Særutskrift - Detaljregulering for Fv

Administrasjon Stab

Vår ref.: 2019/663-84 Dato: 08.03.2021

Til: Anne Lise Næs

Frå: Bente Høyland

Særutskrift - Detaljregulering for fv. 500 Kroka-Sundal - 57/1 og 59/1 med fleire - PlanID 20180004

Kommunestyret hadde saka føre i møte 18.02.2021 som sak 2021/6. Vedlagt fylgjer utskrift av møteboka der vi syner til vedtaket.

Kvinnherad kommune

Saksmappe Saksbehandlar

2019/663-77 Anne Lise Næs

Saksgang Saksnr Utval Møtedato 2021/1 Plan-, teknikk- og miljøutval 02.02.2021 2021/6 Kommunestyret 18.02.2021

Godkjenning og 2. gangs behandling - Detaljregulering for fv. 500 Kroka-Sundal, 57/1 og 59/1 m. fl. - PlanID 20180004

Innstilling frå kommunedirektøren: Kvinnherad kommunestyre godkjenner i medhald av plan- og bygningslova § 12-12, forslag til detaljregulering for fv. 500 Kroka-Sundal, 57/1 og 59/1 m. fl. PlanID 20180004. Plankart og planskildring er datert 28.10.2020, og føresegner er datert 27.11.2020.

Vilkår: 1. Tiltakshavar vurderer varslingssystem som risikoreduserande tiltak for varsling om mjuke trafikantar i tunnelen. 2. Fartsreduserande tiltak gjennom Sundal vurderast ved rullering av trafikksikringsplanen.

Mindre teknisk justeringar av plankartet kan utførast administrativt når planen er endeleg vedtatt. Rettshavarar og naboar skal underrettast i samsvar med reglane, og planen skal kunngjerast i lokalpressa og i kommunen sine elektroniske medium. Grunnlaget for kommunal eigengodkjenning er til stades.

Behandling i Plan-, teknikk- og miljøutval den 02.02.2021 Nytt framsett forslag til vilkår punkt 3 frå Kristian Eide Jensen, SP: Planforslaget legg ikkje til rette for ei trafikksikker løysing for mjuke trafikkantar på strekninga Musskjerneset-Sundal. Hordaland fylkeskommune skal saman med Kvinnherad kommune søkje løysingar for utfylling av overskotsstein på denne strekninga. Ny fylling skal kunne gje gåande eit reelt alternativ til å ferdast i vegbana på kort sikt og leggje grunnlag for ein framtidig g/s-veg.

Røysting: samrøystes

Nytt framsett forslag frå Stein Olav Ølvestveit, SP: Til første avsnitt i føresegnene sin § 2.4 vert lagt til ein setning om at overskotsmassar kan nyttast til godkjende tiltak utanfor planområdet slik:

3 § 2.4 Masse- og avfallshandtering Overskotsmassar i utbyggingsområde skal så langt som mogleg brukast på staden, til dømes til istandsetting og tilarbeiding av terrenget. Utbyggingsområda må planleggast og utviklast slik at behovet for å transportere bort masser blir minst mogleg. Overskotsmassar kan også nyttast til godkjende tiltak utanfor planområdet for å unngå deponering.

Røysting: samrøystes

Innstillinga frå kommunedirektøren med tilleggspunkt vart samrøystes vedteken.

Innstilling frå Plan-, teknikk- og miljøutval den 02.02.2021 Kvinnherad kommunestyre godkjenner i medhald av plan- og bygningslova § 12-12, forslag til detaljregulering for fv. 500 Kroka-Sundal, 57/1 og 59/1 m. fl. PlanID 20180004. Plankart og planskildring er datert 28.10.2020, og føresegner er datert 27.11.2020.

Vilkår: 3. Tiltakshavar vurderer varslingssystem som risikoreduserande tiltak for varsling om mjuke trafikantar i tunnelen. 4. Fartsreduserande tiltak gjennom Sundal vurderast ved rullering av trafikksikringsplanen. 5. Planforslaget legg ikkje til rette for ei trafikksikker løysing for mjuke trafikkantar på strekninga Musskjerneset-Sundal. Hordaland fylkeskommune skal saman med Kvinnherad kommune søkje løysingar for utfylling av overskotsstein på denne strekninga. Ny fylling skal kunne gje gåande eit reelt alternativ til å ferdast i vegbana på kort sikt og leggje grunnlag for ein framtidig g/s-veg.

Til første avsnitt i føresegnene sin § 2.4 vert lagt til ein setning om at overskotsmassar kan nyttast til godkjende tiltak utanfor planområdet slik:

§ 2.4 Masse- og avfallshandtering Overskotsmassar i utbyggingsområde skal så langt som mogleg brukast på staden, til dømes til istandsetting og tilarbeiding av terrenget. Utbyggingsområda må planleggast og utviklast slik at behovet for å transportere bort masser blir minst mogleg. Overskotsmassar kan også nyttast til godkjende tiltak utanfor planområdet for å unngå deponering.

Behandling i Kommunestyret den 18.02.2021 Kommunedirektøren si innstilling vart samrøystes vedteken.

Vedtak frå Kommunestyret den 18.02.2021 Kvinnherad kommunestyre godkjenner i medhald av plan- og bygningslova § 12-12, forslag til detaljregulering for fv. 500 Kroka-Sundal, 57/1 og 59/1 m. fl. PlanID 20180004. Plankart og planskildring er datert 28.10.2020, og føresegner er datert 27.11.2020.

Vilkår: 6. Tiltakshavar vurderer varslingssystem som risikoreduserande tiltak for varsling om mjuke trafikantar i tunnelen. 7. Fartsreduserande tiltak gjennom Sundal vurderast ved rullering av trafikksikringsplanen. 8. Planforslaget legg ikkje til rette for ei trafikksikker løysing for mjuke trafikkantar på strekninga Musskjerneset-Sundal. Hordaland fylkeskommune skal saman med

4 Kvinnherad kommune søkje løysingar for utfylling av overskotsstein på denne strekninga. Ny fylling skal kunne gje gåande eit reelt alternativ til å ferdast i vegbana på kort sikt og leggje grunnlag for ein framtidig g/s-veg.

Til første avsnitt i føresegnene sin § 2.4 vert lagt til ein setning om at overskotsmassar kan nyttast til godkjende tiltak utanfor planområdet slik:

Saksutgreiing:

PlanID: 20180004 Forslagsstillar: Vestland fylkeskommune

Historikk: 25.10.2018: Kommunestyret slutta seg til Kvinnheradpakken 31.10.2018: Det vart halde oppstartsmøte 30.04. - 14.06.2019: Varselbrev og kunngjering av planarbeid 28.05.2018: Informasjonsmøte om planarbeidet 14.06.2019: Frist for innspel til planarbeidet 04.02.2020: 1. gangs behandling og offentleg ettersyn 23.03.2020: Høyringsfrist 1. gangs behandling og offentleg ettersyn

Formål og bakgrunn Planarbeidet er del av Kvinnheradpakken som Kommunestyre slutta seg til 25.10.2018.

Formål med planen er å sikre den mest skredutsette strekninga innanfor planområdet, og dette ved å regulere ein skredsikringstunnel. Planarbeidet omfattar vegstrekninga frå Kroka til og med Musskjerneset. Planforslaget omfattar i tillegg eit deponiområde på om lag 50 daa i Austrepollen. Deponiområdet er eit tidlegere deponi frå utbygginga av Folgefonnstunnelen, og massane som vert mellomlagra er planlagt å nytta til utbetring av fylkesvegen mellom Årsnes og Folgefonntunnellen.

Planarbeidet er eit samarbeid mellom Fylkeskommunen (tidlegare Statens vegvesen) og Kvinnherad kommune, der fylkeskommunen utarbeidar og fremjar utkast til reguleringsplan, og

5 Kvinnherad kommune deltek i prosjektgruppe og har ansvar for den formelle behandlinga av planen. Forprosjektet frå mars 2018 anbefalte den kortaste tunnelen som det no er laga planforslag for. Lengda på tunnelen er ca. 1400 meter.

Det er vurdert at planarbeidet ikkje utløyser krav om konsekvensutgreiing.

Om planforslaget og tilhøve til gjeldande planar Planforslaget inneheld plankart og planskildring datert 28.10.2020, og føresegner er datert 27.11.2020. Vidare følgjer vedlagt; teikningshefte som syner detaljteikningar, Ros-analyse av 18.10.19, VA-rammeplan av 28.10.19 og geologisk rapport av 4.11.19.

Her er vist planområdet for skredsikringstunnellen.

Utsnitta under viser planforslag for skredsikringstunnel med tunnelpåslag, samt deponiområde i Austrepollen.

Figur 1: Tunnelpåslag ved Kroka Figur 2: Tunnelpåslag ved Musskjerneset

Figur 3: Utsnitt tunnel ved Koka Figur 4: utsnitt tunnel ved Musskjerneset Figur 5: Areal for mellomlagring av masse i Austrepollen

Planområdet er i arealdelen til kommuneplanen i hovudsak vist som LNRF. Det ligg ein skrå skravur som buffer langs vegtraseen som viser omsynssone for støy. Like eins ligg ein skrå langsgåande raud skravur som indikerer faresone høgspent.

Ved Sundal er det i tillegg faresone for ras, og noko areal er bandlagt etter andre lover.

Figur 6 Utsnitt frå Kommuneplanen ved Sundal

Med bakgrunn i vedlagt dokument om KU-plikt av 16.4.2019, er det konkludert med at planforslaget ikkje får vesentlege verknadar for miljø eller samfunn, og at tiltaket dermed ikkje krev konsekvensutgreiing.

Ny plan vil overlappe mindre del av gjeldande reguleringsplan for fylkesvegen, PlanID 19950002. Ny plan overlappar også heile gjeldande detaljregulering for Musskjerneset, PlanID 20110016, men storparten av denne reguleringsplanen skal tilbakeførast identisk med noverande plan for Musskjerneset når arbeidet med skredsikringstunnel er avslutta. Grunnen til at planen for Musskjerneset er inkludert i dette planarbeidet, er at det er trong for ekstra arbeidsareal i anleggsperioden. Areal for anna veggrunn, o_SVG7 som overlappar del av detaljregulering for Musskjerneset, vil likevel bli varig omregulert som vist i ny plan.

7 Det er i ny plan foreslått 4 område for anlegg- og riggområde, mellom anna bestemmelsesområde #2 over Musskjerneset. Mellombels anlegg- og riggområde #1, #2, #3 er planlagt avslutta når vegarbeidet er avslutta, og seinast eit år etter at anlegget er teke i bruk. Bestemmelsesområde #4 i Austrepollen er tenkt nytta til mellomlagring av massar i ein periode på inntil 10 år etter at veganlegget er teke i bruk. Området skal tilbakeførast til landbruk når perioden med mellomlagring av massar er ferdig.

Tunnellen er planlagt med profil T9,5 i klasse B. I overgangssona mellom tunnel og køyreveg vil det i 50 m etter portalen vere same breidde som i tunnelen, og deretter vil køyrevegen gå frå 7,5 m til 6,5 m over ein strekning på 100 meter.

I planen er det lagt opp til at eksisterande veg som går parallelt med tunnelen skal stengast. Gang- og sykkeltrafikken må difor nytte tunnelen. Ein føreset forsterka tunnellys og kvitmalte veggar.

Når det gjeld trafikktryggleik så blir denne betra i stor grad då trafikantane ikkje lenger treng å ferdast på ei skredutsett strekning. Forslagsstillar har ut frå trafikkteljing av gåande og syklande sommar 2020, vurdert at det ikkje er krav til eige tilbod til gåande og syklande gjennom tunnelen. Prosjektet legg difor opp til at gåande og syklande må nytte tunnelen.

I vedlagt ROS-analyse er det forslag til risikoreduserande tiltak. Det anbefalast at ein vurderer eit varslingssystem som syt for at bilførarane vert varsla om at det kan vere syklistar i tunnelen, før dei køyrer inn i den. Fartsreduserande tiltak bør også vurderast gjennom Sundal, men desse anbefalingane er ikkje vidare forkankra i plandokumenta.

Det er søkt fråvik for to forhold i tilknyting til planarbeidet. Etter handsamingsmøte med fråviksgruppa i Vestland fylkeskommune er ei havarinisje flytta til inngåande køyrefelt. Dette medfører at det vert noko ekstra siktsprenging i tunnelveggen i innerkurve der. Det er elles godkjent søknad om fråvik frå nabokurvekravet i byrjinga og slutten av tunnelen. Dette fordi nabokurvene er større enn det kravet i N100 tilseier.

Vedlagt VA-rammeplan legg grunnlag for utarbeiding av detaljplan for overvasshandtering og dimensjonering av sløkkjevatn i tunnellen. Plan for overvasshandtering skal utarbeidast med fokus på klimapåslag med større nedbørsmengder, og vera godkjent før igangsetting av tiltaket. Det skal like eins lagast plan for handtering av overskotsmassar, og det skal transporterast bort minst mogeleg masser. Overskotstein skal nyttast til vegutbetring av fylkesvegen mot Årsnes. Geologisk rapport kap. 6 seier elles at det skal lagast kvalitetssikringssytem for geologisk kartlegging, sikring og dokumentasjon, og det skal lagast sluttrapport med opplysningar om framtidig inspeksjonsbehov. Det kan også verta aktuelt med rystelsesmålingar med særleg fokus på Musskjerneset.

8 Planområda er skildra i planskildringa under punkt 4, og verknadane av planforslaget går fram under punkt 6. Ein må mellom anna rekne med at avkøyrsler vert lagt om eller stengt i periodar, og det vil verte støy i nærområda til veganlegget.

Planprosess og medverknad Oppstart av planarbeid vart varsla med brev til naboar og offentlege instansar 25.04.2019, og med påfølgjande annonse i Kvinnheringen og Grenda. Det kom inn 9 innspel. Det vart 28.05.19 halde folkemøte på Mauranger skule, for å få innspel til planarbeidet.

Forvaltningsutvalet i Kvinnherad vedtok 29.1.2020 å leggje planforslaget ut på høyring og til offentleg ettersyn. Varslingsbrev vart sendt ut 6.2.2020 med merknadsfrist 23.3.2020. Annonse vart kunngjort i Grenda og Kvinnheringen. Det er kome 6 merknadar etter høyringsrunden. 5 frå offentlege instansar, og 1 privat.

Rettshavarar og naboar skal vidare underrettast om godkjenning av planen i samsvar med reglane. Dette med opplysningar om rett til å klage, og planen skal kunngjerast i lokalpressa og i kommunen sine elektroniske medium.

Merknadshandtering Det er få justeringar som er gjort, men dei går fram av merknadsskjema i planskildringa kapittel 9.2. Merknadar i sin heilskap finn ein på lenke, sak 2019/663: http://82.134.72.200/eInnsynKK

Vurdering Administrasjonen støttar planforslaget frå Statens vegvesen og finn at dei viktigaste utfordringane er påpeika og ivareteke i plandokumenta. Planforslaget er i samsvar med Kvinnheradpakken, fråviksøknad er godkjent, og val av tunnelprofil er grundig vurdert. Ein har funne at ein sikrar det mest skredutsette partiet, og vil nytte resterande midlar til å utbetre ugreie vegparti mot Årsnes.

I ROS-analyse er det forslag til risikoreduserande tiltak der ein vurderer eit varslingssystem som syt for at bilførarane vert varsla om syklistar i tunnelen. Dette bør etter administrasjonen sitt syn vurderast. Fartsreduserande tiltak gjennom Sundal bør også vurderast ved rullering av trafikksikringsplanen.

Ein kan også tenkje seg at ein burde lage eit tilbod til mjuke trafikantar frå campingplassen på Musskjerneset og til Sundal. Ein har likevel vurdert at det ikkje er rett å nytte midlane til dette no i samband med skredsikring.

Planforslaget med vedlegg vert lagt fram for Plan, teknikk og miljøutvalet i samsvar med delegeringsreglement, og deretter sendt til Kommunestyret for stadfesting.

Økonomisk konsekvens: Planarbeidet vil ikkje få økonomiske følgjer for kommunen utover det som allereie går fram av Kvinnheradpakken. Det kortaste tunnelalternativet er valt av kostnadsmessige årsaker, og ein vil nytte resterande midlar til å utbetre mest mogeleg av fylkesvegen vidare mot Årsnes.

Miljøkonsekvens: Planarbeidet er eit trafikksikringstiltak, men skal så langt det er mogeleg byggje opp under nasjonale mål om klimavenleg og berekraftig utvikling. Ein legg til rette for tryggare ferdsel for innbyggjarar i kommunen og for andre reisande.

Vedlegg: 1 Føresegner 27.11.2020 2 Planskildring Fv. 500 Kroka-Sundal 28.10.2020 3 ROS-analyse FV551 Kroka-Sundal 18.10.19 4 VA-rammeplan FV551 Kroka - Sundal 28.10.19

14 5 Geologisk rapport Kroka-Sunndal 04.11.19 6 Vurdering av KU-plikt 16.4.2019 7 PTM - Plankart Fv. 500 Kroka 8 PTM - Teikningshefte Fv. 500 Kroka - Sundal