The “Mission House” CICC Head Office, Takamoa, Rarotonga ----------------------------------------------------------------------------------------------------------------------------- --------------------- -------------------------------------------------------------------------------------------------------------------------------------------------- to roto i teia nutileta/contents: Æ Eeuanga toka i Avarua Æ GG – flowers for the Queen’s Rep Æ Visit of Evangelism Explosion officials Æ CICC president to NZ & Aust Æ Teretere mapu i Rarotonga, Aukute Æ Nuti potopoto Æ Nuti mei te Ekalesia Vaipae Æ Obituary Æ Orongaanga tapao Æ Te au mea e okoia nei i Takamoa Æ Priesthood diamond jubilee Æ Food for thought Æ Ra o te CICC Æ Memory lane Æ Matavera Sunday School Hall project Æ In the churches Æ Takamoa college report Æ Exposition of the Apostel’s Creed Æ Uipaanga na te PCC i Nadi, Fiji Æ Share your photos Avarua CICC, 1951 Photo by Bob Sewell, obtained via Mark Ebrey of the Cook Islands News Comments/queries/free electronic copy? [email protected] or [email protected] ----------------------------------------------------------------------------------------------------------------------------------------------- Published by the CICC Head Office, P.O. Box 93, Takamoa, Rarotonga, Cook Islands Phone: 26546 Fax: 26540 Email: [email protected] or [email protected] Website: www.cicc.net.ck 2 1. AKATOMO’ANGA ia orana e te iti tangata tapu no te Atua i te au ngai katoatoa; to te Kuki Airani nei, tei noo ki Nutireni, Autireria, Tahiti, e te vai atura te au ngai tei taeaia e teia karere akakitekite. E tau ia tatou kia akameitaki i te mana katoatoa koia tei oronga mai i teia tikaanga manea kia aravei akaou tatou na roto i teia pepa akakitekite numero 55 tei akamataia i te mataiti 2005. Tetai tuanga mei roto mai i te buka ora a to tatou Atu ei akaaravei ia tatou, no roto mai te Tia o teia ra Varaire 26 o Tepetema, te ra i tukuia’i teia nutileta ki te katoatoa na runga i te imere e te internet; Philipi 2.1-2: “E teianei e manga maanaana tei te Mesia ra, e manga rekareka tei te aroa, e manga tauanga to te Vaerua, e manga aroa ngakau e te takinga-meitaki. Ka akarava mai kotou i toku nei rekareka, i te tavaitaianga i to kotou manako, ma te inangaro okotai, ma te kapitianga o to kotou ngakau, i te akonoanga i te tutua okotai rai.” I roto i te rua o to tatou reo, “Your life in Christ makes you strong, and hs love comforts you. You have fellowship with the Spirit, and you have kindness and compassion for one another. I urge you, then, to make me completely happy by having the same throughts, sharing the same love, and being one in soul and mind.” Na kotou e akatotoa atu i teia karere ki to kotou au taeake kia kite katoa ratou i te au mea e tupu nei i roto i te taokotaianga o te kopu tangata CICC. Ko kotou kare i kite ana te au nutileta i mua atu e kua anoano kotou kia kite, aravei atu i te Orometua o taau Ekalesia me kore akakite mai ki Takamoa nei; ka rauka oki te reira au nutileta i te tuku iatu na runga i te imere. Noatu e tei muri teia au nutileta, e maata te au mea puapinga i roto – mei te tua tapapa o te au tuatau tei topa ki muri (profiles, history, memory lane, etc.) – te ka riro ei pumaanaanga kia tatauia. Tei runga katoa ratou i te website a te CICC, koia te www.cicc.net.ck 2. EEUANGA I NGA TOKA AKAMAARAANGA I AVARUA angaanga maata tei raveia e te Rarotonga Konitara Ekalesia ki te Ekalesia Avarua i te Varaire ra 25 o te marama Tiurai i topa ake nei, koia oki te akamaaraanga i te ra i taea mai ei a Rarotonga e te marama no runga mai ka 191 mataiti i teianei, no te aa kare e roa iatu na kua taea te 200 mataiti i to taua marama ra tutaraanga ki runga ia Tumu-te-Varovaro. I roto i taua akamaaraanga ra tei raveia koia oki te eeuanga toka no nga akakoroanga e toru i raro nei: (a) Toka akamaaraanga i te Orometua John Williams tei kave mai i te Evangelia tapu a to tatou Akaora ki Rarotonga nei. Tena te au tataanga tei taiku i tona ingoa e te au mea tei tupu, tei roto i ta tatou au nutileta i topa. (b) Toka o te metua vaine Tepaeru-ariki tei akaokiia mai e te Orometua John Williams ratou ko Papehia ma mei Aitutaki ki Rarotonga nei. (c) Toka akamaaraanga i te Orometua Papehia tei aru mai ia John Williams mei Aitutaki ki Rarotonga nei, tena katoa tona au tuatua tei roto i ta tatou au nutilieta i topa. E angaanga maata teia tei raveia e penei kare e rave akaouia i te au ra ki mua, no reira e mea tau rai kia orongaia tetai turanga matutu nona i roto i teia nutileta ei kiteanga e ei akamaaraanga na te katoatoa, ratou tika’i kare i rauka te tikaanga kia kite mata i teia angaanga maata tei raveia. I mua ake ra ka toro e ka akaari iatu ei te tutu o te au mea tei raveia, e mea puapinga kia kitea e kia akakiteia te anauanga mai o teia angaanga maata. Cook Islands Christian Church Newsletter 55 – September 2014 3 Au ra o te Evangelia Kua marama ua tatou i te kite e ko te ra 26 o Okotopa i te au mataiti katoatoa, e akamaaraia na roto i te au angaanga o te Nuku. E ra orote katoa (public holiday) i te Kuki Airani nei. Topiri atu ki teia ra, kua manako katoa te kavamani mei tetai 30 mataiti i topa ake nei e kia akamaara katoaia te ra i tae ei te Evangelia tapu a to tatou Atu ki runga i te au enua tatakitaki i roto i to tatou nei basileia. I na, takake ireira mei te ra 26 o Okotopa, kua akamaara ake akamaara ake te reira enua i tona ra taeanga Evangelia i te au mataiti i topa. Kia tae ireira ki te mataiti 2012, kua mana te ture ou a te kavamani no te takoreanga i te ra o te Evangelia i runga i te au enua tatakitai e, ei ra orote no te katoatoa. Tera ireira te aiteanga, kare te reira au ra i te ra orote akaou no te katoatoa (public holiday). Kare ra te vaerua akamaara o te reira ra i akakoreia e te au enua tatakitai, kua rave uatu rai ratou i te akamaaraanga i te reira ra na roto i ta ratou au akonoanga akamorianga i te atianga tei tau ia ratou. Mei teia oki te tu, ko ta Rarotonga nei, e pure kapiti ana nga Ekalesia e 6 i te aiai o te reira ra. I na kua akamata mai teia akateretereanga ou ki Ngatangiia i te mataiti 2012, e oti ki Matavera i te mataiti i topa 2013, e kia tae mai ki teia mataiti 2014, kua mono iatu te reira pureanga kapiti ki te akakoroanga eeuanga toka i Avarua mei tei taikuia i runga nei. A teia mataiti ki mua 2015, kua raveia te porokaramu ki Nikao, penei e pureanga kapiti akaou me kare e akakoroanga ke te ka tamanakoia mai me tae ki te reira tuatau. Ka na reira te tereanga o te porokaramu akamaaraanga a Rarotonga nei i tona ra taeanga Evangelia i te au mataiti ki mua. Akakoroanga o te kumiti 200 mataiti I te mataiti i topa 2013 kua tae te patianga a te kumiti o te 200 mataiti (Bicentennial Celebrations Unit – BCU) ki te Rarotonga Konitara Ekalesia, te metua o te Evangelia i Rarotonga nei, kia riro uake e nana te porokaramu o te ra taeanga Evangelia ki Rarotonga nei e akanoo no teia mataiti 2014. Kua manako aia e kia akamaneaia te toka o te Orometua John Williams i roto i te aua are pure i Avarua e kia eeuia i te ra 25 o Tiurai, koia oki te ra taeanga Evangelia o Rarotonga. Ko te akamanea akaouanga i te toka o John Williams, ko tetai oki teia ta te BCU i manako e ka rave aia i runga i tana akapapaanga porokaramu no te au manakonakoanga e te au angaanga i roto i te vaerua o te 200 mataiti o te Evangelia ki to tatou basileia e vaitata mai nei, koia te mataiti 2021. I na kua ariki rekareka te Konitara e kia akangaroi mai te porokaramu pure kapiti no teia mataiti 2014 e kia mono iatu ki te akakoroanga tei manakoia mai e te BCU. Topirianga mai o nga akakoroanga takake I te pae i te toka akamaaraanga o John Williams i roto i te aua are pure o Avarua, te vai katoa ra te toka/menema o te metua vaine Tepaeru-ariki tei apai iatu e Captain Goodenough o te pai Cumberland ki Aitutaki i te mataiti 1814, e pera te toka akamaaraanga no te Orometua Tahiti koia a Papehia. Kia rongo te uanga i teia ra a te metua vaine Tepaeru-ariki e pera ta Papehia i te akakoroanga o te BCU no te toka o John Williams, kua o mai te manako ki roto i to ratou ngakau e, e mea manea kia piri katoa mai ratou ki roto i teia akakoroanga tei paraniia e te BUC, na roto i te akamanea katoaanga i to raua toka e kia raveia te eeuanga i taua ra rai. I akapera te riroanga mai te akakoroanga o te reira ra mei te okotai akakoroanga no John Williams, ki te toru akakoroanga. Kare takiri e manamanata e te tauetonoanga i tupu, kua rave ireira te BCU i ta ratou tuanga akamaneaanga i te toka o John Williams, e kua rave katoa mai te uanga a Tepaeru-ariki raua ko Papehia i te akamanea i te toka o to raua tupuna i te au epetoma i mua ake i te ra 25 no Tiurai.