Arkivsak-dok. 18/00464-17 Saksbehandler Kjersti Næss Finne

Saksgang Møtedato Utval for formannskap/plan og økonomi Kommunestyret

DETALJREGULERINGSPLAN FOR STASJON, PLANID 2018002 - GODKJENNING AV PLAN

Administrasjonen si innstilling: I medhald av plan- og bygningslova § 12-12 godkjenner Kommunestyret detaljreguleringsplan for Evanger stasjon, planid 2018002, slik det går fram av plankart, føresegner og planomtale datert 02.09.19 signert Multiconsult AS.

Vedlegg: Planomtale_Evanger stasjon_220319.pdf Plankart_Evanger stasjon_260219.pdf Føresegner - Evanger stasjon.pdf Landskapsplan.pdf Innspel_offentleg ettersyn.pdf Evanger_stasjon_Merknadsskjema offentlig ettersyn (1).pdf 3D-illustrasjon overgangsbru.pdf 3D-illustrasjonar frå modell_130219.pdf Normalprofil plattform.pdf Støykartlegging.pdf Skredfarevurdering Evanger.pdf Fagrapport flaum.pdf Geotekniske grunnundersøkelser.pdf Hydrologisk rapport.pdf Kartlegging av fremmede arter.pdf Miljøoppfølgingsplan.pdf Optimaliseringsrapport.pdf

1

Samandrag av saka: Detaljreguleringsplan for Evanger stasjon har vore ute til høyring og offentleg ettersyn. Multiconsult er planleggjar og Bane Nor står som tiltakshavar for planarbeidet.

Føremålet med detaljreguleringsplanen er å legge til rette for utbetring av Evanger stasjon, der plattformforlenging er hovudføremål. I tillegg er det lagt til rette for ny planskilt kryssing mellom plattformene, og sti/snarveg frå bustadområde langs Velesvegen og til plattform i sør. Planen har også sikra areal til bygge- og anleggsområde.

Ved høyring og offentleg ettersyn av planforslaget kom det inn 5 merknader, 3 frå offentlege instansar og 2 frå private. På bakgrunn av dei innkomne merknadene er det gjort nokre justeringar av planen for å tydeleggjere omsyn til miljø og skredfare. Mellom anna er ubebygd bustadtomt vest for Merkesgrovi omregulert til friluftsføremål på grunn av potensiell skredfare.

Administrasjonen tilrår at detaljreguleringsplan for Evanger stasjon vert godkjent.

Fakta om saka: Planprosess  Det vart gjennomført oppstartsmøte 27.02.18  Oppstart av planarbeid vart varsla i brev og gjennom lysing i avisa i mai, med merknadsfrist 08.06.18  Tiltakshavar og plankonsulent inviterte grunneigarar og næraste naboar til eit informasjonsmøte på Evanger 27.11.18  Det har vore dialog med NVE, Fylkesmannen i Hordaland og Hordaland fylkeskommune, der forslagsstillar har fått konkrete innspel til planforslaget  Det kom totalt 8 merknader til oppstart, der 3 var frå private og 5 frå offentlege aktørar  FPL vedtok å leggje planen ut til høyring og offentleg ettersyn i møte den 04.04.19, sak 6/19  Planforslaget låg ute til høyring og offentleg ettersyn i perioden 06.04.19 - 27.05.19  Det kom inn 5 merknader til planforslaget i løpet av høyringsperioden

Bakgrunn og føremål Bakgrunn for planarbeidet er prosjekt for plattformforlenging på Vossebanen, på grunn av ny type togsett som er lengre enn noverande togsett. Planen har plattformforlenging som hovudføremål og er ikkje rekna som eit komplett stasjonsprosjekt. I planen skal det leggast til rette for to sideplattformer som er lengre og noko høgare enn eksisterande plattformer. I tillegg er det tatt med ny planskilt kryssing mellom plattformene for mjuke trafikantar. Det er også regulert inn areal til midlertidige bygge- og anleggsområde.

Eigedomstilhøve, tiltakshavar og planleggjar Forslagsstillar for planen er Bane NOR og plankonsulent er Multiconsult. Planarbeidet omfattar i hovudsak gnr. 401, bnr 46 der Bane Nor er grunneigar. Kommunal eigedom gnr. 401, bnr. 44 (Hernesvegen), og bnr. 20 (leikeplass, bustadareal, Velesvegen) ligg også delvis innanfor plangrensa. Seks private bustadeigedomar er omfatta av planen. Opplysningsvesenets fond eig ei ubebygd bustadtomt vest for Merkesgrovi, og delar av Velesvegen. Opplysningsvesenets fond sin bustadeigedom er på grunn av skredfare tatt ut av planen etter offentleg ettersyn, og erstatta med friluftsføremål.

2

Planstatus og tilhøve til andre planar I kommuneplanen er planområdet i hovudsak avsett til baneføremål, bustadføremål og LNF. Det ligg føre ein eldre reguleringsplan frå 1979, Evanger prestegard, planid 79001, som omfattar bustadområdet sør for jernbanelinja, jf. utsnitt under.

Utsnitt av gjeldande plan, Evanger prestegard. Planområdet er vist med stipla linje. Illustrasjon Multiconsult

Ved godkjenning av detaljreguleringsplan for Evanger stasjon, vil den overlappande delen erstatte den gamle planen.

Planområdet Planområdet er lokalisert langs Bergensbanen, ca. 19 km vest for . Planen omfattar stasjonsområdet, bustadområde til og med Velesvegen i sør og areal mot Vossoelva i nordaust, og utgjer ca. 37 daa.

Oversikt over varsla planområde ved oppstart. Kjelde: kommunekart.no, redigert av Multiconsult

Planområdet ligg sør for Evanger sentrum som er ein eldre kyrkjestad frå Middelalderen. Den gamle postvegen gjekk forbi her, og i samband med bygging av jernbanen stod Evanger stasjon ferdig i 1883. Stasjonsmiljøet er godt bevart, og i Bane Nor si «Liste over fredete, vernede og verneverdige baner, miljøer og objekt i jernbanen» er det førebels eit forslag om vern av stasjonsbygning og jernbanemiljø.

Innhald i planen Planområdet er inndelt i følgjande arealføremål og omsynssoner: Bygningar og anlegg Leikeplassen er vidareført (BLK) og ein verstasjon er regulert som anna bygg/anlegg (BAB). Eksisterande bustadområde er lagt inn med bustadføremål (B), men sidan offentleg ettersyn er bustadtomt vest for Merkesgrovi erstatta med friluftsføremål.

3

Samferdselsanlegg og teknisk infrastruktur Planen har 220 meter lange plattformar på kvar side av jernbanesporet, og ny planskilt kryssing med overgangsbru over jernbanespor i austre ende av stasjonsområdet. I planen ligg desse tiltaka med arealføremåla haldeplass/plattform (SH) og gangveg/gangareal (SGG). Jernbaneområdet er elles regulert som stasjons- /terminalbygg (SST) og jernbanetrase (SJT). Eksisterande vegar er vidareført med vegføremål (SV).

For jernbaneområdet er det sett krav om opparbeiding med gode kvalitetar, trygg ferdsle, minst 2% HC-parkering og tilrettelegging for sykkelparkering og ladestasjonar for el-bil.

Landbruks-, natur- og friluftsføremål - Friluftsformål (LF)

Bruk og vern av sjø og vassdrag, med tilhøyrande strandsone - Naturområde i sjø og vassdrag med tilhøyrande strandsone (VNS) - Friluftsområde i sjø og vassdrag (VFV)

Omsynssoner - Gul (H220) og raud (H210) støysone - Ras- og skredfare (H310) - Flomfare (H320) - Bevaring kulturmiljø (H570)

Føresegnene for omsynssone bevaring av kulturmiljø sikrar at kulturminneverdiane skal takast omsyn til, og at tiltak skal bli førelagt rette kulturminnemynde før iverksetting. Sjå kapittel 6.6 for meir informasjon om avgrensing og føringar for dei ulike omsynssonene.

Midlertidige bygge- og anleggsområde (#1-5) Det er avsett areal for å sikre tilkomst og riggområde i anleggsfasen. Anleggsveg i område #2 skal gjerast om til permanent gangsti etter anleggslutt. Gangstien er illustrert med prikka linje i plankartet. Arealet utgjer del av den kommunale leikeplassen.

4

Eigedomsinngrep Gjennomføring av planen vil føre til konsekvensar for alle dei 6 bustadeigedomene som grensar til stasjonsområdet i sør. Det vil vere behov for både midlertidige tiltak knytt til anleggsarbeid, og for 4 av eigedomane vil det vere behov for permanente grunnerverv på mellom 22 og 267 m2. Tabell s 58 og 59 i planomtalen gir ein detaljert oversikt over konsekvensar for bustadeigedomane. Det vil også vere behov for å nytte delar av den kommunale eigedomen som midlertidig rigg- og anleggsområde.

Nær- og fjernverknad - utforming og materialbruk Planfri kryssing over jernbanesporet i form av ei gangbru, vil føre til endra situasjon både når det gjeld nær- og fjernverknad. Det er laga eit eige forprosjekt for å finne den beste plasseringa av dette tiltaket, der det mellom anna er tatt omsyn til nærmiljø, kulturminneinteresser, landskap og estetikk (jf. kapittel 6.3.2 i planomtalen). Plassering av overgangsbru aust for stasjonsbygningane kom samla best ut i høve fleire av kriteria. Løysinga vil skåne eksisterande stasjonsmiljø, og naboane vil i stor grad få ivaretatt utsikta si. Sjå også vedlagte optimaliseringsrapport for meir detaljar.

Overgangsbru og stasjonsområde sett frå nordvest. Illustrasjon frå vedlagte 3D-materiell.

For å sikre god utforming av overgangsbrua, er det i føresegner stilt krav om at bygningsmessige konstruksjonar innanfor samferdselsformål skal tilpassast eksisterande stasjonsmiljø i fargar og materialbruk. Dei skal utformast i varig material med høg standard, og det er krav om at det skal nyttast innslag av tre og transparente flater på gangbrua.

Kulturminneinteresser Sjølve stasjonsbygningen og dei gamle brukara er sikra gjennom omsynssoner. Eit mindre bygg av yngre dato (trallebu) som ligg sør for jernbanesporet, må rivast ved bygging av ny overgangsbru. Overgangsbrua er elles ikkje vurdert å svekke samanhengen mellom Evanger stasjon og Evanger sentrum, og det er krav i føresegner om tilpassing til eksisterande stasjonsmiljø. Dei forlengja sideplattformene er ikkje vurdert å føre til konsekvensar for kulturminneinteressene i området.

5 Naturverdiar og naturmangfaldslova Planen er vurdert i forhold til §§8-12 i naturmangfaldslova, og det er mellom anna vurdert at kunnskapsgrunnlaget er tilstrekkeleg og at føre var prinsippet vert ivareteke. Føresegnene sikrar utarbeiding av miljøoppfølgingsplan, rigg- og marksikringsplan og ivaretaking av kantvegetasjon i tråd med vassressurslova, jf. punkt 2.3.

Nærmiljø, friluftsliv og barn og unge sine interesser Planforslaget omhandlar areal regulert som leikeplass, men som ikkje er opparbeidd. Delar av området vil bli avstengt i samband med anleggsarbeid. I etterkant er det sikra at det vert ein gangveg/snarveg gjennom leikeplassen til planfri kryssing over jernbanen. Dette vil vere eit viktig tiltak med tanke på barn og unge sin moglegheit for trygg kryssing av jernbanesporet. Planen sine tiltak vil elles i liten grad påverke moglegheita for friluftsliv og ferdsel i området.

Trafikktilhøve og trafikktryggleik Vegar vert regulert som eksisterande situasjon og tilkomst til bustader er sikra med piler i plankartet. Planen endrar derfor i liten grad dagens trafikktilhøve.

Parkeringsplass ved stasjonen er vurdert til å ha tilstrekkeleg kapasitet, men planen vil rydde opp i området. Det er lagt inn krav om HC-parkering og sykkelparkering. Det er planlagt opparbeiding av sti/snarveg over leikeplass som vil betre trafikktryggleiken i området.

Utsnitt av landskapsplan utarbeidd av Multiconsult, som viser parkering, plattformer mot aust, planfri kryssing og snarveg gjennom leikeplass mot Velesvegen. Sjå vedlegg til saka.

Universell utforming Stasjonsområde med plattformer og overgangsbru vert utforma etter prinsippet om universell utforming. Dette vil betre forholda samanlikna med eksisterande situasjon.

På grunn av bratt terreng, er det ikkje mogleg å få til universell utforming av sti/snarveg frå Velesvegen til plattform 2 og planfri kryssing. For universell tilgjenge til plattform 2 må ein ferdast frå plattform 1 via overgangsbru med heis.

Teknisk infrastruktur, energiløysingar, VA og overvasshandtering Planen vil medføre oppgradering av tekniske anlegg på stasjonsområdet. I samband med prosjektet vil kommune få lagt to trekkerøyr under jernbanen for framtidig

6 tilknyting for vatn og avlaup. Planforslaget legg også til rette for fornying av signalanlegg med nytt databasert signalsystem.

ROS-analyse Dei avdekka risikohendingane er i hovudsak hendingar som er vanlege ved den typen anlegg som planen legg til rette for. Dei fleste hendingane med raud risiko vert redusert til gul risiko som følgje av føreslåtte avbøtande tiltak. Unntaket frå dette er hendingar som gjeld ulykker knytt til veg og jernbane, og som ikkje kan handterast i planen.

Det samla risikobiletet med avbøtande tiltak er vurdert som akseptabel. Sjå kapittel 8 i planomtalen for meir informasjon.

Rekkefølgjekrav  Opparbeiding av ny snarveg/sti gjennom leikeplass og ned til plattform på sørsida av jernbanen er sikra opparbeidd gjennom rekkefølgjekrav, jf. punkt 6.1 i føresegnene.

 Midlertidige anleggsområde skal setjast i stand i samsvar med arealformålet, eventuelt tilbakeførast til slik dei var før inngrepet eller etter avtale med grunneigar, seinast eitt år etter at stasjonsutbetringa er ferdigstilt, jf. punkt 5.1 d i føresegnene.

Planmateriale Det er utarbeidd eit omfattande planmateriale, jf. vedlegg til saka. I tillegg til planomtale, føresegner og kart utgjer dette:  Skredfarevurdering  støykartlegging  geoteknisk grunnundersøking  fagrapport flaum  kartlegging av framande planteartar  normalprofil plattform  miljøoppfølgingsplan  3D-illustrasjonar frå modell  optimaliseringsrapport  3D-illustrasjon overgangsbru  hydrologisk rapport  landskapsplan

Administrasjonen si vurdering: I samband med høyring og offentleg ettersyn kom det inn 5 merknader til planforslaget, 3 frå offentlege instansar og 2 frå private, jf. vedlegg. Hovudinnhaldet i merknadene er omtalt under, saman med ei oppsummering av kommentarar frå planleggjar, og eventuelle kommentarar frå administrasjonen. Fullstendige kommentarar frå planleggjar ligg ved i eit eige merknadsskjema.

Evanger kvinne- og familielag, 24.05.19 Støtter merknadar frå naboar, og krav til trygg kryssing av jernbana med gangveg frå Velesvegen via gangbru til stasjonsområdet.

Kommentar frå planleggjar: Gangtilkomst frå Velesvegen til stasjonen er sikra i reguleringsplanen gjennom rekkefølgjekrav. Den vil ikkje vere universelt utforma på grunn av bratt skråning, men den kan verte ein viktig og trygg snarveg/skuleveg.

Administrasjonen si vurdering: Det er positivt at planen sikrar ei opparbeiding av snarveg/sti frå Velesvegen via leikeareal til planfri kryssing over jernbanen.

Arbeidsgruppa Voss Vest, 26.05.19

7 Meiner det kunne vore vurdert utgang frå overgangen høgare oppe på Væle, for å unngå den bratte skråninga. Skråninga er vanskeleg tilgjengeleg for funksjonssvake, og utfordrande for alle brukargrupper vinterstid.

Kommentar frå planleggjar: Overgang direkte på terreng ved Væle vart vurdert i tidleg fase av planarbeidet. Det vart sett på fleire løysingar for kopling på Velesvegen ulike stader frå vest til aust. Konklusjonen var at løysinga vart for dyr, og i tillegg ville ei slik løysing medføre større eigedomsinngrep for tilgrensande naboar. Det ville heller ikkje blitt ei fullgod universelt utforma løysing på grunn av den generelle stigninga på Velesvegen. Planforslaget er ikkje endra.

Administrasjonen si vurdering: Viser også til vedlagte optimaliseringsrapport, der ulike løysingar er vurdert.

Fylkesmannen i , 27.05.19 Er positive til planen, men har innspel om at miljøoppfølgingsplanen bør sikrast/ gjerast juridisk bindande, for å sikre omsyn kring avrenning til vassdraget på ein god måte. Meiner elles at skredfaren er handtert på ein god måte, men peiker på at areal utanfor planområdet ikkje er avklart for rassikring. Ber kommunen vurdera om B1 kan takast ut som bustadføremål.

Kommentar frå planleggjar: Miljøoppfølgingsplanen(MOP) er eit levande dokument tilpassa dei ulike fasane i prosjektet, og er i utgangspunktet ikkje juridisk bindande. I meir detaljerte fasar kan det oppstå behov for fleire eller andre tiltak knytt til miljøoppfølging. Men miljømåla i planen skal følgast opp, då desse er bygd på krav i gjeldande lover og forskrifter. Dei foreslår derfor å ta med i føresegnene at utarbeidde MOP-plan skal leggast til grunn for vidare arbeid, men at det er rom for tilpassing til dei ulike fasane i prosjektet.

Forslagsstillar meiner elles at område B1 kan takast ut som bustadformål, dersom kommunen ønskjer det.

Administrasjonen si vurdering: Er positive til at føresegnene tydeleggjer at innhaldet i miljøoppfølgingsplanen vert lagt til grunn for vidare arbeid.

Bustadarealet B1, er ei ubebygd tomt som ligg innanfor faresone for 1000-årsskred. Her kan det derfor ikkje byggjast bustad utan sikringstiltak. Arealet ligg også innanfor faresone flaum, raud og gul støysone, har veg og bane på tre sider, og elva på fjerde. Alt i alt meiner administrasjonen at arealet er lite eigna til bustadføremål og er samd i at den vert tatt ut av planen.

NVE, 27.05.19 Det er utarbeidd faresonekart for skred, og omsynssoner med føresegner er innarbeidd i planforslaget. Meiner risikoreduserande tiltak er naudsynt for å gjennomføre planen i bustadområde og o_SST. Det er ikkje gjennomført reelle vurderingar av om det er mogleg å gjennomføre risikoreduserande tiltak, noko kommunen må syte for at vert vurdert. Rår til at eventuelle tiltak vert innarbeidd i planen. På grunn av usikkerheit knytt til om bustadtomta B1 let seg sikre, og potensiale for kanalisering av sørpeskred lenger aust, rår NVE til at denne vert tatt ut.

8 Har ikkje hatt kapasitet til å sjå på handtering av flaumfare, men legg til grunn at omsynssone er basert på flaumsonekart, og at det ikkje er behov for tiltak i flaumsona.

Kommentar frå planleggjar: Viser til at stasjonsområde, o_SST, ikkje er planlagt for nye bygg. Området med eksisterande bygningar er råka av faresone for 5000-årsskred der det ikkje er tillate med byggverk for varig opphald av meir enn 25 personar eller byggverk med risiko for store økonomiske konsekvensar (tryggleiksklasse S3), utan risikoreduserande tiltak, jf. TEK 17. Meiner stasjonsbygningane fell under tryggleiksklasse S2, då bygningane er små og i liten grad nyttast til opphald. For å gjere planen enda tydelegare er NVE sin merknad imøtekome ved at det i føresegnene er presisert at ikkje er opna for nye tiltak innanfor omsynssone H310, med unntak av mindre utbetringar/suppleringar/ tekniske konstruksjonar som er i tråd med tryggleikskrav i teknisk forskrift, TEK17. Det er også presisert at nye tiltak som legg til rette for større og varig personopphald, eksempelvis venteskur, skal opparbeidast utanfor omsynssone H310. Bustadformål i planen er vidareført frå eldre reguleringsplan, og etter TEK17 er det ingen krav om å gjennomføre risikoreduserande tiltak for eksisterande bygningar. Men ved eventuelle søknadspliktige byggesaker vil det vere krav om tiltak. Meiner heller ikkje det er behov for risikoreduserande tiltak innanfor stasjonsområdet(o_SST). Område B1 kan takast ut som bustadformål, dersom kommunen ønskjer det.

Omsynssonen er basert på flaumsonekart utarbeidd etter hydraulisk modellering av Vossovassdraget utført i samband med moglegheitsstudie for flaumdempande tiltak i vassdraget, og tiltaka i planen skal etter vår vurdering ikkje påverke forholda i eller Merkesgrovi.

Administrasjonen si vurdering: Administrasjonen viser til tiltakshavar sine vurderingar av tryggleiksklasse for stasjonsområdet, og er samd i vurderingane. Det er viktig at planføresegnene tar med presiseringar i forhold til nye tiltak, og slår fast at eventuell tilrettelegging for personopphald skal opparbeidast utanfor omsynssone H310, dvs. aust for stasjonsbygget. I tillegg er bustadtomt B1 tatt ut, jf. kommentar til uttale frå Fylkesmannen. Faresone for 200-årsflaum inkludert klimapåslag som er lagt inn i planen er basert på flaumkartlegging jf. eigen fagrapport flaum som ligg vedlagt. Oppsummert meiner administrasjonen at innspel frå NVE vedkomande skred og flaum er ivaretatt i planen.

Statens vegvesen, brev datert 08.07.19 Peika ved oppstart særskild på støyforhold, og planarbeidet omfattar utgreiing av dette. Har ingen merknader til planframlegget.

Kommentar frå planleggar: Teke til orientering.

Endringar etter offentleg ettersyn På bakgrunn av innkomne merknader er det gjort nokre endringar i planmaterialet:

Føresegner:  I punkt 2.3 om Miljøoppfølgingsplan er det tatt med at vedlagte dokument datert 04.02.2019 skal leggjast til grunn, men ved ny kunnskap i seinare fase i prosjektet er det rom for tilpassingar.  I punkt 3.1.1 a om Bustader er B1 tatt ut.

9  I punkt 3.2.6 om Stasjons-/terminalbygg (SST) er tryggleik mot skredfare tydeleggjort ytterlegare med suppleringar i punkt b og d.

Plankart:  Område B1 er tatt ut av planen og erstatta med friluftsføremål.

På bakgrunn av endringar i kart og føresegner er planomtalen oppdatert.

Oppsummering og konklusjon Det er utarbeidd eit grundig materiale som dokumenterer planlagde tiltak gjennom plankart, føresegner, planomtale, 3D-illustrasjonar, landskapsplan og ulike fagrapportar om flaum, skred, støy m.m. Tilhøve til viktige interesser knytt til vassdrag, flaum, skred, kulturminne, barn og unge sine interesser m.m. er utgreidd og vurdert. Planen legg til rette for ein høg konstruksjon (gangbrua) i eit område knapt med areal. Tiltaket vil medføre konsekvensar for området, men som avbøtande tiltak er det satt krav om materialbruk, og tilpassingar til eksisterande stasjonsmiljø. Gangbrua vil og sikre forholda til dei mjuke trafikantane.

Utbetring av veg og bane er eit viktig overordna mål for å gjere Voss til eit endå meir attraktivt regionsenter. Administrasjonen har undervegs i planprosessen peika på ein manglande samanheng mellom dette prosjektet og ein heilskapleg strategi for utbetring av veg og bane mellom og Voss (K5). Samstundes ser administrasjonen behov for utbetringane planen legg til rette for, som inneber sikringstiltak som vil betre tryggleik og tilgjenge for både dei som bur i nærområdet og dei reisande innan kort tid.

Administrasjonen tilrår at detaljreguleringsplan for Evanger stasjon, planid 2018002, vert godkjent.

10