Norddal kommune 2015- 2023 Kulturminneplan for Norddal kommune Kulturminneplan for Norddal – 2015 - 2023 0 Innhald Innhald .................................................................................................................................. 1 1 Forord ............................................................................................................................ 3 2 Kulturminnevern ............................................................................................................. 4 2.1 Kva er eit kulturminne? ............................................................................................ 4 2.2 Kulturlandskap og naturtypar ................................................................................... 4 3 Målsetting ....................................................................................................................... 6 4 Utfordringar for kulturminnevernet .................................................................................. 7 5 Fortidsminne (fornminne) ............................................................................................... 9 5.1 Fangstanlegg i fjella ................................................................................................ 9 5.2 Andre automatisk freda kulturminne .......................................................................11 6 Bygningar og bygningsmiljø ..........................................................................................12 6.1 Freda bygningar .....................................................................................................12 6.2 Kyrkjene .................................................................................................................13 6.3 Andre bygningar .....................................................................................................13 7 Tekniske og industrielle kulturminne ..............................................................................16 7.1 Bergverksdrift .........................................................................................................16 7.2 Kraftverk .................................................................................................................17 7.3 Fabrikkar ................................................................................................................17 7.4 Sager .....................................................................................................................17 7.5 Båthistorie ..............................................................................................................18 7.6 Taubaner / løypestrengar .......................................................................................18 7.7 Steingardar ............................................................................................................18 8 Samferdsel ....................................................................................................................19 9 Bygdemiljø ....................................................................................................................21 9.1 Minnestøtter ..........................................................................................................24 9.2 Kunst i kommunal eige ...........................................................................................24 10 Immaterielle kulturminne ............................................................................................24 11 Handlingsplan ............................................................................................................27 12 Kjelder .......................................................................................................................28 13 Vedlegg .....................................................................................................................29 1. Oppsummering bygdemøte ........................................................................................29 2. Oversikt over automatisk freda objekt i Norddal kommune ............................................34 3. Kulturminne og kulturmiljø vurdert å vere av nasjonal eller regional verdi i Regional Kulturminneplan for Norddal – 2015 - 2023 1 kulturminneplan ................................................................................................................36 4. Korleis tek vi vare på kulturminna? ...............................................................................38 5. Kulturminne er verdiar ................................................................................................41 Vindu på Ospahjellen Kulturminneplan for Norddal – 2015 - 2023 2 1 Forord Kulturminna er dei viktigaste kjeldene vi har til kunnskap om utviklinga av samfunnet vårt og det miljøet vi bur og lever i. Ein kulturminneplan skal gje oversikt over kulturminneverdiane i kommunen, og skal vere eit nyttig verkty i kommunal planlegging. Det finst mange kulturminne som ikkje er freda, men som bør takast vare på. Desse bør ein identifisere og verdsette, slik at ein kan ta omsyn til dei i plan- og byggesaker. Ikkje alle spor etter fortida kan, eller skal vernast, men vi må sjå kulturminna som ein ressurs for vår eiga tid og ein ressurs vi forvaltar på vegne av framtida. God kulturminneforvalting har som utgangspunkt å finne rom både for bevaring og bruk av kulturminne og for utvikling av det som er nytt. Vi må heller ikkje gløyme at historia og kunnskapen har verdi sjølv om det fysiske minnet vert borte. Dokumentasjon og kartlegging er difor viktige oppgåver innan kulturminnevernet. Store delar av arealet i kommunen er verna på grunn av natur- og kulturkvalitetane, og det seier noko om at det er eit unikt område som skal forvaltast. Innafor kommunen sine grenser finn ein: Geirangerfjorden Verdsarv/Vestnorsk fjordlandskap Geiranger – Herdalen landskapsvernområde Reinheimen Nasjonalpark Trollstigen landskapsvernområde Tafjorden – Reindalen landskapsvernområde Kallskaret Naturreservat Muldalslia naturreservat I arbeidet med kulturminneplanen har det vore bygdemøter i alle fem bygdene, der ein inviterte til dialog og innspel. Desse er tekne med i det vidare arbeidet. Arbeidsgruppa har hatt jamne møter, og det har vore oppe orienteringssak om prosessen i planutvalet. Arbeidsgruppa som har arbeidd fram plandokumentet har bestått av: Kultursjef Aud Lindis Ødegaard Naturforvaltar Liv Marit Nystad Planleggar Karina Vestrheim Bygningsingeniør Lars Kjell Smoge Ein har hatt ambisjonar om å få på plass ei lokal objektliste med kart, men dette har ein ikkje fått prioritert. Alle bilda som ikkje har fotografnamn på seg, er Norddal kommune sine. Kulturminneplan for Norddal – 2015 - 2023 3 2 Kulturminnevern 2.1 Kva er eit kulturminne? «Kulturminner er alle spor etter menneskeleg verksemd i vårt fysiske miljø, også lokalitetar det er knytt historiske hendingar, tru eller tradisjon til», Lov om kulturminne § 2. Det er vanleg å dele kulturminne inn i to hovudkategoriar - immaterielle og materielle. Lokale tradisjonar, segn, myter, historier, stadnamn, musikk og handverkstradisjonar er eksempel på immaterielle kulturminne. Materielle kulturminner er for eksempel bygningar, gravhaugar, bruer, buplassar, og gjenstandar. Kulturmiljø er områder der kulturminner inngår som del av ein større heilskap eller samanheng. Med andre ord kan vi seie at i kulturarven hentar vi kunnskap om oss sjølve og bygdene våre, og grunnlag for opplevingar vi ynskjer å dele med andre. Vi ønskjer å verne om kulturminna som ein verdi for vår eiga samtid, men også fordi vi har eit ansvar for å forvalte desse verdiane å vegne av komande generasjonar. Som kunnskapskjelde er kulturminna viktig grunnlag for vår tolking og forståing av fortida. Dei fortel om den historiske utviklinga i området; kontinuitet og endringar. Dei hjelper oss å forstå vår eiga tid og bidra til å forma framtida. Opplevingsverdien er av ulike slag. Kulturminna kan skape gjenkjenning og tilhøyrsel, skape nysgjerrigheit og engasjement, og skape nærleik til fortida. Kulturminna kan også vere identitetsskapande og bidra til å gje stadar særpreg og karakter. Eit kulturminne som vert borte kan det nokre gonger lagast kopi av, men det kan aldri verte erstatta. Difor er det viktig å vera medviten om kva kulturminne som er spesielt verdifulle for samfunnet, slik at desse kan takast vare på for framtida. 2.2 Kulturlandskap og naturtypar Kilstisetra er eit godt eksempel på intakt seterstøl. Kulturminneplan for Norddal – 2015 - 2023 4 Vår bruk av naturen, frå enkel hausting til moderne landbruk, har forma landskapet rundt oss. Omgrepet kulturlandskap vert oftast nytta om landskap forma gjennom landbruk, i vidare forstand kan det nyttast om menneskeforma natur og landskap. Denne forminga pregar omgivnadane våre i større grad enn vi tenkjer over til dagleg. Tunstrukturar og steingardar er nemnt, men også kva planter som veks rundt oss er resultat av våre tradisjonar. Det tradisjonelle landbruket gav eit mangfald av artar og kulturmarkstypar, desse endrar seg ved omlegging av landbruket og ved attgroing. Kulturlandskapet er i stor grad ein del av vår identitet, det er våre felles omgivnader som er prega av både fjerne forfedre og eigen aktivitet. Kommunen har fleire område med registrerte kulturlandskapsverdiar. Desse er avhengig av tradisjonell drift eller skjøtsel om dei skal oppretthalde sine verdiar, og forvaltninga kan derfor gje eigarane tilskot til dette. Ta kontakt med næringskontoret for meir informasjon. Slåttemark på Kilsti. Foto: Maud Grøtta. Verdifulle