KOMMUNE Sakspapir

SAKSGANG Styre, utval, komite m.m. Møtedato Saksnr Formannskapet 18.12.2006 129/06 Kommunestyret 18.12.2006 050/06

Avgjerd av: Kommunestyret Objekt: Arkivsaknr.: Saksbehandlar: Bjørn Aurlien Arkiv: L12 06/62-25

REGULERINGSPLAN FOR BUSTADFELT PÅ VEREIDE - NY BEHANDLING

Dokumentliste: Nr T Dok.dato Avsendar/Mottakar Tittel 1 U 06.01.2006 Dagfinn Slagstad; Reguleringsplan for bustadområde på Vereide Ingunn og Kjell Nyheim; Johan Moldestad; Jorunn Vereide; Oddvin Lotsberg; Folkehøgskule; Synneve Gundersen; Gunnar Atle Vereide; Per Harald Solås; Målfrid Sørheim; Olav Christensen 5 U 31.01.2006 fylkeskommune; Oppstart av reguleringsarbeid for bustadfelt på Sogn og Fjordane fylkeskommune; Vereide Fylkesmannen i Sogn og Fjordane; Fylkesmannen i Sogn og Fjordane; Statens vegvesen 10 I 15.02.2006 Sogn og Fjordane fylkeskommune Varsel om oppstart av reguleringsplan for bustadfelt på Vereide 7 I 16.02.2006 Statens vegvesen Region Vest Oppstart av reguleringsarbeid for bustadfelt på Vereide 8 I 17.02.2006 Fylkesmannen i Sogn og Fjordane Varsel om oppstart av reguleringsarbeid for bustadfelt på Vereide 11 I 28.02.2006 Sogn og Fjordane fylkeskommune Reguleringsplan for bustadfelt på Vereide - Varsel om oppstart 13 I 20.03.2006 Sogn og Fjordane fylkeskommune Reguleringsplan bustadfelt på Vereide - Oversending av kostnadsoverslag 12 U 21.03.2006 Gunnar Atle Vereide; Bustadfelt på vereide - arkeologisk Nordfjord Folkehøgskule registrering 14 I 13.06.2006 Sogn og Fjordane fylkeskommune Søknad om dispensasjon frå kommuneplan for bustadtomter på Vereide 15 I 13.06.2006 Sogn og Fjordane fylkeskommune Reguleringsplan for bustadfelt på Vereide 16 U 25.08.2006 Olav Christensen; Reguleringsplan for Vereide bustadfelt - Oddvin Lotsberg; utlegging til offentleg gjennomsyn Nordfjord Folkehøgskule; Målfrid Sørheim; Jorunn Vereide; Johan Moldestad; Ingunn og Kjell Nyheim; Gunnar Atle Vereide; Dagfinn Slagstad; Synneve Gundersen; Statens vegvesen Region Vest; Fylkesmannen Miljøvernavdelinga; Fylkeskommunen Regionalavdelinga; Fylkeskommunen Kulturavdelinga; Fylkesmannen Landbruksavdelinga 18 I 08.09.2006 Statens vegvesen Region vest Reguleringsplan for Vereide bustadfelt - Ingen merknader 21 I 22.09.2006 Ingunn og Kjell Nyheim Merknader til reguleringsplan for Vereide bustadfelt 19 I 26.09.2006 Jorunn Vereide Reguleringsplan for Vereide bustadfelt 20 I 27.09.2006 Fylkesmannen i Sogn og Fjordane Gloppen kommune - framlegg til reguleringsplan for bustadfelt på Vereide 23 I 05.10.2006 Nordfjord Folkehøgskule Merknad til reguleringsplan for Vereide byggefelt 26 U 06.12.2006 Formannskap/kommunestyre Notat om alternativ tilkomstveg, jfr. f-sak 120/06 - Reguleringsplan Vereide

Saksvedlegg:  Plankart  Tekstdel med føresegner  Notat om alternativ vegtilkomst

Bakgrunn for saka: Gloppen kommunestyre vedtok i januar 2006 oppstart av reguleringsarbeid for bustadområde på Vereide. Formannskapet vedtok i august å legge eit planforslag ut til offentleg gjennomsyn, og høyringsperioden er nå over.

Saksutgreiing: Planforslag som er utarbeida av rådmannen i samråd med grunneigarane inneheld 8 einebustadtomter i tillegg til dei som er i området frå før. Tomtene varierer i storleik frå ca. 1,0 til 1,7 dekar. Alle vil få tilkomst frå planlagt felles tilkomstveg, i tillegg vil vegen løyse ut nokre eksisterande bustader som har dårleg vegløysing i dag. Øvrig orientering om innhald i planen går fram av vedlagt tekstdel, og blir ikkje teke opp att her. Nedanfor er merknadene til planen referert:

Statens vegvesen, Region Vest Ingen merknader

Fylkesmannen Miljøvernavdelinga er nøgd med dei vurderingane som er gjort i planen i forhold til vegtrafikkstøy og behov for friområde/leikeplassar, og har ingen merknader

Landbruksavdelinga ser det som fornuftig at det vert lagt opp til fortetting i eit etablert bustadområde. Dei ser ingen vesentlege konflikter i forhold til landbruksinteresser, og har ingen merknader.

Jorunn Vereide (gbnr 58/28) Ho ser av planen at ho er tenkt som medeigar i ny veg. Slik situasjonen er nå, er ho ikkje særleg interessert i dette. Ho har ikkje bil og har ikkje planar om å skaffe seg bil. Som einsleg i lavtlønsyrkje ønskjer ho ikkje å prioritere å delta i kostnadene til ein slik veg.

Ingunn og Kjell Nyheim (gbnr. 59/66) Dei ser det i utgangspunktet som svært positivt at det vert lagt til rette for meir bustadbygging i området, men har nokre kommentarar til planen.

Dei har privat avtale for vassforsyning, og er ikkje interessert i å kople seg til vassverk. Vassleidningen går gjennom tomt 1 og 2, og eventuelt skade på denne, eller behov for å flytte den på grunn av grave- eller byggearbeid må bli utan kostnad for dei.

Dei er svært negative til tomt nr. 1, og meiner hus på denne tomta vil kome for tett inn på deira hus og redusere verdien og trivselen på eigedomen. Dei flytta til Vereide for eit år sidan for å få litt ”armslag”, og er ikkje interessert i hus så tett innpå seg. Kommunen må ta omsyn til at dei som ønskjer å bu i utkantane ikkje vil ha same tettleiken som i sentrumsnære bustadfelt. Dei meiner også det må vurderast å auke storleiken på andre tomter i feltet, og heller regulere færre men større tomter.

Vidare meiner dei at det bør leggjast eit friområde/leikeplass innafor planområdet. Eit bustadfelt så nær både E39 og bygdevegen bør ha eit friområde for å hindre at borna oppheld seg på vegane. Det er ikkje forsvarleg å sende små born åleine langs bygdevegen bort til leikeplassen ved Vereide skule, på grunn av uoversiktleg vegkryss, ingen gangfelt og til tider mykje trafikk.

Nordfjord Folkehøgskule Etter drøftingar med aktuell kjøpar av tomt på deira del av feltet, ønskjer dei at tomt 1 og 2 vert slått saman til ei tomt.

Rådmannen si vurdering: Nedanfor følgjer samla kommentar til merknadene:

Den planlagde vegen gir tilkomst til nye tomter og høve for eksisterande til å få betre veg. Rådmannen vil i utgangspunktet ikkje legge seg opp i tidspunkt for gjennomføring og eventuell fordeling av kostnader.

Dette området er dels knytt til privat vassverk og dels til kommunalt vassverk. Det er ikkje planar om endringar på dette. Eventuelle behov for å gjere noko med eksisterande vassleidning i samband med anleggsarbeid, vil vere ein sak mellom utbyggar, vassverk og eigar av bustad som vert råka.

Rådmannen har forståing for at Nyheim ønskjer så mykje ”armslag” som råd rundt sitt hus, men har problem med argumentasjonen. Dette bustadfeltet har alt bra romslege tomter, og Vereide høyrer definitivt ikkje til utkantane i kommunen. Etter at ny E39 kom er det tomter i bustadfeltet i Åsen som i køyretid ligg like langt vekk frå Sandane sentrum som dette feltet. Og her er kortare avstand til skule og barnehage. Her er ikkje råd å finne like sentralt og godt eigna bustadareal på Vereide som ikkje er i konflikt med landbruks- og/eller kulturminneinteresser. Og sjølv om her ikkje er stor etterspurnad etter tomter, har eg vanskar med å finne gode argument for at vi skal vere enda rausare med areal på tomtene i dette feltet. Ei samanslåing av tomt 1 og 2 ville gi ei tomt på 2.7 dekar, som også er vesentleg over det vi normalt tillet som enkelttomter i LNF-område.

Når det gjeld friområde står rådmannen fast på utgreiinga som er gjort i planen. Det er ikkje berre leikeplass ved Vereide skule som blir lagt til grunn. Her er store friareal på folkehøgskulen sitt anlegg, som nemnt romslege tomter i feltet, og kort avstand til naturområde som gjer at det reelle behovet for eige regulert friområde er lite. Når det gjeld behov for sikring t.d. med gjerde opp mot riksvegen, er dette detaljar som det ikkje er aktuelt å styre gjennom reguleringsplanen. Dersom bebuarane i feltet ser behov for slik sikring, er det sjølvsagt høve til å sette opp gjerde.

RÅDMANNEN SI TILRÅDING:

Gloppen kommunestyre vedtek reguleringsplan for Vereide bustadfelt med tilhøyrande føresegner.

26.10.2006 FORMANNSKAPET

106/06 VEDTAK:

Rådmannen si tilråding vart samrøystes innstilt.

Nye opplysningar i saka: Etter at saka vart behandla i formannskapet 26. oktober, har det vore bygdamøte på Vereide. Det kom der fram ein del synspunkter som gjer at folkehøgskulen ved rektor har spurt om det er råd å gjere nokre mindre justeringar av vegtilkomsten til feltet. Endringa inneber flytting av avkøyrsla om lag 10 meter mot aust og at tilkomstvegen går meir parallelt med kommunevegen i starten. I tillegg var det ønskje om ein del endring av grensene for tomt 1.

Rådmannen si vurdering: Rådmannen har innarbeidd forslag til endring av veg i plankartet. Eg ønskjer berre delvis å imøtekome forslag til endring av grensene for tomt 1, for å unngå at tomta blir mindre eigna som sjølvstendig tomt. Det som er lagt inn i planforslaget er mindre justeringar som etter mitt syn ikkje treng leggjast ut på ny høyring.

RÅDMANNEN SI TILRÅDING:

Gloppen kommunestyre vedtek reguleringsplan for Vereide bustadfelt datert 16.11.2006 med tilhøyrande føresegner.

30.11.2006 FORMANNSKAPET

Framlegg frå Per Jarle Myklebust (Sp):

Saka blir utsett, og det blir vurdert andre løysingar på vegtilkomst til tomt 2.

120/06 VEDTAK:

Framlegget frå Per Jarle Myklebust vart samrøystes vedteke.

Nye opplysningar i saka: Saka vart på møtet 30.11. utsett på grunn av at nokon har meint at konklusjonen frå bygdamøtet på Vereide var at tilkomstvegen til feltet burde gå bakom rektorbustaden. Grunneigar Nordfjord Folkehøgskule ved rektor Hallgeir Hansen er usamd i denne konklusjonen, og har muntleg gitt beskjed om at dei som er involvert i prosjektet ønskjer planen godkjent slik han ligg føre og utan meir forseinking.

Rådmannen si vurdering: Rådmannen har laga eit notat om alternativ vegløysing som er vedlagt. Tilrådinga vert ikkje endra.

RÅDMANNEN SI TILRÅDING:

Gloppen kommunestyre vedtek reguleringsplan for Vereide bustadfelt datert 16.11.2006 med tilhøyrande føresegner.

18.12.2006 FORMANNSKAPET

Framlegg frå Hans Os (H):

Som rådmannen si tilråding, men med følgjande tillegg: - Tomt nr 1 og 2 kan slåast saman til ei tomt som omsøkt.

Framlegget fekk ei røyst og fall.

129/06 VEDTAK:

Rådmannen si tilråding vart innstilt mot ei røyst.

18.12.2006 KOMMUNESTYRET

Sjur Atle Austrheim (H) tok opp att Hans Os sitt framlegget sitt frå formannskapet.

Framlegget fekk 4 røyster.

050/06 VEDTAK:

Formannskapet si innstilling vart vedteken mot 4 røyster.