Sakshandsamar: Kåre Træen Vår dato Vår referanse Telefon: 57643004 15.09.2016 2016/2547- 331.2 E-post: [email protected] Dykkar dato Dykkar referanse 01.07.2016

Kommunal- og moderniseringsdepartementet Pb 8112 Dep 0032 OSLO Ikkje offentleg, jf offl. § 5 utsett innsyn

Fordeling av skjønnsmidlar til kommunane for 2017

1. Fordeling av skjønnsmidlane Vi viser til brev datert 1. juli 2016 med tildelt skjønnsramme for og Fjordane. Fylkesmannen har fordelt ramma slik mellom kommunane i fylket:

Kommune Skjønn Skjønn Differanse Kommunar nummer 2017 2016 2016-2017 Flora 1401 14 850 16 260 -1 410 1411 1 000 1 900 -900 1412 2 650 2 800 -150 1413 2 000 2 200 -200 Høyanger 1416 - - 0 1417 - - 0 1418 1 300 1 900 -600 1419 - - 0 1420 7 250 8 000 -750 1421 - - 0 Lærdal 1422 - - 0 Årdal 1424 - - 0 Luster 1426 - - 0 1428 2 200 2 700 -500 1429 2 600 3 100 -500 1430 1 400 1 400 0 Jølster 1431 1 200 1 200 0 Førde 1432 11 800 13 070 -1 270 1433 1 500 1 700 -200 1438 - - 0 Vågsøy 1439 1 800 2 300 -500 1441 2 200 2 600 -400 Eid 1443 600 700 -100 1444 100 - 100 1445 700 800 -100 1449 600 700 -100 Til fordeling seinare 6 550 9 970 -3 420 SUM FYLKET 62 300 73 300 -11 000

Telefon 57 64 30 00 Besøksadresse Postadresse Organisasjonsnummer N-974 763 907 Hovudkontor: Njøsavegen 2, 6863 Leikanger Hovudkontor: Njøsavegen, 2 6863 Leikanger Nettstad fylkesmannen.no/sfj Landbruksavdelinga: Fjellvegen 11, 6800 Førde Landbruksavdelinga: Postboks 14, 6801 Førde E-post [email protected]

FYLKESMANNEN I 2/4

Fylkesmannen har i si vurdering nytta: Kommunal- og moderniseringsdepartementet (KMD) sitt tildelingsbrev med retningslinjer, datert 01.07.2016. Kommuneproposisjonen for 2017. Eigne vurderingar og analyse av den enkelte kommune.

Vedlagde tabell syner fordelinga av skjønnet etter dei kriterium som vi har lagt vekt på.

I 2017 held vi attende 6,5 mill. kroner til seinare fordeling, av dette 3,4 mill. kroner til fornyings- og innovasjonsprosjekt.

Nasjonalt er basisramma for skjønnsmidlar til kommunane redusert med 100 mill. kroner frå 2016. Sogn og Fjordane har fått redusert ramma med 11 mill. kroner, til 62,3 mill. kroner. Dette er ein reduksjon på 15 %, og på fylkesnivå har Sogn og Fjordane fått den største prosentvise reduksjonen. Dei fleste av kommunane i fylket får etter dette vesentlege reduksjonar gjennom inntektssystemet. Dette betyr at fleire av kommunane vil få utfordringar og oppretthalde prinsippet om likeverdige velferdstenester til innbyggjarane. Det blir og mindre til fornying- og innovasjonsprosjekt og reservar til oppståtte hendingar i løpet av året.

2. Dette er det lagt vekt på ved fordeling av skjønnsmidlane

2.1 Kompensasjon for bortfall av differensiert arbeidsgjevaravgift Frå 1. januar i 2007 vart ordninga med differensiert arbeidsgivaravgift (DAA) på nytt innført for dei fleste kommunane i fylket og kompensasjonen med skjønnsmidlar fall bort. Tre kommunar har framleis høgare sats enn før omlegginga av ordninga i 2007 (Flora, Sogndal og Førde). Frå 1. juli 2014 kom det endringar i virkeområda for DAA, men endringa fekk ikkje verknad for avgiftssatsane til kommunane i Sogn og Fjordane. Kompensasjon for auka arbeidsgjevaravgift var fram til 2014 skilt ut som eige beløp i skjønnsramma frå KMD. Frå 2015 vart kompensasjonen lagt inn i basisramma, og dermed ikkje synleg som eige beløp. Fylkesmannen har likevel valt å bruke auka sats i arbeidsgjevaravgift som eit kriterium for skjønnsmidlar i 2017, men gjennom ei nedtrapping på 10 % frå 2016. Tilsvarande prosentvise nedtrapping vart brukt frå 2015 til 2016. Det er planlagt ei vidare nedtrapping i 2018, men dette må sjåast i samanheng med utslag av endringar i inntektssystemet, nasjonale reformer og utvikling av økonomien til kommunane.

2.2 Sosiale kriterium Vi har fordelt 18,8 mill. kroner til kommunar som har høge utgifter knytt til særleg ressurskrevjande tenester. Dette er ein reduksjon på 1,7 mill. kroner frå 2016. Samla sett har utgiftene til ressurskrevjande tenester auka for kommunane, men med årsak i ein stor reduksjon i fylkesramma så er kompensasjonsgraden redusert frå 35 til 30 %. Vi tek omsyn til kommunar som har særleg høg eigendel per innbyggjar. Kommunane Gulen, Vik, Balestrand, Sogndal, Aurland, Lærdal, Årdal, Askvoll, Fjaler, Gaular, Naustdal, Bremanger, Selje, Hornindal og Gloppen har etter kommunestorleiken høge eigendelar til ressurskrevjande tenester. Førde, Sogndal og Flora får skjønnsmidlar etter helse/sosiale kriterium som følgje av vekstsenter og studentar.

2.3 Utgifter til språkdeling Vågsøy kommune får tildelt 1,6 mill. kroner og Flora kr 850 000 som følgje av meirutgifter til språkdeling etter grunnskulelova. Samanlikna med 2016 er dette ein reduksjon på 15 % for begge kommunane, med årsak i reduksjon av fylkesramma.

FYLKESMANNEN I SOGN OG FJORDANE 3/4

2.4 Kommunar med ein vanskeleg økonomisk situasjon Skjønnsmidlar som blir gjeve til kommunar i Robek (registrert i register for betinga godkjenning og kontroll) og andre kommunar med økonomisk ubalanse, skal alltid vere knytt opp til ein forpliktande plan for å kome i økonomisk balanse. Denne planen skal enten vere økonomiplan/budsjett, eller ein eigen spesifikasjon av økonomiplan/budsjett. I planen skal kommunen spesifisere konkrete tiltak for å igjen opprette økonomisk balanse. Det er no fem kommunar i Robek; Bremanger, Gaular, Naustdal, Selje og Gloppen. Bremanger er i registeret med årsak i Terra-sakene, og har eit akkumulert underskot på 100,7 mill. kroner per 31.12.15. Bremanger planlegg å dekkje underskotet innan 2019. Underskotet til Gaular er på 4,9 mill. kroner, som må seinast dekkast innan 2018. Av eit underskot på 12,3 mill., dekte Selje inn 11,5 millionar kroner i 2015. Resterande er planlagt dekt i 2016. Naustdal vart meldt inn i Robek etter at kommunen i 2015 ikkje klarte å følgje planen for inndekning av underskot, og har no eit samla underskot på 4 mill. kroner. Gloppen vart meldt inn etter ubalanse i økonomiplanen 2016 – 2019. Fylkesmannen følgjer opp kommunane gjennom møte og bruk av tilstands- og statusrapportering, og vurderer ut i frå ein heilskap for kommunens økonomi og plan for inndekning om det er aktuelt med eigne tiltak knytt opp mot bruk av skjønnsmidlar. Fylkesmannen er og budd på å halde tilbake skjønnsmidlar dersom plan for inndekning ikkje blir følgt opp, eller ev. utbetale deler av skjønnsmidlane dersom kommunen berre oppfyller delar av vedteken plan.

2.5 Kommunane sitt inntektsgrunnlag Utviklinga av folketalet betyr mykje for inntektsgrunnlaget. I ei samla vurdering av skjønnsmidlar har vi brukt dette som eit kriterium. Det er og sett på nivået på dei frie inntektene korrigert for variasjonar i utgiftsbehov, jf. tabell 2.5 i kommuneproposisjonen for 2017.

Fleire av kommunane i fylket har inntekter frå kraftverksemder, og vi tek omsyn til det i ei samla vurdering.

2.6 Kommunane sitt utgiftsbehov Fylkesmannen har lagt vekt på kommunar som har ulemper med spreidd busetnad, og om det er utgifter knytt opp til å vere eit senter for regionen. Begge desse vurderingane må gjerast ut frå utgiftsutjamninga i inntektssystemet.

Vi har og vurdert om det er kommunar som har utgifter til landbruksforvaltninga og særlege miljøutfordringar knytt til forvaltning av samfunnet sine fellesressursar, der desse ikkje vert fanga opp av utgiftsutjamninga. Under samla vurdering er det teke omsyn til at Solund kommune har utgifter knytt til spesielt verdfulle naturtypar som krev skjøtsel og oppfølging.

2.7 Midlertidige ordningar I 2015 vart det oppretta fleire nye asylmottak i kommunane. Midlane frå staten følgjer asylsøkjaren, og dersom mottaket blir lagt ned etter kort tid kan kommunane gjennom langsiktige avtalar få eit økonomisk ansvar som kan vere utfordrande. Hyllestad er ein kommune som vil få slike utfordringar etter at eit nyoppretta asylmottak for einsleg mindreårige (40 plassar) blir lagt ned. I kommunane Gloppen, Sogndal og Høyanger blir det og lagt ned mottak etter kort tid, men desse kommunane er ikkje i den grad så sårbare som ein liten kommune som Hyllestad. Under samla vurdering er det teke omsyn til at eit asylmottak i Hyllestad kommune blir lagt ned.

2.8 Fornyings- og innovasjonsprosjekt Vi har avsett samla 3,4 mill. kroner som skal utbetalast gjennom året. Dette er 1,6 mill. kroner lågare enn i 2016.

FYLKESMANNEN I SOGN OG FJORDANE 4/4

2.9 Samla vurdering og midlar som er avsett til seinare fordeling I kolonna samla vurdering (jf. vedlagte excel-ark skjønn-2017), ligg den økonomiske oppsummeringa av kriteria og vurderingane som er omtalt i kapitla 2.1 til 2.8. I tillegg vert det lagt vekt på at det for kommunane skal vere til dels føreseieleg frå år til år. Det er avsett 3,150 mill. kroner til fordeling i året. Det utgjer 5 % av basisramma. Tilsvarande sum for 2016 var 5 mill. kroner. Midlane vert fordelte i 3. kvartal 2017, og sett i samanheng med særlege hendingar og utvikling i budsjettåret.

Med helsing

Anne Karin Kåre Træen seniorrådgjevar

Brevet er godkjent elektronisk og har derfor ikkje underskrift.

Vedlegg: Tabell fordeling av skjønnsmidlar 2017