MIZORAM KHAWPUI FAI INELNA 2018 [Cleanliness Competition in Urban Mizoram] URBAN DEVELOPMENT & POVERTY ALLEVIATION DEPARTMENT GOVERNMENT OF MIZORAM MIZORAM KHAWPUI FAI INELNA – 2018 [Cleanliness Competition in Urban Mizoram] 1. INTRODUCTION: 1.1 Kum 1972 a Union Territory-a Mizoram hlan kai a nih atang khan Mizoram sawrkar hnuaiah faina lama hmalakna ngaihpawimawh a ni chho nghal a. Tichuan, kum 1977, 2nd October khan Mahatma Gandhi piancham denchhenin Local Administration Department hnuaia ‘Sanitation Wing’ hmalaknain ‘Faina Hapta’ (Cleanliness Week)chu hman tan a ni chho ta a. LAD hian he programme hi kum tin a kalpui chho ta zel a. 7th August, 2006 a Urban Development & Poverty Alleviation Department a lo pian khan ‘Sanitation Wing’ chu LAD atangin UD&PA Department-ah transfer a ni ta a. Chuta tang chuan Cleanliness Week chu UD&PA Department hmalakna hnuaiah a awm zui ta a ni. Tun thleng hian he Cleanliness Week hi UD&PA kaihhruaina a hman a ni ta zel a ni. AMC a lo din tak hnuah hian Aizawl khawpui bikah chuan Cleaniness Week hi Aizawl Municipal Corporation in a kengkawh tura ngaih a ni a. District Hqtrs. leh khawpui lian zual deuhah chuan UD&PA Department leh a kaihhnawih Officer te hmalakna hnuaia neih tura ruahman thin a ni. 1.2 Mizoram Khawpuite hi a tlangpuiin a fai viau a. Amaherawhchu hmasawnna tur kawng tam tak a la awm zel a. India Sorkar in Swachh Bharat Mission a kalpui hnuah hian India ram pum angin faina ngaihpawimawhna a lo sang lehzual a. Kum 2019, kan Hnam Pa Mahatma Gandhi kum 125 na kumah hian India ram khaw tinte chu khaw fai tak kan lo nih theihna turin chak takin kalpui mek a ni a. 1.3 Mizoram Sorkar pawhin Faina kawnga chak lehzuala hmalak tumin “The Mizoram Urban Sanitation & Solid Waste Management Policy-2011” chu neiin kawng hrang hrangin hma a la chho mek a. He Policy hnuaiah hian Mizoram State Sanitation Task Force chu din niin he Task Force hian State pumpuia faina kawnga hmalakna a khaikhawm a. Tin, NEDP hnuaia Climate Change Mitigation atangin hmalakna tur sum ruahmanna a lo awm bawk a. Hemi atang hian hmalakna kal chhohpui mek a ni. 1.4 He Faina kawnga hmalakna a lo chak lehzualna turin Task Force chuan Mizoram Khawpui te hi Faina kawngah Inelna nei se tiin ruahmanna a siam a. He ruahmanna ang hian UD&PA Department chuan kumin 2017 ah khan a vawikhatna turin Clealiness Competition hlawhtling tak a a kalpui tawh a ni a, kumin 2018 hian a vawihnihna turin intihsiak neih a lo ni leh dawn ta a ni. Page | 1 2. FAINA COMPETITION: 2.1 Tunlai khawvelah chuan Faina kawngah inelna thianghlim neih a lo nita zel a. A bik takin Central Sorkar in Swachh Bharat Mission (Urban) 2015-a a duan chhuah atang phei kha chuan India rama khawpui te hi Faina kawnga inelna “Swachh Survekshan” neih a ni thin a. 2016 leh 2017 te neih ni tawhin Aizawl khawpui hi AMRUT City anih angin tel ve zelin kan ranking pawh a ziaawm zel a. 2017 ah phei chuan Aizawl Khawpui chu ‘Fastest Moving State in Himalayan Region” a thlan kan ni nghe nghe. 2.2 He khawpui Fai Inelna Mizoram-a kan neih hi, Ranking mumal tak a siam a ni a. Kum khat lo liam leh hnua inelna neih leh hma chu he Faina Ranking hi a ding reng dawn a, khawpui fai ranking a ni reng dawn a ni. Kum tin he inelna neih thin tur a ruahman hi, a kum leh a India ram pumpui khawfai inelna Swachh Survekshan neih thin a atana Mizoram khawpuite in ruahmana tha tak a nih pawh beisei a ni a, chu mai bakah, Mizoram mipuite a bikin khawpui a chengte faina lama hma kan sawn zelna atan leh kan lo changkan zel theihna tana rah tha a chhuah ngei Mizoram Sorkar chuan a beisei a ni. 2.3 Tichuan, Faina kawnga kan khawpuiten hma a lo sawn zelna turin Mizoram State Sanitation Task Force (MSTF) chuan 2018 Faina Hapta hman rual hian khawpui fai inelna “Cleanliness Competition in Mizoram (Urban)” chu neih turin a lo ruahman leh ta a. He inelna ah hian Mizoram-a khawpui 23 te an tel vek ang a. Mizoram khawpui te hi Category 2-ah thenin hetiang hian inelna siam a ni ang: A. Category-I (District Headquarters): 1) Aizawl 2) Lunglei 3) Siaha 4) Champhai 5) Kolasib 5) Serchhip 7) Lawngtlai 8) Mamit B. Category-II (Other Towns): 1) Saitual 2) Khawzawl 3) Hnahthial 4) Vairengte 5) Tlabung 6) Kawnpui 7) Thenzawl 8) N.Vanlaiphai 9) Darlawn 10) Zawlnuam 11) Biate 12) Khawhai 13) Sairang 14) Lengpui 15) Bairabi Page | 2 2.3 He Inelna hi 2017 an a Vawikhatna atan neih tawh a ni a, sawrkar chuan he inelna thianghlim hi chhawnzawm zel tlak tiin, kum dang zelah pawh chhunzawm tur a ruahman a ni. Khawpui hrang hrang 23 te hi an len dan a zirin thenhran an ni a, Category I leh II ah thenhran niin, hetiang hi kum 2017 khawpui fai inelna a lawmman dawngtute chu an ni. (a) Category I (District Headquarters) Lawmman pakhatna : Mamit Town. Lawmman pahnihna : Lunglei Town Lawmman pathumna : Champhai town (b) Category II (Other Towns) Lawmman pakhatna : Biate Town. Lawmman pahnihna : Hnahthial Town Lawmman pathumna : Saitual Town 2.4 Heng a chung a tarlan lawman pakhatna te hian Rs 1,00.000 ( nuai khat) dawngin, Lawmman pahnihna la tu khuate hian Rs 50,000 ( Singnga ) an dawng a, Lawmman pathumna la tu khuate hian Rs 30,000( Singthum) an dawng bawk a ni. 2.5 Category I leh Category II khaikhawm a, a pumpuia pakhatna Biate khua phei chu India ram pumpui khawfai inelna Swach Survekshan 2018 kumtir a neih takah khan “Best City in Innovation and Best Practice NE Zone” award a dawng ta nghe nghe a ni. 2.6 Khawpui tam tak te faina lam a inelna thianghlim neih hi mipui te leh faina lama thawktu sawrkar hnathawkte leh Khawtlang hruaitute zirna in sikul enkawltute leh naupangte thlengin an phurpui tlang hle a, intihsiakna hunlai mai bakah a hnu zel a, Swachh Bharat mission sawrkarin a kalpui mek naah pawh hmasawnna leh rualelna nasa tak a thlen a ni. Page | 3 3. FAINA COMPETITION NEIH DAN TUR: 3.1 He Competition hi Urban Areas ina a huam chin khawpui 23 zawng zawngte huap tur a ni a. Heta khawpui fai endikna tura tehkhawng hrang hrangte chu hetiang hi a ni ang: 1) Open Defecation Free (ODF) - 30 2) Solid Waste Management (SWM) - 20 3) Information, Education & Communication (IEC) - 10 4) Community Participation - 15 5) Cleaning of Drains, Rivers and Streams and Activities on environmental conservation - 15 6) Public Feedback - 10 Total - 100 Marks 3.2 He Competition atana khawpui tina lo inbuatsaihna turin ruahmanna siam theih a ni a. Hetiangin: 1) Aizawl City - Aizawl Municipal Corporation Kaihhruainain inbuatsaihna an kalpui ang. 2) District Hqtrs. - District DC kaihhruainain DUDO/SO/DPO ten Sorkar Departments, VC leh NGO te tang tlangin inbuatsaihna an kalpui ang. 3) Sub-Divisional Hqtrs. - SDO (Civil) kaihhruainain Sorkar Departments, VC leh NGOs ten inbuatsaihna an kalpui ang. 4) Other Towns - Khawpui dangah chuan khawtlang Nodal Officer atana UD&PA Department in a hman kaihhruainain Sorkar Department te leh khawtlang hruaitute tang tlangin Cleanliness chung chang hmalakna an kalpui ang. Page | 4 4. KHAWPUI FAI ENDIK DAN TUR: 4.1 Khawpui fai endikna hi uluk tak leh felfai tak, duhsak bik awm lova kalpui tur a ni ang. Chutiang atan chuan Mizoram Sorkar UD&PA Department chuan he endikna atana Specialized Agency/Institution rintlakte emaw Panel of Experts te emaw phungbawmah sawmin endikna hna a kalpui ang. Endikna atana senso pawh a hrana ruahman a ni ang. 4.2 He Endikna atan hian Framework endikna criteria leh marks fel tak duan a ni ang a. Hemi ang zulzui hian endiktu tura ruat Agency te chuan endikna leh marks an pe dawn a ni. 4.3 Endiktu te hian khawpui zawng zawng uluk taka tlawh chhuakin tehkhawng hrang hrang hmangin an endik dawn a. Tin, mipuite ngaihdan te pawh an la tel dawn a ni. 5. CLEANLINESS RANKING: He Khawpui fai inelna atang hian Mizoram a khawpui zawng zawng Ranking 2018 siam a ni anga. He ranking hi Competition neih anih leh hma chuan a ding reng dawn a. Chuvangin he Khawpui fai inelna hi a pawimawh em em a ni. 6. AWARDS: 6.1 He Faina Competition - 2018 ah hian khawpui fai thlan chhuah te tan, hetiang hian Category I leh Category II tan lawman siam a ni ang: 1) Rank 1 - Rs. 1,00,000/- with Certificate and memento 2) Rank 2 - Rs. 70,000/- with Certificate and memento 3) Rank 3 - Rs. 50,000/- with Certificate and memento 4) Consolation Prize - Certificate of Participation 6.2 District tina khawpui fai ber (rank sang ber) tan certificate hranpa siam a ni bawk ang. Heng khawpui fai lawmman hi October 2, 2018 ah Cleanliness Week Opening Ceremony ah sem a ni ang. Page | 5 7. TIME-LINE: 7.1 Mizoram khawpui fai inelna 2018 hi September 1st atanga September 20th chhunga endikna kalpui tur a ni anga. Hemi chhung hian khawpui tiin faina lama inbuatsaihna kawng hrang hrang an neih phal a ni ang. Khawpui endik ni tur bik puan chhuah a ni lovanga, September ni 1 atanga September ni 20 chhung hian a rem chan dan ang zel a endikna kalpui tur a ni ang. 7.2 Endikna framework hi ANNEXURE – I ah dah a ni. Assessment Framework hi khawpui tinah thawn chhuah ani anga, khawpui enkawltu ten self-assessment an nei anga.