Il-Juventin Newsletter Jannar - Marzu 2016 Juventus Club DOC Vero Amore (Malta 1975) Triq Madre Maria Theresa Spinelli B i r k i r k a r a B K R 4 9 2 0 Aħbarijiet tal-Club Messaġġ mingħand il-President Għeżież Membri, Dħalna fl-aħħar parti tal-istaġun bil-Juventus li għadhom qed jiġġieldu fit-tliet kompetizzjonijiet bit-tama li niksbu aktar unuri wara dawn tal-aħħar erba' snin. Għal Club tagħna, bħal dejjem, kien unur kbir li nkomplu naħdmu id f’id maċ-Centro Coordinamento Juventus Clubs DOC u direttament ma' Juventus FC. Komplejna naqdu l- funzjoni tagħna li, imniżżla fl-Istatut tal-Club, li nirrappreżentaw l-interess tas-sapporters Juventini Maltini kemm f’pajjiżna kif ukoll barra minn xtutna. Grazzi mill-qalb tal-imħabba li dejjem urejtuna. Wara 41 sena l-Club tagħna għadu ħaj iktar minn qatt qabel. L- attendenza fil-Club qiegħda kull ma jmur tikber u kull sena qed nirreġistraw żieda fis-sħubija tal-membri. Biżżejjed ngħid li dan l-istaġun qbiżna t-800 membru sew! Iż-żieda fil-membri mhix xi ħaġa każwali. Ħdimna u sejrin inkomplu naħdmu fuq proġetti kbar biex il-Club tagħna jibqa' joffri l-aqwa servizz possibbli lis-sapporters Maltin ta' Juventus. Konna u għadna l-Club li joffri l-biljetti face value, jiġifieri bl-istess prezzijiet li jbigħuhom Juventus. Fejn kien possibbli qdejna kemm stajna lill-membri f’kull ma talbuna. Żammejnikom aġġornati kuljum b’kull ma konna qed nagħmlu għalikom u b’informazzjoni oħra dwar it-tim Juventin permezz tal-website tagħna – www.juventusclubmalta.com. Dan u ħafna iktar jixhed l-impenn u d-dedikazzjoni li qed nitfgħu jien u sħabi tal-Kumitat biex il-Juventus Club DOC Vero Amore (Malta 1975) jibqa' fost l-aqwa fid-dinja! Jannar – Marzu 2016 1 Nagħlaq b’xi ringrazzjamenti li ġejjin mill-qalb. Qabel xejn nirringrazzja lil sħabi tal-Kumitat u lill- isponsors għall-appoġġ sħiħ u inkundizzjonat tagħhom lejja u lejn il-Club. Grazzi speċjali tmur anki għalikom il-membri li żżommu l-Club tagħna ħaj bil-parteċipazzjoni, l-imħabba u s-sehem tagħkom. Inselli għalikom, Joseph Fenech President Jannar – Marzu 2016 2 Messaġġ mingħand il-PRO u Assistent Segretarju Internazzjonali Għeżiż membru, Nispera li tinsab tajjeb. Nibda billi nieħu din l-opportunità sabiex għal darb’oħra nirringrazzjak minn qalbi tal-fiduċja u l-appoġġ li urejtna matul dan l-istaġun. Fl-aħħar ġranet, iċ-Centro Cordinamento tal- Juventus FC ippubblika l-klassifika finali tal-Klabbs DOC fejn il- klabb tagħna kklassifika bħala t-tieni l-ikbar klabb DOC barra l- Italja. Dan jimlina b’kuraġġ u entużjażmu biex inkomplu l- ħidma tagħna għalikom – il-membri tagħna. Kif stajtu tapprezzaw matul ix-xhur u s-snin li għaddew, il- ħidma tal-Kumitat fil-Klabb hija waħda kbira u kontinwa. Minbarra t-titjib li sar fil-premises tagħna, stajna ngawdu wkoll żjarat ta’ personaġġi Juventini storiċi bħal Edgar Davids, Ciro Ferrara, Alessandro Birindelli, Stefano Tacconi u Luciano Moggi fost oħrajn. Barra minn hekk, qtajna x-xewqa ta’ mijiet minn fostkom li ssegwu xi partita fil-Juventus Stadium b’biljetti face value. Aħna determinati li dawn l-inizjattivi u oħrajn simili nkompluhom u nżiduhom fix-xhur u s-snin li ġejjin. Ċert li tifhem li dan kollu jirrikjedi ħidma u dedikazzjoni kbira, u għalhekk minn żmien għal żmien ikollna bżonn daqqa t’id. Għal dan il-għan, qegħdin nagħmlu sejħa għal dawk minnkom interessati li jkunu aktar attivi fil-ħidma tal-klabb. Jekk tixtieq tgħinna fis-fis-social media, graphic design jew xi mod ieħor li taħseb li l-klabb tagħna għandu jew jista’ jkollu bżonn, agħmel kuntatt magħna b’email ([email protected]) mill-aktar fis ! Huwa ta’ pjaċir għalina li naraw kemm jista’ jkun membri attivi f’din il-familja kbira Juventina. Filwaqt li nirringrazzjakom għal darb’oħra, Inselli għalikom, Benjamin Pulè PRO u Assistent Segretarju Internazzjonali Jannar – Marzu 2016 3 Kampanja Tesseramenti 2015/16 Juventus Club DOC 'Vero Amore' (Malta 1975) Minħabba li l-istaġun 2015/16 dieħel fil-fażi finali tiegħu inħossu li ma jkunx xieraq li min jissieħeb issa jingħata 3 xhur sħubija biss. Għalhekk kull minn sejjer jissieħeb membru minn issa sa tmiem l-istaġun se jingħata l-kumplament ta' dan l-istaġun kif ukoll l-istaġun li jmiss 2016/17. Ir-rati tas-sħubija huma dawn li ġejjin: € 25 - Irġiel u nisa li għandhom 17-il sena jew iktar € 15 - Zgħażagħ li għandhom bejn 10 snin u 16-il sena b’xejn - Tfal sa 9 snin, anzjani li għandhom 65 sena jew iktar kif ukoll persuni b’diżabilità X'qiegħed tistenna sabiex tifforma parti minn dan il-Club glorjuż li wara li għalaq 40 sena lest għal aktar unuri ... Għandna iktar sorpriżi maħsuba li l-MEMBRI BISS jkunu jistgħu jgawdu minnhom! Mela irkeb issa fuq il-karru tagħna u gawdi magħna! Tesserament Juventus DOC It-tesseramenti DOC għalqu fit-12 ta' Frar 2016. Huma biss il-membri DOC li jistgħu jinqdew biljetti facevalue mil-biljetterija uffiċjali tal-Juventus. Jekk għandek f’moħħok li matul l-istaġun li jmiss tmur tara t-tim favorit tagħna ġewwa Turin qiegħdin nirrakkomandawlek minn issa sabiex tissieħeb membru bid-DOC minnufih. It-tesserament DOC ikun jgħodd għall-istaġun li jmiss 2016/17. Jannar – Marzu 2016 4 Tista' tinkiteb bħala membru mal-Club billi tiġi l-uffiċju tal-Club kull nhar ta' Tlieta jew Ħamis bejn is-6.30pm u t-8.00pm kif ukoll minn siegħa qabel kull partita tal-Juventus jew is-Showroom ta’ Fenech Arredamenti bejn 9.00am-12.00pm u 4.00pm-7.00pm jew permezz tal-website minn http://juventusclubmalta.com/membership/subscribe-online/ u tħallas bil-Paypal jew tiddawnlowdja l-applikazzjoni minn https://www.facebook.com/groups/JuveClubDocVeroAmoreMalta/files/ u tibgħatha mimliha flimkien ma' cheque f’isem il-Juventus Club Vero Amore Għal kwalunkwe informazjoni fuq membership tistgħu tkellmu lill-membri tal-Kumitat, tibgħatu email fuq [email protected] jew iċċemplu 21480851 waqt il-ħinijiet tal-ftuħ. Jannar – Marzu 2016 5 Infakkru li l-Club tagħna jaqdi lill-membri tieghu bil-biljetti FACE VALUE u jiċċarġja €10 administration fee BISS fuq kull biljett! Biljetti għall-partiti tal-Juventus Kull min tiela jew jixtieq jitla' jara partita ġewwa l-Juventus Stadium, qabel ma tixtru l-biljett dejjem żuru il-website tal-Juventus sabiex tkunu ċerti LI MA TĦALLSUX IKTAR TAL-BILJETT http://www.juventus.com/en/tickets/prices-and-purchasing/index.php Jannar – Marzu 2016 6 Avviż rigward it-Tessera del Tifoso Il-Kumitat iħeġġeġ kull min jixtieq japplika għall-biljett tal-Juventus għall-partiti tas-Serie A biss biex apparti li jkun membru DOC ikollu wkoll it-Tessera del Tifoso sabiex ikollu possibilità ikbar li jinqeda biljett. Appellajna ħafna drabi u hekk se nkomplu ngħamlu biex tapplikaw għat-Tessera del Tifoso għaliex din hija neċessarja għall-partiti tas-Serie A li jkunu sold out mis-sistema DOC. Fl-Italja biex tagħmel użu minn season ticket ta' xi ħadd iehor ikun meħtieg li jsir bdil tal-isem temporanju tas- season ticket, u l-possessuri tat-Tessera del Tifoso BISS ikunu jistgħu jaghmlu dan it-tibdil u allura jagħmlu użu minn season ticket biex jieħdu aċċess għall-Juventus Stadium. Din it-tessera tinħareġ mill-Gvern Taljan u tirċeviha bil-posta d-dar. Għal iktar informazzjoni rrikorru l-uffiċju tal-Club matul il-ħinijiet tal-ftuħ. Hawn taħt għandek issib il-proċedura sħiħa li tridu tgħaddu minnha sabiex tapplikaw għat-Tessera del Tifoso Jannar – Marzu 2016 7 1. Għamel ir-reġistrazzjoni fuq https://www.juventus.com/en/registration/registration.php?service=TESSERA u pproċedi biex tagħmel il-pagament ta' €15 permezz tal-credit card jew PayPal. Aħna nirrakkomandaw il-PayPal. Fil-kaxxa 'Tax Code' ikteb 'STRANIERO'. Wara li tagħmel il- pagament ipprintja l-irċevuta. 2. Għandek tirċievi email b'PDF attachment kompilat lest. Ipprintjaħ u imla l-informazzjoni nieqsa f'paġni 1 u 2. 3. Ehmeż flimkien mal-applikazzjoni kopja tal-karta tal-identita' tiegħek u tal-irċevuta tal- ħlas kif ukoll waħħal fl-ispazju provdut fl-aħħar paġna żewg ritratti tal-passaport. 4. Ibgħat kollox fl-indirizz C.P. 1074, Torino Centro Corr. - Via Arsenale 11 - 10121 TORINO. Nirrakkomandaw li tintbgħat bħala posta reġistrata Jannar – Marzu 2016 8 Juventus DOC Wara li l-Kampanja Tesseramenti għas-sħubija DOC għalqet ftit tal-ġimgħat ilu, iċ-Centro Coordinamento Juventus Club DOC reċentement ħabbar l-esitu finali għal dan l-istaġun tal-Clubs DOC kollha reġistrati magħħom. Huwa l-pjaċir tagħna nħabbru li fost 458 Club uffiċjalment rikonoxxuti mil-Juventus minn madwar id-dinja kollha, il-Club tagħna ġie klassifikat fit-22 post fid-dinja u t-tieni l-ikbar Club barra mil- peniżula Taljana. Kellna wkoll żieda fil-membri reġistrati fid-DOC fuq l-istaġun li għadda. Minn hawn nirringrazzjawkom tal-fiduċja. Dan it-tragward importanti huwa għal darba oħra tagħkom bħal dak tal-istaġun li għadda! Jannar – Marzu 2016 9 Lukanda ewlenija u ċentrali għal min jitla' Turin Bħala Club ilhaqna ftehim mal-Concord Hotel, lukanda ewlenija ta' 4 stilel u li tinsab fl-iktar punt aċċessibbli fil-qalba taċ-ċentru ta' Turin, sabiex il-membri tagħna jkunu jistgħu jieħdu akkomodazzjoni fiha bil-prezzijiet eċċellenti hawn taħt imsemmija: € 75 - kamra għal persuna waħda, kull lejl € 85 - kamra għal żewġ persuni, kull lejl € 105 - kamra għal tliet persuni, kull lejl It-taxxa ta' €3.70 kull persuna, kull lejl mhix inkluza (massimu ta' 4 iljieli konsekuttivi) Irridu nghamluha ċara li ħadd ma hu obbligat li jieħu l-offerta tal-lukanda flimkien mal-biljett tal- partita. Għal aktar informazzjoni tistgħu tirrikorru l-uffiċju tal-Club. Jannar – Marzu 2016 10 Tours ghal żewġ partiti ferm mistennija Jannar – Marzu 2016 11 Kull min jixtieq jirriserva post f’wieħed minn dawn iz-zewġ Tours huwa mistenni li jħalli depositu ta' 50% billi jżur is-showroom ta' Fenech Arredamenti ġewwa Santa Venera matul il-ħinijiet normali tal-ftuħ jew jiġi l-uffiċju tal-Club kull nhar ta' Tlieta u Ħamis bejn is-6.30pm u t-8.00pm kif ukoll minn siegħa qabel kull partita tal-Juventus.