saksframlegg

Dato: Referanse: Vår saksbehandlar: 06.10.2020 128949/2020 Lisbeth Nervik

Saksnr Utval Møtedato Kultur-, næring- og folkehelseutvalet 20.10.2020

Tilskot frå Marint miljøsikrings- og verdiskapingsfond 2020

Forslag til vedtak: Møre og fylkeskommune løyver følgjande tilskot frå Marint miljøsikrings- og verdiskapingsfond i 2020:

1. Inntil 479 500 kroner til Norwegian Research Centre Miljø til prosjektet «Habitatkartlegging og tiltaksanalyse for villaks og sjøaure på Sunnmøre». Det blir også løyvd inntil 479 500 frå Tilskotsordning for vassmiljøtiltak i Møre og Romsdal vassregion til same prosjektet.

Tilskotet er avgrensa til 50 prosent av totalkostnad på 1 919 000 kroner. Det er ein føresetnad at prosjektet blir fullfinansiert.

2. Inntil 1 230 000 kroner til Fjord kommune til prosjektet «Felles plan for sjøareala i , og Fjord».

Tilskotet er avgrensa til 50 prosent av totalkostnad på 2 460 000 kroner. Det er ein føresetnad at prosjektet blir fullfinansiert.

3. Inntil 1 500 000 kroner til Hustadvika kommune til prosjektet «Søknad om støtte – utarbeide interkommunal plan for sjøareal – kommune og Hustadvika kommune».

Tilskotet er avgrensa til 50 prosent av totalkostnad på 3 000 000 kroner. Det er ein føresetnad at prosjektet blir fullfinansiert.

4. Inntil 265 000 kroner til NORSØK til prosjektet «Styrke infrastruktur for forsking tilknytta biogassproduksjon ved NORSØK».

Tilskotet er avgrensa til 7,7 prosent av totalkostnad på 3 455 000 kroner. Det er ein føresetnad at prosjektet blir fullfinansiert.

5. Inntil 1 156 000 kroner til Møreforsking til prosjektet «Bærekraftig kalsiumtilskudd fra fiskebein for bedre leddhelse»

Tilskotet er avgrensa til 79,4 prosent av totalkostnad på 1 456 000 kroner. Det er ein føresetnad at prosjekt blir fullfinansiert.

6. Inntil 1 396 000 kroner til Møreforsking til prosjektet «Forskningsbasert utvikling av medisin fra marine ingredienser».

Tilskotet er avgrensa til 66,3 prosent av totalkostnad på 2 106 000 kroner. Det er ein føresetnad at prosjektet blir fullfinansiert.

Bakgrunn Fylkestinget vedtok i sak T-16/19 forslag til vedtekter, innretning og forvalting av Marint miljøsikrings- og verdiskapingsfond (MMV).

I vedtaket vart følgjande innretning lagt til grunn:

Fondet skal brukast i tråd med satsingar knytt til marin sektor slik dette til ei kvar tid går fram av økonomiplan og forskings- og innovasjonsstrategi for næringslivet i Møre og Romsdal. 1. Styrke innovasjonsevna i det marine næringslivet 2. Bygge kunnskap og kapasitet i forskingsmiljøa i samarbeid med næringslivet i marin sektor 3. Styrke marint kunnskapsgrunnlag, og styrke arealplanlegging i kystsona gjennom interkommunale planar 4. Styrke forsking og tiltak for miljøvenleg fiskeoppdrett. 5. Tiltak for å hjelpe villaksen og fremje god sameksistens mellom havbruk og villaks

Formålet med Marint miljøsikrings- og verdiskapingsfond (MMV) er å fremje ei berekraftig utvikling og auka verdiskaping i marin sektor i Møre og Romsdal. Den marine sektoren i fylket består av heile verdikjeda med konsern og bedrifter innan fiskeri, havbruk, foredling og marine ingrediensar, leverandørar av tenester og utstyr, og praksisnær forsking og utdanning.

Midlane i fondet kan enten lysast ut, eller fylkeskommunen kan sjølv ta initiativ til å setje i verk utviklingsprosjekt. Regional- og næringsutvalet fekk ansvaret for forvalting og løyvinga frå fondet, og vil no bli ivareteke av Kultur,- næring- og folkehelseutvalet.

Regional- og næringsutvalet la til grunn i sak RN-36/19 at det skal lysast ut midlar etter mal frå innretning av det «gamle» MMV-fondet for punkt 3 og 5. Det vil seie at midlane blir lyst ut 1. mars 2020 med søknadsfrist 1. september. Behandling av søknadane blir lagt til møte i Kultur-, nærings og folkehelseutvalet i oktober.

I same sak vart det også vedteke at det skulle lysast ut etter postdoktorstillingar og forskingsinfrastruktur jf. «Strategi for fleire forskingsarbeidsplassar i Møre og Romsdal». Denne strategien stadfestar at finansiering av ei postdoktorstilling gir grunnlag for nye prosjekt, som igjen kan gi jobb til fleire forskarar på permanent basis. Det vart også opna for å medfinansiere PhD-stipend med utgangspunkt i kunnskapsbehova i næringslivet. Nedslagsfeltet for alle satsingane har vore marin sektor, og administrasjonen har hatt dialog med forskingsmiljø i fylket om relevante prosjekt.

Søkjarar og prosjekt/tiltak 1. Norwegian Research Centre Miljø (NORCE) søker om 959 500 kroner til prosjektet «Habitatkartlegging og tiltaksanalyse for villaks og sjøaure på Sunnmøre». Beløpet utgjer 50 prosent av totalkostnaden. 2. Fjord kommune søker om 1 230 000 kroner i tilskot til prosjektet «Felles plan for sjøareal i Stranda, Sykkylven og Fjord». Dette utgjer 50 prosent av totalkostnaden i prosjektet. 3. Hustadvika kommune søker om 3 000 000 kroner til prosjektet «Søknad om støtte - utarbeide interkommunal plan for sjøareal - Aukra kommune og Hustadvika kommune». Beløpet utgjer 66,7 prosent av totalkostnaden i prosjektet.

4. NORSØK/ sol- og bioenergisenter søker om infrastrukturmidlar på 265 000 kroner til prosjektet «Styrke infrastruktur for forsking knytt til biogassproduksjon ved NORSØK». Beløpet utgjer 7,7 prosent av totalkostnaden i prosjektet 5. Møreforsking AS søker om postdoktorstilling på prosjektet «Bærekraftig kalsiumtilskudd fra fiskebein for bedre leddhelse». Det blir søkt om 1 156 000 kroner i tilskot som utgjer 79,4 prosent av totalkostnaden 6. 2020-0349: Møreforsking AS søker om postdoktorstilling og infrastruktur til prosjektet «Forskningsbasert utvikling av medisin fra marine ingredienser». Beløpet utgjer 66,3 prosent av totalkostnaden i prosjektet.

Skildring av søknadene

1. Habitatkartlegging og tiltaksanalyse for villaks og sjøaure på Sunnmøre Norwegian Research Centre Miljø (NORCE) søker om 959 500 kroner til prosjektet «Habitatkartlegging og tiltaksanalyse for villaks og sjøaure på Sunnmøre». Beløpet utgjer 50 prosent av totalkostnaden.

Prosjektet ønskjer å kartlegge levestaden (habitatet) til villaks og sjøaure i 41 vassdrag, 9 lakseelvar og 32 sjøaurebekker, på Sunnmøre i perioden 2020-2022. Prosjektet skal sjå etter forhold i elva som kan vere årsaka til den dårlege bestandstatusen for både villaksen og sjøauren på Sunnmøre, og føreslå konkrete tiltak for styrke fiskebestanden for kvart vassdrag.

Prosjektet har følgjande resultatmål:  Identifisere eventuelle habitatflaksehalsar for laks/sjøaure i ulike delar av vassdraget  Vurdere i kva grad fysiske inngrep har øydelagt habitat og redusert produksjonspotensiale for laks/sjøaure  Vurdere korleis auka skadar etter flaum og isgang vil påverke produksjonsevna i vassdraga  Føreslå konkrete restaurerings- og habitattiltak som kan styrke fiskebestanden, gjerne i kombinasjon med flaumsikring der det er nødvendig.

Kostnadsplan 2020 2021 2022 SUM Feltarbeid, kost, overnatting, tillegg 12 000 47 500 51 000 110 500 Feltarbeid 68 000 239 000 249 000 556 000 Planlegging og organisering 8 000 43 000 43 000 94 000 Rapportering 83 000 435 000 435 000 953 000 Reise 23 000 77 000 77 000 177 000 Reiseutgifter 4 000 13 500 11 000 28 500 SUM 198 000 855 000 866 000 1 919 000

Finansieringsplan 2020 2021 2022 SUM Møre og Romsdal fylkeskommune 99 000 427 500 433 000 959 500 Hofseth Aqua AS 99 000 427 500 433 000 959 500 SUM 198 000 855 000 866 000 1 919 000

2. «Felles plan for sjøareal i Stranda, Sykkylven og Fjord» Fjord kommune søker om 1 230 000 kroner i tilskot til prosjektet «Felles plan for sjøareal i Stranda, Sykkylven og Fjord». Dette utgjer 50 prosent av totalkostnaden i prosjektet.

Stranda, Sykkylven og Fjord kommune ønskjer å lage ein felles sjøarealplan for sjøområda i dei tre kommunane (). I dag har kommunane varierande planar for sjøareala, og manglar også planar for enkelte områder. Ein felles sjøarealplan vil vere med å gje kommunane eit styringsreiskap for forvaltinga av fjordsystemet på tvers av kommunegrensene.

Prosjektet har følgjande resultatmål:  Heilskapleg kommunedelplan etter plan- og bygningsloven § 11 for dei tre kommunane

Kostnadsplan 2020 2021 2022 SUM Diverse/ekstra uføresette utgifter 5 000 25 000 25 000 55 000 Kontorhold/reiser/møte/materiell/førebuing 55 000 150 000 150 000 355 000 Prosjektleiar 75 000 450 000 375 000 900 000 Utgreiingar og anna planarbeid 875 000 275 000 1 150 000 (konsulenttenester) SUM 135 000 1 500 000 825 000 2 460 000

Finansieringsplan 2020 2021 2022 SUM Møre og Romsdal fylkeskommune 80 000 910 000 240 000 1 230 000 Eige arbeid i kommunane 55 000 215 000 210 000 480 000 Stranda kommune 125 000 125 000 250 000 Fjord kommune 125 000 125 000 250 000 Sykkylven kommune 125 000 125 000 250 000 SUM finansiering 135 000 1 500 000 825 000 2 460 000

3. «Søknad om støtte - utarbeide interkommunal plan for sjøareal - Aukra kommune og Hustadvika kommune» Hustadvika kommune søker om 3 000 000 kroner til prosjektet «Søknad om støtte - utarbeide interkommunal plan for sjøareal - Aukra kommune og Hustadvika kommune». Beløpet utgjer 66,7 prosent av totalkostnaden i prosjektet.

Aukra og Hustadvika kommune forvaltar deler av det same fjordsystemet, og kommunane ønskjer no å skape eit godt kunnskapsgrunnlag for forvalting av eigne og felles sjøareal. Dette bidrar også til at det vil vere eit samanhengande kunnskapsgrunnlag for sjøareala utanfor Romsdal og Nordmøre.

Prosjektet har følgjande resultatmål:  Sjøareala i kommunane er kartlagt gjennom ein interkommunal plan

Kostnadsplan 2020 2021 2022 SUM Arbeidstimar 250 000 1 500 000 1 250 000 3 000 000 Prosjektleiing 250 000 750 000 500 000 1 500 000 SUM 500 000 2 250 000 1 750 000 4 500 000

Finansieringsplan 2020 2021 2022 SUM Møre og Romsdal fylkeskommune 250 000 1 500 000 1 250 000 3 000 000 Eigeninnsats 250 000 750 000 500 000 1 500 000 SUM 500 000 2 250 000 1 750 000 4 500 000

4. «Styrke infrastruktur for forsking knytt til biogassproduksjon ved NORSØK» NORSØK/Tingvoll sol- og bioenergisenter søker om infrastrukturmidlar på 265 000 kroner til prosjektet «Styrke infrastruktur for forsking knytt til biogassproduksjon ved NORSØK». Beløpet utgjer 7,7 prosent av totalkostnaden i prosjektet.

NORSØK er i gang med å bygge om testanlegget for biogass slik at det blir betre eigna til å forske på restråstoff frå blå og grøn sektor. Ombygginga er fullfinansiert. For å auke graden av kontroll på forsøksparametrane trengs det derimot ytterlegare tilrettelegging av anlegget, samt utstyr for å følge opp anlegg hos andre i regi av at NORSØK er peika ut til å vere nasjonal rådgivingsteneste for biogass.

Prosjektet har følgjande resultatmål:  Utstyr teke i bruk hos NORSØK og andre

Kostnadsplan 2020 SUM Glødetapsomn 70 000 70 000 Kontinuerleg måling av gassmengde for pilot-anlegg 40 000 40 000 Mobilt instrument for måling av bufferevne 50 000 50 000 Mobilt utstyr for gassmengdemåling 35 000 35 000 Ombygging og tilrettelegging FoU Pilot 3 190 000 3 190 000 Pumpe som handterar ulike råstoff 50 000 50 000 Tilrettelegging målepunkt FoU-anlegg 20 000 20 000 SUM 1 265 000 1 265 000

Finansieringsplan 2020 SUM Møre og Romsdal fylkeskommune 265 000 265 000 Innovasjon Norge 1 590 000 1 590 000 Sparebanken Møre 1 000 000 1 000 000 NORSØK 600 000 600 000 SUM 3 455 000 3 455 000

5. «Bærekraftig kalsiumtilskudd fra fiskebein for bedre leddhelse» Møreforsking AS søker om postdoktorstilling på prosjektet «Bærekraftig kalsiumtilskudd fra fiskebein for bedre leddhelse». Det blir søkt om 1 156 000 kroner i tilskot, som utgjer 79,4 prosent av totalkostnaden.

Prosjektet skal sjå på effekten av berekraftig kalsiumpulver frå fiskebein på leddhelse hos personar med byrjande slitasjegikt (artrose) gjennom kliniske studiar ved sjukehuset i . Hofseth BioCare AS er leverandør av kalsiumpulver, og vil dekke direkte utgifter sjukehuset har med prosjektet. Prosjektet vil bidra til å auke den regionale kompetansen knytt til gjennomføring av kliniske studiar i utviklinga av høgverdige produkt frå marint restråstoff.

Prosjektet har følgjande resultatmål:  Dokumentere effekten av berekraftig kalsiumpulver på leddhelse  Vitskapeleg publikasjon  Moglegheit for nye samarbeid med Kristiansund sjukehus for kliniske studiar  Styrke nettverket for Campus Kristiansund  Formidling ved vitskapelege konferansar

Kostnadsplan 2021 SUM Andre driftskostnadar 30 000 30 000 Datainnsamling Kristiansund sjukehus 170 000 170 000 Forskarinnsats Kristiansund sjukehus 100 000 100 000 Postdoktorstipend 1 156 000 1 156 000 SUM 1 456 000 1 456 000

Finansieringsplan 2021 SUM Møre og Romsdal fylkeskommune 1 156 000 1 156 000 Hofseth BioCare AS 300 000 300 000 SUM 1 456 000 1 456 000

6. «Forskningsbasert utvikling av medisin fra marine ingredienser» Møreforsking AS søker om postdoktorstilling og infrastruktur til prosjektet «Forskningsbasert utvikling av medisin fra marine ingredienser». Beløpet utgjer 66,3 prosent av totalkostnaden i prosjektet.

Møreforsking har etablert kompetanse på cellebiologiske analyser til det regionale næringslivet. Analysane blir brukt for å undersøke helserelaterte verknader av marine produkt, før eit eventuelt klinisk studium. Prosjektet vil vidareutvikle tilbodet til Møreforsking på cellebiologiske analyser, og dermed den regionale kompetansen innan forsking på helseeffektar av marine ingrediensar.

Prosjektet har følgjande resultatmål: Etablering av vidare/forbetre cellemodeller i MØRELAB som verktøy i utvikling av marine høgverdige produkt  Etablere metodar for å arbeide med primære celler frå perifert blod  Etablering av ein T-cellemodell  Uttesting av 3D cellemodellar  Analysemoglegheit for spesialiserte pro-resolusjons faktorar

Kostnadsplan 2021 SUM Analysekostnadar (forbruksvare, reagenser) 120 000 120 000 Andre driftskostnadar 30 000 30 000 Infrastruktur 720 000 720 000 Kjøp av tenester (SPM-analyse - A4) 50 000 50 000 Lønsmidlar Post-doc stipend (NFR-satser) 1 156 000 1 156 000 Reiser og møter 30 000 30 000 SUM 2 106 000 2 106 000

Finansieringsplan 2021 SUM Møre og Romsdal fylkeskommune 1 396 000 1 396 000 Ekstern finansering/ Møreforsking AS 710 000 710 000 SUM 2 106 000 2 106 000

Vurdering Det var lyst ut etter prosjekt til tiltak 3 og 5 frå Marint miljøsikring- og verdiskapingsfond 1. mars 2020. Utlysinga vart lagt ut på nettsidene til fylkeskommunen, og e-post med informasjon om utlysinga vart sendt til alle kommunane i fylket, forskings- og utdanningsinstitusjonar, elveeigarlag, jeger og fiskarforbund med fleire. Gjeldande regelverk for tilskotsforvalting blir lagt til grunn for desse søknadane. Det kom inn tre søknader innanfor søknadsfristen 1. september. Miljøvernavdelinga hos Fylkesmannen i Møre og Romsdal har fått søknadane til vurdering, og har gitt tilbakemelding om at dei synast alle tre søknadane er viktige.

Det vart også sendt ut utlysing etter postdoktorstillingar, PhD-stipendiat og forskingsinfrastruktur til utdannings- og forskingsinstitusjonane i Møre og Romsdal i midten av mars. Det vart opna for å fullfinansiere postdoktorstillingar i eitt år, samt at vi kunne dekke inntil 1/3 av totalkostnaden knytt til forskingsinfrastruktur. Kriteria frå Norges Forskningsråd vart lagt til grunn for både postdoktorstillingane og stipendiat, samt Forskings- og innovasjonsstrategien for næringslivet og Strategi for fleire forskingsarbeidsplassar i Møre og Romsdal. Satsing opp mot etablering av ein SFI marin (Senter for forskingsdreven innovasjon) i fylket og auka forskingskapasitet ved Campus Kristiansund vart spesielt etterspurt. Etter dialog med relevante miljø vart tre prosjekt valt ut.

1. Habitatkartlegging og tiltaksanalyse for villaks og sjøaure på Sunnmøre Fangstane av villaks har gått betydeleg ned på Sunnmøre dei siste åra. Store lakseelver som Valldøla og Stodalselva er i 2020 stengt for fiske grunna at gytebestanden av laks blir vurdert som små. Tilstanden til sjøauren i Møre og Romsdal er også i kritisk forfatning, og berre ein bestand blir vurdert til god tilstand i følge rapporten «Klassifisering av tilstanden til 430 norske sjøørretbestander». Heile 87 prosent blir vurdert til å vere i dårlig eller svært dårlig tilstand.

Lakseelvene på Sunnmøre har derfor teke initiativ til eit hovudprosjektet som heiter «Mer laks og sjøørret på Sunnmøre» i lag med NORCE og Hofset Aqua AS. Prosjektet er planlagt frå 2020 til 2026, og habitatkartleggingsprosjektet er eit delprosjekt i dette hovudprosjektet. Hofset Aqua har garantert for finansieringa av prosjektet, og står for 50 prosent av finansieringa i delprosjektet. I tillegg vil det bli utført eigeninnsats av Lakseelvene på Sunnmøre bl.a. med lokalkunnskap om

vassdraga. Dette kjem ikkje fram i økonomien til prosjektet då denne kun tek omsyn til aktivitet som NORCE er fagleg og administrativt ansvarleg for å gjennomføre.

Før det kan gjerast konkrete tiltak for å forbetre habitatet til villaksen og sjøauren er det viktig å identifisere eventuelle flaskehalsar i vassdrag og bekkar som hindrar gyting og overleving av yngel. Dette kan vere manglande gytegrus, skjul/kantvegetasjon, manglande tersklar, skadar frå flaum, utretting av elveløp med meir. Det må også vurderast om forholda i elva og eventuelle fysiske inngrep kan vere årsaka til nedgangen i lakse- og sjøaurebestanden. Prosjektet legg metodikken i «Håndbok for miljødesign i regulerte laksevassdrag» til grunn for aktiviteten som skal gjennomførast, i tillegg til eigne metodar til bruk i sjøaurebekkar.

Lakseelvane som er valt ut i dette prosjektet har hatt dårleg bestandsstatus eller negativ bestandsutvikling for laks dei siste åra, medan tilstanden i sjøaurebekkane er ukjent.

Prosjektet blir vurdert som relevant i høve tiltak 5 i fondet, og vil heve kunnskapsgrunnlaget om tilstanden i vassdraga og bekkane som er omfatta av prosjektet vesentleg. Det blir vurdert som føremålstenleg at prosjektet blir samfinansiert i lag med Tilskotsordning for vassmiljøtiltak i Møre og Romsdal vassregion, som har overlappande formål. Det blir føreslått å dele søkebeløpet likt mellom MMV og tilskotsordninga for vassmiljøtiltak.

2. «Felles plan for sjøareal i Stranda, Sykkylven og Fjord» Med ønskje om å forvalte sjøareala i kommunen til det beste for både miljø, utvikling og verdiskaping har kommunane Stranda, Sykkylven og Fjord funne saman med mål om å utarbeide ein interkommunal sjøarealplan. Alle dei tre kommunane har grenser mot Storfjorden, og eit auka press frå ulike næringar gjer at kommunane ser det som nødvendig å sjå heile fjordsystemet som eit område. Ålesund kommune er invitert inn som observatør i arbeidet, i regi av at kommunane deler grense i fjordområdet ved gamle Ørskog kommune. Møre og Romsdal fylkeskommunen er også invitert inn i arbeidsgruppa til prosjektet.

Det er Fjord kommune som er prosjekteigar, og dei tek sikte på å tilsette ein prosjektleiar som skal jobbe med planarbeidet i 50 prosent stilling i to år. Alle kommunane deltek med eigeninnsats og eigenkapital tilsvarande 50 prosent av totalkostnaden i prosjektet.

Plan- og bygningslova har ei klar oppmoding til kommunane om å drive eit interkommunalt plansamarbeid når det er hensiktsmessig å samordne planlegginga over kommunegrensene. Møre og Romsdal fylkeskommune ser det også som føremålstenleg at kommunar ser på sjøområda i lag, og har derfor tidlegare støtta interkommunale planar i Romsdalsfjorden, på Nordmøre og på Søre Sunnmøre.

3. «Søknad om støtte - utarbeide interkommunal plan for sjøareal - Aukra kommune og Hustadvika kommune» Både Aukra og Hustadvika kommune har planstrategiar som peiker på eit ønskje om ein interkommunal plan for sjøareal. Frå før har kommunane på Nordmøre og kommunane rundt Romsdalsfjorden jobba med slike planar. Ein plan for Aukra og Hustadvika vil derfor gje eit samanhengande kunnskapsgrunnlag for sjøareala utanfor Romsdal og Nordmøre.

Utgangspunkt for arbeidet er å skape eit godt kunnskapsgrunnlag om forvaltinga av eigne sjøareal, samt dra nytte av kompetansen i dei to kommunane. Møre og Romsdal fylkeskommune er invitert inn prosjektet.

Hustadvika kommune er prosjekteigar, men begge kommunane er inne med arbeidstimar. I kostnadsplanen er arbeidstimar summert til 3 000 000 kroner. Samtidig er det lagt inn ein kostnad til prosjektleiing på 1 500 000 kroner. Administrasjonen har bedt om ein meir spesifisert kostnadsplan, men på grunn av stort arbeidspress har ikkje Hustadvika kommune klart å gje oss dette.

Beløpet det blir søkt om utgjer 66,7 prosent av totalkostnaden i prosjektet. I dei økonomiske rammene for denne typen prosjekt legg fylkeskommunen til grunn gjeldande regelverk for tilskotsforvalting. Det betyr at vi ikkje støtter meir enn 50 prosent av totalkostnaden i prosjektet, dvs. 1 500 000 kroner. Forslag til ny kostnadsplan og finansieringsplan er utarbeida av administrasjonen.

Ny kostnadsplan 2020 2021 2022 SUM Arbeidstimar 250 000 750 000 500 000 1 500 000 Prosjektleiing 250 000 750 000 500 000 1 500 000 SUM 500 000 1 500 000 1 000 000 3 000 000

Ny finansieringsplan 2020 2021 2022 SUM Møre og Romsdal fylkeskommune 250 000 750 000 500 000 1 500 000 Eigeninnsats 250 000 750 000 500 000 1 500 000 SUM 500 000 1 500 000 1 000 000 3 000 000

4. «Styrke infrastruktur for forsking knytt til biogassproduksjon ved NORSØK» NORSØK har drive forsking på biogass i ti år. Dei har sitt eige testanlegg, og tek på seg både oppdragsforsking for næringslivet og er læringsarena for t.d. Høgskolesenteret i Kristiansund og NTNU.

I 2020 blir testanlegget bygd om for å møte behova frå næringa. Den økonomiske ramma for ombygginga gir derimot kun moglegheit til eit minimum av forskingsteknisk måleinstrument. Samtidig er NORSØK peika ut som nasjonalt kunnskapsnav med rådgivingsteneste for biogass i lag med Landbruk Nordvest, Landbruksrådgivinga og Norges Vel. Det er derfor behov for meir avansert utstyr som innmatingspumpe, ein glødeomn, ein mobil gassmålar med meir.

Støtta frå Møre og Romsdal fylkeskommune er derfor øyremerka til investering av utstyr som sikrar at forskarane får auka graden av kontroll på forsøksparametrane, og på den måten meir attraktiv som partnar i forskingsprosjekt.

5. «Bærekraftig kalsiumtilskudd fra fiskebein for bedre leddhelse» Utnytting av marint restråstoff er viktig for å auke verdiskapinga i marin sektor i Noreg. Næringslivet i Møre og Romsdal har allereie i mange år laga fiskemjøl og - olje frå avskjer om bord i den havgåande fiskeflåten, som igjen blir brukt i fiskefôr. Det er derimot betre betalt om ein siktar høgare opp i verdikjeda, som kosttilskot, kosmetikk eller medisin. Gjennom NCE Blue Legasea jobbar derfor den marine næringa i fylket med eit felles løft for å bygge lokal kompetanse innan helse og ernæring i regionen.

Forskingsmiljøa i Møre og Romsdal er godt i gang med å bygge opp nødvendig kompetanse som svarar ut ønsket til næringslivet. Prosjektet «Bærekraftig kalsiumtilskudd fra fiskebein for bedre leddhelse» er eit slikt prosjekt. Her vil Møreforsking bygge kompetansen innan kliniske studiar av marine ingrediensar, i lag med ekspertisen innan forsking på leddhelse ved Kristiansund sjukehus. Prosjektet treff godt med hovudfokusområdet til Campus Kristiansund som er hav og helse, og FoI-strategien for Møre og Romsdal.

6. «Forskningsbasert utvikling av medisin fra marine ingredienser» Møreforsking har etablert kompetansen knytt til cellebiologiske analyser ved MØRELAB. Møreforsking etablerte MØRELAB for å forske på helsebringande effektar av sjømat, med utgangspunkt i å skape grunnlag for auka verdiskaping i både regional og nasjonal biomarin næring. Cellebiologiske analyser er testing av komponenter på cellenivå, til dømes marine oljer, for å sjå korleis cellene reagerer. Dette blir kalla pre-kliniske studiar, og blir gjennomført for å leite etter verknader på cellenivå før eventuelle forsøk på dyr eller mennesker.

Dokumentasjon av helserelaterte effektar i eksisterande og nye produkt vil i framtida bli viktig for verdiskapinga, det same gjeld optimalisering av nye produkt til spesifikk bruk som t.d. hjarte og kar lidingar. Pre-kliniske studiar ved bruk av cellebiologiske analyser kan fungere som eit bindeledd mellom produktutvikling og klinisk dokumentasjon for marin næring. Møreforsking jobbar med å ta ein posisjon innan dette fagfeltet i vår region, og ønskjer no å vidareutvikle tilbodet og synleggjere moglegheitene og kompetansen for industrien.

Ottar Brage Guttelvik fylkeskommunedirektør

Bergljot Landstad næringssjef

Vedlegg 1 Vedtekter Marint miljøsikrings- og verdiskapingsfond 2 NORCE - Søknad 3 NORCE - Intensjonsavtale 4 NORCE - Kart og liste over vassdrag 5 Fjord kommune - Søknad 6 Hustadvika kommune - søknad 7 NORSØK - søknad 8 Møreforsking - Søknad kalsiumtilskudd for bedre leddhelse 9 Møreforsking - CV Lisa K. Midtbø 10 Møreforsking - Søknad utvikling av medisin fra marine ingredienser 11 Møreforsking - CV Jennifer Mildenberger