Postadresse Besøksadresse Kontakt Nærøyfjorden verneområdestyre Fjordsenteret Sentralbord: +47 57 64 30 00 Njøsavegen 2 5745 Direkte: +47 5764 3129 6863 [email protected] www.nasjonalparkstyre.no/naroyfjorden

Hordaland Røde Kors Hjeplekorps, Region 4 v/Gisle Kleppe

Sakshandsamar Anbjørg Nornes Vår ref. 2019/23784-0 432.2 Dykkar ref. Dato 10.01.2020

Dispensasjon - Nærøyfjorden landskapsvernområde - kjentmannskøyring for Røde Kors Hjelpekorps - Vossestrand,

Sender vedlagt delegert vedtak frå Nærøyfjorden verneområdestyre.

Informasjon om klagerett

Vedtaket kan klagast inn for Miljødirektoratet av partar i saka eller andre som har rettsleg klageinteresse med ein frist på 3 veker jf. forvaltningslova §§ 28-29. Klagen skal rettast til Miljødirektoratet, men sendast via verneområdestyret v/sekretariatet, som kan gje nærare opplysningar om klagerett og rett til og sjå saksdokument.

Med helsing

Anbjørg Nornesverneområdeforvaltar

Dokumentet er elektronisk godkjent

Kopi til: Vest politidiskrikt Postboks 85 6901 FLORØ Fylkesmannen i Njøsavegen 2 6863 LEIKANGER Voss kommune SNO Aurland Villreinnemnda for Nordfjella, Fejllheimen og Raudafjell Aurland kommune

Landskapsvernområde Nærøyfjorden og Bleia-Storebotnen Naturreservat Grånosmyrane, Nordheimsdalen, Bleia

Arkivsaksnr: 2019/23784-0 Sakshandsamar: Anbjørg Nornes Dato: 07.01.2020

Utval Delegeringssak (DS) Nærøyfjorden verneområdestyre

Delegert vedtak - Nærøyfjorden landskapsvernområde - kjentmannskøyring for Hordaland Røde Kors Hjelpekorps - Vossestrand, Voss

Delegert vedtak Nærøyfjorden verneområdestyre gjev Hordaland Røde Kors Hjelpekorps – Vossestrand og Voss løyve til kjentmannskøyring i perioden frå og med 2020 til om med 2024 i samsvar med godkjent øvingsplan. Løyve er gjeve med heimel i verneforskrift for Nærøyfjorden landskapsvernområde og naturmangfaldlova § 48 fyrste ledd og fyrste alternativ. Løyvet gjeld med fylgjande vilkår:

 Omfanget av snøskuterkøyring skal avgrensast til ruta som er godkjent, og i samsvar med øvingsplanen. Køyringa og tal snøskutrar skal avgrensast til det som er strengt naudsynt.  Kjentmannsturane skal så langt det er mogleg samordnast mellom hjelpekorpsa Voss, Vossestrand og Aurland slik at turane vert køyrt felles og samla til ein dag pr. år, slik det er godkjent i øvingsplanen.  Det skal ikkje køyrast kjentmannsturar etter 1. april og etter fredagen i palmehelga det enkelte året.  Under køyring skal det takast generelle omsyn til andre interesser og naturverdiar i området. Dersom det er villrein i området under køyring, må det takast særskilt omsyn for ikkje å uroa dyra.  Politiet varslar SNO gjennom utsending av køyreordre for kvar kjentmannstur. SNO vil gje melding om det må takast spesielle omsyn til verneverdiane, og om naudsynt utsette køyringa av omsyn til villreinen.  Innan 1. juni kvart år i løyveperioden skal det sendast rapport til Nærøyfjorden verneområdestyre med informasjon om tal turar og dato, tal snøskuterar og køyrerute. Forvaltinga ber om at eventuelle observasjonar av villrein vert teke med i rapporten.

Kjentmannsturane gjeld fylgjande område jf. øvingsplanen for 2020-2024:

www.nasjonalparkstyre.no/Naroyfjorden/ Sakshandsamar Anbjørg Nornes Side 2 av 7 Veke, RKH Rute for kjenmannsturane Tal køyretøy Tal turar v. 3-13 Vossestrand og Nærøyfjorden landskapsvernområde. Inntil 10 1 tur Voss RKH Brandset/Fyre-Grindafletane-Mjølfjell snøskuterar

Me gjer merksam på at dette løyvet berre er handsama etter verneforskrifta, og at det i tillegg må innhentast samtykke frå grunneigarar.

Saksopplysningar Dokument som bakgrunn for saka:  Søknad om motorferdsel i utmark/verneområde, Nærøyfjorden landskapsvernområde, Hordaland Røde Kor Hjelpekorps, område 4, datert 09.02.2020  Øvingsplan for Hordaland Røde Kors Hjelpekorps, område 4, 2020 – 2024  Kart med oversikt over kjentmannsturar  Godkjenning av øvingsplanen av Vest politidistrikt, datert 20.12.2019  Uttale frå Villreinnemnda for Nordfjella, Fjellheimen og Raudafjell, 19.11.2019  Retningslinjer om redningstjenestens bruk av snøscooter i utmark og i verneområder, 31.01.2013 MD

Søknaden vert vurdert etter:  Forskrift for Nærøyfjorden landskapsvernområde av 08.11.2002  Forskrift for Bleia-Storebotnen landskapsvernområde av 08.10.2004  Naturmangfaldlova av 19. juni 2009  Forvaltningsplan for Vestnorsk fjordlandskap, delområde Nærøyfjorden, rapport nr. 1 - 2008

Hordaland Røde Kors Hjelpekorps (RKH) område 4 har sendt ein samla søknad med øvingsplanar for kjentmannsturar i Nærøyfjorden landskapsvernområde. Søknaden gjeld Vossestrand og Voss RKH sine turar. Desse to hjelpekorpsa samarbeider om kjentmannsturane slik at fleire skal verta kjent i området. For å få dette til, vert det køyrt med mange snøskutrar på same tur i staden for mange turar. Det er laga øvingsplan som gjeld både innanfor og utanfor verneområde. Øvingsplanen er sett opp for åra 2020 – 2024. Vest politidistrikt har godkjent øvingsplanen. Villreinnemnda Nordfjella, Fjellheimen og Raudafjell har sendt uttalen til øvingsplanen.

Hordaland RKH søkjer om kjentmannskøyring for fylgjande ruter i Nærøyfjorden landskapsvernområde:

Veke, RKH Rute for kjenmannsturane Tal køyretøy Tal turar v. 3-6 Vossestrand Nærøyfjorden landskapsvernområde. 10 snøskuterar 1 tur Brandset/Fyre-Grindafletane-Mjølfjell v. 13 Voss RKH Nærøyfjorden landskapsvernområde. 6 snøskutrar 1 tur Mjølfjell-Grindafletane

www.nasjonalparkstyre.no/Naroyfjorden/ Sakshandsamar Anbjørg Nornes Side 3 av 7

Kart øvingsplan Vossestrand RKH, kopi frå søknad. Pil markerer kjentmannstur

www.nasjonalparkstyre.no/Naroyfjorden/ Sakshandsamar Anbjørg Nornes Side 4 av 7

Kart øvingsplan Voss RKH, kopi frå søknad. Pil markerer kjentmannstur.

Lovgrunnlaget Kjentmannsturane skal vera ein del av ein øvingsplan godkjent av politiet, jf. «Retningslinjer om redningstjenestens bruk av snøscooter i utmark og i verneområder» datert 31.01.2013 MD. Kjentmannskøyring skal behandlast etter den generelle dispensasjonsregelen i naturmangfaldslova § 48: «Forvaltningsmyndigheten kan gjøre unntak fra et vernevedtak dersom det ikke strider mot vernevedtakets formål og ikke kan påvirke verneverdiene nevneverdig, eller dersom sikkerhetshensyn eller hensyn til vesentlige samfunnsinteresser gjør det nødvendig». Verneområdestyret skal etter retningslinjene vurdera søknaden etter fyrste alternativ, «…ikke er i strid med vernevedtakets formål, og ikke kan påvirke verneverdiene nevneverdig..».

Føremålet i Nærøyfjorden landskapsvernområde er definert i verneforskrifta § 2: «Føremålet med Nærøyfjorden landskapsvernområde er å ta vare på eit vakkert og eigenarta natur- og kulturlandskap frå fjord til i eit storfelt isbreutforma landskap med eit mangfald av plante- og dyreliv og der eit kulturlandskap med slåtteteigar, beitelandskap, stølsområde, gardsbruk og kulturminne, skapt gjennom aktiv landbruks-drift, utgjer ein vesentleg del av landskapets karakter».

Etter naturmangfaldlova (nml.) § 7 skal prinsippa i §§ 8-12 leggjast til grunn ved utøving av offentleg mynde, og det skal koma fram av vedtaket korleis prinsippa er vurdert og vektlagt i saka.

www.nasjonalparkstyre.no/Naroyfjorden/ Sakshandsamar Anbjørg Nornes Side 5 av 7

Vurdering Verneområdestyret kan berre gje dispensasjon til kjentmannskøyring i verneområde, og det er berre kjentmannsturane i øvingsplanen som er vurdert. Friluftsliv skal kunne utøvast i verneområda samtidig som naturverdiane vert ivaretekne. Den førebyggjande redningstenesta er viktig for sikkerheita ved allmennheita si utøving av friluftsliv. Redningstenesta har trong for å gjera seg kjent i område kor det er sannsynleg at dei skal gjennomføra oppdrag, både for å gjennomføra oppdrag på ein effektiv måte og for å sikre eigne hjelpemannskap.

I retningslinjene frå departementet frå 2013 er det definert eit klart skilje mellom øvingsverksemd og kjentmannskøyring. Øvingsverksemd skal leggjast utanfor verneområda, men redningstenesta vil «..til en viss grad være avhengig av mulighet for øvingskjøring og i praksis særlig kjøring for å bli kjent («kjentmannskjøring»)…».

I øvingsplanen til Hordaland RKH er det søkt om ein kjentmannstur som går inn i dette verneområdet. Dette er frå Fyre eller Brandset – Grindafletane – Mjølfjell. Ruta er ei vinterløype som er kvista i regi av Voss utferdslag. Også Aurland RKH har denne kvisteløypa i sine øvingsplanar. Vest Politidistrikt har godkjent kjentmannsturen med vilkår om at Hordaland RKH samordnar køyring med Aurland RKH sin kjentmannstur. Felles kjentmannsturar vil avgrensa uro av motorferdsel i området. Vest politidistrikt har i tillegg lagt føringar på at tal snøskutrar skal reduserast, men har ikkje sagt kor mange som kan køyra. I vedtaket er det difor gitt løyve til inntil 10 snøskutrar pr. tur samla for hjelpekorpsa. Det vert opp til politiet og hjelpekorpsa å vurdera kor mange snøskutrar som er naudsynt innan for denne ramma.

Kunnskapen om området er kjent gjennom forvaltningsplan for Nærøyfjorden, erfaringar frå Røde Kors Hjelpekorps sine turar i området, SNO sin kunnskap om området og uttale frå villreinnemnda om villreinen sin bruk av området. Kunnskapsgrunnlaget jf. nml § 8 vert vurdert som godt for å vurdera saka. Verneverdiane som kan verta påverka i desse området er naturmiljøet med sårbare område, blant anna villrein. I uttalen frå villreinnemnda vert det peika på at villreinen er meir sårbar på ettervinteren og når det nærmar seg kalvingstid. I denne tida må det visast særskilt omsyn til villrein dersom den er i området. Vest politidistrikt har lagt vekt på dette, og har ikkje godkjent kjentmannsturar etter 1. april. Forvaltar har sett vilkår i vedtaket om at turane ikkje skal køyrast etter palmehelga og ikkje etter 1. april. Ruta til Grindaflethytta vert kvista 2 til 3 veker før påskeferien. Det vil vera naturleg at kjentmannsturane vert lagt til same tid som kvistinga føregår for å redusera den samla belastninga på naturmiljøet jf. nml. § 10. SNO skal varslast før turane vert gjennomført. SNO vil kunne gje informasjon om villrein er observert i område, og om ruta bør leggjast om eller utsetjast av omsyn til villreinen.

Snøskuterkøyringa kan og påverka andre naturverdiar. Det er hekkande rovfuglar i området, men desse vil lite truleg verta påverka av snøskuterkøyringa. Føre-var-prinsippet jf. nml § 9 er tillagt vekt ved at aktiviteten er avgrensa i tid, og det vert sett vilkår om å ta omsyn til villreinen dersom den er i området.

Kjentmannsturane vil lite truleg føra til miljøforringing, og nml. § 11 er difor ikkje vurdert i denne saka. Snøskuter er den mest aktuelle transportmetoden for eventuelt redningsoppdrag, og må difor nyttast på kjentmannsturane. Det er mykje snø i den tida det er

www.nasjonalparkstyre.no/Naroyfjorden/ Sakshandsamar Anbjørg Nornes Side 6 av 7 søkt om kjentmannsturar, og det er liten fare for køyreskade på bar mark. Køyringa vil difor ikkje setja varige spor i terrenget, og vert vurdert som miljøforsvarleg til dette føremålet jf. § 12.

Med dei vilkåra som er sett for løyvet, og vurderingane etter nml. §§ 8 – 12, meiner forvaltar kjentmannsturane ikkje er i strid med verneformålet, og ikkje påverkar verneverdiane i særleg grad. På denne bakgrunn vert det gjeve løyve til kjentmannsturarane med heimel i naturmangfaldlova § 48 fyrste ledd og fyrste alternativ.

www.nasjonalparkstyre.no/Naroyfjorden/ Sakshandsamar Anbjørg Nornes Side 7 av 7