kana inatus. (Sikei, kapo ararai aina ke kapo kankanuai i mang sikei a kuvkuvulan i lomlomon.) Kana vubuk a vo salik ang ta, vinga ro angpokai, ki aiveven aro kapa vei mamain ta katakai i kapau, ria vap po uli posong alok ani kana mengen a God.

Mengen i angruduai 1 Nau a lapan matukal, napo alis a panbuk ke taun ua, numai aina i songo ta God, ve kam inatus. Napo atogon atutuman imi vingag. Na parik ta nau papalik, sikei riria aongos kapa vap ang kipo nas a tutuman. 2 Io, tukulai ina si tutuman ang kapo e vingara na auai ve tara asikei. 3 Roron, ngorem na marip le si God tamara na le si Iesu Karisto, kana nat, ka sinong singira ani tara atutuman na tara vinga roron. Tutuman na vinga ro 4 Natala uruk alava si sabonai ta mang matan i kam inatus kipo pasal si selen i tutuman, asukang val tamara kata pinipini ira. 5 Numai a aina ro, kana parik napa salik anim ta mangsikei a pinipini tanginang, parik. Taratala nas ia le si ainoai i taun ta tara vinga ro angpokpokai anira. 6 Au na vinga ro kapo asukang ke ta tara longong kana keve pinipini na tara pasal using ia. Val mitala uli longong ania le si ainoai i taun, kana pinipini kapo pini ira ani tara pasal si selen i vinga ro. 7 Keve katakai i kapau miang kilapo pasal pulakai e kuli rina. Vap ke parik kipa 2 IOANES 8 2 2 IOANES 13 ainak ta Iesu kata mela to ta to i pukun. Matan akalkalit asukang kapo pasal le si vo kapau ang, nia vopo susual ang ani Karisto. 8 aiveven vei bil roron ang mipo abis taun ia kala kovek pelek imi. Sikei mi aiveven ani mian luk a seupok kirol ang. 9 Man a mangsikei kapo sang aino pelek a pinipini si Karisto, na parik kapa anguan pasal an singina, parik kapa kun atogon ani God. Sikei man kapo pasal si pinipini si Karisto, kapo atogon a God kuvul ve kana nat kapa. 10 Man a mangsikei kala serei singimi ta mang akalkalit petekai, mi ago ta songo alak an ania ane nei lu. Mi ago ta uruk suak an ania. 11 Man a mangsikei kapo uruk suak ani igenen asukang, e iang kapo siang kuvul ve nia si kana abis rikek. Akamusai i mengen ve posong ro 12 Napo atogon a keve mengen miang asi kag salik anim tatana, sikei naka ago ta salik an si panbuk, using napo buk an serei na tarung angmemengenai akorong ani kara uruk ka tapunuk. 13 Inatus ke si tasim e ke, ninia na aina i songo kapa, kipo alis kari posong aro ane singim. 3

AKUS RO NA PALATUNG TANGINANG ANI IESU KARISTO Genesis, Ruth, Jonah, and The New Testament in the Tungag Language of Papua New Guinea Sampela hap Buk Baibel long tokples Tungag long Niugini Copyright © 1998, 2011 The Bible Society of Papua New Guinea Language: Tungag Dialect: Tungag Translation by: Wycliffe Bible Translators This translation is made available to you under the terms of the Creative Commons Attribution-Noncommercial- Derivatives license 4.0. You may share and redistribute this Bible translation or extracts from it in any format, provided that: You include the above copyright and source information. You do not sell this work for a profit. You do not change any of the words or punctuation of the Scriptures. Pictures included with Scriptures and other documents on this site are licensed just for use with those Scriptures and documents. For other uses, please contact the respective copyright owners. 2013-08-19 PDF generated using Haiola and XeLaTeX on 8 Sep 2021 from source files dated 18 Aug 2021 5b87685b-ebca-5005-aee7-e66d05146339