SAÍDA SOCIOEDUCATIVA Á COMARCA DO ORTEGAL (Ortigueira e Cedeira) DATA: Sábado día 7 de setembro DÍA DE INSCRICIÓN: venres 30 de agosto 9:00 a 15:00 h. no Departamento de Servizos Sociais do Concello de Bergondo. PERSOAS DESTINATARIAS: 110 persoas maiores de 55 anos do Concello de Bergondo. Terán preferencia as persoas empadroadas no Concello de Bergondo. As prazas serán asignadas por rigorosa orde de inscrición. Cada persoa poderá apuntarse a si mesma e a unha persoa acompañante. PREZO: 20€/persoa. DESCRICIÓN: 8.00 - 9.30 Saída do Concello de Bergondo cara a Valdoviño. Parada técnica en Narón. 9.30 - 10.30 Visita o Faro da Punta Frouxeira en Valdoviño. O faro de Punta Frouxeira é o máis extravagante de todos os que hai na costa galega; foi construído en 1992 e púxose en marcha en 1994. A pesar da súa mocidade tivo que ser remodelado no ano 2008 onde sufriu unha boa transformación, substituíndo a parte acristalada que o cubría. O seu estilo vangardista móstranos os tons azuis do mar e brancos que se asemellan á veciña capela dá Virxe do Porto. O alcance da súa luz chega ás 20 millas e a altura da torre alcanza os 47 metros. 10.30 - 11.00 Traslado ao Castelo da Concepción en Cedeira. 11.00 - 12.00 Visita Guiada ao Castelo da Concepción. O Castelo da Concepción foi construído en 1747, sitúase nunha posición elevada á entrada da Ría de Cedeira, preto do porto pesqueiro. Ergueuse como único medio de defensa da vila. Despois dos acontecementos da guerra con Inglaterra foi construído con financiamento real, coa doazón dos materiais e instrumentos, como os canóns non utilizados en Ferrol, e coa axuda da poboación construíuse o castelo. Hoxe en día constitúe un magnífico miradoiro sobre toda a ría de Cedeira e ademais é museo e centro de interpretación que está aberto ao público. 12.00 - 13.00 Tempo libre pola vila de Cedeira. A vila mariñeira de Cedeira abre as portas a un dos paisaxes maís salvaxes e espectaculares de Galicia. Contan as lendas que os homes e mulleres que viven nesta costa foron nos seus orixes fillos das baleas e os peixes. Rodeada de acantilados de 600 metros de altura, a pequena ría de Cedeira ten un gusto salgado e eterno. 13.30 - 14.00 Traslado ao Restaurante La Ría en Ortigueira. 14.00 - 16.15 Xantar co seguinte menú: Ensalada rusa, lacón ao forno con guarnición, xeado e café, viños, augas e refrescos. 16.15 - 16.30 Traslado a Ortigueira. 16.30 - 18.00 Visita guiada polo barrio de O Ponto (casco histórico da vila) O Barrio do Ponto, o máis antigo, está composto de pequenas casa brancas con finais graníticos (típicos na comarca) que van formando as súas estreitas rúas. É neste barrio no que residiron os primeiros habitantes de Santa Marta. Santa Marta de Ortigueira é un pobo da comarca do Ortegal, a máis setentrional da península Ibérica. Conforma un idílico paisaxe no que se conxugan á perfección a terra e o mar. Conta con numerosos atractivos como as súas praias, as serras da Capelada e A Faladoira ou a súa ría, a máis ampla de todo o norte de Galicia. 18.00 - 19.15 Tempo libre por Ortigueira. 19.15 - 20.00 Traslado ao Cabo Ortegal. 20.00 - 20.30 Atardecer no Cabo Ortegal. É o segundo cabo máis setentrional da Península Ibérica, só superado polo cabo de Estaca de Bares. Ademais, é o lugar máis emblemático do municipio de Cariño. 20.30 - 22.00 Regreso a Bergondo. .