Berge Bygg Stryn AS

STRYN SENTRUM, GBNR 59/8 STRYN KOMMUNE

FRAMLEGG TIL PRIVAT REGULERINGSPLAN

PLANOMTALE OG FØRESEGNER

DATERT 12.12.2008

P.B 427 6803 FØRDE ANGEDALSVEGEN 4 FØRDE TELEFON 57 72 22 50 TELEFAX 57 72 22 51 [email protected] WWW.ARKI.NO 2

1 Føreord

På vegne av Berge Bygg Stryn AS er det utarbeidd framlegg til reguleringsplan for gbnr 59/8 i Stryn sentrum.

Planforslaget er utført av Arki Arkitektar AS og Flataker Landskap ved landskapsarkitekt MNLA Kari Johanne Flataker. Kontaktperson i kommunen har vore Kolbjørn Nilsen. Planarbeidet vart avslutta i desember 2008.

2 Grunnlag og målsetting for planarbeidet

2.1 Gjeldande planar Planområdet er i dag regulert til bensinstasjon (BS) i reguleringsplan Stryn sentrum sør, vedteken 19.10.2006. Utsnitt av reguleringsplan er vist nedanfor.

2.2 Målsetting Bensinstasjonsdrifta er avslutta og grunneigar ønskjer å føre opp tilbygg til eksisterande bygningsmasse innanfor gjeldande byggegrenser. Målet med planarbeidet er å omregulere til område for forretning og kontor, samt legge til rette for parkering.

3 Planområdet

3.1 Lokalisering og avgrensing Planområdet grenser inn til Tonningsgata og omfattar eit vel 0,8 dekar stort areal. Planområdet grensar mot forretningsbygg/restaurant på gbnr 59/23 i vest, mot regulert F/K- område i sør og mot uregulert område i aust.

Tilkomst til området skjer i dag via Tonningsgata. Området er fysisk adskilt frå vegen med ein rabatt.

3.2 Eigedomstilhøve Det er følgjande gards- og bruksnummer, og eigarar innanfor planområdet Gbnr 59/8: Berge Bygg Stryn AS, Kronborg, 6800 Førde Gbnr 59/61: Stryn kommune, Tonningsgata 4, 6783 Stryn

Gjeldande plan Utsnitt av vedteken regplan frå okt 2006.

Planområdet er vist med blå farge (utan skravur) lengst nord i planen.

Området grenser mot Tonningsgata i nord, mot F/K/S-område i vest, mot F/K- område i sør og mot uregulert område i aust. 3

3.3 Planområdet i dag Planområdet består i dag av eit flatt asfaltert område nord for eksisterande bygg. Ein lav tørrmur med låge busker dannar avgrensinga mellom plassen og Tonningsgata. Eit smalt fortau ligg på utsida av rabatten, jf foto under.

Det er i dag to avkøyrsler frå Tonningsgata, ein i vest i overgangen til gbnr 59/23 og ein i aust via krysset mot 59/61.

Foto frå Tonningsgata. Øverst ser vi dagens fasade mot nord. Over til venstre syner fotgjengarfelt, fortau og grøntrabatt. Til høgre vestre innkøyring til området.

Foto over syner sørsida av bygget med regulert rampe/veg i høgre billedkant. 4

4 Merknader etter varsel om oppstart

Melding om oppstart av planarbeidet vart gitt 20.06.2008. Informasjon om dette vart gitt ved brev til grunneigarar og naboar i området, til offentlege instansar og ved annonsering i Fjordingen.

Etter varsel om oppstart har det kome inn uttale frå følgjande partar:

Fylkesmannen i Sogn og Fjordane, brev datert 07.07.2008 Miljøvernavdelinga har ikkje avgjerande merknader til varsla planendring.

Statens vegvesen, brev datert 02.07.2008 Eigedomen det er varsla privat reguleringsplan for grensar til Rv 15. I ”Rammeplan for avkøyrsler på riks- og fylkesvegar i Region vest” er Rv 15 plassert i haldningsklasse svært streng haldning , og Statens vegvesen vil difor krevje at alle tiltak som endrar trafikkbiletet langs denne vegen er i samsvar med krav i gjeldande regelverk. Dette medfører mellom anna:

* Handbok nr 017 (revidert mai 2008) skal leggast til grunn * Føresegner i plan for Stryn sentrum datert 08.09.2006 må ivaretakast * Tilkomst til Rv15 må truleg utformast etter retningslinjer for kryss (avh. av ÅDT) * Krav til frisikt må ivaretakast * Prioritering av mjuke trafikantar ved planlegging av kryss mot Rv15 * Eksist. avkøyrsle frå Rv 15 mot gbnr 59/23 vert stengd. Tilkomst til og avkøyrsle frå 59/8 skal knytast mot veggrunn som ligg mellom gbnr 59/8 og 59/13 * Tal på parkeringsplassar skal vere i samsvar med Stryn kommune sine krav til parkeringsdekning i sentrum * Parkeringsareal på 59/8 skal vere fysisk skilt frå Rv15. Parkeringsareal som grensar mot Rv 15 skal utformast i samsvar med retningslinjer i Handbok 017.

Vurdering Planen er utforma etter retningslinjer i Handbok 017 og i dialog med Statens vegvesen og kommunen. 5

5 Omtale av planen

5.1 Areal Planområdet har eit totalt areal på vel 800 m2. Arealet er fordelt på dei ulike regu- leringsformåla slik tabellen under viser.

Reguleringsformål Plannemning Areal, t otalt Forretning/kontor F/K 631 m2 Offentleg veg - 122 m2 Gang- og sykkelveg - 30 m2 Privat veg (avkøyrsle) - 43 m2 Totalt 826 m2

5.2 Vegtilkomst Den vestlege av dagens to tilkomstar frå Rv 15 er fjerna. Her er det regulert inn fortau.

Tilkomst til området blir via kryss aust i planområdet. ÅDT for Rv 15 er oppgitt til å vere 2000 (2007-måling), derav 15% tunge køyrety. Det er ikkje utført telling for den offentlege vegen innanfor planområdet. Avkøyrsla er utforma etter retningslinjer for kryss.

5.3 Forretning/kontor, F/K Byggjeområdet er lagt ut til område for forretning og kontor, dvs same formål som til- grensande areal i sør.

Det er lagt til rette for ei utviding av eksisterande bygningsmasse på gbnr 59/8. Mot Tonningsgata er det på plankartet vist bindande byggelinje som i reguleringsplan Stryn sentrum sør. Bygningar skal plasserast med fasaden i byggelinja.

Byggehøgder er sett slik at det gir rom for bygning i tre etasje over gateplan Tonningsgata. Høgdene samsvarar med naboareala F/K1, F/K2 og F/K/S i gjeldande reguleringsplan.

5.4 Krav til parkeringsdekning Stryn kommune har gjennom vedtekt til pbl § 69 vedteke krav til parkeringsdekning for nybygg i sentrum. Desse vedtektene er gjort gjeldande for reguleringsplanen Stryn sentrum sør og er såleis gjeldande for denne reguleringsplanen. Parkeringsareal skal i utgangs- punktet dokumenterast på eigen grunn. For utbyggarar som ikkje greier oppfylle dette kravet, kan kommunen gje løyve til frikjøp. Ved påbygg/tilbygg gjeld krava for dei delar av bygget som arbeidet omfattar.

Krav til parkering for forretning/kontor: 1 plass pr 50 m2 golvflate.