Nordfjordrådet

Møteinnkalling

Utval: Nordfjordrådet Møtestad: - Heradshuset Dato: 21.01.2019 Tid: Kl. 09:00

Eventuelle forfall til møtet skal meldast til sekretariatet i kommune på tlf. 57 88 38 00. Forfall kan også meldast på e-post til: [email protected]

For medlemmene i Nordfjordrådet, og for dei som har møte- og talerett i rådet (rådmennene), ligg saklista til møtet også i møteportalen, som du finn link til på Gloppen kommune si heimeside.

Saklista til møta i Nordfjordrådet skal elles vere tilgjengeleg på alle medlemskommunane sine heimesider, dvs. på heimesidene til Eid, Gloppen, Hornindal, , og Vågsøy kommunar.

Sakliste

Sak nr. Sakstittel 001/19 Godkjenning av møtebok, innkalling og sakliste 002/19 Referat og orienteringssaker 003/19 Framtidig regionsamarbeid i 004/19 Orientering om møte med fellesnemda i fylkeskommune 005/19 Profil og merkevarebygging i Nordfjord

Sandane, 14.01.2019

Kristin Maurstad Ordførar i Vågsøy kommune Roger Aa Djupvik Dagleg leiar

Nordfjordrådet Arkiv: FE-033 JournalpostID: 19/7 Saksbehandlar: Roger Aa Djupvik

Saksnr. Utval Møtedato 001/19 Nordfjordrådet 21.01.2019

Godkjenning av møtebok, innkalling og sakliste

Vedlegg i saka: 14.12.2018 Protokoll - Nordfjordrådet - 03.12.2018 1381308

Leiar si tilråding:

1. Nordfjordrådet godkjenner møteboka frå møte 3. desember i Hornindal. 2. Nordfjordrådet godkjenner innkallinga og saklista til dette møte.

Møteboka frå Nordfjordrådet sitt møte i Hornindal 3. desember 2018 vert lagt fram for godkjenning.

Leiaren har sett opp slik dagsorden for dette møte:

Tid Orienteringssaker

09.00 Interkommunal planstrategi og framtidig regionsamarbeid i Nordfjord - Interkommunale planstrategiar - Synnøve Stalheim, plansjef fylkeskommune - Orientering og erfaringar frå interkommunal planstrategiprosess i SIS - Arne Kringlen, prosjektleiar for arbeidet. Framtidig regionsamarbeid i Nordfjord Orientering om møte med fellesnemda i Vestland fylkeskommune 26. mars 2019 Merkevarebygging i Nordfjord 12.00 Lunsj 12.30 Vidaregåande skular i Nordfjord - Samarbeidsprosjekt og dialog med rektorkollegiet i Nordfjord 13.30 Orientering/diskusjon · Karrieremesser 2019 - status · Felles samling Ungdomsråda i Nordfjord · Seasight på Nordfjorden 14.00 Bedriftsbesøk Nordfjord Miljøverk IKS Nordfjordrådsmøte vert avslutta etter bedriftsbesøket. Det vert påfølgjande eigarmøte i NoMil. 14.45 Eigarmøte i Nordfjord Miljøverk IKS

Nordfjordrådet Arkiv: FE-033 JournalpostID: 19/723 Saksbehandlar: Roger Aa Djupvik

Saksnr. Utval Møtedato 002/19 Nordfjordrådet 21.01.2019

Referat og orienteringssaker

Saka vert lagt fram utan tilråding

Orienteringssaker:

· Interkommunale planstrategiar - Synnøve Stalheim, plansjef Sogn og Fjordane fylkeskommune · Orientering og erfaringar frå tidlegare interkommunal planstrategiprosess i SIS - Arne Kringlen, prosjektleiar for arbeidet. Jobbar idag som Areal- og samfunnsplanleggar i Norconsult AS. · Vidaregåande skular i Nordfjord - samarbeidsprosjekt og dialog med rektorkollegiet i Nordfjord · Karrieremesser 2019 · Felles samling Ungdomsråd i Nordfjord · Seasight på Nordfjorden · Bedriftsbesøk NoMil

Nordfjordrådet Arkiv: JournalpostID: 19/472 Saksbehandlar: Roger Aa Djupvik

Saksnr. Utval Møtedato 003/19 Nordfjordrådet 21.01.2019

Framtidig regionsamarbeid i Nordfjord

Leiaren si tilråding Innspela frå leiar i fellesnemda i Nye Volda kommune vert lagt fram for diskusjon i Nordfjordrådet. Nordfjordrådet må ta stilling til vidare framdrift for innspela som vert løfta fram.

Saksutgreiing

Bakgrunn for saka Leiar i fellesnemnda i Nye Volda kommune har i e-post til Nordfjordrådet, datert 9. januar 2019, stilt fleire spørsmål om framtida til Nordfjordrådet og det interkommunale samarbeidet i Nordfjord etter 2019. Hornindal kommune har meldt seg ut av Nordfjordrådet frå og med 01.01.2020, og Nye Volda kommune ynskjer svar på fleire spørsmål om framtidig samarbeid i Nordfjord.

Fakta i saka Følgjande innspel er sendt til Nordfjordrådet frå leiar i fellesnemda i Nye Volda kommune, Stig Olav Lødemel:

Hornindal kommune har som kjent meldt seg ut av Nordfjordrådet frå og med 01.01.2020 – dette kjem som ein naturleg konsekvens av at Hornindal har valt å byggje ei ny kommune saman med Volda. I arbeidet med å byggje denne nye kommunen er vi opptatt av å ha eit godt og konstruktivt samarbeid med alle nabokommunane no og i framtida. Slik sett vil det vere heilt naturleg for fellesnemda å starte drøfting av kva rolle Nye Volda skal ha i forhold til Nordfjord – både i Nordfjordrådet og andre aktivitetar. Underteikna vil derfor utfordre Nordfjordrådet på spørsmål som tek innover seg at kommune- og regionreform har endra både kommune- og regiongrenser. For vår del i Nye Volda ser vi eit stort potensial – begge vegar - for framtidig samarbeid på tvers av både kommune- og regiongrenser, ikkje minst innanfor tematikk som reiseliv, turisme, helse, høgskule, tingrett og næringsliv/ landbruk.

Spørsmål Nye Volda ynskjer svar på:

1. Kven skal vere medlem i Nordfjordrådet etter 2019? 2. Kva skjer om både Vågsøy () og Hornindal (Volda) melde seg ut? 3. Korleis skal medlemskontingenten for kommunane då reknast ut? 4. Korleis tenkje å betale sitt medlemskap? 5. Ser Stryn, Gloppen og Stad verdien av å ha med seg områda Vågsøy og Hornindal også etter 2019? 6. Ser Stryn, Gloppen og Stad faren for at Nordfjordrådet mister slagkraft og tyngde om Kinn og Volda ikkje vert med etter 2019? 7. Kan det opnast opp- og er det formålstenleg at Kinn og Volda kan vere med vidare? 8. Må også desse kommunane betale pr. innbyggjar totalt eller kan ein betale medlemskontingenten berre for dei innbyggjarane som bor i dagens Vågsøy og Hornindal? 9. Kan det utformast vedtekter som tek i vare det faktum at ein betalar for den delen av kommunen som formelt ligg i Nordfjord? 10. Kan Kinn og Volda samstundes vere medlem i Sunnfjord og Sunnmøre? Trur Gulen kommune er medlem i to regionråd, det same gjeld Vestnes kommune som er medlem både i Sunnmøre- og i Romsdal regionråd 11. Kva utfordringar kan medlemskap i to regionråd skape – utover at det truleg vert ei for tung økonomisk byrde å betale fullt medlemskap på «begge sider»? 12. Eventuelle andre spørsmål som eg ikkje kjem på i farten……..

Skulle Nordfjordrådet konkludere med at det ikkje er framtidsretta og interessant å ha med seg Kinn og/eller Volda vidare, hadde vi sett stor pris å få tydelege signal tilbake på kva det kan tenkjast at man kan samarbeide om også etter 2019.

Vurdering Leiar i fellesnemda i Nye Volda tek opp viktige spørsmål om framtidig samarbeid i Nordfjord frå 01.01.2020, og det er viktig at vi kjem vidare i denne diskusjonen. Det er ynskjeleg at alle medlemskommunane diskuterer dette internt i førekant av Nordfjordrådsmøte 21. januar.

Nordfjordrådet Arkiv: JournalpostID: 19/706 Saksbehandlar: Roger Aa Djupvik

Saksnr. Utval Møtedato 004/19 Nordfjordrådet 21.01.2019

Orientering om møte med fellesnemda i Vestland fylkeskommune

Vedlegg i saka: 14.01.2019 Nye Vestland møter kommunene - invitasjon 1383847

Leiaren si tilråding Saka vert lagt fram til orientering og diskusjon. Nordfjordrådet må diskutere kva som skal spelast inn til møte med fellesnemda i Vestland fylkeskommune sitt arbeidsutval.

Saksutgreiing

Bakgrunn for saka Arbeidet med å førebu nye Vestland fylkeskommune er godt i gong. Det er sendt ut brev, datert 09.01.19, til kommunane i Hordaland og Sogn og Fjordane der fellesnemda sitt arbeidsutval vil møte kommunane i regionvise samlingar. Det er lagt opp til at fellesnemda skal møte SiS og Nordfjordrådet 26. mars i Førde. Det har tidlegare vore skissert 22. mars som møtedato, så det er viktig å få den nye datoen inn i kalendaren. På denne samlinga ønskjer dei innspel til kva utfordringar kommunane i regionen står ovanfor, dette som del av førebuingane til kunnskapsgrunnlaget for regional planstrategi for Vestland fylke. Vidare vil dette vere viktig som grunnlagt for framtidige vegval i det nye fylket.

Nordfjordrådet må diskutere kva som skal spelast inn til dette møte.

Nordfjordrådet Arkiv: FE-283 JournalpostID: 19/342 Saksbehandlar: Roger Aa Djupvik

Saksnr. Utval Møtedato 005/19 Nordfjordrådet 21.01.2019

Profil og merkevarebygging i Nordfjord

Vedlegg i saka: 09.01.2019 Nordfjord som merkevare 1383084

Leiaren si tilråding Innspelet frå Gloppen næringsorganisasjon vert lagt fram for diskusjon. Nordfjordrådet må ta stilling til om det skal setjast i gong eit forprosjekt slik det er skissert.

Saksutgreiing

Bakgrunn for saka Gloppen næringsorganisasjon har i brev datert 22.11.2018 komt med innspel til Nordfjordrådet om å ta ei koordinerande rolle rundt merkevarebygging i Nordfjord.

Gloppen næringsorganisasjon meiner at kommunane i Nordfjord bør prioritere å bygge ein felles identitet og ei felles merkevare rundt Nordfjord som bu- og arbeidsområde, slik ein allereie har gjort det for Nordfjord som reisemål. GN peikar på at Nordfjord er eit attraktivt bu- og arbeidsområde, men at konkurransen om merksemd, tilflytting og ressursar truleg vert større som følgje av regionsreforma. Det vert difor viktig å setje Nordfjord på kartet, og ei sterk merkevare er avgjerande for å syne att.

Gloppen næringsorganisasjon meinar det bør setjast i gong eit prosjekt koordinert av dagleg leiar i Nordfjordrådet, og med ei arbeidsgruppe med representantar frå kvar av kommunane. Nordfjordrådet bør vere styringsgruppe.

Det har vore jobba med profil og merkevarebygging tidlegare i Nordfjord, og Nordfjordrådet må ta stilling til om ein skal setje i gong eit forprosjekt der det vert definert ambisjonar, omfang av arbeidet både med tanke på ressursar og finansieringsbehov og ein framdriftsplan. Det må også takast stilling til om eit slikt arbeid kan løftast opp som eit satsingsområde om Nordfjordrådet vedtek å setje i gong ein prosess med ein planstrategi i Nordfjord.