Sakshandsamar: Ove Midtbø Vår dato Vår referanse Telefon: 57643176 09.07.2018 2018/1781- 552.1 E-post: [email protected] Dykkar dato Dykkar referanse

Bremanger kommune Postboks 104 6721

Godkjenning av Kalvåg i kommune som typisk turiststad

Vi viser til søknad 22.05.2018 om at Kalvåg gjennom forskrift får status som typisk turiststad i perioden 1. juni til 1. september. Vi viser også til framlegg til forskrift som vart sendt på høyring 08.06.2018, med frist for innspel 06.07.2018.

Med heimel i lov 24. februar 1995 nr. 12 om helligdager og helligdagsfred § 5 sjette ledd, jf. andre ledd nr. 4, godkjenner vi i forskrift at Kalvåg i Bremanger kommune får status som typisk turiststad i perioden 1. juni til 31. august.

Bakgrunn for saka Bremanger kommune søkte 22.05.2018 om at Kalvåg gjennom forskrift får status som typisk turiststad i perioden 1. juni til 1. september. Etter at vi fekk tilleggsopplysningar frå kommunen 05.06.2018, vart framlegg til forskrift sendt på høyring 08.06.2018. Framlegget gjekk ut på at Kalvåg fekk status som typisk turiststad i perioden 1. juni til 1. september kvart år.

«I Bremanger kommune er det Kalvåg som peikar seg ut som det mest attraktive reisemålet for turistane som vitjar kommunen vår. Turisme er blitt ei viktig næring for bygda og i sommarperioden meir enn doblar ein innbyggjartalet i bygda. Det er viktig at utsalsstadar som ønskjer det, får høve til å halde ope på heilagdagar om sommaren. I Kalvåg har dei ein matbutikk, dei har stor auke i omsetning i sommarmånadane og det er viktig for dei å kunne utvide opningtida til å gjelde heilagdagar om sommaren.»

Vidare vert det vist til opplysningar frå Turistinformasjonen om at Kalvåg har om lag 35 000 gjestedøgn i sommarmånadane og om lag 3000 besøkande i lokala sine frå medio juli til medio august.

I løpet av høyringsrunda har det kome to fråsegner. I høyringsfråsegn frå Handel og Kontor i Norge region vest 11.06.2018, vert Fylkesmannen oppmoda om å ikkje godkjenne søknaden. I brevet vert det vist til at det skal gjelde ein restriktiv praksis for søknader om dispensasjon frå lov om helligdager og helligdagsfred. Det vert også vist til at utsalsstadar etter ei lovendring 1. april 2003 har høve til å halde ope frå måndag kl. 00.00 til laurdag kl. 24.00, og at det såleis ikkje gjer seg gjeldande same behov for dispensasjon som tidlegare.

Vidare vert det vist til merknader frå departementet1 om at det skal leggjast vekt på omsynet til arbeidstakarane, og at sosiale-, helse- og velferdsmessige omsyn for dei tilsette tilseier at faste utsalsstadar ikkje skal få halde ope på søndagar og helgedagar. Avslutningsvis viser Handel og Kontor

1 Ot.prp.nr. 11 (2002-2003)

Telefon 57 64 30 00 Besøksadresse Postadresse Organisasjonsnummer N-974 763 907 Hovudkontor: Njøsavegen 2, 6863 Hovudkontor: Njøsavegen, 2 6863 Leikanger Nettstad fylkesmannen.no/sfj Landbruksavdelinga: Fjellvegen 11, 6800 Førde Landbruksavdelinga: Postboks 14, 6801 Førde E-post [email protected]

FYLKESMANNEN I OG FJORDANE 2/4 region vest til at tilreisande turistar innrettar seg etter det lokale tilbodet når det gjeld handel, og at dette let seg gjere innanfor dei ordinære opningstidene.

Arbeidstilsynet Vestlandet har også gitt høyringsfråsegn i saka, og har i brev 15.06.2018 uttalt at dei ikkje har innvendingar til søknaden.

Regelverk Lov om helligdager og helligdagsfred § 5, jf. § 2, har føresegner om opningstider for sal frå faste utsalsstadar. Utsalsstadar skal ifølgje § 5 første ledd, jf. § 2 bokstav a, halde stengt på helgedagar. Fylkesmannen kan, etter søknad frå ein kommune, i forskrift bestemme at eit område skal reknast som typisk turiststad heile eller deler av året, jf. lov om helligdager og helligdagsfred § 5 andre ledd nr. 4, jf. § 5 sjette ledd. Berre område der salet i hovudsak skjer til turistar kan reknast som typiske turiststadar.

Ot.prp. nr. 11 (2002 – 2003) gir utfyllande informasjon om kva som kjenneteiknar ein typisk turiststad:

«Nr. 4 fører vidare unntaket for typiske turiststader frå den gjeldande lova. Med typiske turiststader er i første rekkje meint mindre stader der salet i periodar hovudsakleg skjer til turistar. Det er her tenkt på stader der dei faste innbyggjarane er få i forhold til talet på tilreisande/besøkjande i løpet av året, eksempelvis stader som Beitostølen, Geiranger, Geilo og Lyngør. Ein typisk turiststad treng ikkje omfatte heile kommunen. Ein typisk turiststad er dessutan kjenneteikna ved at dei næringsdrivande ofte er avhengige av turistsesongane, da kundegrunnlaget er for lite til at dei kan overleve av sal til fastbuande. Også utsalsstader i mange byar og på større stader kan oppleve omsetningsauke i turistsesongen, men denne auken kan neppe seiast å vere så vesentleg at han kan danne grunngivinga for å gi løyve til søn- og helgedagsope.

Det er vidare eit vilkår at salet i periodar hovudsakleg skjer til turistar, jf. § 5 sjette ledd. Kor lang denne perioden må vere, og kor stor del av omsetninga som må skje til turistar i denne perioden, må avgjerast konkret i kvart enkelt tilfelle. Fylkesmannen kan avgrense unntaket i § 5 andre ledd nr. 4 frå kravet om at faste utsalsstader skal halde stengt på helgedagar til å gjelde for utprega «sesongstader» i bestemte periodar av året. Med «delar av året» er meint periodar av ei viss lengd; kortare tidsrom på f.eks. eit par veker vil såleis ikkje vere tilstrekkeleg……»

I felles brev 03.09.2012 til Fornyings-, administrasjons-, og kyrkjedepartementet frå Fylkesmannen i og Fylkesmannen i bad vi om ei generell tilbakemelding på korleis regelverket om godkjenning som typisk turiststad skal praktiserast. I svarbrev frå departementet 21.09.2012 heiter det mellom anna at:

«Som typisk turiststad kan, etter lova, berre reknast område der salet i dei aktuelle periodane hovudsakleg skjer til turistar. Vurderinga må basere seg på skjøn. Aktuelle moment i vurderinga vil mellom anna vere om dei fastbuande er få i høve til talet på tilreisande/besøkjande i løpet av året, og om dei næringsdrivande er avhengige av turistsesongen på grunn av lite sal til fastbuande. I tillegg vil det kunne vere eit relevant moment om staden har eit "merkenamn" som turiststad, slik som til dømes Beitostølen, Geiranger, Geilo og Lyngør. Det er opp til Fylkesmannen å gjere ei konkret vurdering i kvart høve….

…Det er Fylkesmannen som etter lova har fått oppgåva med å ta avgjerd i saker om typiske turiststader. Departementet føreset at Fylkesmannen gjer ei konkret vurdering i kvart høve når kommunen sender søknad om å få fastsett i forskrift at eit område skal reknast som typisk turiststad. Departementet finn det ikkje føremålstenleg å fastsetje nærare retningsliner om kva for eit moment i vurderinga til Fylkesmannen som bør ha størst vekt.»

FYLKESMANNEN I SOGN OG FJORDANE 3/4

Fylkesmannen si vurdering Lov om helligdager og helligdagsfred skal verne om den alminnelege helgedagsfreden ved å setje grenser for kommersiell aktivitet på søndagar og andre helgedagar. I vurderinga av ein søknad om status som typisk turiststad må vi vege omsynet til helgedagsfreden og omsynet til arbeidstakarane opp mot andre omsyn som gjer seg gjeldande i saka.

I førearbeida til lova, Ot.prp. nr. 11 (2002-2003), er det vist til at det med «typiske turiststeder» i første rekkje er meint mindre stadar der salet i periodar hovudsakleg skjer til turistar. Det er her tenkt på stadar der dei faste innbyggjarane er få i høve til talet på tilreisande i løpet av året. Vidare er ein typisk turiststad kjenneteikna ved at dei næringsdrivande ofte er avhengige av turistsesongane, fordi kundegrunnlaget er for lite til at dei kan overleve av sal til fastbuande.

Grunngjevinga i søknaden frå Bremanger kommune kan i hovudsak oppsummerast slik:

 Kalvåg er eitt av dei mest attraktive reisemåla for turistar i kommunen, og i sommarmånadane vert innbyggjartalet i bygda dobla.  Spar Kalvåg er einaste matbutikk i bygda og har stor auke i omsetnaden i sommarmånadane. Det vil derfor vere viktig for butikken å kunne få utvida opningstid også på helgedagar om sommaren.  Turistinformasjonen i kommunen opplyser at Kalvåg har om lag 35 000 gjestedøgn i sommarmånadane og om lag 3000 besøkande i lokala sine frå medio juli til medio august.

I vedlegg til søknaden er det lagt ved omsetningstal for Spar Kalvåg for 2015, 2016 og 2017. Omsetningstala syner at omsetnaden i juli månad har vore klart størst dei tre siste åra, og meir enn dobla i samanlikna med januar. I tillegg syner tala at omsetnaden i både juni og august er vesentleg høgare enn elles i året.

Det er også lagt ved ei underskriven fråsegn frå alle dei tilsette ved Spar Kalvåg om at dei ønskjer at butikken skal få løyve til å halde søndagsope i sommarsesongen, då dette er viktig for å kunne gje eit godt tilbod til alle innbyggjarane og dei tilreisande.

Kalvåg er ein tettstad som hadde 448 fastbuande2 per 1.januar 2017. Fylkesmannen legg til grunn at Spar Kalvåg har dokumentert ei vesentleg høgare omsetning i sommarmånadane enn det talet på fastbuande skulle tilseie. Det er i tillegg godtgjort at det er mange turistar som besøker Kalvåg om sommaren, og at dei fastbuande er få samanlikna med talet på tilreisande. Vi meiner derfor det er godtgjort at salet frå Spar Kalvåg i hovudsak skjer til turistar i sommarmånadane, og at turisthandelen er avgjerande for å kunne oppretthalde eit godt tilbod også elles i året. Det er også godtgjort at omsynet til dei tilsette ved butikken er godt ivareteke.

Etter ei samla vurdering legg vi til grunn at Kalvåg fyller kriteria for å kunne få status som typisk turiststad i sommarsesongen. Vi er derfor kome til at det er grunnlag for å godkjenne at Kalvåg i Bremanger kommune får status som typisk turiststad i perioden 1. juni til 31. august kvart år.

Konklusjon Med heimel i lov 24. februar 1995 nr. 12 om helligdager og helligdagsfred § 5 sjette ledd, jf. andre ledd nr. 4, godkjenner vi i forskrift at Kalvåg i Bremanger kommune får status som typisk turiststad i perioden 1. juni til 31. august.

2 https://www.ssb.no/befolkning/statistikker/beftett/aar

FYLKESMANNEN I SOGN OG FJORDANE 4/4

Vi fastset slik forskrift:

I Postområdet Kalvåg i Bremanger kommune får status som typisk turiststad i perioden 1. juni – 31. august kvart år.

II Verknaden av dette er at postområdet Kalvåg i Bremanger kommune er unnateke reglane om opningstider i lov om helligdager og helligdagsfred § 5 første ledd i perioden 1. juni til 31.august.

III Forskrifta trer i kraft straks.

Forskrifta vert sendt til Norsk lovtidend avd. II for kunngjering.

Fylkesmannen si avgjerd er ikkje eit enkeltvedtak etter forvaltningslova, og kan ikkje klagast på.

Med helsing

Marie Solvoll Lyby Ove Midtbø fung. juridisk sjef seniorrådgjevar

Brevet er godkjent elektronisk og har derfor ikkje underskrift.

Kopi per e-post til: Handel og Kontor i Norge region vest – [email protected]

Kopi per post til: Den Norske Kyrkja v/Kyrkja i Bremanger Postboks 104 6721 SVELGEN Vest politidistrikt v/Bremanger lensmannskontor Postboks 85 6901 FLORØ Arbeidstilsynet Vestlandet (ref.2018/29642) Postboks 4720 Torgarden 7468 TRONDHEIM NHO Sogn og Fjordane Postboks 217 6901 FLORØ SPAR Kalvåg, Kaia Mat og Service AS 6729 KALVÅG