DIEGO GARCIA IN TIMES OF GLOBALISATION A Collection of Essays written by LALIT Published, typeset and printed by Ledikasyon Pu Travayer October 2002 Note: This may not be the final version that was printed in October 2002 Konteni Prefas ...........................................................................................................9 U.S Hegemony and Unilateralism .......................................................................17 By Ram Seegobin How Diego Garcia was Depopulated & Stolen ..................................................25 By lindsey collen &Ragini Kistnasamy AGOA – an instrument of the US ruling class ...................................................57 By Rajni Lallah Losean Indyin Zonn de Pe ubyin Zonn de Ger? ................................................85 Par Ashok Subron Lalit dimunn ordiner ...........................................................................................109 Par Lindsey Collen ek Rajini Kistnasamy Pozisyon Guvernman ek burzwazi ...................................................................125 Par Alain Ah-Vee Sityasyon Chagosyen Zordi ..............................................................................135 Par Rajini Kistnasamy & Lindsey Collen What exactly is “Mauritius”? .............................................................................147 By Lindsey Collen Diego Garcia under occupation ........................................................................155 By Anonymous Contributors False Assertions about the “Impossibility” of Getting the Diego Garcia Base Closed ........................................................................................................161 By Lindsey Collen & Ragini Kistnasamy Manyer ki Pese Britanik lor Diego Garcia ti kasyet .........................................165 By Lindsey Collen & Ragini Kistnasamy INFO .....................................................................................................................171 Par Rada Kistnasamy Zizman dan ka kont US, DCDM ek Lezot ...............................................171 Sabotaz Protocol Kyoto ..........................................................................172 Krash Bombardye B-1 .............................................................................175 Permisyon US Depi UK ...........................................................................177 The US Damages Case ............................................................................179 Constitutional and International History...........................................................183 by Ragini Kistnasamy & Lindsey Collen Brief Chronology ................................................................................................199 By Veena Dholah Recent Campaign Document – 1.......................................................................206 Letter to Tony Blair Recent Campaign Document – 2 ......................................................................211 The Rann Nu Diego Committee Recent Campaign Document – 3 ......................................................................212 The AGOA and Diego Recent Campaign Document – 4 ......................................................................214 Ram Seegobin exposes the dangers of AGOA conditionalities Recent Campaign Document – 5 ......................................................................221 The 2002 Resolution on Diego Garcia initiated by the Sahrington Stategy Workshop Recent Campaign Document – 6 ......................................................................224 The island of Diego Garcia, B-52’s and you and me Notes On Contributors......................................................................................230 PUBLISHER’S NOTE This collection of essays on Diego Garcia in times of Globalisation is the ninth in our “knowledge for all” series. In order of publication, the series is made up of: Jose Bove a Maurice; Natir Imin by Lindsey Collen; Lefe Globalisasyon lor drwa imin by Ashok Subron; Lalwa Travay depi lesklavaz ziska Globalisasyon by Ram Seegobin; Patriarchy,Political Power,Sexuality and Globalisation by Patricia Mc Fadden;Globalisation, Food security and War by Vandana Shiva; and the world movement against Neoliberal Globalisation and Resistance in South Africa by Trevor Ngwanne. Then just prior to this book on Diego Garcia, LPT published a large format book Langaz kreol Zordi, the papers from our Colloquium on Language. This collection of essays on Diego Garcia was put together by Lalit on LPT’s request. LPT has great pleasure in presenting it to you. PREFAS Listwar post-kolonyal Repiblik Moris finn ante par Diego Garcia. Diego Garcia li enn parti inportan nam Moris, li enn parti inportan nam repiblik moris, li enn parti inportan dan konsyens kolektif Morisyen. Pu sa rezon la, nu prezant u sa liv-la. Kumsa nu kapav exteryoriz tu sa la, e petet fer progre. Baz militer Diego Garcia laba, li kuma enn ple lor Losean Indyen. Enn lorer. Repiblik Mauritius, pei-la li-mem, res demambre. Enn desirir. E tu sa Morisyen ki form Lepep Chagosyen, zot tuzur exile. Enn vid dan zot leker. Enn dey. Memwar zot sufrans, memwar zot deplasman forse, memwar sa zenosid, memwar sa kriyote ki Leta Britanik ek Leta Amerikin finn fer Chagosyen sufer, li tuzur inpreyn latmosfer Moris. Li partu. Li dan nu ler, dan nu lamer, dan nu later. Li dan nu lespri. E li enn but listwar ki tu kalite lotorite ti pe tufe, san-ses. Lotorite ti kasyet sa listwar la. Zot ti gard li enn sekre, pu ki bann diferan lepep – sirtu Amerikin ek Angle –napa kone ki finn pase. E pu ki pa zis laba,me isi dan Moris, tu ti sipoze res flu, san-prev, vag. Listwar ti tufe dan silans inpoze par Official Secrets Act dan Rwayom Ini. Rwayom Ini pei ki finn demambre Moris, ki finn tortir abitan Moris dorizinn Chagos, ki finn koken 65 Lil. Ena de lartik Lindsey Collen ek Ragini Kistnasamy lor la. Enn (paz 165) li lor ki manyer sekre deta opere dan Gran Bretayn, lot la (paz 25) li lor manyer ki Zizman Novam 2000 dan Lakur Siprem Lond finn vinn met divan lizye piblik sa konspirasyon deta terib, enn konspirasyon pu derasinn tu Chagosyen, pu koken Chagos an antye, e pu konverti seki ti sipoze pu vinn enn swa-dizan “stasyon sinyalman” an enn baz militer mazer pu solda, maren, erfors USA. Listwar ti tufe osi par Leta Zini – pei ki ti komplis dan tusala, pei ki ti azir e tuzur pe azir kuma reseler, pei ki mont so baz militer orib. Leta Amerikin asak fwa finn lav so lame de so responsabilite. Wadire Pons Pilat. Get lartik lor purswit Chagosyen kont Leta Amerikin, ek so Dick Cheney ek so Donald Rumsfeld (paz 179). Sa purswit la expoz lyen malsen ant bann militer, bann Sekreter Deta, bann PDG konpayni prive ki rul baz militer, ek politisyen eli. Get osi lartik Rada Kistnasamy lor mini-zizman prosediral dan ka-la, paz 171. Ena enn lartik byen interesan baze lor rapor depi dimunn ki oblize rest anonim, lor ki manyer li ete zordizur lor Diego Garcia (get paz 155). Listwar sirtu, finn tufe par politik Leta Moris – so Ramgoolam, so Jugnauth, so Bérenger, so Gayan – zot tu finn servi Chagos ek finn servi sufrans ek lapenn Chagosyen kuma enn vilger levye pu zot apiye detanzantan, pu ki zot tir benefis depi Angle, benefis depi Amerikin, pu profi sekter prive Moris, setadir pu zot bayer de fon politik. Alor leta morisyen finn azir lor kestyon Diego dan enn fason ki direkteman ede pu ogmant profi tablisman, pu fer so disik vann pli buku dan marse Lerop, dan marse Amerikin, ler la Pu profi zonn frans, pu fer triko patron vann pli buku dan marse Amerikin. Get lartik Alain Ah-Vee lor rol malsen Leta Moris, su so diferan politisyen Travayis ek MMM, paz 125. Get lartik Ashok Subron (paz 85) lor sabotaz sa proze extra-ordiner “Losean Indyen Zonn de Pe”. Sa sabotaz-la ti fer par sa bann mem politisyen tret, Lalit akiz zot de “tret” parski, tandi ki sekter prive ek PMSD ti tultan pro-kapitalis, pro-inperyalis, pro-dominasyon, Travayis, li, dan so listwar li ti kont, li ti ansam ar lepep oprime, ar klas travayer. Me, li finn vande. Samem nu dir li “tret”: Me, listwar retenir ki kan Ramgoolam ti vande ar Angle, an 1965, Moris ti tuzur koloni, alor so Premye Minis pa ti relman ena puvwar “vande” anver so “met”. Li ti ankor reelman su zug kolonyal. Par kont, MMM, kan li pu vinn vande, li pena okenn de pretex. MMM, li osi, avan lane 1981 par la, li ti kont kapitalis, li ti kont kolonizasyon ek li ti opoz bann espes reyn inperyal. Lerla li finn vande. E, latet dan vande, se so Bérenger limem. Moman exak, kan li vande piblikman lor zafer Diego, se kan li gayn so nominasyon kuma enn espes “anbasader partu-partu” an 1990 dan Guvernman koalisyon ar Jugnauth. E, kan zot vande, natirelman tu sa bann parti politik o-puvwar refiz vinn chalenj Guvernman Angle ek Amerikin, ni dan Nasyon Zini avek enn rezolisyon kare-kare, ni dan Lakur Lazistis Internasyonal. Zot prefer marsand lavantaz isi-laba pu Misye-la. Zot prefer res trankil lor baz militer, lor kestyon re-inifikasyon Moris, lor sufrans Chagosyen. Me, Guvernman li pa lepep. Sa sekre ki Guvernman finn sey garde, li finn suvan kase kan dimunn ordiner Chagosyen ek dimunn ordiner Moris finn reysi lev enn muvman politik tapaze, fer manifestasyon lari a ot vwa, vinn akter dan nu prop listwar. Get lartik Ragini Kistnasamy ek Lindsey Collen (paz 109) lor presizeman sa lalit nob ki dimunn ordiner, sirtu fam, finn amene dan nu pei kan zot finn defye lotorite. E tudernyeman lavwal sekre pe tire net. Alor, nu liv lor Diego Garcia tom byen. Li enn moman dan listwar kot Georges W. Bush, Prezidan