Notat

Vår sakshandsamar: Vår ref: Dato: Lisbeth Lervik Helset 16/2538-71 04.02.2021

Regionalt planforum 16.02.21 - Kommunedelplan for Vikane

Bakgrunn: Stryn kommune starta opp arbeidet med kommunedelplanen for Vikane hausten 2019. Planavgrensing, føremål med planen og planprosessen er å finne i planprogrammet, jf. vedlegg.

På oppdrag av Stryn kommune har konsulentfirmaet 3RW gjennomført tettstadsprosjekt for Innvik og Utvik. Målet har vore å utforme konsept for utvikling av sentrumsområda i Innvik og Utvik. Rapportane er ein del av grunnlaget for kommunedelplan for Vikane.

Kommunen har og fått NGI til å gjennomføre ei skred- og flaumfarevurdering i deler av Innvik, Utvik og Tistam. Vurderingane er nyttige ved utarbeiding av planframlegget i og med at store delar av planområdet er/har vore dekt av aktsemdskart.

Kommunen har fått inn ein god del innspel til planen, då fyrst og fremst på nye utbyggingsområde. Det er forventa at planen skal leggje til rette for mellom anna nye bustadområde og nye område til næringsareal, jf. planprogrammet. Det står og at det skal takast stilling til om det skal leggast til rette for fleire fritidsbustader.

Med bakgrunn i dette ønskjer kommunen å drøfte tre problemstillingar:

- Innspel frå Innvik AS om ny veg på nordsida av Storelva i Innvik - Nye hytteområde i Innvikdalen - Nye næringsareal, Utviding av Innvik fruktlager

Kommunen vonar at vi kan få nokre tilbakemeldingar og råd til korleis vi bør handtere desse innspela.

Adresse Telefon Org.nr E-post Internett Tonningsgata 4, 6783 Stryn 57 87 47 00 963 989 202 [email protected] www.stryn.kommune.no

Innspel frå Innvik AS om ny veg på nordsida av Storelva i Innvik

Tekstilbedrifta Innvik AS har kome med innspel om ei ny trafikal løysing med ny veg vest for skulen som gjev tilkomst til næringsområdet og vidare til idrettsområdet. Vegløysinga vil føre til mindre trafikk forbi omsorgssenteret, skulen og bustadane i Morskogen, og moglegheit for å skjerme bustadområdet frå næringsareal med beplanting e.l. I tillegg vil det leggje til rette for ei utvida og felles parkering for industriområdet og skulen.

Fig. 1: Innspel frå Innvik AS

Problemstillingar: - Innvik AS (126/27, 126/38, 126/95 og 126/62) er ei viktig bedrift for lokalsamfunnet med mange arbeidsplassar. Det er planar om å utvide produksjonen. Dei skal i fyrste omgang byggje på 126/38, men har og kjøpt 126/97 av Stryn kommune. - Innspelet om vegløysinga er støtta av bebuarane i Morskogen. Dei føreset at vegen byggast før Innvik AS kan få utvide bygget. - Grunneigarane for 126/9 og 126/4 (rundkøyringa) aksepterer ikkje at rundkøyringa blir lagt på deira eigedom. - I reguleringsplanane som omfattar næringsområdet (IL1 og I2) står det at det ikkje skal vere støyande verksemd. I dag er det eit entreprenørfirma som held til på 126/45 og 126/44. Denne verksemda førar til både trafikk, støy og støv for bebuarane i Morskogen. Bustadområdet blei etablert før næringsområdet. - Det er usikkert om det er breitt nok langs med elva til både ein bilveg og ein turveg. Dette kjem litt an på kva for standard ein vel på vegen og turvegen. Turvegen er registrert som svært viktig i samband med kommunen sin kartlegging av viktige friluftslivsområde. - Uttale Fylkesmannen 29.04.19: Oppfattar at turvegen skal liggje som i dag og at det ikkje skal vere inngrep i kantvegetasjonen eller i elva. Ut ifrå dette er løysinga akseptabel.

Side 2 av 7

- Uttale NVE 06.05.19: Tidleg fase i sikringstiltak knytt til Storelva. Usikker på om det er breitt nok for ein bilveg og ein turveg. Ugunstig å leggje beslag på areal austover mot idrettsbana med ein veg. - Tilbakemelding NVE 26.01.21: Deira konsulent skriv følgjande: Ut fra simuleringsresultatene frem til nå mener vi at den beste løsningen er kombinasjonen av bunnsenking opptil øverste bru, utvidet elvetverrsnitt opptil idrettsområdet og heving av flomvollen i parkområdet mellom riksvei 60 og Gamlevegen. Denne løsningen forutsetter at arealet langs med Storelvas høyre elvebredd opp til idrettsområdet reserveres utvidelsen av Storelvas tverrsnitt. - Innspelet drøfta med Formannskapet 04.02.2021. Dei var tydelege på at dei ønska at vegen skal leggast inn i planen, men dei ville at det skulle vere dialog med NVE i høve til sikringa. - Innvik AS ønskjer å forskottere vegen, men finansieringa ligg førebels ikkje i økonomiplanen.

Fig. 2: Gjeldande reguleringsplanar med eigedomsgrenser.

Spørsmål: - Er tilbakemeldinga frå NVE (26.01.21) absolutt eller er det andre måtar enn breiddeutviding her for å sikre Storelva slik at vegen kan leggast langs med elva? - I kva grad bør kommunen leggje vekt på omsynet til bebuarane i Morskogen og eventuelle konsekvensar for eksisterande turveg i høve til val av vegløysing?

Side 3 av 7

Nye næringsareal, Utviding av Innvik fruktlager

I tråd med planprogrammet skal kommunen leggje til rette for nye næringsareal. Det er veldig vanskeleg å finne aktuelle område då mellom anna er naturfare, strandsone- og jordvernomsyn, trafikkstøy og kulturminne som legg føringar på bruk av områda.

Innvik fruktlager er ein sentral aktør i frukt- og bærnæringa i Nordfjord. Dei har behov for å utvide eksisterande bygningsmasse for å kunna handtere framtidig auke i produksjon av frukt og bær. Utvidinga vil og gje moglegheit for vidareutvikling av pakkeri og butikk integrert i anlegget.

Den eksisterande tomta er av avgrensa storleik, og for at det skal vere mogleg med ei vidareutvikling er ein avhengig av å utvide tomtearealet. Innvik fruktlager ønskjer difor å fylle i sjø nordover, mot butikken (713 m²). Det er tidlegare innvilga dispensasjon for utfylling mot nordvest (skravert areal).

Fig. 3: Situasjonsplan som syner planlagd/ønskjeleg utfylling for Innvik fruktlager.

Kommunen ønskjer å leggje til rette for utviklinga til Innvik fruktlager. Vi har difor teke kontakt med eigarane av nabotomta (126/31) for eit eventuelt kjøp. Store delar av denne eigedomen er allereie avsett som næring både i kommunedelplanen for Innvik og i gjeldande reguleringsplan.

Innvik fruktlager meiner at dei uansett treng å fylle i sjø slik at dei kjem til å sende inn ein søknad om dispensasjon vedrørande vidare utfylling med det fyrste.

Side 4 av 7

Fig. 4: Gjeldande reguleringsplanar.

Problemstillingar: - Generelt mange omsyn å ta ved lokalisering av nye næringsområde.

- Innvik fruktlager: o Fylling i sjø. o Det er låssettingsplass for brisling like utanfor området til Innvik fruktlager. Plassen er registrert som veldig viktig. o Eksisterande naustområde like ved. o Kjøp av grunn er avhengig av pris og politisk vilje. o Handsaming av dispensasjonssøknad før kommunedelplanen for Vikane blir ferdigstilt.

Spørsmål: - Korleis bør kommunen tenke med omsyn på nye næringsområde? Det blir fort eit press for at ein tek i bruk landbruksjord - som og er ein viktig næring. - Kva for føringar/haldningar er det ved fylling i sjø? - Kjem utfyllinga ved Innvik fruktlager i strid med låssettingsplassen?

Side 5 av 7

Nye hytteområde i Innvikdalen

Kommunen har fått fleire innspel på å leggje til rette for fleire hytter i Innvikdalen. Sjølv om dette ikkje er eit av dei prioriterte tema i planen må vi ta stilling til innspela. Dersom vi skal leggje til rette for meir utbygging bør vi ta stilling til om vi skal fortette dei områda som allereie er tekne i bruk eller om vi skal ta i bruk nye område.

Fig. 5: Innspel om nye hytteområde vist med stipla turkis line. Eigedomsgrenser i raudt.

Innvikdalen har i dag fire stølsområde (Skådistølen, Dragesetstølen, Prestestøylen og Hildastøylen) i tillegg til spreidde hytter. Landskapet står likevel fram som ganske intakt. Vi ønskjer ikkje at det skal bli hytteområde i Innvikdalen som i stor grad er lik eit bustadområde, både med tanke på storleiken av hyttene og infrastruktur.

Fig. 6: Gjeldande reguleringsplanar med eigedomsgrenser.

Side 6 av 7

Problemstillingar: - To gjeldande reguleringsplanar (1983, 1988) legg til rette for spreidd utbygging. Truleg ønskjer ikkje ein del av dei som har sel/hytte i Innvikdalen i dag at det skal fortettast. - Det har vore gjeve dispensasjonar til fleire hytter både i og utanfor stølsområda og reguleringsplanar. Stryn kommune innvilgar dei fleste dispensasjonssøknadane. - Det har vore ei jordskiftesak på Drageset (gnr.124) der Geilemyra som hytteområde er omtala. Vi er ikkje bundne av dette, men det skapar ei forventning av grunneigarane at området skal setjast av til hytter. - Store delar av Innvikdalen ligg innanfor NGI sitt aktsemdskart for skred og NVE sitt aktsemdskart for jord- og flaumskred. Som regel legg ikkje kommunen ut nye utbyggingsområde der det kan vere fare for naturfare utan å sjekke ut dette fyrst. - Prestestøylen er ein støl der kommunen ønskjer å nytte omsynssone kulturmiljø. Sjølv om dei andre stølane ikkje er avmerkt som særmerkte stølsområde i gjeldande kommuneplan har dei likevel kvalitetar. - I følgje rettleiaren Garden som ressurs frå LMD og KMD kan eit stølshus leigast ut delar av året. Fleire nyttar seg av dette slik at ein får meir utleigeverksemd til dømes via Air B&B på stølane og hyttene. Dette kan skape til dels store konfliktar. - Prestestøylen naturreservat (myr) ligg i Innvikdalen.

Spørsmål: - Bør kommunen leggje opp til fortetting innanfor gjeldande reguleringsplanar/hytteområde eller skal vi heller leggje opp til meir spreidd utnytting (LNF m/spreidd fritidsbustader)? Kva vil vere mest inngripande med tanke på landskapet? - Kan kommunen leggje ut område til fritidsbustader innanfor aktsemdskart (der det står i føresegna at det må gjerast ei skredfarevurdering)? - Kor sterke føringar vil ei jordskiftesak gje kommunen der grunneigarane har lovnad eller det er vedtak på at eit område skal vere hytteområde? - Slik vi har forstått det er utleige for delar av året innanfor føremålet LNF. Kan vi setje føringar på dette i form av føresegn?

Helsing Stryn kommune, Avdeling plan og næring

Lisbeth Lervik Helset kommuneplanleggar

Dokumentet er elektronisk godkjent og har derfor ingen signatur

Side 7 av 7