NOTA DE PRENSA ACORDOS DO PLENO A Deputación de Ourense aproba a ordenanza de teletraballo para os empregados públicos do ente provincial O pleno da corporación provincial aprobou tamén a incorporación ao Eixo Atlántico, unha adhesión que reforzará ao territorio ourensán na eurorrexión Galicia-Norte de Portugal ao integrase a Deputación no lobby máis importante de cooperación transfronteiriza España-Portugal Ourense, 29 de xaneiro de 2021.- O pleno ordinario da Deputación de Ourense, celebrado hoxe, por vía telemática por mor das medidas de prevención do COVID-19, aprobou inicialmente a ordenanza reguladora da prestación de servizos en réxime de teletraballo para os empregados públicos da Deputación. A finalidade desta regulación é contribuír á modernización da administración provincial mediante un mellor desempeño do posto de traballo a través das novas tecnoloxías, favorecendo a conciliación da vida profesional, persoal e familiar a través da flexibilidade para realizar o traballo desde o domicilio, conseguindo un maior grao de satisfacción laboral sen diminución da calidade do servizo. A ordenanza será de aplicación a todas as persoas empregadas públicas da Deputación que desenvolvan un traballo susceptible de ser realizado vía teletraballo. Na sesión plenaria de hoxe tamén aprobou a incorporación da Deputación de Ourense ao Eixo Atlántico, unha adhesión que reforzará ao territorio ourensán na eurorrexión Galicia- Norte de Portugal ao integrase a Deputación no lobby máis importante de cooperación transfronteiriza España-Portugal. A finalidade desta entidade é o desenvolvemento económico, social, cultural, tecnolóxico e científico dos territorios que o constitúen, mediante a vertebración do territorio común. Este espazo eurorexional integra as seguintes cidades e entidades: A Coruña, Barcelos, Braga, Bragança, Carballo, Eurocidade Chaves-Verín AECT, Ferrol, Guimarães, Lalín, Lugo, Macedo de Cavaleiros, Maia, Matosinhos, Mirandela, Monforte de Lemos, Narón, O Barco de Valdeorras, O Carballiño, Ourense, Paredes, Peso de Régua, Pontevedra, Porto, Riveira, Santa Maria da Feira, Santiago de Compostela, Sarria, Valongo, Viana do Castelo, Vigo, Vila do Conde, Vila Nova de Famalicão, Vila Nova de Gaia, Vila Real, Vilagarcía de Arousa e Deputación de Lugo. Comunicación – Deputación de Ourense – Tel: 988 317 609 ‐ 988 317 500 NOTA DE PRENSA Acordos do pleno: Teletraballo Acordo: Aprobación inicial da Ordenanza reguladora da prestación de servizos en réxime de teletraballo polas persoas empregadas públicas da Deputación Provincial de Ourense. A finalidade desta regulación é contribuír á modernización da administración provincial mediante un mellor desempeño do posto de traballo a través das novas tecnoloxías. Eixo Atlántico Acordo: Aprobar a adhesión da Deputación Provincial de Ourense ao “Eixo Atlántico do Noroeste Peninsular”. O acordo contempla designar como represente da Deputación Provincial de Ourense na Asemblea Xeral do Eixo Atlántico ao presidente da Deputación ou deputado/a en quen delegue, e aprobar o gasto correspondente ao pagamento da cota anual fixada na cantidade de 30.000 euros (sen prexuízo de que no ano 2021, e con carácter excepcional dada a crise e a previsible baixada dos ingresos municipais, a cota que será emitida será pola metade deste valor, 15.000 €.) Recadación Concello de Montederramo Acordo: Delegación do Concello de Montederramo na Deputación Provincial de Ourense do exercicio das competencias de xestión, liquidación e recadación en voluntaria e executiva e revisión de actos dos actos ditados da taxa polo abastecemento do dito concello. Recadación Concello da Peroxa Acordo: Delegación do Concello da Peroxa na Deputación Provincial do exercicio das competencias de xestión, liquidación e recadación en voluntaria e executiva e revisión de actos de tributos e outros ingresos de dereito público. Modificación de créditos Acordo: Comunicación – Deputación de Ourense – Tel: 988 317 609 ‐ 988 317 500 NOTA DE PRENSA Expediente de modificación dos créditos orzamentarios do orzamento do exercicio 2021 mediante a concesión dun crédito extraordinario e da modificación das bases de execución do orzamento n.º 1/2021 cos seguinte conceptos: -Desenvolvemento empresarial. Préstamo a longo prazo: 498.349,67 €. -Cambio de obxecto de subvención para o Concello da Merca, pasando a denominarse: “Arranxo do bombeo da ETAP de Rubillós no Concello da Merca”. Importe: 35.000 €. Plan Provincial Acordo: Rectificación do acordo plenario de aprobación inicial do Plan provincial de cooperación ás obras e servizos municipais e da rede viaria provincial do exercicio 2021. Acordar a inclusión no plan provincial de cooperación ás obras e servizos municipais e da rede viaria provincial do exercicio 2021, tanto principal coma complementario, das actuacións solicitadas en tempo e forma polos concellos de Leiro, Manzaneda, Ourense, San Xoán de Río e Vilar de Barrio, resultando o seguinte cadro de financiamento: PLAN PROVINCIAL DE COOPERACIÓN E ESTRADAS DEPUTACIÓN CONCELLOS TOTAL 1.‐ Obras municipais 3.258.135,75 € 1.129.247,08 € 4.387.382,83 € 2.‐ Adhesión á base 9ª 1.252.364,25 € 1.252.364,25€ 2.‐ Rede Viaria Deputación 1.500.000,00 € 1.500.000,00 € TOTAL 6.010.500,00 € 1.129.247,08 € 7.139.747,08 € PLAN COMPLEMENTARIO DEPUTACIÓN CONCELLOS TOTAL Obras municipais 2.056.000,00 € 146.114,90 € 2.056.000 € Rede Viaria Deputación 6.315.296,00 € 6.315.296,00 € Comunicación – Deputación de Ourense – Tel: 988 317 609 ‐ 988 317 500 NOTA DE PRENSA Antitransfuguismo Acordo: Manifestar a adhesión da Deputación de Ourense ao Pacto Antitransfuguismo e ao Pacto pola estabilidade institucional así como á Declaración Institucional da FEMP do 16 de decembro de 2020, na que se destaca a ampliación da definición de tránsfuga e reforzan as facultades de actuación fronte ás persoas que incurran en prácticas tránsfugas, para a súa aplicación aos membros das entidades locais. Aparcadoiro CHUO Acordo: 1.- Que a Deputación de Ourense habilite prazas de aparcamento libres e gratuítas no aparcadoiro da súa titularidade situado na contorna do Complexo Hospitalario Universitario de Ourense (CHUO), destinadas a persoas que estean a recibir tratamentos médicos para enfermidades crónicas ou de longa duración. 2.- Instar á Xunta de Galicia a que habilite prazas de aparcamento libres e gratuítas no aparcadoiro da súa titularidade situado nos sotos do Hospital Universitario do Complexo Hospitalario de Ourense (CHUO), destinadas a persoas que estean a recibir tratamentos médicos para enfermidades crónicas ou de longa duración. Sector Agroalimentario Acordo: 1.- Deseñar, coordinadamente con outras administracións públicas e co sector privado, a implantación na provincia de Ourense dun parque empresarial exclusivamente vinculado ao sector agroalimentario. 2.- Instar ao presidente da Deputación de Ourense a que cumpra o estipulado no punto 21, artigo 61 do Regulamento de Organización, Funcionamento e Réxime Xurídico das entidades locais, como tamén o recollido na letra n, punto 1 do artigo 34 da Lei de Bases do Réxime Local, nos que se indican, entre as funcións do residente da Deputación, “facer cumprir os acordos da Deputación”, con especial atención a todos aqueles que contaron con apoio unánime. Saúdos, Comunicación – Deputación de Ourense – Tel: 988 317 609 ‐ 988 317 500 NOTA DE PRENSA EMPRESA Manuel Baltar e o Círculo de Empresarios de Galicia estudan medidas de impulso económico Ourense, 28 de xaneiro de 2021.- O presidente da Deputación de Ourense, Manuel Baltar, mantivo hoxe unha reunión por videoconferencia coa presidenta e o xerente do Círculo de Empresarios de Galicia, Patricia García e Víctor Jáuregui, para falar das actividades que, ao abeiro do convenio asinado entre a Deputación e esta entidade empresarial, se van desenvolver ao longo deste ano 2021. Baltar destacou que, a pesares da pandemia, “seguiremos mantendo e fomentando reunións para que os sectores produtivos da provincia teñan conectividade con cuestións como os fondos europeos para a reconstrución e os proxectos que se presenten no marco dos “New generation”, un escenario que nesta provincia ten indubidables potencialidades”. Tamén se abordou desenvolver accións encamiñadas á posta en valor do recente proxecto do goberno galego de recuperación de terras de dinamización do medio rural; e das enerxías renovables, en coherencia coas propostas e acordos que tiveron lugar no debate sobre o estado da provincia, con ese gran proxecto integral medioambiental na Limia, e outras cuestións que se enmarcan dentro da estratexia de economía circular, de economía verde, “na que tamén van ser actores significativos os concellos en canto que o pacto europeo “Green deal” contempla actuacións no eido local que van a reverter nun medio ambiente máis potente, que temos que fortalecer”, explica o presidente. Manuel Baltar salientou tralo encontro a importancia desta alianza estratéxica entre a Deputación de Ourense e o Círculo de Empresarios de Galicia, “unha alianza que fixo que contásemos tamén co plácet do Círculo para a posta en valor de infraestruturas que verán o seu nacemento e apertura en 2021, como o Centro Galego de Innovación da Formación Profesional, unha gran aposta desta deputación que vai a colocar a Ourense como capital da FP de Galicia e do Norte de Portugal”. “Seguimos falando de dinamismo empresarial, das axudas autónomos, que fomos quen de poñer en marcha desta esta deputación, en definitiva, da nosa conexión co sector produtivo, que fixo que constituiramos o Comité do Día Despois para apoiar a reconstrución