Sakshandsamar, tlf Vår dato Vår referanse Tom Dybwad – 57 65 51 50 14.09.2007 2006/2291 - 432.1 E-post: [email protected] Dykkar dato Dykkar referanse

Til adressatar i følgje liste

Verneplan for Breheimen - Mørkridsdalen - Referat frå synfaring i Vigdalen 07.08.2007

Vi takkar for lærerik synfaring i Vigdalen 07.08.2007. Under følgjer eit referat frå synfaringa.

Synfaring Vigdalen 07.08.2007

Tilstades: Erling Bjørn Vigdal grunneigar og medlem referansegruppa, til stades på møte i forkant Willy Vigdal, grunneigar, tilstades på synfaring Ole Herman Meløy, møtte for grunneigar Astri Fossøy, tilstades på synfaring Hans H. Urdahl, grunneigar, tilstades på møte og synfaring Tøger S. Aasen, grunneigar og medlem referansegruppa, tilstades på møte og synfaring Torodd Urnes, ordførar Luster kommune Geirmund Dvergsdal, Fylkesmannen, landbruksavdelinga Tom Dybwad, Fylkesmannen, miljøvernavdelinga

Møte: Vi tok eit møte i forkant kl. 8.00 – 8.35 sidan Erling Bjørn Vigdal måtte melde avbod til synfaringa pga problem med ryggen. Her gjekk vi gjennom: - toalett v/ enden av kommune veg, særleg for vinter - informasjonstavle P-plass vinter og P-plass sommar (ca. 3 km lenger inn, bomveg) - hyttebygging. TD: Hyttefelt utafor vert ikkje påverka (m.a. Vårstølen), medan innafor evt. Verneområde vil grunneigar med selrett, som ikkje har sel, få opning i verneforskrifta for å kunne setje opp eit sel på stølar der det er sel. Restaurering av sel aktuelt å gi tilskot - Dyrking. TD: lite aktuelt å tillate i verneområde - steingjerde. TD: Bør takast vare på, aktuelt å gi tilskot - Bruer. TD: naudsynte bruer vil kunne få løyve - grenser. TD: Kvartærgeologiske verneverdiar gjer det aktuelt å trekkje grensa lenger ned i Vigdalen, jf morener ved Storehaug (869moh). Veg er stukke vidare framover frå dagens sommarP-plass til inn mot Grøyftahaugane (jf. øk. kart). TD: Ikkje aktuelt å trekkje grensa ned hit. Verneområde vil utgjere grense for kor ein kan byggje veg vidare innover. - 4 installasjonar/inntak for vatnkraftproduksjon vatn i Smådalane

Hans Urdahl møtte for grunneigarane på Breisete. Han var kritisk til at fylkesmannen ikkje hadde informert dei om at grensa for utgreiingsområdet no var flytta ned i Storhaug. Han hadde tilfeldigvis sist fredag fått vita at det skulle vera synfaring i Vigdalen. Tøger S. Aasen meinte at grunneigarane på stølen Drivande burde fått informasjon om utvidinga av utgreiingsområdet, og synfaringa, då dei har tilkomstvegen til stølen gjennom det ev. verneområdet. TD sa seg lei for at brevet om justert utgreiingsområde, som også omfattar Vigdalen ikkje var sendt alle grunneigarane i Vigdalen, og at dette

Hovudkontor Landbruksavdelinga E-post: Njøsavegen 2, 6863 Leikanger Fjellvegen 11, 6800 Førde [email protected] Telefon: 57 65 50 00 Postboks 14, 6801 Førde Internett: Telefaks: 57 65 50 55 Telefon: 57 65 50 00 www.fylkesmannen.no/sfj Org.nr 974 763 907 Telefaks: 57 72 32 50

FYLKESMANNEN I OG FJORDANE 2/4 vil bli gjort snarast, med utsett frist (6 veker) for å kome med innspel. TD sa seg glad for at Hans Urdahl og Tøger Aasen kunne vere med på kort varsel.

I tillegg gjekk vi gjennom grunneigarlister.

Vi køyrde fram til Vigdalen der vi møtte dei andre som skulle vere med.

Synfaring: TD orienterte i starten kort om bakgrunnen for synfaring og korleis geologisk fagrapport hadde fått fram store kvartærgeologiske verneverdiar i Vigdalen, med at breen hadde under istida både kome frå nord (Spørteggbreen) og frå sør opp Vigdalen frå . Vigdalen er også ein svært viktig innfallsport til Breheimen.

TD gjekk kort gjennom skilnaden i erstatningsordningar for nasjonalpark og landskapsvern på eine sida og naturreservat på den andre. Erstatning tek utgangspunkt i reelt tap. Nasjonalpark og landskapsvern vert rekna for så mildt vern at det normalt ikkje utløyser erstatning (jf Grunnlova § 105), og ein tek risikoen sjølv om ein fremjar krav som vert avgjort i retten, dvs. kan bli idømt saksomkostningar. Naturreservat blir sett på linje med oreigning, og krav kan fremjast utan å risikere å bli idømd saksomkostningar. Ny naturmangfaldlov kan endre dette noko slik at erstatningsordningar vert noko betre for nasjonalpark og landskapsvern, litt svakare for naturreservat. Nye ordningar vil gjelde verneområde i Breheimen–Mørkridsdalen.

Vi gjekk fram til 2 fangstgraver ved Grøyftahaugane. Deretter gjekk vi fram til grensemerke for der sameige for gnr. 36 startar. Willy Vigdal sa han ønskte at alle grunneigarane vert handsama likt slik at han såg gjerne at grensa ikkje vart trekt nedafor på sin eigedom.

Vi gjekk til Vigdalsstølen/Fjellstølen. Her har dei fleste gruneigarane sel, nokre (truleg 2 eller 3) har ikkje. Sela på stølen er i dag i god stand. Vigdalsstøl (DNT sjølvbetjent) ligg litt nedafor sjølve stølsvollen. Gran er planta kring DNT-hytta for om lag 100 år sidan. Desse frør seg sjølve. Sjølv om desse granene har ein spesiell historie (forøvrig fleire artar) bør dei med tida fjernast då dei er innplanta og ikkje naturlege treslag i området.

Vi følgte den T-merkte stien innover dalen, kryssa elva på ei bru og gjekk fram til der ein umerkt sti deler seg frå den T-merkte som går vidare til Hamarsdalen og Fast (sjølvebtjent DNT-hytte). Vi passerte nokre tersklar i elva, 2 av dei var betongtersklar, og dei gjorde at dei gamle delta hadde eit nokså naturleg vassbilete. Vi gjekk fram til oppgangen til Smådalane og halvvegs opp der vi tok matpause. Elva frå Smådalane hadde langt meir vatn enn det som er vanleg etter utbygginga. Etter det Statkraft opplyser, tek inntaka 40% av vatnet i Vigdøla (måling like nedafor Vårstølen). Mange grunneigarar meiner vassinntaket er mykje høgare fleire år, opp i 60%. At det var mykje vatn no, skuldast mykje nedbør i sommar og dei siste dagane. Etter matpausen gjekk vi opp til alle installasjonar. Først til inntaket for vatn 1225, som tek den eine hovudelva frå Spørteggbreen. Lengde ca. 20 m, inntaksluke med rist ved sida av, alt bygd i betong. Deretter gjekk vi til vatn 1202 og inntaket her frå den andre hovudelva frå Spørteggbreen. Her var også bygd små demningar i betong for å få vasstanden høg nok i høve til Styggevassdammen. Oppstraums vatnet var enno eit (stort) inntak. I tillegg var det eitt inntak i nabodalen om lag 200 m unna med eit nedgravd plastrøyr bort til vatn 1202. Vatnet nedafor (1188) såg urørt ut, men hadde mista ein av dei viktigaste tilførslene sine. Demningane med inntak var opptil 15-20 m lange, og maks høgde på ca. 2-3 m. Løysingane fortel at Statkraft har lagt vekt på å få med seg mest mogleg vatn frå Spørteggbreen i dette området.

Etter ein pause gjekk vi over ei hylle under og vest for Hamarsdalsnosi (vi såg innover mot Spørteggbreen) og ned til Øystølsreset. Vi fann dei gamle steinmurane sela på Øystølen. Her kom vi på den T-merkte stien, og vi gjekk attende til stølen Breidsete. Her har 3 grunneigarar rett på sel, 2 av dei FYLKESMANNEN I 3/4 har, og ein av dei (Hans H. Urdahl) har 2 sel etter at han overtoke eit av bruka. Vi gjekk gjennom det flotte morenelandskapet her.

På stølen gjekk vi gjennom nokre spørsmål: - jakt og fiske vil i eit verneområde gå etter viltlova og innlandsfiskelova (vil bli nedfelt i verneforskrifta. Fiskekultivering vil bli styrt av fiskeforvaltaren ved at det kan gjevast løyve til - Rovviltforvaltninga vil ikkje bli påverka av eit evt. vern - Motorferdsel (snøskuter om vinteren) har kommunen eit godt grep på gjennom opplegget med leigekøyring. Det som skjer i området er nyttekøyring, gjerne til frakt av materialar på sel. TD sa at ein må ta sikte på å vidareføre gode ordningar og unngå unødig byråkrati, og at det vil bli gjeve løyve til frakt med helikopter eller snøskuter ved spesielle behov t.d. bygging. Årlege faste oppdrag bør kunne løysast gjennom fleirårige løyve til eit visst tal turar i året med snøskuter, med høve til justering ved spesielle behov. I tillegg har Statkraft noko motorferdsel for tilsyn med inntak i Smådalane og til snømålepinnar i Vigdalen.

Geirmund Dvergsdal ga uttrykk for at dette var eit svært fint beiteområde, og han spurde Hans Urdahl kvar grunneigarane på Breisete hadde gardane sine. Hans Urdahl fortalde då at det var gardane på Saude som hadde støl på Breisete. Saude ligg mellom Høyheimsvik og Luster. Dei hadde svært lang buferdsveg, som gjekk gjennom Luster og fram til Dalsdalen.

På stølen på Breisete var det opphavleg 5 sel, 3 av dei er i bra stand medan 2 berre er tuftene att. Hans Urdahl har eitt sel og ei tuft.

TD sa etter synfaringa at dei store inngrepa med vassinntak ved kraftutbygging tilseier at nasjonalpark ikkje høver godt, og at landskapsvern peikar seg ut i Vigdalen. Landskapsvern er den mildaste verneforma, men set bom for nye store inngrep, medan tradisjonell bruk stort sett kan halde fram. Viktig å få til ei lokal tilpassing i verneforskrifta så langt det let seg gjere. Det er store kvartærgeologiske verdiar i Vigdalen, store opplevingskvalitetar knytt til Vigdalen, og Vigdalen er innfallsport. Ein må finne ei avveging mellom å ta vare på verneverdiane og dei bruksinteressene som finnast, både gjennom tilpassing av grense og verneforskrift.

Vi avslutta synfaringa med å gå den T-merkte stien under Storehaug, som først gjekk på ein av endemorenane, deretter i nedkant av ein sidemorene fram til stikrysset der ”Brevsteinen” (brukt under Svartedauden, på same vis som ein stein nede i Jostedalen) er. Vi tok ein tur nedom Bisperøysa. Deretter gjekk vi T-merkt sti tilbake til P-plass.

Referent: Tom Dybwad 07.08.2007

Med helsing

Nils Erling Yndesdal Tom Dybwad fylkesmiljøvernsjef rådgjevar

Adresseliste: Erling Bjørn Vigdal grunneigar og medlem referansegruppa, til stades på møte i forkant Willy Vigdal, grunneigar, tilstades på synfaring Ole Herman Meløy, møtte for grunneigar Astri Fossøy, tilstades på synfaring Hans H. Urdahl, grunneigar, tilstades på møte og synfaring Tøger S. Aasen, grunneigar og medlem referansegruppa, tilstades på møte og synfaring Torodd Urnes, ordførar Luster kommune Geirmund Dvergsdal, Fylkesmannen, landbruksavdelinga FYLKESMANNEN I SOGN OG FJORDANE 4/4

Kopi: Medlemmer i referansegruppa i Luster Ordførar Torodd Urnes, Luster kommune, Rådhuset, 6868 Gaupne Steinulf Skjerdal, Luster kommune, Rådhuset, 6868 Gaupne Christian Hillmann, Luster kommune, Rådhuset, 6868 Gaupne bygdelag v/ Magnus Snøtun, 6871 Jostedal Jostedal grunneigarlag v/ Arne Bjørk, 6871 Jostedal bygdelag v/ Anders Fortun, 6876 Skjolden Skjolden grunneigarlag v/ Knut Stokkenes, 6876 Skjolden Fortun grunneigarlag v/ Jacob Øygard Vetleskog, Bjørk, 6877 Fortun Luster grunneigarlag v/Tøger S. Aasen, 6872 Luster Jostedal statsallmenning fjellstyre v/ Alfred Tuften, 6871 Jostedal Luster austre statsallmenning fjellstyre v/ Kjartan Kvien, 6876 Skjolden Luster turlag v/ Stein Næss, 6875 Høyheimsvik Sogn og Fjordane fylkeskommune, 6863 Leikanger Sogn og Fjordane Bondelag v/ Merete Støfring, pb. 153, 6801 Førde Statkraft Region Midt-Norge, 6868 Gaupne

Medlem i felles kontaktutval: Per Hauge, 6876 Skjolden

Kopi pr. e-post: Luster kommune, Rådhuset, 6868 Gaupne Fylkesmannen i Oppland Geirmund Dvergsdal, Fylkesmannen i Sogn og Fjordane