Kvam herad

Sakspapir

SAKSGANG Styre, utval, komite m.m. Møtedato Saknr Kvam formannskap Kvam heradsstyre

Avgjerd av: Arkiv: Arkivsaknr Saksh.: Kari Weltzien Vik Objekt: 21/449 - 1

Ingebrigt Vik Museum. Revidering av vedtekter

Rådmannen sitt framlegg til vedtak: Kvam heradsstyre vedtar revidert reglement til Ingebrigt Vik museum slik det ligg føre:

Reviderte vedtekter for Ingebrigt Vik museum

1. Museet omfattar kunstverk utførde av Ingebrigt Vik (1867-1927). Samlinga er skipa på grunnlag av gåvebrev frå kunstnaren datert 21.11.1926. Samlinga er udeleleg. 2. Etter at Øystese Ungdomslag er lagt ned, er museumseigedomen med samlingane Kvam herad sin eigedom. 3. Kvam heradsstyre er forstandarskap for Ingebrigt Vik museum, og dette skal velja eit eige styre for kunstsamlinga på 5 medlemar og 2 varamedlemar. Eit medlem i styret kjem frå kunstnaren si slekt. Avdelingsleiar i Kabuso har møte og talerett i styret. Ved røystelikskap har styreleiar dobbelrøyst. 4. Administrativt er museet lagt under Hardanger og Voss museum. 5. Museet skal stilla seg til rådvelde for forsking, driva formidling, og stilla seg ope for allmennkulturell verksemd. Museet skal fagleg samarbeide med fylkeskonservator i Vestland og andre kunstmuseum. Samlinga skal vera tilgjengeleg for ålmenta og opningstidene skal kunngjerast. 6. Styret har ansvar for at samlingane held god museumsteknisk standard. 7. Bronsekopiar av originalverk kan støypast for sal, men talet på avstøypingar skal haldast på eit minimum slik at originalverka ikkje mister sin verdi, eller vert øydelagt i prosessen med ei avstøyping. Styret fastset pris. Inntekter ved sal av skulpturar skal setjast av på eige fond som skal disponerast av styret til utbygging eller vidareutvikling av museet. 8. Årsmelding og rekneskap inngår i Hardanger og Voss museum og skal leggjast fram for Kvam heradsstyre som forstandarskap, og sendast kulturavdelinga i Vestland fylkeskommune

Samandrag: Styret for Ingebrigt Vik Museum har i styremøte 14.10.2020 vedteke forslag på reviderte vedtekter og sendt dette til Kvam heradsstyre for vidare handsaming.

Styret for Ingebrigt Vik Museum føreslår endringane på grunn av at vedtektene ikkje er oppdatert i tråd med noverande organisering. Rådmannen støttar i hovudsak styret sitt forslag, men har kome med forslag på nokre endringar. Desse har rådmann gjort greie for under punktet saksopplysningar. Rådmannen har i tillegg gjort nokre korrigeringar når det gjeld språk. Styret for Ingebrigt Vik Museum har hatt saka til gjennomlesing og støttar opp om rådmannen sine forslag til endringar.

Vedtektene som gjeld per i dag vart vedteke av Kvam heradsstyret i møte den 12.12.1994, og vart seinare justert i samsvar med politisk organisering i Kvam herad 12.2.1997. Dei gamle vedtektene er lagt ved saka.

Liste med vedlegg som det er referert til eller sitert frå i saksframstillinga: Dok.id Tittel 716650 Vedtekter Ingebrigt Vik museum1994

Andre dokument i saka:

Saksopplysningar:

Oversikt over type endringar som er føreslått:

Språk - Det er gjennomført små korrigeringar i språk

Organisering

Punkt 3.

- Hovudutval for kultur er bytta ut med Kvam heradsstyre. - Kvam heradsstyre er forstandarskap og vel styret for Ingebrigt Vik Museum. - Eit medlem i styret kjem frå kunstnaren si slekt. - Avdelingsleiar i Kabuso har møte og talerett i styret

Punkt 4.

- Administrativt er museet lagt under Hardanger og Voss museum.

Punkt 5.

- Museet skal fagleg samarbeide med fylkeskonservator i Vestland og andre kunstmuseum.

Punkt 6.

- Museet vert drifta av Hardanger og Voss museum - Styret har ansvar for at samlingane held god museumsteknisk standard

Punkt 7.

- Rådmannen har vore i kontakt med Erik Steen, dagleg leiar i Norsk Billedhoggerforening for å få tilsendt retningslinjene deira for avstøyping av statuer. Han informerte om at Norsk Billedhoggerforening ikkje lengre nyttar desse retningslinjene. Rådmannen føreslår difor å stryka følgjande setning i forslaget til styret for Ingebrigt Vik Museum: Talet for avstøypingar skal fylgja retningslinene til «Norsk Billedhoggerforening».

Erik Steen informerte om at det per i dag ikkje eksisterer nasjonale eller internasjonale føringar på dette området, og at det difor er vanskeleg for Norsk Billedhoggerforening å forsvara eigne retningslinjer. Den gjengse norma eller «den uskrivne regelen» om ein vil, seier at det ikkje skal gjennomførast så mange avstøypingar av originale verk fordi det originale kunstverket då kan gå ned i verdi eller i verste fall bli øydelagde i prosessen med å laga avstøypingane. Det er vanlegvis kunstnaren sjølv som bestemmer kor mange eksemplar det skal lagast av kvart verk, og i kor mange storleikar. Med bakgrunn i desse opplysningane føreslår rådmannen å endra ordlyden i vedtektene til: 7. Bronsekopiar av originalverk kan støypast for sal, men talet på avstøypingar skal haldast på eit minimum slik at originalverka ikkje mister sin verdi, eller vert øydelagt i prosessen med ei avstøyping. Styret fastset pris.

- Vidare føreslår rådmannen å ta med ordet «vidareutvikling» i den siste setninga slik at vedtektene femnar om meir enn berre ei utbygging av museet: Inntekter ved sal av skulpturar skal setjast av på eige fond som skal disponerast av styret til utbygging eller vidareutvikling av museet. - Punktet når det gjeld formidling fell vekk på grunn av at det er Hardanger og Voss museum som driftar museet.

Punkt 8.

- Dette punktet er fjerna.

Punkt 9.

- Nummerert som punkt 8 i forslag til reviderte vedtekter - Årsmelding og rekneskap inngår i Hardanger og Voss museum og skal leggjast fram for Kvam heradsstyre som forstandarskap, og sendast kulturavdelinga i Vestland fylkeskommune

Vurdering: x