2007, Ekitaldi Zoragarria Etengabeko
Total Page:16
File Type:pdf, Size:1020Kb
2007, EKITALDI ZORAGARRIA 2007a zoragarria izan da Euskaltelentzat. Lehenik eta behin, telekomunikazio finkoko eskaintza integraleko lidergoa sendotu, eta monopolistaren alternatiba diren operadoreen artean inoiz izan ez diren merkatu- kuotak eskuratu direlako: % 48 Banda Zabalean, % 40 telefonia finkoan, eta % 35 telebista digitalean. Zenbait teknologia ezarrita, Banda Zabala, banda zabal unibertsala, EAEko lurralde osoan zabaltzea da Euskaltelen helburua. Alde batetik, azken belaunaldiko zuntz optikozko sarearen bitartez —egun 260.000 kilometro zabalduta daude EAEn—; bestetik, Interneteko sarbiderik ez duten EAEko udalerri eta landa- eremuetara Banda Zabala eskain dezakeen Wimax teknologiaren bitartez; eta, hirugarren lekuan, HSPA (High Speed Packed Acces) teknologiaren, abiadura handiko Interneten edo Banda Zabal Mugikorraren bitartez. Bigarrenik, Europan aitzindaria eta berritzailea den telekomunikazio-proiektua abian jarri eta sare propioa duen Europako lehen mugikor-operadore birtuala delako, eta, beraz, era guztietako zerbitzuak —finkoak, mugikorrak eta konbergenteak— garatzeko gaitasuna bereganatu duelako. Azkenik, bi gaitasun horiek Euskaltelek garatzen dituenez, azken belaunaldi teknologikoko sarbide-sareekin, Europako aitzindaria da EAE, estaldurari eta Banda Zabalaren kalitateari dagokionez, esaterako. EAEko enpresen esperientziak erakusten du zerbitzuaren bikaintasuna, etengabeko berrikuntza eta giza kapitala eta kapital profesionala behar bezala bateratuz gero, edozein enpresa-proiektuk aurrera egin dezakeela. ETENGABEKO HAZKUNDEA 2007ko ekitaldia ixtean, 33 milioi euroko emaitza gordina izan du Euskaltelek, 336 milioi eurotik gorako diru- sarrerak sortu dituzten eragiketen bidez. Kable bidezko Europako operadoreen artean lehena izan da hain merkatu-kuota eta emaitza onak lortzen (erreferentziazko eskualde-operadorea Europan). Maila horiek bereziki esanguratsuak dira enpresan. Etengabeko hazkundea izan du, bai merkatu kuotan, bai bezero-kopuruan eta kontratatutako zerbitzuetan. Banda zabaleko bezero-multzoa ia % 20 hazi da; zuzeneko sarbideko telefonia finkoa, % 7, eta telefonia mugikorra, % 15 (Euskaltelen sarera migratzeko prozesua joan den martxoaren 31n amaitu zenetik 30.000 bezero berri ditugu). Zuntz optikozko sare finkoan oinarritutako negozioei esker izan du hain emaitza ona Euskaltelen kudeaketak, alegia, telefonia finkoari eta Euskaltelen Banda Zabalaren bilakaera handiari esker. 2007an, jauzi kualitatiboa egin zuen berriro ere Euskaltelek, Banda Zabaleko lidergoa areagotzeko estrategian, azken belaunaldiko zuntz optikoak emandako gaitasunaz baliatuz: merkatuko Banda Zabaleko produktu guztien abiadura bikoiztu zuen, automatikoki, prezioei bere horretan eutsita, eta 1 M-ko abiadura ezarri zuen Internetera konektatzeko gutxieneko abiadura gisa. 1.300 milioi euroko inbertsio metatua egin du euskal operadoreak; horietatik, 100 milioi inguru 2007an inbertitu ditu. Sare finkoa —Euskaltelen zuntz optikozko sareak 255.000 kilometro ditu, aurreko urtean baino 30.000 km gehiago— eta telefonia mugikorreko sare berria hedatzeko egin da, batez ere, inbertsio hori. Bestalde, euskal hornitzaileei 200 milioi euroko erosketak egin dizkie. EBITDA 106 milioi eurotik gorakoa da, aurreko urtekoa baino % 5,1 handiagoa. TELEKOMUNIKAZIO FINKOAK Telekomunikazio finkoan, EAEKo merkatuaren % 72 baino gehiago hartzen du Euskaltelen sareak, eta landa- eremuetako sarbiderako ia % 8ko estaldura gehigarria ere badu, Itelazpi sozietate publikoaren bidez, Euskaltelen gidaritzapean. Euskaltelen sare finkoa dagoen lekuetan, ia etxeen erdiak eta enpresen % 35 Euskaltelen sarbide zuzeneko bezeroak dira. Horrez gain, merkatuko kuota esanguratsua du Euskaltelek oraindik sarea iritsi ez den lekuetan ere. Telefonia finkoan, 2007 amaieran, 381.000 linea aktibo zituen Euskaltelek (% 90 bere sare finkokoak); horietatik, ia 300.000 etxeetakoak dira, eta gainerakoak, berriz, enpresetakoak. Horrenbestez, Euskaltelek % 40tik gorako merkatu-kuota du. Interneten, ia bezero guztiak abiadura handikoak eta Banda Zabalekoak dira dagoeneko, eta bezeroen eta produktuen liderra da Euskaltel, bezeroen merkatu-kuotaren % 47,5 baitu, Banda Zabalaren 175.000 erabiltzailerekin. Azken belaunaldiko Zuntz Optikozko sarea zabaltzeko egindako inbertsioei esker, Espainian kalitaterik, abiadurarik eta ahalmenik onena duen banda zabaltzat jo da Euskaltelena, erabiltzaile-elkarteen azterketa independenteen eta Interneteko atari espezializatuen arabera. EAEn, ADSLa (ohiko kobre-harian oinarritutako teknologia) baino bi aldiz azkarrago ari da ugaritzen kable bidezko Banda Zabaleko Interneterako sarbidea. EAEko bi biztanletik ia bat Euskaltelen zuntz optikoaren bidez konektatzen da, prestazio handiagoak dituelako Internetera igo eta handik jaistean, gaitasunari eta abiadurari dagokienez. Telebista Digital Interaktiboko kuota % 35etik gorakoa du Euskaltelek; 41.000 abonatu baino gehiago zituen 2007 amaieran. Telefonia finkoa 2007an, bezero berriak lortzea izan da telefonia finkoaren arloko jarduera nagusia, tarifa finkoen eta dei- bonuen bidez. Bezero horiek lortzeko, hainbat sustapen egin dira urte osoan zehar: hiru hilabete euro 1en truke, ligako partida guztiak... Bezeroei produktuak saltzeko, telesalmenta erabili da, ekintza bakoitzerako sustapenak helarazteko. Sarea zabalduta duen udalerrietan, % 50 inguruko sarbidea lortu du Euskaltelen Zuzeneko Sarbideak. Hala, ahalegin horrekin, sare propioko bezero-kopurua asko handitu zen (% 7), eta etxeko eta enpresetako 299.018 bezero izatea lortu zuen. Zeharkako Sarbidean, berriz, bezero-kopuruak behera egiten jarraitu du 2007an; kontsumodun 46.025 linea zeuden ekitaldia amaitzean. Datuak “Connect-Lan” produktua handitu egin dugu 2007an, enpresen konektagarritasunerako produktu nagusi bihurtu nahi baita. Produktu honi esker, enpresek datu-sare baten bidez lot ditzakete beren ordezkaritzak. Tokiko sare baten antzeko prestazioak ditu datu-sare horrek. Gainera, banda-zabalera eta zerbitzu-berme handia eskaintzen du, eta ezaugarri horiek ziurtatzen dute aplikazioek —Ipren gaineko ahotsak eta datu kritikoetarako sarbideak, adibidez— behar bezala funtzionatuko dutela. Datu-sare birtual pribatuak kontuan hartuta konektatzen dira kokapenak, zuntz bidezko sarbideak (10 M, 100 M edo 1000 M) oinarri hartuta, besteak beste. Iaz, enpresei ordezkaritzen konektagarritasunerako irtenbide egokia emateko ADSL sarbideak gehitu dira, ordezkaritza horiek zeharkako sarbidea dutenerako edo EAEtik kanpo daudenerako (zeharkako ADSL), bai eta zuzeneko sarbidea duten industrialdeetako enpresetarako ere (zuzeneko ADSL). Halaber, 3. mailako VPNak garatu dira, eta, horien bidez, sare pribatu eta birtual mota berria sor daiteke. Bereziki egokiak dira ordezkaritza asko konektatuta dituzten neurri handiko sareei irtenbidea aurkitzeko, edo sareko trafiko gehiena IP denerako. Bestalde, beste sarbide-mota bat lantzen ari da, kable-modem bidezkoa. Horrekin, prezio oso erakargarrietan eskaini ahal izango zaie konektagarritasua enpresei, ordezkaritzentzako zuzeneko sarbidearekin, hedapen generikoan. Internet EAEko Banda Zabaleko lider izateko, eta izaera hori indartzeko, hainbat jarduera garrantzitsu egin dira: De s pe ga a bia dura k a lda tze a : Despega eskaintza aldatzea, erabilera handia duen produktua merkatuan abiadurako lider gisa mantentzeko. Eskaintza horrek abiadurak hirukoiztu eta prezioei eutsi die: oinarrizko abiaduratzat 1 M eskaintzen da, eta lehen 3 M-ko abiadurak zuen prezioa orain 6 M-k dute. Gainera, 1 M-ko modalitate berriak bikoiztutako goranzko abiadura du, (orain 256 K; lehen, 150 K). Lehendik zeuden abiadura handiko modalitateen (12 M eta 24 M) prezioek ere nabarmen egin dute behera, eta duo berri bat merkaturatu dugu, “Despega 1 M duoa”, 29 eurotan. Taula honetan ikusten da aldatutako eskaintza: Despega Hileko kuota Lehen Gero Orain Gero Despega 300 K/150 Despega 1 M/256 23 € 23 € Despega 1M/256 + deiak Duoa X 29 € Despega 3 M/600 + deiak Duoa Despega 6 M/600 + deiak Duoa 39 € 39 € Despega 12 M/600 + deiak Duoa Despega 12 M/600 + deiak Duoa 75 € 49 € Despega 24 M/1 M + deiak Duoa Despega 24 M/1 M + deiak Duoa 120 € 75 € Ez da Despega eskaintza bakarrik aldatu (tarifa finkoa), baita gainerako Despega produktuak ere (Despega Recarga, Kontratupeko Despega eta Bolumenaren araberako Despega). Des pega zerbi tzua aldi baterako etetea: Beharrizan guztiei erantzuna emateko jarri da martxan produktu hori, zenbait epealditan –oporretan, esaterako– zerbitzua erabiltzen ez duten bezeroentzat. Hileko kuota aurrezten dute epealdi horretan, Euskaltelek % 100eko deskontua egiten baitie. Urtean, gehienez ere, hiru hilabetez eten daiteke zerbitzua. Zuzeneko ADSLaren Banda Zabalaren abi adurak hi rukoi ztea: Industrialdeetan dauden enpresa bezeroei Banda Zabala eskaintzeko erabiltzen da teknologia hau. Migrazioak amaitu egin dira 2007an, eta lehendik Zuzeneko ADSLa zuten Banda Zabaleko bezeroek, prezio berean, abiadura handiagoa erabil dezakete. Online Bulegoa, enpresei zuzendutako elkarlanerako produktua, berriz ezartzea. Produktua berriz ezarri ondoren, hauek dira aldaketarik garrantzitsuenak: ∞ Produktuaren izena aldatu da: lehen, Euskalnet enpresa zen, orain, berriz, Online Bulegoa. Eskaintza sinplifikatu da, profil-kopurua murriztuta, eta bi zerbitzu berri gehitu dira: PCtik SMSak bidaltzea eta jakinarazpenak, bezeroak adierazitako helbidean mezu elektronikoak jaso direla jakinarazteko. ∞ Bezeroak bere Kontrol-panelaren bidez automatikoki kontratatu ahal izango ditu profil berriak, Euskalteli deitu beharrik gabe. Funtzionalitate horiek guztiak gehitu