Location: Rose and Andrew S Home-Morning

EPISODE 16- “Emergency” Written by ADONG Lucy Judith SCENE I LOCATION: ROSE AND ANDREW’S HOME-MORNING B/G SFX: BIRDS SINGING CHARACTERS: ROSE, ANDREW MILDRED: (AS NARRATOR) Kadi bed kwer ipola kare maro kelo yom cwiny,gitye ki kit gikelo kwede peko ikom jo mukene.Rose gini Andrew gubedo ki yom cwiny ma dwong pi yub me kwero lanyo kwir pa Absolom.Gin onongo pe gingeyo ni yom cwiny gi obi lokke doko peko.....… SFX: ANDREW IS HUNTING FOR A SAVINGS BOX, PICKING THINGS UP AND THROWING THEM ASIDE ROSE: Hey, gwokke.Itye ka yenyo ango, Andrew? ANDREW: Canduk ma wa kano iye cene. ROSE: Pe imuk wii ot, Andrew. ANDREW: Atye ka galle ki cito i tic, Rose. Amito.ingeyo kama tye iye.? ROSE: Twero bedo ite kitanda. Ento nen calo gin mo pe iye. ANDREW: (REACHING UNDER THE BED)Ngo ma itye ka waco ne ni gin mo pe iye.? ROSE: Atye ka waco ni,pe atamo ni wa kano cene ma romo iye,ma itwero kwanyo ne. ANDREW: (GETTING OUT) Ene. SFX: ONE COIN MOVING AROUND IN A SHAKING BOX ANDREW: Gin mo pe iye. ROSE: Awaci ni pe. ANDREW: Atye ka waco ni pe tye gin mo iye,kulu. ROSE: En enno. ANDREW: Itimo cene ne ki ngo, Rose? ROSE: (A LITTLE GUILTY) Atamo ni omyero awil bongo me party. ANDREW: Oh awobi,pe itamo! ROSE: Pe itamo ni onongo abicito i party pa Absolom ki bongo ma con.

1 ANDREW: Pingo kono? An abiruku suit-ta macon. ROSE: CHUCKLES ANDREW: Ngo ma rac kwede? ROSE: Suit pa coo nen rom kadi otii onyon nyen. ANDREW: Uyaa Rose, pe iromo tic ki cene iyo me alany kumeno kun ingeyo ni ipe kwede.Itiyo ki cene ma twero konyo wa pi cabit kulu. ROSE: Bongo kwer ni pe obedo gin alany,jal Andy . Kong itam ni mon ducu gu bibino ma gu rukke cii itamo ni an kena aye abed gweng macon iteng gudu. ANDREW: Ento enoni cene ducu ma watye kwede. ROSE: Hey, pe wiyi owil ni in laco dok omyero igwoka. ANDREW: In kono ngo ma otime ki tic ma itiyo? ROSE: An bene abedo ka bolo jege cene na i candukke. ANDREW: Iromo tic alany ki cene ni ento pe mega. ROSE: Alany?Onongo obedo cillingAlip 10,000 keken, Andrew. ANDREW: Kom lok enno.Alip 10,000 obedo tic kwede alany.An abedo buloka me gedo matiyo bot Hajji.In itiyo i office pa Dennis,ka onongo wiyi owil. ROSE: Pe abedo anyaka ma bedo inge meja.Abedo dano ma jolo wele. ANDREW: Kadi ningo ibedo inge meja. ROSE: Pe amoko inge meja.Aaa malo ka jolo wele. ANDREW: Iloko calo iwaci itiyo i State house. ROSE: Hey, Abiweko ingeyo nit ice dwong. ANDREW: Ka iporo ki ngo? Gedo odi ki Hajji iwi ceng ma lyet.? ROSE: Atimo ticca me ketto cam iwi meja! ANDREW: (FRUSTRATED, ANGRY) Ipooya oo,ingeyo ? ROSE: Ojoone, Andy. Wek bedo ki tek kit.Wa winy mit pa kwo manok. ANDREW: Pe wa romo nongo mit pa kwo iyo ma wa twero? ROSE: Atir do ,wa twero.Ento pe imaro ka dano weng waco ni,nen nyako pa Andy ki ma lyet kwede.En ngeyo gwoko nyako ne.Nen berre.. SFX: KAVEERA RUSTLES AS SHE PULLS OUT THE DRESS TO SHOW ANDREW

2 ROSE: Ineno gin ma awilo.Itamo ni? ANDREW: Welle tek tutwal. ROSE: Enoni pe en aye gin ma awaco.. ANDREW: (MOVING FROM MIC) Ingeyo, Pe aromo mede ki winyi ka... Kong inen ,agale ki cito itic. ROSE: (SHOUTING) Cii pwud wabi cito i party onyo ngo? ANDREW: (SHOUTING)Wabi cito.Dong ityeko wilo bongo ni moni ni,ku? SFX: MUSIC TRANSITION UP AND OUT.

SCENE II LOCATION: ROSE AND ANDREW’S HOME-NIGHT B/G SFX FROGS AND CRICKETS CHIRPING CHARACTERS: ROSE, ANDREW ROSE/ANDREW: TIPSY AND SINGING ROSE: Kwer ne obedo mit,kumeno ku? ANDREW: Eyo,obedo mit. Absalom ngeyo yubu kwer. ROSE: Kwer pa wonkom kikome. ANDREW: Tam kong. Ikare ma watye ka aa,abedo ka tamo ni pe amato kongo oromo pien kongo ne pe tum kadi imat marom mene. ROSE: Ma naka pwud pe awinyo lok kumeno. ANDREW: Angeyo. (THEY LAUGH) ROSE: Ineno kit ma ayengo kwede nguta i bongo na? ANDREW: Eyo iyengo, Rose.Bongo ne oityo. ROSE: Awaci.Cii dong pe ikeco? ANDREW: Amer,atwero keco nining? (THEY LAUGH) ROSE: Amari, Andy. ANDREW: Adaa,Amari bene. (THEY LAUGH SILLY) Cii dong jo ma mare gitimo ngo me nyutu mar gi? ROSE: Gitimo jami mingo. ANDREW: Oh in anyaka ma la layela. ROSE: Ki in bene in layela.

3 ANDREW: Dok meno weko wan aryo ni wa bedo jo ma luyela ma gitye ka temo bedo gin acel. (THEY LAUGH SOME MORE SILLY) Bin kany,in anyaka ma layela ni. ROSE: Ku,in bin inonga kany,awobi ma layela ni. ANDREW: Ber… Ipenyo pire. ROSE: Hey, mot mot awobi ma layela,eni bongo na manyen ma ingeyo ni. ANDREW: Ingeyo ni wan awobe ma luyela wa monyo anyira calo atunya.. (THEY LAUGH) SFX: BED SHAKING SFX: MUSIC TRANSITION UP AND FADES OUT.

SCENE III LOCATION: ROSE AND ANDREW’S HOME-MORNING B/G SFX: BIRDS SINGING CHARACTERS: ROSE, ANDREW SFX: COMMOTION, THROWING THINGS AROUND ROSE: Andy, aa malo. ANDREW’: Ngo? ROSE: Aaa malo dong. ANDREW: Abi aa,ka imiya dakika abic keken. ROSE: (SHOUTS) Pe watye ki dakika abic. ANDREW: Hey, ita pe oding. ROSE: Watye ki peko. ANDREW: Ku .Tin tum cabit.Bin ika butu. ROSE: Atye ka waco lok adaa,Andrew.Pe atwero neno CD ne. ANDREW: Pingo imito neno gi? ROSE: OJOONE, Andy, Coo oo ki wang nino. SFX: SPLASH AS ROSE THROWS WATER ON ANDREW ANDREW: (AWAKE) Ngo marac kwedi? Lokki onongo ngic tutwal.? ROSE: Enoni ryeko na me coyi ki inino.Tika watiyo ki yo me genge idye wor.?

4 ANDREW: Adaa do.Inino ducu wa genge. ROSE: Pe aneno. ANDREW: (BRUSHING IT OFF)Nen calo tye kamo, Rosy. Twero bedo ni wabolo kamo.Wan ducu onongo wii wa ogony oo. ROSE: Waca kong.Wii wa ogony ma pe waromo tic ki condom.? ANDREW: Kulu. ROSE: Ojoone, pe icung kenyo kumeno.Konya ki yenyo gin ma nyutu. SFX: COMMOTION OF THROWING THINGS AROUND ROSE: Oh… rac tutwal. ANDREW: Angeyo. ROSE: Atwero nongo iic. ANDREW: Angeyo. ROSE: Itwero juku lokki? ANDREW: Imito awaco ngo? ROSE: Pe angeyo. Ento ibedo ka tamo ngo? ANDREW: An? Onongo wamer oo? Pe wabedo ka tamo ne. ROSE: Pe wan, Andy. In aye. (YELLS) Imito balo kwo na ki bedo ki latin...Pe wa yubbe iye.. ANDREW: Hey, Itwero dwoko dwoni piny.Wiya tye ka bara. ROSE: Itye ka winyo abar wic?An iya obi deng,in laco ma laming-ngi ,dok balle meggi. ANDREW: Obedo balla ? Myel obedo gin pa jo aryo. ROSE: Onongo imer oo. ANDREW: In bene. Twero bedo ni aruku condom,ento pe obedo ticca an kena. ROSE: Pe itye ka niang,iniang?Twero bedo ni ayac oo icawa ni! ANDREW: Meno adaa,aneno bene.. ROSE: (MOVING OFF MIC) Pe wayube pi latin, Andrew, dok kumbedi awinyo ni pe aromo bedo kwedi. ANDREW: (CALLS OUT) Cii dong ibi cito kwene? ROSE: (OFF MIC) Me yenyo yo me cobo ne,kwene dok ki itam-mi? SFX: MUSIC TRANSITION UP AND OUT.

5 SCENE IV LOCATION: DAISY’S HOME-MORNING B/G SFX: BIRDS SINGING CHARACTERS: ROSE, DAISY DAISY: Hey Rose,Man tyen lok ango ma oweko ilimo wa odiko ni? ROSE: Daisy, Amito lok kwedi dok amito lok kwedi icawa ni(WHISPERS)Cwari tye iot? DAISY: En tye ento pe ipar.En nen calo tye ka twaaro ki nino.Laworo idye wor,omine...... ROSE: Ojoone Daisy,Abino ka lok kwedi dong pe ingol lokka. DAISY: Hey, Gin ango marac ma oweko komi tye ka myel marac kumeno.? ROSE: Amito tam kibot ngat ma onywal con. DAISY: An? ROSE: In diya.Itye ki lutino abic. DAISY: Huh? Oh Aneno. In wuni Andy ni ma limit-ti ,omito cako nywalo lutino, huh? ROSE: Wek waco, Daisy, Kong ikur an aye awaci.Ikom lok amito gengo Andy ma limit-ti ki cako nywalo lutino. DAISY: Pingo?Iyac? (SHOUTS) Oh Lubanga na.! ROSE: Hey, Pe idange ki lokke.! DAISY: Oh pe ipar ni cwara obi winyo lok wa.En ka onino cii nino calo gwok. ROSE: Nen calo ayac oo.An wani Andrew wa mato kongo wa mer laworo idye wor cii wiwa owil ki condom. DAISY: Wun otityo ki condom? (SHE LAUGHS) ROSE: Ikare ducu.Ento wiwa owil oo… DAISY: (‘LAUGHING’ VOICE) Cii dong amito atim ngo iye? ROSE: Abedo ka tamo ni kit ma dong iwok iyaco mapol ni ,gwok itwero konya ki gengo nongo iic onyo gin mo. DAISY: (LAUGHS) Tyen lok ma oweko atye ki lutino abic obedo pien pe atemo gengo yaco. (SHE LAUGHS) ROSE: Wek nyero?

6 DAISY: Ber.Tima kica.Ento aromo waco ni kong item wayo Dora. Awinyo ni dako ni tye ki kwayi yadi kwaro mapol ataa. ROSE: In laming Daisy? Wayo Dora aye obedo lalok pi lutino matek i Bukulu kany cii itamo ni en obikonya gengo yaco.? DAISY: I lok adaa Rose, Pe aromo tamo pi gin mukene.Gwok onyo...ento. ROSE: Gwok onyo ngo? DAISY: Ikare ma pwud atye i gang kwan anyira onongo giwaco ni ka icung ki wii tyen adek nino ki nino pi cabit acel cii pe iyac. ROSE: Enoni tiyo? DAISY: Pe angeyo.Ento anyira onongo giloko iye. ROSE: Abyeko ni pe wa twero ngeyo ne wang ma wa temo. SFX: MUSIC TRANSITION UP AND OUT.

SCENE V LOCATION: DENIS’S MICROFINANCE OFFICE-EVENING B/G SFX: DISTANT TYPING OF KEYBOARD CHARACTERS: ROSE, DENIS, LEILA LEILA: (OFF MIC, CALLING) Rose,Amito igoo copi me coc waraga moni.? ROSE: (ON HER HEAD, CALLING OUTAyella pe. LEILA: (APPROACHING MIC) Dong, Rose. Amito cito kwede gang wek akwan gi. ROSE: Miya dakika 5 , Leila. LEILA: (ON MIC, SEES ROSE STANDING ON HEAD) Oh pe iwaca ni itye ka timo kodi gini me kulu wii piny ni doki.! ROSE: Dong acok tyeko ne, Leila. LEILA: Iromo juku tim mingo ni ni, Rose? I acaki ne onongo abedo ka tamo ni obedo rweyo lee kom manyen ma iwinyo pire,ma ibi ool kwede ,cii aneno dong okato kare oo.Okato kare oo , Rose. Ibedo ka cung iwiyi dong pi nino aryo dong? ROSE: Pe i par, Leila, Dong acok giko ne. LEILA: Ka imede kitman cii ibi ryemo jo mabino botwa,onyo marac-ce loyo,ibi rwenyo ticci ka Denis ongeyo .

7 DENNIS: (OFF MIC) Miya dakika acek keken me tingo fail ma tin,Matia,cii abino. LEILA: Dok ilwongo nying catan. ROSE: Ngo? LEILA: Dennis tye ka bino. ROSE: Angeyo ni imito karatac ,Leila ento kadi bed ningo ,enoni obedo ryeko ni. LEILA: Ryeko ku, Rose, En tye kabino. DENNIS: (APPROACHING MIC) Amoto wu Mon! Wek agen ni nino matin pe obedo ki peko. ROSE: Oh lubanga na,pe ibedo ka loko lok bwolo. SFX: HEAVY FALL ROSE: Ouch! DENNIS: (ON MIC) Ngo? ROSE: Gin mo ku, Ladit. DENNIS: (MOVING AWAY FROM MIC) Ber,miya karatac-ce oyot. ROSE: Wek akel oyot,ladit. (WHISPERS) Atamo aturo bada. LEILA: Wek kong anen. ROSE: Mot. Tye karem. DENNIS: (APPROACHING MIC) Itwero miya karatac-ci? Wun anyira otye maber? LEILA: Atye maber ento pe angeyo kibot Rose. ROSE: Anga in? Oh ku,ladit.Atye maber.Dok itye ka kelo karatac-ce oyot. (TRIES TO GET UP AND SCREAMS IN PAIN) Atamo ni jami weng pe ber. DENNIS: (ON MIC) Ngo ma otime? LEILA: Atamo Rose oturo cinge. ROSE: Leila.Gin mo ku ladit. DENNIS: Wek kong anen. ROSE: SCREAMS IN PAIN DENNIS: Tim ber.Bed mot. ROSE: MOANING IN PAIN

8 LEILA: CHUCKLES DENNIS: Ki gum maber,owil manok keken. (PULLS) ROSE: SCREAMS LEILA: LAUGHS DENNIS: Eno.Atamo dong iwinyo maber. ROSE: Enoni pe gin anyera.Leila. LEILA: Ber,Gwok enoni obi juki cung ki wiyi pi kare mo. DENNIS: Cung ki wiye?Pingo icung ki wiyi? ROSE: Pe pi gin mo,ladit.Obedo rweyo lee manok ma abedo ka timo ne. DENNIS: Icung ki wiyi iot kama ijolo iye welo, Rose? ROSE: STUTTERS DENNIS: Tika wele wa mo oneni ka timo ne? ROSE: Ku,ladit, boss. DENNIS: Enoni weng pingo, Rose? ROSE: Pe pi gin mo ladit. Pe ipar,pe obitime odoco. DENNIS: Ber,ka imito ticci ci ibi waca pingo itimo.. ROSE: An wani Andrew wa nongo awano mo manok,cii ...wii wa owil ki...ki..dok atamo ni atwero yac ka pe acung ki wiya tyen 3 pi nino 4. LEILA: CHUCKLES DENNIS: Ngo? Enoni mingo. LEILA: (AMIDST CHUCKLES) Angeyo. DENNIS: Inongo lokke ki kwene? SFX: SILENCE LEILA: (CAN’T HELP LAUGHING) DENNIS: Ingeyo gin ma omyero itim? Cit inen dako na... Nurse Mildred. ROSE: Itamo ni en obikonya? DENNIS: Angeyo adaa ni cung ki wiyi ni pe obi tiyo.Dong miya karatac-ce.! LEILA: CHUCKLES SOME MORE DENNIS: Cung ki wiyi macalo yo me gengo nywal.Anga ma ocako kodi lokki? SFX: MUSIC TRANSITION UP AND OUT.

9 MILDRED: (AS NARRATOR) Rose obino ka nena cii akonye ki yat ma gengo yaco pi oyot.Jo ma konyo gi obedo yot tutwal, gin aye jo ma bino ma nongo gi ngeyo gin ma gimito...onyo gin ma pe gimito,calo Rose..… SCENE VI LOCATION: ROSE AND ANDREW’S HOME-NIGHT B/G SFX: FROGS AND CRICKETS CHIRPING CHARACTERS: ROSE, ANDREW ROSE: Hey baby, Byek kong anga matye gang? AN! ANDREW: Yom cwiny man ducu pingo? Ikare ma iaa ki kany odiko ni onongo an aye labal kwo ni. ROSE: En,lapal cwinya,en aye lagam me peko wa.Anongo atir ki icing Nurse Mildred. ANDREW: Dok eni ngo? ROSE: Kilwongo gi ni yat ma tiyo oyot pi gengo yaco.Imunyu gi ka itamo ni ibutu imit ma pe igenge cii itamo ni itwero yac.Onongo ingeyo gi. ANDREW: Ku pe angeyo gi dok pe amito ngeyo ne. ROSE: Ngo? ANDREW: Kel kany.Ka itamo ni abi yee ni inek latin-na cii pe ingeyo anga ma abedo. ROSE: Itye ka waco ngo ni aneko latin ni? Egi ni pe obedo yat me onyo iic, Andrew. ANDREW: Cii pingo imunyi gi ka itamo ni iyac? ROSE: Pe atamo ni ayac. Atamo ni atwero yac. Gi gengo yaco. ANDREW: Nining? ROSE: Atwero ngeyo ne nining? Anen calo Daktar ki boti? ANDREW: En enno kikome.Acako ngeyo nining ni pe ibineko latin-na kono? ROSE: Pien Nurse Mildred, kit ma obedo Nurse ni,en aye omiya ,ikare ma atite jami weng. ANDREW: Atye ka tamo ni wayo Dora onongo obedo ka loko lok adaa ikom Nurse Mildred ki kodi yo ne manyen ni. Kodi yat ma gengo yaco kuman cako bedo tye nining? ROSE: Cii,dong watim ngo? ANDREW: Wa twero...

10 ROSE: Wa twero timo ngo? Nen kong pe itye ki kit yo mo kulu ento itye ka cayo lokka. ANDREW: Pe atwero bedo ki yo mo ento enoni pe te lokke ni abi bedo mot aneni anena ka ionyo latin na.Pe obi time. ROSE: Ber,Ka itamo ni yat amunya ne onyo iic cii wacit wa peny Nurse Mildred? ANDREW: Eh? ROSE: Pe iwaca ni imito latin ni? ANDREW: Gwok onyo. ROSE: In lapoya? ANDREW: Bedo rac tutwal me nywalo latin? ROSE: Meno ber,dong iwaco kama leng.In lababa.Itamo ni tic macalo buloka i gedo pa Hajji twero gwoka ki latin na.? ANDREW: Nen,nongo cene tek ento twora alego cene iteng gudu loyo onyo latin na. ROSE: Oh coo ki awaka gi. ANDREW: Eni pe obedo wakke.Winy,Pe amito bedo laneko. ROSE: An bene pe amito, Andy. Nurse Mildred owaca ni yat egi ni gengo yaco.Pe oonyo iic. ANDREW: Cakke nining? Tita. ROSE: Dong itye ka weko adoko Nurse Mildred. ANDREW: Ka Nurse Mildred otiti cii tita lokke. ROSE: Pe aromo titi jami weng, Andy. Pe atye kacoyo peny biology! ANDREW: Imito munyu yat cii pe bene ingeyo gin ma obi timo ikomi! ROSE: Ka kumeno wacit wa peny Nurse Mildred . ANDREW: Pe abicito ka dwongo dogola pa dano icawa ni idye wor pien amito penyo lok kom yat amunya. ROSE: Pe aromo kuru ne, Andy. Yatte tiyo naka wa inino 5 keken! ANDREW: Cii dong komi gum.Tin nino me 4 ne. ROSE: Ojoone, Andy, Pe ibed latin. Ingeyo bene ni pe ber me timo jami icawa me agiki.Bedo ber ka amunyu yatte con! ANDREW: Cii dong ,Pwud itye ki akala kala ikom gin ma Nurse Mildred owaco ni dong?

11 ROSE: Ngo? ANDREW: Pwud iwaco ni yatte tiyo naka wa inino 5.Cii pwud itye ki nino acel mukene! ROSE: Ngo marac kwedi?Itye ka temo cwero cwinya kece ngo? ANDREW: Tima kica,mo kicca,ka pe atye ka ruune me neko latin na. ROSE: Oooooh... Ibedo la.. la.... SFX: BED SHAKING ANDREW: Ber,Dye wor maber.Dok Amari. ROSE: Adegi! SFX: MUSIC TRANSITION UP AND OUT.

SCENE VII LOCATION: HEALTH CENTRE-MORNING B/G SFX: DISTANT CHILDREN’S CRIES CHARACTERS: NURSE MILDRED, ANDREW, ROSE ROSE: Nurse Mildred, Itwero waco ki lababa na ni ,ni yat ma imiya ni pe obedo me oonyo iic.. MILDRED: Tim ber ibed piny wek walok iye maber. ROSE: Ber,Abibedo piny. SFX: CHAIRS SCRAPING THE FLOOR AS THEY SIT MILDRED: Apwoyo.Cii dong ,ngo marac? ROSE: Awobi ma amite kwede ene, Andrew, tamo ni an wani kwedi watye ki yub mo me oonyo iic. ANDREW: Tim ber, pe iwiny lokke, Nurse Mildred. Ikare mukene en wiye tek.Gin ma atye ka waco ne , Nurse Mildred, en aye ka Rose onongo tye ka lworo yac inino 5 ma okato ni ,cii en pe dong oyac?Meno teloke ni yatte obi oonyo latin oo. MILDRED: Aniang lokki, Andrew. Dok , Rose, omyero cwiny wu obed yom ni cwari paro piri. ROSE: Awobi ma amito. MILDRED: En enno. Ento Andrew, Yat amunya ma gengo yaco o-ti pe obedo yat oonyo iic kit ma dano tamo ni;Gigalo kare me nywalo tong dako iot

12 nyodo pi cocok nino 5. Yatte gengo yaco ka kimunyu naka wa inino 4 inge butu imit ma pe igenge dok ka kityo kwede oyot cii tiyo maber. ANDREW: Itye ka waco lok adaa ni pe neko latin i iic, Nurse? ROSE: Ineno gin ma awaco ni? En pe winyo lok… MILDRED: Ber tutwal ni Andrew openyo lokke, Rose. Angeyo adaa ni pe neko latin matye i iic, Andrew. Yatte tiyo keken ka latin pwud pe ocako yubbe i iic.I lok adaa ka dako dong iye tye cii omunyu yatti,pe twero balo iye. ANDREW: Dong itye ka waco ni Rose dong oyac oo,cii yatte pe obi oonyo iic.? MILDRED: Ku,pe kumeno, Andrew. Yatte kitiyo kwede ikare maraco calo ka kimako dako tek tek,onyo obutu imit ma pe ogenge ma mito gengo yac. ANDREW: Cii dong imito waco ni pe wa par pi jami ma ngole atura? Ma ka otime doki cii wa twero bino ka gamo yat? MILDRED: Pe itwero tic ki yatte ikare ducu ma ipoto ibal.Yate tye kany wa ki iot yadi ducu matye ilobo wa ENTO pe iwek odok kiti. ANDREW: Itye ka waco lok ango? ROSE: En tye ka waco ni pe obedo yo me lago nywal.Obedo yat-ma –gengo – yaco-oyot. MILDRED: Rose tye kawaco lok adaa, Andrew. Tii ki yatte ka itye ki peko ma ongole atura keken.Ka pi genge wek pe iyac, amiyi tam me tic ki condom onyo yo mukene me lago nywal calo me tucce,lagit onyo ma kirwako ibad.Ento ka wuni Rose pe wuyube pi yaco, ma wu butu imit ma pe wu genge,cii Rose omyero omuny yatti kumbedi. ROSE: Apwoyo, Nurse Mildred.Kono onongo atwero tito ne ki jo mukene. ANDREW: (MIMICS) Kono onongo a na na na na na.... MILDRED: Gam en .Pii bene en. SFX: SWALLOWING OF WATER ROSE: Wek agen ni obitiyo ki lwak cawa ma wa balo ni (SIGHS HEAVILY) MILDRED: Gubi tiyo.Ento pe itwero bedo ka munyu yat ma gengo nywal oyot.Ka pe iromo poo pi tic ki condom cii omyero tam pi tic ki yo mukene me lago nywal. ROSE: Eni otime kicel keken, Nurse, pe ipar. Wii wa poo pi tic ki condom ikare ducu. ANDREW: Dok bene wa winyo mit pa tic ki condom wa.ka ni amed lokke. ROSE Kakare wa winyo. (THEY LAUGH)

13 SFX: MUSIC TRANSITION UP AND OUT. MILDRED: (AS NARRATOR) Andrew gini Rose gudok gang ma cwiny gi yom ento Rose pwud obedo ki akalakala ni omunyu yat ma konyo gengo yaco oyot inino me agiki ne-nino abic inge butu imit labongo genge.En onongo pe geno ka yatte twero tic.Cii inge cabit mogo manok..... SCENE VIII LOCATION: ROSE AND ANDREW’S COMPOUND-AFTERNOON B/G SFX: SOFT RADIO MUSIC CHARACTERS: ROSE, ANDREW ROSE: (APPROACHING MIC) Dong otime oo, Andy! Dong otyeko time. ANDREW: Ngo dong? ROSE: Nino dwee na.Dong oo.Atye ka neno dwee, Andy. (SCREAMS IN EXCITEMENT) ANDREW: Man mito mato kongo,pi kwero ne…! ROSE: Oh ku ku ku. Mato kongo pe. Mato kongo oweko wapoto ibal lacing ca ni.Pe dok abi mede kwede. ANDREW: Ka kumeno,Watye ki boxi kulu me condom ma wa twero tic kwede! ROSE: (ON MIC) In. Hmm.Dong itye ka lok! THEY GET BUSY… SFX: OUTRO….