Sejarah Pengulih Malaysia ba Lumba Olimpik Melbourne 1956 Agi ngena nama Malaya. Tim hoki keterubah iya ngambi bagi. Nambahka nya lumba olahraga, nyemerai, angkat berat enggau nimbak mega bisi dipasuk atlit Malaya. Tokyo 1964 Datuk Dr. M. Jegathesan nyadi atlit Malaysia keterubah mujur ngagai renggat semi final ba lumba 200 meter. Munich 1972 Keterubah iya dalam sejarah, tim main bol Malaysia ke disereta M. Chandran, Soh Chin Aun, Wong Kam Fook, Shaharuddin Abdullah, Wong Choon Wah, Namat Abdullah, Lim Fung Kee, Ali Bakar enggau ti bukai mujur masuk ba lumba Olimpik. Pia mega tim main bol Malaysia mega ulih nyereta Lumba Olimpik kedua kali di Moscow 1980, tang enda nyadi ngambi bagi. Barcelona 1992 Diri menyadi Razif Sidek enggau Jalani Sidek nyadi pemenang midul keterubah ba lumba tu. Seduai iya mujur teulihka midul engkeraju ba main badminton bepasang. Atlanta 1996 Cheah Soon Kit enggau Yap Kim Hock mujur teulihka midul engkeraju ba main badminton bepasang. Sydney 2000 Lee Wan Yuen, atlit taekwando keterubah mujur masuk Lumba Olimpik. Athens 2004 Lim King Liat nyadi penyemerai keterubah mujur ngagai renggat semi final ba lumba nyemerai. Nambahka nya Josiah Ng atlit lumba basikal mujur ngenataika diri ba renggat semi final. Beijing 2008 Datuk Lee Chong Wei mujur bulih midul pirak ba main badminton nengali alan. London 2012 Datuk Lee Chong Wei mujur bulih midul pirak ba main badminton nengali alan. Pandelela Rinong anak Pamg nyadi atlit terejun keterubah mujur bulih midul ba lumba terejun. Iya mujur bulih midul engkeraju. Rio de Janeiro 2016 Datuk Lee Chong Wei (badminton nengali alan), Goh Wee Sherm enggau Tan Wee Kiong (badminton bepasang lelaki), Goh Liu Ying enggau Chan Peng Soon (badminton bepasang indu enggau lelaki), Pandelela Rinong enggau Cheong Jun Hoong (terejun bepasang) mujur teulihka midul pirak enggau Azizulhasni Awang (bebasikal) udah teulihka midul engkeraju..