Foto: Klaas Kamstra Ynhâld
3 Fûgelwacht Easterein
4 Foarwurd
5 Utnoeging foar de ledengearkomste
6 It earste ljipaai
7 Ferslach jierfergadering
10 Jierferslach yn fûgelflecht
13 Ferslach neisoarch
17 Ferslach briedsoarch
18 Finansjeel ferslach
20 Ferslach jeugd
22 Jeugdfûgelwachtdei
23 Fryske neisoarchdei
24 De wereld verandert, de passie nooit
27 Jubileum skoalleseize
28 Een nest van peuken
28 Briede yn it bûtenlân
29 Foto’s van 2012 én de fûgelwacht
31 Stipers
Fûgelwacht Easterein
Oprjochte 8 novimber 1983 Oansluten by de BFVW ( Bond Friese Vogelwachten) ------
Bestjoer:
Foarsitter : Jan Rinse Blanksma 06-53803817
Skriuwer : Jehannes Huitema 06-53676731
Ponghâlder : Gep Bakker 0515-332919
Neisoarch : Gerard van Asselt 06-83254687
Briedsoarch : Mebius de Boer 0515- 331639
Jeugd : Martin Overal 0515- 331832
------
Postadres : Fûgelwacht Easterein
Skilplein 27
8734 GW Easterein
Bankrelaasje ; Rabobank 34.95.08.933
Koekeaksje : Gerben Kooistra
Winterfoer : Mebius de Boer
Fûgelfersoarging : Marco en Lysbeth
Neisoarchkaarten : Gerard van Asselt
Ledenadministraasje : Gep Bakker
Fûgelmeldingen : Jehannes Huitema
Swellen : Klaas Kamstra en Jan Jetze Brouwer
Fotografy : Klaas Kamstra
Jierferslach : Jan Jetze Brouwer
Eareleden : Kees van Dijk, Johanna Tuinstra, Marco Hoekstra,
Gerben Kooistra en Hans Kooistra
3
Foarwurd
Foar jimme leit it jierferslach van 2012 fan de fûgelwacht Easterein. Mei soarch en wille wurdt der alle jierren wer in soad tiid yn stutsen om der foar te soargjen dat jim wer lêze kinne wat der binnen de komissjes bard is. It sil jim opfalle dat it jierferslach foar de twadde kear yn A4-formaat is. Omdat de de lûden oer dit formaat foarich jier sa posityf wiene, hawwe we besletten dit sa te hâlden.
Hjoed de 26e fan febrewaris sit ik om 15.00 oere yn spanning te harkjen nei de radio fan Omrop Fryslân, want dan sil der útspraak dien wurde troch de rjochtbank oer it koart geding fan Faunabescherming tsjin de ûntheffing fan de Provinsje Fryslân. Jim wolle it leauwe of net mar de spanning begjint fry heech op te rinnen. Dat komt ek omdat der de ôfrûne dagen alwer de earste ôfspraken makke binne foar “de goeie tiid” en de ferhalen fan foarich jier allegear nochris ferteld wurde. Hawar, om 15.24 oere is it dan safier, fia de social media komt it goede nijs nei bûten ta. We meie, we kinne en we sille wer te aaisykjen!
De útspraak fan de rjochtbank hat oanjûn dat de metoade om te kommen ta it oantal te rapen aaien folstiet. Mar ek dat de kombinaasje fan rapen en neisoargjen, hjirfoar de basis is. Mei oare wurden, as we ús mei ús allen hjir net oan hâlde dan hâldt it aaisykjen op te bestean. Ik wol hjir dan ek graach beneame dat we as Fûgelwacht Easterein de kommende tiid hjir better op lette moatte.
Troch ús belutsen jeugdfûgel is der yn 2011 in tal aktiviteiten organisearre foar de jeugd yn en rûnom Easterein. Wy fine it net allinnich tige wichtich dat de bern belutsen wurde by de aktiviteten foar de nei- en briedsoarch mar we wolle de bern graach nei bûten krije, de natoer yn. Dat we hjir goed yn slagje docht wol bliken út it grutte oantal bern dat mei dien hat oan û.o. de fiskwedstriden en de neisoarchdei.
Dan wol ik jim ek noch graach wat melde oer de skriezekrite “Rûnom Skrok en Skrins”. De skriezekrite is in gearwurking tusken Natuurmonumenten, greidboer, fûgelwachten en de wyldbehearsienhied “de Alde Slachte”. We hawwe de doelstelling om in bettere omjouwing te kreëarjen wer’t de greidefûgel goed yn libje kin. Troch mei-inoar ús hjir foar yn te setten en mei gebrûk fan in tal ynstruminten, lyk as it optimaal ynsetten fan subsydzjejilden foar natoerbehear, it oanstellen fan in mozaykregisseur, nestmarkering en –beskerming, pikebeskerming, predatoaren behearsking en it ferstrekken fan ynformaasje prebearje we hjir gestalte oan te jaan. We sjogge mei tefredenens werom nei de risseltaten yn de skriezekrite fan 2012. De gearwurking tusken neisoarger, greidboer én mozaykregisseur wie geweldich en soarge der foar dat bygelyks yn it rayon fan dhr. Engelsma, wêr’t in soad skriezepiken sieten, it meanen útsteld waard en de risseltaten yn dit rayon geweldich wiene.
It hichtepunt fan 2012 foar de fûgelwacht wie fansels de fiskwedstriid en de rôffûgelshow die we organisearre hawwe yn it ramt fan it 25-jierrich bestean fan de Skoalleseize. As we sjogge hoefolle bern oan de fiskwedstriid mei dien hawwe en, nettsjinsteande it minne waar, hoe folle taskôgers der by de rôffûgelshow wiene, dan kinne we net oars as tige bliid wêze. In machtich moaie dei!
Ik wol dit foarwurd beslute mei in opropke. As wacht hawwe we yn en rûnom Easterein in grut tal fûgelhokjes wêr’t we de risseltaten fan registreare. Mar sjoen nei it grutte tal hokjes wat der de ôfrûne jierren makke is troch de bern, liket it my sterk dat der net noch mear briedrisseltaten binne. Ik wol jim freegje om dizze rissultaten oan ús troch te jaan. Hjirmei krije wy in noch better byld fan de risseltaten fan de briedfûgels.
Jan Rinse Blanksma
4
Útnoeging foar de ledegearkomste fan fûgelwacht Easterein
Op freed 22 maart 2013
Om 20.00 oere yn de “Skoalleseize”
Wurklist
1. Iepening / meidielings
2. Feststellen fan de wurklist
3 Earste aai
4. Ynkommen stikken
5. Jierferslach 2012
6. Ferslach ledengearkomste 2012
7. Finansjeel ferslach 2012 - Ferslach fan de kaskommisje - Nij lid kaskommisje
8. Bestjoersmutaasje - Ôftredend: Mebius de Boer, net herkiesber - Foardracht: René Velzen
Skoft mei ferlotting
9. Neisoarch - útwreidzjen fan Fûgelwacht Easterein
10. Briedsoarch
11. Jeugdaktiviteiten - Jeugdkrite
12. BFVW/Rayon 4
13. Skriezekrite
14. Omfreegjen
Nei it skoft komt dhr. Booi in lêzing mei dia’s halden oer it gebiet by Murk Nijdam
15. Slúting
Oant de 22e
Fûgelwacht Easterein.
5
It earste ljipaai
Hinnaarderadiel
20 maart 1963 J. Zijlstra 13 maart 1967 K. Overal
Littensaradiel
14 maart 1990 D. Schaafsma 13 maart 2002 S. v/d Veen 18 maart 2004 S. v/d Veen 29 maart 2006 Ph. Hingst 11 maart 2009 M. Overal 18:21:08
Skarsterlân
20 maart 2005 S. Overal
Frentsjer
12 maart 2012 S. v/d Weg 16:31:36
Fûgelwacht Easterein
16 maart 1991 G. Kooistra 17 maart 1992 J. Zijlstra 19 maart 1993 D. van Beem 17 maart 1994 J. Wiersma 18 maart 1995 M. Hoekstra 29 maart 1996 Ph. Hingst 14 maart 1997 A. Hiemstra 17 maart 1998 B. Dijkstra 19 maart 1999 Ph. Hingst 17 maart 2000 J.S. Jelsma 2001 MKZ 17 maart 2002 M. Overal 16 maart 2003 S. Kingma 20 maart 2004 Ph. Hingst 17 maart 2005 K. Kamstra 31 maart 2006 P.H. de Bruin 12 maart 2007 Ph. Hingst 14 maart 2008 J.S. Jelsma 13 maart 2009 Ph. Hingst 07:20:15 21 maart 2010 M. Hoekstra 08:06:28 18 maart 2011 H. Kooistra 15:40:01 18 maart 2012 H. Kooistra 14:16:00
6
Ferslach jiergearkomste 23 maart 2012
Iepening/ meidielings De foarsitter iepent de gearkomste om 20:15 oere. In spesjaal wolkom oan de eareleden. Officiele ôfmelding fan Abe Stegenga en Jan Jetze Brouwer.
Feststellen wurklist Der wurdt noch in koarte presintaasje fan Marco Hoekstra oer it nije registraasje systeem taheakke.
Earste aai Wederom hat Hans it earste aai fûn fan de wacht. Hy hat it aaike fûn op de maïs fan v/d Ende, op 18 maart. It aaike wurdt lottere, en wurdt goedkart. Fan Herte Hans! Stefan v/d weg hie ek in earste aai, dit wiene de earste 2 fan Frentsjer! Hulde! Selma de Boer hat de earste 3 aaien fan de basisskoalle fûn op de jeugdkrite fan Itens! Dit is geweldich!
Ynkommen stikken: • Vanellus • Jierferslach BFVW • Nijsbrief BFVW • Notulen gearkomste rayon 4 yn Boazum
Jierferslach 2010: Jehannes lêst dit jier foar it earst it jierferslach foar.
Ferslach ledengearkomste 2010: De notulen fan foarich jier wurde goedkart troch de leden.
Financieel ferslach 2010: Jan Jetze en Sikke (kaskommisje) hawwe de financiën wer goedkart. Foar takom jier sil Doede Kooistra yn de kaskommisje komme. Der wurdt in opmerking makke dat de jierren net hielendal klopje. Wol hawwe dit jier wer in positief resultaat, mar fansels moat der noch jild binnenkomme fan ANV. Dit is elts jier let. Geert Couperus hat in fraach oer it ferskil yn kosten/baten ledejild en passen. Dit ferskil wurdt feroarsaakt troch de jeugdleden. Dizze betelje minder. Stefan v/d Weg freget wannear at hy betelje moat. Hy wist net dat syn pake&beppe dit dogge. Der wurdt noch foarstelt om it ledejild te ferheegjen nei € 5,-. It foarstel wurdt oannaam.
Bestjoersferkiezing: Ús pongfûgel is herkiesber, en hy wol noch wol 4 jier de financiën regelje. Gep wurdt oannaam mei applaus.
7
Skoft mei ferlotting Der binne dit jier in soad lotten ferkocht. Dit is fansels net hiel gek mei sulke moaie prizen; fetballen, foer, einekuorren fan Pier Faber, voerhokjes, briedhokjes, boekjes, petten en piepjende fûgels op beweging. Al mei al geweldiche prizen.
Neisoarch Wat opfalt is dat der foarich jier in stik minder gie mei de ljip. Der is net hielendal in reden foar te betinken. Fjirder binne de resultaten goed te nimmen. Gerard hat al mei al in moai ferhaal oer de neisoarch, en alle oanhingjende dagen.
Briedsoarch Mebius lêst it ferslach foar fan de briedsoarch. Der binne goeie resultaten boekt.
Jeugdaktiviteiten – jeugdkrite: Martin docht foar it earst syn ferhaal, en hy jout fan te foaren al oan dat hy gauw klear wêze sil. Hy fertelt oer de aktiviteiten foar de jeugd, wat der kommen giet en wat west hat. Ek hawwe wy op in jûn west om in curcus “Junior Nazorger” te dwaan. It wie tige interessant. Wol jout Martin oan dat dit mear foar de “fanatieke” jeugd bedoeld is.
BFVW; Rayon 4 Marco docht syn presintaasje oer it nye systeem. It sjocht der hiel best út!
Skriezekrite Der komme hieltiid betere omstandigheden foar de skries en de oare greidefûgels. Wol wurdt der opmerkt dat der wat rûs op de lijn is tusken ANV en oanslúten wachten. Op 12 april binne alle boeren útnoege foar in byienkomst/útlis oer de skriezekrite.
8
Omfreegjen • Cees van Dijk merkt op dat froeger de ljip en de skries hast tagelyk oan it brieden wiene. We hawwe no meienoar berikt dat se dit net mear dogge. Derom geane de resultaten hieltiid mear werom. De conclusie hjirfan is dat we te betiid ophâlde mei aaisykjen, wertroch de ljip hjearder is as de skries. • Hans Kooistra merkt op dat der fanút de fûgelwacht ek stipe wurde kin rjochting de BFVW. Jan Rinse leit út dat we dit net doche as oanslúten wacht. Hans seit dat ek de leden hjir oan mei dwaan kinne. • Phillippus Hingst freget at der al wat fûn is op de jeugdkrite Der is noch neat fûn op ús jeugdkrite. • Paul de Bruin freget at der ek exkursjes organisearre wurde foar de wacht? We hawwe it hjir al ris oer hân, en it is wol de bedoeling om dit op te pakken. • Doede Kooistra merkt op dat we oankommende snein te joun mar ophalde moatte mei aaisykjen. It quotum ferrint ferrekte traach, en nije wike is it lânwurk ek wol klear. • Marco Hoekstra merkt op dat we mear oandacht skinke moatte oan de kast fan de earste aaien. We binne te let mei de earste aaien. • Eddie de Boer merkt op dat it jierboekje let is dit jier. Jehannes bied syn excuses oan hjirfoar, hy hie it wat ûnderskatten. • René Velzen merkt op dat der op de gearkomste te folle “foarlêzen” wurdt.
Lêzing: Dhr. Heikie Hoeksema docht syn ferhaal oer de natoer en de fûgels. Hy is in tige enthousiaste ferteller, en dit dielt hy wakker mei de seal.
Slúting: De foarsitter slút de gearkomste om 23:30 oere.
Jehannes Huitema
Skriuwer Fûgelwacht Easterein
In grut tal taskôgers by de rôffûgelshow(Foto: Keimpe Meijer)
9
Jierferslach yn fûgelflecht
Al wer in jier foarby. In wie in tige moai jier, mei ferskate hichtepunten.
Dit jier ha we wer mei dien oan de koekeaksje fan de BFVW. It wie wederom in grut sukses. We hawwe wer 2 doazen mear ferkocht as ferline jier! Wannear soene we stagnere? It is elts jier wer in gesellige boel om dit mei syn allen te dwaan, al is it faak in kâld putsje!
We mochten it fjild wer yn te aaisykjen, en dat wie wer geweldich!! Je reitsje der net oer útpraat. Machtige ferhalen fan eltsenien dy’t dit gefoel dielt mei my en fansels de oare aaisykers! Ik hoopje dat dit noch lang trochset, en dat we mei syn allen it fjild yn kinne te genietsjen. Ek hiene we dit jier foar it earst in “aaisykersdei”. In grut sukses! Op dizze dei binne we mei syn allen fuort west te sykjen. Fansels net yn ien groep, mar mei ús feste aaisykers maten. Der wiene prizen foar de measte aaien en foar it earste aai. Beide prizen binne wûn troch Marco, René en Stoffel. Nei de tiid wie der fansels tiid foar in bierke..
Marco mei syn aaike op de "Aaisykersdei"
We hiene in knappe opkomst mei de jiergearkomste. Sa’n 30 man kamen wer bijenoar yn’e skoalleseize. De gearkomste starte mei de ôfwurking fan de offisjele stikken. Dit waard eintsje beslút wol wat oan de lange kant. Yn it skoft hiene fansels wer de ferlotting. Ek dit jier wer moaie prizen, en in protte wille. Oan it ein fan de gearkomste hiene we as sprekker dhr. Heikie Hoeksma útnoege. Dit is in markant figuur ut de Harkema. Hy hâld fan de natoer en alles der omhinne, en kin hjir de hiele nacht wol oer prate… It wie tige moai.
10
Dit jier waard it earste aai fan de wacht fûn troch, jawol, Hans Kooistra. Hy hie it earste aaike ferline jier ek al! Dizze kear hie hy it aaike op de bouw fan van der Ende op Trijehúzen. Fan Herte Hans!
Der wiene noch mear earste aaien. Sa hie Stefan van der Weg it earste fan Frentsjer. Ek hie hy gelyk in twake fûn! Dat is net sa faak it gefal. Hiel moai.
It earste aai fan de basisskoalle waard fûn troch Selma de Boer. Se fûn gelyk trije yn in nêst yn de jeugdkrite fan Itens! Selts hie ik doe noch net iens ien aai fûn……. Mar dat moat ik mar gau ferjitte.
Hans syn 1e aaike fan de fûgelwacht
Nei it aaisykjen komt fansels de neisoarch. Ek dit doche we elts jier wer mei in protte wille. We hiene beste resultaten, foaral op de stikken maïs binnen ús wacht. Wat dit jier wol efkes oars wie, wie it nye registraasje systeem fan de BFVW. Dit wurke tige goed. Geandewei de neisoarch tiid waard it systeem ynfold. Dertroch koene we moai it ferloop sjen mei it oantal nêsten. Net elts kin noch omgean mei it systeem, mar it is ek net in ferplichting. Wy as wacht hawwe hjir in soad mei holpen.
11
As oanfulling op de neisoarch organisearret de BFVW elts jier de “fryske neisoarchdei” De bedoeling op dizze dei is dat elts mei syn allen in lân yn giet te neisoarchjen. Dit jier hiene wy ek de bêrn fan de basisskoalle útnoege. Dit wie in grut succes. We hawwe lytse groepkes makke mei begeleiders en bêrn, wernei we it lân yn gien binne. De bêrn wiene tige enthousiast, en fûnen alles moai. Folgjend jier mar wer mei dizze opset. Nei de tiid haw’we noch tige gesellig neisitten by Gerard thús. We binne moai oan it fikkie stoken west, en fansels kamen de sterke ferhalen wer boppe.
Der waard ek wer in jeugddei organisearre dit jier. It wie dizze kear yn de Fûgelhelling te Ureterp. Dit wie in tige geskikte lokaasje, wert dit jier sa’n 300 bêrn op ôf kamen. In tige beste opkomst! Al mei al in moaie dei, mei in hiel soad aktiviteiten foar de bern. Ek wie it wol ris nijskjirrig om ris yn de fûgelhelling te sjen.
In grut hichtepunt foar de fûgelwacht wie it jubileum fan de Skoalleseize. As fûgelwacht woene wy hjir grut útpakke. Dit hawwe wy dien troch in fiskwedstriid foar de bêrn en in rôffûgelshow foar jong en âld te organisearjen. Op de fiskwedstriid, hokker holden waard op de skippersbuorren, wiene in soad bêrn kommen. Der waard aardich fisk fongen. Nei de tiid wie der patat en drinken yn de skoalleseize foar de bêrn, wernei de priisútrikking holden waard.
De jûns wie it tiid foar de rôffûgelshow. Dizze waard holden op it A-fjild fan SDS. It wie wol wat spannend wat it waar die, en ja hjer, der kaam rein. Sa no en dan kaam it mei bakken út de loft! Ûndanks it waar, wie it dochs noch in grut sukses. Prachtige fûgels, en in geweldige show!
Winterwille wie dit jier in minder grut sukses. As fûgelwacht hiene we in stand bij Jan Rinse foar de doar. As aktiviteit hiene we in spultsje hiert. Dit waard goed ûntfongen troch it publyk. It spultsje wie “Hoger of lager”, en waard mei kaarten spile mei in sifer der op. Eindsje beslút hat winterwille besletten om de boel hjearder te op te pakken fanwege it waar. Dit wie in goed beslút, want it slokje koe ús ek net mear waarm halde. Jammer fan it waar, mar de orginisaasje wie wer super regele!
Jehannes Huitema Skriuwfûgel
12
Ferslach neisoarch 2012
Op’t stuit fan skriuwen is it 21 augustus 2012. Justerjûn haw ik tegearre mei Hans Kooistra de lêste gegevens ynfolle op aaisykjen.nl. Om it mar sa te sissen, alle gegevens op de site sette wat der noch ûntbruts. En dit wie dochs noch in kluske fan sa’n 4 oeren adminstratyf wurk. Nesten ynstipje, alarmtellingen ferwurkje en it oersjoch noch 1 kear oereachje en dernei opslaan yn it archief. No komt de periode om foarút te sjen nei it folchende seizoen. 2013!! In jier mei in protte aktiviteit en fansels de fraach…:MEIE WY DE FIELDEN WER YN!!!??? Ik tink it en ik hoop it. Wy as wacht, as natoerfannaten, stean as in blok achter de positive hâlding en ynset fan de BFVW!!
Broed Tsjirk (foto; Gerard van Asselt)
As ik werom sjoch op 2012,kin ik foar mysels sizze, dat ik werom sjen kin op in macht jier betreft it aaisykjen. Al mooi betiit it earste aaike yn’e pet, in protte lol hân, machtig moai waar en haw folop genoaten fan de natoer. Foaral de slotdei wie in déjà vu op it jier derfoar. In 8- tal jintsjes giene op ien nei allegear op de namme fan mij en dit wie ek wol fair. It jier derfoar,7 jintsjes en in broed,op deselde lokaasje gyngen hast allegear op namme fan JH.
Dan de neisoarch. Twa wiken nei sluten yfm it kwotum,wie it oer alle rayons ferrekte meager. Dit lei him foaral oan de droechte. Mar dan dochs, in wike letter, kaam it dochs flink op gong, mar dit wie eins mar op de helte fan alle rayons. De fûgels sykje blykber beskerming by inoar en ek it type lan/voedselrijk gebied spilet hjir in rol yn. Ek opmerklikke ferskowingen wiene der oan de hân. Sa lei der gjin dop mear yn it swanestik by Trijehuzen. En sa ynienen in recordoantal op it Skrok bij W. Engelsma. Elts hat syn stjonkende best dien om dit allegear te beskermjen. Stokken der by, boeren ynformearje, evt útstelt meane oanfreechje.
13
It gie allegear geweldich. Alles fansels wol te tanken oan ús frijwillichers en oan de gearwurking mei de mozaïekregisseur fan de Skriezekrite, Sjoerd Stenekes.
En wat dan te tinken fan de jeugd!! We ha se oanjeit en hoe!! Mei Martin der by as jeugd- expert binnen it bestjoer ha wy fantastyskte risseltaten boekt, hjir sil ik net te djip op yngean, want dat mei Martin moai dwaan;) Wat trouens de fryske neisoarchdei oanbelanget, dit like hast wol in jeugddei, super!!
Sûnt in jier is dan no ik echt aaisykjen.nl yn de loft. In grut project fanút de BFVW om alles te digitaliseren. Dus gjin fjiltboekjes mear, etc. Wol as backupmateriaal, mar alles giet fia de site. Nesten oanstipje, alarmtellingen ynfolje, aaien oanmelde, nim it mar op, alles omtrent it aaisykjen fyne jo no op de site. As we dan ek hielendal klear binne mei de neisoarchgegevens dan sjocht dat der sa ut:
2002 2003 2004 2005 2006 2007 2008 2009 2010 2011 2012
Ljip 24 134 116 Mkz 103 138 140 106 130 89 102
Skries 52 73 57 Mkz 68 29 42 40 46 43 51
Strânljip 59 62 51 Mkz 67 30 49 53 73 74 69
Tsjirk 13 23 28 mkz 20 9 21 14 15 18 13
Gegevens van de lêste jierren
Neisoarchgegevens fan 2012 fan de fûgelwacht Easterein
14
Stippekaart 2012 fan de fûgelwacht Easterein
No, dat bin nochal ris in pear stippen!! Klopt, derom is it foar eltse rayonkoördinator yn gearwurking mei syn neisoarchers ek sa wichtich om nei eltse ronde neisoarchjen gelyk it spul yn te foljen. Sa binne alle gegevens altyd up-to-date en hawwe we oan it ein fan it seizoen gjin ferrassings. Foaral BFVW, boer-en-natuur moatte dizze gegevens goed oanlevere krije, yfm tal fan ûndersykjen.
Ik wol graach oan alle aaisykers, neisoarchers,frywillichers en leden noch efkes in pear dingen kwyt.
- bin der fragen, problemen, wol jo it lân yn mei mij, bin der dingen die noch fout gean, kommunisear dan gelyk nei my ta. Ik/wy as fûgelwacht meitsje grif wolris in foutsje. Wy wol dit dan graach witte, dan kin we it probleem oppakke. Goede kommunikaasje is in garânsje foar sukses en dúdlikheid.
- Super bedankt foar elts syn/har ynset, ik sjoch jimme grif wer yn’e fjilden!!!
15
Fryske neisoarchdei Sa as elts jier, organisearre de BFVW de fryske neisoarchdei. Elts jier wurdt in doarp oanwiisd, om dit foar de parse en mei in perfecte opset út te fieren. Yn 2011 mochten wy dit dwaan. As ik werom blik, tink ik dat wy in pracht foarbield wiene foar oare wachten.
Yn 2012 koene wy dit no sels wer opsette. Nei in oantal kear mailen, hiene we mar leafst 5 man op papier die harren foar dizze dei opjûn hiene. No, ik moat sizze, ik tocht dit wurdt in fiasco. Omdat ik op sneon wurkje moat, haw ik krekt as yn 2010 de foarkar jûn om dit te dwaan op de neimiddei en jûn. Sa sein, sa dien. Om 18.00 oere sammelje by de kroech. Krekt werom út it wurk, in mac Donaldsje yn’e mik, belje ik Jehannes dat ik rjochting de kroech bin om de minsken op te vangen. Akkoord, seit myn compagnon. Ik set foart, riid op de T-splitsing fan sibadawei en sjoch tot myn stomme verbazing rjochting de kroech en sa wurdt ik belle troch Martin: Der mat auto’s komme!!! Gelyk Jehannes belje, ek hy nimt in auto mei. Der geane ek noch in bosk stokken mei.
Sa sette we rjochting de kroech en hjir steane ûngefear, 12 folwoeksen mannen 25 jongeren!!! Hatsjee, yn’e pocket!! We geane in macht jûn temjitte!! Elts de auto’s yn, 1 as 2 folwoeksen mei in keppeltsje jeugd, prachtich! Elts hat in rayon besocht. It wie noch net dik, mar dochs waarden der knap nêsten fûn. Sa hie ûnder oare Teake Posthuma in skitterend loopke hân yn myn rayon op de “âld dyk” wer’t ik ek noch fan skrok, want ik hie net tocht dat der sa folle fûgels sieten. Ik moat sizze, mei dizze opkomst, mar foaral safolle jeugd, is it dochs in genot om hjir nei te sjen, en ek om op werom te sjen. Mannen, froulju, jongens en famkes, allegear in “touch” belibje yn’e natoer, no it is slagge. Der wiene net in mâl oantal aaien fûn. Mar foaral de jeugd yn it lân te sjen wie al super slagge. As toetje, koene de bern allegearre noch in rûnlieding krije bij boer Flapper op de maïs. Hjir hiene we al it ien en oar fun. En foaral de tsjirk yn de plukken gêrs, wie in hiele belibbenis.
De slúting wie prachtig. Dit wie by my yn’e tún, dit koe moai by myn nye hús. In fjoerkoerke oan, in borrel, in friske foar de bern, en in soad swets- en fieldferhalen.
Ik tank elts foar in memorabele dei, ik ha folop genoaten. Wy as fûgelwacht en jimme ek, folgjend jier, geane we wer los yn it kwadraat, op de “Fryske neisoargdei”!!
Gerard van Asselt Neisoarchfûgel
Beide foto’s makke troch: Hans Kooistra
16
Briedsoarch 2012
Krekt sa as oare jierren ha we ek dit jier wer drok dwaande west mei de opserfaasje en tellingen fan de fûgels yn en rûnom Easterein hinne.
Begjin jannewaris 2012 híe Douwe Durk Reitsma in iisfûgel bij him yn de eftertûn. Douwe Durk tocht ik helje gau myn foto toestel en kin ik dit efkes festlizze. Mar it mislearre, it iisfûgeltsje wie al wer foart flein.
Ek bij Menno Landstra siet in iisfûgel op in moai plakje bij in holle beam. Mar troch dat it waar omsloech en it streng begong te friezen, lei it moaie fûgeltsje moarns dea op de picknick bank, sonde.
Deade Iisfûgel (Foto: Menno Landstra).
Begjin febrewaris binne we begongen om alle briedhokjes wer skjin te meitsjen as te repareren. As it waar omslacht sykje se al gau wer in hokje om te nesteljen en moat dit foar 1 maart seker klear wêze. Bij Landstra ha we 2 hokjes hielendal fernyd omdat de bonte specht hjir wer knap oan’e gong west hie.
17
De hûsswel makket it leafst har eigen makke néske ûnder in goate. Jammer genoch binne der steeds mear hûzen mei kunststof goaten. It néske hecht op den duur net mear sa goed en falt dan nei ûnderen. As hjir dan al jongen yn sitte, oerljibje se san fal faaks net, sonde. De boereswel docht it goed, by ûs binne 5 briedgefallen bekend en alle 5 suksesfol.
Totaal broedgevallen Waarvan succesvol
Koolmees[Blokmies] 7 6
Pimpelmees[Blaumies 5 4
Mus[Mosk] 17 15
Spreeuw[Protter] 3 3
Houtdo 2 2
Boomklever[Blauspjocht] 1 1
Wylde ein 3 3
Groenling[Grienfink] 2 2
Bûnte lyster 6 5
Winterkoning [Tomke] 1 1
Iisfûgel 1 0
Huiszwaluw[Wytgatswel] 6 6
Boerenzwaluw[Boereswel] 5 5
Briedsoarchgegevens fan 2012 fan de fûgelwacht Easterein
Mebius de Boer
Briedsoarch
18
Financiën
Inkomsten Uitgaven
Omschrijving Totaal Omschrijving Totaal A.N.V.jild oer 2010 € 449,57 Afdracht koekaktie B.F.V.W. € 257,40 Opbrengst Koekaktie € 557,20 Jaarverslag € 255,85 Opbrengst verloting € 214,35 Prijzen verloting € 152,49 Opbrengst ledengeld € 851,00 Vergaderkosten € 349,75 Opbrengst nazorgpassen € 232,50 Overige kosten € 161,00 Sponsoring Jaarverslag € 100,00 Nazorgpassen € 255,00 A.N.V.jild oer 2011 en 2012 € 0,00 Afdracht ledengeld € 528,50 Alarmtelling Skriezekriten € 0,00 Bouwmaterialen € 205,93 Vergoeding jubileum Skoalleseize € 724,90 Kosten jubileum Skoalleseize € 968,10 Opbrengst Roofvogelshow € 230,14 Opbrengst winterwille € 63,00
______Totaal inkomsten € 3.422,66 Totaal uitgaven € 3.134,02
Begin saldo 2012 € 3.110,18 Eind saldo 2012 € 3.398,82
Totaal € 6.532,84 Totaal € 6.532,84
Yn dit oersjoch is it A.N.V jild fan 2011 en 2012 net ferwurke, wy hawwe dit noch steeds net bard. Ek it jild fan de alarmtelling fan 2012 is noch net binnen. It boekjier slúte wy selts sûnder dizze sinten mei in positiefsaldo ôf, en dat yn de tiid fan recessie. En dat yn de tiid fan recessie.
Gep Bakker Pongfûgel
Dielnimmers fiskwedstryd (Foto: Keimpe Meijer)
19
Jeugd 2012
Elts jier wurdt der foar de jeugd, oant en mei 12 jier, troch middel fan buorden in stik lân ôfsetten as Jeugdkrite. It doel hjir fan is dat de bêrn fan de legere skoalle in stikje lân foar harren selts ha om nochris in aaike te finen foar dat it quotum fol is, dat falt net mei de lêtste jierren. En at je neat fine, is de lol der gau ôf. Om dit foar te kommen binne der dus Jeugdkrites betocht. By ús wie dat in stik boulân fan Douwe Yntema. It is my net bekent at hjir wat fûn is troch de jeugd, mar gelokkich binne der mear Jeugdkrites yn omkriten fan Easterein en dêr binne al aaien fûn. Selts de earste fan de basis-skoalle. Selma de Boer en Julia Paauw ha yn de Jeugdkrite fan Itens in 3’ke foun en krigen sa de wikselbeker fan de basis-skoalle mei nei hûs. Prachtich dat bêrn aaikes fine, want sa hâlde sy der wille yn!
We ha ferlet fan bêrn diet ûnderfyning ha mei de natoer en meinammen fansels de greide fûgels, seker om de stream fan takomstige neisoarchers gangber te hâlden. Om de bêrn nei de kriten te kryen, organisearret de fûgelwacht sa no en dan leuke aktiviteiten foar harren. Sa ha we de bern ek útnoege om mei de neisoarchers it lân yn de te gean op de fryske neisoarchdei. Gelokkich die blyken dat de bern dochs wol nijskjirrich binne yn de natoer. Wol sa’n 25 bern kamen der op ôf! Dizze binne ferdielt ûnder in stik mannich neisoarchers en op paad gien nei ferskate stikken lân om hjir aaien te sykjen, stokjes sette, pykjes telle en genietsje fan de natoer. Se fûnen it allegearre prachtich en wy ek!!
Ek binne we dit jier wer nei de jeugdfûgelwachtdei west. Dizze kear gong de reis nei de Fûgelhelling yn Ureterp. Hjir wurd fjirderop yn it boekje ferslag fan dien.
De jeugd die helpt mei it neisoarchjen! (Foto: Gerard van Asselt)
20
Mei it jubileum fan de Skoalleseize ha wy as fûgelwacht in fisk wedstriid foar de bêrn holden en in rôffûgel show foar eltsenien. De waargoden seachen der net sa best út foar it fiskjen op de moaie Skippersbuorren. Dochs is it foar alle 40 jonges en famkes goed útpakt mei it waar en de fisken!
De grutte opkomst fan bern en âlden tiidens by de fiskwedstriid (Foto: Klaas Kamstra)
Der waard striiden om 3 prachtige priizen dy’t mei beskiber steld binne troch de Skoalleseize en bistenspesjaalsaak AP van der Veer út Boalsert. Der waard om raak fiske foar de grutste fisk, de measte fisk en de lytste fisk, it wie in drokte fan jewelste en in skitterjend gesicht hoe elts it der mar drok mei hie, wat se selts yn de amer hiene mar al helemaal wat de buorman as buorfrou yn de amer hie! Tusken troch wat limonade en in snoepke, wat wolle je noch mear! De priizen giene nei ; Bauke Reijnhoudt foar de measte fisk, hy fiske wol 8 fisken út de Skippersbuorren en gie mei in grutte angel en in skepnet nei hûs. In angel mei in plugje wie foar Rutger Sybesma en Folkert-Jan Vellinga want sy hiene beide de grutste fisk fan mar leafst 17 sentimeter! Sydrik Kooistra hie de lytste fisk fan wol 6 sentimeter mar dermei wûn hy wol in moaie angel mei dobber. Al mei al wer in gewéldiche ûndernimming!!
It doel fan al dizze aktiviteiten is om de bêrn fansels in leuke dei te bringjen, mar noch mear om harren interesse foar de natoer en syn fûgels te winnen en dermei ek in nije tastroom fan neisoarchers om mei harren de fergriizing tsjin te gean, koart sein; De jeugd hat de takomst!
Martin Overal Jeugdfûgel
21
Jeugddei Fûgelhelling
We binne mei in grut oantal bêrn nei de fûgelhelling west. Yn totaal wiene der wol 300 bêrn kommen! De bêrn waarden ferdielt yn groepkes, en dernei wie der in route útsetten mei in protte opdrachten. Der waard in ferhaal ferteld troch de bosk-kening. Dit gie oer de bosk wezens; de “hununen”. At jo goed lusterje yn it bosk kinne jo se hearre! De bêrn lusterden
oandachtig!
De bêrn lústerje oandachtig nei de Bosk-Kening
Ek mochten de bern oan de slach mei braakballen. Dizze waarden hielendal út elkoar pluze, wernei se de ferskate ûnderdielen herkenne koene. Sa koene de bêrn moai sjen wat de ûlen iten hiene.
De bêrn diene ek mei oan de egelrace. Se krigen in pakje oan mei stikels der op, en sa moasten se krûpende wei elkoar ferslaan. Ek hawwe se noch moaie fûgelhokjes makke. Dizze koene se selts hielendal fersiere. We binne benijd at der wat yn briede wol!
Der wiene fierder noch ferskate rûnliedingen en opdrachten sa as fûgelflappe/ringje, rupsen sykje ensf.
De egelrace
Jehannes Huitema
22
Fryske neisoarchdei
Sneon 12 maaie wie de fryske neisoarch dei. Neidat elts syn eigen ding sneon dien hie, kamen we om 17.30 by it kafé. De bern op skoalle hiene in bryfke mei krygen en dat wie te sjen, wat in opkomst!!
Wol hast 20 jonges en famkes fan groep 1 oant en mei groep 8 wiene klear om mei in stik mannich neisoarchers it lân yn te gean. Prachtig waar en moaie resultaten, aaien fûn, pykjes sjoen en foaral genietsje fan de natoer!
Wy as fûgelwacht fyne it machtig dat der safolle bern by wiene. Dit is it doel ek fan sokke aktiviteiten om in protte bern positief te belûken by de fûgels en harren natoer.
Elisabeth Breeuwsma
In tige slagge neisoarchdei
23
De wereld verandert, de passie nooit.
Samen turen ze, al lopende op de oude zeedijk, over de polder tussen Easterein en Wommels. De schelpjes knisperen een beetje onder hun voeten en het kleine mannetje schopt zo nu en dan een dikke zwarte steen richting de sloot. Boven de weilanden pakken dikke donkere wolken zich samen. ‘’It drieget nei heilstiennen” zegt de oude man. Grote rimpels kenmerken zijn voorhoofd en onder een bruine pet gaat een verwarde grijze bos haren schuil. Zijn gok staat rood op het gelaat en zo nu en dan veegt hij met een zakdoek een drup weg. Het kleine baasje heeft geen omzien naar de lucht, hij heeft geen weet van het natuurgeweld die dit verraad. Hij vertrouwt volledig op de aanwezigheid van de oude man. De wind begint langzaam aan te zetten. Graspluimen laten zich gewillig door de wind beroeren. Deinen gestaagd heen en weer, tot de wind zo krachtig loeit dat zij zich plat tegen het land houden. De oude man legt zijn hand op de pet. De jongen versnelt zijn pas en zoekt luwte achter de brede wax coat van zijn pake. De hevige bries slaat tranen in zijn oogjes. ‘’Is it noch fier?” schreeuwt hij tegen de wind op. De oude man geeft hem een rustgevende blik. “We gean hjir efkes yn de daam te skûlje”. Beiden vermoeid aangedaan door het weer, laten zich achter het houten hek in de graszoden zakken.
Een flinke voorjaarsbui trekt langs hen heen, aan de horizon zien zij het verschijnsel als lange verticale vale strepen en zo nu en dan voelen ze spatten op het gezicht. ‘’Moatst ris sjen, it waait sa rjochting Skrok’’ buldert de oude heer. De jongen is zichtbaar onder de indruk van deze plotselinge weersverandering. Zijn ogen beginnen te schitteren en de vermoeidheid en koude is uit het lichaam verdwenen. Nog geen dertig minuten terug liepen zij op het Skrok. “We ha gelok han he pake!’’ roept het baasje. De oude man glimlacht. Wat is geluk, denkt hij. In zijn jonge jaren had hij al vaak voor zulke buien moeten schuilen. Zwervende door het uitgestrekte weidelandschap leerde hij het weer herkennen. Regen, hagel, onweer, in het voorjaar gaf je er niets om, maar vrijwillig een nat pak halen deed niemand. Nou.., niemand? Eens was hij met grote Karel in een kleine schuit naar de Wide Geau onder Akkrum afgezet. Grote Karel had zijn bouw tegen, zoals ze dat zo mooi zeggen. Daarnaast vond Karel dat hij de scherpste blik van heel Friesland had. Karel kon, zo pochte hij, vanuit Easterein telefonisch aan de Pearle opticien in Sneek doorgeven welke letters er op de bovenste rij van het oogtestbord stonden! Het was dan ook vanzelfsprekend dat hij degene was die altijd in de punt van de boot mocht zitten te ‘’spotten’’, met als gevolg dat de boot puntzwaar was en de golven hem ritmisch in het gezicht klapten. Tegen de tijd dat het bootje op de Geau aankwam, was Karel zo doorweekt dat hij de moesson kon aanvullen.
“Die swart witte fûgels binne hartstikke gek no pake?, die fleane drok rûntsjes yn’e loft’’. Op het Skrok hadden ze bij de kleine plas gekeken. Daar waren een aantal Ald hijen druk bezig met vluchtdansen. Door het prachtige koewieet koewieet gezang en klappende wieken, hadden zij de jongen verwonderd. “Die hjeare echt op it Skrok thus no pake? Die sjoche jo earne net”. De oude man werd in zijn hart geraakt door deze treurige constatering. Het feit dat zijn kleinzoon ervaart dat kieviten alleen in een natuurgebied thuishoren, was voor hem pijnlijk. Wat had hij een mooie jeugd gehad. Elk voorjaar beleefde hij grote avonturen tijdens het kievitseieren zoeken. In de ‘’goede tijd’’ ging hij vaak nog voor de schemer samen met zijn eizoekmaat roze Rinus op stap. Roze Rinus was niet van de “andere kant”, deze bijnaam had hij op zijn negentiende verjaardag verdiend. Rinus had tegen het einde van zijn achttiende levensjaar het B-rijbewijs behaald. Wat betekende dat de brommer ingeruild kon worden voor een auto. Best raar eigenlijk dat een A-rijbewijs voor een brommer geldt en een
24
B-rijbewijs voor een auto. Rinus mocht van zijn ouders voor zijn verjaardag een auto van marktplaats kopen en koos voor een mooie rode Opel Adam uit het jaar 2012. Toen deze op de heugelijke dag werd voorgereden bleek het geval volledig verweerd. Maar Rinus vond hem prachtig en stond vanaf toen bekend als roze Rinus.
Slim waren zij beiden ook. In hun tijd nam het aantal kieviten al sterk af. Veelal was eierenzoeken verworden tot weiland zoeken, sterker nog, tot stoppelland zoeken. Dit betekende dat bij de goede stukken soms zoveel auto’s stonden, dat de naastgelegen polderweg in de filetoptien van het ontbijtnieuws werd genoemd. Rinus wist altijd wel een andere mogelijkheid. Hij had overal een sluiproute, stond dan voor een vaart terwijl de concurrentie nabij de dam stond. Stapte uit de auto en haalde uit de kleine kofferbak een uitschuifbare ladder. Deze werd vervolgens volledig uitgestrekt over de vaart gekieperd, waarna zij tijgerend het land betraden. De concurrentie verbaasd achter zich latende. Zo kwam het een keer voor dat een mooie Ald hij met de staart zowat in de grond op de kopeker van een stukje oude weide nabij Easterlittens duidelijk de wacht hield. Rinus met zijn kop bij de vogels en nooit bij de weg, reed al slingerend richting Winsum. Hij was destijds rentmeester en moest een perceeltje land taxeren aan de Koaidyk aldaar. In die tijd was het nog gebruikelijk dat hij in het voorjaar kievitseieren bij de landheren bracht en hij zag een mooie kans op deze vogel. Het ljipke zat duidelijk tegen de greppel van de derde eker op het nest. Even de sloot over en de eitjes ophalen, dacht Rinus. Maar er waren meer kapers op de kust. Drie mannen kwamen met een zevenmijlspas uit een ander stuk aangerend en hadden waarschijnlijk een kans opgemerkt. Rinus bedacht zich geen moment en smeet de trap over de sloot. In zijn nette pak kroop hij de ijzeren treden op. Beide vogels vlogen prachtig weg. ‘’U zoekt op onze kans meneer” riepen de mannen al proestende van een afstand. Rinus trok zich er niets van aan en liep de derde eker op. Al snel vond hij een leeg nest, hij knielde voorzichtig en deed net of hij een ei opraapte en in zijn zak stopte. ‘’Net te laat heren, één in een nest’’ zei hij naar de grond wijzend en lachend liep hij richting de ladder. De drie mannen boos en beduusd verlieten het weiland richting hun auto. Na zijn afspraak vond Rinus die dag nog een prachtig nestje met drie eieren op de derde eker.
25
Plots komt er een ljipke in strakke vlucht terug en gaat midden op het uitgestrekte land in de bocht van de zeedijk zitten. De oude man is gelijk weer uit zijn gedachten wakker geschud. Het is al een poos geleden dat hij daar een kievit gadegeslagen heeft en op deze zestiende maart van het jaar 2060 is het al helemaal onwaarschijnlijk. Maar waarom vloog dat beestje daar zo haastig heen, in de regen van hagelstenen. Het zou toch niet dat daar.. Nee dat kon toch zeker niet. “Sjerk moast der ris sjin, seachst do die leep ek fleanen?” Sinds Easterein richting Wommels was uitgebreid en ook achter het oude loonbedrijf van de familie Okens huizen waren gebouwd, hadden de vogels hier eigenlijk geen geschikt biotoop meer. In de voormalige boomgaard zijn bomen terug geplant en kraaien hadden vanaf daar vrij spel. Bovendien had Easterein nog maar één grote boer met meerdere werknemers en alle landerijen waren volledig economisch ingericht. Alleen de oude dijk gaf nog de nostalgie uit zijn jongensjaren weer. Ook al waren de verhalen over de decennia voor zijn jongens jaren nog veel beter, hij had dat anders beleefd. Net als toen de Gulden de Euro werd, met de Gulden was alles goedkoper. Maar hij had alleen in Euro’s verdiend, verhalen maakten geen verschil, tijden veranderen.
De jongen spat overeind! ‘’Ja pake ik seach it ek” roept hij enthousiast. ‘’Soe die ek alhiel fan it Skrok komme?’’ Zijn armen zwaaien wild heen en weer. In de lucht wijst hij de route van het natuurgebied richting de voorliggende hoogproductieve graslanden aan. “We wachtsje it efkes ôf jonge, mooglik hat se hjir har stekje wol’’. De jongen begint te stralen. Op het Skrok had pake wel verteld van de weidevogels. Van de mooie nestjes die ze maken, op foto’s had hij die wel eens gezien. ‘’Fyne we hjir in aai?’’ Zijn bevlogenheid doet de oude man goed. Hij zal de knul laten zien hoe ze vroeger eieren vonden. Dit is het moment om de passie over te dragen, de eenheid met de natuur. De herinneringen aan vroeger. De pet wordt strak over de grijze kop getrokken en de adrenaline begint te stromen, geluk begint te stromen.
“Kom mar bij pake oan de hân we sil ris sjen oft it ljipke moai fuort fljocht.’’ Plots wipt een Ald hij de dijk over. Pake wijst zijn kleinzoon op de mooie vlucht. ‘’No moat we de holle der by halde, it ljipke is warskôge en kin elts momint ferskyne.’’ Sjerk voelt zich trots dat hij met pake op jacht is naar het verborgen nest. Het gras is al vrij lang waardoor het moeilijk is om een rennende kievit op het oog te krijgen. “Dêre pake! Dêr flocht de ljip.’’ Even verscheen het beestje boven het land, vloog een kleine 5 meter tegen de wind op en streek weer in het gras neer. Pake weet genoeg en zet met zijn oude botten de pas er goed in. ‘’Hjir goed om us hinne sjen, hjir moat it lizze’’. Beiden lopen nu met het blikveld naar de grond en komen op een kleine molshoop aangelopen. “Ja! op dy bult pake, der!” In de molshoop ligt een groen vaal bruin gespikkeld eitje tussen een paar houtige strootjes. Sjirk vindt zijn eerste kievitsei en daarmee zijn passie voor de natuur. Pake is trots en knijpt de jongen licht in zijn nekvel. ‘’Dit hast goed dien jonge!’’ lacht de oude man. Sjerk danst naast het nest en pake steekt een klein sigaartje op. ‘’Dit aaike sil ik moarn foar dy siede, dit is dyn beleanning, komst ut skoalle wei mar bij us iten.’’ Pake neemt zijn pet af en legt het eitje er voorzichtig in. Hij zet het hoofdeksel bij de jongen op de kop. ‘’Goed op passe.’’ Sjerk lacht breeduit en wandelt fier richting het dorp. Pake kijkt nog eenmaal achterom naar de kieviten en dan terug naar zijn kleinzoon. “De wereld verandert, maar onze passie nooit” fluistert hij niet verstaanbaar.
Doede Kooistra
26
Jubileum Skoalleseize (25-08-2012)
De fûgelwacht Easterein woe graach in stientsje bydrage oan it jubileum fan “de Skoalleseize”. Der waard al ridlik gau besletten dat we yn de middei in fiskwedstryd foar de bern organisearje woene en yn de jûn in rôffûgelshow. Dit alles soe barre op 25 augustus.
It is goed 15.00 oere en CARAMBA der komt in alderferskuorrende dikke reinbui oer Easterein hinne. En dan te witten dat de fiskwedstryd foar de bern om 15.30 úteinsette soe. Om healwei fjouweren kommer der 35 (!) bern oansetten mei harren angels en stuollen. Net allinnich hawwe we 35 bern te fiskjen by de Skippersbuorren, mar ek 30 âlders en in hiel protte taskôgers. In grutte opkomst en der wiene we as wacht tige bliid mei. Hawar, de angels koene út en de maitsen der oan. De earste fisken waarden dalik binnen helle. En ek de earste angels koene bygelyks út de tiis helle wurden. Oan de ein fan de middei wiene der goed 50 fisken fongen troch de bern (én/of de âlders).
Foar de fiskwedstryd wiene der moaie prizen oanskaft; 3 werpangels en in skepnet. Der wiene prizen foar de measte, de grutste en de lytse fisk. De útslach wie: Measte fisk: Bauke Reinhoudt Grutste fisk: Rutger Stegenga en Folkert Jan Vellinga Lytste fisk: Sydrik Kooistra
De priisutrikking wie in de kantine fan de Skoalleseize. Hjir krigen de bern noch in moaie herinneringsmedalje fan it jubileum fan de Skoalleseize en in bakje patat mei wat te drinken. De middei waard ôfsletten mei in groepsfoto.
Om 19.00 oere wie it tiid foar de rôffûgelshow. It waar wie fanôf 18.30 oere ellendich. Mar lokkich seinen de minsken fan de show: waar of gjin waar, we geane troch. Wol fregen se om de show te hâlden op it haadfjild fan de Skoalleseize, om’t guon rôffûgels net wend binne oan de wynmoles.
Om 19.00 oere reinde it (neffens ien fan de minsken fan de wacht) hûnehokken, mar de opkomst wie doe al nei tefredenens. Der binne al mei al goed 300 minsken op de rôffûgelshow ôfkommen. En eltsenien hat hearre kinnen dat de man dy’t alles oan elkoar prate, der in moai barren fan makke. Foar de bern wie it in geweldige erfaring om sa ticht by in fleanende rôffûgel te stean. De rôffûgel dy’t sels troch in rige fan bern fleach, geweldich!
De show wie geweldich en eltsenien wie ek tefreden. Wol wie it jammer dat troch it waar en dan foaral troch de rein, we net alles sjen kinnen hawwe. De wjukken fan de rôffûgels wiene te swier troch it reinwetter wêr troch se net alle keunstkes yn de loft sjen litte koene.
As organisatoaren fan de fiskwedstryd en de rôfûgelshow binne we sear tefreden oer de hiele dei. As fûgelwacht Easterein wolle we graach de minsken betanke dy’t us frijwillich stipe hawwe oan de ein fan de show. De opbringst wie geweldich! Ek wolle we de jubileumkommisje tank sizze foar de goede gearwurking en de ferskillende foarmen fan stipe.
Fûgelwacht Easterein
27
Vogels dankbaar voor peuken
MEXICO CITY - Wie dacht dat uitgedrukte sigaretten op straat slecht zijn voor het milieu, heeft het ten dele mis. Vogels zijn dankbaar voor de rondslingerende peuken. Ze maken er een warm nest mee, dat bovendien bacteriën buiten de deur houdt.
Werden eerst planten naar het nest gesleept die pesticiden tegen moesten gaan, nu maken vogels gebruik van sigarettenpeuken, zeggen weten-schappers uit Mexico - die talloze nesten onder de loep namen. Wat blijkt? De tabak in de peuken werkt erg goed tegen bacteriën. De ontwikkeling is vooral zichtbaar bij vogels in drukke steden. Die moeten het doen met alles dat voorhanden is. In sommige nesten werden vijftig peuken aangetroffen. De sigaretten helpen ook om het nest te isoleren en de jonge vogels warm te houden.
Briede yn it bûtenlân No dat we it dan dochs oer it bûtenlân hawwe, wa wit fan welke fûgel dizze pyken binne? Tiidens de jiergearkomste sille we der in antwurd op jaan.
28
Foto’s van 2012 én de fûgelwacht
Broedsje Ljip Foto: Klaas Kamstra Drok yn petear Foto: Klaas Kamstra
HK syn snoek by it Pole-utstapke Foto: Jehannes Huitema De Hiemstra’s by in broed ljip Foto: Jehannes Huitema
Boumantsjewipsturt by Hilhorst Foto: Jan Rinse Blanksma Nest fol ljippepyken Foto: Klaas Kamstra
De bern waren belutsen by de rôffûgelshow Foto: Paul de Bruin
29
Taskôgers rôffûgelshow Foto: Klaas Kamstra Aquazoo Foto: Klaas Kamstra
Putter Foto: Klaas Kamstra Earste aaike 2012 Foto: Hans Kooistra
Jonge hazzen by Engelsma Foto: J.R. Blanksma Broedje ljip Foto: Gerard van Asselt
Foto: Jan Rinse Blanksma
30
Stipers
31
32