BOLETIN DEL GROP LADIN DA MOENA AN LII (XLVI) N. 1 MARZ 2021 NOSHA JENT NOSHA JENT Boletin del Grop Ladin da Moena n. 1/2021 Direzion: Grop Ladin - Sotegrava - Moena Angela Chiocchetti - Troi de Sèn Vile 7 - Moena [email protected] [email protected] Autorisazion del Tribunal de Trent nr. 114 dai 3 de jenè 1967 NOSHA JENT 4 numeres a l’an Adejion 15 euro Italia 18 euro Estero 20 euro IBAN IT60 K081 4035 7800 0000 2040 349 c/o CASSA RURALE DOLOMITI DI FASSA PRIMIERO E BELLUNO te la causale, se l’é possibol, specicar l sorainom de ciasa e l titolar de l’abonament Publizità sote l 70% Finanzià dal Comun General de Fascia sul Pian de politica linguistica 2021 Grop de redazion: Barbara Bonu, Angela Chiocchetti (Goti) Luca Follador, Monica Lorenz Ilaria Petrone, Daniela Chiocchetti Retrat de soracuerta: Ennio Adami (2010) Stampa: Litotipograa Alcione - Lavis (TN) S Editorial .................................................................................................. 4 Letre a Nosha Jent Dal Bepi Tasin........................................................................................... 6 Da Gabriella Cornelli e Michele Zanoner .................................................. 7 Ciantar l Canori al temp del Covid ........................................................ 11 Canori sul web ........................................................................................ 13 La più gran pièa / Dret e revers ................................................................ 14 Atualità La ferata, che pascion! ............................................................................. 15 Arteletradura D’aisciuda se desceda la natura / Pensieres ............................................... 18 Conta na contìa / Storn de melanconia e de dolor ................................... 20 Na foto da sti egn Col stroset e co la lama ........................................................................... 21 Jent da recordar Giacomin Pettena, “el Chim” .................................................................. 24 El Chim, na gran fontana de saer ........................................................... 26 Ciantie da mont, da spas e dal cör “La gloria de Moena”. La storia curiosa de na cianzon del Canori ........... 28 Scric de Nosha Jent A Ti che no tu es più ............................................................................... 34 Demò scutèr e recordèr .......................................................................... 36 Femene de Turchia .................................................................................. 39 Olà sione po?........................................................................................... 42 Sföi dai jösc ............................................................................................ 43 Deslealenga ............................................................................................ 44 EDITORIAL Stimè letores, averjer en an con en nöf numer de “Nosha Jent”, dò dut chel che l’é suzedù tel 2020, no l’é sorì. I é stac massa i cambiamenc de nosc viver: ancora ades l’é dut cant complicà, gref, malsegur, l pensier l se ferma demò al prejent no l se da a jir più inavant. Estra i problemes del laor e de la malatia pandemica che n’é vegnù ados, no se se riscia far programes, vardar più dalonc né a chel che sarà possibol far, na oita che dut sarà fenì. Ma no se pol se lasciar ciapar da l’aviliment e coscì, anter sto revedò de mudamenc che ne tocia duc, aon pensà de ve sporjer valch da bel, calche curgiosità e n picol segn de speranza. Volon ruar te vosce ciase còme amisc, per ve contar le ultime növe, entant che speton de poder se troar duc chenc ensema a far na bela festa, come che fajeane nossacan. “Nosha jent” l’é n boletin che no conta bujie e “gossip”, el conta de vita e de storie passade e dal dì d’ancö, el völ recordar e recognoscer i meric de chi che l’é se n jit e de chi che, ence tel volontariat, à dat trop e seghita a sporjer so temp e fadìe per miorar noscia comunità; el völ ence soscedar discuscion, e per chest l’é avert a duc chi che völ se dar jù o contar sove esperienze, averjer l cör con rime e pensieres fogn che ne aìda e soleva l spirit e miora l’umor. Volessane che fosse per voi de picole lum che pol miorar vosc viver e che, tel lengaz de la mare, podessade troar chel bel calor de vosce raìsc. Te sto numer seghiton a contar i “retroscena” che nesciugn cogno- sceva, dò via le composizion fate dal Canori, ma ence de siöi scric, mai engec. N pensier su la mobilità te le val de la Vesh, problem che l se fasc semper più senester e urgent, ma che inant o dapò, no demò 4 | NOSHA JENT | n. 1 - 2021 la politica ma ence la jent, fosse bel che pode dir la sova. Ge dajon l benvegnù ence a n scrit che ne rua ju da Cianacé, da na jovena che, piena de entusiasm e vöa de far, la é deventada Vizepresidenta de l’Union di Ladins de Fascia. Sova gaissa la é dalbon contagiosa e spe- ron de troar ence te Moena valgugn, còme ela e còme autres jovegn che ultimament encolorisc na növa stagion te Fascia, che se mete a la leta per ne aidar a portar na ventada fresćia ence te nosc Grop. E po rime originale, autre traslatade dal talian che l’autor, afezionà a nosce mont, aeva n gran piajer che le vegne oitade per ladin. Ades più che mai se rendon cont de còme che sion fortunè a star te n post scì bel: i ne invidia chi che no pol se möver da le zità, che vif serè int te ciasogn de peton e che respira aria malada e vesc pöch sol. Ne soleva se tacar a nosc ambient e a noscia tera che, apede a la sanità e al laor, l’é valores che val più de dut e demò canche se i pert, se capisc còme che i mencia. Bele prest, al termen de la Setemana de Pascion, rua ence Pasca, che con so message de speranza la ne recorda che la vita l’à venciù sora la mort, che l Ben à la soramessa tei confronc del Mal. Nosc augurie per voi e vosce familie l’é che no mence coragio e - duzia tel davegnir. Bona Pasca! Angela del Goti EDITORIAL | 5 LETRE A NOSHA JENT Trent, Nadal 2020 ara Angela, Cvoleve te rengraziar té e tiöi colaboradores de le struscie e de l’empegn desmostrà tel mantegnir viva “Nosha Jent”. L’é semper n bel boletin, con tante növe de Moena e de sova jent, zenza desmen- tiar l’aspet cultural e storich. Endodanöf, diovelpae e “tegnì dur”. L Numer de NJ, ensema col li- ber de Armin Chiocchetti el me é ruà pervìa che son abonà a “la Usc di ladins”, se no, co l’abonament a “Nosha Jent” la me é jita sbuja: canche me n’è ascort l’era oramai massa tart, scusame. Te sporjer, a ti e ai tiöi, de bié saluc e augures, e co la speranza de n nöf an che mude nosce esigenze del “superuo”, te fae en gran braciacol. Bepi Tasin En Diotelpae a l Bepi Dellantonio Tasin che el ne dasc semper gaissa e stima. Da egn abonà a “Nosha Jent” l’à ence colaborà con calche articol; el vif a Trent ma l vegn ogni istà te so paes e ogni oita che se l scontra, volintiera l se ferma a far doi ciacole, el se enteressa del Grop, l ne domana del boletin e l ne disc che l’é content che l’é jent che seghita a se dar jù e a l portar inavant. Te chesta ocasion ge sporjon i miores augures per i 98 egn che l’à giusta fat ai 16 de marz e per l sent inom, el dì de Sèn Giujef. la Redazion 6 | NOSHA JENT | n. 1 - 2021 Bepi Tajin e sò femena, la dì che i se à maridà, del 1958 LETRE A NOSHA JENT | 7 En ocajion de la recordanza del Canori a 30 egn da la mort Domenia, ai 24 de jenè 2021 aro Fabio, ormai siamo una squadra. Niente e nessuno ci può Cfermare. Nonostante le dicoltà siamo arrivati al traguardo. Tu sei quello che ha faticato più di tutti. A volte ho un po’ di rimorso, mi sembra di averti dato un carico troppo pesante ma ormai è fatta. Penso che Ermanno faccia i salti di gioia se non le capriole. Da lassù ci aiuterà e proteggerà sempre. Speriamo in questo modo di aver aiutato le persone a volare alto e a usare il cuore prima del cervello. In questo mondo consumista è proprio quello che ci vuole.... Sempre grazie. Un abbraccio fortissimo Gabriella L’Ermano del Gabana con so femena Concetta, so öl Filippo con Gabriella Cornelli, al conzert de prejentazion del liber “Laurin e autre contìe”, Moena ai 20 de mè 1984. 8 | NOSHA JENT | n. 1 - 2021 bbiamo seguito con piacere la diretta streaming in ricordo del ACanori. È stato emozionante conoscere le persone che hanno lavorato a questo progetto e sentire le loro storie. È proprio una bel- la squadra. E poi sentire la lingua ladina e cogliere le meravigliose assonanze che la rendono così musicale, il «dar per semper senza ciapar nia / l n de l’esistenza mia». Grazie da tutti noi. Michele Zanoner Federico Zanoner, en pè apede a sova ameda Gabriella, en compagnìa de duta la bela grenz dei Zanoner-Gabana de Valdagno, descendenc del Canori. La prima a cencia l’é Angela, öla de Gabriella e Filippo (rechiesc); Giovanni (co la barba) l’é junsom desch a dreta e Michele l’é dò che l fasc la foto. LETRE A NOSHA JENT | 9 Chele che aon stampà sot la rubrica “Letre a Nosha Jent” l’é le parole de salut che ne à manà Gabriella Cornelli, vedoa de Filippo, prim dei trei öi del Canori, en ocajion de l’event online endrezà dal Grop Ladin de Moena e dal Quartet “Demò Ousc”. Apede jù aon volù ge meter ence l pensier de so öl Michele, che à vedù l program en direta streaming. L’é stat na endesda, che ne à fat ence stentar en mingol, ma ampò valch cogneane pura far per recordar i 30 egn da la mort de nosc Artist. Tel giro de na setemana l program su fb l’à abù passa 1500 visualisazion, n èjit che nesciugn se aesse mai fegurà, e medemo podon dir per i programes manè fora per Radio Studio Record e la foto-storia, che ades se pol veder su YouTube ence da dalonc.